الجزء الخامس

الفصل الأول

( تـــــــعـــــــ تـــعـــرف ـــــــــــارف ")
( .. كل ماجيت أبطرد صورتك من خيالي...شفتها في منامي تبتسم كل ليلة ..)
ترررررررررن .. ترررررررررررن ..

: همممم .. " تفتح عينيها بكسل ناعم .. " توجهت للحمام وانتم بكرامة توضت ... فرشت سجادتي ونا مدري اذا اذن

ولا لاء .. صليت ركعتين قيام الليل .. مثل عادتي .. جلست انتظر ..

: دبااااا .. دباااا .. يالله عاد .. شفييك ... والله مشغوول لراسي .. حتى غداء ماتغديت .. وعشاء ماتعشيت ..

والحين الساعه 3 الصبح وانا على لحم بطني .. اول ماشفت رسالتك ظنيتيك مشتاقه اتريك شينه ..

وكلامك اشين منك يالشينه ..

مشاعل : ..... " لاجواااب "

: عيوني ... عمري ... حياتي ... أحـــــــــــــــــبـــــكــــ ..

: تحبيني ؟؟؟؟؟؟

؟؟؟؟
؟؟؟؟
؟؟؟؟
؟؟؟؟
؟؟؟؟

مشاعل :

أحبك حقاً ..

ولا تسألني لماذا أحبُ؟

وكيف أحبُ؟

فهل يُسألُ الغيثُ كيف انهمرْ؟

وكيف أفاقتْ زهورُ الربيعِ ..

وكيف شذاها الزكيُّ انتشرْ؟


أحبك أنت ..

لأنك انت .. ..

فأنت النسائمُ وقتَ السَحَرْ

وأنت الندى فوقَ خدِّ الزهرْ

وأنتِ الرياضُ..

بثوبِ المطرْ

بعطرِ المطرْ

بنقر المطرْ

نجود : منتي بهينه ... اتريك تشعرين ومن وراي .. هااا ؟؟ اعترفي ..

مشاعل " نقرزت من صوت نجود رغم انه واطي بس كنت وحدي بالغرفه ماتوقعت انها تدخل ..بخجل من ذكرياتي اللي اعتبرها

بلحظه خيانه ... وأنا اكثر ما أكره بالدنيا فهو الخيانه "

مشاعل "بصوت واطي": أأأســفه ..

نجود : وشوووو ؟؟ " ماسمعت "

مشاعل "براحه انها ماسمعتني ضنيت انها قرأت افكاري <<< من جد البنت صايره هبله لوول

ولا شئ .. ايش اللي مصحيكي ؟؟

نجود : اولا صباح الخير , ثانياا سلامتك .. الحين بيأذن .. قلت اصحيك .. اثريك صاحيه قبل .. ولا مانمتي ..

مشاعل"تقلد نجود" :اولا الا نمت و قومت قبل شويه ,, ثانيا صباح الجلاديولاس ..

قاطعتني نجود : وشوووو ؟؟

مشاعل " بابتسامه " : صباح الجلاديولاس ..

نجود : وش يعني ؟؟

مشاعل : ابداا .. الجلاديولاس نوع من الازهار ريحته حلوووه وشكله احلى يستخدموه العرايس بمسكاتهم ..

وسعره غالي نوعاا ماا ..

نجود : احلى والله مرت اخوي مثقفه ..حركات .. زين بروح اصحي البلى اللي بغرفتي ..

مشاعل " بضحكه خفيفه " : حرااام عليكي نجود .. والله منوررة عسل ..

نجود : ادري بس احب العوزها ماتشوفينها لاصقه بحلقي 24 ساعه الحمد لله انك جيتي ... اقلها نتقاسم اليوم

انتي 12 ساعه وانا 12 ..

سمعنا صوت الاذان ...

مشاعل : طيب ياحلووة انت روحي صحي العسل .. وانا بصلي ..طيب ..

نجود : زين بس الفطور الساعه 8 ...

أومأت راسي بايجاب ..

طبعا خلصت صلاتي وقرأت قرآن " قعدت بيني وبين نفسي اقول لازم اراجع كل يوم جزء من القرآن عشان مانساه ..

على قول الاستاذه جزاها الله خير بالتحفيظ تقول .. حفظ القران مافي اسهل منه .. بس الاستمراريه على تذكره وعدم نسيانه صعب

.. خلصت وقمت بلبس احترت كل شئ مو عاجبني ليت الرباعي المرح معايا كان ماتعبت .. من جد انا بعدكم ولاشئ ..

صدق اللي قال :

يامن يعزّ علينا أن نفارقهم..

وجداننا كل شيء بعدكم عدم..

بالاخير استقريت و لبست فستان قطني كمه حيران ويبين الكتوف ويوصل اعلى نص الساق بشويه ..

ولبست عليه بوت من القماش لونه بني .. اما الفستان فلونه مثل لون الحليب والشاي بس على فاتح ..

عليه طبعه من الوسط صورة شفايف مكتوب فوقه every thing ok .. يمكن هذا يعبر عن مخيلتي رغم اني مو مطمنه ..

رحت غرفة نجود .. شفت منورة نايمة .. كان شكلهااا مررررة حلووو ..

مشاعل : منووورة ... منووورة .. قلبي قومي .. منووورة .. ياربي .. منورة ...

نجود كانت خارجه من الحمام .. : هااااااااو وش ذا الزين .. بتغطين علينااا ..

مشاعل : نجود شوفي منورة لي ساعه اقوم فيها الدبااا مو راضيه تقووم ..

نجود : ياقلبي هذي ماينفع معها النعووومه .. هذي مايبيلها الا الخشوونه .. اوريك فيهااا ..

وراحت عزكم الله الحمام وجابت شوية مويه ( ماي ) بيدها وقربت من نجوود .. وصرخت بإذنهااا :

ملقوووووووووووووووووووووووووووووفـــه .. بعدها رمت المويه على وجهها بعد مافاقت مفجوووعه من نومهاا ..

استوعبت منورة بعد ماجرينا انا ونجود على غرفتي .. ونحنا نضحك .. وهي مدري ايش تقوول ..

نجود : شعوله بتنزلين كيذا ...

مشاعل : انحرجت " : لا ... كنت بقولك اني مااقدر انزل ..

نجود : ليشش ؟؟

مشاعل : بصراحه ماعندي جلابيه ولا شئ طويل الا بناطيل حتى تنانيري الطويله مفتحه وفيها فتحات ..

نجود : مااقصد شئ شعوله لا تفهميني غلط .. شرايك اعطيك من عندي جلابيه شحلاتها .. وجديدة بعد..

مشاعل " ياربي الله يهديكم يااشيخوووه انتي ودانه .. ولا هذي حركات ماخليتم شئ محشم .. ": طيب ..

نجوود : شطووورة .. يالله معاي ... ورحنا غرفة نجود بحذر من منورة .. اللي كانت بالحمام ..

وعطتني الجلابيه رحت غرفتي ولبستها ... كانت حلووة .. وطقمت معاها اكسسوار خفيف .. رحنا غرفة الاكل وكانوا ماما وبابا فيه ..

فطرنا ... وقالنا بابا ساعه ونكون جاهزين عشان نوصل قبل الكل .. لان فيه ناس جاايين من الشرقيه واللي جاي من الرياض ..

فلازم نكون بالاستقبال …..



( اذا انا العين فأنتي الحاجب .. وذيك الرمووش ..)


كل واحد رايح غرفته ... رجعت رحت لغرفة نجود وطقيت الباب ..

طقطق .. منيرررة : دخلي مرت خالي ..

مشاعل : ايش دراكي انه انا ؟؟؟

منيرة : محد بيطق بهالنعوومه الا انتي .. وبعدين تعالي هنيه مااقلتي ان ماعندك ثيابٍ ساتره ..

وراك اشوف ثيابك ساتره شحلاتهااا .. تكذبين علي ...

نجود "بخبث " : الحين هالثياب حلووة ... تدرين انها لي وانا عطيتها لشعوله ..

منيرة " تسووي ذكيه " : اها وانا اقول الثياب مب ذاك الزود اللي محلينهااا القمر اللي لا بستنه ..

مشاعل : ههههههههه .. طيب ياااذكيه ..

جوود بنجلس بالمزرعه لليل ونرجع ولا كيف ؟؟

منيرة "بلقافه " : لا بنام هناك ..

نجود "بنص عين " : منيرة .. ماتتركين عنك اللقافه .. يالملقوفه ..

منيره : اووووف شقلت سألت وجاوبتها ..

مشاعل : بنات ... ترى بابا قال ساعه .. "قلتها وانا ماشيه " ..

طبعا جهزت اشياتي اللي احتاجها ليومين .. احتياط للظروف ..

ولبست عبايتي رحت لغرفة نجود و الباب كان مفتوح دخلت كانوا بيقفلوا شنطهم ..

مشاعل : المزرعه بعيده ؟؟

منيرة : بيأخذ ساعه عبال نوصلها ..

الخدامه : ماما نجود هزا (هذا) بابا كبير كلام انزل تهت (تحت) ..

نجود : زين الحين نازلين انت روحي بنلحقك ..

نزلت الشغاله ونحنا بعدها ركبنا السيارة ..الشغالات مع فهد ونحنا مع بابا ..

وقفنا عند محطه واشترينا شوية اغراض .. شيبس وعصيرات وشوكولاته .. لزوم السهررة على قول منورة ..

ووصلنا .. وياسلام لما وصلنااا .. شئ رائع .. بجده اكثر شئ كنا نروح كباين ولا استراحات ,,جلسات .. أشياء كيذا .

خبركم ماعندنا مزارع .. غير بحر و احلى بحر.. بصراحه تمنيت اشووف مزرعه هنا بالسعووديه ماغير اشوف

المزارع ياكثرها ببلاد برى .. صحيح اني شفت بالطايف مزارع بس شفتها من بعيد مو من قريب ..

الحمد لله .. والله مزارعنا حلى من اللي عندهم ... بكثيير ..

بعد ماوقفت السيارة اخذتني منيرة بسرعه ..

منيرة : شوشو .. تعالي اراويك المزرعه .. ومسكتني مع يدي وتجرني ..

مشاعل : منوورة .. يدي بشويش ( شوي شوي ) بتنخلع .. وبعدين مية مرة وانا اقوولك لا تقولي شوشو يعني انتي ماعندك غير

شوشو ومرت خالي ..

منيرة : خلص ولا تزعلين اختاري ياشوشو يامرت خااااااااااالي .. خخخخخخخخ

مشاعل :: اوووف .. منورة والله يدي توجعني ..

قاطعتنا نجود وهي تلهث من الجري و مسكتني مع يدي اليسار لان منورة ماسكة اليمين ..

وجرتني جوود لعندها وتقول : الحين ادري فيك يالغووله تبين تورينها اصيل قبل لا اوريها .. حركاتك مكشووفه ..

مشاعل " محتارة منهم مو فاهمه عن ايش يتكلمو " ..

منورة "بقهر": نجووودووه .. هاتي مشاعل " مسكتني مع يدي مرة ثانيه تجرني لها " ..

مشااعل : اااي ..

نجود "بغيظ" : عسااكي الكسر قولي اامين تحسبين البنيه مثلك غوله .. مالت عليك .. فكيها ..

منورة : انا اخذتها قبلك .. وهي من حقي .. يالله اقول ضفي وجهك .. شوشو ماتروح الا معي " والتفت لي " .. بتمشين معي صح

؟؟

مشاعل " ويدي صارت تألمني .. بهمس":اللهم طولك يارووح ..

نجود : مسكينه شعوله مهيب قادره تقول ادري فيها تبيني انا .. يالله عاد ياللزقه .. انقلعي ماتروح الا معي ..

مشاعل " وراسي بينفجر " : بناااااااااات .. الله يخليكم .. راسي صدع .. بروح معاكم الاثنين ..

منورة : لااا معاي انا وسحبتني لها ومشينا .. جات جود تقول"وهي تسحبني" :

تضنين اني بستسلم .. لا ياعيوني ماتعرفيني .. شعووله ماتروح الا معي .. وبعدين انا اولى فيهاا نسيتي انها مرت اخووي ..

منورة : وعلى مااظن انها مرت خالي ..

نجود : شعوله .. شوفي انا بسألك وانتي قولي .. بس قبل ماسأل بقولك انك عيوني .. بتجين معي ولا لاء ؟؟

منورة : شعوله وانا بعد انتي عيوني .. بتجين معي انا صح ؟؟

نجود " بإستهزاء ": ياشين التقلييييد

مشاعل : اذا انا العين فأنتي الحاجب "قصدت نجود .. وذيك الرمش " وهنا قصدت منيرة" .."

نجود : شفتي شلون تحبني انا اكثر ماشفتيها شقالت ..

منيرة : وانا بعد سمعتها تقول اني الرمش .. معناه انا ..

: لا انتي ولا هي ... شعوله بتجي معي انا ....

( ..كل الكلام اللي ابي اقوله راح لما شفتكـ ..)
^

^

^

^

^

^

^

^

^

عاد هنا وانا رجلي اتحجرت مو قادره امشي .. واحد رجال لابس ثوب ومتلثم بشماغ احمر وعليه جسم ولا جسم بنت من قوامه ..

وبصوت حسيت به بحه حلووه لو كان بنت كان احسن .. طبعاا انا بعد مااستوعبت اتخبيت وراء نجوود ..

وهنا الثلاثه نجود ومنورة والفارس الملثم .. يضحكوااا بصووت عالي .. استغربت الوضع ..

بعدين حسيت بشئ غريب .. رفعت راسي الي مخبيته ..

وتوجهت للفارس الملثم .. وشلت عنه اللثمه .. وهنا كانت الطامه .. "فتحت فمي "

نجوود " بضحكه " : ماالت عليك شعوووله ينضحك عليك بسهوله ..

منيرة : ولا انا اوريك قبل لا انا قبل .. وربي شكلنا يضحك وحنا نتضارب عليك ..

مشاعل : والله العظيم مو فاهمه ولا شئ ..

نجود ومنيرة والفارس الملثم يناظروا بعض .. ههههههههههههههههههه ..

ومن كثر الضحك منيرة قعدت بالارض ..

مشاعل : افففففففففف .. لما تخلصوا ضحك .. كلمووني .. " وجيت ماشيه .. اللي مسكتني .."

: مشاعل لا تزعلين .. تراهم كذا وانا بعد .. دامهم اهملوا تعريفي لك .. بعرف عن نفسي ..

شالت الشماغ من راسها .. انا اصيل بنت حمدان اخو زوجك .. وحياك ياقمر " وهي تغمز لي " بعايلة الــ... الاجاويد ..

مشاعل " جيت بعرف عن نفسي .. بس ايش بقول .. اقول اني مشاعل فهد الــ ... زوجة اخوكم اللي مااعرف اسمه احسن لي

انطم .. على قولة القايل .. قل خيراا او اسكت ..

"ابتسمت " مشاعل : دحين الاختين يضاربوا عشان من الاول اللي يوريني اصيل .. والله انكم مخفه ..

نجود : نحنا كنا بنوريك شئ ثاني ..

ومثل العاده منيرة بلقافه : كنا بنوريك هالفارس شلون يمتطي الخيل .. لكن كله بسبت هالخبله نجوود ..

نجود : لا والله حلفي .. انا الخبله .. عاد انتي عاقله .. مافي اجن منك ..

مشاعل : يااااساااتر .. دحين ممكن تسكتواا .. اففف

مشاعل " التفت لي اصيل " : دحين انتي كيف قدرتي تستحملي هالاثنين كل سنين عمرك ..

اصيل " بفجعه " : اعوووووووذ باله انا استحملهم .. عز الله مالقيتني هني .. بتلاقيني بمصحه عقليه ..

ولا هذولي " تقصد جود و منورة " .. احد يتحملهم .. والله اتحمل اخواني الصغارر ولا هم ..

مشاعل : هههههههههههه .. حتى اصيل مو متحملتكم ..

نجود " بزعل " : الحين حنا محد بيتحملنا ... حتى انتي شعووله وانا اقوول شعوله لو جت اسوي واسوي اثريك مثلهم ..

منيرة " تقلد جود " : وانا بعد من كثر مانجود تحكي لي عنك وعن اخلاقك وشكلك .. قلت والله اني بروح معهم واخطبك بنفسي

هذا وانا فرحانه واخطط اني انتشلك من نجود ..

هنا نجود بققت عينها : الحين بتأخذين مشاعل مني ..يالحمارة .. والله لو ايش ماتاخذينهاا ..

" بلحظه خفت انهم زعلوا صدق .. بس مسرع مودهم ماتحول .. والله هالبنتين مااافي احلى منهم .. يضحكو بثواني ويتناقرو

بثواني .. ويتراضو بثواني .. الله يخليهم لبعض .. تذكرت دانه و شيخه .. الله يخليهم لي ..

اصيل : لا تأخذين بخاطرك تراهم يطنزون ادري فيهم ..

مشاعل : مين قال اني ازعل منهم .. هذولا لو انحطوا عالجرح يطيب ..

اصيل : اجل شفيك حزينه .. " هنا حسيت كأني اتكشفت " ..

مشاعل : ابدا مين قال ؟؟ ..>>> ياشين التصريفه ..

اصيل : محد بس شفت كلام بعيونك .. قلت يمكن ... " طبعاا هذا كله وانا و اصيل مشينا للبيت وتركنا الاثنين .. "

مشاعل " بابتسامه مشرقه " : تفهمي بكلام العيون ؟؟

اصيل : مااقول خبيره .. تقدرين تقولين متمرسه ..

ناظرتها وهي بعد وضحكنااا ... اصيل : ياشين الفلسفه ..

دخلنا من باب خلفي .. حسيته مثل القبو .. او مخزن .. كان مظلم .. وغبار ..

اصيل : دخلي .. " دخلت اصيل .. وانا وراها استغربت الوضع .. كنت واقفه اطالع في اصيل وهي بركن الغرفه مدري ايش تدوور

مشاعل" وانا اكح من الغبار" : كح كح كححح ..اصيل بطولي .. ترى الغبار يكتمني ..

اصيل : اووه نسيت انك رقيقه .. اتحملي شووي بوريك شئ تشكريني عليه ..

مشاعل "استغربت كلامها ": طيب بسرعه ..

وبعدها جاتني اصيل وبيدها شئ مثل الملف كبير .. لحظه لا مو ملف .. "فتحت اللمبه" .. ايه هذا البوم ..

اصيل "وكأنها بتوريني مشروع يكسبني ذهب .. الله يستر منك يااصيل " : ميشوو بوريك شجرة العايله ..

خخخخخخخخ .. يازين الفلسفه .. اقصد بوريك صور العايله .. " وهي تغمز لي " وبوريك حبيب القلب ..

مشاعل : نعم " قلتها باستفهام "؟؟؟

اصيل "بضحكه " : لا تخافين مابعلم عليك ادري فيك ..

مشاعل : ايش اللي تدري عنه .. خبريني يمكن مدري..

اصيل : عمري لا تخبين .. اصلا مهب بس انتي اللي تحبينه كل بنات العايله يموتون فيه .. بس الفرق بينكم انه لك حلالك ..

اما هم فيموتون قهر.. والله لو انه مهب عمي والله مااخليه لك ولا لغيرك ..

مشاعل " باستفزاز" : ليش وش الفرق بينه وبين غيره ؟؟

اصيل " ببرأه ..مالاحظت استفزاز مشاعل .. شكلها مغرروومه بعمها " : الفرق ياقلبي .. انه واحد مافي مثله ..

وتتكلم برومانسيه .. عمي عذاااب .. نظرته تطيح الصقر من السمااا ..نظرته حااده فيهااا رزه وشقاااوة ..

وياحلو شقاوتها والله ماتحسينه الا صغير يوم يلعب معنا حنا البنات ..

مشاعل "باستفسار" : بنات ؟؟

اصيل : خخخخخخخخخخ تغارين هااا ؟؟ تغارين عليه .. ادري .. ويحق لك .. وتقولين وش الفرق .. اثريك مسووين ثقيله ..

ايه خليك كيذا ثقيله تراه مايحب الخفاف ..

زين بكمل لك .. كريم لدرجه ماتتصورينها .. والشجاعه مااقول صفه لا الشجاعه طبعه ..

وازين شئ انه فارس يمتطي الخيل بطريقه تخليك تناظرينه بشغف .. تدرين اني احيان اتمسكن معه لما يزورنا ..

ابيه يوديني الكليه .. خخخخخخخ ابي اتفاخر فيه قدام صديقاتي .. تدرين مرررة شقلت ..

مشاعل " بحذر " : ايش ؟؟؟

اصيل "بضحكه" قلت لهم خطيبي .. خخخخخخخخخ

مشاعل " والله اني ضنيت ان منوررة هي اللي شووي مخفه ..اتاري فيه اللي اخف الله يستر من هالعايله .."

مشاعل : اها ..

اصيل : شفيك ميشوو تراه عمي لا تخافين ماابأخذه منك بس بشرط تسلفيني هو بالاعياد ..خخخخخخخ

مشاعل : ولا يهمك قلبي .. خذيه لللابد .." والله مدريه كيف قلت هالكلام طلع مني عفويااا .. وندمت عليه يبيلي اثمن كلامي قبل لا

انطقه .. حسيتها تناظرني بطريقه غير .."

أصيل : ميشو انتي شفتي عمي ولا لاء؟؟

مشاعل " هنا حسيت باحراج .. بالله ايش بقول .. احسن اقول الصراحه " : لا ..

اصيل "براحه ومرح " : اجل بوريك هو عشان تعرفين ان كان كلامي صدق ولا لاء ..

فتحت الالبوم .. : شوفي هذاا جدي يوم كان شباب .. تحسينه يشبه عمي علي .. او ان عمي علي يشبه .. كلها وااحد مو؟؟

خخخخخخخخخ

وهذي جدتي .. " ابتسمت يوم شفت ماما .. ماشاء الله لا قوة الا بالله حلوووه الا قمر وانا اقول جود ومنورة وحتى اصايل طالعين

لمين .. القمر مايجيب الا قمر "..

وهذا ابوي حمدان .. حلوو موو ؟؟

" بصراحه كانت الصورة قديمه" : هو ملامحه رجوليه وتقاطيع وجهه شووي قاسيه ..

اصيل : ايه دووم انه صاارم .. حتى كلامه نادر ..

وهذا عمي فهد وهو صغير شوفيه شلوون ماسك عمي عزوز .. خخخخخخخخ ماسكه من سروااله .. فشيله أعمامي يضحكون

لا ولو تسمعين سوالفهم تموتين نفسك من الضحك ..

مشاعل " بقلبي .. هذا فهد حتى بصغره ماترك احد الا اذاه.. حسدتها .. ماشاء الله .. مو مثلنا .. الحمد لله "

كملت اصيل : شوفي شلوون عمي عزوز يطق عمتي فايزة .. والله انهم خبال ..

وهذا عمي عمر .. شوفي هو و عمي علي دووومهم وهم صغار يتهاوشون .. والحين مايتحملون يفارقون بعض ..

وهذا احمد اكبر من عمي فهد .. بصراحه يهبل ..لانه يحب البنات ...

شوفي شلوون عمي احمد يبوس راس عمتي حصه ..

اقول لك شئ ماتعلمين احد .. قربي .. " قربت " .. مدري ليه احس اني مااحب عمتي حصه ..

مشاعل " وانا مادخلت قلبي بس مااكرهها .. " .. : ليش .. سوت لك شئ ..

اصيل " بضيق " : دووم ماتعجبها ثيابي .. ولا شئ فيني الا تنتقده .. ولا منيرة ماتقدر عليها لان منيرة ماتسكت لهاا ..

وانا مقدر اقول شئ ..

مشاعل : ليش ؟؟

اصيل : اخاف من ابوي .. " وكأنها حست انها قالت اكثر من المطلوب فغيرت مسار كلامها " ..

زين .. شوفي هذي عمت ابووي حفصه اخت جدي .. وااايد حنوونه .. وبتحبينها اول ماتشوفينهاا ..

وهذي بعد عمة ابوي رقيه .. طيبه بس نادر ماتجي هم هاجروا للبحرين عشان زوجها شغله هناك بس تجي بين فترة وفترة

وعندها عيال وبنات .. بس اتركيك منهم .. لحظه ادور لك على صورة الحب .." تقصد عمها زوج مشاعل"

ايييييييييه هذا عمي مايحب يتصور كلش .. افففف .. حتى اني اطلب منه صورة مايعطيني .. واذا قلت له انا بصورك ..

مايرضى لو شنوو ؟؟ حاولت مرة اصورة هنا بالمزرعه .. تدرين شسوى فيني لما درى اني صورته جرى وراي البيت كله بالنهايه

طيحني انا وجوالي بالمسبح .." وكشرت " والله يااا صحت ذاك اليوم جوالي جديد واول جوال بحياتي ..

ولا جا صالحني .. وش يقول .. تستاهلين اللي جاك دامني مانعك وشووله تصورين ..

مشاعل : ههههههههههه هههههههه ... تستاهلي .. احد قلك صوري .. لقافه هي .. يااخي مايحب خليه على كيفه ..

اصيل "بنص عين " : بدافعين عنه .. اييه اكيد مو زوجك ..

مشاعل : لا والله ماتهوني عليا .. انتي كمان غاليه ..

اصيل "بابتسامه شاقه الحلق" : زيين زيين .. هذا كله لاجل الحب .. بوريك صورته .. انتي بعد ماتهونين ..

وقلبت بالصفحات ..

اصيل "بابتسامه غرور.. وفخر " : هذا هو عمي .. ورجلك ..

مشاعل " نزلت عيني اناظر الصورة و ...... "
/
/
/
انتهى الجزء


بلللللللللللللللللليز ابغى توقعاتكم

وبـ