بالنسبة للجداول حنا المستجدات متى نسجلها ؟؟
انتو المستجدات مالكم تسجيل جدولكم جاهز الجامعة تعطيكم اياه
بعد السنة التحضيرية راح ترتبون جدولكم بانفسكم
بعد السنة التحضيرية الجامعة راح تعلن عن وقت ترتيب جداولكم
وياعووومري لا تنسين انك تسألين عن الدكتور قبل ما تسجلين
كيف اختار المواد ؟
المواد في العادة تاخذين 18 ساعة في السمستر بمعنى لاتزيد عن 9 مواد على حسب الخطة الدراسية الكليتك
تقدرين تاخذين اقل بس راح تتأخرين على الخطة الدراسية وبعدها راح تدرسين خمس سنوات
وبتأكيد تقطع المكافأت بعد تجاوز اربع سنوات دراسة
فالأفضل تضغطين عل نفسك شوي وتاخذين المواد كلهم
على أي أساس اختار الدكتور ؟؟
لما تروحين للجدول وتشوفين الدكاترة تختارين افضل دكتور-ة تسألين تحطين استفساراتك
بالمنتدى أو أي حد درس قبلك تسألين عن أسلوبه وان شاء الله
ما نقصر معك
الجدول كيف اطلع عليه ؟؟
حبابة الجامعة تعلن في موقعها وتحط رابط للجداول الجميع الكليات التابعة لها
اطلعت على الجدول بس مو عارفه كيف ارتب الجدول ؟؟
ياقلبوا لا تحاتين الطريقة سهله وهي كذا
" هذا مجرد مثال "
اختصار للأيام
س- ح - ن -ث – ر
مسجل عندك بالخطة ثقافة واحصاء
تروحين للثقافة وتشوفين الوقت الي نازله فيه
لو كانت نازلة السبت تشوفين وقتها كم وقتها مثلا ..10.30 - 12.10
وترتبينة في جدول خارجي
ومبادئ احصاء تشوفين وقتها مثلا احصاء وقتها من 8,30الى 10,10
يكون ترتبينة في الجدول بهذي الطريقة
س 8,30 الى 10,10 >>> مبادئ احصاء
10,30 الى 12,10 >>> ثقافة اسلامية
وبكذا بقية الأيام والمواد
ح
ن
ث
ر
ولاتنسي لما تختارين المادة تسجلين في الورقة رقم
crn >>> هذا رقم موجود جنب كل مادة
تدخلينة في البانر شي اساسي
لما تسجلين الجدول ولا تسجلينه مافي فايده
وتحرصين مايكون تعارض بالوقت
ولا تنسين تكتبين رقم الشعبة وهو في الجدول جنب الماده الي تختارينها
شنو اهمية رقم الشعبة ؟
رقم الشعبة يفيدك بعد ماتبداء الدراسة
مثلا تكون نازلة المادة عند دكتور في كذا شعبة
ولما تبداء الدراسة في بعض البنات يضيعون ويدخلون محاضرة مو محاضرتهم يدخل الدكتور
يقول مقرر ثقافة اسلامية شعبة 60 كل بنت تعرف إذا هي بشعبة
غير هذي تشيل اغراضها ومن غير مطرود 
وبعد تقدرين تتحكمين في وقت المحاضرة تقدرين تخلين جدولك طول الأسبوع
من 7.30 الى 12.30 كأنوا دوام مدرسة
وتقدرين تخلين يوم لك اف
كيف ادخل على البانر و اسجل المواد ؟
بالنسبة الأسم المستخدم هو رقم التسلسلي للبانر الموجود في ورقة البريد الممتاز ويتكون
من 9 أرقام من اليسار يبداء بسنة دراستكم
الرمز السري : لما يقرب التسجيل تعلن الجامعة في موقعها
عن كيفية التسجيل في نظام البانر للمستجدات
هذا و اللهم صل على محمد وال محمد
اتمنى انكم تستفيدون ويعجبكم الموضوع
واذا عندكم سؤال أنا في الخدمة