الجزء الثالث



الفصل الثاني


(( كلنــا ..والحياة ..لا فرق!!..ءامنا بأن الحياة لا تساوي

شيئا ..وتعلمنا ..لنفترق ونتألم من لا شئ ..!!))

دانه , شيخه , رواء, شهد ... ههههههههههههههههههه

دانه : ورد قلبي من قال بنخليكي تشتغلي ياعروس ..

رواء "بحنان ": ارتاحي .. وراكي سفر .. نحنا بنرتب ..

شهد : لا ياشيخه .. اتكلمي عن نفسك انتي وهي .. عني انا

مرهقه ومافيني ,,

شهد" وكأنها تفكر" : امممممم اوكي بشرط تعطيني نورس و نوريستا ..

شيخه " بنظرة نرفزة": شهد يا طفلة بالمهد حركات الاطفال اتركيها ,

قاعده تساومي بنت خالتك من زينك ولا زين ترتيبك

اقول قومي قومي مامنك فايدة ..

مشاعل "تضايقت من كلام شهد ومن نفسي لاني مافكرت

بنورس ونوريستا و الادهى اني مافكرت بعصافير الحوض .."

"معلومة مهمة نورس ونوريستا هذول عصافير مشاعل ,, و

عصافير الحوض هم اسماكها

وهي لها فترة مهملتهم مو تقصير منها لا لكن بسبب

الظروف اللي شغلت افكارها "..

نزلت لهم وانا اطالعهم بحنان : كنتم معي بالحلووة و المرة ..

وانا نسيتكم اعذروني رغم ان عذري مو مقبول بس ادري انكم

بتسامحوني مالي

غيركم ومالككم غيري".

" مع نفسي : كيف اقدر اقنع ماما اني اخذ معايا عصافير الحوض

ونورس ونوريستا"

رواء : ورد ايش بتسوي فيهم "وهي تأشر عالعصافير

والاسماك"؟

مشاعل "قفزت من مكاني " : بسم الله فجعتيني ..

رواء طنشت كلام مشاعل وعادت السؤال..

مشاعل : مدري تتوقعي ماما ولا بابا بيرضوا اخذهم معايا ؟؟

رواء : والله انك طيوووبه اكتر من اللازم .. انت تدرى انهم

بيرفضوا ..

سكت ..


تذكرت حبيب قلبي ماجد .. نور عيني .. بروح ابوسه مثل العاده

توجهت لغرفة ماجد اسلم عليه واملي عيوني من شوفته ..

وانا رايحه غرفة ماجد .. اعترضت طريقي رواء ..

رواء "بارتباك واضح رغم انها حاولت تخفيه بس على مين" : و

وررد .. فين رايحه ؟؟

مشاعل " حسيت بغبائها" : رايحه هولويود وراجعه تأمريني

بشئ من هناك ؟؟

رواء " حاولت تشغلني بمرحها" : ايوه اذا ماعليكي امر ابغى

شوية توم كروز على حبتين جوليا روبرتس على أنــ..

قاطعتها بمسكة ايدها وبعدتها عني .. وصلت غرفة ماجد ..

ابتسمت بحب لحب حياتي لاخوي و ولدي ماجد..

فتحت الباب وشغلت اللمبات .. .. رحت غرفته مالقيته فيه .. ولا

بالحمام (عزكم الله)

فتحت عيني عالاخير ..

مـــــــــــــــاجد ..

جات رواء تركض : اوووووص ..

مشاعل " بإنفعال" : فين ماجد ؟؟ رواء .. فين ماجد ماتسمعي

ايش اسألك ..

رواء " بخوف " : مدري .. ايش دراني انا ..

مشاعل : والله لو ماقلتي لي فينــ ..

ماما : و ايش تبغي فيه ؟؟

مشاعل " رغم اللي بقلبها وخوفها لكن مو ظاهر منه شئ":

بسلم عليه واشوفه ..

ماما : مو لازم تشوفيه و اذا على السلام مستغنين عنه .. ممكن

تروحي تكملي حمولتك ..

مشاعل "بهدؤ" : ماما لو سمحتي بس اشوفه والله بشوفه بس

مو اكثر ..

ماما " وكأنها تتلذذ بتعذيبي" : ماجد مو بالبيت ..

.. مشاعل ساكته .. : فينه ؟؟؟

ماما : ارسلته يومين مع ياسر يسليه ..

ماكانت تدري ماما ان بكلماتها هذي قضت علي ..

بخاطري " ليش ؟؟ ليش ياماما حتى بأخر لحضاتي معاكم ؟؟

ليش تكرهيني انا بنتك ايش غلطتي ..

اذا غلط سامحيني ادري اني غلط بس المسامح كريم .. ايش

ذنب ماجد ؟؟

طالعتها بدون أي تعبير رغم الالم بداخلي وانا اردد بقلبي الله

يسامحك الله يسامحك.."

تركتها وانا بطريقي لغرفتي : رواء كنتي تدري وسكتي صح ؟؟

رواء "بحزن" : ايووة .. بس غصبن عني ..

مشاعل : عادي خذي راحتك .. متعووده.

دخلت غرفتي ..توجهت للتسريحة اخذ مكايجي واكسسواراتي



دانة "بنعاس" : ورد خالة مابتوافق تاخذي العصافير .. خليهم

عندي ..

شيخه" وهي ودها تضارب مع احد ومالقت الا دانه الدلوعه"

تقاطعها : داانوه ترى مشاعل ادرى فيكي مني ,, اولا / مو

فاضية دايما

تخرجي , غير انك بأول ماتبدء الدراسة وراكي جامعه.

ثانيا / البوسي كات " هذي قطوة دانه .. مشاعل ماتحبها مو

عشان شئ لا .. بس لان مشاعل عموما ماتحب القطاوي و لا

تدانيهم " تبعك

ماتخلي خلق الله في حالهم تذكري لما جبتيها هنا ,, بغت تأكل

الاسماك لو ماااصرخت مشاعل ..

مشاعل "دانه وشيخه يتهاوشوا مثل العاده وانا اطالعهم بحب ..

بأشتاق لهم ولهواشهم .. الله يسامحك ياماما حتى ماجد ابعدتيه

عني كأني

جرثومة بس اليوم كان خليتيه بس اليوم املي عيني من شوفته

انا تاركه لكم كل شئ "

دانه"باستفزاز" : شيخه ابغى افهم شئ وااااحد ليش تغاري

مني ..

شيخه "بشهقه" : نعم نعم .. اناااا "قالتها بكبرياء وغرور" اغار

منك انتي ليش ناقصة يد ولا رجل ,

شيخة : ممكن سؤال " وبصوت عالي شوي" ليش تظني اني

اغار منك؟؟؟

دانه "بهدؤ و دلع" : بكل بساطه ماتحوبي(ماتحبي) تشوفيني

مع ورد لانها تحوبني اكتر منك وتهتم فيني وتدلعني

شيخه "باستهزاء" : دانووه لا تأخذي مقلب بنفسك ترى مشاعل

حنونة مع الكل ومو غريب عليها الموضوع ..

اما عنك فأنتي اللي تتدلعي دلع بااايخ ,, مو لايق عليكي

بالمرررررررة .

دانه "وفيها بكاء" : ورد شوفي شيخه ..

مشاعل " تضايقت من حركات شيخه .. تتقصد دانه بالعاني" :

شيخه سيبيها ( اتركيها ) , ممكن بدال مهاوشاتكم تجووه

تساعدوني

وراي اشياء كثيرة ماخلصتها ..

الله أكبر الله أكبر ..

وبهالوقت أذن آذان الصبح و وحده وحده منا قامت تتوضأ وصلينا ..

ورجعت انا والبنات نرتب اغراضي هم تكفلوا بلبسي .. وانا

بحاجاتي

الثانية .. وقعدوا يتكلموا معايا وانا سرحانه بعالم مااايعلم فيه الا

ربي حتى انا مدري فين (وين) سارحة ..

شهد " بتعب "صارت الساعة 9:50 دقيقة ونحنا باقي لنا شوي

ونخلص هم متى بيجوووه ؟؟ تعبت ..

مشاعل " ببرود " : شهد ايشبك مستعجله على فراقي , تراكي

لاحقة ,

بعدين اذا تعبتي عادي ياقلبي روحي استريحي .. مابقى شئ ..

شكراااا عالمساعده نردها لك بالافراح .. " وابتسمت "

شهد اللي واضح عليها الارتباك والندم على شئ مو قاصدته :

مـشـ ..

رواء : ارتحتي ياشهد .. خفت دمك مو بكل وقت حلوووة .. محد

غاصبك تقعدي معانا

واذا بتروحي روحي .. واختي اذا هي تقيلة على قلبك تراها

اخف من الريش على قلبي و ماارضى عليها

.. اذا ماما اللي هي امي وجابتني بالدنيا مااسكت لها ان

تعرضت لمشاعل فكيف لو كنتي انتي ..

مشاعل : رواء ليش العصبيه .. عادي ما قـالــت شئ ..

دانه "بنرفزة" : شيخه بدال ماتتفلسفي علي شوفي اختك ..

شيخه " بعصبيه و دموعها بعينها " : بفهم شئ انتي يا دانه ولا

انتي يارواء تحسبوا نفسكم الوحيدين اللي تحبوها

وصعب عليكم فراقها " تقصد مشاعل" و انا واختي شهد نكرها ..

رواء وندري انها اختها .. اما انتي فلا ترفعي صوتك علي

مشاعل ادرى بغلاها عندنا وبلاش حركات مالها داااعي تفهمي

ولا تبغيني افهمك بطريقه ثانية ..

مشاعل "بنظرة إستهزاء" تصفق بيدينها : لا برافو عليكم

بصراحه مشهد ولا اروع دحين انتم مسوين هالتمثليه كلها ليش

؟؟

مشاعل " بجدية " تكلم شيخه : كنت أظنك أعقل من كذا .. هذا

وانتي الاكبر فيهم ..

كملت "وهي عاقدة حواجبها" : وانتي يادانه صحيح اللي قالته

شيخه انا دلعتك اكتر من اللازم ..

الغلط اني مااعتبرتك اخت لا .. " دانه تغيرت ملامح وجهها لذهول

مسرع ماتحول لدموع حزن و حب بعد اللي قالته مشاعل"

مشاعل : اعتبرتك بنتي رغم ان الفرق بيني وبينك سنه ويمكن

اقل بس دااايما كنتي بنتي الدلوعه عروستي اللي العب معاها

واهتم فيها .

مشاعل وهي تكلم رواء : انا قلت البنت كبرت وعقلت وبتصير

نعم الاخت ونعم الام لماجد .. " هزت رأسها بعدم رضا" ..

كملت مشاعل : شهد ماقصدت شئ .. بحسن نية تكلمت ..

يعني الواحد مايقدر يتكلم اللي يبغاه ..

وانتم تدروا اني احب حرية الرأي .. واذا هي تعبانه فيحق لها

لانها من امس سهرانة

والان الساعه قربت 10 الصبح يعني لها يوم تقريبا ً

صاحية وهي صغيرة ماتتحمل .. وبصراحه هي اقوى منكم كلكم

رغم انها اصغركم ..

انفتح باب الغرفة والكل توجهت نظراته للباب الا مشاعل "..

مشاعل " كلهم طالعوا لما انفتح الباب الا انا كان ظهري عالباب و

ماحاولت التفت لاني ادري انها ماما وجايه تقولي اتجهزي قريب

بيجووو

وفعلا هذا اللي صار"

ماما : مشاعل يالله اتجهزي اتصلوا الناس نص ساعه بالكتير و

يكونوا هنا ..

و ببلاش تأخير .. مايحتاج .. زوجك مو موجود معاهم .. سافر ..

يعني بلا مكياج ولبس فاضح ماله معنى ..

مشيت وسكرت الباب وراها ماكانت تدري ان كلماتها توجع .. بس

هانت بفارقهم وبيرتاحوا مني و من همي ..

مشيت لدولابي اختار اللبس اللي بلبسه بالسفر .. احترت ايش

البس ..

بسافر بالسيارة ولا بالطيارة .. بالاخير .. اخترت فستان مريح

يوصل لنص الساق حرير ناعم بربع كم

لونه بيج وعليه ورود وردية صغيرة .. واخذت معاه صندل واااطي

بدون كعب وله حبال تنربط لاعلى من نص الساق

بصراحه انا مااخترت هاللبس الا عشانه ناعم و مريح بالسفر ..

واذا كان على اناقة اللبس فكانت محض صدفه(هذا تواضع من

مشاعل ولا هي

قمة بالذوووق كل لبسها ذوووق حتى ملابس البيت وهذا يدل

على رقيها ) ..

توجهت للحمام بدون أي كلمة .. واخذت لي شور سريع .. رغم

كان بنفسي اخذ وقت اطول بالحمام انتعش فيه ..

طول الثلث ساعه اللي بالحمام وانا افكر بكل اليومين اللي

راحوا .. معقوله تزوجت .. معقوله مشاعل

اللي الكل بالمدرسة يتمنى يصاحبها مو بس عشان جمالها لا

عشان شطارتها وامتيازها .. واخلاقها العالية

مشاعل اللي دخلت الجامعه و المعجبين حواليها من كل صوب ..

مشاعل اللي مابقى شاب من شباب العايلة ماطاح في حبها

حتى اللي اصغر منها .. رغم اني مااعطيت احد وجه ..

كانت احلامي ماتنوصف .. تمنيت اشياء كتيرة ..

لكن الواقع كان غير .. الحلم يبقى حلم .. والواقع بمعظم الاحيان

يكون امر من الخيال ..

.. بس بالاخير الواقع لابد منه ..

شيخه و دانة و رواء و شهد .. ادري انهم متوترين عشاني

مسافرة وبعيش بعيد عنهم ..

ادري بحزنهم اللي يدارووه بإنفعالهم على بعض وعصبيتهم ..

هم حنونين على بعض وانا مو خايفه عليهم دامهم مع بعض

بس اللي قلته لهم قبل شوي .. كان لتهدئتهم مو اكثر من كذا ..

مايصبرني على اللي انا فيه غيرهم بعد الله سبحانه ..

" ابتسمت لنفسي بالمراية بعد مالبست روب الحمام " وقلت :

اليوم بتبدي حياة جديدة و رحلة لدنيا غريبه

مع ناس جداد ماتعرفيهم ولا يعرفوكي ..

و زوج عمرك ماشفتيه بحياتك .. غريب عنك .. العايلة كلها

غريبه .. يخطبوني بدون مايعرفوني ..

والاغرب ان زوجي المصون اللي ماااعرف عنه حتى اسمه

ماطلب يشوفني .. طيب ممكن اكون مو حلوة ..

احس ان اخواته الكبار وبالاخص اللي اسمها حمدة مو

طايقتني ,, وكان واضح عليها من كلامها

" حنا بدو وانتي خضيرية" ..

بإستثناء منيرة اللي كانت طيوبة معايا..

دق باب الحمام ..

مشاعل"بصوت عالي نوعا ما" : دحين طالعه..

اخذت نفس بقوووووة .. وطلعت مالقيت احد بالغرفة .. قفلت

الباب وغيرت ملابسي ماحطيت شئ بوجهي ..

غير اني دهنت جسمي عالسريع بكريم يرطبه وتعطرت وحطيت

مرطب بطعم الشوكولاه على شفاتي .. و استشورت شعري

عالسريع

مو عشان اسرحه او اسيحه .. استشورته عشان يجف.. بعدها

سويته ضفيرة (جدايل ) .. لبست عباتي .. دورت على الشنط ..

ومالقيتها اظنهم نزلوها الشغالات .. لبست عبايتي .. واخذت

اطالع غرفتي وكل ركن فيها ..

اظن البنات تركوني لوحدي وقاصدين اقعد مع نفسي ..

بصوت هامس : بودعك .. بودع ايامي .. طفولتي .. مراهقتي ..

نضوجي .. ايام فرحي .. و ايام حزني .. حتى مرضي ..

أويـتيـني بلحظات الكل تخلى عني .. كنتي الحنونه .. لك معزة

بالقلب .. استودعتك الله الذي لا تضيع ودائعه ..

" ابتسمت ابتسامة وداع كانت خليط بين الحزن والفرح والذكريات

من كل صوب " ..

نزلت درجات الدرج .. وشفت الكل بالصاله .. انا بالعادة مااحب

لحظات الوداع بالمسلسلات والافلام .. اجل كيف لوكان هالوداع

لابد منه بحياتي .... آآآآآآآآآه ..

قربت منهم وكان الكل من ماما وبابا واخواني موجود حتى

خالاتي عماتي .. ابتسمت ابتسامه مشرقة ..

وسلمت عالكل ابتداء بالاقرب .. اتصلواا الناس على بابا وقالوا

انهم ينتظروا برا ..

طالعت بابا "ببرود مو طبيعي وسلمت عليه و على شفاتي

ابتسامه بارده ..

صدقوني انا مو متقصده او متعمده هالشئ لا ابدا بس مو

بيدي .. احس اني اسوي الشئ بدون ارادة مني تطلع عفويه ..

قربت من بابا اكثر و قلت له : أشوفك على خير .. انتبه على

نفسك .. وجيت ماشية مسكني مع ايدي ..ناظرته بنظرة باردة..

بابا " بحنان ابوي" : الله يوفقك يابنتي .. اللي سويته في

مصلحتك .. لا تزعلي مني .. لانك بتدعي لي بعدين ..

مشاعل" ابتسامتي لا شعوريا تغيرت من البرود للامبالاة " قربت

منه اكثر وهمست بصوت مايسمعه الا انا و هو..

مشاعل : جزاك الله خير بابا على كل اللي سويته عشاني

كملت :استاذ سعيد "ابو مشاعل" عسى بُعدي يفرحكم ويجلب

لكم سعاده ماتنوصف .. تحركت بدون مااترك له مجال يرد ..

رحت لماما و كنت اظن وداعي لها صعب .. كانت تسوي انها

حزينه بفراقي واستغربت الوضع .. سلمت عليها .. قربتني منها

وقالت : روحه بدوون رجعه .. قولي ااامين .. ابتسمت ابتسامة

سخرية .. ورديت عليها

مشاعل : آآآآمين وان رجعت يجعل يومي ليلتها اخر ايامي

بدنيتك ياماما.. دام هذا اللي بيفرحك فالله يجعلها دوووم من

فرحة ..

قربت من هاني وسلمت عليه ضماني و عيونه تهدد بدموع

صادقه ابتسمت بحنية : هاني انتبه على اختك رواء وعلى

ماجد ..

وما اوصيك على ماما و بابا تراهم امانه ..

هاني"بقهر" : لا تفكري بغيرك دام محد فكر فيكي ..

مشاعل: الله ماينسى احد .. ضميته لصدري وحسيت بدموعه

على ملابسي بس انا ماكانت ولا دمعه بعيني ..

توجهت للبنات واولهم شهد ..

مشاعل : شهد انتبهي على نفسك .. سامحيني ان غلط عليكي

بيوم ..

ماكملت كلامي الا شهد بحضني و تبكي .. ابتسمت وكملت :

مايحتاج هالدموع ماااستاهل .. خلي شويه بيوم زواج شيخه ..

دانه كانت دموعها مغطيه عينها ..

مشاعل : دانه دلوووعتي .. تبكي .. اذا تحوبيني لا تبكي ..

بدل ماتوقف بكاء الا هي زاااادت .. حاولت اهديها بس مافي

فايده ..

دانه تبغى تتكلم و مو قادرة من كثر البكي .. حاولت اهديها ..

يادانه ياقلبي خلاص والله مايسوى الموضوع ..

طالعت شيخه اللي كانت هادئة .. وهذا الشئ مو من عادتها ..

مشاعل :شيخه أ ...

قاطعتني شيخه بحركة من يدها تعني ماله داعي الكلام ..

شيخه : مشاعل كنتي الاخت و الصديقة .. "وبعيونها دموع بدت

تظهر للناظر " تتذكري احلامنا ..

قلنا بنتزوج اخوان او اصدقاء عشان مانفترق .. " وبدت دموعها

تتساقط مثل المطر لا جرى وصار شلال ..

مشاعل ضمت شيخة لصدري بكل محبة الكون .. شيخه

صديقتي بالدنيا اختي اللي ماجابتها امي .. امي اللي ماتبغاني

بحياتها .. امي اللي

تكرهني لاسباب كثيرة مو لسبب واحد ..

مشاعل : آآآآآه ياشيخه ياتؤم روحي لو تدري ببعدي باريح

وارتاح ..

" شيخه طالعتني بإستفهام "

مشاعل " بحزن واااضح " : شيخه انتي تدري عني كل شئ من

البداية ليومك هذا .. انتي اقنعتيني انسى واقبل الزواج ..

شيخه انا انسانه لي طاقة معينه ان الضغط اللي اعانيه اتعدى

حدودي ماراح اتحمل .. ماراح اتحمل ..

بمووووت .. وبتذكريني و تقولي صدقت مشاعل باللي قالته ..

شيخه : بسم الله عليكي لا تفاولي ايشبك هبله انتي بسفر لا

تفاولي ترى قلبي مو متحمل بنجن ان صار لك شئ ..

مشاعل : سلامتك من الجنون .. ابغاكي تصيري عون لي .. انتي

الاقوى ..

شيخه اذا طلبتك تلبي ؟؟

شيخه : تسأليني يامشاعل وانا قلبي لكي ..

مشاعل "برجاء" : انتبهي على نفسك و أوصيك بدانة تراها

وحيدة من بعدي ,, ماعندها اخت و امها داايما مو فاضيه

انتبهي عليها أماااانه ..

شيخه : لا تخافي عليها دام هي دلوعة تؤمي بدلعها بس هااا

قولي لها لا تزودهاا ..

مشاعل : اما انتي فأطلب من ربي يحميكي ويخليكي لي .."

ابتسمت وابتسمت شيخه وهي تبكي ..

تسألت بيني و بين نفسي ليش دموعي عيت تنزل .. هل انا

انسانه قاسية ما اتأثر بدموع احد ..

كنت بيوم من الايام مرهفة الاحساس دموعي تنزل بأقل

المواقف وبهالموقف بالذات لو كان

من سنتين كان نزلت شلالات من الدموع .. سنتين من حياتي ..

ودعتهم .. هاني يستعجلني وبابا بعد اللي قلت له ماعاد كلمني

و لا صار يحط عينه بعيني كأنه يتجنبني ..

دانه " تصرخ بصوت عالي " : مشـــــــــــــــاعل لااااا تروحي امااانه .. تكفى ... لا تتركيني .. مالي احد .. مالي احد

مشاعل انا احبــــــــك .. والله بعطيكي كل اللي تبغيه بس لا

تسيبيني .. ماااتحمل .. راح اسمع كلامك والله

وطالعت بشيخه و قالت : شيخه اقسم بالله ماعاد اتضارب

معاكي .. وكل شئ بتقوليه بسويه .. بس قولي لها ..

لا تتركني ماااعند اخت غيرها حتى صديقات ماعندي .. حتى ام

ماعندي ..

مشاعل "ركضت لدانه اهديها" : دانه لا تقولي ماعندك ام .. انتي

تدري قد ايش امك تحبك صح ولا لا ء؟

دانه " بصوووت عالي سمعها الكل من البداية" :

لاااااااااااااااااااااااااااا ماعندي هي دااايما مشغوله عني بالحفلات

و المناسبات و الطلعات

انتي اللي كنتي جنبي لو مرضت .. بفرحي جنبي .. بحزني

جنبي.. ابغاااااكي ..

" تعلقت فيني دانه ومو راضيه تفكني تمسكت فيني لاخر لحظه

لدرجة حسيت ان ذراعي تشققت من اظافرها .. فكوها عني

بقووة لان اهل زوجي المجهوول بره ينتظروني ..

وانا اصارخ عليهم : بشويش عليها حراااام عليكم يدها لا

تنخلع .. " ماكان همني يدي .. اللي همني يدها .. هذي دلوعتي

وبصوت عالي : هذي دلوعتي لاحد يأذيها .. أمانه برقبتكم كلكم ..

دانه و ماجد ..

جرتني ماما لعند الباب وهي تقولي : لعبتي براس

الكل حتى دانه.. سحرتيهم .. ياساحرة .

شيخه : خالتي حرااام عليكي كفاية اللي نحنا فيه خلاص

بتروح .. بترووووح مششاعل .. ايش تبغي منها ؟؟

مشاعل " بخوف واضح" انتبهي عليها ياشيخه .. شيخه انا

مااخاف عليكي لا انتي ولا رواء لان رواء قوية مثل ..

" طالعت بماما وكأني اقول رواء قوية مثلك " وبعدها كملت : لا

تنسي دااانه و ماجد ..

توجهت لنورس و نوريستا واخذتهم وهذا كله قدام عيون ماما .."

وكأني ابغى اقهرها .. مو كأني الا اكييييد ابغى اقهرها بأي

طريقة "

رواء : مشاعل لا تروحي ..

مشاعل : فات الاوان رواء .. انتبهوا على نفسكم .. احبك رواء

واحب دانه واحب شيخه و احب ماجد وهاني .. حتى ماما وبابا

حتى ياسر ..

أحبـــــكم كلكم .. كلكم .. مااقدر اقوول اني حزينه على

نفسي .. انا حزينه لبعد الغالين علي ..

خايفه احد يهملهم .. اخاف يصير لهم شئ ..

ولا انا ماهمتني نفسي دامها ماهمت غيري

..

خرجت من الباب الرئيسي" بعبوس و أسى وحزن .. هذا عمر

ياناااس عمرر.. "

وشفت بابا يتكلم مع رجال باين عليه كبير بالسن .. و يمكن اكبر

من بابا بكثير ..

اشر لي بابا اقرب منه طبعا .. انا كنت متلثمة كعادتي .. رحت

عند بابا ..

بابا : ورد بنتي قربي سلمي على عمك ابو زوجك ..

وانا بصراحه حسيت نفسي غلط و منحرجه بالمررررة ..

قربت بتردد وهو كان ماد يده وبسته بيده وجه وقفا بعدها على

راسه .. وهذي عادتي وحسيته استغرب من حركتي

انحرجت اكثر ..

قلت بقلبي " ايش الغباء هذا دحين يحسبك هبله وانتي مسويه

فيها بنت ناس .. وانا ابرر لنفسي بس انا داايما كذا اسلم

عالكبار "

انا من الاحراج ماادققت فيه ولا طالعته ..

: شخبارك بنتي ؟؟

مشاعل " اقشعر بدني لصوته كان دافي و حنون و حلو" رفعت

رأسي شوية شويه وطالعت بعيونه ..<<<< حشى مو ابو

زوجها و بمكانة ابوها اخسسسس مهيب هينه البنت .. قزت

الرجال قز .. مسكينه ماحست بحنان هالكثر و من صوووت غريب

عليها وقريب منها ..

وكأنها تعرفه من زمن .. من زمن بعيييد ..<<<< مسكينه مب

شايفه خير لالا تفهموني غلط اقصد ماحست بحنان مثل كذا

مشاعل "ابتسمت من قلبي .. كان حنون .. اول مرة من يوم

ماقالوا لي اني بسافر حسيت بفرحه بسيطه "..

حسيت الرجال انحرج ..من نظراتي ..

بابا : مشاعل ايشبك ماتردي عمك من اول يسألك ..

مشاعل : "بخجل ونعومة وبصوتها الرقيق " : الحمد لله ..

: زين بنتي نتوكل , الطيار بتحرك بعد نص ساعه ..

بابا : يالله على بركة الله .. تركنا العم .. والتفت بابا يطالعني

وقال : مع السلامه لا اوصيكي على زوجك وبيتك .. وحضني

بقووة

بابا : مع السلامه .. في أمان الله و حفظه ... مشي داخل البيت

ضليت وااقفه اطالع في الغبار ..في الهواء ..

يعني بيخليني اروح لوحدي مابيجي يودعني للمطار .. مو كفايه

عليهم اللي بيسووه فيني ..

طالعت البيت اللي ضنيت بيوم انه بيتي .. شعور غريب انك تحس

نفسك غريب عن اهلك .. مو مرغوب من اقرب الناس لقلبك ..

وانا التفت بدخل السيارة سمعت صوت صراخ بعيد رفعت رأسي

لفوق وشفت منظر قطع قلبي ..

كانت دانه وهي قاعده على ركبها وتتوسلني وشكلها مقطعه

عمرها من البكى ..

وكانت تتكلم كلام مو سامعه منه شئ لانها كانت فوق ببلكون

غرفتي .. وصوتها من كثر البكى مو مسموع..

ماقدرت اتحمل اللي اشووفه .. لا شعورياا جريت للبيت مطنشه

الي بالسيارة .. فتحت الباب الرئيسي للفيلا

دخلت وانا بركض .. ماما اعترضت طريقي ..

ماما " بعصبيه و نيرااان طالعه من راسها غير الدخان اللي من

اذنهاا "<<<< خخخخخخخخخ تشبيه حلو ترى مو مشاعل ,

اللي مشبه انا ولا لو درت مشاعل الهبلة كان عطتني هذيك

النظرة ولا ذاك الكف اللي يذبح

ماما : تخرجي دحين وبهالوقت لا والله اخليكي تندمي عاليوم

اللي ناديتيني فيه ماما .. تفهمي ولا افهمك ..

مشاعل ببرود : بشوف دانه وبروح ..

ماكملت كلامها الا امها مسكتها مع ايدها وجرتها لبرى .. دفتها

و قالت : لا عاد اشوفك طابه هذا المكان وان طبيتي لا انا امك

ولا انتي بنتي .. وغاضبه عليكي ليوم االدين ..

مشاعل اتجمدت من كلام ماما .. ضليت ثواني عند الباب و رجعت

عالسيارة و بدون أي كلمة دخلت

و قلت : السلام عليكم بصوت واطي .. ردوا علي السلام .. بس

ماحسيت باحد..

..

وصلنا المطار ..

^^^^^^^^^^^^^^^^^^