الحلقة العشرون

"مجـــــ يوم ـــــنــونـــ قلتي ـــــة "

.. ماعاد تفرق لو تجي صدمتي فيك ..

.. صدمات عمري زودتني مناعهـ ..

.. متساوية عندي إذا قلت ما أبيك ..

.. كل شي أحبهـ متوقع ضياعهـ ..





مشــاعــل
" ضربتني و شتمتني اهنتني و جرحتني .. فيه شئ اكثر بتسوويه .. ماباقي الا الذبح كان ذبحتني .. بعد مادخل الحمام عزكم الله

لملمت نفسي مع ان حيلي طايح مو قادرة اتحرك .. رحت لمى السرير من الجهة الثانيه اخاف لو شافني يجرحني

أكثر .. حطيت راسي على ركبي

ولميت رجلي لصدري .. ومن تعبي ماحسيت بنفسي الا ونا نايمة "


&& مـــــــــــاجـــــــــــد &&


مــــاجــد " ماقدرت أخرج من البيت مع انه ضاايق خلقي ,, توضيت بالحمام اللي بجنب غرفة الضيوف وصليت ,, خذيت

المفتاح و فتحت غرفة

المكتب وجبت لي قراان وقرأت الى ان حسيت نفسي اطمئنت سكرت القران وحطيته بالمكتب .. قفلت الباب ونا على

فراشي اغمض عيوني ..

مب قادر انام صراع بداخلي .. ابي ارووح لهاا اشوفها بس مو اكثر من كذا ,, عشان ابي انام .. لكن لاا..ان رحت

وماصبرت عن شوفتها بيكون

ضعف مني ونا مستحيل اضعف مستحيل و عشان وحده مثلهااا ,, ابداااا .. ظليت للصبح وناا اصارع افكاري ومشاعري

الى ان اذن المؤذن معلن

عن صلاة الفجر .. تعوذت من ابليس ,, لكن مدري ليه حسيت بفرحه وقت اللي اذن يمكن لاجل ادخل الغرفة و

بهالحجه اقدر اشوفهاا دخلت الغرفة

التفت ادورها مالقيتها بالسرير ولا بالحمام استغربت .. رحت من الجهة الثانية للسرير لان اخر مرة شفتها كانت هناك ..

شفتها نايمة عالسيراميك

وشعرها يغطي وجهها ورجلها مضمومه لصدرها منظرها يكسر الخاطر .. نزلت بجنبها "بتردد"شلت شعرها من على

وجهها .. شفت رقبتهاا حمراا

ووجهها الناعم صار محمر و بالاخص جهة اذنهاا .. ظليت اناظرها ثواني ودقايق ماتحملت اللي شفته .. حطيت يدي

اليمين تحت ركبتها ويدي

اليسار تحت ظهرها و شلتهاا بخفه .. واايد خفيفه .. حطيتها عالسرير .. مرة ثانية بعدت شعرها اللي لصق بوجهها

بسبب الدمووع .. والعرق ..

لان المكيف مقفل .. شعرها خرب يوم شديته لها قمت فتحت الشباصات اللي براسها و حطيته بجنب مخدتها .. انتبهت

ليدها اليسار من جهة زندها

محمرة .. اكيد يوم ضغطت عليهاا حمرت .. رحت بصيدلية الحمام دورت على مرهم للجروح ولا الاحمرار مالقيت لقيت

فكس قمت حطيته لهاا ..

فتحت لها البووت شفت الجرح اللي بركبتها بس انا ماعورتها برجلها شلوون انجرحت قمت جبت مناديل وبخيت عليها

عطر وحطيته عالجرح

فحركت رجلها وتأوهت من الالم ,, حسيت آآهتها وصلت بقلبي ,,مسكت اللحاف وغطيتها به ..شغلت التكييف ,, و

سكرت اللايتات الا ابجورة

الكومدينه .. ونا اطالعها بنور الابجورة الخافت ,,حراام هالوجه ينطق المفروض ينرسم و ينعرض .. يـ.. ينعرض ..

خطر ببالي ان احد غيري يناظرهااا ويتمعن بهالجمال ولا هالرقه .. والنعومه .. هالجسم الخياااال ..

لااا ابداااا لاااا مااابيشووفك حد غيري انا وبسسس بسس .. "بصوت مسموع " اعوذ بالله من الشيطان الرجيم ..

توضيت ولبست ثوبي وخرجت

للمسجد ... خلصت صلاتي واستغفرت .. بعدها تمشيت ولفيت بالسيارة الى الساعه سبعه وربع وفكري مب معي

مدري هو مع اللي بقلبي ولا مع

اللي بحياتي ... بعدها رحت للدوام .. ونا ضايع بين اثنين ... الله يسامحك يمه انتي وابووي .. ظلمتوني بهالزواج وبسبب

ظلمكم ظلمت اللي بقلبي

و ظلمت اللي بحياتي ..


&& فهد &&


منور : بصلح لكم شاي .. زين ..

فهد : زين تسووين ..

سعود : لا يالشيخ .. خداامتك زوجتي .. قوم صلح لنفسك شاي ..

فهد : بنت اختي اقول لهاا اللي ابي .. وانت شكووو ؟؟؟ اذلف مناك ..

منور " بنص عين" : لا والله ,, اقوول حموووود اذا تظن اني مثل حبيبت قلبي شوشوالبقرة .. تطبخ لك و تغديك قبل

زوجهااا .. لاااا يااحبيبي فوووق عااد .. كله الا سعووودي ..

سعود "بغزل" : سنعه والله زوجتي حبيبتي .. " وكأنه انتبه" .. ليه هي طبخت لك حموود ؟؟؟

فهد " اذا تظن اني مثل حبيبت قلبي البقرة شوشو تطبخ لك و تغديك قبل زوجهاا" ظل كلامها يتردد ببالي ..ومارديت

على سعود لاني كنت مسرح

بعدها توجهت منور للمطبخ ونا قلبي قز ماارتحت .. رحت وراها بشوي المطبخ .. بتغسل اكواب الشاي .. سويت نفسي

ابي ماي .

فهد : الا منور شلي جابك اليوم ؟؟

منور "بشهقه " : لاحووووووول الحين وشورااك انت واخوك ماجد كلكم تسألوني نفس السؤال .. بعدين انا مب جايه

عشانكم مية مرة اعيد و اقوول جايه عشاان شوشو ماتفهموون .. اففف .. صدق اللي قالته شوشو عنك .. دارت

وجهها تكمل غسيل صحون ..

فهد " مشاعل تكلمت عني انا يافرحتي .. اتظاهر بعدم الاهتمام" : تكلمت عني انا .. وش قالت يعني ؟؟

منوور" بقهر من تصرفات خوالي " : ماتستحي على وجهك هذا اللي قالته .. ترااااك مب شئئ ,, ولا فيه احد يقول

لبنت رقيقه مثل شوشو"تقلده"

وش تبين ؟؟ غبي انت .. الحمد لله والشكر اصحاب العقول براحه .. هذي جزاتها يوم جابت لك غداء .. مسكينه متعنيه

تجيبه لك و تذوقك هو

وشايله همك .. شلوون تشيل نفسك و رجلك تعبانه .. الود ودها تخدمك بعيونها .. اما انت ريقك ناشف ماتعرف تسولف

معها برقه .. والله لو اني

منها بعد اللي سويته بالقصيم مااعطيك وجهه أهم انسان زوجي وبسس .. لكن عرفت من جوود انك استسمحت منها

وهي قلبها ابيض نست .. آآه

منكم عيال الـ ..... كلكم رؤسكم يابسه اففف ..

فهد "باحراج" : هي قالت اني مااستحي ..

منوور : وهي تقدر اكيد لاااء لكن اعرف اقرء اللي بخاطرها >>> ايه صدق كثري منها منوورة .. هذا اللي بخاطرك

انتي ..

فهد " بتنهيده مريحه و اخذ نفس .. وبطنازه وتريقه " : تدرين منووور قلبي وجهك عالفهرررررس ولا اقوولك على اخر

صفحه بالغلاااف ..

ادري عنك ملقووفه و غير شغلت المباحث بالعايله الحين صايره دجااله تقرين اللي بالخاطرر .. قومي انقلعي من بيتي

يالله ابي ارتاح ...

سعود " يغمز لفهد " : افااااااااا بو سعيد مااخبر انك شحيح .. وطفس ..

فهد : اللي يجلس مع مرتك ساعه بيتهبل .. فأحسن لك شيل مرتك واذلفوا ..

سعووود : افااا ونا بو ضيااء .. تطردناا من بيتك ..

منووورة : خله يذلف هو قبل مب طالعه .. هذي عمارة جدي ..

فهد "بقلة صبر" : سعووووووووود شلوون تحملت هالملقووفه والله لو منك رجعتها بيت اهلها ثاني يوم .. اعوذ بالله ..

منووورة : خااالي بدل لاتوصيه علي تقوم تقوله يرجعني بيت هلي .. صدق مافيك خير ..

وسعود ماسك ضحكته ..

فهد : سعود اقول لك للمرة الاخيره شل حرمتك واذلفوا لا اليوم بتتكسر مرتك ...

سعود : خخخخخخخخخخخخخخخخخخ ههههههههههههههههههههااااااااااااااي ..

فهد ومنور يطالعوا ببعض مستغربين من ضحكه ..

فهد"رافع حاجب وحاجب لا" : منوور شفيه زوجك اتهبل لايكون نكت ونا مدري ..

منوور"بطرف عينها " : اظن انك تتكلم على زوجي ..

فهد : لا اله الا الله .. بروح لغرفتي ابرك لي .. رجعت لغرفتي ..

وترتني حسبي الله عليهاا هالبنت مااخذ منها لا حق و لا باطل ..

من الظهر ونا اتصل عليهم محد يرد .. هي قالت لي عطني رأيك بالغداء .. بغيت اسأل الملقوفه " يقصد منوورة" لكنها

حماااره ماعطتني فرصه

شوي وسمعت صوت الباب يتسكر .. اكيد روحوا ..

رجعت دقيت عالتليفون محد رد ..

ثاني يوم الصبح .. استحيت اتصل .. ماجد راح الدوام بس امس مامرني .. اكيد مشغول و يمكن درى ان منور وسعود

كانوا عندي امس .. أكيد

مشاعل بتنزل لي الغداء اليوم .. قمت خذيت لي شور .. اذن الظهر وهي ماجت يمكن مستحيه مني ولا منحرجه

بسبت اللي قلته امس .. انتظرت الى

الساعه ثلاث .. بعدها اتصلت بماجد ..



&& مـــــــــــــاجــــــــد &&


" رحت الدوام ونا مب قادر اركز بالشغل .. شربت حوالي سبع اكواب قهوة تركيه غير العربية .. والصداع براسي كل

ماله يزيد ..

كم من زملائي بالعمل قالوا لي استأذن واطلع مابيقووول لك شئ المدير .. واايد يعزك .. ونا رافض هالفكرة مجرد

ماافكر بالطلعه اتذكرها و اتذكر شكلها يوم كانت نايمة عالارض .. ولا يوم تتأوه من الالم .. فوق هذا مااتحمل اشوفهاا ..

اذن الظهر صليته بالمسجد القريب من العمل ويا زملائي

...من التعب رن كم مرة الجوال ومالي نفس ارد .. حتى ماناظرت من اتصل .. شكله صاحب الرنة مايأس من اتصاله ..

رديت بدون مااشوف من المتصل ؟؟

ماجد : مرحبااا ..

فهد : مرحبتين شخبارك ؟؟

ماجد "اول مرة احس اني متنرفز من فهد ومب طايقه ,, وبدون نفس" : الحمد لله .. وانت شلوونك ؟؟

فهد : الحمدلله تمام .. اتصلت عليكم امس ماترفعون التليفون ..

ماجد "باستغراب" : خير ان شاء الله بغيت شئ ؟؟

فهد : سلامتك .. حبيت اثني على طبخ مشاعل .. جزاه الله خير افتكرتني ..

ماجد " والضغط عندي وااصل حده " : وياك اخوي ..

فهد : انت وينك الحين ؟؟

ماجد : بالشغل وين يعني ... بغيت شئ

فهد " حسيت انه مشغوول ,, ويمكن المدير موجود عنده" : شفيكم من امس اتصل لا انت و لا مشاعل ماتردون ..

وهي قالت لي كل يوم بترسل لي غدااء خصوصا بعد اللي ذقته امس مااباكل الا من غداكم .. بسأل متى تجي ؟؟؟

تراني واايد جوعاان .. حتى اني اتصلت على جوال مشاعل ماترد

ماجد " هنا ماقدرت اتحمل شلوون يتصل عليها , ونا الغبي مع كل الهواش اللي صار امس ونا ماخذيت منها الجوال ..

وش ذا الغباء اللي انا فيه "

كمل فهد : ماجد اذا مافيه غدى عطوني خبر برسل الحارس يشتري لي هذا اذا لقى غداء لان الحين عصر ..

ماجد : فهد اتصل بالحارس خليه يجيب لك غداء اظن ان مشاعل ماطبخت اليوم .. شووي تعبانه ..

فهد "بقلق واضح " : سلامتها ماتشوف شر شفيهااا ؟؟

ماجد "بقهر " : ماافيها الا الخير ,, تراني منيب فاضي لك وراي شغل لراااسي .. مع السلامه .. قفلت السماعه و

ماسمعت حتى رده ..

من قهري خرجت من الدوام والغضب يشتعل فيني ..



مـــــشــــــــــــــــــاعـــــــــــــــل


" صحيت على اذان الظهر ونا حاسه بتعب بجسمي وجسمي حار .. شكلي سخنت .. جلست عالسرير استرجع اللي

صار لي امس .. تذكرت اني نمت عالارض لان مافيني قوة انام عالسرير او حتى اتحرك .. حركت يدي عالسرير لانها

تألمني ..

ولمست يديني الشباصات طالعتها وخذيتها من السرير اناظرها .. مااتذكر اني شلتها من شعري .. حسيت بصداع ..

اكيد السخونه جاتني .. مو متذكرة اني طلعت عالسرير و لا شلت الشباصات .. شكلي هلوست مع الضرب اللي خذيته

و السخونه .. طالعت الساعه فوق باب الغرفه شفتها

الساعه 12 وعشره .. قمت استحم حصلت يدي مزرقه .. وتألمني .. حتى ركبتي .. خلصت حمام .. صليت الصبح و

الظهر قضى .. مااحب اقضي صلاتي .. حتى يوم نسافر مااقضيهاا .. قرأت من اللي حافظته من القرآن .. ونا استرجع

ذكريات <<<<<

دانه : ورد أحبك ..

مشاعل : حبتك العافيه ونا كمان امووت فيكي ..

شيخه : والله ياورد مو مدلع هالبنت و مخربها الا انتي ..

مشاعل : خلها تتدلع يحق لها .. هذي دلووعتي مووو ؟؟

دانه " بابتسامه حلوة" : ايه .. بعدين شيخووه انا ماكلمتك ولا تعرضت لك ليش تكرهيني ؟؟

قاطعتنا ماما ام ياسر : مشاعل .. قومي وسيبي عنك الدلع .. بيجوني ضيوف بعد العشاء .. اشرفي عالشغالات ..

وشوفي كل شئ طيب وحلوو

ترى اذا انخرب شئ ..

دانه قاطعت ماما : لا تخافي مابيصير شئ .. نحنا معاها ..

ماما : طيب نشووف ..

مشاعل " ونا الابتسامه على وجهي" : ان شاء الله ماما ..

شيخه "بهمس" : ابغى افهم من فين لك هالقوة هي تهدد و انتي تبتسمي والله حاله ..

مشاعل : ههههههههههه طيب ممكن تساعدوني ؟؟

دانه : عيوننا ..

قمنا جهزنا كل شئ .. وجاءوا الضيوف طبعا القهوة و العصير ومن هالاشياء قمت اباشر .. والعشاء كان بوفيه بالحديقه

قرب المسبح ..

دانه و نا و شيخه نرتب طاولة البوفيه جت دانه وشايلة صينية المعجنات .. وقدامها الشغاله شايلة طرطتين ( كاتوه )

وكان بالارض شوية عصير

طاح يوم جابته الشغاله .. ومع البوت اللي لا بسته دانه تزحلقت وطاحت عالشغاله ..وكل اللي بيدهم طاح بالمسبح

وتناثر .. الحمد لله ان دانه

ماطاحت هي بعد بالمسبح بس الشغاله هي اللي راحت فيهاا .. بقلبي طلبت العون من ربي اليوم ماما مابتعديها على

خير .. المصيبه ام دانه موجوده

دانه من الخوف قامت تصيح .. خذيتها وطلعتها فوق ..وهديتها شوي ونزلت بسرعه .. المشكله المسبح تشوه شكله ’’

غير ان المعجنات كلها

اختربت وا ثنين من الكاتوه .. مامداني اطلع برا الا اشوف ماما وواضح على شكلها انها درت باللي صار شلون ماتدري

والمسبح تشووه ..مشيت بهدؤ .. الى ان وصلت جنبها ..

ماما : ايش قلت لك ؟؟ هااااااااااا ؟؟ مو قلت لك ماابغى غلط .. دحين وقت العشاء وانتي فين كنتي اكيد قاعده

تتكلمي و مو فاضيه ..والشغالات هنا خربوا كل شئ .. موووو؟؟

الشغاله " اللي كانت ماسكة الكاتوه .. تدافع عن نفسها " : ماما هزا مافي انا ,, هزا ماما صقير .. ( هذا مافي انا .. هذا

ماما صغير ) ..

قاطعتها ماما والتفت لي وعطتني كف : انا قلت لكي اذا ماتجهز كل شئ ولا صار شئ مابيصير خير .. لكن انتي بس

تعاندي ..

قاطعتها ام دانه : ايش صار ؟؟

ماما : شوفي هذي اللي تقولي لي انهاا شاطره وربة بيت .. شوفي ايش سووت .. والله لو مو الناس كان وريتها

شغلهاا ..

ام دانه : ماتوقعتك لهادرجه مهمله .. اجل صحيح كلام زينب ( ام مشاعل ) عنك ..

شيخه " ماتحملت كلامهم من اول ساكته لاني ادري لو تدخلت بتزعل علي مشاعل .. لكن هذي قلة ذوووق " : انتم

من ساعه وقاعدين تشتمووا

ولا انتم دارين بشئ ..

مشاعل قاطعتها : شيخه خلص خلينا نخلص الشغل لا نعطل الناس تأخر العشاء دحين الساعه 12ونص وخمسه ..

جلسنا نرتب الطاوله وجتني الشغاله تقولي انها ماتقصد .. وانها قصدت دانه بس ماما ماعطتها فرصه .. قلت لها عادي

والافضل صار اللي صار

لان لو دانه جات بالصورة كان امها مدري ايش سوت اقل شئ تحرمها من شوفتي ايام ودانه اعرفها بتسووي في

نفسها شئ ..

شيخه علمت دانه على اللي صار ولامتها .. طبعا كالعادة دانه صاحت .. جايه خارجه بتقول لماما لو مامسكتها انا

وفهمتها اللي صار صار وعادي

مايأثر انا و هي واحد وانها لو مكاني كان عملت اللي عملته ..

رجعت للحاضر ونا اقول بنفسي كان فيه بجده ناس يحبوني ويداروني .. ووينك دانه اشتقت لك .. وانتي شيووخه ..

محتاجه لصدرك احط راسي

عليه وافضفض لك .. صدق ماكنت اقول لك كل شئ عشان ماابي اضايقك بس اقلها كنت ارتاح .. هنا احس بالضيق

غير الحبس و الشتم

" وباستهزاء من حالي" هه وضرب .. يعني تشكيله حلووة .. حتى الانسانه اللي حبيتها و دخلت خاطري ممنوعه

عنها .. كل شئ ..

حتى فهد والله اعتبره اخووي ليش مايفهم هذا .. و التعب زاد علي .. رحت ادور على بنادول ولا أي شئ .. مالقيت الا

علبة ادول خذيت حبتين

حطيت راسي عالمخده ونمت يمكن بسبت السخونه ..



&& مـــــاجــــــــــــد &&


" خرجت بسرعه من الشغل ونا ودي اذبحها يعني اتواعدت وياه تنزله كل يوم غدااء ونا زوجها مافكرت تطبخ لي و

تقول لي

مو خدامتك انا .. اكيد طيحت الميانه معاه و لا شلون يناديها باسمها والقهر بسهوله .. ويقولي اتصلت عليها جوال

الحقيرة .. صدق هااايته ..

لكن بوريك ..

وصلت الشقه .. فتحتها ورحت على غرفة النوم .. وشفتها نايمة قربت منها اكثر و يوم شفت وجهها نسيت كل شئ ..

قربت اكثر الى ان صرت

جالس بجنبهااا .. اكيد تسبحت .. حلووة وهي بالبجامه كأنها مراهقه بالـ 17 سنة .. البرأة بمحياهاا .. مديت يدي بلمس

خدها اللي للحين محمر

ومورمة شوي .. رن الجوال خرجته من جيب ثوبي مالقيته رن .. ناظرت حولي لاني سامع صوت جوال .. تذكرت جوال

فهد قمت من مكاني

بعصبيه ادووره دورته بالتسريحه .. ماحصلته سكرت درج التسريحه بقووة بدون مااحس .. سمعت صوت شهقة ..

شفتهاا جالسة ..



&& مشــــــــــــــاعل &&


" كنت نايمة بسلامة الله .. الا بصوت افزعني من نومي .. شفت ماجد جهة التسريحه .. ونظراته كلها غضب ..

شسوويت الحين انااا .. شكلي بنضرب اليوم بعد .. يارب ارحمني .. وقطع هالثواني المغلفه بالخوف من جهتي بس

ماوضحت خوفي ابد ومن جهته الغضب

اللي كان وااضح .. بلعت ريقي بقووة ..

ماجد " بصوت هادء لكن بنبرة تخويف " : وووووين الجوال ؟؟

مشاعل " مافهمت وش يقصد ؟؟ انا ماخذيت جواله ولا حتى لمسته شفييه جالس يتهم .. اخاف ارد عليه يقوم

يطقني .. احسن اسكت .. نزلت عيني

ماجد " وصوته بدء يعلى " : ماتسمعين ؟؟؟ اقولك طلعي الجوال ,, ولاا ماتبين عشان تكلمينه ..

مشاعل " ياربي ماسويت شئ ,, والله ماسويت شئ .. تعبانه ياربي .. اخاف يضربني احس ماراح اتحمل .. بهدؤ ومن

داخلي ارجف" : أي جوال ؟

ماجد " وصلت حدي وهي تستهبل علي ونا منيب ناقص" : شوفي وربي ولي رفعاا ساابع سمااا ان ماتركتي عنك

الاستهبال وقلتي وين خبيتي

شريحة و جوال فهد لادفنك حيه .. تفهمين ؟؟

مشاعل " بخوف اشرت له عالكومدينه " ... قام فتحها وطلع منها الجوال .. وجالس يفتح قفله ويفتش فيه ... طلع من

الغرفه وسكر وراه الباب بقوة ..

ماجد " طلعت من الغرفة ونزلت لفهد تحت ونا اهدي نفسي .. فتحت الباب بمفتاحي اللي قبل يوم كنت ساكن معاه

قبل لا اتزوج ..

حصلته .. يطالع التلفزيون ..

فهد " بابتسامه صادقه " : هلاا والله من امس ماشفتك .. ولا تمرني تدري اني مااستغنى عنك كنت خوويي

بالشقه ..

ماجد " بعد ماهدءت " : هلا فهد جاي الحين اطمن عليك .. وجلست قدامه شلوونك الحين ان شاء الله احسن ؟؟

فهد : الحمد لله .. وانت شلونك و شلون مشاعل ؟؟

ماجد " اعصابي انشدت يوم ذكر اسمها .. الله يغفر لي لكن حسيت يوم ذكر اسمها كأنه ذكره بحنان وحب .. مدري

شصابني .. لو قالو لي أي احدغير فهد اصدق بس فهد مستحيل يخوني او يفكر بزوجتي " : الحمد لله كلنا تمام ..

ومديت يدي حطيت عالطاولة جهازه وقلت : وصتني مشاعل ارده لك .. مشكوور ماقصرت ..

فهد : افاا ونا اخوك ماسوينا الا الواجب لكن انا قلت لها تخليه لها .. وهي المسكينه ماعندها لا شريحه و لا جهاز ..

بغيت اعاتبك يااخوي ,, حرام ليه ماتجيب لها جوال شرات الخلق ..

ماجد " والله لو تموت ماجيب لها جوال هذي بدون جوال وهي كذا اجل لو شريت لها جوال وش بتسووي " : ان شاء

الله .. تسلم يااخوي

فهد : لا تعب ولا شئ انت اخوي وهي " سكت شوي ,, وماجد يطالعني بتفحص وكأنه ينتظر ردي "

كملت : وهي مرت اخوي الغالي واختي ..

ماجد تنهدت براحه يوم قال اختي .. اعرف اخوي مايسويها و يلعب بشرفي بس مااضمن هالحقيرة اللي ببيتي ..

وقفت مبتسم سلمت عليه وحضنته بقوة .. وهو يطالعني مستغرب سر هالحركه .. طلعت لشقتي ..



&& مشـــــــــــــــــــــــاعـــــــــــــــــل &&


" تعبانه بالحييل مو قادرة اتحرك .. لازم اشرب لي شئ حار بقوم اسوي لي شاي بالليمون .. قمت بسوويه

بصراحه خايفه يكون برااا .. وش يعني هو قال مااطلع برا البيت ماقال برا الغرفه .. خرجت مالقيته و لا سمعت صوت

المكيف اللي بغرفته

معناه خرج .. حطيت الكفاتيرا .. وجبت لي كيس شاي نبتون ونص ليمون عصرته بالكاس .. طفيت النار وصبيت الماي

الساخن عالكوب وخذيته

معاي غرفتي قبل لا يجي وخذيت علبة الادول .. دخلت الغرفة ودورت بالكبت على جاكيت ثقيل مالقيت الا اثنين واحد

لونه رمادي ووردي و الثاني

اسود اخذت الاسود .. ولبسته عالبجامه جلست عالسرير .. بدءت ارشف شوي شوي من الشاي .. على فكرة ماحب

الشاي بسكر .. ولا أي مشروب

بالسكر احبه بدون سكر و يمكن هذا سبب من اسباب رشاقتي على قولة شهد .. " ابتسمت على طاريها .. شهد

خفيفة دم وحبوبه .. اشتقت لها و

لكل بنات خالتي و بنات عمتي .. ومن تعبي نمت ونا ماكملت نص الشاي .. حاولت اقاوم ابي اصلي المغرب .. بس

التعب اقوى عني ..



&& فهد &&


" ماجد غريب اليوم فيه شئ .. احسه متغير "



&& مــــنــــــورة &&

" شفيها هذي من الصبح اتصل عليها و هي ماترد " تقصد مشاعل ":.. معقووله هذا كله نوم ولا يمكن حاطته

عالصامت ..

ضي : ماما ..

منورة : هلا بعيون امه ..

ضي : جدة تناديك ..

منوررة "وابتسامتها ضاعت " : زين حبيبي قولها الحين جايه ..

راح ضياء يعلم عمتي .. ونا مالي خااطر انزل ,, اخاف اليوم نغمة جديدة ..

منيرة "بابتسامة صفراء" : هلاا عمتي بغيتي شئ ؟؟

ام سعود : يعني ماتدرين ان بهالوقت اتقهووى ..

منيرة " ناظرت الساعه " : عمتي تو الناس عالقهووى .. بعدين انتي ماتتقهوين الا الساعه 5 العصر ..

ام سعود : زين و يعني ؟؟

منيرة : الحين الساعه 3 وربع خالتي للحين مااذن ..

ام سعود "بعصبيه" : شلوون يعني ؟؟ حتى بالقهووة بتقعدين لي عليهاا .. ماصارت .. وبعدين مب بفلوس هلك

اشربهاا .. تراه كله من خير ولدي

..

منيرة"باستغراب ممزوج بقهر" : عمتي ونا وش قلت الله يهداك ..

ام سعود " ودموعها اربع اربع ,, تسوي فيها ضعيفه" : انااا ياامنوور يابنتي تقولين عني مجنونه .. الله يسامحك هذي

اخرتهاا .. مرت ولدي

تنعتني بالجنون .. ووينك يابو سعود تشوف حالي من بعدك ؟؟ ووينك؟؟

..... : ان بو سعود مات ترااا ولده عايش مااامات ..

منيرة "بدهشه وصدمه التفت أناظره " : من متى وانت هنااا ؟؟؟

سعود " بغيظ " : من يوم قلتي انها مجنونه ...

منيرة "وعيني مفتوحه عالاخر " : انااااااا ؟؟؟؟؟؟؟؟؟؟؟؟؟؟


..............................


..
يتبع..........