الحلقة التاسعة عشر

" ..النيــــــ إنما الأعمال ـــات ... "

كنت انتظــــر منكـ )) اهتــــمام ((

وغلطتــــكـ سووء ظنـــ

ثمنــــــها و ادفعـــــــهـ .. !!

لا تقـــــــول ..

((حـــــــرام ((

الحـــــــــــرامـ !

اعطيـــــــكـ : عمـــــــر :

تضيـــــــــــــعهـ .. !!



فهد
" سمعت صوت الجرس بالبدايه بس على خفيف ظنيت انه يتهيأ لي لكن يوم سمعت الجرس طوول قمت من سريري

معقووله ماجد .. زين هو عنده نسخه وشووله الجرس .. اففف .. هو يدري اني مقدر احرك رجلي هالكثر ..

ويوم فتحت الباب شفت ظهر وحده لابسه عباة استغربت .. منو هذي اللي جايه عالصبح طالعت ساعتي كانت 11 و 38 دقيقه ..

قلت لهاا نعم .. لما التفت علي و ردت السلام جسمي كله ارتعش من صووتهااا .. هذي هي مش .. مشــاعــل ..

وبصوت مسموع : مشــاعل ......

مشــــــــــاعــل " ناظرته باستغراب شلوون عرفني ونا متاثمه حتى ولو لثمتي ثقيله ,, مشاعل بلا هبل اصلاا هو متى شافني عشان يعرفني ..

طيب شدرااه انه انااا ؟؟ يالله مو مهم .. " : كيفك فهد ؟؟

فهد" ياناس شلوون مااعرفهاا و هالعيون هي اللي ذبحتني حراااام والله حرااام وش ذا العذااب .. يوم سألتني عن حالي رديت " : الحمد لله

شلوونك انتي ؟؟؟ " قلتها ونا عيني بالارض " ..

مشاعل : الحمد لله .. امم .. مـ .. فهد ..

" يازينهااا وهي مترددة " فهد : هلاااا .. بغيتي شئ ؟؟

مشاعل : سلامتك ..

فهد " يسلملي قلبك " ..: الله يسلمك ..

فهد : اجل شلي جايبك ؟؟

مشاعل " بصراحه انحرجت من كلامه انا الغلطانه اللي حزنت عليه ,, افف هماا الاخواان زي بعض مااعندهم اسلووب .. يعني مو شايف اللي بيدي

احسن لي ارجع قبل لا يقطعني من الاحراج " : خلص ولا شئ .. ونا برووح اللي وقفني صوته يوم يقول لي ....

فهد " من ربكتي ولا فرحتي و لا اقوول عذاابي .. سألتها ان بغت شئ ,, والاسؤ قلت لها شلي جايبك ؟؟ والله اني حمااااااااااااااااااار الا الحماار

احسن عني .. ولا بالله هذا كلاام اقووله .. لا شعوريا قلت " : اااسف والله مب قاصد .. استغربت شووي ..

مشاعل : عادي .. بس "رفعت الكيس اللي بيدي ,, وكملت " : جيت اعطيك هذااا ..

فهد " رفعت عيني اناظر بالكيس .. وش اللي بتعطيني هو ؟؟؟ " : مافهمت وش اللي بالكيس؟؟

مشاعل "بصوت واطئ" :: غدااء .. طبخته .. حبيت تذووقه ..

فهد " بابتسامه بينت فيها استوعاابي " : هذا طبخك انتي ؟؟

مشاعل " حركت راسي " ..

فهد : ايه فهمت هذا اول يوم لك تطبخين صح ؟؟

مشاعل " وش قصده مافهمت مارديت عليه اصلاا هو ماعطاني وقت ارد فيه لانه كمل كلامه "

فهد :اااسف صدق مشاعل مافهمت الا الحين ,, ماجد دووم يجيب لي غداء من برااا و اليوم انتي جايبه لي الغداء ماحبيتي انه يبرد عشان ماجد

يتأخر وهذا اول طبخ لك صح؟؟

مشاعل " استغربت من استناجه .. خليه يفهم زي مايبغى " : اصلااا ماما و نجود وحتى بابا موصيني عليك وبالايام اللي قبل ماجد اهتم فيك لكن

من اليوم و صاعد ماابتتغداء الا من غدااناا و لا تعترض لان ماعندك خيار .. اتفقنا ..

فهد " بابتسامه " : مابعترض بس بثقل عليكم ..

مشاعل : فداااك يااخوي ..

فهد " يوم قالت فداك طرت من الوناسه .. لكن وناستي ماكتملت يوم قالت ياخووي ,, لكن يافهد هذااللي المفروض يصير .. هذي مرت اخووك

و بمكانة اختك حتى انها اصغر عن نجوود " : ان شاء الله " وقلتها بالم " اختي ..

مشاعل : خلص اجل لا اكلت عطيني رأيك ؟؟ اووكي ..

فهد "بابتسامة بسيطه " : ان شاء الله بتصل عليكم عالبيت وبعطيك رأيي .. زين اميرتنا أي اوامر ثانيه ؟؟

مشاعل "بابتسامه مو باينه من اللثمة " : سلامتك بس ..

فهد "بمرح" : ماعليك قولي شتبين .. بس هاا مو يعجبك الوضع كل شووي فهد و فهد ..

مشاعل "بتردد " : ماعندي رقم منوورة ..

فهد "بضحكه " : الحين كل هالتردد على بالي شئ اكبر من كيذا .. بالاخير طلعت هالمقروودة منوور ..

مشاعل "بدفاع" : منوورة مو مقرووده لو سمحت الا هي احبها و مارضى عليها ..

فهد " ليتني مكانك منوور .. اعووذ بالله منك ياابليس" : زين بعطيك هو .. معك جوالك ؟؟

مشاعل " باحراج والحمد لله اني مغطيه عشان مايبان" : لااا ..

فهد : نسيتيه فووق ..

مشاعل " ياربي شفييه قاعد يحقق معي " : لااا

فهد : اجل ..

مشاعل : ماعندي جوال ..

فهد " جد انك اقشر يامووويجد الحين ماتجيب للبنت جوال " : اجل شلوون كلمتي اهلك ؟؟

مشاعل : ماكلمتهم ..

فهد "باستغراب " : ليه عشان ماعندك جوال زين من تليفون البيت كانــ .. ... "سكت" .. ايه صح ماجد شايل الصفر .. "وبتفكير " .. زين

انطريني ثواني و راجع لك لا تتحركين ..

باقل من دقيقه رجع و معاه جوالين ..

فهد : خذي هذي الشريحه وهذا الجوال ..

مشاعل "بسرعه " : لا مشكوور ماابي ..

فهد " فديتها خجووله" : افااا عليك اذا جد اخووك تأخذينها تكسرين بخاطري يعني ..

مشاعل "بتردد" : مااقصد بس مايصير بعدين من قال اني احتاج جوال .. مااحتاجه و ماجد مو مقصر معي " قلتها ونا بقلبي انحرق من كذبتي "

فهد : ادري باخوي مابيقصر ابد .. بس هذا مو من اخو زوجك هذا من اخووك و بعدين هذي الشريحه استقبال و تراها شريحة سواا يعني

عادي يوم الي ماتبينها فريهاا .. ونا الحين برسل لك البواب يشتري كرت شحن وبتصل عليك امليك ارقام الشحن .. وخلص ..

مشاعل : بس انا مارد عالارقام الغريبه (( والله البنت لانت مسكينه من طفشهاا ,و استسلمت وخذته)) .

فهد : ولا عليك هاك باحفظ رقمي فيه ,, وجالس يحفظ رقمه بالجوال .. وكمل : حفظت لك رقمي و رقم منوور .. تبين رقم بيتها بعد ؟؟

مشاعل : اوكي حط الاثنين احسن ..

وناولني الجوال وشكرته بشده .. مشاعل : مشكوور اخووي فهد .. تعبتك معي .. الحين تقول جايبه لي غدااء وبتاخذ مني شريحه و جهاز جوال

بعد ..

فهد : ماعليك اصلاا هالرقم من زمان شاريه يوم انسرق جوالي و لما طلعت بدل فاقد استغنيت عن خدماته والحين غيري بيستفيد منه ..

مشاعل طلعت شقتي لاني خليتها مفتوحه المفتاح مو معي ادري انها مغامرة بس دام العمارة لبابا فما علينا خوف لان ولد صاحب العمارة موجود

وقال لي فهد يوم توصلين بتصل عليك وان عطيتيني مشغوول بعرف انك وصلتي .. قلت له مايحتاج بصراحه الشقه فوقه تمام يعني ماشي

يخووف .. فسخت عباتي ونا فرحانه بيدي جوال يعني و سيلة اتصال بالعالم .. اففف منه ماجد حاكرني و الله لو الشغاله كان خلاهاا تخرج ..

اذن العصر و صليت سمعت جوالي يرن بصوت رساله .. خذيته شفت رقم الشحن ارسله لي فهد غريبه مع انه قال بيتصل علي بس يالله

جزاه الله خير .. بصراحه ماعندي خبره بكروت الشحن لان اللي كان عندي قبل يوم كنت ببيت اهلي كانت شريحه عاديه للاتصالات ..

اتبعت التعليمات اللي بالكرت بعدها اتصلت عالرقم المخزن لمنوورة .. بالبدايه دق و دق محد رد الى ان قفل .. بعد شوووي قلت اتصل ..

شلت السجادة وطبقت شرشف الصلاة رن الجوال هالمرة رنة اتصال .. شفت اسم منورة طالع عالشاشه فرحت من قلبي .. على طول رديت

منورة : الووووووووو ..

مشاعل "وخرت اذني عن السماعه ماشاء الله صووتها عاااااااااااالي .. جيت بتكلم بس كالعادة منوورة ماتعطي فرصه لاحد"

منوورة : فهدااني .. غريبه مب هذا رقمك القديم ليه رجعته اعتررف .. اكيد بتتهرب من احد يتصل عليك قمت قلت اقفل جوالي وافتح الثاني

.. لكن الغريبه انك تتصل فيني اخبر انك تتصل بنجوود وهي حبيتك ونا حبيبي ماجد الا صدق هالمغروور كل مااتصل عليه اقووله

عطيني حبيبت قلبي شوشو ..

مشاعل " عصبيه مصطنعه" : شوووووووووشووووووو بعييييييييييييييينك ياااادوبااااااااا ..

منوورة : بسم الله الرحمن الرحيم ,, شكلي غلطانه اختي مع السلامه ..

مشاعل : منوورة شفييييييييييك بلا هبل ..

منورة : شوشو ؟؟

مشاعل : ياربي .. انتي ليه تعاندين <<<< احلى يالعاقله الحين شعووله انتي اللي عاقله و ماتعاندين مووو ؟؟

منوور : اول شئ علميني من وووين لك هالشريحه ؟؟

مشاعل : اففففففف حراام عليك لا تخليني اندم اني كلمتك ..

منوورة : الا صدق انا مااكلمك يالنذله ..

مشاعل "بشهقه" : انااا ا,, ليش شسوويت ؟؟

منوورة : لا و الله ماتدرين هااا ؟؟ كل مااتصل ابي اسولف معك اثريك مستانسه و ياخالي .. لدرجه انه نساك منوورة يالخاينه ..

مشاعل : لاحوووول و لا قوة الا بالله .. الحمد لله و الشكر ..

منوورة : تطنزين علي هاا .. اوريك يالشينه تقولين لماجد انك مب فاضيه للقافتي و حشريتي هااا ؟؟

مشاعل "وهذي المرة الثانيه اشهق فيها" : متى ؟؟ والله مااصار ..

منورة " بطريقه تحقيق" : اجل خبريني شلي صاار ونا اسمعك ..

مشاعل " استغليت الفرصه لاني ادري بفضوول منورة قلت " : شووفي لا بغيتي تعرفي شلي صار تعالي عندي و بعلمك ..

منورة : اممم امم زين بشووف سعود العصر واعطيك خبر ..

مشاعل : لاااا ..

منورة : وشو اللي لااا ؟؟

مشاعل : لو ماجيتي الحين والله مااعلمك ..

منوورة "بقهرر" : زين الحين ليش تحلفين .. افففف .. اخاف سعود مايرضى ..

مشاعل : انتي قولي له ان مشاعل تعبانه تصرفي و تعالي ..

منورة : مشاعل لا يكون صدق متهاوشه ويا ماجد وصرتي تعبانه ولا الم بطنك اللي ذاك اليوم بالمزرعه رجع ..

مشاعل : ياااااااااااااربي ابي افهم ليه ماعينوكي بالمباحث ترى والله بتخلين المجرم يوم يشووفك يصيح و يعترف ..

منورة : زين بووريك لاجيت يالله قفلي بكلم سعود بسرعه ..

مشاعل " تتمصلح,, وبدلع" : الا منوورة قلبي ..

منوورة : احم احم يالله قولي شتبين ؟؟

مشاعل : جيبي معك ضي و ضياء ..

منورة : مجنوونه انتي و الله ماجيبهم خلهم عند ابوهم اول مايجي يحبهم يكونون وياه ..

مشاعل "بحسرة " : طيب بس مرة ثانيه لاجيتي جيبيهم معك زين ..

منورة : زين يلااا طشااااااااو .. <<<< خخخخخخخخخخخ

مــــــــــــنــــــــــورة " شرااايك زوزوووو اعجبك انا مووو ؟؟

عدنا

مـــنــيــرة

" اتصلت على سعوود .. ونا عالخط انتظره .."

سعود : هلااا حياتي ..

منورة "بدلع" : شلوونك قلبي ؟؟

سعود : بخير حياتي .. شلوون العيال ؟؟

منورة : الحمد لله يتمنون سلامتك ..

سعود : وام العيال وش تتمنى ؟؟

منورة "بدلع": يعني بس ام العيال مافي شئ ثاني ؟؟

سعود"يستعبط" : اممم شئ ثاني مثل وشوو ؟؟

منورة "يعني انها زعلت" : ولاشئ خلص ..

سعود "بضحكه " : افااا زعل علينا القمر .. شسووي الحين شلوون اراضيه ؟؟

منوورة : منو القمر ؟؟

سعود"برومانسيه ماتصلح لمنوورة" : اااااه شقوولك عنه ذاابحني و معذبني وعشان خاطره اشووف الويل تدرين ليه ؟؟

منور"يقال لها تسووي رزينه " ******** كلش مايرااكبك منوور هههههههههههااااااااااااااااي

منورة : مدري ..

سعود : لانها سرقت قلبي يوم كانت بال18 جمالها البدوي .. وخفت دمهاا اللي تنسيني همي .. روحها و طيبتهاا حبيتهاا من كل قلبي ..

هي روحي و قلبي و عقلي ونور عيني شتبي اكثر ..

منورة : سعووودي ..

سعوود "برومانسيه" : ياعيوووووون سعووود ..

منورة " بضحكه " : متى تجي ؟؟

سعود " ويحب يلعوزها" : ليه شمحضرة لي؟؟ اذا محضرة ذاك القميص الأصفر اللي لبستيه يوم كانو العيال عند امك بجيك الحين ..

منووورة " ووجهها حمر من كلامه " : سعوووووود .. مالت عليك يادب ..

سعود : ابي افهم وشووله تستحين ؟؟ حنا متزوجين من 4 سنين ..

منورة "تصرف السالفه" : ماقلت لي متى بتجي ؟؟

سعود : قلبي لا تصرفين .. ولا اقولك بمشيها لك هالمرة لكن يوم اجي اليوم بتفاهم معك ..

منورة " حمر وجهها " : سعوود صدق متى ؟؟

سعوود"أكيد خدودها حمرر" : امم اظني بجي بعد العصر اليوم الشغل واايد تدرين خالك ما يداوم ونا ماسك كل الشغل .. احاول اخرج قبل العصر ..

زين قلبي تبين شئ الحين وراي اشغال..

منورة : اممم قلبي ..

سعوود : هلاا ..

منورة : ممكن طلب ؟؟

سعوود " كنت ادري منوور بتطلبين مني شئ " : آآمري تدللي ..

منورة : ابي اروح بيت ماجد ..

سعود : ياقلبي الرجال توه معرس ونا اذكر يوم عرست عليك ماابي احد يجيني..

منورة : زين مرته تعبانه و رايحه ازورهااا ..

سعود : سلامتها و الله .. خلص عيل زوريها .. وسلامتها ماتشوف شر ..

منوورة : مشكوور .. قلبي الله يخليك لي ..

سعود : ويخليك لي و لعيالي .. يالله عمري فمان الله ..

منوورة : في حفظه و رعايته ..

تجهزت بسرعه ولبست لي جلابيه لونهاا اخضر زيتي وتكحلت وحطيت رووج وردي ..

اتصلت على امي اشووف اذا احد يمرني من اخواني هم صدق اصغر عني لان اكبر عيال امي و ابوي .. خبرتني ان محد بالبيت واذا ابيهم اتصل

عليهم .. اتصلت على علي اخووي ..

رن رن ررررررررررن ...

علي : هلااا والله بالملقووفه ..

منوورة : اهلين ابو التفحيطات ..

قاطعهاعلي : احم احم .. مشكووورة ..

منوورة "بمصلحه" : الا اقوول اخووي حبيبي علي اشتقت لك حييييل ..

علي " اكيد وراها مشوار ,, تعلموني على منووور " : عطيني من الااااخر شتبين ؟؟

منوورة " اففف دوومه يكشفني" : سلاامتك اخووي .. ماابي غير سلامتك .. و .. وشئ بعد ..

علي : زين علميني وش هو هالشئ ؟؟

منوورة : بغيتك توصلني شقة خالي ماجد ...

علي : اولااا توه معرس الرجال وانتي تحشرين نفسك في اللي مايخصك ..فكيه هذاك زمان اول يوم انه كان صديقك وخالك المقرب الحين لااا ..

ثانياا غريبه خالي ماجد ذي خبري كلنا الثلاث انا و احمد و مصلح نناديه بخالي

الا انتي المستقويه تنادينه ماجد .. ولا تسوين فيها قدام مرته انك خوووش بنت .. وانتي من جنبهاا ..

منوورة " اوووريك علي ,, بس وصلني و بتشوف بعدهاا شسووي فيك " : افااا عليك علووولي الحين تذلني ونا مابغيت سعود يوصلني عشان

وحشتني قلت هي مرة وحده توصلني شقة ماجد واطمن عليك ..

علي : هييييه صدقتك .. بمررك بس عشاني قريب من بيتك و الله لو اني بعيد كان لو تموتين ماجيتك .. خمس دقايق و اشووفك براا معلوووم..

منوورة : حشى ولاالهندي اللي ببقالة جدي بالقصيم ..

علي : بدأنا بالطنازة ,, اغير طريقي و اتنذل معااك ..

منورة : لاااا افااا عليك علولي حبيبي واهون عليك ..

علي : يالله بس لا تكثرين سي يووو ..

منوورة : حشى ذوول الرجال يوم نطلب منهم شئ يذلوونا و يذلوون اللي جابناا عشان طلب تافه وعلى حريمهم حشى كأنهم عبيد لحريمهم ..

لبست عباتي وخرجت من الباب الخلفي .. اتصل علي : ووينك انتظرك ؟؟

منوورة : تعال من وراء انتظرك عند الباب الخلفي ..

علي "باستغراب " : ليه لا يكون منحاشه .. افااا اختي اخاف تكوني سويتيهاا ..

منورة : افففففف علووول تعال الحين مصختها تراا ..

علي : زيييين لا تصارخين ..

وقفلت السماعه الا علي قدامي وركبت بجنبه ..

منورة : سلام عليكم ..

علي : و عليكم السلام و رحمة الله و بركاته .. شفييك منوور طالعه من الباب الخلفي لايكون سويتي بسعوود شئ و انحشتي من عندهم ..

قولي الحين لا و الله اقطك بالسجن تبيني انسجن بسبتك ..

منوورة : حشى كلتني بقشووري نعنبو دارك بالع راديو انت .. يقولون اني اكثر سوالف وملقووفه مادروا عنك مسووي قدامهم عاقل وانت الحمد

لله و الشكر ..

سكتنا شووي ..

علي : منوور حبيبتي بك شئ ؟؟

منورة : سلامتك اخووي بس قلقانه على شوشو بزورهاا ..

علي " تعلميني عليك منوور احس انه بك شئ ,, مب احس و بس الا متأكد .. " : لا تحاتين اكيد بخير ..

منورة " وظلينا ساكتين انا وهمومي و مشاكلي اللي مايعلم فيها الا ربي .."

مشـــاعـــل " كل شئ كان مرتب ونظيف لاني كل يوم انظف حتى ملابسي كل يوم اغسلها واكويهاا .و هالمرة نظفت غرفة ماجد زين و كنستها مو

عشانه بس لاني ادري بلقافة منور وانها اكيد لو شافت فراشه بتستنتج كل شئ وهي ذكيه كفاايه ... سويت قهووة وجهزت التمر و شوكلاتة و

بسكويتات و سويت حلا باللبن .. وطيته بالفريزر عشان يبرد .. احترت اغير ملابسي و لا لاء .. بالاخير غيرتها و لبست تنورة قصيرة فوق الركبه

بـ5 سم جلد طبيعي لونه بني محرووق .. و عليه بلوزة كت لونها اسود خفيفه و فوقها جاكيت له نفس لون التنورة وجلد لانه طقم له بس بدون

اكمام وبدون ازرار ..و رفعت شعري لفووق و ثبته ببنس ( توكه ) ورجعت نزلته فصار شعري معكووف عشان بقصر طوله لانه طويل حيل و

يضايقني .. ومن قدام خذيت اثنين من الشباصات صغيرة لونها بني فاتح وحطيتهاا كحلت عيني بكحل قلم لونه اسوود ,, وحطيت غلوس لحمي

ولمعته حلووة لبست خرس باذني خرص او حلق لونه بني و عليه فصوص تلمع صغير و خاتم من نفس طقم الخرص لكن عقد الطقم مالبسته لبست

عقد ثاني طوويل لون بني و عقد ثاني لونه اورنج و ببيجي من طول العقد يوصل لبطني بس وااايد ناعم و رقيق ولبست بووت من الجلد الى نص

الساق .. بصراحه مدري ليه تزينت لهالدرجه يمكن من فرحتي اني بعد عشر ايام بشووف انسان ثاني .. فرحاااااانه حيل .. جلست انتظر كنت

احسها تأخرت و يوم ناظرت الساعه شفت انها ماتأخرت و لا شئ لانه لي 35 دقيقه من كلمتهاا .. رن جرس الجوال .. كانت منورة من قبل لا تكمل

الرنه رديت عليهاا ..

منورة : بسرعه فتحي الباب ..

مشاعل : وووينك ؟؟

منور : عند الباب يالله قفلي سعود عالخط الثاني ..

وقفلت السمااعه ..

جريت عالباب وفتحته على مصراااعيه ******** ابووووووووك ياللغه العربيه ,, شعووله مب حمدة نحوو ترااا اكرره النحوو ..

وبابتسامه كبيره على شفاااتي .. قلت : اهلين و سهلين ياانور العين .. ويوم انتبهت رفعت عيني الا اشوف ثوب ابيض رفعت عيني الى ان وصلت

لعيون غريبه و الاسؤ انها عيون رجاااااااااااااااااااااااااال >>> يالهوووووووووتي ياااخراااشي ..

قفلت الباب على طوول .. وتسندت بظهري عالباب ومن الخوف صرت اتنفس بسرعه .. حطيت كفي اليسار على فمي ونا اقوول ياويلي .. اليوم

مذبوحه ,, مذبوحه من ماجد ,, اول فهد و الحين هذا اللي مدري من ووين طلع لي .. الله ياخذ ابليسك ياامنوورة يامعفنه ..

عــلــي " وحنا بالطريق ,, ومنور قالت لي اوقف لها عند حلويات الـ .... عشان هذي اول مرة تدخل فيها بيت ماجد من بعد ماعرس مايصير تدخل

و يدها خاليه .. وعذبتني وهي تشتري من كل شئ مابقت شئ ماخذته .. وصلنا الشقه طبعا بالدور الثالث ودخلنا اشيات منور بالمصعد كانت منور

تسولف بالجوال يوم شلت علب الحلويات وبقت علبتين بتشيلهم منوور تركتها و مشيت اعرف انها بتطول على الجوال توني وصلت لعند الباب

الا انفتح وسمعت صوت و لا رقة العصفوور واللي صدمني ووقف لي عقلي اللي شفته من جمال ياناس ووين نانسي عجرم و لاحتى اليسا و ربي

مايسوون شئ .. هذا اللي اشووفه طبيعي و لا خيال .. فجأه اختفت من قدامي و الباب تسكر بوجهي .. لا اكيد كنت اتخيل الاا متأكد اتخيل

ولا بالله فيه مثل هالجمال حشى مااافيه .. مافوقني الا صوت منوور يوم تقول ..

منور : اسم الله عليك .. شفييك صاير اصمخ ماتسمع انت ..

علي طالعتها بعدين استوعبت قلت لها ا: نعم ..

منورة : نعم الله عليك اخووي ممكن تعطيني مقفااك الحين ..

علي : ليه ؟؟ بسلم على خالي و بمشي ..

منوورة : لا ياعيوني مااعتقد خالي فيه لانه قالي قبل كمن يوم انه من زمان يداوم و اكيد الحين هو بالدواام ,, وشوشو عيوني بالحالهاا يالله

اشووف عرض اكتافك ..

علي رافع حواجبه : افااااااا الحين تطاولين علي يامال الشؤم ,, الحين ماتبني اوريك يالملقووفه ..

منوورة : روووووووووووح زييين ,, من اول ساكته لك انتظر الفرج يالله زيين برااا ..

علي : اوريك منوور .. ومشيت ونا طيف الجميله مافارق خيالي .. من تكون ياترى هالبنت .. معقووله فيه بالدنيا حلاا كيذا صدق التلفزيون مابقى

شئ شفنا اشكال و اصنناف بس هذي حلووة صدق .. انا شفتها بعيوني اخاف عيوني تخوني .. ونا بالسيارة عند الاشارة راجع البيت ..

معقووله ياعلي اللي شفتها تكون مرت خالي .... والصدمه حلت بكياني .. ومانتبهت للاشارة اللي صارت خضراء الا بصوت بوري السيارت

اللي صحاني .. قمت استغفر و استعيذ من الشيطان .. اكيد هذي مشاعل زوجة خالي ياحليلك ياخالي انت ماشاء الله عليك زووين ووسيم و زوجتك

قمــ .... ,, استغفر الله .. وصلت البيت و قمت توضيت و استغفرت ربي .. هذي بمقام خالتي .. بس شكلها اصغر عني .. ورجعت استغفر كل

ماصورتها تجي ببالي اتعو ذ من ابليس و استغفر الى ان نمت ..

منورة " ضغط على جرس الباب .. شفييها هذي الثانيه ماتسمع لااا اليوم الناس بهم شئ "

مشاعل : ظليت متسنده عالباب و سمعت صوت منوورة يوم تكلم واحد اكيد هذا هو نفسه اللي شافني و المصيبه شافني بهاللبس وربي ياويلي

شوي رن الجرس و نقزت من مكاني من الخوف .. طالعت من فتحة الباب وشفتها منوور .. فتحت الباب ودخلت و دخلت معهاا كيسين ..كبار

مشاعل : شجبتي منوور ؟؟؟

منورة شالت شيلتها وطالعتني باعجاب : ايييييييييييه كذا السنع و لا بلاااش ,, لاجل كيذا كل ماادق على ماجد ابي اكلمك يقوم يقول لي انك بالحمام

و لا نايمه اثريه الرجال يغاااااااااااار عالقمر .. ماالوومه الصراحه ..

مشاعل "مع كلام منورة نسيت كل شئ وابتسمت و ضحكت على كلامها اللي زي العسل " : اشتقت لك منوورة ..

منورة : ياااربي مقدر انا مقدر وربي منتي بهينه " قلبت مصري" ياابت اختشي لاشتكي عليكي حبيبي و نور عينياااا سعووودي ..

مشاعل : ههههههههه طيب وعليكم السلام ..

منورة : بدري بدري ..

مشاعل : الحين انا اللي دخلت و لا انتي المفروض انتي اللي تسلمي ..

منورة : ولا تزعلين السلام عليكم و رحمة الله و بركاته ..

مشاعل " رديت عليها السلام و خذيت عباتها و علقتهاا دخلنا بغرفة التلفزيون لان منورة مو غريبه .. وجبت القهوة و التمر وصبيته لها ..

منوورة : يالله قولي لي شسالفه ؟؟؟ وشلوون معك رقم فهد ؟؟ وليه اتصلتي علي و قلتي لي تعالي ؟؟؟ بسررعه لحسن قلبي ياااكلني ابي اعررف

مشاعل " بضحكه " : ونا ظنيتك نسيتي .. الا سعوود شقال لك يوم قلتي له ؟؟

منوور" تطالعني بنص عين" : شوشو لا تصرفين ..

مشاعل : والله ماصرف زين سمعي .. وقصيت لها كل شئ ..

منوورة " بامتنان" : فيك الخير ,, كنت احاتي فهد .. مايرضى ولا يسمع كلامي يمكن لو نجود ايه .. وماجد فيه الخير كل يوم يشتريله غداء

ويمر عليه بالليل و بالظهر ,, وطبعا لو ماانتي زوجته و تذكرينه كان نسي ..

مشاعل بقلبي" و الله يامنورة انا مادريت الا اليوم ولما نزلت الغداء لفهد لاني تذكرت وصية ماما و نجود ,, ولا عن ماجد لا يخبرني بشئ

ولا حتى بيرضى الله يستر لو درى وش بيسوي اصلاا بعلمه قبل لا يعلمه احد .." : فهد اخووي و ماعليك اذا نجود اخته انا بعد اخته و بحطه

بعيوني ..

وجلسنا نسولف و يابعض و الجلسه مع منوور تنسي الهمووم .. وضحكت واستانست من الخاطر ..

بعدها جلسنا ننطر المغرور ماجد والله نطرته عشان خاطر منوورة ولا هو مايستاهل .. ادري ان كثير يلوموني حتى انتي يامنور لو دريتي

باللي يصير بيني و بين ماجد ,, لكن والله انا عمري مافكرت ااذيه بالعكس يوم ملك علي حاولت انسى او اتناسى حياتي اللي طافت وقررت ابدء

حياة جديدة .. بس هو صدمنيبي وم زواجي يعني امااانه لو وحده غيري ويوم دخلتها يوم زواجها تسمع اللي سمعته وش بيكون رد فعلهاا ..

انا سكت له بس بالنهاية يوم غلط على اهلي مااارضيت .. الكلام اللي خرج مني لا شعورياا .. مد يده علي وللحين اتذكر شلون خنقني من رقبتي

حسيت الكره بعينه .. كل يوم يجرح فيني .. ونا اسكت انا ماكتبت بمذكراتي كل شئ قاله لان احيان فيه اشياء ماتنقال وابي انساها فمااذكرهااا

يعني انا انسانه احس ,, انا بني ااادم اشعر .. الحيوان يحس و يشعر شلوون انا لااا .. كثير لااموني وماابي اذكر اسماااء .. ادري انها حريه

شخصيه و تختلف اراء ووجهات النظر ولو مااختلفت ماكان صار فيه مسلم و لا يهودي ولا حتى مسيحي مع احترامي للكل وهذا مو تشبيه

ولا غيره .. لكن كل وحده تلومني تحط نفسهاا مكاني يمكن تقولون قصه مثل غيرها من القصص خيال بخيال مو من ارض الواقع انا اقوولكم لااا

الكلام سهل .. الكل يقول لو كنت مكانها كان تصرفت بحكمه كان تفاهمت و ياه كان عملت هدنه ,, لكن الواقع اصعب الله لا يوريكم اللي شفته

بالاخير انا قطعة لحم معجونه من طين دبت فيني رووح ملكهاا رب وهو القادر على انصافي ,, مهما طلبت من غيري مابيعيطني و لا يكفيني الا

رحمته اللي توسع الدنيا و مافيهاا .. ومشكوورة لكل من تفهمني واللي مافهمني و لامني مااقوله غير الله يسامحه .. والدنيا كذا يوم لك و يوم عليك

وانا اتفهمهم و اتفهم وجهة نظرهم و اذا هم مافهمووني فهذي حرية مااقدر اغصبهم على شئ ..

كتبتهااا جلاديولاس ولكن بمشاعر مشاعل ..

عـــــــــــــــــــدنااا ..

كنا نتفرج عالتلفزيون يوم جاء برنامج للاعشاب الطبيه مررة حلوو كان وقتها ينعرض بالاسبوع مررة على قول منوورة ..

كنت انا و منور بالارض .. طبعا قلت لكم ان الشقه كلها سيراميك بس غرفة التفزيون مفروشة بموكيت .. منوورة ونا مسدووحين على بطننا و

العصير بجنبناا .. نضحك ,, شفت رجل شخص رفعت عيني الا ماجد يوم شفته قمت بسرعه و عدلت نفسي .. نسيت اني لابسه قصير لا و بعد

فوق الركبه استغربت دووم يجي بعد العصر .. ونا ماسمعت الاذاان .. يكون اذن بس مع ضحكنا و التلفزيون ماسمعت .. طبعا جلست ونا مربعه

رجلي وباينه نص سيقاني ومعظم فخوذي وربي احرااج قمت و قفت وطلعت بسرعه عالمطبخ ..

وسحبت معي منوورة ..

منوورة : وجعععععع شوشو .. نزعت ايدي .. تسووين فيها خجووله .. لكم اسبوعين متزوجين >>> لا والله حلفي مو انتي اللي لك 4 سنين و

للحين تخجلين جايه تتقوى عالضعيفه ..

مشاعل : منوورة سكتي وساعديني ننشب الغداء ..

منورة : زين ونشبنا الغداء بالمطبخ لانه بها طاوله و اربع كراسي ..

جانا ماجد بعد ماغير ملابسه .. لابس برموداا بيجي وكت من نفس اللون .. وشكله تبح بعد .. طالع جنااان ..

مــاجــد " اتصل عالساعه 2 على سعود اطلب يجهز الاوراق اللي كلمه عليها فهد عشان بمر عليه اخذهاا وعطيها لفهد لانها مهمه بالشغل

وتستلزم توقيعه ..

سعود : خلص ماجد انا بمرعلى فهد اسلم عليه وعطييه هي يوم بجي اخذ منوور ..

ماجد : منوور .. هي عند فهد ؟؟

سعود "باستغراب وخوف" : هي منور ماهيب عندكم ؟؟

ماجد "مب فاهم شئ" : عندنا وين ؟؟

سعود : هي تقول ان زوجتك مريضه .. وراحت تزورهاا ..

ماجد " حسيت بخوف حتى ماوس الكمبيوتر كان بيدي تركته ووقفت ,,ونا قلبي يرقع من الخوف " : وهي شدرااهاا ؟؟

سعود : اعتقد اتصلت فيها و خبرتهااا ..

ماجد " مافكرت بشئ وقفلت مع سعود وطيران عالبيت .. حتى مافكرت بالدوام و لا استأذنت و لاشئ .. جلست الوم نفسي انا السبب حابسنها بالبيت

والله لو منوور و لا جوود سويت فيهم كيذا ماتحملوا اجل هي الدلووعه شلون بتتحمل ونا لي كم يوم مااشوفها الا قبل لااروح العمل و قبل لا انام

لو صار لها شئ ماالووم غير نفسي .. واسرعت بالسيارة بقووة .. وصلت نزلت بسرعه و قفلت السيارة .. فتحت باب الشقه و اسمع صوت

التلفزيون على طول توجهت لهناك واشوف المدام و بنت اختي مستانسين و يضحكون تدروون عفااريت و شياطين الدنيا كانت فوق راسي الحين

منوور تكذب على سعوود وتجي بحجة ان مشاعل مريضه تسوويهاامنوور اعرفهاا .. لكن مشاعل يمكن تكون هي اللي كذبت على منوور و قالت

لهاا وهذي امكر من منور صدق ان منور ملقوفه بس مشاعل امكر منها .. بس اللي قهرني زوود يوم اشوف شكلها البرئ اللي مايعطي انها ممكن

تسووي شئئ .. انتبهت لي و رفعت عينها تعدلت بعدها وقفت و سحبت منور معهااا .. رحت لغرفتي و فسخت ثيابي و تسبحت ونا ببالي شلوون

كانت مستانسه ومحلوووة .. محلوووة بقووة .. آآآآآآآآآآآه .. بعدها لبست لي برمودا بيجي مع كت بنفس اللون مشط شعري لورى وهو لساته

مبلول .. رحت لمهم بالمطبخ ماابي احسس منوور بشئ لان بتشتغل عليناا محققه <<< عاد ولا المحقق كونان كلن وقتها المحقق كونان جديد تو

ظاهر ..

كنا ننتظره عالسفره .. وحنا نسولف .. دخل و قال بعد ماجلس بجنبي .. :: السلام عليكم ..

ردينا ثنيناتنا : وعليكم السلام و رحمة الله و بركاته ..

منورة : احم احم .. خالي .. لا تستحي خذ راحتك ادري تبي تبوسهاا عادي بوسهاا ..

ماجد " مدري شصاابني وقمت من مكاني وبستها على جبهتهاا " : شلوونك عمرري ؟؟ اشتقت لك " قلتها بابتسامه و لا احلى ..

شفت شلوون منور فقط وجههاا وحمرر بعد .. طالعت بمشاعل .. شفتهاا مو بس حمرت الا زرقت البنت هذا كله من بوسه اجل شتسووي لو سويت

اكثر من كذاا .." وبنذاله : شفيكم ماتاكلون ترا جووعااان .. بسرعه تغدوو ..

مشاعل " حسبي الله على هبالتك يامنوورة والله لو كنت بالحالك كان خليتك تعضين اصابعك ندم ياحمااااااااااااااااره .. لكن ماجد هو الثوور يسوي

نفسه حبيب ويحبني لاا ومشتاق لي ,, ولا شلوون يبتسم .. وباي حق يبوسني مو هو اللي قال لو امووت مالمسك وانتي ماتحركين فيني شئ

قهرررر .. "

منورة " حسيت بفشله انا قلتها بس عشان افشلهم لكن قلبها علي وجه العنز ماجد اوررريه .. و الله انا اللي افتشلت .. خليني اصرف السالفه لا

مشاعل تذبحني " : احمم الا ليه جاي بدري تو مشاعل تقول انك ماتجي الا العصر ؟؟

ماجد : بيتي وقت ابي اجي بجي ولا بستأذن منك و منهاا ؟؟ " ناظرت منور و مشاعل "

كملت : الا منوور انتي شلي جابك عندناا ؟؟"وناظرتها بنظرة تفهم معناا زيين "

منوور" وش ذي الوهقة الحين يناظرني كيذا معناه عرف كل شئ اخاف يكون علي قاله الله ياخذك ياعلي >>> حليله علي مسكين راقد والله ان

زوجك هو اللي قاله ..

كملت منور : تدري اني اشتقت لشوشو .. و ..

ماجد : ايه و .. شووو ؟؟

منورة : شسووي بعد ونا كل مااقول لسعود يقولي عرسان و مدري وشو وانت بعد كل يوم اتصل عليك تقول لي انها بالحمام و لا نايمة

شذنبي اناا .. بعدين كسرت خاطري مشاعل يوم اتصلت علي مسكينه متملله ..

ماجد " يوم قالت اتصلت ... معقووله شلوون و التليفون داخل بالمكتب واذا نسيته براا و هذا من سابع المستحيلات .. " : شلوون اتصلت ؟؟

مشاعل " وناساكته طول الوقت و خايفه من وقت اللي جابوا فيها سيرة الاتصال .."

منورة ببرائه : بالجوال يعني شلوون بتتصل وانت ماعندك صفر ..

ماجد " جواال .. من ووين لهاا جوال .. يعني مستغفلتني قدامي ماعندها جوال و من وراي تخشه " ..

منور بعفويه : الله يستر عليه فهد مو مثلك ولا المفروض انت اللي تشتريه لها مو هو يعطيهاا ..

ماجد "باستغراب" : فهد ؟؟

منور : ايه صح انت مادريت .. مرتك شوشو حيبت قلبي مرة سنعه وبنت رجاجيل ماشاء الله عليها مو كفايه عليها انت الا المسكينه طبخت لاخوك

بعد الغداء ونزلته له وهو جزاه الله خير عطاها هو ..

مشاعل " رحت فيها .. اكيد بيفكر تفكير سئ كالعاده هذا قبل ماكنت اسووي شئ وكان طول الوقت يشتمني الحين .. مابيبقي فيني شئ ..

وجالسه تقص عليه الحكايه مثل ماقصيتها عليهاا .. اعرف انها بعفويه قالتها بس ماجد تفكيره شييييين .. ولاحظت عليه انه بااارد و عادي مشى

معاه الموضوع استغربت معقوله مازعل اجل الحمد لله .. اففف خفت "

بعدين طلعت الحلا و سويت شاي بالنعناع .. وجلسنا بغرة التلفزيون واغلب الوقت منوور تسوولف وماجد احيان يتناقش معهاا بس انا ماكنت

مركزة .. مدري ليه خايفه ..

دق جوال منور و كان سعود قال لها تتجهز ولا تسبقه على شقة فهد ..

منور وهي تلبس عباتهاا : زين عيل شراايكم تنزلوون معي ..

ماجد رد بسرعه : والله تعبان و ابي اخذ لي غفووة كم ساعه ..

منورة تغمزلنا : تاخذ غفووة ولا عكرت مزاجك اليوم مو بالحالكم ونا قعدت على قلوبكم ..

مشاعل " ليتك تجلسين وماتروحين والله قلبي صار يدق بسرعه " ..

سلمت على منور و تركتها و ياماجد جريت على غرفتي وتوني بقفل الباب الا ماجد فتحه بقوة ماخلاني اسكره .. ومن الخوف رجعت على وراء ..

ماجد " لما عرفت القصه من منوور .. حسيت اني مثل الثور الهايج .. تشبيه يقهرر .. لكن والله يامشاعل ان ماربيتك مااكوون ماااجد ولد

ابووي.. ماسك نفسي لان منووور بتكشفني سويت انه عادي وتظاهرت بالبروود وداخلي اغلي .. اخص شئ يوم ان مشاعرك غير واللي تظهره

غيررر ,, صعب .. صعب .. انتظرت منور تخرج .. ويوم بسلم عليها مشاعل مشت .. سلمت بسرعه على منوور سكرت الباب بسرعه .. ونا كلي

غضب .. توجهت لحجرة النوم و توني اسمع صوت المفتاح قمت فتحت البا ب بقووة "

مشاعل "شووصف ولا شقوول اول مررة احس بهالخووف ومن كثر خوفي وارتجافي رجعت على وراء ببطء .. شفيه كذا يطالع كأنه بيذبحني

حتى الايات نسيتهاا .. ابغى ابلع ريقي مو قادرة يدي بارده و رجولي بعد .. ويوم شفته جاي لعندي تجمدت بمكاني "

ماجد مشيت لعندها بخطوات كبيرة ومسكتها مع كتوفهاا بقووووووووة نمرر : تطلعين بدوون شووري " قلتها وانا احس اني بذبحها بذبحهاا ..

كملت : مالقيتي الا اخوووووووووي تبين ترمين شبااكك عليه .. وهزيتها بقوة ونا اضغط على اكتاافهاا .. تكلمي انطقي ..

صرخت عليهاا بقوووووووووة : ماتنطقيـــــــــــــــــــــــن .. ايا الدااااشرة .. وتاخذين منه شريحه وجوال .. تطرين منه تشحتين اصلاا هذا هو

مقامك هذا هو اصلك .. مااالوومك .. يابنت الحـ .....

مشاعل " ماتحملت ضغطه على اكتافي بقووة و صراخه دمووعي مانزلت لما قال لي داشرة بس يوم قال لي يابنت الحــ.. ماتحملت صحت بدون

صووت بكتمه حاسه مو قادرة اتنفس .. "

ماجد : تصيحين تحسبين اني بعطف عليك ولا بتغرني هذي الدموع مااقول دمووع التماسيح لان التمااسيح احسن عنك ,, بقوول دمووع الكــلا....

ولا اقول حتى الكلاب ازين عنك لانهم اوفياء بس الشبه الللي بينك و بينهم انك نجســــــــــــــــــــــه مثلهم ..

مشاعل "ماتحملت قلت بصوت حاولت ارفعه واشك انه ارتفع " : اتركني .. مالك أي حق علي فااااااااااااااااااااااهم

ومااشوف الا ذاك الكف اللي شل جسمي وبسبت هالكف طحت بالارض.. جرني من شعري وقال

ماجد : اتركك من زينك عاد عشان امسكك لااا ياامشاعل احلمي .. حلم ابليس بالجنه لكن و الله لو عدتيهاا ذيك الساااعه الذبح قليله فيك ومحد

بيلومني لو قلت انك عاااهـ ...

مشاعل "بصوت باكي" : انا ماسويت شئ ماسوويت شئ .. ليش عقلك صغير .. شسوويت لك انا .. " وكلامي يتقطع بسبب شهقات البكاء" ..

انا .. اناا سويت اللي ما.. ماما قالت لي و نجوود ..

ماجد : بتضحكين علي انتي .. انا حذرتك .. ومن اليوم و صاعد بقفل عليك الشقه و بنشووف شلوون بتخرجين بحرمك من النووور ..

ودفيتها بقهررر عني ودخلت الحمااام .. غسلت وجهي اشك اني غسلت وجهي فوق عشر مرات .. غضبي للحين مابرد .. ابي اذبحهااا

تحسبني منيب رجال .. تروح لاخووي تحت .. الله ياااخذك يامشاعل .. الله ياااخذك .. عمري بحياتي مامديت يدي على مرة الا عليك .. عمره هلي

مازعلوا مني الا بسبتك .. عمري ماتلخبط كياني وحسيت بنقص فيني الا بسبتك .. خرجت من الحمام التفت اشووفهاا .. ماشفت غير قفى راسها

لانها جالسه بالارض من الجهة الثانيه للسرير فماشفت منها الا رااسهاا وهي حاطته على ركبتها ولامه رجلهاا .. مدري ليه حسيت اني بقرب منها

وبمسد عليها مسكت نفسي وكرهتها اكثر .. خرجت من الحجرة بعد مااخذت اللحاف و المخدات ..

رحت غرفتي ونا مب قادر انام احس بالذنب و لا شنوو .. هي السبب .. هي السبب .. تعباااااااااااااان الله يسامحك يبه كان لزوم تزوجني هذي كان

زوجتني أي وحده مالقيت الا ذي .. والنوم جافاني كل مااوصل لباب الشقه بطلع .. رجلي مو راضيه تماشيني ..

مشــاعــل " ضربتني و شتمتني اهنتني و جرحتني .. فيه شئ اكثر بتسوويه .. ماباقي الا الذبح كان ذبحتني .. بعد مادخل الحمام عزكم الله

لملمت نفسي مع ان حيلي طايح مو قادرة اتحرك .. رحت لمى السرير من الجهة الثانيه اخاف لو شافني يجرحني أكثر .. .

....



..
يتبع