الحــلــقــة التــاســعــهـ :-

" زواجـــــــــــM&Mــــــــــــــي "

.. ماعاد تفرق لو تجي صدمتي فيك ..

.. صدمات عمري زودتني مناعه ..

.. متساوية عندي إذا قلت ما أبيك ..

.. كل شي أحبهـ متوقع ضياعهـ ..



... : ياااازين الصوت و رااعيته ..

مشاعل "التفت بصدمه ومن الخجل و الحيا ضليت ساكته ونزلت راسي "

بابا " وهو يقرب مني" : الا يايبه شمصحيك مع الصبح ,, دايم نجود بهالوقت نايمه .

مشاعل "بابتسامه " : احب اصحى الصبح .."وبرومانسيه" نسيم الصباح له طعم ثاني ,, والورود بالصبح تتفتح وريحة عبيرهاا تفووح ..

و الطبيعه تخضر ,, كل شئ بالصبح حلوو ,, يحسسك بنشاط وروقان وهدؤ ,, ابتسامه " التفت له " مثل ابتسامتك ..

نجود : لاااا و الله ,, تتغزلين بابوي .. بعلم عليك امي ..

مشاعل : ههههههه والله حلالي اتغزل فيه هو بعد باباتي ..

بابا : نجود ياييبه مشاعل غلاتها بغلاتك ..

نجود : ادري يبه ,, ابي العوزهاا شووي ..

بابا "يكلمني": ليه متعشيتي معنا امس ؟؟

مشاعل : كنت مصدعه شووي ,, وخذني النوم ..

بابا" باهتمام" : شلوونك الحين عسى خف الصداع ؟؟

مشاعل : الحمد لله ..

بابا : زين يبه مشاعل بغيتك بموضوع ,, وامك داخل تنتظرنا و انتي بعد يانجود تعالي مع مشاعل ,, بالمكتب .. احتريكم ربع ساعه تتلبسون فيهاا

"تركنا و مشي ,, كنا بالدرج الا نجود شابكة يدينها ببعض ,, وكأنها متوترة ,, بالبدايه سكت لما حسيتها تبطأ بالمشي ناظرتها وقلت " :

جوود عمري اذا تعبانه جلسي بغرفتك ,, ونا لحالي بروح اشووف شيبي بابا ..

نجود " بسرعه " : مشاعل للحين ماخذه على خاطرك من كلامنا أمس ؟؟

مشاعل "بابتسامه " : يمكن تضايقت بس اخذ على خاطري لااا ابدااا ,, مشاعل تنسى بسرعه,, ماتخلي بقلبها شئ ..

كملت : يالله جوود نتلبس بسرعه مابقي الا عشر دقايق عالربع ساعه .. وكل واحد راح على غرفته ,, دخلت اكرمك الله الحمام بسرعه و خرجت

طالعت باللي جبته من لبس .. بالاخير لبست بنطلوون ضيق من فوق ويبدء يوسع من فوق لتحت يوصل لنص الساق لونه لون التراب

و بلوزة ربع كم اورنج فاتح ,, ماحطيت شئ بوجههي الا غلوس ودهنت يدي كريم عالسريع .. خرجت لقيت نجود تستناني عند باب الغرفه ..

نجود "بنفاذ صبر" : شعوووله ماكأنك زودتيهاا ..

جيت اتكلم جرتني مع ايدي للدرج و بسرعه نزلتني لدرجة خفت لا اطيح .. وحنا عند باب المكتب ..

طالعت نجود الساعه بيدهاا ,,

نجود : شفتي شلوون تأخرنااا عن الربع ساعه خمس دقايق يعني عشرين دقيقه ..

مشاعل : جوود ...

قاطعتني : اووووووووش ..

طقت الباب ... بابا : تفضلوووا ..

دخلنا اثنيناا وشفت ماما جالسه لوحدها عالكنب وبابا عالمكتب ومن امس ماشفتهاا ,, شفتها تطالعني ..قربت منها وسلمت عليها

ابتسمت لي ونا بالمثل ..

بابا "بهدؤ" : حياكم .. جلسوا .. "هنا نجود جلست جنب ماما لان الكنبه تكفي لثلاثه بس هما قاعدين بطريقه ماتسمح لشخص ثالث يجلس ,,

فجلست بكنبه لحالي .. الله يستر شوراء ذا الاجتمااع .. قام بابا من المكتب و جلس بالكنب اللي قدامي "ونا الهدؤ هو اللي واضح علي رغم ان

داخلي تساؤلات "

بابا : مشاعل .. مرتاحه يايبه هني ؟؟

مشاعل "بصوت هادئ" : الحمد لله ..

بابا : عسى ماقاصرك شئ ؟؟

مشاعل "اشرت براسي لااء" ..

بابا بعد سكوت دام ثواني قال : يبه مشاعل , بغيت شوورك ,, عن الزواج ,, شلي نفسك فيه يبه ؟؟

مشاعل "ضليت ساكته مااقدرت اتكلم .. لا تسألوني ليه .. لاني مدري ليه.. مااتوقعته بيسألني .. قطع علي افكاري

صوت ماما "

ماما "بطيبه" : يمة اذا بغيتي شئ تكلمي ,, وللي تبينه ونقدر عليه بنصلحه لك .. غلاك من غلا ماجد ..

مشاعل : سلامتكم ماابي الا رضاكم ,, واللي تبونه سووه ..

بابا : مهما كان .. لك رايك يابنتي .. لا تستحين ..

مشاعل : تسلم بابا .. واذا استحيت فهذا مو عشانكم غرب لاا .. يمكن طبع فيني ..

بابا : متى تبين الزواج ؟؟؟

مشاعل "لاجوااااااااااااااااااااب "

بابا : ياايبه لا تستحين محنا بغرب ..

مشاعل "بحيا " : مدري ,, على كيفكم ..

بابا : زين شراايك بعد اسبوع يوم الاربعاء ؟؟

مشاعل " ماعرفت اجاوب ,, يمكن من كثر ماتحكموا فيني اهلي ,ماعرفت ارد عليه .. "

بابا : يابنتي ,, لزوم يكوون عندي خبر لاجل الحجز ..

مشاعل : مدري ..

بابا : انا كلمت زوجك بعد اسبووع ووافق ,, شقلتي انتي ؟؟

مشاعل : الراي رايك ..

ماما : زين عيل لزوم تقضوون بهاليومين .. وباسرع وقت ,, مابقى شئ ..

بابا : البطاقه معك والمبلغ اللي تحتاجينه سحبيه بدون شوور .. واذا بغيتي شئ هذاني معك وامك بعد موجوده .. ونجود ..

مشاعل : ان شاء الله ..

بابا : يالله عيل برايكم برووح وراي شغل ..

بابا : ام فهد مثل ماوصيتك ..

ماما : ان شاء الله ..

خرج بابا .. وماما بعده بعد ماوصتنا نص ساعه ونتجهز عشان نروح السوق ..

طلعت غرفتي ونا اتذكر يوم شاورني بابا ,, معقووله ابو زوجي يشاورني وابووي اللي جابني للدنياا ماشاورني ..

احمدي الله يامشاعل ,, انتي احسن من غيرك .. لبست عباتي ورحت مع ماما و نجود السوق ..

رحنا عالفيصليه ومابقينا طابق ولا سوق الا دخلنااه ..

رحنا ومن سيكرت و سيتي ماكس و هارفي نيكلز ونعومي ووايت لينجز وتامي و زارا و أن هارفي و أن وير و أ الى ي و ستراديفاريوس و أنوار

موتيفي و سيلفريدج و ارتبل ,, واللي قهرني نجود وربي انها ماتستحي ولا كأنه الا زواجهاا ولا هذي صاحيه جالسه بنعوومي وتنقي الاخت اللي عاجبها

وياليته يستر شئ من الجسم الا كله فاصخ ,, وعاري ,, بالاخير قلت لها : جوود بلاا عبط لو امووت ماالبس هالبس .. مجنوونه انتي ..

"ونجود ,, ولا كأنه قدامها احد .. ذكرتني برواء اللي تبيه تسويه ولا على بالهاا احد ,, "

كملت مشاعل : جوود حراام عليكي انا مااعرفه و تبيني البس هذا كله قداامه .. الله يخليك مااحب هالملابس ..

نجود "بنص عين " وتقلدني : مااحب هالملابس ,, تكفين سكتي لا والله افرج نعوومي عليك .. الحين انتي خبله ولا شلوون ..

هذا بدل لا تغرينه و تطيحينه بغرامك تقومين تقولين " وتقلدني للمرة الثانيه" لو اموت مالبس مجنونه انتي .. والله مب مجنون بالدنيا الا انتي ..

ورااك هبله ,, قلت لك ان بنات العايله والقبيله يمووتوون فيه ومااخذته الا انتي ,, تبينه يناظرهم وانتي تموتين قهر ..

انتي مايبيليك الا منيرة ,, قالت لي منيرة خلنا نشتريه لها بدون علمها لان هذي الهبله ماااتفتهم شئ ..

مشاعل "بشهقه ناعمة" : انا هبله .. طيب يانجود لو ايش مني اخذه اللي بتشتريه خذيه انتي ..

نجود "ولا كأن احد كلمها " : ايه ايه ,, ذلفي بس خليني اختار زين ,, بعدين شكري ربك اني ماخذت امي و تركتها بالكوفي شوب

ولا كان زمانك الحين اغمى عليك ..

" خرجت من المحل ونا اعصابي متوترة .. هذولا مهاابيل ولا ايش .. بيلبسوني هالبس .. حشى هذا مو لبس و حرام يسمونه لبس اجلس عريانه

ولا البس هالبس ,, احسه "ونا اتذكر اللي اختارته " وععععع .. وربي احس اني مااصخه لو لبسته ,, ونا عند باب المحل وبالي مشغوول

الا اشوف شخص مو بعيد ,, يأشر لي بجواله .. مافهمت بالبداية حسيت انه يقصد احد ثاني بعدين لما عاد الحركه كذا مررة ..

والتفت حولي مالقيت احد الا انا ,, خفت .. رجعت دخلت المحل .. ورحت لمى جوود ..

مشاعل : جوود ماخلصتي ؟؟

جوود : اوووف ,, شعوووله ذلفي ,, كنتي خارج شدخلك الحين ؟؟

مشاعل "بتردد " ونا لاصقه بنجود : جوود انا اخايفه ..

طالعتني جوود بإهتمام : شعووله شفيك نفس الصداع والم بطنك ؟؟

مشاعل : جوود انا ماقلت تعبانه انا قلت خايفه ..

نجود "بانتباه" : أي صح , مدري من قعدت ويا الخبله منوور وانا اتهبلت .. زين ليه الخوف ؟؟

مشاعل : شفت واحد برا المحل يأشر لي بجواله ماكنت اظن بالبدايه انه يأشر لي ولما تلفت حولي ماحصلت احد غيري ..حسيته يقصدني .

نجود : زين شسوويتي ؟؟

مشاعل : ولاشئ على طول جيت عندك ..

نجود : والله ماعندك سالفه ,, الحين هو اشر لك يعني فتحي البلوتوث عاد انتي من هبالتك مافهمتي ,, وبعدين هو مااكلك لا تخافين ..

جلست انتظر نجود تخلص ,, بعدها خرجنا وحصلت نفس هالشخص ومعااه 3 شباب بعمررة يلاحقوناا ..

مشاعل قلت لنجود : شووفيه هذا هو اللي كلمتك عنه ..

نجود "بثقه وعدم اهتمام" : ماعليك منه ,, هذا فاضي وحنا الشغل واصل رووسنااا ,, ودخلنا محل ثاني و ثالث .. بالاخير رحنا لماما ..

شربنا بارد ,, الله يهديهاا نجود ,, اشترت اشيااء كثيرة اخاف السيارة ماتشيل .. وبعدين من قال اني احتاج هاللبس كله ..

ماانكر ان ذووق نجوود عالي و متحضر ,, ماكنت اختار واشتري كثير لاني وااايد مستحيه من الوضع يعني استشاروني بالزواج

وش اللي ابيه ؟؟ وش نفسي فيه ؟؟ حتى المهر ما مسكته ,, وبابا متكفل بكل شئ ,, يمكن هذا اكبر سبب يخليني اخجل منهم ..

وشرت لي نجود كمن فستان سهرة ,,

والمصيبه الكبرى ان نجود اتصلت بمنيرة وجت منيرة كملت الباقي تخيلوا ياناس حوالي 10ساعات وحنا بالسوق وتغدينا ساندوتشات ماما ماكملت

ساعتين معانا الا تعبت ورجعت ,, .. رجلي بدت تألمني ,, والسبه اللف و الدوران بالاسوااق ..

رجعنا البيت على آذان العشاء ونا من التعب , روحت غرفتي ونا حتى اللي شرولي هو مدري عنه ,, صليت العشاء وسلمت على ماما حتى

ماتعشيت ,, وحطيت راسي ونمت ..

ومثل العاده الايام اللي بعدها انا و نجود ومنيرة بالسووق .. واخترت فستان من ايطاليا طلبناه طلبيه من المحل وخذو لي مقاسي ..

طبعاا دفعناا اكثر بحكم ان الفستان بيوصل بيومين .. وحتى المسكه والاكسسوارات كلها طلبيه ..

و بعد إصرار من منوورة هذي البنت لبشه الا بالغصب حمام مغربي و سونا ومدري وشووو . .. صحيح يوم كنت ببيت اهلي اصلح حمام مغربي

والبس كل شئ القصير والعريان ,, والبنطلونات و البديهاات ,, واقمصة نووم بس هالاقمصه بناتيه يعني مهيب فاصخه لهالدرجة ..

والله انها ساترة قدام اللي شرووه ..

ماباقي عالعرس الا يومين وماتنحسب الا يوم وليله يعني اليوم الاثنين وباقي يوم وليله عالزواج والله اني متووترة مدري ليه حاسه قلبي

مقبوووض ,, يعني الحمد لله دانه و كلمتها و تطمنت عليها حتى ان بابا و ماما عزموا كل اللي بجدة .. وكلمت شيخه و تطمنت على حالة دانه

منها و خبرتني ان دانه من يوم كلمتها تحسنت ,, ويوم عرفت زواجي فرحت و خيطت فستان سهرة لزواجي رغم انها ماتحب الخياطه و تحب

الجاهز .. وحتى رواء بخير و ماجد ,, طلبت من رواء تجيب ماجد ,, مع انها قالت لي ان ماما رافضه و هالشئ احزني ,, وبان حزني على ملامحي ..

حتى نجود و منوورة وماما لاحظوا بس الحمد لله انهم اعتقدوا انه توتر ماقبل الزواج ,, صحيح اني كنت موترة ,, ومشاعر كثيرة امر فيها مو

لاقيه لهاا تفسير ,, قلت يمكن ضغط نفسي ,, مدري شفسر الي يصير كل شئ بسرعه ,, رغم الهدؤ اللي بالبيت الا احس بربكة الكل و انشغاله

بهالزواج .. اليوم كان معاد البروفاا لفستان العرس .. رحنا المحل لبست الفستان و رفعت شعري وخصل منه على اذوني ,, ووجهي خالي من

المكياج .. خرجت من غرفة التغيير ,, ووقفوا كل من نجود ومنووورة ,,


نجود فاتحه فمهااا ,,, ومنوورة تقول : الصلاة والسلام عليك ياحبيب الله فهد ... وتزغرط

مسكينه جوود من صوت منوورة اللي فقع طبلت اذنهاا نقزت من مكانها تقول : حسبي الله عليك من مرة الحين هذا صوت ,,

والله ولا صوت انفجار ..

منوورة : ضفي وجهتس ,, ماتشووفين القمر اللي طالع بالنهاار ,, وربي بينهبلووو عليك ,, اخاف خالي يموووت بمحله من الزين ..

"وقامت تغني " احلى من القمر هي ,, واحلى منهاا بشووياا .. وتصفق بيدينهااا ..

وناااضحك على خبالهاا ..

اما نجود " واحس انها شوي بتنفجر " : منوووور بلا فضااايح انتي ووجهك درينااا انهااا قمر واحلى من القمرر وهذا مو جديد ..

ممكن تقفلين هالتم .. عن الفضايح ..

منوورة ولا عليهاا من نجوود ونا اضحك عليهم وربي لو بشبهم بقول انهم توم وجري <<<< اخس يالتشبيه عن لا تسمعنا منوورة بتذبحنا

باللقافه منهي توم فينا و من هي جري خخخخخخخخخ ..

جت جوود تشوف لي اذا يبيله تصليح الفستان لاحظت ان الوسط شووي وسيع وضيقناااه والطرحه كانت وااايد طويله

المهم قالو لنا ساعه و يخلصوون خرجنا نشوف الاشيات الباقيه ووصلنا السواق انا و منوورة للكوافير ,, اما نجود فراحت للفستان تستلمه و تدفع

الباقي ..

وحنا عند الكوافير ,, كل اللي في بالكم سوويته رغم اني احس مايحتاج ,, حتى شلت شعر جسمي ,, وصلحت تنظيف لوجهي ..

اما الحنه ,, وعععععععع مااحبهااا ,, منوورة حاولت فيني تتصل عالحرمه تجي تصلح لنا حنه قلت لها اذا تبوون سوو لكن انا لا يعني لاااا

باالنهاايه جت الحرمه و صلحت لنجود و منورة والحرمة بتصلح لنجوود ,, دق جرس البيت ,, ماااستغربنا اكيد اللي بالقصيم بيجووا واللي

بالشرقيه .. من كثر مااجوا حريم اخوان نجوود ,, وكانت المفاجأة وهي أصيل ,, والله كان يووم وناااسه على قولت منوورة ..

لكن مقدر اسرد لكم هالايام و بالذات يوم الحنه لانه ملئ بالاحداث يمكن ماتهمكم خصووصاا منورة لو بنحكي عنهاا مابنخلص ..

كل شئ صار جاهز تقريبااا و باكر هو اليوم الموعود .. ولليوم ماجوو اهلي من جدة رغم اني مو متشوقه لاحد منهم الا للبعض ..

قالو انهم باكر الصبح بيوصلوا وحجزوا بفندق ,, مااعزمتهم على بيت ام فهد ماحبيت يشوفوا الجفا والبعد بيني و بين اهلي ..

لا ماما ولا بابا اتصلوا يسألوا اذا احتاج شئ ولا لاء اصلاا ماابي منهم شئ ربي عوضني و الحمد لله بناس يسووو ن قبيله ..

هذا كان يوم الثلاثاء بالليل والافكار مازالت تدور براسي هذا اخر يوم لي عازبه باكر بكون معه.. مع زوجي المجهول مع الغريب اللي صرت له وهو

صار لي ولا عرفني ولا عرفته ..

جفاني النوم للساعه 2 بالليل ,, قمت توضيت و صليت ركعتين كالعادة قيام ليل ,, ودعيت ربي يوفقني بحياتي ,, و ينسيني الماضي و اهلي

واني اقدر اهب هالزوج اللي بدون مايدري اهداني اهل زي العسل ,, ام حنونه تضمني وتصيح علي سوت اللي ماسوته امي ,,

واب صرف علي دلعني و عيشني اميره ,, شاورني بكل شئ بزواجي ماحسسني اني مرت ولد لا بالعكس حسسني اني بنته وهذا زواج بنته ..

آآآه شقوول ,, نجود حسستني باخووه فريده من نوعهااا ,, منيرة وياحلووها هالبنت احس اني مقدر اعيش بدونهاا الحياه معها لها طعم ثاني

علمتني الضحك والونااسه .. انسانه رائعه ,, وعبالهااا ياحبي لهم عوضوني عن اخوي ماجد امووت فيهم وهم بعد احسهم تعلقوا فيني ,, وفهد

ماتوقعته لهالدرجه يتغير ناحيتي ,, صارت بينا كذا موقف

من يوم جاء البيت ,و احس اسلوبه معي تغير .. حتى نظراته فيها حنان .. خصوصا بعد الموقف اللي استوى ..والله انه احسن عن اخوااني اللي ياما وقفت معهم لكنهم

وقفوا ضدي .. الحمد لله يارب لو اايا كان هالزوج انا راضيه فيه دام هذولي اهله فأنا اغليه من قبل لا اشوفه وسبب غلاه اهله اللي هم اهلي ..

بعدها حطيت راسي عالمخده وعلى وجهي ابتسامه ونمت ويااآآآمالي لحياتي الجديدة ..

XXXX

فهد

كافي أني أسمعك من همستك

وكافي أني مستحيل أنسى هواك


"اللهم لا اعتراض " هذا اللي فهد يقوله .. مازالت رجلي مجبرة لاجل يلتئم الكسر .. وباذن الله بيلتئم ,, طيب هذا " وهو يناظر قلبه " شلون

بيلتئم ,, يالله مو بيدي ,, مقهوور واحس اني بهدم مدينه بسبة هالقهر ..

الملاك اللي شفته و دخل قلبي من غير مايدق بابه .. بتكون اليوم قلب و قالب لاخووي ,, ياربي اخووي ,, تكفى يارحيم ابعد عني هالافكار الجنونيه

اللي براسي مااذنسى الموقف اللي جمعني فيهاا يوم جووه من السووق ونا كنت بالصاله اللي يشوفني يقول يتابع له مسلسل ولا شئ ونا عيني

عالتلفزيون بس قلبي مدري ووين ,, ويم شفتها داخله بعباتها ,, قلت هذا هو قلبي معهاا هي ..

ناظرتني ونزلت راسهاا ووالتفت عالدرج بترووح ,, الا وقفتها وقلت : مشاعل " واحس ان قلبي يرجف لا نطق اسمهاا " وقفت مكانها و شوي

شوي التفت علي وهي ساكته وكأنها مستغربه مني .. كملت : السموحه ان يوم غلط عليك ,, ياليت تعتبريه غلطه و ماتتكرر,,

ادري انك ماتطيقيني هذا اذا ماكرهتيني ,, لكن الانسان خطااء ومن اليوم خلنا نفتح صفحه جديدة انتي مرت اخوي "قلتها بصعووبه"

ونا اعزك ومعزتك من معزة اخووي ".. ماردت علي وحسيت بطعنه بقلبي لانها تكرهني لومت نفسي وكرهت ال\دنيا ماحسيت الا بعطر ريحته ريحة

حلااو ,, شفتها وهي تناظرني بيني و بينها مسافة متر ونص .. وتقول " : معذوور ياافهد يااخووي " لما قالت اخووي كل السعاده اللي حسيتها

بقربهاا تلاشت لانها صحتني من الاحلام للواقع .. " ترضى اني اقولك اخووي قالتها بنعوومه ورقه تغصب اللي حولها يخضعوا لهاا .."

مع ان قلبي نطق بلا ,, الا ان لساني خاني وقلت : اكيد وانتي اختي الصغيروونه <<<< طبعاا هذا كله على ونجود موجودة وهي فرحت و من

فرحتها ظلت ساكته ..

وناظرت نجود وبمرح قلت : خلص نجود جت الللي اصغر منك و بتاخذ الدلع كله ..

نجود وبعيونها دمووع : فديتهاا خلهاا تاخذ كل اللي عندي فدااهاا ..

جرت مشاعل بطفرله لنجود وضمتها ,, تنيت اكون بدل نجود رجعت استغفر ربي و استعووذ من ابليس ..

قلت : شعووله "طالعتني نجود بطريقه معناها هو انت تموون " رجعت استدركت الموقف وقلت ,, الحين بما اني اخووك اموون عليك

صح شعووله " وبنعومه " ايووة صح خذ راحتك ..

قلت : خلص اجل شعووله مااوصيك على اخووي خليه بعينك "شفتها نزلت راسها و يازينها وهي تستحي ,, مااقدر ياربي مقدر.."

واذا غلط عليك ولاشئ لاتنسي عندك اخو بالرياض يحميك ومايرضى عليك ولو كان اخوه من دمه و لحمه ..

الله يوفقكم و يسعدكم ,, ماانتظرت جوابها لاني مشيت ونا ارتكز على عصاتي .. قلبي صار مثل رجلي مكسوور ..

XXXX

نــجــود

بعد ماوصلنا منيرة على بيتهاا ,, وتأخرنا عند البيت بسبت عيالها القروود الا متشبصين بشعووله مايبون يفكونها ,, صج قروود ..

دخلنا البيت الا فهد بالصاله طبعاا مثل العادة شعوله ماتقعد ويا فهد وهي طالعه غرفتها نادها و استسمح منها ..

ووصاها على ماجد ,, وهذا الشئ زاد حبي وفخري بأخووي .. فهد دوومه شهم صاحب نخووة ,, و ياحبي له يوم شفته يكلم مشاعل حسيت

بعيونه كلام غي مدري يمكن يتهيأ لي ,, وش اقولكم عن هالاسبوع و الله اني تعبااااااااااااااااااانه واللي تعبني زووود هالمنيرة و ربي لوعت كبدي

افففففففف ,, فرحاانه وخايفه .. فرحانه ان مشاعل بتصير لنا و بتكون لماجد ,, وبنفس الوقت خاايفه عليهاا .. خايفه عليهاا من ؟؟؟؟

XXXX

مــنــيــرة

اخييييييييييييييييييييييرااا ..

مااادريتم باكر عرس شوشو وخالو وووو ماجد ,, والله اني فرحااانه من قلب ,, ودي ارقص من الونااسه ,, لكن هذي نجوود ماتخلي خلق ربي

بحالهم ,, ايه شبغيت اعلمكم ايه ,, خاطري تشووفون فستان مشاعل ,,

الا جلاديووولاس حبيبتي ( بدت المصلحه ) عادي لو تحطين صورة الفستان ولا همبعد هذا ممنوع .. <<< منووور قلبي وجهك عطيتك وجه

انتي وسوالفك اللي ماتخلص ..

Cut << cut

ااااسفه بس اذا بقينا على منوور مابتشوفون مشاعل و عرسهااا ..

بــــــــــــــــاك

XXXX

اليوم هو يوم عرسي و الناس من الصباح صحواا الا انا نايمة ,, صحيت على أذان الظهر .. فتحت عيني الا اصيل قدامي ..

أصيل بابتسامه شاقه الحلق : صباحيه مباركه ياعروووسه ..

مشاعل " ونا وجهي مع صباح الله خير صار طماط ,, شعر جسمي احسه وقف من كلامها ": لا حول و لا قوة الا بالله ..

أصوول هالكلام ماينقال الحين هذا بعد .... " وسكت " ..

هنا ضحكت أصيل وماتت ضحك ,," هذي البنت مااراح افهمهاا "

أصيل : ادري بس حبيت العب عليك . . خخخخخخخخخخخخخخخخخخخخ ..

مشاعل " اطلعا بنص عين " : الحمد لله و الشكر قاعده مع بزراان اناا ..

طنشتها و نا قايمة قالت لي اصيل : ميشو ترى البنات سبقووك للصالون وانتي بعد لزوم تتجهزين ترى مابقى شئ..

مشاعل : يعني تركوني و راحوا بالحالهم ..

أصيل : شلوون تركوك بالحالك ونا معك ,, ولا مااملى عينك انا ؟؟

مشاعل ونا عند الحمام اخاف تسوي فيني شئ تراها متوحشه : لااااااااااااااااااااااااااااا ماتملي .. هههههههههههه

دخلت الحمام عزكم الله ونا اضحك واستحميت براااحتي و خذيت وقتي ابي التتوتر يزول ,, حسيت التوتر بدء يقل بس الارتجاف زاااد ..

لبست لي بنطلون عالماشي و بلوزة بأزارير عشان اقدر افكها بسهوله يوم البس الفستان ,, ولبست عباة مفتوحه تتقفل بإزارار..

ورحنا للكوافير حصلت منيرة و نجوود خلصوا قبلي انا و اصيل ,, وراحوا عالقصر على طوول وبقيت و ياااصوول ..

خلصت بس ماتلبست لان الفستان بالقاعه ,, جاء اخذنااا حمدان ابو اصيل .. ورحنا دخلت من باب العروس ..

طبعاا اول من شافني كانت ماما .. كبرت و صلت عالنبي و صارت تقرأ علي ماتدرون شلوون فرحتي يوم اشووف اهتمامها فيني .. احسن عن امي

اللي ضربتني كف بيوم ملكتي الحمد لله ,,

طبعاا زفوني لحالي مااستغربت هالشئ ,, لان بملكتي اتزفيت لحالي ,, وزفوني على اغنية راشد و نوال حقت مشاعل ..

بعدين اعلنوا ان العريس بيدخل .. بصراحه حنا عندنا بجدة العريس و العروس ينزفوا سواا ,, لكن هنا العروس تنزف بعدها يعلنوا ان العريس و

وابوها وابو العريس بيدخلوون ..

ونا منزله راسي بالارض ,, اشوف اقدام تتوجه ناحيتي ونا ارتجف خوووف .. اول شخص سلم علي كان بابا ,,

ايه بابا .. ابوي اللي جابني للدنيا مدري ليه حسيته غريب عني ,, وكنت بارده معه ببقووة ..

وثاني شخص كان بابا بو فهد سلمت عليه بحرارة وحب ,, وضليت ماسكه بيده يمكن بحسس نفسي بالامان واااخر واحد وعلى مااعتقد هو زوجي ..

ماناظرته و راسي بالارض وعيوني مغمضه باسني بجبهتي .. حسيت باوصالي تهتز من داخلي ما قدرت ارفع عيني له .. ويوم ابتعد عني حسيت

ببرودة .. واسمع الكل يهنيه و يوصيه علي ,, لا شعووريااا التفت له ,, وكانت المفاااجأه اللي صدمتني ..

و ماعدت بعدها اقدر اتحرك ..

نزلت رااسي بالارض على طووول ماعدت اهتم باللي يسلم ويكلمني ,, ماعدت اهتم باللي حولي .. اسلم ونا مدري من اسلم عليه ..

ماسمعت شلي يقولونه رغم اني حاسه بناس يكلموني بس انا مو معهم ..

صحيت من اللي فيه على صووت ماما ام فهد وهي تقول يالله بنتي تغطي زوجك برا ينتظرك ..

لبستني نجود عباتي و منوورة تساعدها و اصيل تشيل لي المسكه و نا مو حاسه غير بظلام قدامي ..

لبست نجود العباة و مشت معي وركبت سيارة مدري مع منووو ؟؟

الى ان وصلنا للفندق .. ونجود كانت معي حتى بالسيارة بس انا مادريت الا يوم دخلنا جناح الغرفه وساعدتني افك عباتي ..

نجود : شعووله الله يوفقكم ان شاء الله قولي ااامين .. " بس انا مارديت عليها " .. ادري انك خايفه و عاذرتك ,, واللي متأكده منه ان اخووي

بيذووب بجمالك وغمزت لي ,, سيحيه لا تنسين .. راحت نجود ونا لساتني بفستان فرحي .. واقفه وظهري عالباب ..

الا سمعت صوت الباب ينفتح واتسكر حسيت روحي تسكرت .. وظليت مثل ماانا

ماجد : مبروك ...


^^^




--------------------------------------------------------------------------------