الحلقة الواحدة والعشرون

" الحــــــــــــــــــ و الشوربة ــــــــــــــــب"

"يامن هواه اعزه واذلني ... كيف السبيل الى وصالك دلني"

&& نــــجــــود &&


مالي نفس لشئ حتى الدراسه .. افففففففف ملل ... الفراغ كبير بحياتي والوحده اكبر .. اقلها يوم كانت

مشاعل فيه كنت اتسلى ..

قطع علي حبل افكاري ..

.. : اللي اخذ عقلك يتهنى به ..

نجود "شهقت" : ....

؟؟؟؟


&& مــــنــــــورة &&

" شفيها هذي من الصبح اتصل عليها و هي ماترد " تقصد مشاعل ":.. معقووله هذا كله نوم ولا يمكن

حاطته عالصامت ..

ضي : ماما ..

منورة : هلا بعيون امه ..

ضي : جدة تناديك ..

منوررة "وابتسامتها ضاعت " : زين حبيبي قولها الحين جايه ..

راح ضياء يعلم عمتي .. ونا مالي خااطر انزل ,, اخاف اليوم نغمة جديدة ..

منيرة "بابتسامة صفراء" : هلاا عمتي بغيتي شئ ؟؟

ام سعود : يعني ماتدرين ان بهالوقت اتقهووى ..

منيرة " ناظرت الساعه " : عمتي تو الناس عالقهووى .. بعدين انتي ماتتقهوين الا الساعه 5 العصر ..

ام سعود : زين و يعني ؟؟

منيرة : الحين الساعه 3 وربع خالتي للحين مااذن ..

ام سعود "بعصبيه" : شلوون يعني ؟؟ حتى بالقهووة بتقعدين لي عليهاا .. ماصارت .. وبعدين مب بفلوس

هلك اشربهاا .. تراه كله من خير ولدي

..

منيرة"باستغراب ممزوج بقهر" : عمتي ونا وش قلت الله يهداك ..

ام سعود " ودموعها اربع اربع ,, تسوي فيها ضعيفه" : انااا ياامنوور يانتي تقولين عني مجنونه .. الله

يسامحك هذي اخرتهاا .. مرت ولدي

تنعتني بالجنون .. ووينك يابو سعود تشوف حالي من بعدك ؟؟ ووينك؟؟

..... : ان بو سعود مات ترااا ولده عايش مااامات ..

منيرة "بدهشه وصدمه التفت أناظره " : من متى وانت هنااا ؟؟؟

سعود " بغيظ " : من يوم قلتي انها مجنونه ...

منيرة "وعيني مفتوحه عالاخر " : انااااااا ؟؟؟؟؟؟؟؟؟؟؟؟؟؟

ام سعود "بخبث وتصيح" : اجل اناا .. شفت يايمة زوجتك الله يسامحها .. الحين شسوويت بدنيتي عشان

ربي يبليني بمرت ولد تحاربيني وتراددني

اخاف يجي باكر وانضرب ولا الاقي نفسي بدار العجزة .. ياااويلي .. " تصيح " ..

سعود " كاتم عصبيته .. بهدؤ " : منوور .. حبِ راس امي واعتذري لهااا ولا عاد تعيدينهااا مفهووم ..

منيرة " ونا عيني متر قدااام ,, هذي تكذب و تصدق كذبتهااا " : ماغلطت لاجل اعتذر .. بعدين متى سمعتني

قلت مجنونه .. انا ماعمري قلتها لاحد

عشان اقوولها لامك .. " وجيت ماشيه.. الا مسكني مع يدي"

سعود " وهو يحاول مايتنرفز اكثر" : مب زين لك .. قومي حب راس امي احسن لك بالزين لا تحبين رجلهاا

وغصبن عنك ..

منور" والغصه فيني .. يعني هذي اخرتها يهيني قدام امه ,, لكني لو امووت ماااعتذر لهااا.. بعدت يدينه

عني ورحت لما عمتي وحبيت راسها

وقلت ونا اناظر سعود" : صدق اني حبيتها على راسها مب خوف منك لاااا حبيتها لانها اكبر عني واحترامها

محفوووظ لكن اعتذر لها ونا ماغلطت

والله ثم و الله ماااعتذر لو كان اخر يوم لي معك .. التفت وراسي مرفووع وبثقه رحت لمى غرفتي .. ونا

داخلي الم من تعامل سعود معي لمتى يعني

يصدق امه .. ويوم بجي ابرر له موقفي واقوله الصدق مايعطيني وجه ولا يبي يسمعني .. ليه ؟؟ ليه ؟؟

مليت من هالحياة .. يعني يوم ماافي احسن

عنه يحبني و يموت فيني وعشرة ايام نكد بنكد لا يكلمني ولا حتى يطالعني و السبة امه .. نفسي اعرف

شسووويت لها تكرهني لهالدرجة ...

هذي جزاتي يوم اهتم فيها و احطها على راسي .. رحت للحمام عزكم الله فتحت دش الماي و جلست اصيح

قهررر ..


&& مــــاجـــــــــد &&

طلعت للشقه ونا حاس براحه يمكن من كلام فهد يعتبرهاا اخته .. بس هي ليه تروح له ؟؟ .. وصلت الشقه

.. ونا بغرفة النوم واشوفها نايمة

هذي ماوراها شغله غير النوم .. خذيت لي شوور وهي مازالت مثل ماهي نايمة .. قربت منها ونا لساتني

بالروب والمنشفه على رقبتي ..

شفتها وهي نايمة بهدؤ .. تنهدت من الخاطر .. بشرتها صافيه لونها برونز فاتح .. لمست خدها بنعوومه

كانت حراراتها عاليه سحبت يديني بسرعه

رجعت لمست جبهتها ورقبتها حاارة .. رحت لمى المطبخ وجبت لها ماي بارد و فصلت بشوية ماي دافئ

ومنشفه صغيرونه .. ودورت على بنادول

ماحصلت افففف .. حطيت القدر عالنار بسوي شوية شوربه خضار تشربها دافيه .. تركت الخضار عالنار

برجع بعد عشر دقايق يكون نضجت ..

جهزت صينية وملعقة وليمون كثرت الفلفل بالشوربه .. رحت لها غمست المنشفه بالماي و عصرته وحطيته

على جبهتها وبلحظتها عقدت حواجبها

وكأنها تضايقت من الماي لانه بارد شوي .. انتبهت لكوب الشاي ونصه فاضي .. مدري شلوون تجرأت ونا ادري انها

شربت منه وهي مريضه خذيته ومن كل

ركن فيه شربت رشفة منه .. حسيته جنون بس ابتسمت على حركتي .. رحت للشوربة وطفيت النار ..

شلوون اوصف احساسي قربها .. فكرت اغرف لها الشوربه و اصحيها بعدين تراجعت بالاخير احسن لما

تصحى بروحها .. رجعت عندها بالحجرة .. و سألت نفسي ..

: شصاار فيني ؟؟ احس قربهاا باحساس حلو وان كانت مب بوعيهاا .. قطع علي صوتهااا مافهمت وش

تقول قربت منها اكثر ..

ابي افهم وش تقول ؟؟

مشاعل بهلوسه بسبت حرارتها : ما... ما.. ماما .. لا تتركيني .. احبك ..احبك ماما الله يخليكي " ودمووع حارة بحرارة

جسمهاا و يمكن اكثر تنساب من عيونها

المغمضة .. مسحت دموعها بسبابتي و الوسطى وبدون شعور مني تذوقت دمعهاا .. ونا احس بغيظ من

دمووعهاا لانها تجرح خدودها ومن السبب اللي خلااهاا تدمع

>>> متضايق يااامجوود من دمووعهاا لانها تجرح خدودها ومن سبب هالدمووع اجل وشلون انت اللي

جرحت كرامتها و شرفها و عزة نفسها و انوثتهااا..

شلووون مجووود ؟؟ شلووون ؟؟

ماجد : اذا انا جرحتهاا فهي لي انا,, لكن غيري لاا,, ولا حتى

الدمع لاااا ..

******** انااااااني .. اناااااني ..

ماجد : اناني اناني .. ماتفرق معي اذا الانانيه هي ان اللي احبه يكون لي .. فاناا اناني واعترف .. " انصدمت

من اللي قلته بخاطري انا احب .. احب

واحب منوو احب هذي .. قمت على حيلي واقف اناظرهااا .. لاااا مستحيل احبهاا ,, شلوون احبهااا ؟؟ وناا

بقلبي وحده ماكو غيرهاا .. مستحيل احب اثنين .. اصلااا مايصلح القلب يشيل اثنين .. يالله شسوويت بحياتي

عشان تبليني بمرض ماله شفاااا .. الحب ,, واحب اثنين انا مب قادر اتحمل عذاب حب واحد تبليني بحب

ثاني .. مسكت راسي بيديني لانه بينفجر .. انا مقدر اجلس معها اكثر اخااف انجن .. البعد احسن قبل لاا

احبهاا واتعلق فيهاا ..

قبل لا وشوو ؟؟ انت حبيتها لا تنكر ..

ماجد "بصوت عالي خلاهااا تصحى " : مااااااااااااااحبك ولااا

اواااطنك بعيشت الله .. فاااهمه ..

مشاعل " قمت مفجوعه من صراخ ماجد .. شسوويت الحين

الجوال واخذه .. بعدين انا ادري انه يكرهني ..

ليش يرددها .. فاهمه و عارفه .. ناظرته ونا احاول بكل قوتي ا

اني مااظهر له خوفي منه .. رغم اني بمووت

من الخوف يوم اشوفه .. اخاف يضربني ولا يذبحني على قولته .. احس اني اخاف منه اكثر من ماما بالنهاية

ماما امي .. لكن هو .. " .. نزلت عيني على الفراش مانتبهت الا الحين انه لابس الروب وكان لفوق ركبته

انحرجت من قالي اطالعه الحين اكيد بيظن ظنه السئ عني .. لاااحول ولا قوة الا بالله ..

ماجد " يااااربي صدق اهبل الحين وشووله ارفع صوتي واقول اللي بخاطري علن ..

هي خلقه خدودها حمر والحين شفيهااا صاارت طماط معقوله

اثر فيها كلامي .. بغيت اقولها عالشوربة بعدين غيرت رأي لو تبي

تاكل بتطبخ لنفسها ولا فالحه تطبخ لفهد ونا لاااا .. " رحت لعند الباب لفت انتبهي بالمرايا اني للحين

بالروب حسبي الله عليك يامشاعل .. نسيتيني نفسي .. الحين عرفت ليه وجهها غادي طماط ..

سويت انه عادي .. شوي شوي رحت لما الكبت وطلعت لي بجامه لونهاا ازرق ونا بعد منحرج منها ..

خرجت من الحجرة خذيت نفس .. صدق غبي ..


&& مــشـــــاعــــل &&

هذا شفييه ؟؟ مرة يصرخ مااحبك ومدري ايش بعد ..
بروب الحمام شكله توه مستحم .. شفت الماي و

المنشفه .. وجبهتي الرطبه .. معقووله ماجد المغرور يهتم بصحتي من متى ؟؟

اكيد خااف لا يتبلي فيني ولا ابوه يهاوشه انه ماداراني مو اكثر من كذاا ..

.....


نرجع للقصيم و مع :-

&& نـــــــجــــــود &&


قطع علي حبل افكاري ..

.. : اللي اخذ عقلك يتهنى به ..

نجود "شهقت" : يبه هذا انت ؟؟

بو فهد : ايه انا شفيك ؟؟

نجود : سلامتك مافيني الا كل خير .. شمقعدك لهالحزة ؟؟ بالعادة تاخذ لك قيلولة .. الا وين امي ؟؟

بو فهد : بل بل كالهالاسئلة مرة وحده انزين شوي شوي .. ماجاني نوم وابي اسولف معك بعد .. صدق

بالعادة اخذ لي قيلووله بس شسووي ابي اكلمك بموضوع انا و امك وهي بتجيب القهوة تجي ..

نجود " بصراحه ماارتحت لكلامه و لا نبرته .. هو وامي يبوني الله يستر " : خير يبه عسى ماشر ..

بو فهد : ان شاء الله خير .. خلي امك تجي وبعدها بقوولك ..

جت امي خذيت منها دلة القهووى وصبيتها لهم وجبت صينية التمر و الحلاا وناولتهم .. جلسنا شوي والهدؤ

يعم .. الا ابوي تكلم ..

بو فهد : يبه نجود .. تعرفيني مااحب اللف و الدوران .. وبعطيك هي من الاخر .. جاك خطيب ..
نجود " توني رشفت من القهوى يوم قال تكلم ابوي ووقت اللي قال جاك معرس اتشنقت بالقهوى " : كح كح

.. كححححححح

ام فهد : بسم الله عليك يمة " صبت ماي لنجود وشربته " ..

نجود : الحمد لله .. " وبتهرب من الموضوع وقفت و قلت بسرعه" : عن اذنكم ..

بو فهد : هالمرة مب مثل كل مرة .. جوود ياايبه لاا عااد تتهربين لاهو بصالحك ولا بيريحنا ..

ام فهد : لمتى يابنتي ترفضين ترا العمر يمر وانتي لساتك شباب لا تضيعينه من يدينك .. سمعي كلام ابوك

للاخر بعدها قرري وناا امك ..

نجود " كل هالكلام دار ونا ظهري لهم من تكلم ابوي ونا وقفت ماتحركت .. حسيت بنبرة امي رجااء ..

استسلمت هالمرة لهم .. جلست ونظري بحضني ..

بو فهد : نجود حنا عمرنا ماتمنينا لك الا الزين ياابنتي تراك الحين 24 سنة ياابنتي انا خايف عليك ..

وعلى مصلحتك .. واللي جاايك ولد حلال حنا نعرفه .. وانتي بعد تعرفينه ..

ام فهد : هذا متعب ولد خالك عبد العزيز ..

نجود " رفعت عيني اناظرهم مو مصدقه " : متعب!!!!!!

ام فهد : ايه شفييه متعب رجال والنعم فيه وهذا هو زوج كل خواته وخوانه وعنده خير وهوو كونه بتعبه وشقاه

.. بعد ماتوفى ابوه و امه ووهو وحيد الحين ومن زمن وهو يخطبك و يبيك وكل مرة نرده بسبت

عنادك ..شقلتي؟؟؟

بو فهد : الرجال شاريك شاريك .. وحنا مانبي الجواب الحين فكري و استخيري .. الله يسخر لك اللي فيه

الخير..

نجود " ماطولت على طول قمت من مكاني و رحت لمى غرفتي ونا ارجف .. ليه ؟؟؟ .... "


&& مــــــــشــــــــــاعـــــــل &&

خرجت من الغرفه لاني مليت غير اني حاسه بجوع .. حصلت شوربه ..

من؟؟؟ ماااجد .. مو مصدقه ماجد

يسوي لي شوربة .. مشاعل لا تفرحي عاد .. يمكن سوااهاا له قبل شووي قالها لك يكرهك لاا ومايواطنك

بعيشت الله .. اخذ منهااولا بلااش والله مافيني اطبخ ولا حتى اسوي شئ .. اخاف لو اخذت بيتخاصم معي ..

احسن شئ اتجنب المشاكل .. فتحت الثلاجه وخذيت لي ليموون وجبنه .. سويت ساندوتش جبنه وفورت ماي

وحطيت عليه ليمون .. جلست عالطاوله .. ونا باكل و اشرب دخل علي ماجد حسيت اللقمة وقفت بحلقي ..

اعوذ بالله .. كأنه عفريت كل ماشفته شعر جسمي يوقف .. واحس يدي ترعش ..

نزلت نظري لاكلي .. حسيته يقزني .. بس سوويت اني ماانتبهت لنظراته ..

قرب مني وناارتجافي زاد .. بيني و بين نفسي تشهدت ..


&& مـــــــــــــــاجـــــــــــد &&


يوم خرجت من حجرتي بروح المطبخ شفت باب حجرتها عرفت انها اكيد بالمطبخ .. رحت لهمها شفت المدام

تاكل خبز وياجبن على مااظن لانه كان جنبهاا .. انقهرت منهاااا .. الحين متعني لها ومسوي شوربه اذبحهاا

ولا شنووو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قربت منها اكثر وخذيت صحن مقعر للشوربه وشغلت النار لاجل يحمى التفت لها اناظرها وهي عينها على

الكوب اللي بيدهاا .. حتى وهي تااكل ناعمه .. وهادئه ..


&& مـــشـــاعـــل &&

ياااربي احس اني انحرق ... اقسم بالله انه يناااظرني ولا ليش احس حرارتي ارتفعت .. متى يخلص

هالساندوتش مايسوى علي .. خلصته وقمت .. الا ...

&& مــــاجـــد && @@ && مـــــشــــاعــــل &&

شفتها قايمة تروح .. ناديتهاا بدون مااقصد .. : على وووين ؟؟؟

مشاعل " وقفت وظهري له .. اطنشه ولا ارد " : ....

ماجد " بصوت هادئ" : على ماااظن سألتك ..

مشاعل "ونا ابلع ريقي وامثل الاتزان بصوتي " : بروح ..

ماجد "باستهبال " : والله .. على بالي بتقعدين ..

مشاعل " ببراءه التفت له" : لا مابجلس بروح غرفتي انام ..

ماجد " لا تسألوني وش صار علي ,, ياناس هي جد بريئه ولا تمثل علي ,, والله انهاا تهبل .. وش قاعد

اخربط اناا ,, اخاف انا اللي معي حرارة مب هي اللي محمومه ..وبنرفزة من حالي وبأمر" : اجلسي ..

مشاعل " باستغراب " : نعم ..

ماجد : صمخه ماتسمعين .. جلسي اقوول ..

مشاعل " جلست بدون نقاش .. اخاف يعطيني كف ينسيني اهلي.. استغربت منه يوم حط قدامي صحن

الشوربه .. هذا وش قصده لا يكون يباني اشربهااا "

ماجد : وش تنطرين شربي ..

مشاعل "ونا ابلع ريقي" : توني اكلت ..

ماجد : وش يعني عادي ,, كلي مرة ثانيه مايضر ..

مشاعل " لا يكون حاط فيها شئ ,, اخاف يكون بيسممني .. طالعته بريبه وشك " : بس انا شبعاانه ..

ماجد " شفيها تطالعني كذا كأني بسممها مو كأنه سويتها عشان صحتهاا" : مشاعل شربي احسن لك لانك

بتشربينها بتشربينها سواء بالطيب ولا بالغصب ..

مشاعل " ياربي شكل اليوم يومي .. ميته ميته فاحسن لي اموت بسرعه بالسم ولا اموت ببطء بالضرب ..

تشهدت وللمرة الثانية .. اشهد ان لا اله الا الله واشهد ان فهد رسول الله .. وبالملعقه خذيت اول لقمة

شفته جلس قدامي كل اللي بفمي بغيت اطلعه لو مااعطاني هذيك النظرة .. كان طلعته "

ماجد : شفييك لا يكون ماعجبك ..

مشاعل "بسرعه " : من قال الا طعمه لذيذ " بصراحه ماكنت حاسه بطعمه من الخوف .."

ماجد " جبت كوب بعد ماغسلته وكل اللي بالصحن من شوربه حطيته بالكوب وقلت لهاا " : لو تركتك

عالملعقة مابتخلصين شربيها بسرعه ..

مشاعل " طبعاا شربتها بسرعه مثل مايبي .. خلصتها "

ماجد " لها لدرجة عجبتها الشوربه " : ازيدك بعد ؟؟

مشاعل"بسرعه " : لا لا شكرااااا .. الله يعطيك العافيه .. "جريت بسرعه لغرفتي "


^^^