الحلقــة الثامنة عشر

"يحدني وقتي على ضيم دنياي..ورضيت بالمقسوم حتى قليله"

بسكت واخبي جرح قلبي عن الناس

مادمت ياخلي في بعدي تناسيت

افهم ترا مافيني شي من الياس

لاني عرف الحب صادق وحبيت

دام الغلا مع كل شخص له اقياس

مات الغلا من يوم عني تخليت



مــشــاعـــل

صباح اليوم الرابع لزواجي استيقضت من نومي ونا مفزوعه على صوت طرقات وضربات عالباب .. مااستوعبت انا ووين .. قمت من عالسرير

بسرعه وفتحت الباب الا لقيته مغلق بالمفتاح رجعت فتحته ,, وشفت ماجد قدامي و الشرر يطاير من عينه ..الصراحه خفت المفروض مااقفل الباب

يعني هو وراه دوام وبيأخذ ملابسه ,, شكله بيصبح علي ببوكس يطير صف اسناني .. ظليت اطالع فيه والمصيبه عيني مو راضيه تنزل احاول

بس احسهاا معلقه بعيونه ,, شوي شوي احس عيونه تغيرت من الشرر اللي يطاير منها الى الهدؤ و لمعه غريبه مدري ليه ؟؟ يمكن اتهيأ لي

صحاني صوته من سرحاني بعيونه ..

ماجد "هذي الانسانه بتفقدني عقلي ليش تناظرني كيذا ,, احس ببراءه في عيونهااا كل الغضب اللي فيني تبخر وظلت عيني متمسكه بعيونها وشكلها

وهي توها صاحيه من النوم وشعرها مسدل رغم نومها الا انه ماتبعثر وظل سايح ,, طويل .. حلوو ..بهدؤ" : الحين بتظلين كيذا للعصر ولا

بتوخرين ؟؟؟ و ر ا ي د و ا م ..

مشاعل "باحرج اخاف يحسبني معجبه فيه ولا بعيونه " : طيب ... ووسعت له ,, وهو داخل الغرفه مر من جنبي حسيته عملاق قدامي صحيح

ان طولي 162 واشك ان طوله فوق الـ175 .. حسيت نفسي قزمه قدامه .. ايييه يامشاعل بلااا غباء قاعده تتغزلي في الرجال ولا كأن عمرك

ماشفتي رجال .. اعوذ بالله من الشيطان الرجيم .. رحت لمى السرير مرة ثانية .. ونا محتارة اقوم اسوي له فطور ولا لاء ؟؟

اخاف اذا قمت و سويت له يحسب اني خفت منه وقمت اسمع كلامه و يمكن يروح تفكيره لبعيد اني اغريه ولاشئ ثاني .. ياربي نفسي افهم هو ليش

مايطيقني ,, انا شسوويت له ؟؟ طيب ليه تفكيره ضيق ويفكر بالسئ قبل الخير .. انسان غريب .. ماتوقعته كيذاا ابدااا .. شكله مايقول انه كيذاا ..

تغطيت بالبطانيه وحطيت رأسي عالمخده لانه لساتني كان فيني نوم ونمت .. ماحسيته متى خرج ومتى أخذ ملابسه و راح ..

مــــــــــــــــــاجد

خرجت من الحمام عزكم الله لقيتها نايمة عالسرير بالبدايه قلت يمكنها تدعي النوم بس يوم قربت منها كانت انفاسها منتظمه ووجهها لونه طبيعي

ومورد بشكل حلوو رغم بشرتها البرونزيه ,, كان صافي من الحبوب و البثرات .. ناعم ودي امشي يديني عليه من نعومته ,, حواجبها مب مثل

كثير من البنات يوم تكون شكلها ثمانيه ويقصونها و يحددونهاا .. لااا كانت طبيعيه مهيب نامصه والاحلى اخذه شكل مقوس وعلى نهاية الحاجب

تحسينه مركن ,, منيب عارف اوصفه اللي اقدر اقووله انه حلوو ويبين عيونهاا شفافه ,, بريئه ,, ويازين كبر عيونهاا كبرها محليها ومع انها

مغمضه لكن واضح كبر عينها من مسافة جفونهاا ورموشهاا ماشاء الله لا قوة الا بالله معكووفه .. شفاتهااا احلى شئ فيهااا رقيقه مثل الاطفال ..

خشمهاا ودي اداعب خشمي به ,, تحس انه حدته ناعمة ماتجرح .. انتبهت لنفسي شلوون اوصفهاا .. لاااا اكيد اتهبلت هي مب

لهادرجه جميله ,, ماجد اترك عنك القز ,, لا تنسى اللي ملكت قلبك هي احلى احلى بكثير من هالصايعه ,, وبعدت عنها و خذيت ثيابي و طلعت

اتلبس وخرجت دوامي ونا بسيارتي افكر شلوون بتحملهاا سنه .. ظنيت ان السنه بطوف بسرعه لكن للحين ماطاف منها الا 4 ايام ,, مااقدر اتحمل

هالشيفه <<<< شيفه و الله ماللشيف غيرك انت يالحثاله ..

عدنـــــــــــا

كمل ماجد : ظنيت ان امي بتاخذ وقت تتحسن فيه ,, وماشاء الله عليها شفتها امس تقدر تمشي بالحالها بدون مساعده واحس انها بتتحسن وااايد

خلص بطلقها باسبوعين ولا شهر .. الخوف من ابووي احسه ناوي علي بينشبها بحلقي ,, لكن لزوم اطلقهاا انا ماابي الا وحده هي و بس

وغيرها ماابي ,, اتذكرها اتذكر شلوون شكلهاا كانت قمر .. بس مشاعل غير غير .. وقفت السيارة ونا راسي بيألمني تعوذت من ابليس ووعليت

صوت المسجل على اغنية فاكرني نسيتك بايقاع خليجي ,, احب اسمع اغاني من جميع اللهجات بس بايقاع خليجي ..

و ابقى اطمن عليا .. خليها عليك شويا .. لحسن قلبي يروح قلبي حالتو بتصعب عليا ..

.. لو تعرف اللي بيا لمى تشوفك عنيا ,, بتغيب عني تروح مني و تبقى رايحه جايه..

.. جاي بتفكرني انت فكرني يا حبيبي نسيتك .. و لا شيئ في الدنيا ينسيني ان انا حبيتك .. كان بعدك عني يغيرني من قلبي هويتك ..

.. جاي بتفكرني انت فكرني يا حبيبي نسيتك .. و لا شيئ في الدنيا ينسيني ان انا حبيتك .. كان بعدك عني يغيرني من قلبي هويتك ..

.. و ابقى اطمن عليا .. خليها عليك شويا .. لحسن قلبي يروح قلبي حالتو بتصعب عليا ..

.. نسيتك و الله ما نسيتك حبيتك ايوا حبيتك انا من اول ما شفتك حسيت اني لقيتك ..

.. نسيتك و الله ما نسيتك حبيتك ايوا حبيتك انا من اول ما شفتك حسيت اني لقيتك ..

.. جاي بتفكرني انت فكرني يا حبيبي نسيتك .. و لا شيئ في الدنيا ينسيني ان انا حبيتك .. كان بعدك عني يغيرني من قلبي هويتك ..

.. جاي بتفكرني انت فكرني يا حبيبي نسيتك و لا شيئ في الدنيا ينسيني ان انا حبيتك كان بعدك عني يغيرني من قلبي هويتك ..

.. و ابقى اطمن عليا .. خليها عليك شويا .. لحسن قلبي يروح قلبي حالتو بتصعب عليا ..

.. لو تعرف اللي بيا لمى تشوفك عنيا ,, بتغيب عني تروح مني و تبقى رايحه جايه..

وصلت شغلي وقفت السيارة ونا اخذ نفس .. بسم الله .. ونزلت ..

مشـــــــــــــــاعـــل

صحيت على الساعه 10 ونص .. عبأت الحوض ماي دافيئ حطيت به معطر بنكهة الفانيلا لاني احبهااا مررة ..

خلصت لفيت المنشفه وخرجت براحه لاني متأكده انه بشغله .. تدهنت بكريماتي وتعطرت و تلبست وتزهبت رتبت غرفة النوم ,, رحت لغرفة

التلفزيون قمت برتب رجعت ترددت ارتبها و لا لاء .. احب الاشياء مرتبه .. بس مني مرتبه خليه يعدل اسلوبه و كلامه معي بعدين يصير خير ..

وتركت الغرفه .. رحت بطبخ ناظرت الفريزة شفت بها لحم ونا بصراحه مااحب اللحم الا اذا كان مفروم .. ومو أي لحم لحم البقر بس هو اللي اكله

لان الدهن به قليل واخف من اللحوم الباقيه ,, عشان كذا اخترت الدجاج ونزلته .. سويت لي ربع دجاجه بالخضار في الفرن .. خليه الدب ماجد مثل

ماامس مافكر فيني ولا خذني مطعم اوريه و الله مو حاسبه حسابه .. وباكل قدامه اقهره اوريه الحمااااااااااار .. أذن الظهر قمت اصلي .. جلست

ادور فحم ,, دورت لما لقيت بالدولاب اللي تحت المغسله .. شغلت البوتغاز وحطيت الفحم .. قمت انفض الصاله و غرف الضيوف يمكن من الملل ..

حوالي ساعه و خلصت تذكرت الفحم جريت بالمطبخ شفته محمر ,, خذيته وحطيته بالمبخرة وحصلت عودة بدولاب الصاله جلست ابخر البيت ..

خلصت عالساعه 3 الا خمسه ,, انتظرت الاذان اذن وصليت العصر وهو ماجاء الا الساعه 4 .. ونا كنت بغرفة التلفزيون اطالع

برنامج ...

مـــــــــــــــاجـــد

حاولت اركز بشغلي قدر المستطاع .. وخلصت اشغالي وخذيت اشغال غيري ,, عشان اطول ولا انا دوامي يخلص عالساعه 3 ..

دخلت الشقه ,, شام ريحة بخووور.. مصدقه عمرهاا زوجه .. رحت حجرتها ماطقيت الباب الحمد لله ماكانت داخل قلت يمكن بالمطبخ لبست لي

بنطال زيتي جنز و قميص بيج كت .. هذا كله بعد ماتسبحت لان الجوو حااااااااااااااااااار .. ونا خارج لحجرتي (حجرة التلفزيون ) وبيديني كيس

الغداء جايبه من كنتاكي .. الا اشووف الشيفه قدامي ******** الله يأخذك من رجال شيفه بعينك انت ماتستحي مية مرة اقول لك لا تقووول شيفه ..

مـــشــــاعــل " شفييه يطالعنني كيذا "

ماجد " اعوذ بالله " : ممكن تذلفين برااااا..

مشاعل : لا حول ولا قوة الا بالله ..

ماجد : ممكن تذلفين من وجهي عطيتك هديه مامن بعدها جززيه(( يقصد حجرة النوم)),, والحين شتبين بغرفتي انتي ووجهك ..

مشاعل : شووف انت ليه لسانك متبري منك .. توك داخل واستلمتني شتايم .. ترا اذا مارديت عليك لاني متربيه ..

قطع كلامي : اففففففففففف سكتي ولي يرحم والديك تراني مليت منك ومن كلامك هذا ولنا ايام شلوون بتحملك سنه .. "سكت وكأنه تذكر"

ايه صدق بعلمك احتمال السنه تتقلص لشهر و بعدها بطلقك زين ..

مشاعل " صدمني بكلامه بس مابينت لاني متعووده على الشتايم والسب والصدمات .. بس انا توني متزوجه و بعدين هذا معناه ابعد عن الاهل و

الامان .. ابعد عن نجود منورة واصيل وباابا وماما .. وعن بيت يلمني .. تضحكي على مين يامشاعل على نفسك انتي من يوم تزوجتي وهو يهدد

فيك ويقول انه بيطلقك ,, ورغم كيذا حاسه بالامان ..

ماجد : الحين بتغدىممكن تطلعين براا ,, من الصبح ونا بالشغل وانتي هني نايمه ماقدرتي ترتبين الحجرة ..

مشاعل " بنرفزة يمكن لان خبر الطلاق بعد شهر مأثر فيني" : اقوووووووووولك انااا مو خدامتك انت تخرب ونا ارتب ,, عندك يد مثل ماتأكل بهاا

وتشتري بهاا غدااااء قووم نظف بهاا غرفتك .. كل شووي رايح راد تهين فيني اففففففففففف مو حاله هذي .. اعوذ بالله اصلااا لو كنت ادري انك

انت اللي بتزوجك , كان هربت و لا اخذتك .. مغروووووووووووووووووووووووور

ماجد "وعلامات الدهشه من اسلوبها معي وانقهرت من تعاملها اللي مو لايق ,, مسكتها مع كتفهاا ووقفتهااا "

: انتي تحسبي انك بنت الملك .. هااا ؟؟ تراك ماتسووووووووووووووين جزمتي .. تفهمين ..

مشاعل : اكرهههههك ..

ماجد " ضغطت على يدهاا لا شعوريااا يوم قالت لي اكرهههك .. مدري ليه .. يوم اشوفها تتألم ارتاح " : ونااا اكرههههههك زوووووووووود ..

مشاعل " دفاني عالباب .. اتخبط راسي عالباب و ايدي تألمت ماانتظرت رحت على غرفة النوم وسكرتها بدون مااقفلها بالمفتاح و تسندت عليهاا

.. ونا اتنفس بصعووبه ..لما انفاسي انتظمت رحت لما السرير وانسدحت عليه ونا الم ركبي لصدري .. ليش ياماجد شسوويت لك ؟؟؟؟؟ تجمعت

الدمووع بعيوني وعلى اطراف رمشي السفلي .. ضغط باصباعي السبابه بيديني الثنتين على كل عين وغمضت عيني بقووة ..

الله يسامحك .. الله يسامحك .. الله يسامحكم كلكم .. كلكم ..

شلوون نمت مدريت عن نفسي قمت على صوت مخملي هادئ ورجولي جذاب ..

ماجد : مابتصلين ؟؟

فتحت عيني شوي شوي .. واشوفه يناظرني بطيبه رجعت غمضت عيني احس اني احلم لما سمعت صوته خششن وصار اكثر حده فتحت عيني

بقووة وبابتسامه خلت ملامحه المزعوجه تصير مستغربه .. ضحكت بصوت عالي لاني حسيته ابله وهو يناظرني كيذا مبلووه ..

ماجد " يوم جيت بلبس الثوب عشان اذن المغرب وبروح المسجد شفتها نايمه الحمد لله والشكر هذي بس تنام رحت لمها اصحيهاا لاذان المغرب..

كانت بنومهاا بريئه بشكل مااتصوره ,, حسيت ملامحها حزينه .. ياربي ماشفت عمري بهالجمال وهالرقه وهالحزن .. كسرت خاطري حسيت اني

زودتها شووي .. قمت صحيتهاا بهدؤ .. بالبدايه فتحت عينها و ناظرتني ورجعت غمضت عيونهاا .. انقهرت منها الحين يوم اصحيها بأدب تقوم

تطنشني لكن هذي ماينفع معها الا العين الحمرا حررررررررريم .. ويوم احتد صوتي قامت تطالعني بابتسامه و تضحك والله هذي عليها حركات

اشك انهاا مجنونه ولا خبله او بها مس " قلت : لا حوووول .. تركتها وخذيت لي شماغ تدهنت عووده وخذيت المحفضه و الجوال ولبست ساعتي

وحطيت القلم بجيبي وخرجت ..

مشـــــــــــــــــاعل " ههههههه والله ضحكني اصلاا يوم تخيلت نظرات الاعجاب و الطيبه ماصدقت نفسي الا يوم سمعته بحده يصحيني عرفت ان

ماجد الاصلي رجع ,, ضحكت حسيته انقهر والله ماقصدت اقهره بس يالله شسووي طلعت معي .. توضيت و صليت طبعاا مافيه قراان قمت قرأت من

الاجزاء اللي حافظتهاا ,, خلصت ماعرفت شسووي .. والله طفش قمت اتمشى بالبيت دام زوجي العزيز مايخرجني و لا يمشيني ,, مليت ياناااس ..

جلست اقلب بالتلفزيون لكن بدون فايده تأخر ماجاء شكله مابيجي الا متأخر .. اذن العشاء قمت صليت و قرأت قرآن و طولت بالتسبيح و الاستغفار

بالاخير طبقت سجادتي رحت المطبخ مالي نفس اااكل ,, قمت امسح الدولايب و ارجع ارتب الصحون و الكاسات وكل شئ من جديد

من الطفش الللي فيني .. قلت احسن ارتب عشان اعرف اماكن الاشيات ,, خلصت عالساعه 11 الا ربع من المطبخ .. وهو ماجاء ..

لو عطاني التليفون كان وش صار ,, بس مااقول غير انه انااني هو يستانس مع اصحابه ونا هنا وحدي اقلهاا منوور تجيني .. اففففففففف ..

جلست ملانه من كل شئ وعشان اقهره رتبت كل البيت الا غرفته اوريه خليه يرتبها بنفسه .. رحت لمى المطبخ وخذيت عصير سيزر تفاح

ورحت لغرفتي وبشنط من شنطي اللي حطيت فيها كتب الشعر و الروايات قمت خرجت لي كتاب لنزار قباني ,, يعجبني جرأة هالشاعر يعيشني بعالم

ثاني عالم ماقدر اعيشه بالواقع عالم جرئ يحسسني بأنوثتي .. يوم أقراء لنزار احسه يخاطبني انا من بد كل النساء .. هالانسان حساس لدرجة

كبيره .. حبه للمرأه جرئ .. وصف مشاعره اتجاهها اجرأ من المتوقع ..

فتحت الكتاب على صفحة قصيدة لا تنتهي عن تعريف العشق ..

.. عندما قررت أن أكتب عن تجربتي في الحب،

فكرت كثيرا..

ما الذي تجدي اعترافاتي؟

وقبلي كتب الناس عن الحب كثيرا..

صوروه فوق حيطان المغارات،

وفي أوعية الفخار والطين، قديما

نقشوه فوق عاج الفيل في الهند..

وفوق الورق البردي في مصر ،

وفوق الرز في الصين..

وأهدوه القرابين، وأهدوه النذورا..

عندما قررت أن أنشر أفكاري عن العشق.

ترددت كثيرا..

فأنا لست بقسيس،

ولا مارست تعليم التلاميذ،

ولا أؤمن أن الورد..

مضطر لأن يشرح للناس العبيرا..

ما الذي أكتب يا سيدتي؟

إنها تجربتي وحدي..

وتعنيني أنا وحدي..

إنها السيف الذي يثقبني وحدي..

فأزداد مع الموت حضورا..


عندما سافرت في بحرك يا سيدتي..

لم أكن أنظر في خارطة البحر،

ولم أحمل معي زورق مطاط..

ولا طوق نجاة..

بل تقدمت إلى نارك كالبوذي..

واخترت المصيرا..

لذتي كانت بأن أكتب بالطبشور..

عنواني على الشمس..

وأبني فوق نهديك الجسورا..


حين أحببتك ..

لاحظت بأن الصيف يأتي..

عشر مرات إلينا كل عام..

وبأن القمح ينمو..

عشر مرات لدينا كل يوم

وبأن القمر الهارب من بلدتنا..

جاء يستأجر بيتا وسريرا..

وبأن العرق الممزوج بالسكر والينسون..

قد طاب على العشق كثيرا..


حين أحببتك ..

صارت ضحكة الأطفال في العالم أحلى..

ومذاق الخبز أحلى..

وسقوط الثلج أحلى..

ومواء القطط السوداء في الشارع أحلى..

ولقاء الكف بالكف على أرصفة " الحمراء " أحلى ..

والرسومات الصغيرات التي نتركها في فوطة المطعم أحلى..

وارتشاف القهوة السوداء..

والتدخين..

والسهرة في المسح ليل السبت..

والرمل الذي يبقي على أجسادنا من عطلة الأسبوع،

واللون النحاسي على ظهرك، من بعد ارتحال الصيف،

أحلى..

والمجلات التي نمنا عليها ..

وتمددنا .. وثرثرنا لساعات عليها ..

أصبحت في أفق الذكرى طيورا...


حين أحببتك يا سيدتي

طوبوا لي ..

كل أشجار الأناناس بعينيك ..

وآلاف الفدادين على الشمس،

وأعطوني مفاتيح السماوات..

وأهدوني النياشين..

وأهدوني الحريرا


عندما حاولت أن أكتب عن حبي ..

تعذبت كثيرا..

إنني في داخل البحر ...

وإحساسي بضغط الماء لا يعرفه

غير من ضاعوا بأعماق المحيطات دهورا.


ما الذي أكتب عن حبك يا سيدتي؟

كل ما تذكره ذاكرتي..

أنني استيقظت من نومي صباحا..

لأرى نفسي أميرا ..

قفلت الكتاب على صوت الباب .. سكرت الكتاب وبسرعه حطيت راسي عالمخده .. وغمضت عيوني

مــــــــــــــــاجـــــــد " خرجت اصلي المغرب و بعدها رحت لواحد من الربع بدوانيته وسالم كان موجود ..جلسنا و ياا بعض نسولف .. والحمد لله ان

سالم ماتمسخر علي .. مشى الوقت بدون مااحس .. شفت الساعه 12 .. قمت استأذن وطلعت .. شغلت السيارة و توني محرك الا سالم و قفني

وركب بجنبي طالعته .. سالم : بشرعساك بخير ؟؟؟

ماجد : الحمد لله ..

سالم : ادري انك ماتحب تسولف لي على مشاكلك الخاصه الا نادرااا .. بس اذا بغيت شئ مايحوشك الالسان ..

ماجد"بابتسامة امتنان " : تسلوو ياخووي .. صاحب واجب ..

سالم : زين في امان الله ..

ماجد : مع السلامة ..

ووصلت البيت قبل الساعه وحده بعد نص الليل .. العماره كان يعمها السكون واتوقع حتى صوت المصعد بينسمع ,, توجهت لشقتي فتحت الباب

دخلت .. لغرفة النوم كانت نايمة و نور الأبجورة خافت .. بصراحه شكلها من بعيد يغري .. و بهدؤ تسحبت لعندها وناظرتها .. قربت اكثر الى ان

صار وجهي بوجهها .. كانت نايمة وخدودها محمرة بشكل حلووو .. كنت اطالعها و اتمعن بهاا .. بعدهاا بدلت ثيابي ببجامه و توجهت لغرفتي ..

مشـــــــــــــاعل " حسيت بأنفاس دافيه قريبه مني .. بصراحه تخيلته قربي و خجلت من نفسي على تخيلاتي .. والخجل مسيطر بزمن هالانفاس

قربي .. سمعت صوت الباب تسكر فتحت عيني شوي شوي .. ماشفته داخل اكيد راح غرفته .. بفهم هو ليه قرب مني ؟؟ لا لا لا اكيـــد اتهيألي

مستحيل ماجد يقرب مني لهالدرجه الا اذا كان يستحقرني .. ونمت على افكاري ..

مـــاجد رحت لغرفتي وحطيت المخده هالمرة عالارض لان ظهري وجعني ونا انوم عالكنبه .. وكالعادة .. تصبحين على خير يارووح ماجد ..

مشـــــــاعــل
مرت حوالي تسع ايام من وجودي بالشقه وحنا بهالحال كل واحد بغرفه انا بغرفة النوم وهو بحجرة التلفزيون .. ويوم يروح الصبح شغله

اصحى وارتب حجرتي و ازينهاا .. وارتب باقي البيت الا غرفته .. واطبخ لي اللي موجود وابخر البيت .. استحم و اظبط نفسي و اروح بغرفة

التلفزيون الى موعد وصوله يوم يسكر الباب اعرف انه جاء اقوم من غرفته واروح المطبخ عشان يغير ملابسه براحته وبعدها اروح غرفتي

ولا عدت اواجهه .. لان المواجهه معه صعبه ونا الخسرانه كفايه اخر مرة يدي زرقت بسبته .. وظلينا على هالحال .. ونا كنت قد كلمتي يوم اني

مانظف غرفته ,, ولا اطبخ له ,, حتى ثيابه مااغسلهاا ,, ولا اكويهاا .. وهو يجيب غداه من براا وثيابه يغسلها ويكويها عند الغسال براا ..

مــاجد " قاهرتني و الله مااحس اني متزوج ,, الحين مخسر فيهاا مهر ومتعني من الرياض لجدة و بالنهايه لا تغسل لي و لا تطبخ و لاحتى

ترتب حجرتي ,, الله ياخذهااا .. طول هالايام ونا تعودت على شئ مااحسه من مصلحتي .. تعودت قبل لا انام يوم اجي من الديوانيه ولا من خارج

اشوف وجهها و هي نايمه .. ويوم اروح الشغل الصبح اشوف وجهها بعد .. حاولت مااعيد هالحركه لكن العكس هو اللي صار تمسكت بشوفتها

اكثر .. احس ان يومي مايبدى الا بشوفتها مثل المسكن او المهدئ ويمكن مثل اللي تعود يشرب كوفي اول مايصحى احس شوفتها مثل المنبه ..

واخاف تكون مخدر وادمن عليها و عشان كيذا كاره نفسي اكثر ..

مشــــــاعل " هذا اليوم الـ13 من زواجي يعني حوالي اسبووعين .. ونا للحين ماخرجت من هالشقه والله حرااام .. كل شئ ممنوع حتى الدريشه

ممنوعه منهاا .. ياربي الحمدلله ..

ماعندي شئ اسوويه طول هالفترة الا اني اتذكر ذكريات قديمة و جديدة اتذكر يوم منوور تقول لي شووشوو .. ونا ماحب هلاسم .. ههههههه ..

ادري فيها تعاندني .. وحشتني و الله انها تونسني من الخاطر .. وحتى نجود اشتقت لهواشها ويا منوورة .. احبهم هالثنتين ..

ونا اضحك .. تذكرت فهد اخو زوجي يوم يهاوشني بالسوبر ماركت .. بس الحين هو مكسوورة رجله حراام مسكين .. خطرت ببالي فكرة مجنونه

بس بسوويهاا .. شسووي من الطفش .. قمت اطبخ رز برياني وسويت معه سلطه لبن بالخيار .. وشوية خضار مطبووخه .. ويوم خلصت طبخ

حطيت الرز و الدجاج بصحن و زينته بالبصل المحمر .. وخذته من السلطه وحطيت ثلاث ارباعهاا بصحن مقعر و الخضار المطبوخ خذيته مثل ماهو

بالقدر .. طبعاا هذا كله زينته و حطيته بعد مااخذت شور و لبست عبايتي .. توجهت للباب وخذيت نفس قووي كانت الساعه على 11 ونص الصبح

نزلت بالمصعد اتذكر جوود قالت تحت شقتنااا تمام .. وصلت لعند الباب .. جلست مترددة ادق الجرس و لا لاء ؟؟ اخاف اللي اسوويه غلط ..

لكن انا وعدت ماما اني اهتم بعيالها الاثنين ونا بصراحه ماهتميت بماجد اقلها اهتم بفهد .. انا اعتبره اخووي الكبير .. وعادي لو جبت له غداء

لو وحده غيري كان سوت كيذا من زمان .. طيب استنى لما ماجد يجي احسن .. لا لا اصلا هذا المغروور بيمنعني مثل العاده من كل شئ ..

ونا مو محتاجه له .. اذكر مفهد يوم اعتذر لي كان حبوب ونا قلت له : معذوور ياافهد يااخووي ترضى اني اقولك اخووي

قال لي فهد : اكيد وانتي اختي الصغيروونه <<<< طبعاا هذا كله على ونجود موجودة وهي فرحت و من

فرحتها ظلت ساكته ..

وقال للجوود : خلص نجود جت الللي اصغر منك و بتاخذ الدلع كله ..

نجود وبعيونها دمووع : فديتهاا خلهاا تاخذ كل اللي عندي فدااهاا ..

قال لي : شعووله .. الحين بما اني اخووك اموون عليك صح شعووله ..

قلت له " وبنعومه " : ايووة صح خذ راحتك ..

قال لي : خلص اجل شعووله مااوصيك على اخووي خليه بعينك "

واذا غلط عليك ولاشئ لاتنسي عندك اخو بالرياض يحميك ومايرضى عليك ولو كان اخوه من دمه و لحمه .. الله يوفقكم و يسعدكم

تشجعت اكثر ضغط عالجرس مرة وحده .. وبعدها جلست انتظر دقيقتين .. ترددت ادق مرة ثانيه بالنهايه ضغط عالجرس مرة ثانيه بس طولتها

شوي .. بالخير التفت برجع شكله نايم ولا يمكن مو فيه داخل وتو مالي خطوتين .. الا انفتح الباب ونا ظهري عالباب .. تجمدت اوصالي

لما قال "بصووت خشن : نعم ..

ادرت جسمي شوي شوي .. ونا راسي بالارض رفعت عيني الا عيني بعيونه : السلام عليكم ..

فهد " سمعت صوت الجرس بالبدايه بس على خفيف ظنيت انه يتهيأ لي لكن يوم سمعت الجرس طوول قمت من سريري

معقووله ماجد .. زين هو عنده نسخه وشووله الجرس .. اففف .. هو يدري اني مقدر احرك رجلي هالكثر ..

ويوم فتحت الباب شفت ظهر وحده لابسه عباة استغربت .. منو هذي اللي جايه عالصبح طالعت ساعتي كانت 11 و 38 دقيقه ..

قلت لهاا نعم .. لما التفت علي و ردت السلام جسمي كله ارتعش من صووتهااا .. هذي هي مش .. مشــاعــل ..

وبصوت مسموع : مشــاعل ......




...
يتبع