إلآ الغـدر مـآكنت حـآسب لـه إحسـآب ..
يلعن سنينك كيف حبي لك يهون
ونا عشانك بعت غالين وحباب
ارخصت ناس بعمرهم لي يضحون
وصرت انت ناسي وهلي وكل الاصحاب
على الروح ....بديتك ولاغيرك يمون
وبالقلب ضميتك ولاجابك غياب
حطيتك بعين وبكت منك عيون
ولاموني بحبك قريبين وغراب
ماكني اسمع شئ يوم يلومون
طنشتهم والحب كافر وغلاب
ماكنت افكر يزعلون او يرضون
دام انت راضي من يزعل يمسك الباب
ماهو مهم لو اخسر بحبك الكون
انت المهم والباقي بعيني تراب
يكثر كنت فيك بوقتها مفتون
يوم الخفوق يزيد بكل لحظة اعجاب
كم كنت متولع بحبك ومجنون
كم اشتعل هالقلب بعيونك وذاب
وشلون تتركني جريح ومطعون
وتروح وماهمك اذا كنت منصاب
كذا تخليني بهاالوضع مركون
ونا الذين ارخصت لعيونك الارقاب
حتى الكلاب تموت ولايمكن تخو ن
توفي لصاحبها وهي لمه كلاب
كل شئ كنت وربي متوقع يكون
الا الغدر ماحسبت له حساااب