|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة الثالثة و العشرون :-
يا الغايـــب الحاضـــر بقلبــي ولا القـــاك..
آقــــــرب من عروقـــي..وصعـــــب منــــــالك..!!
...
&& مشــــــــــــاعـــــــــــــل &&
" ضربته .. مديت ايدي عليه .. شلوون تجرأت .. ماحسيت باللي اسويه .. احس الضيااع يلفني ..
لكن هو ليه ماضربني ؟؟؟ ليته ضربني ورد لي ضربتي ولا احس بخجل من نفسي .. لكنه سب ابووي
ليش ياماجد ؟؟ عمري ماغلط على هلك ... ولا ودي اغلط عليك بس انت دووم تحسسني بإني مو مشاعل
اللي يعرفها الكل .. مو مشاعل اللي البروود من سماتهاا ,, مو مشاعل اللي ماترد الاساءة الا بالحسنه ..
مشاعل اللي ماضربت احد بحيااتهااا .. ليه معك اخرج عن طبيعتي .. ليه اتوتر من قربك واخاف من نظراتك ..
ليه شخصك ووجودك طااغي علي .. كفاية وجودك معي وان كان كل منا بغرفه ووادي الا اني اشعر بالامان
رغم كل شئ سويته الا اني مااحقد عليك ولا اكرهك .. ليه مااكرهك ؟؟ ليييييييش ؟؟؟ ظليت جالسه بالارض
والالآم تغزوا جسمي .. مو قادرة اتحرك .. احس بثقل غريب بجفوني .....
&& شيخـــــــــــــــــة &&
اول ماطلعت دانه ونا اتصل عليها بالبدااية كان الخط مشغوول بعدها ماصار احد يرد والحين مقفوول ..
ياااربي ماعندي صبر مثل مشاعل ولا اعرف اتصرف بهالاموور .. كيف كنتي تتحملي دلع وطيش دانـــة
اوووووووووووووف .. لو اقدر اتصل فيكي .. اشتقت لك ووورد .. اشتقت لكلامنا اشتقت استهبل قدامك عشان تضحكي
لان ضحكتك دايماا غايبه واحلى مافيك هالضحكه اللي تطلع بالقووة وبالعافية ..
رحت لمى شهد بغرفتها .. دخلت بدون مااطق الباب ..
شهد " تسولف بالتليفون ومانتبهت لدخول شيخه " : خلاااص رواااء .. وبعدين معااكي بيصير شهر على سفر مشاعل
وانتي للان ورد و ورد .. مايصير يابنت الناس انسيهاا ..
رواء : مقدر .. انتي مو حاسه بالضيق اللي انا فيه لان اختك عندك وجنبك .. لكن يوم تتزوج شيووخ هذيك الساعه تعاالي
وقولي مشاعرك..
شهد " بضيق " : خلاااص روااء لا تضيقي خلقي .. تراا والله مو نااقصه من يوم جاء هالخطيب ونا مو مرتاحه ..
رواء : وليش مو مرتاحه مع انه مو اول مرة تنخطب شيووخ ..
شهد "بخوف بسيط" : احس ان هالرجال بياخذها منا .. مااحب اكون زيك ..
&& رواء &&
" مادرت شهد ان بكلماتها العفويه اللي تعبر عن مشاعرها بتجرح رواء" رواء : طيب شهد بعدين اكلمك ماما جت
قفلت بسرعه وماعطيتها وقت ترد فيه .. قمت من عالكرسي ونا ضاايقه .. مليت من الجلسه لحالي .. قبل كنت اتناقر مع
ورد .. وكنت اطالب بكل اشيااتهاا احيان كانت تشتري لي نفس اشياتها .. بسسسس " وبضحكه بيني وبين نفسي" ماكنت
احب استخدم الا اشياتهااا .. احب اهبل فيهااا يوم تعصب شكلهاا حلوو مررررررة .. مافي احن منها علي
صحيح ماما ماتبخل علي ولا تقصر علي بشئ عكس معاملتها مع ورد تماماا .. لكن رغم كذا ماكنت احس بحنان الام الا منهاا
حتى وهي بالمدينة المنورة كل يوم تتصل علي و تكلمني وكل ماتنزل لجده تشتري لي هدية ولماجد وهاني وياسر
" وبسخريه " وهالياسر عمرة مايقدر اللي تسويه لنا ورد ..
ورد مايناديها بورد الا المقربين منهاا واللي اطلق عليها ورد دانة يومها ذكرى ميلاد دانة
قبل حوالي سنتين مشاعل بالجامعه .. وكانت وردة مفتحه جميله جسمها ملفوف " مليانه
شووي" .. خدودهاا محمرة ومع فستاانها الاحمر زادت حمرة وبشرتها البرونزية المايلة للاحمرار ... وشعرهاا الاسوود
الطويـــل الى ارداافهااا لافته من تحت و مستشورته وطوق حلق كله ورود ملونه بس الاحمر كان الاكثر بوسط
شعرهاا وحاطه نص شعرها على جنب و النص الثاني على وراء ,, فستانهاا بارز لونها وجسمهاا يوصل لنص الساق
ولبست معه جزمه بكعب رفيع وله حبال لونه احمر علية اكليل ملون( وانتم بكرامة ) يناسب طوق الورد اللي براسهاا ..
يوم شفتها ساعتها ضليت مبحلقة فيها وتمنيت ربي يعطيني ولو ربع جمالهاا .. ماانكر اني مقبوله مع ان ورد تقنعني
و تقولي اني حلووة .. ونا اعرف انهاا بالاكيد احلى عني .. رحنا لحفل الميلاد وشفت دانة و شيخه لابسين بعد فساتين
حمرا ..
رواء "بقهر" : تتفقوواا من ورانا .. خياااااااااااااااااانه ..
وبشهقة "شفت شهد بعد لابسه احمر هنا الشرار طلع من ناافوخي .. " : وليه شهد لابسه احمر ؟؟؟؟؟
مشاعل "بتبرير" : رووووروو .. دانه طلبت مني البس احمر وبما إني لبست عشانها لانها تباني اطقم معهاا اتصلت على
شيخه وخبرتها عشان تطقم معاي انا ودانة .. بسس شهد ما اخبر اني قلت لهاا ..
شهد "تبتسم بخبث " : احم .. بالصدفه سمعتكم انتي وشيخه تتكلمواا بالتليفوون .. قلت اخررب عليكم ..
رواء : طيب ليه ماخبرتيني يالخاينه ..
شهد : قلت انكد عليك واقهررك .. واظن ان ملاامحك اكبر دليل على نكدك .. خخخخخخخخخخخخخخخخخ ..
شيخه "تحرك راسها يمين يسار": لاا حول و لا قوة الا بالله .. وانتي ياشهد صبرك علياااا تتنصتي على كلامنا عساااك
الصنج ... عشان تتوبي ...
شهد " ولا كأنها سمعت شيخه " ...
دانه "بابتسامة دلع وغنج " : ورد ...
طالعناها كلنا انا وشهد ومشاعل و شيخه ..مو فاهمين ايش تبغى ؟؟؟
دانه "بغنج " : المفروض خاله تسميكي ورد ..
شيخه : اسمحيلي اهنيك اخت دانه لاول مرة بحياتك تقولي شئ يدل عالعقل .. "وكملت" .. بصراحه احلى وردة الليله
ياورد
رواء "بغيرة" : ماكأنكم زيدتوها حبتين ..
شهد "بضحكة" : هههههههههاااااااااااااااااي .. اشتغلت الغيررررة .. عند بعض الناس ..
وضحكوا الكل ونااا اتحرطم ... من بعدها الكل صار يناديهاا ورد وهي تفرح يوم نناديها بالورد لانها تحبه ..
&& شـــــيــــخــه &&
سمعت كل اللحوار اللي دار بين شهد و رواء ..
تلخبطت افكاري و تشتت ذهني .. دحين شهد ماتبيني اتزووج نهائي عشان لا تصير مثل رواء على قولتهااا .. وماما
مصرة عالخطيب اللي جاء .. حتى اخواني مصرين .. ادري انهم مابيغصبوني عالزواج زي مشاعل ..
كل هذا يدور بخاطري بعد ماسمعت كلام شهد رحت لغرفة المعيشة ..جاتني شهد..
شهد : شيووخ ..
شيخه : هااا ..
شهد : شيخه .. بسألك بدون لف و دوران .. انتي جد بتتزوجي ؟؟؟
شيخه " طالعتهاا ماشاء الله ولا عليها تسأل " : من اللي قالك ومن فين تعرفي بالموضوع ؟؟
شهد " باحراج" : عرفت وخلاص ..
شيخه"بنص عين" : ابصم بالعشرة ان ماكنتي كالعادة تتصنتي على العالم و الناس ..
شهد "بعفوية" : الله يخليكي أي عالم وناس ونا مااتصنت الا عليكي انتي و امي .. واحيان على اخوانك ..
شيخه : الحمد لله و اخيرا اعترفتي بحركات النص كم اللي تسويهاا .. متى بتعقلي زي رواء ..
شهد "بضيق" : لا تقعدي تقارني بيني و بينهاا لان بينا فرووق واولها ان اختي معايا بالبيت و مابتتركني مو زي مشاعل
اللي من يوم تزوجت نست امها و ابوها واختها الوحيدة واخوها الصغير اللي ربته زي ولدها وبالاخر نست صديقتهاا
وبنت خالتهاا وتركت دانه تحاول الانتحار وهي ولا على بالهااا .. مشاعل انانيه ومغرورة ماتحب الا نفسهااا ..
وبدون مااحس باللي سويته .. عطيتها كف .. يمكن هالكف يعبر عن القلق والوحده اللي عايشتها ويمكن
تفريغ للي بداخلي .. لكن الاكيد اني تضايقت من كلامها عن مشاعل .. مشاعل غير والله غير ..
حرااام اللي يصير لها و اللي ينقال عنهااا .. ماتستاهل .. احس انهااا مو مرتاحه .. الله يوفقك ياورد
ويسعدك لانك تستاهلي ..
&& نجــــــــــــــــود &&
استخير ولا لاااا .. جلست اصلي ركعتين لله لكن مب استخارة .. وقرأت بعض السور و الايات القرانية ..
حسيت بطمأنينه .. رفعت يديني فوق وناا الح بالدعاء ربي يجعل فيصل من نصيبي .. ويرزق متعب بالمرة الصالحه اللي
تهنيه و تسعده .. ونا بدعي ربي حسيت بعطف ناحية متعب وش كثر تعب بحياته من صغره تيتم .. وفات اهله رعايته
لخواته وخوانه .. يستاهل انسانه تحبه بقلبهاا .. و يحبهاا هو بعد .. انا مااستااهله ..
رن جوالي وكان فهد ناظرت الساعه ونا اردع الجوال : هلا بغلااي ..
&& فهد &&
: اهلين يالجوود .. شلونك حبيبتي ؟؟
نجود "بصوت فيه لمحة حزن" : الحمد لله .. وانت شلوونك حبيبي ؟؟
فهد " شكل الجود ضايقه" : جوووود .. تبين شئ حبيبتي ؟؟
نجود : سلامتك اخوي .. شخبار رجلك اللحين ؟؟
فهد : الحمد لله .. انتظر يفكون الجبس مليت الجلسه بروحي ..
نجود "باستغراب" : برووحك .. ووينه مجوود عنك ؟؟
فهد "بعتاب" : جووود ..
نجود : ززززين ااسفه ماجد وينه عنك ترا ابوي موصيه عليك ..
فهد : ماقصر اخوي .. والله اني منحرج منه ..
نجود : وشووله منحرج منه وانت اخوه العود .. هذا مايستحي ولا كل يوم امي تتصل فيه تبي تسولف مع
شعوله .. وهو يصرف حسباله مانفهم .. سبحان مغير الاحوال .. قبل ماكان يبي يسمع طاريها ولا حتى بيوم ملكته رضى
يشوفهاا .. والحين مانعها تسولف معناا ..
فهد " بفضول " : شلوون ؟؟
نجود : كل مايتصل ابوي ولا حتي امي يقول انها بالحمام وانت بكرامه و مرة يقول نايمة و مرة تغسل و مرة تطبخ
بالاخير ماقمنا نسأله عنها .. لانه مايعطنا مجال ولا فرصه نسأل عنهاا ..
فهد " يحق له .. ولا احد عنده الرقه و الادب .. الذووق و الجمال و يبعدها عنه مستحيل .. " : .....
نجود : الوو .. حموود معي ؟؟
فهد "بارتباك" : هاا ايه معك ..
فهد " بهدؤ" : شرايك هالمرة باللي عزك وجاك كذا مرة ؟؟
نجود " دقات قلبي صارت طبوول .. فهمت وش يقصد .. لكني استهبلت" : وشووو ؟؟
فهد : جود ماله داعي الف و الدوران خبرتني امي انها وابوي فاتحوك بالموضوع ..
... بعد سكوت لثواني ...
فهد : سمعي بنت امي و ابوي .. متعب ولد خالك الله يرحمه و يسكنه جناته ..
نجود : اامين ..
فهد : رجال و النعم فيه .. شفتي شلون تحمل وزر عايله كبيرة وزوج خوانه كلهم وهو من سنين يخطبك و انتي
ترفضين .. صدق انه اكبر عنك بعشر سنين .. لو تبين رأيي .. تراه مايتعووض .. وانتي غاليه ولو ماغلاتك كان
ماتمنيته لك .. احسكم تليقون لبعض .. وناا واثق بيحطك بعيونه .. عووضيه حنان الام و محبة الزوجه يستاهل ولد الخال
نجود "بسرعه " : فهد للحين ماقررت لا تتسرع ..
فهد : زين العقل .. لا تتسرعين و استخيري ربك هو اللي بيدلك ..
نجود : ............
فهد : الجود يبه اوعديني انك بتستخيرين ...
نجود : .............
فهد : تكفين ان تعزيني بتستخيرين ..
نجود "وهي مغصوبه دام معزة فهد هي الواسطه" : ان شاء الله ..
فهد : الله يكملك بعقلك .. اترركك الحين تستخيرين .. لاجيت الاسبوع الجاي القصيم ابي اسمع اخبار زينه ..
نجود : ان شاء الله ..
فهد : الله يحفظك .. وقفلت السماعه ..
فهد " الله يوفقك يالجود "
&& نــــــــــجــــــــــــود &&
" قمت استخير .. خلصت صلاتي وريحت شوي عالسرير فغلبني النوم "
&& مـــــــــــــــــــــــاجــــــــــــــد &&
الوقت تأخر شفت الساعه على 11 بالليل يعني ساعه و ينتصف الليل ونا مارجعت للحين .. تذكرت ان الثلاجه لازم لهاا
مقاضي .. رحت للمجمع خلصت على الساعه 12 الا ثلث .. وصلت البيت عالساعه 12 و خمس .. تركت مفتاح السيارة
مع عطيه البواب يشلي الاشيات اللي بالسيارة سبقته للشقه ..
عطيه : سي مااقد ( سي ماجد ) .. مالك النهرضه ؟؟ شكلك مش عاجبني ..
ماجد " فاضيلك انااا .. مسوي فيها تحقيق" : سلامتك ابي انووم ..
عطيه "بنص عين ": اهاا وانت من اهل الخير ياعم ..
خذيت منه الاشيات ودخلتها للمطبخ .. رايح عالحجرة شفتها بالارض جريت لمهااا ..
: مشاعل .. ضربتها على خفيف بخدها وكانت محمومه شكلها السخونه ماراحت عنهاا ..فتحت عيونها شوي شوي .. ..
ناظرتني وهي تتمعن فيني ..
مشاعل : جيت .. كنت انتظرك .. احتريتك ايام وسنين ..
ماجد " مقدر اوصف اللي حسيت به .. نظراتها غريبه لاول مرة اشوفها بعيونهاا هالحب.. هذي النظرات معقوله تكون
لي "
كملت مشاعل : اشتقت لك ..
ماجد " السكوت كان لغتي وقتها احسها مب طبيعية ,, شوي الا يدها اليمين ترفعها و تلمس خدي برقة .. بشرتها ناعمه "
مشاعل " برقه و ضعف ولهفة " : تركتني .. وتركني بعدك الكل ..
مشاعل "قربت وجهها مني,, بحب ورقه.. قالت" : تحبني ؟؟
ماجد". مانكر الاحساس اللي انتابني .. احساس يهز الاعماق .. قربهاا متعه .. وحلاا ..
نظراتهااشوق تزيد احساسي بالظمأ .. وكأن عمري مارتويت ..
سؤالهاا ماتوقعته "
مشاعل "بنظرة كسيرة,, قربت مني اكثر وحطت راسها بحضني .. " : ماتحبني ,, ادري انك بعمرك كله ماحبيتني و لا
بتحبني .. عمرك ماراح تحبني لاني .. ... ....
وبدء صوتها يوطى ماسمعت شلي قالته
كمن وقت جلست وهي بحضني عند الباب ..ونا الصدمه ولا الدهشه يمكن استغراب شل تفكيري .. دقايق و لا ثواني و
لاحتى ساعات .. ماحسيت بنفسي الا شايلها
وحاطهاا عالسرير .. ماقدرت اجلس اطالعها لان احساسي هالمرة احساس ثاني .. ثاني .. ثاني ..
تركتها ونا بثوبي ماغيرته .. رحت للحمام و انتم بكرامه وخذيت لي شور بماي بااااااااااااااارد .. كل ما أقر إني بطلع من
الحمام ,, ارجع ثاني افتح دش الماي علي ..
شلي احسه .. لميت قبضة يدي بقوووة .. يوم اذكر احساسي وهي بحضني نايمة
ونا بداخلي مشاعر من نار وهي مثل الطفل نايمة بأمان بحضني ما كأنها هي السبب بالنار اللي بجسمي ..ودي أذبحها و
اتخلص منهاا.. لكن لاا مقدر مقدر ابعدها عني ..
خرجت على طول للحجرة وحطيت راسي عالمخدة .. والنوم عيى يجيني ..
### الصبــاح الساعة 7 ###
بهالوقت عيون مانامت ,, وقلوب شايله هموم جبال ,, وروح تايهة ,, وناس حزينة ,, ودموع ماجفت ..
وبطلتنا ورد توهاا صحت بروحهاا ..
&& مــــشـــاعــل &&
شفت نفسي بالغرفه .. مدري شصار لي من يومين انام بمكان اصحى القى نفسي
بمكان ثاني .. اول كنت نايمة بالارض جنب السرير ثاني يوم لقيت نفسي بالسرير و امس اذكر اني تهاوشت مع ماجد
ومديت أيـ ... "ملامح وجهي منزعجة من اللي سويته " نمت برااا و اليوم اشوف نفسي عالسرير .. طالعت الساعه ..
شفتها سبع وثلاث دقايق .. فاتت علي صلاة الصبح .. توضيت و صليت ..
خرجت من الغرفة عالمطبخ مع ان الفضول ذابحني .. ابي اعرف اذا خرج للدوام ولاا نايم .. احسن طريقه
اتأكد من سيارته ورحت للبلكون وشفت السيارة موجودة عرفت انه نايم .. مع ان الحمى خفت شووي .. الا ان الصداع و
الزكام باقي.. عصرت لي ليمون بالنعناع .. وشربته دافئ ..
&& مــــــــــاجـــــــــــد &&
صحيت على صوت المنبه الساعه سبع وربع .. مانمت الا من نص ساعه بعد ماصليت الصبح ..
شلون بروح الدوام وهي للحين مرضانه .. اتصلت بمنوور مرتين يرن الجوال الى ان يقفل والملقوفه ماردت
رجعت بتصل الا جاني منها اتصال ..
ماجد : ساعه لين ماتردين .. وينك فيه ؟؟
منوور"بصوت ناعس" : بسم الله علي .. مجووود انقلع هذا وناا خفت لا يكون صار لك شئ متصل فيني من الصبح
حسبالك خلق الله مثلك .. انت ماوراك دوااام ...
ماجد " بزفرة ملل" : منووور يالحمارة احترميني انا خالك ..
منوور : عشتووو يالخال ..
ماجد : تخلخلت ضروووسك يالعنز العووورة ..
منور : وشووو انا عنز لا وبعد عوورة مب سليمة .. اوريك يالدب ..
ماجد : افففففففف منووور ماغيرك الدبااا .. وانطمي لا اجي اكسر راسك الحين ..
منور" حسيت انه مب طااايق كلمة ,, مشيتهاا له بمزاجي " : ...
ماجد " بهدؤ" : مشاعل محمومه شوي اذا .. " ماكملت جملتي الا اسمع صوتها يعلى"
منوور : وناا اقول شفيها ماترد علي يوم اتصل على جوال فهد .. كله منك ولا وحده توها معرسه تجيها حمى ..
اكيد ماتراعيها زين ..
ماجد " يارب اخاف بيوم ارتكب جريمه ببنت اختي هذي .. كفايه فضولها و صراخها والحين تذكرني بسالفة فهد كل
مانساها" : منووور عندك ربع ساعه تتجهزين فيها بمرك واخذك للشقه وقفلت
&& منــــــــــــورة &&
قفل بوجهي هالدب لكن براويك يااماجد .. خطرت ببالي فكرة .. جات من الله بروح يومين لعند مجود الى ان تطيب
شوشو وبعدها برجع وخلي هالسعود يفرح بامه .. امم باخذ معي العيال بعد ..
رحت للشغاله وصحيتها عشان تلبس العيال .. ويوم قلت لهم بنروح لمشاعل فرحوا,, دخلت الغرفه بغير ثيابي شفته
نايم بالحاله عالسرير لاني نمت بغرفة الصغار ولبست ثيابي .. وخذيت لي كمن غيار
وللعيال بعد .. وارسلت رساله من جوالي لجوال سعود اني بروح يومين لعند ماجد بس ماعلمته ان مشاعل تعبانه خله
ينقهر لا قراا الرساله بيظن اني رحت عشاني زعلت ..
انتظرته بالخارج عشر دقايق .. هو قال ربع ساعه والحين صارت خمس و عشرين دقيقه ..
سمعت صوت هرن السيارة خرجت مع العيال .. وركبت بجنب ماجد و العيال وراء ..
طالعت قدامي وتحركت السيارة ..
استغربت هدؤ ماجد حتى ماعلق عالشنط ولا العيال .. هو اصلاا مالتفت عليهم و لا شافهم معقوله هذا كله سرحان ..
ووقفنا عند العمارة ويوم بفتح الباب الا قفله من عنده .. طالعته وهو لساته يطالع قدامه ..
&& مــــــاجــــــد &&
منووور " سكت لاني حاسه انه بجعبته شئ بيقوله .. " : ...
ماجد " بعد ماخلصت اتصالي مع منور رحت للحمام اللي بغرفة الضيوف عشان ماازعجها و يمكن عشان ماابي اشوفهاا
خلصت عزكم الله دخلت الحجرة ماشفتها قلت يمكن بالحمام لان الباب مسكر و اللايت شغال .. لبست مناظري الشمسيه
وخذت المحفظة و الجوال ومفتاح السيارة ..
شفت المطبخ لايته شغال قلت اقفله .. قفلته الا سمعت صوت شئ تكسر .. رجعت فتحته .. واشوفهاا هي واقفه وعند
رجلها كاس مكسر ..ناظرتها .. طالعت فيني .. وخدودها محمرة حتى طرف خشمهاا محمر من الزكام ..
ماجد "بخوف ونا اقرب منهاا" : صار لك شئ ؟؟
مشاعل "بعدت عني يوم قربت جنبها .. استغربت حركتها ,و وبتردد" : اناا .. انا اسفة ..
ماجد "باستفهام" : على شنوو ؟؟
مشاعل " وعينها بالارض" : اللي سويته امس غلط .. ونا مااعمري سويت كذا و يا احد .. بس شلون طلعت عن طووري
وسويت اللي سويته مدري ..
ماجد " لو اقدر امسكها الحين من رقبتها و اطقهاا اهوون علي من اعترافها بانهاا اسفه ليش يامشاعل اسفه اناا
بداخلي استانست من كلامك اللي قلتيه لي .. يمكن لاني ابادلك نفس الشعور .. لكن الحين انتي اسفه معناته ماتكنين شئ
او يمكن .. كانت تلعب بمشاعري وتضحك علي.. بهالحظه دمي غلي .. كانت تحاول تغريني حتى و هي مرضانه ..
وبخطوات سريعه مسكتها مع يدينها بقووة " : اسفك هذا ماينفعك لان اغرائك مامشى علي .. بقوولك شئ ماتعرفينه عني
انا خبرة بهالسوالف ..يعني اللي سويتيه امس ماطرى ببالي .. ولا اهتميت له ..
وخرتها عني ونا خارج وقفني صوتها و هي تقول لي : ماجد ااسفه مااكنت قاصدة امد يدي عليك واسوي اللي سويته والله
اني مو كذا ..عمري مامديت يدي على احد .. بس انت غلط على بابا .. ونا عندي مسني بس لا تمس اهلي ..
ماجد " الحين كل اللي قالته قصدت فيه الكف مهب اللي قالته عن حبها لي ..
التفت لها "ببرود" : كل اللي قلتيه قصدتي فيه الكف ..
مشاعل "بغرابه" : ايه .. اسفه ..
ماجد"بامل مغلف باللامبالاة": وغيره فيه شئ ثاني بتقوينه ؟؟
مشاعل : لاا ..
ماجد " بتوتر" : متأكده مابتقولين شئ ثاني ..
مشاعل " ببرائه تحبب الناس فيها " : لا شكراا .. اهم شئ انك تعذرني يمكن بسببب السخونه و التعب غلط عليك ..
ماجد " لا يكون الاعترافات اللي امس و اللي قالته كان هلوسة حمى .. ونا ابلع ريقي وحاولت ابين البرود
رغم اللي داخلي نااار " : يعني انتي يوم تسخنين تخرجين عن المألوف ؟؟
مشاعل " بعدم فهم " : مافهمت .. شلوون ؟؟
ماجد " بقهر طالعتها وخرجت وسكرت الباب وراي بقووووة "
&& مـــشــاعــل &&
شفييه اليوم ماجد صاير غريب .. وش قصده يوم قال" مابتقولين شئ ثاني " ليش انا سوويت شئ ؟؟
وليه خرج معصب وقفل الباب بقووة .. ياربي انا اعتذرت منه لاجل مااحس باللوم والذنب ..
كل شئ صاير ملخبط قدامي ,, اانام واصحى الاقي مكاني تغير ,, حتى ماجد تغير امس ضربته و اليوم الخوف باين
عليه يوم تكسر الكاس هذا بدل لا يطقني ويذلني ..والمشكله يقول اني اغريته ونا ماشفته من امس الا الحين ..
ويتكلم كلام غريب .. راسي قده مصدع وصدع الحين بزيادة من التفكير .. احسن لي اشيل الكاس المكسور واروح ارتاح
شووي ..
&& مـــــــــــاجـــــــــد &&
ماجد: فيه ناس يوم يتعبون و يمرضون يهلوسون ؟؟
منورة "بهباله" : نعم نعم .. ممكن تحذف اجابتين ولا ممكن استعين بصديق ..
ماجد " التفت اطالعها من تحت المناظر الشمسية" : الشرهة مب عليك الشرهة علي يوم اسأل جاهلة مثلك .. نزلي من
السيارة لا بارك الله فيك ..
منوورة : زين وش لزومه تدعي علي من صباح الله خير ..
ضياء: افففففففففف بنذل .. دخت بنووووووووووم..
ماجد "بدهشة طالع وراء" : انتم شلي جابكم معي ؟؟
منوورة "بابتسامة خبيثه" : شلوون شلي جابهم مجوود قلبي اليوم صاير فيك شئ قمت تهلووس .. اخاف سؤال علم النفس
عن الهلووسه يخصك انت .. ترا انت اللي اتصلت وقلت لي انك مشتاق لضي و ضياء واصريت علي أجيبهم .. شفيك
ناااسي؟؟ ..
ماجد " لا يكون انا اللي هلوست ..صدقها منوور .. " : حسبي الله عليكم يالحريم تجيبون المرض لنا .. طلعي الحين لها
فوق و دااريهاا ..
نزلت مع العيال والحماار مجوود حتى الشنطه ماشالها عنا وشخط بالسيارة .. ما كأنه هو اللي طلبني ..
&& مـــشــاعـــل &&
من خرج ماجد رحت لغرفته و رتبتها له رغم التعب بس هذا مايعوقني عن الترتيب .. يمكن يرضى عني و يسامحني
خلصت ورحت لغرفتي الا جرس الباب يدق ..
كانت الساعه ثمانيه .. من بيكوون ؟؟
&& نــــــــــجـــــــــــود &&
تجهزت عالساعه سبع وثلث ونا على طاولة الفطور لاجل اروح الجامعه ..
ام فهد : صباح الخير يمة .. فطرتي ؟؟
نجود :صباح النور .. ايه ..
ام مجمد "بهدؤ " : اليوم بعد المغرب بيجينا متعب ..
نجود " كنت بشرب الحليب وانشنقت للمرة الثانية يوم اسمع طاري متعب .. شكلهم ناوين علي .. بطنازة" : زين وش بعد
ام فهد "بحزم" : جووود هذا ولد خالك كبر اخووك علي واكبر عنك اقلها احترميه واتركي عنك الطنازه ..
نجود "وقفت وقلت": اسفه يمه .. بطلع ..تامرين على شئ ..
ام فهد : ماكملت كلامي ..
نجود" رجعت جلست وانصت للي بتقوله" : اليوم قبل المغرب ابي الجواب ؟؟
نجود : أي جواب ؟؟
ام فهد : نجود تحسبيني منوور تستهبلين عليها .. انا امك ..
نجود : العفو يمة بس صدق مافهمت .. أي جواب ..
ام فهد : اذا بتوافقين على متعب و لا لاء ؟؟
نجود : يمه بس انتم قلتم تخلوني على راحتي..
ام فهد : كنا بنخليك على راحتك بس الرجال مستعجل وانتي ماعندك عذر الاستخارة واستخرتيهاا صح ولا لاء؟؟
نجود " ماحبيت اكذب على امي " : ايه ..
ام فهد : خلص عيل ابوك برا ينتظرك .. بيوصلك للجامعه ..
^^^
^^^
^^^
^^^
^^^
^^^
^^^
^^^
^^^
^^^
^^^
^^^
^^^
س / هل نجود بتوافق على متعب ؟؟
س / فيصل بيرجع ولا لاء ؟
س / مشاعل صدقها نست كل اللي صار من سوالف مع
ماجد ؟؟ معقوله مشاعل قصدت بالكلام اللي قالته لماجد
عن حبهاا ماكان مقصود فيه ماجد بس مع المرض والتعب
عقلها الباطني اظهره لماجد ؟؟
س / ماجد هل بيصدقهاا ؟؟ شلون بيتصرف.. بعد اعترافات
مشاعل له؟؟
س / شيخه بتوافق عا لعريس ؟؟
س / دانه وش مصيرها ؟؟
^^^
^^^
^^^
يتبع بالحلقة الرابعه و العشرون ..
انتظروني مع همس قلبي بعد كل هذا الحب الماضي لا يعود ..
.. وبداية كل نهاية ,, ونهاية كل بداية ..
|