الحــلــقــة العــاشــرة :-

"مــــ مشاعل ــــ مشاعل ـــاجـــ مشاعل ــــ مشاعل ـــــد "

ياللي تغركـ ضحكتي بعض الأوقات ..

أحيان بعض الضحك معناهـ × موتــــي ×

أوقات تلقاني أحاكيك بـــ سكــــــــات ..

يوم الكلام يموت داخل × سكوتـــــــــي ×

يوم الحناجر تحتضر فيها الآهــــــــات ..

واعجز عن الشكوى ولو طال × صوتــــي ×


نجود : شعووله الله يوفقكم ان شاء الله قولي ااامين .. " بس انا مارديت عليها " .. ادري انك خايفه و عاذرتك ,, واللي متأكده منه ان اخووي

بيذووب بجمالك وغمزت لي ,, سيحيه لا تنسين .. راحت نجود ونا لساتني بفستان فرحي .. واقفه وظهري عالباب ..

الا سمعت صوت الباب ينفتح واتسكر حسيت روحي تسكرت .. وظليت مثل ماانا

مـــاجــد : مبروك .... .. مبرووك عليك انا ..
" الصمت و السكون كان سيد الموقف " ..
الا ماقلتي لي شسمك "باستهزاء"؟؟ <<< لااااحوول هذا سؤال ؟؟؟

" ونا مثل مااناا واقفه و ظهري له ,, ساكته حتى صوت انفاسي اختفى كأني تمثال " مشاعل : .................................................. ..

كمل ماجد : يعني مابتردين ,, " سمعت صوت ثوبه وهو يقرب مني وهنا غصب عني بعدت عنه وجسمي يرجف ,, "

ماجد "بقهر" : براحتك ,, واذا ضنيتي اني بترجاك تبطين ماترجيتك ... انا ابوي ماترجيته ووافقت اخذك .. لا تاخذين مقلب بنفسك

,,,,,,,,,,,,

مدري شفيك زين لاجل امي اصرت عليك ,,,, "وباستفزاز"
ونا اشك بك شئ زين ,, ولا ليه ابووك صرفك بسرعه لناا .. ولا حتى تشرط عليناا ..

وبنات القبايل ينشرط عليهم .. مب مثلــلك "بعدها سكت"..

سمعت صوت شئ ينفتح على مااظن صوت دولاب ,, ماطول وهو خارج فتح باب الغرفه .. الا .."

مشاعل ونا بمكاني قلت "بغرور اقلده": الله يبارك فيك اناااااااا .. " لا تسألوني شلوون جاتني قووة اتكلم ولا الصوت من وووين طلع "

.. " وباستهزاء يماثل استهزائه"على فكرة عيب عليك رجال طول بعرض تنغصب ,, وعلى ايش؟؟ على زواج .. من جد احزنتني .. حسب علمي

البنت اللي تنجبر ..ونا البنت ماانجبرت ,, اما انت فمجبوور .. مأساة صراحه .. " وبتريقه وااضحه " ووين الديمقرااطيه ؟؟ وين حرية الرأي ؟؟

<<<<< ايييييييييه صفقوا لهااا واخيييييييييرااا ,, عطيه شعووله ,, الرجال مايجوون الا بكسر اخشامهم .. وهذي صفقه من اختك جلاديولاس..

عــــدنـــــــــــــــــــــــا

خلص دامك احزنتني بعلمك شسمي .. انا مشاعل ..
واذا بابا ماا شرط عليك لاننا نشتري الرجال ,, لكن هالمرة بابا ماعرف يشتري "بقهر"

ظنيته بالتجارة مافي مثله ,, اثريه انغش .. عموماا " سكت شوي "

و بعدها كملت مشاعل : انا مو ميته عليك .. واذا خايف علي اخذ مقلب بنفسي فبطمنك وقولك مو انا اللي مهزوزة شخصيه

عشان اخذ مقلب بنفسي .. ووشكراا عالاهتمام .. <<<< احلى يالخطيييييييرة .. والله صارت شخصيه البنت ..

" توقعت انه يرد علي .. لكنه مارد ,, لدرجة شكيت بوجوده .. توني بالف وجهي اشوفه سمعت صوته يقول "

ماجد"بعصبيه حاول يداريهاا لكنها واضحه" : وش ذي الاخلاق .. عرفوا اهلك شلوون يربونك .." هالكلمة اثارت نفسي .. شسوو له اهلي .. اول

اخوه فهد و الحين هوو " كمل : بليلة عرسك واللسان شطووله .. ما باقي شئ بسنة تقولينه .. " استغربت من كلامه شقصده سنة "

ماتوقعت منك شئ اقل من اللي شفته و سمعته ,, شتوقع من وحده مثلك لا اصل و لا فصل والحين اضيف لهالقائمة الاخلاق وعدم التربيه ..

وهذا واضح من اللي لابسته .. " ونا حاسه فيه يناظرني من طريقته بالكلام ,, كأني وحده رخيصه .. اذا انا كيذا اجل ليش واافق "

كمل ماجد : ولا هذا فستان عرس اللي يشووفه يقول قميص نوم .. وان ظنيتي انك بتغريني ,, لا والله لو اشووفك عاااريه قدامي مااالمستك ..

" وبصوت عالي يدل على غضبه " تفهمين ولا افهمك ..

مشاعل "من قهري ما عدت اتحمل مشيت لمه وهو خارج مابيني و بينه الا نص متر" وقلت : من تظن نفسك تشتم اهلي هااا .. ماغلطوا عليك بشئ

..و اذا مااغلط عليك ولا على اهلك .. ماااسمح لك ولا لعشرة مثلك يخطوون علي فاهم ولا افهمك "باخر كلمتين قلدته "

<<<< و الله وطلعتي شئ شعوووله ..

و بهالحظه التفت لي وعيني بعينه .. وليته ماالتفت .. احساس رهيب .. مايحس فيه الا اللي جربه .. ايدي ترجف ,, فكي واسناني بدت تصطك

ببعض .. سامعه صوت معدتي وهي تصوصو على قولة اخوانا المصريين .. شوي الا قولوني بدء يألمني .. ماحبيت ابين له ضعفي ..

بيظن ان كلامه و اسلوبه اثر فيني ويمكن وسامته و جماله ..

<<< حشى ماصارت .. بالاسكيموو حنا فكك واسنانك تصطك ولا بمجاعه بطنك تصوصو ,, الا فيلم مصري ..

ملحوظه :
(( المرأة لو بينت مرة ضعفهاا للرجل بياخذها بهالنقطه ان بغى يقهرها يستغل ضعفهاا لانه يدري بيكسب بهالطريقه سواء بالرضى ولا بالغصب))

<<<< احلى يالفلسفه ...

عـــــــــــــــدنـــــــــــــــــــــــــــــــا


والصمت ... شلوون اوصفه يعجز لساني عالووصف ..

عيونه ناعسات كبرها كبر الدنيا تهت بها ,, نظراته تشدني له كلها رجوله وقوة ,,

خشمه سيف حاااد من حدته يجرح كل من يقرب منه ,, نفسي المسه واجرب حدت اطرافه ,,

فكه وتقاطيع وجهه طرق ووجهاات ودي امرغ بهاا يديني ,, عساني اوصل لحل غمووضه وتوهاني

جسمه ولا جسم فنان .. احس الثوب عليه فتان .. والشماغ عطاه حلا و رزه .. وربي انه كشخه وهيهات اذا في احلى عنه ..

اللي اقدر اقوله الله لا يحط احد بمكاني .. مو قادرة اشيل عيني عنه احس عيونه مغناطيس يسحبني له ..

<<< جد مو شااايفه خير ولا تقز الرجال قز ..

ابي ادير وجههي مو قادرة .. قرب مني اكثر الى ان صار بيني و بينه مسافة أشبار ..

قال لي " و ضاغط على اسنانه من القهر " : ما تهميني .. واللي ابي اقوله اقوله ,, ايه نعم هلك غلطووا علي .. وغلطوا غلطه مااسامحهم عليهااا

ابددددد .. ابددد .. تدرين وش هو غلطهم ... انهم وافقوا يزوجوك لي ..

"بتهديد ووعيد" و بتدفعين انتي ثمن هالغلطه ..

من اليوم لسنه بنكون زوجين مع وقف التنفيذ مفهووم انتي من طريق ونا من طريق .. بعدها كل واحد بطريق و بطلقك ..

بدخل الحمام واخرج الاقيك "وبصووت عالي " براااا تسمعين ,, وجهك اللي فرحانه فيه ماابي اشوووفه .. وكلمتي وحده ولاابي اعيدهااا

دخل الحمام وسكر الباب وراه بقوووة هزتني ..

Xxxx

مـــــــــــــــــــاجـــــــد


دخلت الحمام عزكم الله ,,اذكر ذاك اليوم ,, هو انا اقدر انساه عشان اتذكره .قبل حوالي سته شهوور ..

ضااق صدري يوم كلمتني امي عن العرس .. قلت لهااا ماابي اتزوج ماااااااابي

اذكر شلوون تعبت علينا .. تنومت بالمستشفى بسبتي ..

ام فهد : ماجد ياولدي طلبتك مااظنك تردني ..

ماجد " كنت مسند ظهري ويوم كلمتني امي .. جلست و تعدلت بجلستي " : جاك يمة فداك ماجد و طوايفه ..

ام فهد "بابتسامه " : طلبتك تتزوج ,, ونا اخترت لك البنت اللي تليق فيك وتصوونك ,, ماظن لها شبيه بالكوون ..

ماجد " عقدت حواجبي .. ماتوقعت هالطلب .. ولو دريت كان ماتكلمت .." : يمه تدرين اني للحين ماتجهزت للزواج ولا فكرت اتزوج

يوم اقرر بجيك واقولك لا تحاتين ..

ام فهد : انت قلت لي جاك وبوفهد مايرد لي طلب هقيتك مثل ابووك ..

ماجد : تكفين يمه طلبي أي شئ ثاني لو بغيتي حياتي فديتك بها لكن اتزوج الحيين لاااا .. مقدر..

بو فهد" سمع كل الكلام اللي دار وهو على علم من قبل " : وليه ماتقدر ؟؟؟؟؟؟؟؟؟؟؟؟

ماجد "يوم سمعت صوت ابووي وقفت ,, سلمت على راسه ,, وسألت عن اخباره "

بو فهد : ماعلمتني ؟؟ ليه ماتقدر ؟؟؟ ليه ماتقدر تتزوج ؟؟ شلي مانعك ؟؟

ماجد : يبه للحين ماتجهزت ,, ولساتني بالعشرين ..

بو فهد : وذا بالعشرين ,, بعمرك جبت حمدان وحصه و عبدالعزيز ولولووه ,,ماقلت لساتني بالعشرين .. ياولدي حلاته وانت بك قووة وعيالك

حولك وهم طولك و اذا على الجهاز بساعدك و بوقف معك ونا والحمد لله مب قاصرني شئ ..

ماجد " كنت اجيب ابوي من هنا يجيبني هو منناك .. بالاخير " قلت : زين بفكر وبرد لكم لكن انا اختار العرووس ..

بو فهد " وقف وطالعني بنظرة خلتني اكره نفسي" : وليه انت تختار لا يكون حاط عينك على بنت من هالبنات الصيع ..

ماجد "بهدؤ" : الله يسامحك يبه ,, من وين لي اعرف بنات و صيع بعد .. الله يسامحك .. ونا مااتزوج الا اللي ابيهاا .. واذا مصرين بدلكم اللي

ابيهاا , روحوا خطبوها لي ..

بو فهد : شووف كلام يوصلك و يتعداك ,, اذا بتتزوج تتزوج اللي حنا نختارها لك .. واذا مابغيت لا انت ولدي ولا انا ابووك ..

وياكثر عيالي ,, يسوونك ويسوون اللي بتاخذهاا ..

ماجد "بعصبيه .. لكن بصوات واطئ قدام ابووه " : يبه عندكم فهد ماتزوج للحين وهو اكبر عني بسنتين .. زوجوه ..

بوم فهد "بغضب" : انت بتعلمين شلوون اتعامل وياا عيالي ,, والله وخلفت وربيت ,, اثرني ماعرفت اربيك ..

قلتها لك ولا بعيدها واذا على فهد فهد اعقل عنك بمية مرررة ولا عاد تقوول كلمه عن اخووك .. ونا ماقلت فهد قلت ماجد ..

هذا اللي عندي .. " مشى ابوي ونا القهر بيذبحني .. شفت نجود عند الباب تناظرني وبعيونها كلام هو لوم ولا قهر ولا حزن

يمكن خليط من هذا كله ,, وامي جالسه تصيح .. خرجت من البيت ومن القصيم وحركت عالرياض .. وصلت بساعتين ونص الرياض

اتصلت على خوويي سالم : الوو

سالم : ياهلاا والله .. كل هذا اشتقت لي ترا امس شفتك .. مسرع اشتقت .. الا شخبار القصيم و الاهل ؟؟

ماجد : سالم ووينك ؟؟

سالم " ولهجته صارت جديه " : ماجد بك شئ ؟؟

ماجد : سووويلم رد على قد السؤال ,, وووينك .؟؟؟

سالم : بكوفي الــ ..

ماجد : زين جاايك الحين ..

سالم : شلوون امس سافرت القصيم ..

ماجد : جايك " وقفلت السماعه ونا منيب طايق نفسي "

"وصلت و شفته برى الكوفي ينتظرني " جاء لمي عند السيارة ركب وسكر الباب ..

تكلم سالم : كان معي الشباب استأذنت وخرجت انتظرك ..

ماجد " حركت راسي بتفهم " ..

حركت السيارة ونا مدري على وين رايح ..

سالم "بهدؤ" : عسى ماشر ؟؟؟

ماجد : امي تبيني اتزوج .. " سكوت دام فترة مو قصيره"

سالم : انزين تزوج شفيها مصيرك الزواج ..

ماجد "طالعته " : تستهبل انت ,, انت ادرى الحين مستحيل اقدر اتزوج ولو بتزوج ماابتززوج الا وحده وغيرها منيب ماخذ لو امووت

سالم : صلي عالنبي يارجال مايبيلهاا سالفه ..

ماجد : عليه الصلاة والسلام ..

سالم : قولهم انك موافق عالزواج .. ودلهم على اللي تبيهااا ..

ماجد "بحزن " : قلت لهم ,, مارضى الوالد وقال لي كلام شين .. حتى انه قال لو ماخذيت اللي نختارها لك لا انت ولدي ولا انا ابووك ..

وامي صاحت واحس ان اختي زعلانه علي .. تعبان ياسالم ..

سالم : ماجد لو لك نصيب فيها بتاخذها واذا مالك نصيب ..

قاطعته : لا تقول مالي نصيب .. باخذها ان شاء الله باخذهاا مالي غنى عنهااا ..

سالم : زين يارجال ليه الزعل انا قلت لووو ..

ماجد : لو تفتح عمل الشيطان
قطع علي سالم : يارجال اللي ربي كاتبه بيستووي .. ماعليك الا بالدعاء لانه يرد القضاء

ماجد " اليوم سالم كل كلامه يذكرني بالر..."..

ماجد : سالم احبهـــا .. وربي احــبهااا .. مب ماخذ غيرهاا ..

سالم : ماجد انت مافكرت انها "بتردد " تزوجت .. "طالعته بغضب الا قال بسرعه " توكل على ربك بيحلهااا ..

كنت مقفل جوالي ماابي أي مكالمات لا من نجود ولا فهد واكيد بيوصل الخبر لمنوور وادري فيهاا ماترتاح الا اذا جابت راسي

هي اكثر انسانه قريبه مني حتى اكثر من نجود ..

رجعت البيت و القلق اخذ شغله .. بعد التفكير نمت

"ونا اللي كنت يوم احط راسي عالمخده انام .. تذكرت "

ضحكت على نفسي كان ماعندي همووم الحين الهمووم لراسي ..

باليوم الثاني ماحس الا بماي على وجهي .. فتحت عيني بقووة الا فهد وشكله معصب

ماجد : تستهبل انت ووجهك .. بزر تسكب علي ماي ..

فهد : اشكر ربك ماذبحتك للحين واكلمك بعقل .. قووم البس بنسافر القصيم ..

ماجد : وشوووو ؟؟لعب هو توني امس راد ,, ومن قال اني بطلع .. كنت هناك شلي جابك ؟؟

فهد : اللي جابني ياااخووي انت ...

ماجد : شتقصد ؟؟

فهد : شلي سوويته بامي امس ؟؟

ماجد : فهد تكفى راسي مصدع نمت متأخر .. وتعباان ..

فهد : ونا وش يهمني .. دام امك وابوك مااهموك .. ووين كنت من امس وحنا نتصل فيك .. وانت قافل جوالك ..

ماجد : يعني شتبوون ؟؟ الا وجع الراس .. قلت لكم مااابي اتزووج .. بقووة هو ؟؟

فهد : ماتبي تتزوج كيفك .. لكن اللي ماسمحلك هوو شلوون تصيح امي ورفعت ضغط ابووي والاسؤ ان امي ارتفع السكر عندهااا

وتنومت بالمستشفى وانت تدري انهااا تعبانه لها كم شهر على هالحال ,, هذي امك ..

قمت من سريري ولبست بسرعه حتى وجهي ماغسلته و طول الطريق وناا اقلب المواضيع ببالي وكل شئ استوى .. قررت قرار بنفسي

وبنفذه بإذن الله "

وصلنا المستشفى وكلهم زعلانين علي حتى ابووي ماكلمني جت اسلم عليه مشى ولا سلم علي .. وامي ماتبي تشووفني ..

دخلت بالغصب وتأسفت منهااا

ماجد : يمة لاتزعلين علي انا ماجد ولدك اخر عيالك .. تكفى يايمة لا تزعلين من ضناك ..

يمة قلت لك فداك ماجد و طوايفه ,, ومب ماجد سعيد الــ ..... اللي يتراجع عن كلمته .. متى تبيني اتزوج بتزوج ,, واللي تبينه

بيجيك لا تحاتين ..

سبعه شهور من كلمت امي وهي تدور عليها وضليت ساكت ادعي ربي ماتلقاها " شكرت ربي انها مالقتهاا " لكن امي مايئست الى ان حصلتها و

صار الزواج ,, اتذكر يوم الملكه لما رحت جدة .. ملكت وسافرت راجع الرياض ,, بدون مااخبر احد .. ونا متأكد ان ابووي بيعصب ..

ظليت بالرياض وعييت ارجع القصيم متعذر بالشغل ..مع ان منوور جلست تحكي لي عن جمالها الاخاذ واخلاقها و رقتهااا ماكنت استمع لمنوور

كنت اصرفها .. الى ان اتصل ابوي يقول لي لزوم اجي الحفله لانها على شرف زوجتي المحترمة ..

ونا راجع الرياض بالليل اخاف يصروون علي اجلس معها واشوفهاا ونا مالي خلقها .. خرجت بالليل وصديقي سالم بالسيارة ينطرني انصدم جسمي بشئ

سمعت صوت "برقه ونعومه " : جووود .. " انزاح الظلام بنور السيارة اللي ينطرني فيها سالم,, وضح لي الصورة , تفاجأت والمفاجأه

صدمتني بجمال مااوصفه

كانت قريب مني ماسكها مع وسطهاا وشعرها يطير بفعل الهواءمابينننا أي حواجز الا الهوا هواء القصيم

" وماادراك ماهو الهواا؟؟؟ "

وعيني تعلقت بأجمل انسانه بالوجود .. ما قد شفت بجمالها .. احد .. ابد .. ابد ..

اتذكر شلوون طارت خصل شعرهاا بفعل الهواا .. شكلهاا كأنها جايه من الخيال ابعدت خصلهااا باصابعي لامست خدودهاا

كنت وياها حاس باحساس ماحسيته قبل .. سمعت صوت اقدام .. ونور السيارة اختفى ,, واختفيت مثل النوور بين الاشجار وصلت لسيارة سالم

وهي سكنت خيالي ,, وطيفهاا دووم ببالي .. تمنيت اخذهاا معي .. كنت اتسائل من تكون ؟؟؟ اثريها انتي ..

انتي يامشاعل .. انتي هي نفسهاا اللي التقيت بها بالمزرعه انتي اللي سلبت النوم و العقل ..

يوم التفت اكلمها قبل شووي بالغرفه انصدمت فيهااا ظليت اناظرهاا واحس شئ يشتعل فيني

... كانت جميله والحين زادت حلا و جماال .. معقووله هالجمال لي اناااا ..

لكن مستحيل انسى ضغط اهلي والمشاكل اللي بسبتك مهما كان جمالك وتأثيره .. مستحيل انسى .. بتدفعين ثمن عذابي بتدفعين ثمن رميت اهلك

بتدفعين ثمن خسارتي .. وكل شئ ..

وياانا ياانتي .. يامشـــــــــــــــــــــاعــــل

^^