الحــلــقــة الثــامــنــهــ :-

"ســــــــــ زواجــــي ـــــــــــــــر"


كـلـّمـنـي عـنّـك

أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك


مشاعل " كل اللي انقال كان على مسمعي " : يعني زوجتموني ولدكم مو عشان انعجبتم فيني ,, لا زوجتوني شفقه بحالي ,, لهالدرجه ..

و من قال اني احتاج شفقه ...

"التفتوا علي وطالعوني بصدمه "

مشاعل "بصوت مسموع ,, وحزين " : ليش ياماما انا قلت لكم تعالوا اخطبوني ؟؟ ,, يعني زوجتوني شفقه فيني مو ؟؟

" ماما ضلت ساكته تناظرني بهلع "واللي تكلمت هي نجود بعد ما وقفت : مشاعل القصه مب مثل ماانت فاهمته ..

قاطعتها : لو سمحتي نجود .. اعتقد عندي عقل افكر به , واذن سمعتبها كل شئ ,, ليييش ؟؟؟ ليششش ؟؟

"عيوني تلمع من كثر الدموع اللي تجمعتبهااا ,, ونا ارتجف قهرررر " : ماتوقعتكم كيذااا ..

لكن انا مااشره عليكم ,, لو بشره على احد ,, بشره على ذااا "اشرت على قلبي " هذا مو اول مرة يخوني ,, مو اول مررة ..

"وقفت منورة " : شوشو انتي فـ ...

ماما "وقفت " وقالت : مشاعل .. "بحنان اموي " يمة تضنين اني بخدعك و ازوجك ولدي ضنااي ونا ماابيك .. لا والله مااسويهاا

قعدي وسمعي شقوول " جلست احترام لها ,, غير ان رجولي ماعاد تشيلني"

يوم زرناكم ببيت عمك بالمدينه ,, وحنا عند الباب بنطلع الا نجود نست جوالها وانتي خابره مااقدر امشي كثيير وقتها ..

دخلت مع نجود و سمعنااك وانتي تناجين ربك .. تدرين شصاار فيني ,, دموعي سبقت كلامي وغطت عليه .. ماعدت اقدر اكلمك ,, سافرنا ,,

وصورتك ببالي و صوتك يرن بإذني .. " سكتت ام فهد و كأنها تتذكر"

كملت نجود : مشاعل حاولنا نتصل فيك كذا مررة ,, محد رد واحيان الشغاله ترد و ماتعطينا جواب وافي عنك ,, سنه يا مشاعل ,, وامي تعبت اكثر

بسبتك ..

طالعتهم " بإعتراض " : أنا ,, أنا ايش سوويت ؟؟

ماما : مشاعل ,, انتي ضليتي ببالي لدرجة اني اشوفك بالمنام ,, كنت اشووفك تعباانه ولابسه ابيض ,, تكلميني تضميني ,,

كنتي تقولين .. يممة خذيني عندك ,, يمة طلبتك لا ترديني ,, يمة انا بكون بنتك اللي ماجبتيها ,, بكون جاريه عندك بس لاااااا تروحين و تخليني ,

يمة عسى يومي قبل يومك .. يمة انتي دووااي ,, تكفين شيليني ,, تكفين اكفليني انا يتيمة ,,

و كل مااقرب منك كنتي تبعدين و صوتك يبعد معك .. " هنا صاحت ماما " ..

نجود "وراسها بالارض" : امي تعبت حييل من احلامها .. ماكانت تنام من كثر ماتشوفك .. تقول ان اللي يشووفك يصيح لان حالتك وانتتي تقولينها

ماتسر عدوو ولا حبيب ,, حتى ان الدكتور وصى لها بحبوب منومه ..

كملت ماما وصوتها فيه الصياح : بالاخير قلت لبو فهد يجيبك لي ,, قلبي مابيرتاح الا وانتي هني " وهي تحضن نفسها بايدها"

و راح لبيت عمك بالمدينه و حصله و كلمه ,, وعمك كلم ابوك ,, وزرناكم بجده وربي تمم كل شئ على خير .. وهذاني معك وانتي بعد معي ..

يوم شفتك حسيت بطعم النوم .. وربي شاهد على كل كلمة اقولهااا .. انتي دخلتي خاطري من زمن ..

مشاعل " ماتحملت كلامهم ,, رغم اني ماصدقت اللي يقولوه .. عشان حلم تقوم تزوجني ولدهااا ,, بس ماهانت علي اشوفها تصيح ..

شالتني و ضمتني و حنت علي أكثر من أمي .. وهذي جزاتها .. قمت من مكاني و رحت لمهااا " : يمة "قلتها مثل مايقولونها .. "

يمه مابرجعك خايبه لا و الله بكون لك مثل ماشفتيني بمنامك .. بكون لك بنت ماجبتيهاا ,, بخدمك بعيووني .. ومااعصيك وهذا وعد مني ..

" لمتني ماما بقووة لصدرها و جلست تصيح و نجود و منورة وحتى انا ,,جلسنا نصيح <<< فيلم هندي هو تصيحوون ..

^^^

^^^

^^^

^^^

^^^

^^^

^^^

بمكان ثاني نرجع لفهد ومن معه ...


Xxxx

فهد

الضمير : فهد الحق على نفسك ولا تتوهم بأشياء ,, مستحيل تكون وااقع .. لا تحااول ترراها لغيرك ,, لاخـــوووك ..

... : اللي اخذ عقللك ,, اكيد مهب انا " وابتسم " ..

التفت فهد ناحية الصوت " بصدمه " : م.. مــ .. مـــــــــــــــــــــاجــد ..

مــاجد ( هذا هو بطل روايتناااا ,, هو نفسه جوووودي .. )) بإبتسامه مريحه : بو نوااف شفيك تخرعت ؟؟

فهد "يبلع ريقه .. آآه لو تدري يااخوي وش كنت افكر فيه .. كان ما كلمتني بهالطيبه " : سلامتك اخوي .. سرحت شووي واانت كلمتني فجأة ..

ماجد : زين شقالك الطبيب ؟؟ بيخرجونك اليوم ؟؟ ولا متى ؟؟

فهد : أيه اليوم ,, جاي تاخذني ؟؟

ماجد "بعباطه " : لاااا باخذ اللي بجنبك ..

" فهد طالع جنبه ببراءة " : ووين ؟؟؟

ماجد "رافع حاجبه اليسار " : مهبووول انت ؟؟ قم بس قم خلنا نلحق وراي اشغال ..

فهد : زين شلني ..

ماجد : وشووووووووو ؟؟ شلي اشيله ؟؟

فهد : اقصد اسندني للحمام ..

ماجد : ياااربي وش ذا البلشة ..

فهد : الحين جاي تتمنن علي مااقول غير مالت عليك من اخو ..

ماجد : فهد شفيك صاير مثل المررره وش ذااا مالت,, ياخووي ماعندك غيرهاا ..

فهد : اقول لا يكثر ..

ساعدني ماجد جزاه خير ,, ولم لي اغرضي ,, خلصنا اوراق الخروج ونا رجلي مجبسه وتوكلنا عالبيت ..

####

مــشـــاعــل

طلعت غرفتي بعد ماهدت ماما لانها كانت تصيح طلعتها و يا نجود غرفتهاا وعطيناها الدواء ,, ونامت ..

ونا رايحه على غرفتي ,, نادتني نجود : مشاعل ..

"وقفت مع اني مالي خلق شئ ,, لكن يامشاعل من عادتك الصبر " : هلا ..

نجود : مشاعل ... " سكتت ثواني بعدها كملت " :انتي غاليه ,,قسمن بالله غاليه علي بالحيل ,, وغاليه على امي ,, كل اخواني تزوجوا وعندهم حريم

بس عمري ماشفت امي تهتم بوحده فيهم لهالدرجه ,, لدرجة انها تغليهاا اكثر من بنتهاا .. وابووي بعد لك بقلبه غلا غير ..

مشاعل : ولو نجود ,, انا بعد احبكم .. بس هذا مو معناه تزوجوا ولدكم عشان حلم مو اكثر .. يعني مو ذنب اخوكي ولا ذنب ابوك ولا حتى امك

يزوجزني والاهل ماايبوني ,, لا تضنين اني مالاحظت بالمزرعه شكثر الكره و الحقد بعيوونهم ..

نجود :لو مانبيك كان ابوووي ماسوى اللي براسه .. هو صحيح انه سوااه عشان امي ,, وهذا من غلاك عند امي ,, ابوي مشى كلمته بزواجك

باخووي كثير ماابغوا هالشئ ,, " طالعتهاا ونا معقدة حواجبي" كملت : ايه ادري اني ماقلتها لك قبل,, مع ان منيرة قالت لي لزوم اعلمك..

لكن امي وابوي منعوني عن هالشئ .. لكني ماابيك تكونين ضعيفه وسط الذيااب ..

مشاعل "رددت الكلمة" : ذياب ؟؟؟؟

نجود : أي ذيااب ,, ذياب بشريه ,, شعووله تعالي معي " مسكتني مع يدي وخذتني غرفتهاا سكرت الباب "

كملت : شعوله ماابي اكون وقحه معك و بنفس الوقت لزوم تكونين على علم باللي يصير حوولك ..

مشاعل " كلام نجود مايطمن ,, اللي يسمعهاا يقول داخله حرب .. ضليت ساكته استمع لهاا"

نجود : لا اعمامي و لا حتى عماتي كانوا راضين بهالزوااج ,, حنا عندنا مانخرج برا العايله خصوصاا ان كان فيهاا بنات وياكثر البنات اللي

ماتزوجوا .. وان زوجنا من برا العايله تكون من نفس القبيله او من قبيله ثانيه الاهم انها تكون "سكتت .. وانا كملت عنها"

مشاعل : الاهم تكون قبيليه موو ؟؟

نجود : مشاعل حنا ماهمنا ,, اهم شئ صحت امي ,, ونا فرحت من الخاطر يوم وافقتي .. خفت ترفضين و تقولين وش ذا الزواج الغريب

ملكه و على طول يبون يشلوني .. قلت لامي نخبرك اننا نفسنا اللي التقينا فيك ,, لكن امي رفضت ..تقول بهالطريقه بنجبرك ونضغط عليك

لاجل توافقين ..

"سكتت نجود ونا بعد .. بعدها كسرت الصمت "

مشاعل : نجود شقصدك بالذياب ؟؟؟؟

نجود"سكتت دقايق بعدها جاوبت" : مشاعل اللي شفتيهم بالمزرعه ,,كمن وحده تبي ماجد لهاا ,, حتى ابوي كان بيخطب له منهم ..

لكن كل شئ تعرقب عقب ماامي مرضت .. ولو لاحضتي مب كل العايله جت المزرعه ,, عمتي حفصه هي اللي جت ,, عمتي عيشه و عمتي لولوه

مااجت ولا بناتهم ,, همبعد مب كل اعمامي جووا .. غير عمتي اللي بالبحرين ماتقدر تجي ..

وناا ماابيك تكونين ضعيفه وياهم ,, خلك قويه , اخاف يسوون لك شئ بالزواج ..

مشاعل "بإستغراب " : ايش بيسون يعني ؟؟

نجود : مدري والله , لكن خذي احتياطك .. لا تصدقيننهم لو شمصار .. اوعديني ..

مشاعل " رغم اني كنت حاسه باللي حولي بطريقه غير مباشره الا ان الاستغراب كان واضح علي " : ان شاء الله ..

نجود : لاااا لا تقولين ان شاء الله .. قولي والله ان شاء الله ..

مشاعل "بضحكه " : والله ان شاء الله ..

خرجت من عند نجود ورحت عى غرفتي طواالي .. سكرت الباب و قفلته بالمفتاح .. جلست عالسرير افكر بكلام نجود احس ان افكاري تلخبطت

قررت اخذ لي شوور يمكن ارتاح .. وفعلا اخذت معي الرووب و دخلت اكرمكم الله الحمام ونا تحت الدش استرجعت كل اللي صار من يوم تركت جده

اول لغز وانحل وهو اني سافرت القصيم لاني مااكنت ادري وين رايحه ,, ثاني لغز واللي كنت اضنه انحل و هو ليش انااا بالذات اختاروني

وتعنوا لاجلي من القصيم لجده .. ولما شفت ماما و نجود ضنيت انهم حبوني وانعجبوا فيني ,, وجاء فهد وهزئني قدام اخته وبنت اخته حتى

المحاسب بالسوبرماركت ,, بعدها جت أصيل , وعرفتني على العايله الكريمه بالبوم الذكرياات ,, اما الحفله ماحسيتها حفلة كثر ماكانت مفاجأت

الحقد بعيوون الموجودين وحنان بعين العمه حفصه وطيبه بعين مرت حمدان والخبث بعين غيرهااا .. والأدهى من هذا كله اللي شافوني

الاول اكيد خيال لان الاحلام ماتتحقق ,, لكن الثاني من يكون ؟؟ ماشفته بسبت النور و الألم ..سفر اصيل ومنوورة ,, حادث فهد ,,

ضي و ضياء "اببتسمت ونا اتذكرهم " " مسرع ماابتسامتي صارت حزينه ونا اتذكر كلامهم ونا عند باب المطبخ "

منيرة : جدتي ,, مشاعل مسكينه و ضعيفه ,, مب كفايه انكم خذتوها بهالطريقه ,, ونا منيب راضيه باللي يصير ..

نجود : منورر ,, انتي ادرى بالحال .. شنسووي يعني ..

وماما ساكته .. منيرة " بقهر" : حراااام عليكم ترا اللي تسوونه "سكتت وبعدها كملت".. قولوا الصراحه انتم خذتووها لولدكم شفقه ولااشنوو ؟؟

" معقوووله انهم خذوني شفقه .. والماي ينساب علي ,, ودموعي صارت مثلها مثل الماي .. غمضت عيني بقوووة .. شسوويت عشان يصير لي

كل هذا .. يوم حسيت اني استقريت كل شئ انقلب ضدي .. ليتني قعدت على عماااي ..ياليت ... "

<<<< كلمة ياليت ماتعمر بيت شعووولــــتــــــــــــــي ...

خلصت الشوور .. ولساتني بالروب مالي نفس البس .. انسدحت عالسرير شووي .. قمت بعدها تلبست .. وتوضيت ولبست شرشف صلاتي

وقرأت سوورة الرحمن ,, وبعدهاا قراءت سورة يس ,, ودعيت ربي بصمت .. فضلت اجلس اليوم بغرفتي ماابي اشووف احد ..

خصوصا اليوم بيجي فهد ,, واكيد ما يطيقني ولا يطيق قعدتي ..

بعد حوالي نص ساعه سمعت صوت صياح و تحميد عالسلامه .. عرفت ان فهد رجع .. جاء في بالي كلام ماما ان مــ اج د ...

يمكن يجيب فهد للبيت ..

بيني و بين نفسي .. مشاعل ماتبين تشوفينه .. ماتبين تشوفين زوجك ...هذي فرصتك اخرجي بدون لا احد يشووفك وشوفيه.. ابعدت هالافكار عن راسي

لان اللي بيجي ببالي واحد مافي غيره وهذي خيانه ونا مااقدر اخوون ..


ونا اناجي قلبي واقوول : ادري ياقلب ماتشيل الا واحد ,, لكن الخيانه ماهي طبعك ..تكفى انسى وجوده وان كان بعده موجود ..

اذن المغرب صليت .. وبعدهاا جلست ماعندي شئ اسوويه خرجت سبحتي وجلست اسبح فيهاا حاولت انام ماقدرت بالنهايه فتحت الدريشه ..

و توني شفت واحد خارج من البيت .. "قلبي شصاار فيه مدري .. احس وددي الحقه رغم اني ماشفت منه الا ظهره وهو يتجه لسيارته

ركبهاااا ومشى وحسيت روحي مشت معه شهالاحساس الغبي اصلاا هو من يكون عشان احس بهالاحساس؟؟

مدري شصار فيني هاليومين ,, عقلي و افكاري مشتته ,, كله من اللي صار بالمزرعه .. من قالي اخرج والعب ذااك اليوم ..

بعد اللوم وعتاب النفس .. تمللت واايد بالنهاية اذن العشاء وصليت .. عالساعه 9 ونص طق الباب ,, ماحبيت ارد

ورجع انطق كذا مرة ولا رديت .. غمضت عيني بقووة .. سمعت صوت حد يحاول يفتح الباب خفت بقووة ..

وسمعت صوت نجوود : شعوووله اذا صاحيه تكفين فتحي الباب بكلمك شووي بس ..

مشاعل مارديت ليه احس اني تعبانه ومالي خلق احد .. نمت ولارديت على نجود ..

Xxxx

فهد

وصلنا البيت وماجد بينزل اشياتي من السيارة ويسندني بيده فتح لنا الحارس الباب .. ونا داخلي ليتني ماجيت كان رحت الشقه افضل ..

فهد "وهم عند الباب لساتهم مادخلوا " : ماجد

ماجد: هلا بو نواف ..

فهد "بتردد" : شراايك نرجع الشقه ؟؟

ماجد "بنص عين " : وشووله نرجع الشقه ؟؟ خذيت كل اغراضك ولانسيت شئ ؟؟

فهد : لا مانسيت لكن ..

ماجد قاطعني : خلص عيل خلنا ندخل ..

فهد : ماجد رجعني منيب قاعد هني .

ماجد : الحين جايك من الدواام ونا بمووت و أصِل للسرير مع اني جوعااان ماتغديت للحين ,, وبالأخير تضربني هالمشاوير عالفاضي ,,

مااقول غير انا الغلطان اللي جيت و خذتك كنت بسووي فيك خير .. لكن و الله يافهد منيب متحرك من هني الا وحدي وانت وياشكلك

ارتز هني .. مااقدر عليك وحدي نسيت دوامي غير اشغالي اللي اجيبها بالبيت .. والله مااقدر عليك وانت وياطلباتك ,, فخليك بكرامتك هني .. يرعونك ويهتمون فيك ..

فهد "فتحت عيوني عالاخير " : هذا كله بقللبك , اراويك يااادب ..

دخلنا الصاله وهو يساعدني اقعد يقوول : اذلف بس اذلف .. فاضي لك انا .. وبعدين اذا انا دب انت وشووو ؟؟

فهد : الحمدلله الكل يشهد برشاقتي ..

ناظرني ماجد بغروره المعتاد و هالغرور هو اللي يخليه محط انظار الكل ..

ماجد : قلبي انت راايح عصااا ,, اما انا ماحب اغتر بنفسي ,, الكل يشهد على جسمي ويتمنى يكون مثلي ..

ماانكر اخوي ماجد اوسم واحلى اخواني حتى احلى عني

واصغر عني عمره 26 سنه ,, دارس كمبيوتر تخصص شبكات .. فيه من الغرور والثقه .. وجاذبيه ..

وجاء يمشي وقفته : هيه انت على وييين ؟؟

ماجد : حميداااان , شفيك صاير منووور " ماجد يقصد باللقافه صاير مثل منيرة" ..

فهد : لا حووول مالقيت الا منوور ,,

منيرة "تهلل وتكبر" : هلا والله ,, الله اكبر على خواالي كل واحد احلى عن الثااني .. صلوو عالنبي

كلهم : اللهم صلي و سلم عليه ..

ماجد : بو نواف تعرف المثل اللي يقول جبنا سيرت القط قام نط ..

كلنا ضحكناا ومنوور لااا

منوور"بلقافه" : الا شكنتوا تسولوفون قبل لااجي ؟؟ اظن سمعت اسم منوور ؟؟

فهد وماجد بجاذبيه حلووة يضحكوون : ههههههههههههههههههههههههههههههههههه

فهد : ونا اقوول شفيهاا الاخت ملقووفه ماتكلمت .. ابو طبيع مايجوز عن طبعه ..

وجت امي و هي تصيح بفرح : هلا والله يمه وجت حضنتني ..بستها على راسها وجاء بعدي ماجد وسلم عليهاا ..

جلسنا شوي الا ابوي جاء .. وبكذاا قعدنا و يابعض وتقهوينااا ..

وخذتنا السوالف ..

بو فهد : هايبه ماجد شخبار الشقه .. صلحتهاا ولا باقي عليهاا ..

ماجد : أي يبه باقي شئ بسيط ..

بوفهد : امداك تخلصه باسبووع ..

ماجد "ناظر ابووه باستفسار ليه يسأل ان خلصت الشقه باسبوع,, لكن مالقى أي جواب " : مدري بشووف ..

بو فهد : ابي الشقه تخلص باقل من اسبوع .. احجز بقاعة الــ ....

منورة : ياااااااااااااي وناااااسه هذي اكبر قاعه بالرياض وافخمها .. والله بعزم كل رفيقاتي ..

ماجد اعطاها نظرة استفزاز : اذا تكلموا الكبار الصغار ينطموون .. ولا مايجلسوون ويانا .. ذلفي ..

منورة"بقهر" : شسوويت كله لاجل فرحت لك .. مالت عليك ماتستاهل .. اصلااا حراام فيك مشاعل هي وين وانت ووين ..

ماجد : زين قلبي وجهتس لاعطيك طرادز يفدز وجهتس .. (قلبي وجهك لاعطيك طراق يفقع وجهك)

بو فهد :منيرة عيب عليك هذا خالك واكبر عنك .. وانت بعد ماجد تحط عقلك بعقلهاا ..

فهد " كل الكلام دار بوجودي ,, صرت اضغط بقبضتي على العصا اللي عطوني هي بالمستشفى اسند بها نفسي عشان امشي

ليه احس اني متضايق "

وقفت ونا اسند نفسي بنفسي .. والغريب من هذا كله نجود ساكته ماتكلمت حتى امي ماتكلمت واايد .. شفيهم ,, مصيري اعرف

ادري بنجود مابترتاح الا اذا قالت لي .. "

استأذنت وطلعت ارتاح وهم مازالوا يتكلمون بالعرس .. ونا عند باب غرفتي ناظرت الغرف حولي ,, اسأل نفسي ..

ياترى انتي بأي غرفه فيهم ,, استغفر الله .. دخلت غرفتي وجلست بالسرير ونا مغمض عيني ,, رجعت فتحتها بسرعه ..

ياااناس منيب قادر ,, كل ماقفلت عيني القاها قدامي وان فتحتهاا افكر فيهاا شالحل ؟؟

والله اللي اسوويه ميه بالميه خطأ .. ابي حل ,, حل ..

Xxxx

مــاجــد <<<< عاد ماجد لو اقوول لك ذول البنات مخبل مصروووعين الااا كل شووي وين ماجد ؟؟؟ متى يلتقي بمشاعل ؟؟

مشحووفات ..

اعووووذ بالله ..

عدنــا

Xxxx

نجـــود

لا تستغربوون انا لي دوور بعد بالقصه ,, ادري ان مشاعل كتبت عن نفسهااا وماكتبت شلي افكر فيه واللي بقوله الحين لكن انا بسولف لكم عن

نفسي و مشاعري بعيد عن مذكرات مشاعل اللي يقرااها جوودي حبيب شعوووله..

كنا نسولف يوم راحت مشاعل الحديقه وياضي و ضياء .. وبقيت ويا الملقووفه .. اقصد منوور .. وامي .. والله يهديها منور مب وقته هالكلام ..

سمعتناا شعووله ..

انصدمت يوم قالت مشاعل : زوجتموني شفقه وليه ؟؟ والغلط على قلبي مهب اول مرة يخوني .. استغربت من كلامهاا ..

احس اني مقهوورة عليها,, وهي غير عن كل البنات فيها شئ يميزها يمكن حزنها اللي بعيونها واللي تحاول تخفيه بابتسامتها العذبه من اول يوم

شفتها فيه وهي دخلت قلبي ,, هالبنت فيها حنيه و طيبه .. وبراءة اخاف عليها ..

ماهانت علي تفهمنا غلط .. حاولت افهمها انا وامي الصدق .. لكن اشوف بنظراتها عدم تصديق ..

لما وصلنا امي لغرفتهاا قلت لها عن كل شئ تقريبااا .. وفي اشياء خبيته عنها حفاظاا على مشاعرهاا ..

كنا مجتمعين كلنا بالصاله وحتى ماجد كان معناا ,, كنت ضايقه لضيق مشاعل ,, بقد رماانا فرحانه لوجودها معنا بقدر مانا خايفه عليهاا ..

لاحظت عيون فهد تناظرني بس طنشته رغم اني ادري ان مردي لفهد اخووي هو اقرب انسان لي ..

كثير اللي عرفوا فهد كرهوه بس مردكم تحبوونه لا تستعجلوون ..

رووح ماجد بغيت اكلمه بموضوع <<<< منيب قايله عنه الحين ادري اللقافه بتااكلكم اكل لووووووووول

ماقدرت اكتم اللي بصدري رحت طقيت باب اخوي فهد كان بالحمام عزكم الله ..

انتظرته .. شوي وطلع ..ناظرني بنظره تفهم .. وظل ساكت ونا بعد .. يعجبني اسلووبه يوم اناقشه بموضوع ,, جد متفاهم ..

عاقل ,حبوب .. ومحبوب من الكل ,, اكثر انسان مقرب لي ,, تحسونه رزة و كشخه فيه من الوسامه و الرجوله شئ كثير ,,

وقوور (محترم ) من ناحية شكله ,, شقوولكم عنه امممممم عادي لو حطت لكم جلادوو لاس صورته ولا شلوون ؟؟

زين فهد طويل اطول عن ماجد يعني طوله سك الـ180 جسمه حلووو ورباني ,, مادخل نادي ولا شئ ..

ابيض البشرة .. عيوونه نااعسات يهبلوون وابتسامته حلووة وهي ناادراا مانتطلع ..

ادري ودكم تعرفون عن ماجد بس هذا ماابوصفه لكم بيصفونه غيري ...

عدنـــــــا

جاء وجلس عالسرير وظهره يواجه ظهري , ولا تكلم ..

نجود : فهد اخوي ..

فهد : عيوون فهد آمريني عسى ماشر ..

نجود "حكيت له كل اللي صار عاد هنا فهد تغيرت ملامح وجهه .. خفت و ندمت ,, ياااربي نسيت انه مايطيق مشاعل و الحين بدل

مايوقف معي بيوقف ضدي لكن فهد فاجأني ,, وقف على حيله و حسيته تألم بوقفته رجع جلس رغم انه حاول يخفي آلآمه

فهد "بغضب مكتوم " : انا بفهم ,و هذي منيرة شجايبها هني .. ماعندها بيت و لارجال تقابله هي وجهها ,, وربي لو من سعوود

مابقيتهاا يوم بذمتي ,, كل يوم والثاني طالعه .. اعووذ بالله ..

ارتاحت الحين يوم صيحت البنت وهي رقيقه و حساسه ماتتحمل ..

طالعت فهد بإستغراب : فهد .. هذا انت اخووي ولا استبدلووك ؟؟؟

فهد "بنص عين" : لاا يكون قطعة غيار سيارة يستبدلووني ,, من كثر جلستك ويامنورر صاير غبيه مثلهاا ..

نجود : شسووي من متى هالحب .. خابره انك ماتطيقها ولا تطيق وجودها غير كرهك للخضيرين ومدري وشووو بعد ..

فهد "بتهرب" : انا مع الحق وان كان عدووي .. وبعدين هذي جزاتي اخفف عنك هموومك ,, مالت عليك ..

نجود : انزين قلي شسووي من يوم كلمتها دخلت غرفتها و عيت تطلع للحين ..

فهد : زين شتنطرين روحي طقي الباب وشوفيها يمكن متوجعه ولا شئ ..

نجود : ظنك ؟؟

فهد : اكييد مايبيلهاا .. نجود اخبر انك ذكيه وووين العقل ؟؟

نجود : معكم مافيه عقل ..

ورحت لمشاعل طقيت الباب ,, ماردت مع اني ادري انها صاحيه ,, كلمتها ,, ماردت علي حتى لو كانت نايمه كان ردت هي نومها خفيف بسرعه

تصحى ,, رجعت خايبه وفهد ينتظرني .. دخلت بدون اطق الباب

فهد : هاابشري .. كلمتيهاا ؟؟

نجود : لااا ماردت علي ..

فهد :كان طقيتي بقووة عليهاا ,, اكيد نايمة ..

نجود: مشاعل نومهاا مثل الاطفال بسررعه تصحى يعني لو نايمه كان صحت ,, بس هي ماتبي ترد .. بالمختصر حقرتني

فهد "بدفاع" : جوود قلبي لا تتبلين عالبنت و بعدين يمكن صدق تعبانه ولا شئ ونامت ,,ماحست ولا سمعت صوت طق الباب ..

نجود " مانتبهت لفهد وحركاته .. لان ببالي اشياء كثيرة يمكن اهم "

رحت لغرفتي وجافاني النوم فترة وظلت افكاري تحوم وتحوم الى ان استسلمت للنوم ..

.. لحظه نسيت اقولكم ..

بين اللحظه والثانيه ترقبوني بساعدكم لفك الغموض وان كان مو كله ..

Xxxx

منيـــرة

احم احم ,, كح كح .. افففففففف ,, الحين لي ساعه اتنحنح .. واكحكح .. واتأفف وكل هذا و مالفت انتباهكم ..

اعووووووووذ بالله اثريكم مملين .. بناات ماااحب الهدؤ ولا الملل .. ركزوواا مع منيييرة .. هلي ينادوني منووور .. وحبيبت قلبي مشاعل تناديني

منووورة ويااحلو اسمي وهي تنطقه احسه دلع رغم ان اسمي قدييييييم

فديت اسمي اناا ..

زين خلص جلاديوو لاس لا تدفيين بس عااد توني جيت الحين نجود لهاا ساعه تسولف ماقلتي لهاا شئ ونا لماجيت تدفيين

ماقصدت شئ يوم كنا بالمطبخ ,, لكني عصبت و تنرفزت بقووة كله بسبت اللي يصير قداامي ونا ماارضى اشوف الغلط واسكت عليه دوومني

حاارة ,, يوم قلت : انها مسكينه و ضعيفه ماقصدت ابدا اهينها او اتطنز عليهاا ,, وبعدين انا ماقصدت بشئ كلمتي يوم قلت اخذتوها لولدكم شفقه

ويوم قالت شوشو والقهر باين عليها : ياماما زوجتوني شفقه مووو ؟؟ ليششش ؟؟ ليششش ؟؟ وربي اني انقهررت زوود وودي اذبحه ؟؟

ولما شفته جايب فهد <<< ادري ادري بتقولون ليش مااناديه خالي بقوولووكم ان نجود الخبله علمتكم يوم اكون متضاايقه اناديهم باسمهم

حاف بدون القاب .. زين نرجع ووين كنااا ..

عاد انا يوم شفت مااجد قلبي ولع زيااده وزادت النيران و توهجت يوم استفزني ..ما سكت له وقلت له انه مايستااااهل مشاعل و هذا الصدق ..

ما جلست واايد اتصلت بسعوود و طلعت .. هذا اللي صاار .. وعلى فكرة

<<< انااا امووووت بمااجد وهو اكثر انساان مقرب لي بس هذا ماايغني عن انه غلطان مهما كان ولا صار الا الغلط ماارضى فيه لو على هلي

.. <<< يوووووه جلاديووو شفيك ولاكأنه الا انتي الوحيده اللي تكتبين .. هااك خذي هذي قصتك اعوووذ بالله مابغت تتركنا نسولف ..

اشوفكم مرة ثانيه عااد هاا مااوصيكم وصو علي عند جلااديوولاس تزيدني بالووقت ..

وانتظروني بعد يمكن اجاوب على اسألتكم ..

صباح اليوم الثاني بعد الصلاه و قراءة القران .. نزلت تحت ونا راسي مصدع قمت ادور على قهووة

لقيت قهووة تركية .. شكلهم تو مشترينهاا .. باين عليها جديده ..فتحتها و سويت لي كوب كاافي ..

واخذته ورحت عالحديقه ونا ناسيه ان بالبيت فهد ,, <<< على بالها بيت ابووهاا البنت دايرة ببجامه وبرموده بعد وشعرها رافعته باهمال و

خصلات منه على خدودها واذونها ورقبتهاا .. وطير نسيم الصباح هالخصلات واعطاها منظر جناان
جلست على طرف فيه ورد من كل لون .. احسه احلى من حديقتناا ,, ظليت اناظر الحديقه وبابتسامه نسيت فيها كل اللي صار امس ولا كأنه صار

من أشوف الورد انسى كل شئ حتى نفسي .. وبدءت اغني بصوتي مثل عادتي لما اكون بالحديقه .. لقيت مرش ينرش به ماي للحديقه خليت الكوب

عالطاوله ,, وخذيت المرش وجلست اغني بهدؤ

.. نسم علينا الهوا من مفرق الوادي وياهوا دخل الهوا خذني على بلادي ..

.. نسم علينا الهوا من مفرق الوادي وياهوا دخل الهوا خذني على بلادي ..

.. نسم علينا الهوا من مفرق الوادي وياهوا دخل الهوا خذني على بلادي ..

,,,,

ياهوا .. ياهوا ياللي طاير بالهوا في منتورة طاقه و صورة خذني لعندهن ياهواا

ياهوا .. ياهوا ياللي طاير بالهوا في منتورة طاقه و صورة خذني لعندهن ياهواا

,,,,

.. فزعانه ياقلبي تكبر بهالغربه .. ماتعرفني بلادي خذني اييييييييه خذني .. خذني على بلادي ..

.. نسم علينا الهوا من مفرق الوادي وياهوا دخل الهوا خذني على بلادي ..

,,,,

.. شو بنا ,, شوبنا .. ياحبيبي ,, شوبنا .. كنت و كنا تضلوا عنا و افترقنا شو بنا ..

.. شو بنا شوبنا .. ياحبيبي ,, شوبنا .. كنت و كنا تضلوا عنا و افترقنا شو بنا ..

,,,,

.. وبعد الشمس بتبكي عالباب و ماتحكي ..تحكي هوى بلادي .. خذني اييييييييييييه خذني على بلادي ..

.. وبعد الشمس بتبكي عالباب و ماتحكي ..تحكي هوى بلادي .. خذني اييييييييييييه خذني على بلادي ..

,,,,

.. نسم علينا الهوا من مفرق الوادي وياهوا دخل الهوا خذني على بلادي ..

.. نسم علينا الهوا من مفرق الوادي وياهوا دخل الهوا خذني على بلادي ..

... : ياااازين الصوت و رااعيته ..

مشاعل "التفت بصدمه ومن الخجل و الحيا ضليت ساكته ونزلت راسي "

^^^