الجــزء الســادســ :-

الفــصــلــ الأولــ :-


"..الحـــظ الردي ردي .. "

" كل يوم نقول اليوم تتحقق الاحلام,,,,,ياقلبي يامحروم من فرحة الايااام "

انتهى الحفل على خير .. رغم كنت الاحظ نظرات البعض اللي شوي وبتأكلني.. سلمت على خوات زوجي المصون

ماحسهم يحبوني ولا يتقبلووني رغم ان لولو شكلها حبوبه , وفايزة احسها شوي جامده معاي , اما حصه وهي سميت عمتها

الكبيرة المتوفاه شايفه نفسها علي ..مااظنها تحبني و كأني غصبتهم يخطبوني "يااربي ايش ذا الحظ هناك امي وهنا حصه

لا وفهد اخو زوجي .. الله يخارجنا .. والبنات ..بنات عم زوجي و بنات عمته حصه

(( حصه اكبر اخوات بابا ( ابوفهد ) متوفيه من خمس سنين ومن احب خوات ابوفهد واقربهم له ))

ماارتحت لنظراتهم .. حسيت جسمي كله يألمني اعوووذ بالله .. خفت على نفسي جلست اتحصن واقرء على نفسي رغم اني

تحصنت .. هذا كله يهون مقابل قعدة ساعه ويا الثلاثي المرح "نجود ومنورة واصيل " بصراحه رغم نجرتهم وهواشهم

الا انهم احلى من العسل .. القعده معهم تنسي الهم .. والعمه حفصه حنووونه وكلامها يهبل .. كان نفسي تكون عندي جدة مثلها

احسها بعمر جدتي وانحرجت اناديها عمه .. ياليتني مثل منورة ولا حتى اصيل اناديها جده وانادي حصه ولولو خاله ولا عمه

والله استحي اناديهم باسمائهم .. مشكله ..

كانت ليله رووعه حلووة كل البنات كانوا ويابعض ولما قلت لنجود نروح لمهم

رفضت و اتحججت بإني تعبانه و رجلي تألمني .. ومنورة معاها حتى اصيل .. وانا كنت ابي اقعد معاهم اتعرف عليهم اكثر ابغاهم

يحبوني مثل الثلاثه الحبايب "جود,منورة,اصوول" .. حسيت من احتجاجهم كأنهم بيبعدوني عن البنات .. معقووله يغااروا

ليش لااء .. دانه كانت تغار علي .. بس دانه كنت انا اللي انتبه لها .. وادلعها واقدر اقوول مربيتهاا يعني لو غارت يحق لهاا ..

ياربي بديت اخربط .. شكله من الصداع .. ولا من ألم رجلي ولا ... والله مدري , مدري ..

طبعا البنات جود ومنورة واصيل ماقصروا بالضيافه وكل الاشياء اللي سويناها .. الحلى والبيتزا والمعجنات غير العشاء ..

الكل يأكل و يمدح ويطلب الطريقة .. واللي سويته .. قاموا يسألوا مين اللي سواه ..

قالت منورة : والله هذي شووشوو حبيبة قلبي هي اللي سووته .. " طبعاا هالحوار دار بيننا حنا البنات والامهات كانوا بركن

المجلس بالطرف البعيد .. وهذا بعد اصرار مني على البنات انه لازم نجلس ويا البنات شووي لا يزعلوا ويقولو مغرورة ولا شئ

فوافقوا وكأنهم اقتنعوا .. "












































Xx عــــــــــــــــدنـــــا Xx




منورة : والله هذي شوشو حبيبة قلبي هي اللي سوته ..

هديل "باستهزاء وااضح .. وهي تأشر بايدها بدلع تتمصخر فيه" : الحين هذي المدلعه تطبخ .. لا وبيتزا وبف ..

تضحكين علينا منوور .. " وتبتسم على جنب بسخريه "

عاد منيرة هي والهواش والمناجرة اصحاب ماصدقت احد تكلم الا نشبت بحلقه : والله ياعمري اذا شوشو حبييييبة قلبي "وشددت

على كلمة حبيبة" مدلعه فهذااا الشئ مزروع بدمها .. ولا ناس يدلعوون وهم والدلع بطريق ..

هنا اصيل ضحكت بصووت : ههههههههههههه احلى منووور..

طبعاا انا ماعجبني الحال لاني مااعرفها وحاقدة علي بدون سبب .. وانا خايفه من منوور اعرفها لو تكلمت مابتسكت لما تبرد حرتها

طلبت العون من جوود بعيوني وفهمتني جوود .. وتدخلت ..

نجود : زين بنات شرايكم نطلع برا نشم هوا .." بدل لا تطفيها الا انها اشعلتها "

منيرة "تطالع بهديل وبقرف" : ايه واالله صدقتي جوود حبيبتي ترا باختنق الهوا صاير خنااق ..

قاطعتها أصيل وهي تطالع بهديل : الا صاير الجو مغبر وانا اكره ماعلي الغبار .. يالله نطلع ..

" ياربي اما لو اجتمعوا منوورة واصيل ,, الله يعينهم " >>> ياناس هذي البنت بتذبحني الحين يطنزون عليها وهي تدعي لهم

بدل لا تدعي عليهم والله اخر زمن .. انا اشك ان المخبل هي مشاعل مهب منيرة و أصيل ..

سارة : اشووفك يااصيل متغيرة علينا ولا من جاء احبابه نسي اصحابه

اصيل : شوفي ياعمرري .. تدرين شقد امووت بعمي واللي يمسه يمسني وميشوو زوجته فلا تغلطين

تراني ساكته بمزاجي مهب لاجلكم لاجل هالزوينه "وهي تقصد مشاعل" مسكينه مهيب عارفه شئ..

رغم اني مااعرفها الا من ساعات دخلت قلبي و تملكته مثل ما عمي متملكه .. خليك برا العب اكون معك حلوو

بس تمسينهم بشئ يجيك اللي ماتحبينه ..

هديل "بحقد " : الحين هالبزر المغرورة ودلعهااا ماصخ قلبتكم علينا .. وحنا بنات عم ابوكم .. والاقرب لكم

ودمنا من دمكم .. تقوم هالماايعه تخربكم علينا ..

مشاعل "بهدؤ" : عفواا اختي , ايش اللي سويته لكي .. من الصبح وانتي طايحه فيني شتايم وانا ساكته مو لشئ لا

احتراما لكي لانك ببيتي ..

فاطمه : عشتووووو ,, بيتك ..اي بيت ياحظي .. الحين بيت خالي اخو امي .. يصير بيتك من متى ؟؟

لا يكون تحسبين انك يوم تزوجتي ماجد اوسم شباب العايله واحلاهم .. نسب وحسب ومال .. تحسبين انك ملكتي كل شئ

لااا يااعمرري فوووقي .. وشوفي تكلمي منو ؟؟ تراك لا اصل ولا فصل ولانسب .. ماغير هالشكل اللي فرحانه فيه

ترانا كلنا نطيح الصقر من السماء ..

طبعاا انا سكت مو من الاحراج لا .. سكت لان الكلام اللي بداخلي ضاع .. ضااع .. ضااع ..

ونجود ماقدرت على هالكلام : حدك عـــاد الزمي حدودك ..عن الغلط .. اذا حشمناك لانك بيبيتنا ولا ترى الباب يوسعك ويوسع اللي

بجنبك .. مشاعل ,, يوم قالت ان البيت بيتها ,, فهذا الانه صدق بيتهااا ..وهي الجالسه وانا وانتم الطالعين ..

فهمتم ..

جات منيرة تتكلم .. مسكتها من يدها ومسكت اصيل وجريتهم وراي لاني ادري .. مابيتفاهموا بهدؤ اخاف

يتماسكوا بالايادي والسبة انا ..

وخرجنا مع الشرفه جهة غرفة الاكل لبرى وكان فيه زرع وورد ياااه نسيت كل اللي صار يوم شفت الوررد ..

مشاعل "بنعومه وفرحه" : منووورة شوفي وورد ..

منيرة ساكته هي ونجود وأصيل .. ولو بأوصفهم بقول عن منورة انا اباليس الدنيا براسها يحومون ..

امممم أصيل .. البنت ودهااا تتضارب بالشعوور وهذا واضح من طريقه تشابك يدهااا ويابعض .. أخاف تخنقني ..

نجوود هي اللي كانت اهدء من فيهم .. قربت منهم ..

مشاعل : بنات عادي خلوا روحكم رياضيه ما صار شئ .. بعدين هم حريين اللي يبون يقولونه يقولوه

مابيقطعوا رزقنا .. اهم شئ خلونا ننبسط ..

..وهم يناظروني بقهر مني ولا من كلامي .. اخاف يحطون حرتهم فيني ..

مشاعل "بصدق" :اليوم المفروض يكون لي وعلى شرفي .. حسسوني بكيذا .. "سويت نفسي حزينه "

هذا وانا اقول اليوم بيكون اسعد يوم واحلى من يوم الزواج لانه بيكون وناسه .. ولعب وضحك ..

لكن مو مكتوب لي انبسط اليوم .. الشكوى لله ..

منيرة : شوشو .. تسمحين لي اطقك ؟؟

مشاعل "ماسمعت" : نعم ؟؟ ما سمعت ..

منيرة : يااانااااااااس هذي بتذبحني هي وبرودهاا والله انك ثلج .. شعووله ترى خالي نار .. اخاف تسيحين ..

مشاعل : هههههههههه لا ياشيخه .. وانتي الصادقه اخاف هو اللي يسيح ..

" بصراحه مدري كيف طلعت الكلمة من فمي.. استحيت ووجهي صاار الوااااااااان "

أصيل بخبث: احــــــــــــــلى ,, مرت عمي ,, والله حركااااااااااااااااات .. تسيحينه هااا ؟؟

مشاعل " ياااربي من الفشيله فين اودي وجهي .. الله ياخذ ابليسك هذا وقته "

نجوود : شعوله .. اعترفي انك متشووقه تشووفينه .. اعترفي ..

مشاعل "بدلع طبيعي ": جوووووود

منيرة: شعوووله ترانا ستر وغطاا .. خذي راحتك قلبووو ..

أصيل : آآآآآآآآآآآآآآآآآآآه ياناس متى اتزوج انا بعد ... والله ان الزوااج حلوو ..

نجود : أصيل استحي ياللدبااا .. وجهك مغسوول بمرق .. ماتستحين انا عمتك وهذي مرت عمك قدامك وتتكلمين

عن الزواج عادي .. صدق بنات اخر زمن ..

مشاعل " استغليت الوضع عشان اغير الموضوع واضيع فشيلتي " : ايووه صح ؟؟ ماتستحي .. اخر زمن ...

منيرة "بنص عين " : شوشو لا تضيعين فشيلتك .. ماسكينها عليك ماسكينها وين بتروحين ؟؟

أصيل : شراايك منوور نعلم عمي ,,

مشاعل : أصوول انكتمي لا يجيكي ذاك الكف اللي يلفك لف ..

منيرة : ههههههههههههه فشلوووووووهااا ..

مشاعل : انطمي لا اقول لسعوود عن المخفات اللي فيك بسأل سعود سؤال واحد وهو

ايش سويتي فيه يوم الزواج .. اقربها لك اكثر,, يوم الدخله اخاف كنتم تلعبون تنس ..

نجود : ههههههههههههههههههههههههههههههه ههههههههههههههههههه هههههههه

أصيل : ههههههههه هههههههههههههههههههااااااااااااااااااااااااااااااا اااي .. حلووة

طبعاا مااقولكم ان منيرة "صارت الوااان ومو أي لون ابشركم الالوان الناريه اللي تحبهاا "

شوي ودخلنا .. عشان ماما لا تزعل منا .. وقبل اتفقنا لما يروحون الضيوف بنغير ملابسنا وننزل تحت بالمزرعه .. وعلى هذا

الاساس دخلنا داخل طبعا كل مجموعه بطرف ..

خلص الحفل و الناس سلمنا على ماما وكل وحده على غرفتهاا ..

وانا أستحميت ولبس بجامه برمودا والقميص اللي عليه ربع كم لونه وردي فاتح عليه قلوب حمراء..

بعدها بنص ساعه اتلاقينا عند باب غرفتي ..

منورة : شوشو ..مهبوله انتي .. وش ذا شعرك مبلل ..

مشاعل "ببراءه " : اكيد لاني ببساطه استحميت ..

أصيل ضربتني على راسي بخفه : بيصفقك هواء و نبتلش فيك لا يايمة اخاف اتهزء عشانك .. برجع انام ..

مشاعل : حرااام عليكم .. الحين متحمسه وبالنهاية بتروحو تناموا ..

نجود : خلها شعوله تروح فكه منها حنا نلعب ويابعض .. ونستهبل ونااسه .. وهي مسيكينه بتنطق بغرفتهاا

" عاد انواع الاغراءات .. الا الخبله أصيل تحب الاستهبالات .."

أصيل : يالله بنات ننزل بسرعه ..

منيرة "بعباطه " : سمعتم شئ بنات ؟؟

نجود : ايه كأنه صوت صرصور ...

مشاعل : ههههههههه والله انكم هبااال ..

نجود : افففففففف بتفضحينا انتي ... اشششششششش .. " وهي تقصد مشاعل "

وقررنا نلعب استغمايه .. وحده تعد وحنا نتخبى وكانت اصيل هي اللي بتعد وحنا نتخبى

كل وحده فينا تدور مكان تتخبى فيه .. طبعاا هم يعرفوا المزرعه واماكنها وانا الهبله نسيت اني مااعرف شئ عنهاا

لكن هذا بعد فواات الاوان .. لاني بالظلام واصطدمت بشئ

وانا على بالي نجود ولا منورة .. وموباين شئ من الملامح ..

مشاعل "برقه ونعومه " : جووود .. " انزاح الظلام بنور سيارة كاشح وضح لي الصورة , تفاجأت والمفاجأه ألجمت لساني ..

كان قريب منها ماسكها مع وسطهاا وشعرها يطير بفعل الهواءمابينهم أي حواجز الا الهوا هواء القصيم

" وماادراك ماهو الهواا؟؟؟ "

وعينها مسمرة بعيوونه .. وهو عيونه تعلقت بأجمل انسانه بالوجود .. ما قد شاف بجمالها .. احد ..

^^^

الجــزء الســادســ :-

الفــصــلــ الثــانــيــ :-

المقطــعــ الثــانــيــ :-

" صـــدفـــه "

صدفه ومن بين كل الناس علقني .. من يوم شفته وعيني جات

في عينه .. حسيت في عيونه شئ يجذبني ..

... لما ابتسم بانت بوجهي تلاوينه ...

مشاعل : آآآآآآآآآآآآآآآه " بألم وأنين خافت "

أصيل "بخوف تنادي بصوت عالي شوي أعلى من انين مشاعل و هي تدورها ": مشـــاعل ..

" طالعهااا بذهووول ".. ؟؟؟؟ : "هذي هي مشاعل .. هذي الجميله هي مشــــــــاعــل .. "

ولما حس انهم قربوا وسمع اصواتهم قريبه .. ابتعد,, طفى الكشاف اللي بيده واتخفى وراء الشجر ...

وهو يراقب الوضع من عنده ..

للحين مب مصدق اللي شافهااا .. وعلامات الخووف على وجهها هي مشاعل ماغيرهاا .. آآه عيونهاا عذااب ..

شقاعد اقوول انا ,, اكيد منيب صاحي .. الله يغربلك يا حمد كله منك لو انك ما قلت لي اجيب لك الشنطه من السيارة

كان الحين ماشفتهاا .. " وصورتها للحين بباله مو قادر يمحيهاا "

أصيل " وشافت مشاعل بالارض تإن من الالم " : مشــــــــــــــــــــاعل "بصوت كفيل ان منيرة ونجود يسمعونه "

ركضووا لمشاعل وهم متخرعين شافوها بالارض و ملابسها تراب و ماسكه بطنها تتألم ..

نجود " بخووف " : شعووله .. قلبي فيك شئ ؟؟؟

مشاعل : ..... آآه ...

منيرة" والخوف وصل حده" : شوشو عمري الله يخليك قولي شفييك ؟؟ شصار ؟؟

ومشاعل مو قادرة تتكلم من الألم ..

أصيل " وهي تصيح " : ميشو الله يخليك لا تخوفيني ,, تكفين .. فيك شئ ؟؟

نجود"بعصبيه" : اصيل سكتي مب فاضيين لك .. وهنا قالت نجود لمنيرة : تعالي اسنديها معي ..

مسكتها نجود من جهةاليسار تسندها ,, ومن الجهة الثانية منيرة وأصيل تصيح ..

نجود "تصارخ على أصيل " : بدل منتي بواقفه مثل العنز تعالي افتحي الباب وشوفي الطريق ..

أصيل تشوف الطريق .. فتحت الابواب وهم يمشوون مشاعل بهدؤ.. وخايفين لاحد يقابلهم بالطريق

و يسألهم وشبيردوون عليه .. وصلووا لغرفة مشاعل وفتحوها وفتحت أصيل اللايت .. وشالت اللحاف وسندوها عالسرير ..

جرت منيرة لتحت تجيب ماي .. ونجود وأصيل واقفين عندها .. راحت نجود فتحت الدريشه شوي ..

ومشاعل مغمضه عيونهاا من الالم وهذا واضح من عقد حواجبهاا .. وشوي الا بدت حواجبها تاخذ شكلها

وهذا يبين ارتياحها و خف الالم ..

نجود بهدؤ : مشاعل ,, كيفك الحين ؟؟ ان شاء الله زينه ؟؟

مشاعل "حركت رأسه بايه" وابتسامه على شفاتها ..

منيرة : شصار ؟؟ كنتي بخير شلي خلاك تتعبين ؟؟

نجود : خلص منيرة خلها الحين .. وبكرا يصير خير .. شعوله تبيني انوم عندك ..

مشاعل " حركت براسها لااا "

نجود : يالله بنات .. خلها ترتاح ... " ونجود عند الباب بعد ماخرجوا البنات الا هي .. بتسكر الباب..

مشاعل : جوود .. آآسفه خوفتكم ..

نجود "بإبتسامه" : ارتاحي ...

خرجت و سكرت الباب ..

ليلة بدايتها تعارف ,, مفاجأة كانت كالكارثه بالنسبة لمشاعل وهي ان زوجها اسمه ماجد .. تبي تنسي هالاسم لكنه وراها وراها ..

مااكتفى القدر بهالشئ الا حقد وكراهيه وشتائم بدون سبب لانسانه رقيقة المشاعر عانت كثير ..

ياترى هل بتعاني أكثر ؟؟؟؟؟؟؟؟؟؟ سؤال بيضل يتردد ببالها دوووم ومابيوقف ....

<<<< زييييييييين لاا تدفووون .. ادري بتعرفون شصار .. شالقاااااااااااافه ..اعوووذ بالله ملقوفاااااااااااات ..

عدنـــــــــــــــــــا

مشاعل وراسها عالمخده .. وتضم نفسها بيدينها بقووة .. وجسمهااا يرجف من اللي صاار

؟؟؟؟؟

؟؟؟؟؟

؟؟؟؟؟

؟؟؟؟؟

؟؟؟؟؟

الهوا بذييك الوقت بارد .. وجات معه رياح هادئه خلت شعر مشاعل يتناثر بالهوا وخصل منه جات بعينها .. ورمشهاا

ماتحرك من صعوبة الموقف و المفاجأه .. الجمت لسانها .. وبيدينه ماسكنها من خصرهاا ..

صدفه ومن بين كل الناس علقني..

من يوم شفته وعيني جات في عينه..

حسيت شي في عيونه حيل يجذبني..

لما ابتسم بانت بوجهي تلاوينه..

سلم عليي وجلس جمبي وكلمني ..

كل الحواجز تلاشت بيني وبينه ..

اخذ ايديني بايديه وقام يوصفني ..

ولا تمنيت ايدي تترك ايدينه ..

قالي كلام بصراحه حلو دوخني ..

ماقد سمعت بحلاته اه يازينه ..

معاه احس الأغاني عنه وعني ..

واجمل اغاني الغزل شعري وتلحينه..


.. حسيت بحرارة تسري بعروقي .. اللي اشوفه انس ولا جن .. معقوله اتخيل ..

كنت أظن بالبداية انها أصيل او جود ويمكن منورة .. ماتخيلت ولا خطر ببالي يكون ....

لو مانور السيارة وضحت لي الصورة ..

يوم جات عينه بعيني حسيت بشئ بعيونه يجذبني .. كنت قريبه منه مايفصل بينا الا الهوا ..

خصله من خصلات شعري جات بعيني وضايقتني .. بكل رقه و رجوله طاغيه وجرأة جذابه باعدها عن عيني

وردها وراء اذني ..أطراف اصبعه لمست اذوني ,, وبعدها لمست اطراف فكي .. وهذا الشئ خلاني ارجف مو من الخوف

لا .. ارجف من شعوري اللي حاسه فيه .. قلي كلام بعينه بصراحه حلو دوخني .. ماقد شفت بحلاته آآه يازينه ..

ولا تمنيت ايده تتركني ..

و مثل ماظهر فجأه اختفى فجأه .. يوم كشح نور السيارة ظهر هو وانا باحضانه .. ويوم قربت السيارة وسعمت صوتها

وانطفى نورها ,,اختفى هوو .. كأنه طيف و خيال خرج من افكاري و قلبي وتجسد بإنسان ..

و آآآه من هالانسان ... آآآآآآآآآآآآآآآه آآآآآآآآآآآآآآآآآآآآآآآآآآآآآآآآآآآآآه ..

القدر مااكتفى بكيذا .. مثل ماظهر بالظلمه و اختفى بالظلمة .. ظهر وراه شخص ثاني ماكان على بالي ..

تركني طيف الغريب بعد ماكان ماسكني .. وارتمى جسدي بحرية بالارض وانا مصدومه .. لانه تركني واختفى

سمعت صوت اقدام تبعد واقدام تقرب ..

والاقدام اللي قربت نطقت " بصوت رجولي " : مين هناااا ؟؟؟؟

توجه نور كشاف بظلمة الليل ضايقتني ماشفت بسبتها شئ غطيت عيوني بذراعي اليسار والنور مازال مسلط علي ..

شوي شوي نزلت ذراعي من عيوني .. الى ان ظهر وجهي بالكامل .. ظل النور مسلط علي

وسكون الليل مسايرني .. ونا مدري مين اللي يناظرني ...

الصداع رد لراسي وبدء القولون يألمني <<<< نسيت أخبركم ان مشاعل من صغرها يجيها توتر بالقولون ..

وهذا الالم ناتج عن ضغووط نفسيه ماتقدر تفرغها بالواقع و تكبتها بنفسهاا ادى الى توتر بالقولون العصبي و هالشئ

مو خطير .. بس اذا زاد الالم بيكون متعب بشدة ...

عدنا

طحت بارض المزرعه وانا أئن من الآمي .. الى ان سمعت صوت اصيل .. وبسرعه انطفى نور الكشاف

واختفى الانسان اللي كان يناظرني بسكون .. وانا ماشفته ..

معقول يكون هو نفسه اللي صدم فيني قبل ,, لا مستحيل .. كيف يكون هو وهو راح باتجاه والثاني جاء من اتجاه ثاني ..

انا حاسه ان كل اللي صار يامن الخيال .. يااااللي شفتهم جن .. بسم الله علينا وعلى حوالينا ..

لان الاحلام ماتتحقق ومستحيل اللي كان يكون واقع .. مستحيل ..

رديت للواقع وانا على سريري..

تحسست خصري وانا اتذكر لمساته ...

رجع الم قولوني يألمني .. وقفت ورحت لشنطتي اخرج الدواء وشربته ويا المويه اللي جابتها منيرة ..

رحت لسريري .. وانا دمعتي لامست خدي .. وجرت وراها دمعه ثانيه خانتي ونزلت ..

طالعت فوق بالسقف ,,,

مشاعل " بصوتها الرقيق وبحزن " : ياربي انا مااعترض على حكمتك ولا على قدرك لاني راضيه فيه .. وانا ادري انك

بتكافأني وتجازيني خير .. لانك تحب الصابرين .. ربي مو بيدي انسى .. بيدك انت تنسيني ..

اللي صار قبل شوي .. مالي يد فيه وانت ادرى .. اثنين شافوني ..الاول وكان خيال طيف من ذكرياتي .. ويمكن من شياطين الجن

والثاني مدري مين هو ؟؟؟ ويمكن يكون مثل الاول ..

بهذي الليله 3 ازواج من العيون ما نامت .. ومن هالعيون عيون مشاعل ...

ياترى مين العيون الثانيه اللي النوم جاافااه و ماعرفت عيونهم للنوم طريق ..

وهل هذي بدايه لمشوار صعب ؟؟

ولا بدايه لفراق جديد ؟؟؟ ويمكن بدايه لحب جديد ؟؟

حب مستحيل,,, حب محرم ,,, حب اول ,,, حب أبدي ,,,