أنا ان شاء الله باخذ المواد السبعة بدون تردد.. لأن أربعة منهم بالنسبة لي يوم واحد كافي أنهي المادة فما بالكم بأربع شهور! ويبقى ثلاث مواد فعلا تحتاج مذاكرة أول بأول وهي الرياضيات 2 والإقتصاد الكلي والمحاسبة..
الإنجليزي وأتوقع انه أسهل من السهل.. والعقيدة حتى من سهولتها وعدم تعقيدها ماني متخيل كيف يجي منها سؤال بالإختبار.. ومادة تقنية المعلومات مادة أتوقع انها معلومات قديمة واللي مطلع على الكمبيوتر والتقنية أول بأول عارف معلوماتها وأكثر بكثير.. وأخيرا وليس آخرا مادة الصحة واللياقة فهي معلومات مباشرة ما فيها لا لف ولا دوران كم ساعة كفيلة تختم المادة..
فالخلاصة أغلب المواد ما تستلزم حتى حضور المحاضرات أول بأول (هذي ليست دعوة لعدم حضور المحاضرات لأني بحضرها بمشيئة الله كلها) لأنه ما فيها أشياء معقدة وتحتاج شرح.. والإنسان اللي يقدر يدير وقته بستة أو خمس مواد صراحة عيب عليه يتحجج ويقول ماني قادر على مادة أو مادتين كثير فيهم يومين مذاكرة! أما من ناحية جدول الإختبار فهوإما انه راح يتغير للأفضل واذا ما تغير فأنا مو شايف انه معضلة للشخص اللي يذاكر أول بأول وما يترك شي لليلة الإختبار..