الحلقة الثامنة و العشرون :

" لا والله عساني ما كلــــــ .... "


مايلام الي مثل حالي ينول ,,,,,لو قضى ليله يساهر مدمعه...


بهذاا الوقت من بعد منتصف الليل كلن بعالم هو عايش فيه ويمكن هالعالم يشتركون فيه بمشاعر وحدة وهي

الحب ...

حب الحبيب لحبيبته .. حب الزوجه لزوجهاا.. حب الام لضناها.. حب الابو لوده عزوته وسنده ..

الحب انواااع واسمااها المحـــــــــــــــــبه لانها بنظري تعني الاحترام ,, الالتزام ,, الحب ,, الدلال و الحنان ,,

العطف واللطف ........ الخ .

مـــــــــــاجد .. " جافاني النوم والساعه 2 ونص بوقتهاا .. محتار اطلع من الحجرة ولا اجلس بداخلهاا ...

هذي وووين راحت .. لها فوق الثلاث ساعات ماجت .. ووين بتنام يعني ؟؟؟ .. يمكن بمجلس الضيوف ..

<<< قلبك ياااكلك تبي تطمن عليهااا موووو ؟؟؟

بالنهاية طلعت .. دورتها بالصاله وحتى بالمطبخ و الحمام بعد اكرمكم الله .. ماحصلتهااا .. معقووله تكون

بحجرة منوور .. دخلت حجرة منور.. شغلت النور وشفتها ...

....

مشـــــــــــــــاعل .. " بالظلام اشوف ضياء جاي للمطبخ .. شفيه ؟؟ .. قمت وقفت على حيلي .."

مشاعل : ضياء حبيبي .. شفيك جاي لمى المطبخ ؟؟

ضياء : ....

مشاعل : حبيبي جوعااان ؟؟؟

ضياء " يحرك راسه بلااا ,, وعيونه تهدد بدمووع " ..

مشاعل : عطشان ؟؟

ضياء : ابي ماااي ...

مشاعل " بابتسامه " : بس مااي .. من عيوني ,, اجيب لك ماااي وعصير بعد .. شتبي اكثر ..

ضياء " ابتسم " : ماابي عصير .. ابي ماااي ..

مشاعل " قمت من الارض واتجهت للبراد وصبيت له كاس ماي " : وهذي الماااي .. وش بعد ؟؟

ضياء: ولا سئ ..(وللا شئ) ... وشرب الماي ..

مشاعل "مسكين شكله عطشاان ... " : هاا خلصت ...

ضياء : ايه ... سوسو ...

مشاعل " شلت الكاس و غسلته " : هلا ياعيون سوسو ..

ضياء : سسنو تسوووين بالمطبح بالحالك .. جالسة بالارض ..

مشاعل " ونا عيني عالمغسله اغسل الكاس الحمدلله ان كل هذا واللايت مقفل بس نور الصاله كان منور

المطبخ شوي ... " : ماجاني نوم ..

ضياء : انا نمت بس رجعت قمت ..

مشاعل : زين روح نم ..

ضياء : مابيجيني النوم ... " وبحيااا" .. سوسو ..

مشاعل : هلاا ياااعيون سوسو ...

ضياء " وهو يطالع بالارض" : تنامين معي ؟؟؟

مشاعل " بضحكه " : ابشرررر .. " هذي فرصه عشان ابعد عنه .. عن ماجد .. جت من ربي "

رحنا ويا بعض ونا وضياء بالحاف واحد نمنا ضميته لصدري شوي ونام اما اناا .. تذكرت اخوي

وحبيبي و ولدي ماجد .. نور عيني ... ما ينام الا يوم احضنه وانومه بغرفته واسكر اللايت واخلي نور

الابجوورة شغال .. شلون يحبني اصلح له ساندوتشات ويمووت عالنقانق .. ويحب توتست بالتونه ..

ولا البيتزا .. عشانه اسوي حلى ... اذكر اخر مرة يوم صلحت له اكل قامت ماما تزفني

وماجد سمعهااا .. وقام يبكي ويقول انه مايحبها .. .. ولا ضحكته .. وياااويلي على ضحكته يوم يضحك اضحك

معه وان ما فهمت شئ اضحك بعد . هذا مااجد لبى قلبي .... ضميت ضياااء اكثر لصدري وتحسست بشرة

خدوده نااعمه ... اااه ياضياااء ذكرتني باخوي اللي ماغاب عن خاطري ....

تصبح على خير ماجد .. تصبح على خير يااولدي .. ياحبيب قلبي ..

نمت وطيف ابتسامة يزين دنيتي ..

مــــــــــــــــاجد " شفتها شلون فاتحه فمها و الضحكة شاااقه وجهها شق .. مستانسه بحضن الدب ضياااء

اصبر علي ضياااؤه .. وانتي بعد مشاعل بوريك الحين تنامين هنا مع ضياء ونااا بالحالي بالحجرة ..

<<<< لا والله يالشيخ من متى هي تنام معك ؟؟؟ هاااا ؟؟؟ عامل فيها الغيووور لا ومن منوو من طفل

ماااقول الا مااالت عليك حتى الغيره مب عارف شلون تصرفهااا ...

عــــــــــــــــــــــــدنــــــــــــــــــا

ماجد " صحيت الصبح الساعه 7 وربع .. حتى صلاة الفجر مارحته .. اعوذ بالله من الشيطان الرجيم

توضيت بسرعه وصليت .. لبست ثوبي والشمااغ نسيت ماعطيته المكوجي .. اففففففف .. وش ذا اليوم اللي

مابيعدي على خير .. ماااحب اطلع بدون الشماغ و العقال للدوام .. طلعت عالساعه 7 ونص و خمس ونا منكد

بالقوووة ... تأخرت عالدواام يجي ثلث ساعه ... حتى بالدواام مااركز .. مهب عارف اشتغل .. بكل لحظه اذكر

الموقف اللي امس ... وعيونها شلون قايله .. اتعوذ من الشيطان ... حاولت اشتغل ... ماقدرت ..

مع اني جلست 4 ساعات بالدوام الا اني ماقدرت اشتغل ولا ربع الشغل .. بالاخير المدير ..

وبعض زملاء العمل لاحظوا علي وهم اللي قايلين اني مب صاااحي ولا غريبه اجيهم مبهدل ..

والقهر انهم يظنون بأشياء ما تمد للصحه بشئ ..

وليد : شصاار عليك يارجال كل هذا بسبت العرس ؟؟؟

فايز : ياااشيخ اسكت الا قول العرووووس ...

ماجد " مب طايق نفسي وجااايين هم واشكالهم يتطنزووون علي " : .........

وليد : وراااك ساكت يارجال عادي ترااا .. دام تزوجت فالله يعينك ..

الحريم همهم هم .. لا بقربهم ترتاح ,, ولا ببعدهم ترتاح ..

فايز : الحمد لله للحين ماتزوجت ..

دخل عبد الله و قاطع فايز : عقبااالك ياافايز .. ياااارب يااكريم اشوووف فايز متورط بعروووس ..

ماجد : اللهم امين ...

كلهم يطالعون بماجد باستغراب ولا كأن العرس الا مرض مب استقرار ..

عبد الله " بهدؤ" : خير ونا اخووك .. وراك متضاايق ؟؟؟

وليد : أي ماجد انت متغير من زمان من قبل زواجك بس الحين ضيقك غير عن قبل اقلها كنت تسولف معنا

الحين كلش ماتسولف مثل قبل .. وين ماجد اللي الضحكه ما تخووز وشه ..

فايز : تبون تعرفون شلي قلب مجووود علينااا ..

ماجد "طالعته بنص عين " : ....

وليد و عبد الله يطالعون فايز ...

فايز : السر هو الزواااج .. ماعمري قابلت رجال متزوج مستانس بحياااته .. وهذا ماجد اكبر دليل على

هالشئ .. اكيد زوووجته مخربه عليه عيشته .. ...

ماجد " بنرفزة قمت واقف " : انتي شتبي ؟؟ حد شكالك ؟؟ من متى خصوصياتي اقووولها حقك

.. لا عاد اشووفك تغلط على زوجتي لان اللي يغلط عليها غلط علي

فهمت ..

<<<< جابها عالجرح .. ليش تنرفزت ماجد ؟؟؟ ليييييييييش ؟؟


هل لانها فعلاا مخربه عليك عيشتك ولا لانك ماترضى عليهاا ؟؟؟

الكل سكت .. حتى فايز ... اصلاا مادريت شصااار علي .. خرجت من المكتب و رحت للمدير أستأذن

و فعلا طلعت .. ورحت للبيت ..

مشـــــــــاعل " صحيت عالساعه 8 ونص .. على يد الاخت منوور .. "

منورة : شوشو ,,, وش منومك عندنا ؟؟

مشاعل " نسيت ان منور عندنا أول ما شفت كشتها مع الصبح شكلها يضحك ,, ضحكة بنعوومه .. وبضحكتها

رنة بحه لانها تو صاحيه من النوم " : هههههههههه

منور "باستغراب " : ليه الضحك ؟؟؟

مشاعل : انتي مغسله وجهك مع الصبح ؟؟

منور" بحيااا,, توقف بتروح للحمام اكرمكم الله " : لاا توني صحيت قلت اصحيك ...

راحت منور توضت وجت تصلي ..

ونا حذيت حذووهااا .. توضيت وصليت .. رحت لغرفتي شفت السرير شلووون صاير قمت اعدل فيه

ونظفت الحجرة ,, باقي علي اكنسها و اخلص .. غسلت اسناني ,, خرجت للمطبخ شفت منور تسوي بيض لها

..

منور : تبين ؟؟؟

مشاعل : لاااا شكرااا .. ما أحب افطر ...

منور: براحتك بس عليك حركات .. وش اللي ماتحبين تفطرين لاجل كذا غاديه عصاا ..

مشاعل " بابتسامه " : شكراا .. منورة ,, وش نفسك فيه على الغداااء ؟؟

منور : اممممم .. تو النااس .. باقي على الغداااء وقت ...

مشاعل : ولو احب اطبخ قبله بوقت بروح اخذ لي دش بعدها ..

منور : ماجد مايجي الا على اربع العصر .. .. الساعه 2 بنطبخ زين ...

مشاعل : بنطبخ ؟؟؟

منور : اييييه .. لانك مابتطبخين بالحالك انا معك ..

مشاعل : منورة قلبي .. اذا احد بيطبخ معناته انا ..

منور : بنشووف وقتهاا .. سمعي وش نفسك فيه ؟؟

مشاعل " مافهمت " : كيف يعني ؟؟

منورة : شوشو اترككي عنك الاستهبال .. وش نفسك تاكلينه مثلااا

.. بيبس ولا بونتي ولا تويكس .. ولا وشووو ؟؟؟

مشاعل : اممم نفسي بكافيه لاتيه عالصبح .. ياسلاام ريحته هباااال .. ونفسي بعد بايسكريم باسكن

وووو نفسي ببونتي .. و ...

منورة : بللللللللللللللل هذا كله نفسك فيه .. مابقيتي شئ .. اجل خالي مايجيب لك باللي نفسك فيه ..

مشاعل " حسيت بحياا من نفسي كأني بمجااعه .. يوم كنت عند هلي بجده ماكنت

اكثر بأكل الشوكولاة بس الكافيه لاتيه و الكابتشينو و الميكاتو هذي تعتبر وجبه فطور بالنسبه لي تخليت عنهاا

من يوم جيت هنا .. اما على خالك يامنورة حتى مطعم ماطلعني .. ولا شرى لي شوكولاة ولاشئ .. انا

مو جيعانه وماني وجه فقر بس يمكن من قلة شوفتي للاشياء اللي تعودت عليهااا .. صار عندي شووق لها و

لطعمها ويمكن لحياتي قبل .. ماعلمني حب الباو ...

منورة : اجل خلص بكلم عطية يشتري لنا..

مشاعل : نعم نعم .. هذا الحارس صح ؟؟

منوة : ايه اجل السواااق .. اكيييد الحارس ..

مشاعل " طبعاا خفت لا اخذ لي تهزيئه محترمه من زوجي العزيز " : لا منور .. ماعليه مو لازم نرسله عني

انا ماا اابي ولا شئ ...

منووور"بنص عين " : الحين منو منا المفروض يخاف انا و لا انتي .. اكيد انا ولا انتي زوجته حبيبته .. الا

اذا كان تهاوشتم امس عشان كذا نمتي عندنا صح ؟؟

مشاعل " ادري ان الاخت بتوقعني بمصيدتهاا " : منووور لوين بتوصلين .. لا تألفين قصه و تصدقينها ..

منور : زين لو تبيني ما أألف قصه .. سولفي لي شصاار عليكم أمس ؟؟

مشاعل " طنشتها و رحت حجرتي .. خذيت لي شوور .. وبعدها رحت لمى الصغار ومنور جالسه عند

التلفزيون تسولف بالجوال .. ما عبرتها وصحيت الصغار .. وخذيتهم ورحت بهم للحمام و حممتهم بس ضياء

عي احممه .. بالنهاية رضي .. رحنا لمى المطبخ و سويت لهم خبز بالجبنه ..وكاس حليب دافي ..

والاخت منور قدامي .. وشكلها مبسوطه ..

مشاعل : ما شاء الله صايرة مستانسه الاخت منوورة ..

منور : اكيد اجل بنتشرى و ما تبينا نستانس ..

مشاعل : شلوون ؟؟

منور : كلمت فهد وطبعاا رضي ياخذنا بس هاا بنركب مع عطيه لان فهد رجله للحين مجبسه ..

مشاعل : انا مو رايحه تراا .. بقول لك من الحين ..

منور: لا يالحبيبه .. اقول البسي عباتك بتطلعين معنا غصب ..

مشاعل " بخوف " : لا منوور .. والله ماااقدر ..

منورة : اممممممممم زين شرايك بكلم مجووود واخذ منه الإذن ...

مشاعل " سكت هذا افضل .. والله ياخووفي انا اروح بدهية .. لا والله عساني ما اكلت ولا اخذ لي كف محترم

ولا طق يوجع لي جسمي .. اجلس بالبيت ابرك لي .. " : ...

<<<< واااااااااااااااي البنت تعقدت

منورة اتصلت على ماجد و كان محول جواله على البريد الصوتي .. ومنور كل ماتسمع البريد تقفل ماتبي

تخسر نفسهاا .. بالنهايه كذبت على شعولتي و قالت انها كلمت ماجد و قال طيب .. سألتها مشاعل اذا صدق

كلمت ماجد .. قالت : ايه اجل اكذب عليك ..

مشاعل "يمكن رضا لان منور بتكون معي .. استانست من قلبي .. ولبست وطلعت انا و منور و العيال و فهد

معنا سلمنا عليه طبعاا كان جد محترم معي حتى انه ما ناظرني .. مدري ليش ماجد يشك فيني ان ممكن اطالع

بأخووه .. و رحنا لسوبر ماركت كبير معروف بالرياض بعيد عن الشقه .. طبعا خذيت معي بطاقة الصراف و

سحبت من المبلغ اللي عندي بالبنك هذا غير مبلغ المهر اللي ما مسكت منه شئ ..

تسوقنااا .. الحمد لله حصلت لي كابتشينو و كافيه لاتيه .. وخذيت لي كارتون باونتي

ووبعض الاشيات وفيه قسم للعطووور بس ماعجبني شئ الا كمن عطر بس خذيته اكرمكم الله للحمامات عندي

بالشقه .. حنا بجدة كنا نحط عطووور .. بالحمامات .. وخذيت لي شموووع , بلون العسل المعتق .. لاجل


الحمام ...عزكم الله ..

يوم وصلنا للحساب .. فهد معنا .. يووووووه نسيت انه هو اكيد بيدفع .. يالله وش هاللبشه ..

طبعاا حاسبناا .. وطلعنا قال لنا فهد بغيتم شئ ثاني .. طبعاا انا كنت ساكته بس الملقووفه منوور

منورة : اييييييييييييه شووووووووووشوووووووو تبي ..

فهد " رافع حاجب و حاجب لا " : اعتقد عندها لسان تطلب به .. وبعدين ليه تتدخلين باللي مايعنيك ..

مشاعل " منحرجه بالقووووووووة " : سلامتكم ماابي شئ ..

فهد " ياحلوو صوتك هذي هي الرزانه مو مثل المرجوجه بنت اختي " : شبغيتي مشاعل ؟؟

منور: من امس نفسها بأيس كريم من باسكن ..

ضي : ايه ثح حاالي .. امث اكلت ثوي من ايث كريم .. جابه لي مجوود مثكينه اكلت ثووي بث .. (ايه صح

امس اكالت شوي من ايس كريم .. جابه لي مجوود مسكينه اكلت شوي بس) ..

فهد : اجل توكلنا .. وكلم عطيه يروح لمى باسكن ..

مشاعل : مشكووور فهد بس صدقني ماابي شئ..

فهد : ماعليه هالمرة بس ..

مشاعل " سكت .. حسيت بخووف .. اخاف نكون تأخرنا ,, ناظرت الساعه توها 11 الصبح .."

مــــــــــــاجد " الساعه 12 استأذنت وطلعت للبيت .. جبت معي صينية بكنافة جاهزة " فتحت باب الشقه

والبيت هدؤ .. استغربت بالعادة لو منور وعيالها فيه بمكان فيعم المكان الفوضى .. لو كانت مشاعل لوحدها

كان المكان هدؤ لانها هادئة بالحيييل تنهدت دووورت البيت كله ماحصلت احد بالبدايه مافكرت بمنور ولا

عيالها يمكن يكون سعود مرهم و راحوا البيت بس مشاعل وين بترووح .. لا يكون من موقف امس زعلت لا

ما اعتقد .. صار قلبي يدق بقوووة .. لا يكون تركتني ما تبيني .. كله مني انا الغبي .. شلوون انجرف وراء

مشاعر زايفه.. وش استفدت الحين يوم تركتني .. بدت الافكار تموج بعقلي .. مر الوقت و صارت الساعه 1

الظهر اتصلت على منيرة جواالها مقفل .. لقيت بالجوال رسااايل كثيرة ... شفتها كلهاا لفهد .. خفت يكون

صاير لمشاعل شئ وخذوها للمستشفى هي قبل كمن يوم كانت مريضه يمكن صارت لها انتكاسة... اتصلت على

فهد ...

ماجد : خير يافهد ..

فهد : اللهم اجعله خير ..

ماجد : تكلم شصااار ؟؟

فهد : بسم الله علي .. شوي شوي ماجد ..

ماجد "بعصبيه " : بتتكلم ولا لاااا ؟؟

فهد: ما صار شئ ونا اخوك ...

ماجد : اجل ليه متصل علي وتارك لي رساله كاتب فيها اتصل ضروري علي ...

فهد "بعفويه " : عشان اعلمك ان منور وعيالها و مشاعل معي عزمتهم بمطعم واذا كنت تبي تلحقنا فحياك

الله .. بس الحين ماااعتقد لاننا بنرجع البيت .. قريبين من الاشارة اللي بجنب البيت .. يالله سلاام ..

ماجد " انصدمت من كلام فهد الحين انا احاتيها وخايف عليها وافكاري تروح و تجي وهي اثريها بمطعم

مستانسه .. ومع منو مع اخوووي .. قلت لهااا مية مررررررة ماتتحرك من البيت .. لكن انتي ماتجين الا

بالعين الحمرا يابنت فهد الـ ..

مشـــاعل " بعد ماخذينا من باسكن وقف لنا بمطعم و عزمنا عليه فهد .. لو وحدة بمكاني كان قالت ليتني

طلبت الجنه بس انا من خوفي من ماجد.. ماتهنيت لا بباسكن و لا حتى بمطعم ...

طلعنا الشقة كان معاي المفتاح لاني خذيته معي .. وفتحت الباب .. طبعاا كنت ابلع ريقي من الخوف ..

لاني شفت سيارة ماجد براا .. دووم يجي على اربع العصر اليوم جاي بدري مو من عادته

دخلت حجرة النوم بسرعه لاني سمعت صوت التلفزيون ..

اكيد بحجرة التلفزيون .. فسخت عباتي .. ورحت للمطبخ غرفت له اللي جابه فهد لماجد غدااء

لانه ماتغدى معنا و ما يمداني اطبخ و اصر فهد انه يشتري .. كلمت ضياء يناديه على الغدااء

وحطيته له وهو توه داخل كنت بطلع بسرعه قبل لا يجي بس هو دخل المطبخ وسكر باب المطبخ

وراه قبل لا اطلع ... وعينه للحين بالارض ونا الخوووف وووصل حده عندي .. بدء تنفسي يقل

شوي شوي رفع ماجد عينه من الارض لي انا ,, وهنا انا عيني نزلتها .. عكسه ...
^^^

يتبع