الحــلــقــهــ الســابــعــــ :-

" خاب أملي ,,, من قال اني احبهااا ؟؟؟ مـــاجد "

يا وقت وش باقي حزن تخفيه ؟؟

أظن حزن الناس كله وصلني !!

كل التعاسه والألم عايش أنا فيه

!!حتى الأمل خيب بها اليوم ظني !!!!

Xxxx

فهد

قربت مني .. و شالت عينها عني ,, ونا عيني منيب قادر اشيلهاا ,, وراء هالحجاب وهاللثمة ,, رقة وحلا ..

سمعت صوتها الرقيق ينطق ويقول : الحمد لله عالسلامه فهد .. مادريت ان اسمي بهالحلا ,, ياحلوو اسمي لانطقها

شفاتها ,, " وهو يتذكر شكلها يوم سلط الكشاف (المصباح) عليها وهي حطت ايدها على عيونها من قوة النور ..

شاف شفايفها الرقيقة ترتجف ,, وشوي شوي نزلت ايدها "كنت اقوول يوم يوصفون العيون بعيون المهااا يبالغون ,, اثري فيه عيون

احلى من عيون المهااا ,, تأكدت انها مااعرفتني لان النور كان قووي عليهااا وهي ترنحت بالارض بالم وتئنن ,, حتى وناتها رقيقه ,,

<<<< طيح الميانه الاخو حسباله نانسي عجرم ولا هيفااء وهبي يقز فيهااا <<< يخسوون مايجوون بجنبهااا شئ ..

نجود "بهمس في اذني " : فهد اخووي ,, حبيبي شوي شوي عالبنت تراها ماتتحمل ..

فهد " بصراحه انحرجت من كلام نجود .. اخاف اكون زودتها .. ولا طيحت المياانه" <<< بدرررري : احم .. شتقصدين ؟؟

<<< يسووي فيهاا الاخو بريء و هو بطريق والبراءه بمدينه خخخخخخخخ

نجود " وقصدها شئ ثاني بعيد عن مخيلة فهد ,, لكن المسكين من ربكته لانه عارف ان اللي هو فيه غلط " : اقصد أرفأ بها

مسكينه متعنيه تجيك و تحمد لك بالسلامه ,, وقالت عنك كلام واايد .. "نجود كان ودها تحبب فهد بمشاعل وتغير فكرته فيها ماتدري انها

بهالطريقه بتفتح ابواب ثانيه بتجيب رياح وعواصف <<< الله حمدة جغرافيه لوووول

فهد "بسرعه ولهفه" : شقالت عني كلام واايد ؟؟؟ بسرعه شقالت ؟؟

و الحمد لله ان نجود مافهمتها لهفه شووق ,, الاخت فهمتها لهفه للهواش" : فهد حرااام والله .. رد عليها اقل شئ ,,

.. ان بعض الظن اثم يااخوي ,, لا يكون هالحادث بسبتها ..

فهد " بخوف من نجود تكون فاهمته " : شلوون .. شقصدك ؟؟

نجود " بعفويه" : يعني من حوبتها و ذنبهاا ,, ربي رد لها حقها و يفتح عيونك ..

فهد داخله وبينه و بين نفسه" والله اخاف كرهي لها يصير شئ ثاني ,, "

فهد " بصوت رجولي جذاب " : الله يسلمك .. " حاول ينطقق اسمها ماقدر "

وبعدها بدقايق خرجوا .. ونا اقول .. شصار فيك ؟؟ شلوون افكر بمره متزوجه .. ومن اعز الناس لقلبي من اخووي ..

اعوووذ بالله منك يالشيطان .. تحلي بنظر بني آدم الحرام .. حبي لها حراام .. ومن قال اني احبهاا ..

فهد توه انتبه لنفسه .. وكأنه أكتشف شئ واستوعبه اكثر " اناا .. انااا .. معقول .. معقول احبها احب مرت اخووي ..

لااا .. من قال .. يمكن لفتني جمالها لان أي واحد بمكاني بينبهر بهالجمال .."

ولما خطر بباله ان ممكن حمد لو راح بدااله ذاك اليوم بالمزرعه كان

الحين هو شافهااا .. تنرفز من هالشئ ,, وكره الدنيا وضاق .. مايتخيل احد غيره يناظرهااا <<< الاخ يظن نفسه اول من شاافهاا ,, اجل لو دريت

ياافهداااني ان غيرك قبل شافهااا ,, لااا وازيدك من الشعر بيت كانت بحضنه بعد ,, وش بيكوون موقفك لو دريت ؟؟

غير انها زوجة اخووك ..

Xxxx

مــشــاعــل

مارد علي بالبدايه حسيت وجهي طاح من الفشيله والاردى انه قاعد يناظرني طول الوقت ,, حشى مابقى شئ فيني الا شاافه .. مو صاحي .. اكيد

يحتقرني ,, ولا ليش بالبدايه مارد علي الا لما سمعت همهمات و همسات نجود .. اكيد هي اللي قالت له يرد ولا لو على نفسه كان مارد ..

ياربي مدري ليه هالرجال مايحبني ؟؟؟ <<< و الله انك ضعيفه ماتدرين شصااار ؟؟

,, لما رد علي ظل يناظرني ,, لا يكون فيني شئ غلط ,, ايه اكيد يطالع عبايتي ولا لاني متلثمة ,, طيب شسووي مااعرف البس زيهم (مثلهم)

احس اني مابشووف لو غطيت عيني ,, والله اني اتلثم مو عشان اتغازل او حتى اجذب احد ,, بس لاني مااعرف غير اللي تعودت عليه ..

^^^

^^^

بعد دقايق طلعنا مابغت نجود ,, وربي احراج الدنيا فيني ,, استغفرالله الحين ازور اخو زوجي واعرفه و زوجي للحين مااعرفه ..

خرجنا كلنا من المستشفى ووصلنا البيت .. وش اقوول وش ابقي ,, كنت اظن بنبات بفندق ,, اثري عندهم فيلا بالرياض ..

والله حركات .. ماشاء الله عليهم ,,, على قولة شيووخه عندهم خير ..

وش اقولكم عن البيت صحيح انه حلوو ,, بس اللي بالقصيم احلى بكثير رغم ان هذا فيه مسبح وحضاري اكثر ,, بس انا امووت بالاشياء القديمة

نجود خذتني لغرفه جنب غرفتهااا ,, وقالت : شعووله هذي غرفة اختي لولوه زمان و بعدها صارت لمنيرة والحين خذيهاا ..

مشاعل " بحيا " : شكراا ,, بس هذي غرفة اختك كيف اخذهاا ؟؟؟

نجود : شعوووله ,, عندنا غرف كثير للضيوف ,, وانتي اختي ,, زين ومنتي بضيفه يعني الغرفه اللي تبيها دخلي فيها وخذيهاا ..

نجود "بتعب " : تكفين ,, تعبااانه وابي انوم ..

مشاعل " قدرت تعب نجود ,, رحت الغرفه ,, بدلت ملابسي وتوني بدخل الفراش الا الباب يدق .. استغربت ,,فتحت الباب .. وكانت نجود وخرتني

بيد وباليد الثانيه شايلة مخدتهاا .. ولابسه بجامتهاا .. حطت مخدتها بالسرير ودخلت تحت اللحاف وناا لساتني عند الباب اشوفها شتسووي

وابتسمت على حركتهااا .. اللي يشووف نجود مايقول ان عمرها 24 سنه "

ورحت لمها و تغطيت و نمت ..

: يالله عاد وش ذا النوم اعووذ بالله ولا أصحاب الكهف ,,

مشاعل " ونا مغمضة عيني وسامعه الصوت ..مو غريب علي "

فتحت عيني والصورة اتضحت ,, ابتسمت بفرح : منورة ..

منيرة : لااا خيالهااا .. شوشو اعطيك الحين بذا المشط براسك لاجل تفووقين ..

مشاعل " قمت من مكاني وعانقتهااا .. وضحكت ,, وهي بعد ضحكت "وقالت : يعني بتقولين لي لهالدرجه وحشتكم ؟؟

نجود "بضيق" : اعوووووووووووووووذ بالله ,, ماصدقت افتكيت منك ,, انتي وراي وراي ..

منيرة "بنص عين .. تسوي فيها تكلمني ,, وهي تقصد جود" : الا ماقلتي لي ياشوشو ,, شفيها كشتك طالعه ,, تخرعين ,, اخاف على عيالي لا

شافوك ..

مشاعل دوبني استوعب ,, وقفت و قلت بسرعه : منوورة عيوني ,, ضي وضياء هنااا ؟؟

منيرة : اممم حبي راسي بقولك ..

نجود "بقهر": منووورة بالنذاله و المعايرة مافي مثلهااا ..

منيرة "اعتدلت بجلستها و بدءت الحرب " : لا والله .. الحين انا بالنذاله مافي مثلي أجل انتي وشووو ,, انتي النذاله بأصلها تذكرين يوم كنا

بالمدرسة شسوويتي ولا أذكرك ,, هااا ,, تشهدين علي يالنذله وتنفذين بجلدك ..

نجود " بنرفزة " : يااامنيرررووه نسيتي انك انتي راتسبتس الغلط راتسبتس ( راكبك الغلط راكبك ) قلتي لي انك مابتتركينهاا ,, صح ولا لاء ؟؟

<<<< اخخخخخخخخص يالدم ,, قصيمي مااااتقدر تترك اللهجه ..

والأدله كلها كانت ضدك

منيرة " بإستهزاء" : لااا ,, مادريت اني بمحكمه وحضرتك الدفااع , وضدي ..

مشاعل " ونا على قول اختي مشاعر قطريه ضاايعه من قلب وسطهم ... " : بنات اصواتكم عليت , وماما على مااعتقد تعبانه ومو ناقصه

وسكتوا الاثنين ,,

وبعدها كملت :انا مدري شبينكم ,, ولا ابي ادري ان كنتم بهالطريقه وهاتعامل ,, وانتم كبار كفايه ..

بعدها نجوود "توجهت للحمام عزكم الله "

منيرة " حسيتها متضايقه ,, ونا مثل ماتعرفون ماحب اللقافه فمااسألتها رغم اني قلقانه عليهاا "

مشاعل " حبيت اخفف التوتر " : منوورة امممم من جد جبتي بزورتك ؟؟؟

منيرة طالعتني وبعدهااا : هههههههههههههههههههههههههه هههههههههههههه

مشاعل " استغربت ,, لكن استانست لانها ضحكت " : قلت شئ يضحك ؟؟

في ذا الوقت خرجت نجود وطالعت فيني ونا مازلت مستغربه ,, بعدها قالت منيرة : نجوود تدرين مشاعل شقالت .. <<< و لا كأنهم توو متهاوشين ..

تقول عن البزران ,, بزورتك ..

هنا نجود تضحك .. هههههههههههههه ههههههههههههههه ههههههههههه ومعاها منيرة

مشاعل " ونا حاطه وجهي على يديني بمللل من ضحكهم " : هااا خلصتم ,, ممكن اعرف شفيها كلمة بزورة ؟؟

رجعوا يضحكوااا ههههههههه هههههههههههههه ههههههههه

مشاعل : يارررررررربي ,, خلص .. تركتهم ورحت بالحمام عزكم الله ,, خرجت وماكانوا موجودين ..

لبست تنوورة جينز تحت الركبه وبلوزة ربع كم لونهاا بلون الخربز .. وخرجت .. مشيت محل مارجلي توديني لاني مب عارفه وين اروح ..

ونا اطالع حولي ,, أشوف اجمل اثنين بالكون ,, يانااااس عليهم يهبلوووووووون ,, يااالبووو عليهم .. ماانتبهوا لي ..

قربت منهم وبهدؤ .. وابتسامه حلوة لاحلى اثنين <<<< صلووو عالنبي يااناس عاد الا ذوول عصاافير مشاعل ,, اللهم صلي وسلم عليه

لا ينحسدوون ..

مشاعل :السلام عليكم ي احلووين ..

ناظروني بإستغراب الاول وهو ولد واظنه ضياء الا مااظن انا متأكده انه ضياء : وئليكم السلام ..

والثاني كانت بنت وهي ضي بصوت هامس وحيا : وعليكم الثلام ..

ماشاء الله تبارك الرحمن يهبلوووا ماشفت احلى عنهم بحياتي والله اني ماابالغ انتم لو شفتوهم تقولون ياحليل امهم فيهم ... مااحسهم يشبهون

منيرة ,, صحيح ان منيرة قمر وهذا مايختلفوا عنه اثنين ,, بس أطفالها حلوووين بالحييل ..

مشاعل : انت ضياء ,, وانتي ضي .. صح ؟؟؟

ضياء "بثقه حلووة وبرجوله تهبل" : ايه نئم ( ينطق العين الف ) <<< حشى صااير هندي الولد ..

مشاعل "بمرح " : تدري انك قمر ؟؟ وعسل و قشطه .. ,, قربت من خده وبوسته"

لو شفتوا الولد صار طماط ,, هذا كله من البوسه ,, اجل لو ضميته شبيسووي ؟؟

ضي "ببراءه": ههههههههه هههههههه مثيكين باثتك (مسيكين باستك)..

مشاعل "بضحكة ونا اقلدها" : ههههههه .. زين ليث مثيكين ؟؟ "وبوستها هي بعد " وهنااا ضياء قام يضحك قال بيرد لها الحركه ,,

مشاعل " ضحكت عليهم اثنينهم " : طيب ممكن نتعرف ؟؟؟؟ <<< تسووي محترمه ,, احلى يالرسمــيه ..

مشاعل " ضحكت عليهم اثنينهم " : طيب ممكن نتعرف ؟؟؟؟

ضياء : زين انتي تئرفينا حنا مانئرفك .. ( انتي تعرفينا ,,حنا مانعرفك ) .. << الولد متأثر بالسوااق لووووووووول

ضي "بخجل " انا اعرفها ..

ضياء: سلوون (شلوون) ؟؟

ضي : امي علمتني ..

ضياء: كذابه ..

ضي: انا مب تذاابه ( كذابه ) ,, انتي ثوثو مرت حالوو مزوودي ( انتي شوشو مرت خالو مجوودي )

مشاعل "بوناااسه على كلامهم اللي زي العسل " : ايه صح ,, انا مشاعل مرت خالو مــ .. وما قدرت انطق الاسم ..

ضياء: سفيك (شفيك) ماتئرفين تقولين مجوووودي ..

مشاعل "قلتها بحزن تمثيلي ,,بغيتهم يرتاحوا لي": لا مااعرف ,,

ضياء : ذين (زين) قولي مئي (معي) م ج و د ي ..

مشاعل " والضحكه فيها " : م ج و ...

قاطعتنا نجود : انتي هنيه ,, و منيرة تقول يمكنها ضيعت ,, اثريك مع هالقروود .." اعتفست ملامحهم الاثنين"

مشاعل : حرام عليكي جود والله انهم احلى من القمر .. " ابتسموا ثنيناتهم" .. يالله نروح لماما ..

ومسكت ضي من يد وضياء من يد رغم ان ضياء حسيته مايحب بس سويت نفسي مو فاهمه ولا منتبهه لحركاته ..

رحنا لمى المطبخ وكانت منيرة هناك جالسه على كرسي وماسكه بايدهاا كووب ..

مشاعل : مساء الخير .. ياام القمرين .. والله انهم اسم على مسمى ..

منيرة " بغرور" : ايه ادري دامهم عيالي طالعين علي قمااري ..

نجود "باستهزااء" : هه ايه صح ,, والله انهم يشبهوون اخوي ماجد ولا الحلا وين وانتي ووين .. سكتي منورر بالله سكتي ..

منيرة "بشهقه " : الحين يااانويجيد انا وين والحلا وين .. مااقول غير الله يخلف عليك .. سباااااله ..

نجود : تسووين فيهاا امااراتيه ,, ماتجين مثلهم ,, هم رزه وانتي الحمد لله و الشكر ,, الرزة والثقل بجنب وانتي همبعد بجنب ثااني ..

منيرة : والله يانجود و صار لك لسان .. الــ ..

قاطعهم ضياء " بملل " : يااااالبي (ياااااربي) انتم دووم هواااس (هوااااش) رحماااك يالبي ( رحماك ياربي )

مشاعل : هههههههههههههههههههههههه هههههههههههههه حتى الصغار ملوا منكم و من هواشاتكم ,, على الاقل بطلوا هواش قداامهم ..

ضياء : هريم ستبين فيهم ( حريم شتبين فيهم )

منيرة : ايالحمار الحين تطنز على امك .. اووريك يالبطريق ..

مشاعل : منوورة عاد كله ولا ضياء ماارضى عليه .. ضياء قلبي انا بعد حرمه يعني مثلهم ..

ضياء : لاااا انتي اهلى ئنهم ( انتي احلى عنهم ) ,, هم بس يهااوسوون ويتهااوسون ( يهاوشوون ويتهااوشون )

مشاعل : هههههههههههههههه

منيرة "بقهر" : ضحكة بليا ضروووووس قولي اااامين ..

ضياء : بئدووينهاااا .. واللي يكرحونحاااا ( بعدوينهاا واللي يكرهونهااا ) << معلومه : ضياء يقول عن الهاء حاء والحاء هاء ..

: لقيتي من يناصرك بين المهبل "وهي تقصد منيرة و نجود "

جرت ضي تسابق ضياء لماما ..

و ضي تقول : جدتي ,, احبت ( احبك ) ,,

ضياء : ونا بئد اهبك ( وانا بعد احبك ) ..

ضي "بعناد " : بث انا احبهاا اتتر ( اكثر ) ..

ماما : ونا بعد احبكم كلكم اكثر من هالمناااقر .. " تقصد نجود و الملقوووفه منوورة >> هذي تذكرني بوحده اسمهااا هلوونه ,, خخخخخخخ

مشاعل : هههههههههههه هههههه ..

منيرة ونجود ويا بعض : ضحكة بليا ضرووووس قولي ااامين ..

مشاعل "بابتسامه" : آآآمين ..

الكل ناظرها مستغربين إنها دعت على نفسها و قالت امين ..

ام فهد : مشاعل يا يمة مايجوز تدعين على نفسك ..

مشاعل : من قال اني دعيت على نفسي .. بس امنت (يعني قولت امين ) ,, الا ماما كيف فهد ان شاء الله تمام >>> قال تصرف .. ماتعرفين ..

ماما "فهمت تلميح مشاعل ,, وهالشئ حز في نفسهاا ,, وقلبهاا قزهاا " : توني كلمته و قال بيطلعونه اليوم بالعصر بيمر عليه الطبيب

وان خلص كشف بيطلع ..

نجود : يمه من بيجيبه ؟؟؟

ماما : اظن انه ماجد ,, اذا ماوراه دوام بيجبه واذا عليه دواام ..

قاطعتهااا منورة كعادتهااا : خلص بكلم سعوود يجيبه ..

نجود "بنص عين" : منووور سمعتي شقالت امي ماجد بيجيبه ,, واذا ,, اذا ,, سمعتي شقوول اذاا ماعنده دوام بنكلم سعوود ,,

ارتاحي و ريحي الرجال شووي ..

ضي و ضياء : اففففففففففففففففففففففففففففف ..

وانا و ماما نطالع بعض : ههههههههههههه ههههههههه

جلسوا ماما و نجود و منورة و يابعض .. يفطروون ونا فضلت اروح مع ضي و ضياء برا بالحديقه وجلسنا ويابعض سولفنا تكلموا عن نفسهم

وش يحبونه وش لا .. وعرفت عنهم اشيااء كثيرة ,,<<< بعدين بتعرفونها مع العشرة معي بالقصه ..

بعدها ضي كانت جوعانه ,, قلت لها تمي هني مع ضياء ونا بروح اجيب لك شئ تأكلينه ..

رحت المطبخ ونا عند الباب توني بدخل ,,, سمعت اللي ماتخيلته ,, وخاب أملي ومن الصدمه .. ضليت بمكاني رجولي ماعاد تشيلني ..

؟

؟

؟



#####
نرووح لمكان ثاني برياض المملكه و بالتحديد بمستشفى الــ ....

Xxxx

فهد

زهقت ونا بالمستشفى رغم ان خوويااي ماقصرواا معي وبالشغل الشباب جووه زاروني ,, وقعدوا معي .. لكن مدري شفيني احس اني ضايع

وتفكيري همبعد ضايع مثلي ,, كنت مرتاح بحياتي شلي تغير ..

"وبداخلي اسمع حوار بيني وبين ضميري " الضميـــر : اللي تغير يافهد انك شفتهاا ..

فهد : وش يعني شفتهااا؟؟ مثلها مثل غيرهااا ,, ماهمتني ..

الضمير : هههههههه تضحك على منووو ؟؟ فهد انا ضميرك انا قلبك و روحك ,, وادرى منك ..

فهد : امي تبيني اجي البيت .. شلوون بجي وهي فيه ؟؟

الضمير : فهد الحق على نفسك ولا تتوهم بأشياء ,, مستحيل تكون وااقع .. لا تحااول ترراها لغيرك ,, لاخـــوووك ..

... : اللي اخذ عقللك ,, اكيد مهب انا " وابتسم " ..

التفت فهد ناحية الصوت " بصدمه " : م.. مــ .. مـــــــــــــــــــــاجــد .. ^^^




--------------------------------------------------------------------------------