الحلقة الثانية و العشرون : -

" ياليــــــــــــــــت "

ياليتني بدلت نورك بظلمه

وأخترت غيرك من الناس مخلوق

ياليت ألقى من يراعي كلمتي...ويكتب معانيها ودايم يرددها

دائم ادورلك على عذر ... تعبت وانا ادور لك على معاذير



&& نــــجــــود &&

هذا ليه مايفهم .. مااابيه بالقووة هو ..

اااااااه يافيصل ووووينك الحين ؟؟؟ اشتقت لك ... حرام عليك تتركني بالحالي ..

لمتى بأصمد قدام هلي .. ليتك خطبتني .. كان تكلمت ونا واثقه ..لكن وش عذري الحين ... وش عذررررري ؟؟؟؟؟



أبي منكـ العذر ياغناتي ...أذا قصرت في باقي كلامي

&& فــيــصــل &&

.. ياليت يالجوود اني بجنبك وراسي بحضنك .. مايفرقنا مخلوق اشتقت لك يااهوى القصيم .. >>> كلمة ياااليت ماتعمر بيت يالاخووو



هذي الدنيا تجمعنا بعاد ... والا الزمن يبعد كل غالي

&& شــيــخــه &&

الله يسامحك ياورد ولا حتى اتصال .. اهوون عليك لذي الدرجة .. تركتي لي حمل وتركتيني وحيدة بعدك ..

ليتك جنبي ولاحتى اسمع صوتك واشكي لك همي وحالي ..

دانــــــــــــه : شيخه ..

شيخه " قطعت علي دانه " : هلااا والله .. متى جيتي ؟؟

دانــــــــــه "بخوف": جد اللي سمعته ؟؟؟؟؟

شيخه " من نظرات دانه .. تأكدت انها عرفت اللي صار,, الله يستر " : حسب اللي سمعتيه ..

دانـــــــــه : حتى انتي .... " جرت لبرى البيت وهي بعباتهااا ..حاولت الحقها لكن سيارتها حركت وناظليت

اطالع غبااار السيارة ..." : فينك يااااورد ؟؟؟ ..


من يوم ماذوقتني حر فرقاك .. واليأس والحزن في حياتي غرسته !!

&& دانــــــــــــه &&

ركبت السيارة .. وناا اصيح بقهرر .. ليش .. بالاول ورد وعدتني مااتتركني وبتااخذني معهااا .. ويوم جااء

وقت زواجهاا تزوجت ونستني حتى اتصال مااتصلت .. بسبتهاا بغيت انتحر وامووت وادخل النار

ياصاحبي الروح لك مهداه

والله لوبه غيره أغلى هديته


لكن يوم كانت شيخه جنبي عوضتني عن وورد ولو بشئ بسيط صحيح مااتجي نص وورد

بس انا احب شيخه مهما صار هي اختي الثانيه .. ليش ليش كل اللي نحبهم يرووحوا و يتركوني .. ليش ؟؟؟

دق جوالي .. وصار يرن كذا مرة وناا ماارد ..

وبالنهاية رديت كانت ماما ...

: الوو من سااعه اتصل .. ليش ماتردي؟؟

دانـــــــــه " بصوت ضايق " : مانتبهت .. تبغي شئ ماما ؟؟

ام دانه : اممم نسيتني ايش بغيت منك .. لكن اول مااتذكر بتصل عليك .. لا تطولي .. باي .. وقفلت السماعه ..

دانــــه " ناظرت السماااعه ..

دانه : ورد قلبي ..

مشاعل : هلاا بعيوون ورد .. "بضحكه " .. ايش اللي بخاااطرك ؟؟؟

دانه : ورد ماما ماتحبني ..

مشاعل" بملامح اخذت الجديه و الصدمه من كلام دانه" : من قال ؟؟ دلوعتي خالتي تحبك انتي وحيدتهااا ..

بس هي شووي مشغووله .. ماتشوفي الهدايا اللي تجيبها لك اول ماترجع من السفر ..

دانه" بحزن" : وانا ماطلبت هدايا ولااي شئ غيره .. ابغاها هي .. تخيلي يوم عرفت موعد وصولها رحت لهاا انا واخوي

جيت باحضنها قامت توخرني عنها وتقول مو وقته بعدين .. الدنيا حرر اففف ورطوبه وانتي لازقه فيني ..

مشاعل "تبرر موقف ماما" : ياقلبي لما الواحد يجي من سفر وخصوصاا وامك جايه من فرنسا يعني مدة السفر طويله بتتعب

واكيد مو قاصده .. لا تشيلي ببالك ..

دانـــــــــه "بحزن " : يوم عن يوم بعدها لي يطوول وبعدي لهاا يطول اكثر ..

مشاعل "تصرف السالفه لانها عارفه اني ببكي لو تكلمنا اكثر" : دلوعتي وناا مااكفي ..

دانـــــه "بابتسامه صادقه" : انتي الوحيده اللي تكفي و توفي .. ورد انتي امي واختي و صديقتي الوحيده .. احيان اخااف تتركيني وتروحي ..

ورد .. اوعديني عمرك ماراح تصيري زي ماما .. عمرك ماتسيبيني ..

مشاعل "بحنان فياض ناحية بنت تحس انها يتيمة رغم ان ابوها وامها على قيد الحياة" : ان شاء الله اذا ربي كتب لنا بوعدك مهما كان ماراح

اتخلى عن دانه دلوعتي ..

استيقضت من ذكرياتي والجوال بيدي : هذا أنا حالي مثل ماهو....ماشي بدربي وبكيفه مشى بي




&& مــــــاجـــــد &&

شفيهااا هذي طايرة عالغرفه .. حشى كل هذا تبي تناام .. ماعمري شفت انسان كثرها يحب النوم ..

خذيت الملعقه اللي شربت منهااا مشاعل ونا كلي شووق اشرب من نفس الملعقه وبنفس الصحن والكوب ..

ابتسمت على فكرتي و بسرعه خذيت رشفه من الشوربه والابتسامه على وجهي قبل لا اتراجع ومااسويهاا ..

ويوم حطيت الشوربه بحلقي وذقت طعمها رجعتهاا بسرعه ...بالصحن ..

وعععععع مكثر الليمون والفلفل الاسود صاير طعمها يروووع .. شلوون شربتهاا؟؟

ونا اقوول شفيها البنت طااايرة .. اثريه من طعمهاا .. خذيت كل اللي بالقدر وكبيته ..

غسلت الصحن والقدر والملعقه ونظفت المطبخ ..ومن الجوع لاني لا تغديت و لا فطرت ..

سويت لي ساندوتش جبن مثلهاا واكلته حصلت عصير تفاح خذيته .. شفت الثلاجه وش ناقصها

يبلي اليوم اروح المجمع اشتري وش ناقص .. اذن المغرب .. غسلت يديني .. توجهت لحجرة النوم ..

كالعادة ماطقيت الباب ودخلت شفتها بشرشف الصلاااة .. ياربي اغفرلي حتى بشرشف الصلاة جميله الا ملاااك ..

نعوومه وملامح تاخذ العقل ولا شفايفهاا مرسومه بفن .. سبحاان خالقهاا .. شفتها منزله راسها بحيا ..

ماالت عليك ماجد الحين بتظن اني ميت عليهااا .. : احم احم .. وخري من طريقي ..بخرج لي ثووب

رفعت راسهاا ببرائه وياليتها مارفعت : انا ..

ماجد " مقهور من نفسي " : شراايك ؟؟ فيه غيرك بالحجرة ؟؟

مشاعل : بس انا بعيدة عن دولابك ..

ماجد ناظرت الا اشوفها بعيدة ونا الغبي اللي جاي لعندها بدون مااحس .. لاحووول .. شلون برقعهااا الحين ..

ماجد"بنرفزة " : اقول وخرري مناااك .. شلووون بالبس ؟؟ ولا تبين تتفرجين ؟؟


ياكيف تجبرني بحبكـ...وأنت ناهيني

ياكيف تبغى الصراحة...وأنت ماتحكي


&& مشـــــــاعــــــل &&

الله لايذووق كم الشووربه اللي ذقتهااا..

مع الخوف اللي حسيته قدام زوجي المصوون ماحسيت بطعمها الا يوم خرجت من المطبخ ..

يعععععععععع .. للحين اتذكر شلوون حرق ت لي معدتي .. خبركم معاي قولون وبالحار يثوور علي ويالمني ..

خذيت لي كاس ماي من الجاك اللي بالغرفه .. رحت توضيت لان شوي بيأذن .. لبست شرشف الصلاااة

انتظر يأذن .. دخل ماجد .. واقف يناظرني حسيته شووي ويااكلني شفيه هذا مو طبيعي .. اخااف يجي يوم يذبحني فيه

افضل شئ اني افاتحه بمووضوع الطلااق بسرعه .. مو هو قال بعد سنة ..بس انا افضل الحين مقدر اعيش معااه يوم شلوون سنه .. مقدر

بصرااحه نظرااته احرجتني نزلت راسي .. والقهر يوم يقولي وخري انا وين ودولابه وين ؟؟

زااد احراجي يوم قال بنرفزة واضحه: اقول وخرري مناااك .. شلووون بالبس ؟؟ ولا تبين تتفرجين ؟؟

هذا ليه دووم يفكر غلط ... خرجت من الغرفه بسرعه .. رحت للصاله .. افففففففف .. خذيت سجادتي وفرشتها و صليت ..

يلي سكنت في خفووقي .......ارفق بحالي شوي


&& مــــــاجـــــد &&

توضيت .. لبست ثوبي وتعطرت .. كانت تصلي بخشووع واضح من ملامحهااا ..

جلست انااظرها الى ان سمعت صوت المؤذن يقيم الصلاة قمت مفزووع ..

ركضت خارج العمارة ونا بدااخلي اشتم نفسي مية مررة الحين شصااير فيني من اشووفها انسى نفسي ..

صدق ان المرأة هي سبب مشاكل الرجل .. مثل مانزلت ابونا اادم من الجنه .. نستني صلااتي .. اعووذ بالله ..

الحمد لله لحقت الصلاة بالركعه الاولى ..


&& نجــــــــود &&

شلوون بتصرف الحين .. اتصل على منوور و اعلمهااا .. ايه اتصل عليها احسن ..

خذيت جوالي واتصلت عليها مااترد .. حوالي خمس مراات .. مالت عليك منوور يوم احتااجك ماالااقيك ..

&& مــشــــاعــــل &&

خلصت صلاتي .. رحت لمى غرفة التلفزيون اكيد مابيرجع مثل العادة بعد المغرب يطلع ومايرجع الا الساعه

12 بالليل .. خذيت الريموت جلست اقلب بالقنوات .. ماجذبني شئ .. بالاخير شفت مسلسل قديم من زمان

ونا اشوفه من صغري .. مسلسل جوااهر .. بصراحه البطل حمد وااايد يعجبني شخصيته ,, تمثيله .. يجسد

الشخصيه بطريقه رااائعه .. اممم بالنسبة لجوااهر فيهاا انوثه وجمال .. انسانه حساسه حراام يتزوج عليها

ويتزوج هالشريرة كله عشاانهاا مااجابت له ولد . مو بيدهاا هذا كله بيد الرحمن .. صدق ناس

متخلفين .. احس انه بالمسلسلات ولا بالوااقع ماافيه نااس لهالدرجه متخلفين ماعندهم عقول ..

&& مـــــــاجـــــد &&

رجعت البيت ونااا متضاايق من مشااعري الريبه اللي تقوودني لموااقف عمري ماتعرضت لها قبل ..

دخلت البيت وشفتها تطالع التلفزيون .. بدون ميك اب شكلهاا واايد صغير لا يكون عمرهاا صدق 17 سنه

يوم شافتني حسيت بارتباكها من كلامها وصوتهاا ..

مشاعل : انا مااا.. اقصد انت خرجت وناا احسب .. يعني كنت اظن انك مابترجع ..

ماجد " ونا مكتف يديني " : خلصتي ..

مشاعل " تحركت من مكاني ووصلت قربه مابيني و بينه الا متر " : ممكن شووي ..

ماجد "باستهبال" : نعم .. وين ارووح يعني ... تراه بيتي لو نسيتي ..

مشاعل " ياربي والله ان عقله عقل طفل " : مريت من جنبه خبط زند يدي اليمين بذراعه اليسار ..

سرى فيني شعوور غريب يحسسك بخوف ولذه شلوون مدري .. يعني خوف حلوو ..

اعووذ بالله وش قاعده اخربط .. كله من الضرب اللي اخذته .. هذي فرصه ليه ماافتح معاه موضوع الطلاق

لاتؤجل عمل اليوم للغد .."

مشاعل "بصوت مسموع.. وثقه " : مــاجد ..

التفت لي بسرعه ماتوقعتها وكأنه كان ينتظرني اناديه او حس فيني ..

ماجد "لا شعوريا" : لبيــــه

مشاعل " قوليها يامشاعل و ريحي نفسك افضل اتحمل ماما ولا اتحمله هو.. لخبطني يوم ابى " : ماجد اناا

.. اقصد شراايك

نعجل طلااقنا وتطلقني اليوم وبكذا .. برجع لهلي و اريحك وتنتهي مشكلتك ولو على ماما وبابا بو فهد

بقوولهم انا اللي طلبت الطلاق .. ولا راح يعاتبوك ولا بتصير مشكله .. شوف لي اليوم اذا فيه حجز لمطار

جدة حتى لو بكره .. وبخليك من اي رابط يربطك فيني .. ونا اشكرك انك تحملتني طوول هالفترة رغم

.."سكت شوي ونا ابلع ريقي.. وبالم" .. رغم كرهك لي .. واتمنى انك تنسى حقدك علي .. ونتصافى ..

""سكت ونا اناظر الارض .. كل اللي قلته ونا واقفه قدامه عند باب حجرته .. يمكن المكان مو مناسب ولا

حتى الظرف .. بس انا تعبت ونا انسانه مااتحمل اكثر .." انتظرته يرد علي لكن ماارد رفعت عيني شفته

يطالعني ببرود .. تعلقت عيني بعينه مقدر اوصف الرعشه اللي سرت بكياني .. رغم برود نظراته الا ان عينه

كأنها تنبهني لشئ انا مب فاهمته .. ظليت اطالعه ابي افهم وش يقصد .. لكنه انهى كلام العيون بكلماته..

&& مــــاجــــد &&

مشت من جنبي مابيني وبين الا اصابع لمس يدها ذراعي شعرت بمشاعر خلتني الم قبضه يديني بقووة ..

لكن يوم نادتني التفت بلا شعوور وقلبي لبى لهااا .. لكن صدمني كلااامها تبي الطلااق لاا والحين وتبي

تساافر جده تبي ترجع لاهلهااا.. يوم سولفت عيونها بالارض شكرت ربي انها ماطالعت فيني لاني انصدمت

من قلب بكلامهااا.. معقووله مااتبيني .. اصلاا ليه تبيني وهي وش شافت مني غير الاهااناات و الشتم

والسب والضرب بعد .. يعني ماتطيقني لد رجة انهاا تبي فرقااي اليوم قبل بااكر .. يوم شفت رااسها بيرتفع

تقمصت البروود ودااخلي يحترررق .. مو هذا اللي تباااه يااماجد يوم جات بالحالهاا تقوولك ماتبيك شصاار

عليك .. كرهت قلبي وحقدت على نفسي بسبت هالمشاااعر .. اللي ماااابيهاا ولا حسبت حسااابااها ظنيت كل

شئ بيمر مثل ماابي .. لكن كل اللي صلحته مشي عكس ماابي ..

********> تجري الرياح بما لاتشتهي السفن يااا بابا ..

واللي طلع مني "بقهر" : تحسبيني ميت عليك .. سمعي يابنت النااس .. انا من قبل لاا اشووفك مااابغيتك

لو ماامي و تعبهاا كان مااخذيتك ولاحتى شفت خلقتك هذي اللي فرحاانه بهاا .. واذا بطلق بطلق بكيـــــفي..

وقت اللي ابي .. يوم اقول لك طااالق بقووولهاا متى مااابي فهمتي .. مو مرة مثلك تحركني وين مااتبي ..

والحين ابعدي عن خلقتي لا يجيك طق محترم مثل اللي خبرك ..

مشـــاعــل : الحين مو هذا اللي كنت تبيه ؟؟ بصلحه لك واللي تبيه بصلحه لك .. اللي تطلبه .. شتبي اكثر ..

لكن برجع عند هلي .. ماابي اقعد هنااا ولا لحظه .. واذا انت مااوقفت معي بقوول لمنوورة وبكلم بابا بو

فهد وااقوله اني ماابيك .. " خوفني يوم مسكني مع يديني وسحبني له بقووة .. وناا صوتي رجع لبطني "

ماجد "وشياااطين العالم على رااسي " : تــــــهديديــــن .. منووو ؟؟؟ " وهو يصااارخ" منوووووووووو ؟؟

اذا شكيتي بلحظه اني اخااف منك .. تراني مااخاف الا من اللي خالقني .. ولا انتي ادووووسك برجلي فهمتي

انتي و ااااشئ .. وناا مو ميت عليك .. مااعاش من يتحكم فيني وبالذات لو كنتي انتي .. كنت بطلق لكن

الحين عنااااد فيك منيب مطلق .. وريني وش بتسوووين يابنت ابووك اللي رماااك .. لو هو رجااال كـان

مارمااك هالرمية لكن اتخسي ان كان رجــ ....

مشـــاعـــل " من كثر الكلام اللي قاله ماجرحني شئالا يوم تكلم على ابووي .. بدون احساس مديت يدي عليه

وعطيته كف من قلب ودموووعي على خدوودي حسيت بضعف كنت ادري اني بنطق بعد هالكف .. لكني

استغربت من ردة فعله طالعني وانا اصيح بصمت .. بدال لا اشووف كرهه وحقده شفت حنان غري

بعيوونه شفت لمعه جذبتني لكن من كثرة الدموووع الصورة ماعادت وااضحه لي .. اظن انه قرب مني

لحظه مسرع ماابتعد.. واختفي من قداامي لااا مو بس من قداامي الا من البيت كله .. جلست اصيح عند ركن

الباب .. الله يساامحك يابابا قلت لي اني بدعي لك وماراح اندم وناا مااشوف الا العكس عمري مافكرت ادعي

عليك يابابا بس المشكله ان زوجي اللي اخترته لي هو اللي يسبك وناا ماارضى عليك .. ماارضى..

&& مـــــــاجــــــد &&

خرجت من الحي بكبره .. مب طااايق نفسي رحت لمى المخيم .. والحمدلله يوم ماافيه احد .. انا شسووويت

ماكنت قاااصد اللي اقووله .. هي اللي عصبتني .. وشووله تطلب الطلااق .. لاا وتبي ترجع جدة لاهلهاا..

ادري اني غلط عليهاا واايد بس هذا مو عذر >>> احلف يااشيخ ..

يعني انا ماابي اطلق هو بكيفهااا .. والله ماااطلقها لو على جثتي .. يعني يوم اقول لها ماابي اطلق تقووم

تهددني .. اكره ماعلى الرجال يوم تههدده مرة ومب اي مرة الا هي زووجته .. اللي قاهرني انهاا صاحت

ليه تصيح وناا مااضربتها ولا مديت يدي عليهاا .. يوم شفت دموووعهااا رق قلبي لهاا كان ودي اضمهاا

رغم انهاا ضربتني كف وناا ابووي مامد يده علي وهي حرمه تعطني

كف .. والله لو مااحبهااا كان ذبحتهااا .. احبهاا ,, احبهاااا .. ترددت هالكلمة ببالي وبتعب جلست بارض

المخيم .. ونا كلي هم من مشاعري ومن حياتي اللي ماافيها و لا ذرة استقرار .. تعبااان .. حياتي معفوسه

فوق تحت .. ارحمني يااارب .. ارحمني .. شلوون احبهااا وناا بقلبي غيرهااا ... بنجن .. بنجن ..

.... : سلاااامتك من الجنووون ...

ماجد " ناظرته بدهشة " : انت ؟؟؟؟



^^^

..