الجــزء الســابــعـــ :-

الفــصــلــ الاولــ :-

" زيـــ لها وقع خاص ـــارة "

هذا أنا حالي مثل ماهو....ماشي بدربي وبكيفه مشى بي



مشاعل " رفعت السماعه بهدؤ وللحين ماتكلمت جاني صوته "

... : تدرين ان اخوك فهد استوى عليه حادث وهو مرقد بالمستشفى وحضرتك تتمصخرين .. يالحماارة ..

مشاعل " من الصدمة طاحت السماعه من يديني ووقفت مصنمه .. مو سامعه غير كلام الغريب يتردد ببالي "

فهد صار عليه حادث و منوم بالمستشفى ..

وقف فترة وانا مو مستوعبه اللي صار .. لا ااكيد يكذب علي .. منيرة .. منورة لاا يكون صار لها شئ..

نجود : شعووله ,, شفيه وجهك مصفرر ؟؟ نفس الصداع رجع لك ؟؟

مشاعل "توني استوعبت ان نجود قدامي .. ناظرتها ونا ابلع ريقي بصعوبه ,, كيف بقوولهاا ؟؟ كيف؟؟ "

مشاعل " بهدؤ رغم العاصفه اللي بداخلي": جود " مسكتها مع ايدها وقربتها مني وجلسنا " انا بقولك شئ..

نجود " تضيق عينها " : ايه .. قولي ..

مشاعل : تدري من اللي اتصل ؟؟؟

نجود "بشك" : لااا .. مين اللي اتصل ؟؟

مشاعل : مدري ..

نجود : ههههههههه مالت عليك الحين .. تجلسيني وتقولين بقولك شئ بالاخير طلع مدري ..

مشاعل : فهد اخوكي صار عليه حادث و هو بالمستشفى .. " قلت كلامي ونا عيني بالارض ماحب اشوف احاسيس انسان قريب

مني مفضوحه .. مااحب اشووف وقع كلامي عليهاا "

شفت رجلها وهي واقفه "بعصبيه " : مشاعل لا تكذبين .. ادري انك تكرهين فهد لكنه اخووي ومارضى تفاولين عليه ..

مشاعل " بتفاهم رغم انه حز بنفسها تشك فيهاا نجود " : اتصلي فيه وكلميه .. تطمني عليه و طمنينا ..

"نجود بدون تفكير رفعت سماعة التليفون ودقت ارقام ... تستنى الخط الثاني يرد "

نجود : الوووووو فهد ..

" قاطعهاا " : لا سعوود ..

نجود : سعود تكفى عطيني فهد ..

سعود "ساكت" : ...

نجود " بخوف " : صار عليه حادث ؟؟؟؟؟؟

سعود : الحين هو بخير .. توني خارج من عنده ..

نجود"وهي تصيح " : سعوود ولي يرحم والديك قلي الصدق , اخوي صابه شئ ؟؟

سعود : كسر بسيط برجله وشوية رضوض بجسمه .. وكمن غرزة عند حواجبه ..

نجود : زين عطيني ياه ابي اطمن عليه ..

سعود : قبل شووي نام ..

نجود : بأي مستشفى هو ؟؟؟

سعود : بمستشفى الــ ...........

نجود : زين باي ...

" كنت مع نجود وهي تكلم .. الى ان طلعت فوق .. شكلها بتخبر بابا و ماما .. احس انها تجاهلتني انا ماسويت شئ عشان تتغير

علي ان شاء الله مايكون هالشئ مقصوود .. ماابي نجود تتغير علي بأحس بغربه .. "

جلست لوحدي دقايق حسيتها ساعات .. ياربي لا يكون صار لها شئ .. لا لا مااعتقد الله لا يقدر هالشئ ..

قلبي يدق بسرعه جنونيه .. لا انا قلبي يقول انها بخير ليه افاول عليهاا .. صحيح كلام نجود ايشبني افاول على خلق الله ..

سترك يارب ..

طلعت غرفتي .. توني دخلتها الا الباب يطق .. فتحته .. كانت نجود و شكلها متوتر ..

مشاعل " ابتسمت لها بحنيه وكأني اواسيها بابتسامتي " : هلا جوود .. تفضلي

نجود ماتحركت مثل ماهي ..

مشاعل " ظليت ساكته ماحبيت اضغط عليهاا ,, ودخلت الغرفه وخليت الباب مفتوح .. شفتها قربت وسكرت الباب وراهاا "

نجود "باحراج " : زعلتي مني ؟؟؟

ظليت ساكته ,, عشان تاخذ راحتها ..

نجود : لو زعلتي ااسفه ..

مشاعل : ومن قال اني زعلانه ,, احد يزعل من احبابه ؟؟ يالله عاد شيلي هالملامح ..

"بهدؤ" : جوود ليش ضنيتي اني افاول على اخوكي ؟؟؟

نجود "طنشت سؤالي و عادت كلامها" : مشاعل .. للحين زعلانه ..

مشاعل : والله مو زعلانه .. ماجاوبتيني ؟؟

نجود : لان أي وحده بمكانك قدام اللي قاله فهد اقل شئ تسويه انها تدعي عليه هذا اذا ماردتها له بطريقه ثانيه ..

مشاعل "بهدؤ" : جود ياعمري .. يمكن اللي تقوليه صحيح هذي وجهة نظرك ,, بس انامشاعل نفس البنت اللي قابلتوها بالحرم

وحبيتكم لله فالله .. هذي المحبه ما كان وراها مصلحه والحين صرت بنتكم ومرت ولدكم .. محبتي صارت عشق لكم ,, وماابي

اخسركم ,, ماصدقت القاكم .. وفهد مثل اخوي الكبير اذا غلط فهو مسموح ,, مثلي مثلك .. اذا شافني غلطانه عادي لو هزبني

والشئ الوحيد اللي اتمناه منه يتفهمني فيه وهو اني من منطقه ثانيه متعوده على اشيات غير ,, لساتني ماتعودت على طريقتكم

ان شاء الله مع الايام اتعوود ...

نجود : والله اني بعد احبك وامووت فيك و ربي شاهد اني تمنيتك اخت لي .. تصدقين انتي الوحيده اللي بعد منيرة حسيتهاا قريبه

مني من يوم التقيتك بالحرم وانتي ببالي ,, لكنن شعوله هذولا رجال مايفهمون غير اللي يبون

مشاعل : صار خير ,, الحين كيفه فهد ؟؟

نجود " ماردت عليها لأنها تذكرت ,, ووقفت " : شعووله نسيت اعلمك ,, ابوي قال بنسافر الحين الرياض تجهزي خذي لك ثياب

ليومين او ثلاث مرة وحده نتسوق هناك .. بروح اجهز نفسي 10 دقايق ونكون برا .. ومشت بدون ماتسمع ردي..

مشاعل : لا حول ولا قوة الا بالله ,, اثري غير رواء فيه اللي يطنش ويتركني ..

ماطولت ونا اجهز ثيابي اللي جاء بيدي خذيته ..

ونزلت تحت .. وخرجنا كلنا .. وكانت ماما ام فهد قلقانه وتدعي .. ونا حطيت ايدي على ايدهاا وقلت : ان شاء الله يكون بخير لا

تقلقي ..

بابا : قولي لها ,, تحاتيه وهو بخيرمافيه الا العافيه ,, هي المفروض اللي تحاتي نفسهاا ..

وصلنا المطار وانتظرنا يجي نص ساعه ... وخلصنا اجراءات

وقبل مانطلع الطيارة دق جوال بابا : هلاا

: مساك الله بالخير يبه

بابا : مساك الله بالنور ..

: يبه متى العزم ؟؟

بابا : الحين ..

: زين يبه ,, أنا بالمستشفى الحين .. ووقت ماتوصلون بتكون الزيارة انتهت ..

بابا : من قال ؟؟ توه سعود قال انها باقي عالزيارة ساعتين ونص ..

: ايه يبه وانتم عبال تمشون الدرب توصلون 4 ساعات ..

بابا : حنا بنسافر بالجو يبه .. حنا بالمطار الحين دقايق وتقلع الطايرة ..

: وليه مهب بالبر ؟؟

بابا : امتس تعبانه ياولدي ماتحتمل السفر بالبر ..

: عيل يبه بروح الدوام إستأذنت ومارجعت ,, ووراي شغل .. انتم بتقابلون فهد وتقعدون وياه .. زين يبه ..

بابا : ايه .. زين .. في أمان الله ..

: في حفظه و رعايته ..

قفل جواله ...

صعدنا الطائرة والى بلادا ً جديدة لم تراها عيني الى قلب نجد الى عاصمة المملكة العربيه السعوديه الى الرياض

.. وكم تمنيت ان ازورهااا ,, كم حلمت ليالي و ايام بهااا ..

سميت رياض نظرااا لإنخفاضهاا فتلتقي بها مياه السيول لتنبت الارض رياضاً خضراء تنتشر فيها رائحة الورود.. وما الأحب الى

قلبي الا الورود.. ومن هنا جاء اسم مدينة الرياض عاصمة المملكة العربية السعودية

كما تحتل الرياض موقعاً تستمده من موقع المملكة الجغرافي الذي يتوسط قارات العالم. فإنها تحتل قلوبنا واينما تذكر المملكة فإن

الرياض تطرأعلى البال قبل الخاطر .. <<< أبوووك ياللغه العربيه ..

عدنــــــــــا

وصلنا المطار وخلصنا كل شئ كان بإنتظارنا سيارة ,, مانتبهت من؟؟

المهم ركبنا السيارة .. ونا اناظر الطرق والشوارع , اللايتات والسيارات .. حسيت بشعور رائع ..

ولا شعوريااا نطق لساني قصيدة شعريه للشاعر العراقي يحيى السماوي .. " ونا على بالي اني اقولها بنفسي.. قلتها بصوت يعبر

عن نشوتي .. وروعة الحضارة اللي اشووفها واللي اسمعه عن الرياض و لحبي لهالمدينه اللي لها وقع خاص بقلبي "

وأنجدت الروح ..

لاتخش ـ قالت ـ فان الكتاب أنيسي

وشمس اليقين الدليل

تضرجت شوقاً إلى رشفة من عرار

لأطفئ جمر الغليل

........................

تطير حمامة روحي

إلى واحةٍ سيّجتها التراتيل

يجلس فيها الصباح

على شرفات الأصيل

مباركة الرمل والعشب ـ قالت حمامة روحي ـ

صبيحة ألقت عليّ السلام

وودعتها بالدعاء الجميل

* * *

تحط حمامة روحي

على شرفة في " المصمّك " :

من هاهنا كان بدء الصهيل الذي

جاء بالسلسبيل

عشية صلى فتانا الجليل

وسل حسام اليقين

مضيئاً لنا يومنا والسبيل

.............................

تعود الحمامة ..

ـ ماذا رأيت ؟

جنائن أرضيةً تأنس الروح فيها ..

حبوراً يفيض على حدقات القبيل

وضوءاً توضأ بالرمل ..

رملاً توضأ بالصلوات ..

وعشباً له كبرياء النخيل

ـ وما في المصمّك ؟

سجادة للصلاة .. كتاب اليقين ..

وسيف به خاط " عبدالعزيز " فتوق الجزيرة

وأجمل ماقد رأيت :

البصيرة !

سلام عليه فتانا المحنك

سلام على صحبه ..

سيفه .. والمصمّك

سلام على راية لاتعاض

على أهلها ..

رملها ..

عشبها .. والحياض

سلام على واحة العنفوان " الرياض "

نجود وبابا و ماما و شخص ثاني : صح لسانك

مشاعل " ناظرتهم بإستغراب .. وبعدها حسيت بشئ غلط .."

نجود : شعوله والله انك شاعرة .. الحين عرفنا عنك اخلاقك , ثقافتك , وشعرك .. وناااسه ..منتيب هينه ..

مشاعل " انحرجت .. وحسيت اني غبيه اتكلم بدون مااحس"

شخص ثاني مدري مين هو قال :

مدي جناحك تيها وانتشي طربا من قال إنك أخت المجد ماكذبا

مامر طيفك في الأعماق يشعلها إلا وجنّ دمي بالشوق

واصطخبا

وإن نأيت ولو حينا على مضض ضج الحنين وثارت مقلتي غضبا

وراح يشعل وجداني على عتب فكيف أطفئ فيه اللوم والعتبا ! ؟

أدير عنك عيوني والشجون بها كمن يروم بساح المحنة الهربا

يحيي صباي عبير منك منسكب طاب العبير من العينين ما

انسكبا

أنت " الرياض " جناح مد هامته إلى الذرى وجناح عانق الشّهبا

بصراحه قالها بأسلووب رائع ..

الكل ماعداي قال : صح لسانك ابو ضياء ..

مشاعل " اذا هذا هو سعوود .. زوج منيرة "

نجود بصوتهاا ::

عرفت الرياض

فأنشدت شعراً

وغنيت للحب فيها البياض

فصرنا الرياض

ومهما تنائيت عنها ستبقى الرياض بوسط الفؤاد !

كلهم ونا معهم بس بهمس سمعته نجود : صح لسان يالجوود ..

هالمرة جاء دوور بابا :

يانسيم الرياض في أرض نجد كيف عادت حال الأحبة بعدي

شفني الوجد من هواهم ولقيا هم مدى غايتي وغاية وجدي

إن لي( بالملز) إخوان صدق وبوادي( البطحاء) أخدان ودّ

كم تفقدت في (المربّع) ربعي وتعودت في(الشميسي) وعدي

كلنا : صح لسانك يابو حمدان ..

بابا : صدق اني بو براهيم وافتخر انه ولدي .. لكن احب ينقال لي
بو فهد ..

سأنلي بابا : هاا يبه تريدين ترتاحين نوديك البيت .. وبعدها نحرك للمستشفى ..

مشاعل "بحيا واحراج ,, دحين بعطلهم عشاني ,, احسن اروح يمكن فهد يغير رأيه عني لوشافني زرته " : لا عادي بابا اروح

معاكم بالاخير فهد اخوي .. ..

بابا : زين .. توكل يابوك .. درب المستشفى ..

وصلنا المستشفى ونا اقول بنفسي هذا فهد .. شكل اهله يحبونه ,, وشكله حبوب ,, طيب ليش يكرهني .. بس لاني

لابسه عباي عالكتف واتلثم ,, اذا على هذا يههوون القهر انه تكلم على بابا الى الان كلامه ببالي مانسيته

ولا نسيت الموقف وكأنه بالامس ..


فهد"بغيظ مكتوم" : وانا الرجال ولا مهب مملي عينتس يااا خضيريه ..

مشاعل : مو فاهمة شئ , عموما انا بدفع عن نفسي ..

فهد بحدة واضحه سمعها منيرة ونجود والمحاسب : اذا تحسبين اني مثل رجالكم مخنثين

ماعندهم غيره على اهلهم فانتي غلطانه ..

نجود : فهد حدك ..مارضى على مشاعل ..

فهد"يكلم نجود" : ماتسمعين وش تقول .. ولا هذي سوايا بنت ناس متربيه ..

" وبهمس سمعته مشاعل " : العبايه عالكتف ,,

والعيون يطالعها الرايح والجاي ماكأن لك زوج ..

مدري شلي بلانا فيك .. لوما امي كان الحين ماشفنا اشكالك ..

مشاعل : مااسمحلك تغلط علي دام انا ماغلط عليك ..

واذا غلط بحقك حاسبني .. بس لا تغلط بأهلي ..

قاطعها فهد بهمس :الحمد لله والشكر مهب مثل ابوك اللي باعك لنا ..

كل الكلام اللي قاله نسيته الا جملته الاخيره مازالت ترن ببالي .. ليه يا بابا زوجتني بهالسرعه كان تغليت عليهم ماكان رفضواا ..

الله يسامحك

مشينا بين الممرات ووصلنا لغرفته .. طبعاا الدكتور منع اكثر من اثنين يدشون الغرفه ..

بالاول دخلوا ماما و بابا .. وطولوا و نجود تمووت وتدخل ..

بعد اكثر من عشرين دقيقه و اقل من نص ساعه .. خرجوا .. وجاء دور نجود و سحبتني معاها رغم اني باخر لحظه قررت ان

ماادخل اخااف يهنني .. خصوصاا اني تذكرت كلامه معي ,, وهذا مايطمن اني ادخل .. بس مايفيد اللي ابغاه لان نجود سحبتني

سحب قدام الكل و ماقدرت اتراجع ..

دخلنا الغرفه و كانت هدؤ .. ونا ابلع ريقي .. اخاف يطردني ذيك الساعه يافشيلتي .. سترك يارب ..

نجود "جالسه جنب اخوها تصيح" ,," ونا مازلت عند الباب وراسي بالارض "..

وفهد يهدي فيهااا وهي بحضنه : يالجوود يااقلبي لا تحاتين ,, ماتشوفيني مثل الحصان ,, يالله عاد جوود ..

"ورفع راسه جات عينه بعيني ,, مدري ليه حسيته بيكلمني ,, نظراته غريبه,, لدرجه ان عيني تعلقت بعينه ,, ليش يناظرني

بهالطريقه ,, ياربي لا يكون بيطردني ,, خليك قوويه مشاعل و تقربت منهم .. ونا عيني بعدتها عنه "

مشاعل " بصوتها الرقيق وباحترام" : الحمد لله عالسلامه .. فهد .." خفت اقوله اخووي ,, يروح يقولي مالي الشرف ولا شئ "

Xxxx

فهد

دخلت علي نجود ومانتبهت ان احد غيرهاا دخل جلست ضامها لصدري واهدي فيها لاجل توقف صياح .. شوي حسيت بوجود شخص ثالث معنا رفعت عيني

الا عيني بعين اجمل عيوون .. شقول وشحكي ,, هالجمال مالاحظته قبل .. صدق اول ماشفتها لفتني نظرة عيونهااا

يوم سألتني عن عصافيرهاا ..

ليه صرخت عليهااا ليه ؟؟؟؟ ليه هاوشتهااا ؟؟؟ شفيها لو لبست عباة الكتف .. مااشوف عباتها مخصرة ,, صحيح ان العباة عالكتف

بس الحق لله انها واسعه ومهب ضيقة .. واذا على عيونهااا ,, ماكانت بمكياج ولا حاطه فيها شئ .. بس همبعد عينها تهبل بدون

شئ ..

أذكر شلوون صار الحادث بطريقنا من القصيم للرياض بالبدايه منيرة ساكته ماتسولف وهذا الشئ مب من عادتها .. احس ان فيها شئ لو كنت بوعي

كان سألتها شفيها وعرفت منها لكن احس ان عقلي مب معي .. ايه نعم ..

عقلي بالمزرعه .. عقلي مع الجميله اللي شافتها عيني ,, معقوله هذيك هي مشاعل .. اللي هاوشتهاا .. شلوون اهاوش وحده برقتها و جمالها ولا شعرهااا

الرطب اللي لامس خدهااا بنعومه .. آآه .. ليه افكر فيهاا ؟؟ ليه؟؟ .. انا لزوم ماافكر فيها هي محرمة علي .. لازم اشغل نفسي بشئ وبدون شعور مني

زدت سرعة السيارة فوق ال140 .. وهنا

منيرة : فهدوووه خفف السرعه بتذبحنا انت ..

فهد "بضيق " : منيررره انطمي الحين لاطمك بالغصب ..

منيرة "ترفع حاجب و حاجب لا وهي تتطنز" : لا ااا خوفتني انت ووجهك ..

فهد بستغراب : منيرة .. شفيكك ؟؟

منيرة " انفجرت بوجهه" : اصلاا مقابلة نجود توأمي وشوشو حبيبت قلبي ابرك واحلى من مقابل وجهك ..

فهد " لما سمع كلمة شوشو صار قلبه يدق بقووة .. وبهدؤ حاول يبين صوته طبيعي " : والله .. لا تكون شوشو ذي رقاصه وحنا ماندري ...

منيرة "بضحكة " :هههههههههههههههه هههههههههه وانت بعد تحس ان الاسم يناسب رقاصه ؟؟

فهد " باستغراب" : ومن قبلي حس انه ينفع لرقاصه ؟؟

منيرة : من غيرهااا شوشو ..

فهد "بنرفزة " : مالت عليك اللحين انا وشدرراني من هي شوشو " وهو بقلبه يارب تكون هي .. "يقصد مشاعل " "

منيرة "بعباطه : مرت اخوك مشاعل .. فهدوووه نسيت ؟؟ تبيني اذكرك ؟؟

فهد "تنرفز من كلام منيرة بس طنش وحاول يستدرج " : وليه يعني هي تكره هالاسم ؟؟

منيرة : ايه .. ودوم تقول لي " وهي تقلد صوت مشاعل وطريقتها ودلعها " <<< بس اللي مايعرفه فهد ان مشاعل صحيح انها دلووعه بس دلعها

مختلف دلع طبيعي له طعم ثاني وتأثير حلو للي حولها ..رغم كل المشاكل اللي مرت فيهاا .. ورغم طبيعة اهلها الا ان دلعها مهب ماصخ لا دلع رباني

مثل جمالها .. يمكن هالدلع نابع من طبيعتها الشفافه .. ورقتهااا ..

عدنـــا

منيرة : ايه .. ودوم تقول لي " وهي تقلد صوت مشاعل وطريقتها ودلعها " : منووورة قولي لي عباس ولا حمدان ولا أي شئ لكن لا تقولي شوشو

ماااحب ..

فهد " ودققات قلبه كل مالها تزيد لدرجه يسمع فيها صوت منيرة واطي رغم ان منيرة صوتها ماشاء الله مسموع و مايحتاج " ..

فهد : لهالدرجه يعني مب عاجبهاا ,, زين شتبنا نناديهاا ؟؟؟

منيرة : وانت شكووو على قولة اخوانا الكويتين ؟؟

فهد"حاول يستدرك الوضع " : اقصد هي شتبيكم تنادونها اذا ماكان شوشو اجل شنو ؟؟

منيره "تقلد مشاعل " : اهااا ..

فهد : شفييك تتدلعين .. ترا دلعك مثلك ماااصخ ..

منيرة : والله انا ماادلع اناا اقلد شوشو حبيبتي ..

فهد "اكيد الدلع عايها حلو دام اللي شفته .. جمال ساحر .. خلاب " <<< حشى صاير منظر طبيعي لوووووووول ..

عدنــا

منيرة "بعفويه" : زين فهدووني متى نصل ؟؟

فهد "غيرت مجرى الكلام خلى فهد ينقهر" : ساعه وان شاء الله وحنا بقلب الرياض ..

منيرة : بكرا وراك دواام ؟؟

فهد : ايه ..

وصلنا الرياض ووصلت منيرة بيتها اصرت اني انزل انوم وارتاح شووي لكن رفضت .. ونا بطريقي .. عند الاشارة كنت مسرح بطيف الجميله ..

اللي قهرني اني تذكرت انها مرت اخووي يعني.. " ونا باخذ اللفه من عند الاشارة ماانتبهت للسيارة اللي جت وصار اللي صار .. بس الحمد لله جات

سليمة "


^^^




.
يتبع