الحلقة التاسعة و العشرون :

" هجرت وماني متحسف ... ولا طنتي بقول آسف ..."

... توني دريت ان حبك غلطتي توني دريت ...

... بصمت حارت كلمتي ولا حكيت ...

... ماقويت انطق حروفك ...

... صابني عجز الكلام ولا شكيت...

ماجد " دخلت علي منووور وعيالها والمدام للحين ماجت شكلها بحجرة النوم .. وقفت بروح لها ونا ناوي على شر .. بس وقفني كلام منور "

منورة : ماجد من الصبح اتصل بك حوالي عشرين مرة ..ليه محول جوالك على البريد ؟؟؟

ماجد " برود" : عشان اصرف اللي بأمثالك ..

منورة "بنص عين " : تصدق رغم برودك الا ان قلبك محترق ..

ماجد : روحي زيين ... شتبين متصله فيني ؟؟

منور : وش ابي يعني ... مشاعل عيت تجي معناا .. بالنهاية قلت لها باخذ الاذن منك فسكتت عرفت بذكائي انك

اكيد مانعها الخروج بدون اذنك .. مسووي فيها سي السيد ياااخالي العزيز ... المهم اتصلت فيك مارديت وهي مب راضيه تتحرك الا يوم قلت لها اني كلمتك وانت وافقت .. حتى المسكينه مارضت نطول لا بالسوبرماركت و لاحتى بالمطعم .. حتى يوم رحنا باسكن روبنز ماتهنت بالاكل شفتها قلقانه وتبي ترجع البيت بسرعه ..اعووذ بالله صاير اسد على المسكينه ...

ماجد "بقهر من منور,, ويمكن من مشاعل و من نفسه لانه ما جاب لها باسكن مع العيال لوقالت لي كان جبته لها .. لكن الحين فهد جابه لهاا ..مسكت منور مع اذنهااا " : انتي وراكي ما تركدين .. وش كبرك .. تكذبين عليهاا وتعلمينها اني قلت طلعي .. مالت عليك .. بدال لا تنصحينها تشاورني و تاخذ رأي قمتي تكذبين ..والله ان نجووود احسن عنك .. حتى اصيل اللي اصغر عنك احسن منك .. اعقلي مخلفه اثنين وللحين مثل ما انتي ...

جت ضي و وراها ضياء يتسابقوون : حالي ثوثو تناديك بالمطبخ ..( خالي شوشو تناديك بالمطبخ)..

كمل ضياء بعد ماقفل على فم ضي : تقول لك تعال العداااء ( تقول تعال الغداء)..

ماجد " غدااء شلون ؟؟ ماشفت بالمطبخ طبااخ مسرع طبخت .. كنت بتظلمها يا ماجد .. وناوي تطقها طق.. من قهررري اجل تخرج بدون اذن مني ,, واللي حرني تتغداااء و تتسوق لااا وتحلي بعد ,, ونا الغبي اللي يحاااتي الجميله .... لكنها طلعت بريئه .. يوم اشوووفها احس اني اكبر ظالم بالدنيا و هي الظلومه ..

اكره ماعلي اكووون ظالم هذا كله يدور بيني وبين نفسي ونا رايح لها المطبخ ,,.. دخلت وسكرت الباب وراي شفتها تنزل راسها .. وغمضت عيونهااا .. ظليت اناظرها قربت منها اكثر .. وقفت اتأملها .. وقفتها فيه من الثقه و الشموخ بس ما اعتقد غروور .. جسمها اقل شئ اقدر اقول عنه انه مثالي لاي بنت بسنهااا ..

فمها مزموم على جهة اليسار حتى يوم تسولف احسه مايل لليسار شي بدلع.. خشمها

مرفوع وكأنه يقوول " ماجد انا جبل ماتهزني انت ولا غيرك"

تعجبني البنت اللي احس فيها نشوووة ثقه و رزانه بدلع و رقة .. عيونها وهي مغمضتنها .. باين طيف خوف

على محياها .. بدون شعور مني نسيت كل قهري منهاا وبصبعي السبابه لمست اطراف ذقنهااا ورفعته

برقه توازن رقة ملمسهاا ...

مشاعل " حسيت بخطواته كأنه يمشي على طرقات قلبي ... ويوم قرب مني حسيت بحرارة انفاسه

لمس ذقني برقه ماحسيتها قبل فتحت عيني .. شفته يناظرني وكأنه لأول مرة يطالعني .. وبيكتشف

وش اخبي ... خفت عيوني تفضح اللي اخبيه من خبايا ومااسي .. خفت يعر...."

ماجد " ناظرتني ولا نقطة خوف بعينها ,, بالعكس شفت هدؤ يدل عالامان .. معقوله تحس بالامان معي

معي اناا .. "

مشاعل " كنت بأبرر له موقفي .. بس قاطعني " : انا ...

ماجد : علمتني منور .. مهب لزوم تبررين ...

مشاعل " هذا بكل شئ شايف نفسه و يحسب نفسه ملك علي ولا حاكم ونا المحكوم عليه ..ببروود" : و من

قال اني ببرر موقفي .. مافي شئ اخجل منه عشان ابرر .. بالعكس

بغيت اقول.. انا وااايد مستانسه و ياليت ما تخرب علي وناستي .. بحركات نص كم تبعك ..

و انبهك اذا بتتهاوش اجلها ليما منور تروح من عندنا .. اخاف فضايحك تنتشر ..

ماجد " ضغط على ذقنها بقبضة يدي كلهااا .. انا الغلطان اعاملها برقه ما تستاهلها ..

زاد قهري يوم شفت صمودها .. حتى ما الامها ذقنهااا .. يدي الآمتني وهي ما تألمت ..

ناظرتها باشمئزاز مدري هالاشمئزاز لي و لا لها .. تركتها وطلعت حتى الغداء ما انتبهت له

دخلت حجرة النوم وغطيت بنوم ماصحيت الا العشاء يأذن " ...

مشاعل ".. اسلووبه بالكلام ما عجبني ,, يحب يغيضني .. يتحكم فيني .. الله يسامحه الآمني يوم ضغط على

فكي .. حسيت الالم وصل لعظام جسمي كله .. بس تحملته .. يبيني ابين ضعفي قدااامه .. بس يخسي

ماابينه .. لو امووت .. شكله طلع مقهوور.. احسن خليه طلع ولا تغدى .. ينفلق .. اااووج .. يألمني فكي

حسبي الله عالشيطان .. طالعت بمراية المغسله شفت ذقني محمر بقوووة .. الحين وش اقول لمنور الله

يعني عليك انتي و خالك .. اففففففف "

مشى هاليوم مثل باقي الايام ومنور لاحظت الحمار اللي بذقن مشاعل بس ما سألت مشاعل .. حست انها بتزودها

و بتتدخل بحياتهم ..

بهاليوم صارت امووور كثيرة غير طلعت مشاعل ويامنور و فهد وهواشها المعتاد و يا ماجد .. وهــــو ....

&& نجـــــــــــــــــــــــود &&

صحيت عالساعه 2 الظهر .. ونا ناوية على فكرتي اللي امس .. خذيت لي دش وتوضيت و صليت ..

نزلت تحت عالساعه 3 و نص .. قمت سويت القهووة مع الشغاله .. وشويت معجنات .. وصينيه حلى ..

جت امي ومعها ابوي .. ونا بالمجلس .. وقلبي ينتفض .. من اللي ناويه عليه ..

رحبت بهم .. وصبيت القهووة وجسمي صاير القطب الشمالي .. كل ماابي اتكلم ارجع اسكت ..

ماكنت منتبهة لبووي اللي ملاحظ .. ونا عيني بحضني ..

بو فهد : جود يبه شفيك من ساعه وانتي ساكته ما تكلمتي .. خير يبه تبين شئ ؟؟

نجود " ابلع ريقي احسه يابس " : سلامتك يبه .. مااريد شئ .. بس ..

ام فهد : بس شنووو ؟؟

نجود : خلص ولا شئ .. عن اذنكم بطلع اكمل بحثي .. وقفت اروح لحجرتي ونا املي خاب ..

بو فهد : فكرتي بولد خالك متعب ؟؟ وش جووابك ؟؟

نجود " ياااويلي .. فاهمني يابو فهد,, وظهري عليهم " : اللي تشووفه يبه راضيه فيه ..

بو فهد : مقتنعه ؟؟

نجود : كثر اقتناعي بحبك لي .. اكيد بتختار لي الازين و الافضل ..

نجود : طلبتك يبه ...

بو فهد : تم يا حبيبة ابووك ..

نجود " بابتسامه " : ياليت تكون الملكة هذا الخميس لاني بعدها ما بيمدني الا بنهاية الفصل الدراسي ذا ..

بو فهد : مايكون خاطرك الا طيب ..

نجود : عن اذنكم ..

طلعت بسرعه قبل لا يرد علي واطر اقابلهم ويبان المستور ... وصلت حجرتي

حسيت بالم .. وحاولت اصيح ما قدرت ..

ولا نص ساعه الا اتصل فهد يبارك لي ... وحس بصوتي .. سألني اذا وافقت عن اقتناع ..

ورديت بالايجاب .. وعدني يكون يوم الاربعاء بالقصيم .. لاجل يحتفل معي بهالمناسبه ..قفل السماعه..


ونا اتذكر لاخر مرة مواقفي وسنيني اللي ضيعتها على فيصل ..

بو فهد بلغ متعب .. و اتفقوا الملكة تكون يوم الخميس بعد صلاة العشاء ..

&& متـــــــــــــــــــــــــعــــــــــــــب &&

شخصيه جديدة .. ما تكلمت عنها قبل ... متعب ولد خال نجود ربى اخوانه و خواته و زوجهم

من عمره 14 سنه وهو يحب بنت خاله .. نجووود .. ماتزوج للحين لانه ماتمنى غير نجووود ..

وهي ولا بحاااله و لاحتى افتكرته ... ماينسى شلووون كانت من صغرها وهي حنونه ..

مرة جاه مشي و تعبااان والعرق يصب من جبينه.. وهي وقتها ما كانت تتحجب عنه ..

جت لمه .. ومعها منديل و مسحت له جبينه .. استغرب حركتهاا .. وهي يوم خلصت من شغلها

طالعته و ابتست ببرائه .. حب برائتها و طفولتها .. صار يجي دوووم عندهم و يتشرا لها مثل خواااته

يحسها ملكه .. ويوم كبرت باولى ثانوي خطبها بس ابوها عيعليه لانها صغيرة يجي عمرها وقته 16 او 17 سنه

ويوم تخرجت من الثانوية خطبها مرة ثانيه بس هي عيت لانها بتكمل .. ويوم قالهم انه بيخليها تكمل بس هي

رفضت لانها ما تعرف تدرس وتتزوج وتتحمل مسؤليات ..>>> علينا نجووود زواج ومسؤليه هااا

ولا شئ ثاني ..

وبالنهاية خطبها الحين لانه اخر سنه لها فخاف يخطبها

غيره وما قدر يأجل الخطبه لما تتخرج .. كان يدعي ربه دوووم انه ياخذهااا .. والحمد لله ربه

قبل بدعاااه ..

واخيرر يالجووود بتصيرين لمتعب اللي عمره ما فكر بلحظه ياااخذ غيرك حتى لما رفضتيني و

زعلوا خواتي و اصروا

يخطبون لي احلى عنك .. بس انا ما رضيت .. سألوني وش فيك زووود .. ماقدرت اقوول .. غير

انها الجوود ..

الجوود الحنووون .. مات ابووي ومااحس بعيون الناس الا الشفقه اللي يكرها كل رجال .. الا

الجووود

كانت نظرااتهاا كلهاا حنان و طيبه وبرائه .. والله يالجوود لا اسعدك و احطك بعيووني و اسكر عليك جفوني

تحميك من النسمة لا هبت ..


&& أصيــــــــــــــل &&

صــــــــــدق قولي والله يمه ...

ام اصيل : اكذب عليك انتي و كشتك .. قلبي وجهك ..

اصيل " ولاكأن احد تكلم" : يمه نجوووود ماغيرها بتتزوج ؟؟

ام اصيل : انتي وجهك مغسول بمرق .. هذي عمتك و اكبر عنك لززوووم تنادينها بعمتي ..

أصيل : تكفين يمه سكتي الحين هي اكبر عني باربع سنين يعني صارت عمتي ... الله يخلف

عليكم بس ..

ام اصيل " تفتح عيونها عالاخر" : ااياا ماتستحين على وجهك طلعي براااا لاطقك بجزمتي

الحين ..

أصيل "باستغراب " : شسووويت الحين ؟؟

ام اصيل : هذي البنت بتجيب لي السكر ... بنادي ابوك لو ماطلعتي ..

أصيل : من يوم سمعت سيرة ابووي وناا شهقت وماشافت غباري حتى ..

الحين بتصل على منوور هذي اخبار الدنيا كلها عندها خبركم ملقووفة العااايلة ...

دورت بقائمة البحث باسم ملقوفه .. وضغطت اوكي .. ردت علي منور بسرعه غير عن العاده .. بالعادة تلطعني

عشر مرات عشان اترد ..

منووور : واااااي .. اصوول بصوووتها و بحتهااا تتصل علي .. شتبين يالمسترجله ؟؟

أصيل "بقهر" الحين انا المسترجله .. يالعنزة الملقوووفه ...

منور"شهقت" : انا عنزة يا للي ماتستحين على وجهك .. هذا ونا اكبر عنك يالبقرة ..

أصيل : اذا انا بقرة فاسمحيلي اقول لك انك ثووووووووووووورة ..

منووور : قلبي وووجهك .. ززززين .. من متى فيه ثورة .. اللي ادري عنه ان فيه ثووور ..

أصيل :من يوم عرفتك ظهرت التوووورة .. انا الغبيه اللي اتصلت استفسر عالاخبار الجديدة ..

اخبر انك ملقوووفه والحين صااايرة ام لساااان

طوووويل ... اصلاا انتي لسانك من يومه طووويل و يبيله قص ..

منور " لفت انتباهها كلمة استفسر عن الاخبار الجديدة .. تصلح اللي سوااه لسانها" : افااااا عليك أصووول

الحين انا منور بنت عمتك ... تقولين عني كذاا .. ماهقيتهااا منك .. بس يالله عشانك غاليه بنت غالي بسكت عنك ..

أصيل " استغربت ,, تقلبها " : منور هذي انتي و لا استبدلوكي بمحرك قديم ..

منور" بوووريك بس بعد ماا اسمع الاخبار" : الا ماقلتي وش بتستفسرين عنه ؟؟

أصيل "بعفويه" : عن نجود .. عن منو يعني ؟؟

منور" مافهمت " : نجود ؟؟

أصيل : اففففف ايه نجود ووسالفو ملكتها يوم الخميس عى مااظن ..

منووور " انصدمت من الخبر .. حتى انها ما نطقت بحرف .. "

أصيل "بصوت عالي رجت فيه البيت عندهااا " : منووووووووووووووووووووووووووور وجعععععععععع ان

شاء الله مااتسمعين ..

منور : وجععععععععع يوجعك باذنك قولي ااامين ..

أصيل : باللي يكرهني ويغااار مني ..

منور : وليه ان شاء الله منو اللي بيغير من سحليه .. يالله بس عطيني مقفاااكي..

أصيل : صبري يالحماااااااااارة اوريك ..

منور " بتحر أصيل لانها تدري ان اصيل تموت بماجد وبمشاعل " : مادريتي ؟؟

أصيل " اشتغلت اللقافه " : وشووو ؟؟

منور : انا عند مجود من امس .. فاتك استااانسناا وااايد رحنا المجمع و شرينااا .. واكلنا من باسكن بعد لااا

و ازيدك من الشعر بيت تغدينا بعز الظهر بمطعم ....... عرفتيه ؟؟

أصيل " والغيره اشتغلت " : شسوووي لك يعني .. بالعافيه ..

منورر " بخبث" : اشتهيناك معنااا ..

أصيل " بفرحه " : اشتهيناك من اللي اشتهااني اكون معكم ..

منور : لا تفرحين انا و عيالي بسسس تمنيناك تكونين معنا ..

أصيل " بقهر " : زين ماخذيت منك لا حق و لا باااطل .. بااااااااي ..

منور : باااياات قلبي ..

قفلت من أصيل .. الحين نجود بتملك يوم الخميس وماعلمتني .. والله بتشوفين نجود ..

قمت و رحت لمشاعل اللي كانت مع العيال تلعب سوني ..

منور : شوووشووو ..

مشاعل مسويه لها اكبر طاااف ..

منور " بنرفزة " : مشااااااااااااعل .. قومي يالله و اتركي عنك لعب الصغاار يالله اشووف ..

ضيااء : لا اله الا الله الهين انتي ستبين منها هلها تلعب .. ( الحين انتي شتبين منها خلها تلعب ) .

منور : ضياااء سكر فمك لا احشيه ترااب ,, زين ..و انتي "تقصد مشاعل " تعالي بسرعه فيه موضوع مهم ..

مشاعل " قمت معها هذي منور كل يوم يتضح لي انها تشبه هالماجد "

منور " علمت مشاعل بكل شئ .. توقعت انها تكون معي لكن الاخت فرحانه ,, قهرتني .. لا وش تقول لو

اعرف ازغرط كان زغرطت .. ياااااااااااااي نجود بتتزوج ... منوررة خلينا نكلمهااا .. ابغى أكون اول وحدة ابارك

لهااا.. هذي البنت اشك عندها احساس ,, ما تنقهر ..

مشاعل " استغربت من منوور ليش زعلاانه " : منوورة .. ليش زعلاانه ..

منور : قلت لكي ان نجوود ما تحبني .. لاجل كذا ماعلمتني ..

مشاعل " بابتسامه " : منورة حبيبتي .. ترا كل واحد و عذره معه .. بقولك شئ .. يوم صارت ملكتي على

خالك ما علمت ولا وحدة من صديقاتي حتى بنات خالتي اللي هم اقرب الناس لي ما امداني اعلمهم ..

لي ظروفي .. بس هم مازعلوا مني بالعكس فرحوا لي و الدليل الحفله اللي شفتيها يوم الملكه ..

نبي نجود تفرح مو تزعل .. بعدين اشكري ربك علمتك متى الملكه يعني عندك وقت مو مثلي حتى الملكه ما علمتهم

بنات خالتي الله يعطيهم العافيه .. هم االلي تبنوا كل شئ عشان يفرحوني وفعلاا هذا اللي صار و فرحت ..

وهذا اللي لازم انتي اول وحده تسويه .. لانك الاقرب لهااا ..

منور " بحزن " : هذاك اول مب الحين ..

مشاعل : من قال .. منور حبيبتي لو صدق تحبينها بتسووين اللي يليق لها .. وانتي قلبك ابيض مثل نجود ..

يالله عاد اتصلي عليها خلينا نبارك لهااا .. ترااا .. " بحيا" .. اذا سمحتي بكلمها معك لان ماعندي جوال ..

منور : افااا عليك بزعل منك ترا .جوالي لك وقت اللي تبين ..

مشاعل : تسلمين ..

اتصلت على نجود وكلمتها اول شئ انا بعدي منور .. اللي تركتها تسولف مع خالتها و صديقتها

و اختها و خويتها نجود ...

رحت للمطبخ قررت اسوي ادام بامية باللحمه .. دخلت منوور فرحاانه ..

مشاعل " ابتسمت لهااا "

منووور : اتفقت اطلع لها القصيم بهاليومين .. اممم فكرت نشتري لها فستان انا و انتي وش قلتي ؟؟

مشاعل : طيب اللي تشووفيه ..

منور : وش تطبخين ؟؟

مشاعل : بصلح ادام بامية باللحمه ..

منور : شوشو مب ضروري .. بناكل حتى لو جبنه و خبز ..

مشاعل : منورة اليوم ماطبخت .. وبعدين نفسي اذوقك هي ..

منور " تطالع مشاعل و هي تقشر البصل و عيونها محمرة ومدمعه " : مشاعل انتي باقي

ماقطعتي البصل و دموعك اربع اربع ..

مشاعل : من قال اني بقطعهم بحطهم بفرامة البصل ..

منور : ليش انتي ماتقطعين البصل ..

مشاعل : ماقدر ..ا اكره ماااعلي البصل .. اصلاااا عندي انظف لك البيت و اطبخ و كل شئ الا اني اقطع بصل ..

منورة " باستفهام" : ليه ؟؟؟

مشاعل : ببساطه لان عيوني تألمني و مااشوف من كثر الدموووع ومن الالم اغمض عيوني ..

منور : اهاا .. وااايد رقيقه ..

مـــاجد : .....


&& مــــــــــــــــــــــــاجد &&

" قمت من النوووم وصليت طلعت اشرب ماي ,, شفت ضي و ضيا يلعبوون .. وسمعت كلاام منور و مشاعل

اما عن نجود فأدري بالموضوع من قبل انها انحطبت وتو جاني اتصال من ابووي ومن فهد ,, بس اللي ماكان

عندي علم به و هو ان مشاعل ماتحب تقطع البصل .. زين بنشوووف من اليوم بتقطعينه "

مـــاجد : وش تطبخين ؟؟

مشاعل : ادداام بامية باللحمه ..

ماجد : زين وش ذا الجهاز ؟؟

منور : جهاز يفرم البصل ..

ماجد : وليش ما بتقطعونه ؟؟

منور : لا ,, لان ...

قاطعهاا ماجد : سكتي محد كلمك .. سمعي ماااحب البصل مفروووم و مااكله الا وهو مقطع قطعه هالكبر " وهو

يأشر باصبعه كبر حبة الذرة"

مثل حبة الذرة ,, تسمعين .. ويالله اشوف بسرعه انا للحين ماتغديت ...

^^^

يتبع