&& منــــــــــــور &&
صحيت من نومي لاجل ضي هذا يصحى لي باخر الليل يبي ماي ..
حصلت ماجد تحت بالمطبخ ...
منور"باستغراب" : انت وش تسوي ترا شوي و بيأذن الصبح ..
ماجد " لا حوووول و لا قوة الا بالله هذي ربي مسلطها علي " : ....
منور "بشك ": ماجد شفيك صاير شئ ؟؟؟
ماجد " انا لو جلست دقيقه بعد بتكشفني,, احسن لي اطلع " : ....
منور " باستغراب هذا صابه شئ .. لاااا يكون تهاوش مع مشاعل .. هذا وراه ما يركد كل مااقربه منها يبعد باخلاقه
الخايسه .. خذيت كاس ماي ووديته لضي ونام .. بعدها رحت لما الصاله اللي بين حجرة ماجد و
نجود بروح اشوف ماجد شفيه الا قابلته بالصاله وهو ماسك سماعة التليفون يناظرها مدري شلوون ..
منور"بهدؤ " : ماجد وش تسوي بالسماعه من ساعه و انت تناظرهاا ؟؟
ماجد " افزعتني حسبي الله على عقلها " : وش بصلح باكلها يعني ...
منور " رفعت حاجب و حاجب لا ,, مثل ماجد " : مجود بلاك انت و مرتك ناوين عالتليفون هي و معذووورة
اختها و ما كلمتها من زمن بس انت وش تبي بالتليفون في هالوقت لا يكون عندك اخت بتكلمها بعد ؟؟ " قلتها بتريقه "
ماجد " اختهااا ... " : وش قلتي ؟؟؟
منور : لا والله عقلك مهوب معك .. اروح انام ابرك .. كنت بروح حجرتي الا مسكني من ذراعي
ماجد : وش قلتي تو ؟؟
منور : بلاك مجود ما قلت شئ ...
ماجد : قلتي اختها و ما كلمتها من زمن ؟؟؟ من هي ؟؟
منور : من يعني ؟؟ مشاعل كلمت اختهااا ..
ماجد : اختهاا ؟؟؟
منور : ايه اختها رواء و بنات خالتها على مااعتقد ..
ماجد : وانتي شدرااك ؟؟
منور : مب مصدقني .. جدتي ردت على التليفون و علمت مشاعل بعد ما طلعت انت من المجلس لكن شوشو ياعيني من
بعد ما تركتها انت وهي ذايبه و مانتبهت لكلام جدتي .. علمتني جدتي ان ناس يبونها عالتليفون سألتها من ؟؟ طبعاا
جدتي قالت لي مالك خص يا ملقوفه " و بابتسامة خبث " .. رحت لما التليفون و عرفت من و ناديتها لاجل تكلمهم ..
فهمت ..
قال لي ماجد : روحي حجرتك ..
منور : اول قل لي شلي صار و خلاك كذا .. ماتشوف شكلك شلون صار تو قبل شوي حليلك تهبل الحين ..
قطع كلامي "بصرامه " : طلعي حجرتك لا و الله اطلعك عليها و انتي بعكاااز يالله اشوووف ...
منور " طبعا رحت بدون نقاش اعرفه ان قال فقول و فعل .. ونا كلي فضول شلي غيره بعد ما كان مستانس ونا متأكده
ان مشاعل لها علاقه لانها الوحيده بهالوقت اللي قادرة تقلب ماجد " ..
&& مـــــــــــــــــاجــــــــــــــد &&
جلست عالكرسي .. و كفوفي تضم راسي .. شلي سويته .. من قبل لا ابني هدمت .. استعجلت و ظنيت فيهاا ..
يا و يلي .. وياويلي من حالي .. ما بتسامحني .. ظلمتهاا .. كله من ابليس لعنة الله عليه .. شكيت فيهااا
منيب قادر انسى كلامها يوم مرضت .. عقلي يقول لي انها تعرف واحد .. ليه يا ماجد ما تنسى ..
نسيت بس الشيطان الشيطان اعووذ بالله منه .. مالي وجه اعتذر منهاا .. جلست حول النص ساعه بعدين تشجعت
وقفت و رحت لها بتردد وصلت الحجرة و بارتجاف فتحت الباب ما حصلتها رحت لباب الحمام شفته مردود فتحته
ما حصلتها .. خفت .. اول مرة احس بشعور الخوف .. بعدين طالعت بالبلكون مسكر و خرت الستارة شوي حصلتها
جالسه عالكرسي و شعرها مبلوول وضامه رجلينها لصدرها و مسنده ذقنها على ركبهاا .. تطالع لبعيد ..
تذكرت يوم شفتها بالمزرعه .. احساس حلو خالجني ذاك الوقت يوم تكون بين يدينك لوحة سبحان من رسمهااا
و الاحلى بهاللوحه انها شفافه و رقيقه تجذبك تكون حاميهاا .. تخليك غصبن عنك الجدار المنيع اللي يحيطها و بنفس
الوقت تكون اقسى من عرفت هو انت ...********> فهمتم شئ انا لااا .. هعععععععععع ..
فتحت باب البلكون .. بهدؤ .. طالعتها وجانب وجهها مغطى بشعرها الطويل ..
مشاعل " كنت ادري انه هو ,, ليه فيه احد غيره بيطب علي وقت ما يبي الا اذا كان هو .. "
ماجد "قربت منها و جلست بالكرسي اللي بجنبهاا .. هني هي قامت ,, لهالدرجه مو طايقه وجودي لحقتها وهي داخل
الحجره مسكتها مع ذراعهاا .. "
مشاعل " قبض على ذراعي و حسيت بقبضته بقلبي ,, غمضت عيوني بحسره على حالي
شسويت بدنيتي عشان اتألم بدال المرة مرتين ,, ليه كل من احبه ما يبغاني .. يوم شفتك اليوم و شفت نظراتك
تلونت الدنيا بعيني بعد ما كانت ابيض و اسود .. صار لي امل بحياة جديدة معك .. قلت يمكن ليش لااا ..
يمكن حس فيني و بحبي له .. يمكن انغرم فيني .. بس لااا ماحبيتني قبل عشان تحبني الحين .. كنت و مازلت بنظرك
وحدة ما ربوها اهلها ,, الشك بدمك يا ماجد .. واذا انوجد الشك بطل الحب .. بعد فترة مهيب طويله تكلم بس ما خليته
يكمل كلامه ,, كفايه جروح وش بيقولي اكثر عن اللي قاله "
ماجد " منيب قادر اقول شئ كل اللي ابي اقوله بح .. طاار .. يااويلي منك بالاخير نطقت و ياليتني ما نطقت "
ماجد : انا .. انا اســـف مــاكــان قصــ ....
مشاعل " لفيت وجهي و جسمي كله له و طالعته قربت له اكثر و اكثر و قلت " : انت مو اسف ..
انت و لا شـــــــئ بدينيتي ,, و لا شـــــئ .. و لا شئ .. ظليت اكررها مو عشان ااكدها له لا كررتها عشان احفظهاا
و انفذهااا .. كررتها ااكدها لنفسي قبل لا ااكدها له .. ابتعدت عنه بهدؤ ونا ما زلت اكررها و اقولها بصوتي الى ان
وصلت للسرير و خذيت لي لحاف بدون مخدة و رحت لما الكنب ونمت عليه ونا جالسه لانه ما فيه بالحجر ة الا كنبتين
فرديه و غمضت عيني و نمت بسهوووله .. كالعاده لما تصيبني صدمه و لا مشكله هذي عادتي النوم عندي ابلغ طريقه
ماجد " ذبحتني كلمتهااا .. انا و لاشئ .. و لا شئ بالنسبه لهااا .. ونا الغبي اللي كنت تو بعترف لها بحبي .. لكن لحقت
نفسي ..
&& الساعه 10 الصباح &&
صحيت على طق الباب هذا صوت منيرة و اصيل .. ياويلي لو شافوني هنا نايمة وش بيقولون ...
منيرة : شوشو و الله لو ما تفتحين بندخل بعد لما 10 ...
1 ...
2 ...
3 ...
4 ...
مشاعل " ركضت بسرعه عالسرير و رميت نفسي عليه و تلحفت بالبطانيه غمضت عيوني بقوووة "
ماجد " سمعت اصوات و ماوعيت الا من هز السرير فتحت عيني الا احد بجنبي وما كان هالاحد الا هي ما غيرها مغمضه
عيونها .. لكن واضح عليها انها صاحية .. بغيت اقولها وش جابك عندي بس سمعت صوت منيرة تقول لاصيل ..
طلعي برااا لا يقووم ماجد و يبهدلنا ..
اصيل : اصلا هو شدراه ترا نومه ثقيل ..
منور : قسم بالله لو صحى ماجد بقوله انك انتي اللي صحيتيني و جبتيني هنا ..
أصيل : انزيين .. خلص علميه و الله انك جبانه .. شفيها يعني بشوف حبيبي ماجد شلون يوم يكون زوج .. حرام يعني ..
منيرة "بنص عين " : لا و الله احلفي .. والله انك غيرانه مني على سالفة مشاعل بالمنشفه يوم قصيتها عليك .. تموتين
و تكونين مكاني ادري فيك...
أصيل " بغيره " : من قال .. بعدين انتي بكل شئ تحشرين نفسك .. اصلاا انتي ملقوفه اما انا فلااا ..
منور : لا والله احلفي ... اجل وش تسوين الحين ؟؟؟
طبعا منيرة و أصيل جالسين يتهاوشون حسبالهم صوتهم رقيق و واطي ما دروا ان كل شئ قالوه مشاعل و ماجد
سمعوه ..
بس وش قالوا بعد ما قدروا ثنيناتهم يسمعونه لانهم تاهوا بنظرات بعض ....
مشاعل " لما سمعت كلامهم انقهرت من منيرة الدبااا تحكي عني و عن ماجد و اكيد اشاعات .. و الله لا ااوريها
فتحت عيني من القهر بقوووم و اعطيها على راسها بس يوم فتحت عيني شفت ماجد قدامي يطالعني بغيت اصرخ
بس ماجد سكر لي فمي بيدة .. هذا شدخله معي باللحاف .. شكلي يوم تلحفت غطيته معي ..
ماجد " من البدايه ونا اطالعها تهت بنظراتها .. حلو لحظة
اشوف عينها تايهة .. حلو لحظه اكون بقربها .. ما يفصلني عنها الا كم سنتيميتر ..
لكن سوالف منيرة و اصيل صحتني قسم بالله لاوريكن يابنات اخوي و اختي ..
صبروا علي .. و الخبله مشاعل كانت بتصرخ لو ما مسكت فمها و سكرته .. يعني و لا كلمة ..
و اسمع أصيل تقول : منور بالله عليك عمي حلووو و لا مشاعل احلى منه ؟؟؟
سؤال حيرني للحين ابي اعرف ..
منور : اصول سؤال اغبى من الغبيه اللي قدامي يالله اشووف طلعي لا يقوم علينا و الله لا يذبحنا .. بعدين ما حصلتي الا
راسه تتكلمين عنده ..
اصيل : ما بطلع الا اذا شفت شكلهم و هم بجنب بعض شلوون ..
منيرة : ياابنت استحي .. للحين ما تزوجتي وانتي صايعه لعنبو دارك هذا اللي تعلمتيه ..
أصيل " بهدؤ و درايه تشيل اللحاف عن مشاعل و ماجد ومنيرة يدها على فمها من الخوف "
ماجد " والله العظيم بغيت اقوم ساعتها و اطقهم طق ما قد خذوه بحياتهم لو ما مشاعل مسكتني مع يدي اللي قفلت فمها
فيه بهدؤ و حطت يدي على خصرها و ترجتني بعينها اسكت غمضت عينها ونا بعد و القهر فيني .. بتشوفون بربيكم و
اسنعكم و تقولون ماجد قال "
أصيل شالت اللحاف عن ووجههم لنص جسمهم .. البنت سرحت برومانسيه : منووور بالله من احلى ؟؟
منيرة تسحبهاا مع ذراعها : مشي معي الله يااخذك .. مشي ..
واصيل مب راضيه تخرج : اول شئ قولي لي من احلى ؟؟
منيرة " بصراحه " : مشاعل احلى مية مرة عن مجوود
أصيل " بدفاع " : بس عمي حبيبي وسيم و كل بنت تتمناه ياليت الاقي كوبي منه ..
منير" بطنازه وهم واصلين لعند الباب" : نفسي اعرف وش اللي مخليك مغرمه فيه و الله اذا عالشكل فيه الاحلى .. اما
عن الاخلاق فاسمحيلي .. و انقطعت اصواتهم لانهم خرجوا و سكروا الباب وراهم ..
مشاعل " افففف وش هالحر ... قمت من سدحتي بنفس الوقت انا و ماجد و خبط راسي براسه "
مشاعل "بالم ماسكة جبهتها " : اااوج .. ماتشوف انته ..
ماجد "بحدة " : غبيه ما تشوفين .. عمياء ...
مشاعل : لا تسب فااهم .. " طالعني بنظرة ,, هذا يبي يخوفني بس ما راح اخاف منك من بعد اليوم "
ماجد " تراددني الحمااارة " : سكتي احسن لك لا احط حرتي فيك ..
مشاعل " اقاوم خوفي منه " : هيه انت لا تصرخ .. على بالك منيرة و لا اصيل ...
ماجد " بغيض " : ضفي وووووجهك ...
مشاعل : انقـــــــــــــــــلعععععععععع ..
ماجد " فاتح عيونه عالاخر .. هذي صدق تقولي انقلع .. " : ما كفاك الطق اللي امس .. تبين يجيك منه و اكثر
عالصبح ..
مشاعل : شوووف تحسبني اخاف منك لما تمد يدك علي .. اصحى و فوق يا بابا ... انا مو بزر عندك كل شوي ماد يدك
علي .. والله اذا ما تعدلت ...
قاطعني ماجد "بعصبيه " : وش بتسوووين ؟؟ علميني ياست الحسن و الجمال ...
مشاعل " بتريقه " : ههه .. غصبن عنك حلوة و جميله بعد سمعت منور وش تقول .. انا احلى عنك
ماجد .. تركت الفراش و رحت عالحمام و سكرت الباب بقووة ..
مشاعل " قلبي يرجف بقوووة .. مسويه فيها قويه ونا من جنبهاا قسم بالله لو انه طول معي كان يمكن اعتذرت منه
انا ليش كذا .. متقلبه ما عمري حسيت نفسي مراهقه حتى بفترة مراهقتي الا يوم اكون معه ..
طلع من الحمام و دخلت بعده .. المهم سبقني لبرا الحجرة و نا بعده " جلست ويا البنات وعاد جلسوا يتريقون علي و
على حركة ماجد اللي امس ونا بقلبي لو تدروا وش الثمن اللي دفعته عشان هبال ولدكم الا كم كف يطيح الحيل .. " ..
&& نجـــود &&
نجود : مشاعل ..
مشاعل : هلااا قلبي ..
نجود : ما قالت لك شئ منيرة ؟؟؟
مشاعل " تذكرت سوالف منيرة و اصيل و هم عندنا بالحجرة حلفت لا اوريهم الاثنين " : لا و الله .. ليش فيه شئ لازم
تعلمني هو ؟؟
نجود " بتردد " : مدري ... بس امس قالت لي بتخبرني شئ و للحين ما خبرتني ..
مشاعل : و انتي ليش خايفه .. عادي يمكن شئ تافه ,, تدرين بمنور كل شئ عندها مهم ..
نجود " بعدم قناعه " : يمكن ..
أصيل : بناااات صباااياااا ..
مشاعل " بنص عين " : بناات بعينك ما غيرك البنت هنااا لااا و بزر بعد ...
اصيل : ليه ان شاء الله لا تكونون شباب ونا اخر من يعلم ..
مشاعل " ادقها بالكلام " لا حبيبتي اذا وجد الماء بطل التيمم " يعني منور" الملقوفه اذا موجودهكيد بتعلمك باخر الاخبار .. تحسب انها بتقهرك بها " حبيبت قلبي المااء
فهمتي علي انتي و هي ...
اصيل و منيرة "بخوف يطالعوا ببعض " : وش تقصدين ؟؟
مشاعل " ببرود " : سلامتكم و لا شئ " اصلااا ماجد مابيمررها بالساهل اعرفه خبره معه " ..
كملت مشاعل : ايوووة يااصول كملي ايش تبي؟؟
أصيل "رجعت لمرحها بسرعه و مو عارفه وش اللي ينتظرهاا " : امممم وش تعطوني لعلمتكم ؟؟
منيرة : تكلمي اصيل لان لو ما تكلمتي " وكأنها تهدد " . بعلم عليك " وتلعب بحواجبها " ..
مشاعل " بصوت مسموع " : لا اله الا الله .. ماابغى اعرف شئ ...
نجود : صدقتي مشي معي ...
أصيل تلحقهم : سمعوا بنصلح سباق بالبقي اللي لعمي ماجد و البقي اللي لعمي فهد
و عمي علي ...
نجود " معقدة حواجبها " : فهد مايقدر يسووق خبله انتي ..
اصيل : اففففففف .. سمعي للاخر .. عمي فهد ما بيسوق .. بس اخوك يا منيرة بيسوقه ..
شرااايكم ؟؟؟؟ " وبابتسامه عريضه قالتهاا " ..
منيرة : من علي بيسووق ؟؟
اصيل : ايه على ما اظن ..
كلهم استانسوا حتى نجود الا اناااا .. حسيت الدنيا بعيني ابيض و اسود ..
مشاعل : ماجد كمان بيسوووق ..
أصيل : اكيد اول واحد فينا هو .. لو تشوفين البقي حقه يهبببببببببل .. كووووووووووول
وهو اللي جاب الفكره بعد ..
مشاعل " بلعت ريقي .. لا يكون بيركبه " : لااا مو لازم يركبه ..
أصيل "باستغراب" ليه .. لا يكون تخافين عليه .. حبيبتي هذا عمي ماجد لا تخافين عليه ..
بتشووفين بيغلبهم كلهم .. وحنا معه لا تحاتينه ..
مشاعل : نحنا ؟؟؟ يعني احنا بنركب معاه ..
منيرة : ايه لان بقي ماجد ممكن يركب فيه 4 اشخاص و ماجد منهم ..يعني انا و انتي و نجود و ماجد ..
أصيل : لا و الله احلفي مااالي خص انا بركب بعد ..
نجود : خلص ركبي انا مب راكبه الا مع علي اخوي ..
مشاعل " كنت برفض بس مدري ليه خفت على ماجد " : متى السباق ؟؟
أصيل بعد صلاة العصر لان بعد المغرب بنحرك عالشرقيه .. وماجد عالرياض ...
مشاعل : متى يأذن الجمعه ؟؟
نجود : شوووي ..
طبعا الكل راح يتوضأ و يقرأ سورة الكهف .. وماجد ما عاد شفته من يوم خرج للحين .. المهم جتني نجود تقول لي ان
ماجد اتصل و قالها اجهز نفسي و شنطتي لاننا بنروح عالمزرعه قبل و بعدها عالرياض ..
مشاعل : ان شاء الله و رحت جهزت شنطتي و رتبت الحجرة و خلصت لبست عباتي و جلست .. ويا منور و اصيل
و نجود طبعا الصغار عيال منيرة و اخوان اصيل كلهم براا يلعبون ...
جاء لنجود اتصال بعدها قفلت .. وتقول : بنات مشاعل و منيرة و اصيل ماجد برا ينتظركن ..
منيرة " استغربت ماجد يبيني انا و اصيل ليه من زود المحبه يعني . هذا وراه سالفه و لا اصيل هبله فرحاانه
الله يستر منك .. انت خالي ونا تربيتك افهمك "
طبعاا ركبيت مشاعل قدام و منيرة وراها و اصيل و راء ماجد .. روحنا عالمزرعه و كل واحد فيهم بيطلع البقي
تبعه .. البقي حق ماجد يوم ناظرته ابتسمت ونا اطالعه .. لونه احمر و فيه رسومااات نار مشتعله و لهب باللون الاصفر
و الاورنج و عليه احرف مو مفهووومة بعدين يوم دققت فيها احرف انجليزيه .. شي نصه طالع من النار و نصه بداخل
النار .. حاولت اربط الاحرف ببعض .. احرف I ,, g ,, a ,, r ,, m ,, d ,, e ... وش قصده من هالحروف ؟؟
وش معناتهااا .. لو انه يقصد كلمه بحد ذاتها كان كتب الكلمة كامله و بوضوح .. معقووله تكون عششوائية ..
حاولت اركبها ببعض .. ما عرفت ..اصلا الجو ما يساعد .. ركبنا كلنا ونا بجنب ماجد و هم ورانااا .. بس هالمرة منيرة
وراء ماجد و اصيل وراي ربطنا الاحزمه .. ونا بصراحه ما بغيت اركب .. بس شئ بداخلي اصر اني اركب ..
ياليتني مار كبت الله لا يوريكم و لا العاب الشلال اللي بجدة كذا .. حسبي الله عالشيطان وش اقولكم دور راسي و احس شوي و كل
اللي اكلته بيطلع .. ما قدرت اتحمل ونا اتخبط يمين و يسار و لا سرعه السواقه جابت لي هبوووط .. ياويلي ..
اصيل و منور يصارخون ونااا اصلااا ما قدرت غير اني اتشهد .. والله سفينه نوح عندنا بالملااهي ارجل من ذا البقي
ومن غير مااحس طلعت كل اللي اكلته ..
ماجد " استمتعت وهم يصارخون حبيت انتقم منهم ومن سوالفهم الصبح و ما في احلى عن هالحركه بعدين بتفاهم معهم
شلون يبطلون هالفضووول و اللقافه ..
و لا مشاعل حليلها خايفه .. وش تقول هه تحسبني اخاف منك .. الحين اشوفها ميته خوووف ونا بعد اللي خوفتهااا
خلهاا تتادب .. بوريك ياقلبي شلووون بخليك تخافين مني و تحبيني بعد .. ماابقى انا ماجد ولد الــ... اذا ما خليتيك
تموتين فيني و بظلي بعد ... ونا بقمة استمتاعي خربت علي الهبله مشاعل وي تطلع كل اللي اكلته بالبقي حقي ..
بعصبيه وقفت فجأة : الله ياااااخذك و يريحني منك .. مالقيتي الا هالمكان تستفرغين فيه يامال الفقر ..
مشاعل " مو فايقه له ابد مسكت راسي و لساتني فيني لعبان مو طبيعي .. " : ...
ماجد " بصراخ " : طلعي براااااااااااااا ..
طبعاا منيرة جت بتساعدها قمت هزئتها و قلت لها لو اشوفها تتدخل باللي مالها لا اخليها تندم على هاليوم ..
طبعاا سكوت حل على الكل لان ماجد ان عصب اتحدى احد يقول شئ غير جدي هو الوحيد الللي يقدر عليه بس احد
ثاااني اتحدى ..
أصيل طبعااا " حرمت اركب ويا ماجد .. يخررع .. " : ..........
طلع ماجد و خرج مشاعل برا البقي .. وجاب لها مناديل ... مسكينه مشاعل جاها صداع رهيب لدرجه ماسكه راسها من
اول .. بالاخير فكت غطوتها و هنا ماجد جنيته ثارت .. قرب منها و شال الغطاء و غطى وجهها كامل
ماجد : انتي ما تستحين .. لو المكان خالي كان ماالومتك بس شوفي شلووون كل اخواني واولاد اخواني و خواتي هناا و
كلهم كبري و اكبر بعد عني .. انتي مااملي عينك انااا .. بجنبك وجالسه تتشخلعين ..
مشاعل " صرخت عليه و بالم بعد .. يمكن اول مرة اصرخ على احد بس خارج عن ارادتي " : بـــــــــــــــــــــس ..
اسكت .. تعبت منك و من شكك ومن تجريحك ياابن الناس ما تخاف الله فيني .. ارحمني و اللي يرحم اهلك
دااايخه و انت مو حاس فيني .. اذا مو طايقني و كارهني عاادي ما الومك .. اعتبريني عابر سبيل .. وحدة من ذوول اللي
بالشوارع و ارحمني ,, انا ادري انك بالعاني تلف و دور بهالبقي و ترفع العجل و تنزله كله عشان اتخرع .. صح ..
انت بتجنني .. ارحم من في الارض يرحمك من في السمااااااء ..
ماجد " حز بقلبي كلامها بس اللي وترني انها ترفع صوتها علي " : اهلك ما عرفوا يربونك ياقليلة ..
مشاعل رفعت يدي بعطيه كف بس هو مسك يديني كلها و كأنه عارف وش ناويه عليه ماجد قال: مو كل مرة تسلم الجرة ..
اذا سكت لك مرة فهذا بكيفي .. لو ما تعدلتي يا مشاعل بتشوفين وش بصلح معك ... و مشيت من عندها داير
وجهي وقفني كلامها ..
مشاعل : وش بتسوي يعني اقل شئ بتضربني و اكثرها بتطلقني و بكل الحالتين ما هميتني ,, صلح اللي
تبي .. وجودك زي عدمك .. ومشيت برجلي لبيت المزرعه و قف لي بالطريق علي اخو ماجد و ركبت بجنب نجود
و رجعنا لما البيت وغلست يديني ووجهي و غيرت ملابسي ..
رحت لما الشرفه اللي براا اطالع الجميع .. لفت انتباهي كلام بابا بو فهد مع اخته حفصه ..
حفصه : للحين تذكره يابو فهد ..
بو فهد " بحزن ": شلون انساه و هو عندي و اسمه يصاحب اسمي و ما ينادوني الا بو فهد ..
حفصه " يااخوي اللي صار صار و كل شئ مكتووب ..
بو فهد : ادري ياوخيتي كل شئ مقدر و مكتوب .. بس فهد كان امانة الغالي قبل لا يموت وصاني فيه
و انا وش سوويت ما حافظت عليه .. كله بسبتي لو اني ما غصبته كان ما صار اللي صار ..
حفصه : تعووذ من ابليس يااخوي .. انت رجل مؤمن ما يجووز تقول هالكلام ..
بو فهد : وانا مااقوله لاحد الا لك ياختي عسى الله يرحمه و يدخله فسيح جناته .. وعساه مات مسامحني ..
هو و ابوووي ..
مشاعل " انصدمت من كلامهم الاثنين .. من اللي مات و من اللي انغصب و من اللي وصى ؟؟؟
طيف اسئله جديدة لعالم الغمووض عالمي عالم مشاعل ...
اذن المغرب و تحركنا انا و ماجد و فهد عيي ينزل معنا
لانه بينزل مع سعوود و منيرة ..
طول الطريق و السكوت حل بيناا ونا راسي يفسر كلام بو فهد فيه سر ابي افهمه ابو فهد يحب الناس ينادونه باسم بو
فهد مع ان حمدان ولده الكبير .. وش قصده عمي بو فهد ان فهد امانة الغالي ..؟؟؟ من هو الغالي ؟؟
وش اللي وصاه عليه و ابو فهد ما نفذ وصيته ؟؟؟ طيب .. ياااربي مو فاهمة شئ ..
خطرت لي فكره ... معقوووله " شهقت بصوتي بدون مااحس اني قلتهاا " معقوووله فهد ما يكون ولده
لاااااا مستحيل ..
ماجد " شهقت فجأه اتخرعت يمكن صابها شئ .. " : شفييك ؟؟؟
مشاعل " اكبر طاااف .. طنشته و لا رديت عليه "
ماجد " صدق غبي ولا هذي وجه احد يسأل عنهاا " : ........
وصلنا البيت عالساعه 11 ونص وشرى ماجد عشى بالطريق وصلنا البيت و تعشينا كالعادة كل واحد نام بحجرة
وكأنك يابو زيد ما غزيت ..
<<<<< ياااربي متى تعقلوون ثنيناتكم كرهتوا القراااء فيني كل يوم هواااش زااد الجفاا على قول بعض النااس ما صار
مجوود .. زووودتهااا ..
&& شيـــــــــــــخـــــه &&
رواء : ليش قفلتي .. كنت بكلمهااا ...
شيخه " شكله زوجهااا ,, انا حاسه ان مشاعل مو مرتاحه .. ليش زوجهاا اخذ السماعه منهاا و صرخ .. من خوفي
قفلت السماعه .. الله يستر لا يكون لخبط الدنيااا " : خلص رواااء ..
رواء : ايش اللي خلاص .. طيب ما قلتي لي جايه بكرا و لا لااء ؟؟
شيخه " كلهم اترقبوني اقول شئ " : ماا اعتقد ..
رواء "بخيبة امل " : توقعت .. يالله بروح البيت .. باي ..
شيخه :" ياترى يا مشاعل كيف حياتك و انتي بعيدة مبسوطه و لا لااء .. قلبي يقول لي الفرح فين و انتي فين "
صباح اليوم الثاني عالساعه 11ونص صحيت وتجهزت
وصارت ملكتي بعد ما رجع اخوي من المسجد بالبيت .. حسيت بالحزن محد جنبي يحسسني ببفرحة كل بنت تتمناها
الا بدمعتي على خدي تشكي .. مااشوف الا دانه حاضنتني من وراي و تبكي ..
دانه " وهي تبكي " : سامحيني ... سامحيني ياااغلى الناااس .. ظلمت مشاعل قبلك و دحين انتي .. بدال لا اوقف جنبك
تركتك لو حدك .. حضنا بعض بقووة .. بعدين دعت لي دانه بالتوفيق و صارت الملكه بالبيت طبعاا بدون حفل و لا
يحزنون .. جاء العريس و اهله بعد المغرب على فكره اسمه طلال وكان بالحجرة ودخلت ونا مو قادرة مستحيه مرررة بس اخوويا
عمر دخلني غصب ..
طبعااا .. هو صح شافني قبل بس اليوم احس اني خابفه اكثر من اول يارب ما يكون اتسرعت .. دخلت و نا عيني
بالارض .. جلست على اقرب كنب جنبي .. حتى ما سلمت و لا قلت شئ ..
عمر : لا اله الا الله .. دحين هذا اللي ربي قدرك عليه و الله من جدك هبله .. يابنت الحلال زوجك هذا يالله اشوف روحي
جنبه ..
شيخه لا حياة لمن تنادي ... : ......
طلال " اشرت لعمر يطلع وطلع .. وقربت لهاا " ...
شفت رجلين تقرب لعندي و الثوب الابيض واااضح .. عرفت انه هووو ...
طلال " قربت جنبهااا وجلست بنفس الكنبه وشفت يدهاا ترجف و كل شوي تمسك يدها بيدها الثانيه و تشبكها بعصبيه
طلال : حراام عليك شيوووخي ترا يدك بتتقطع كذا .. ارحميها اذا موو عشانك فعشااني تراا احتاجهااا .. من بيأكلني ..
شيخه " قهرني ليه خدامة ابووه ونا مدري قاطعته " : ليه ان شاء الله ااكلك لا يكون تزوجتني عشان اطبخ و اكنس
و...
طلال " رفع حواجبه ,, ايشبها هذي داخله بالعرض تتمشكل هذا وهذي اول مرة اتكلم معاها و هي كذا
بعذرها يمكن لانها متوترة "
طلال " جلست عالارض على ركبي و مسكت يدينها وضميتهم بيديني " : هاليد ابيها بس عشان ابوسها و اتسند عليهااا
هاليد ابغاها تداعبني و تحسسني بحنانك كانثى ما قصدت اني اجرحك او ااخدمك .. لا و الله بس حبيت امزح معك يعني
اخفف دمي " وكأني مستحي احك جبهتي "" تدرين بصراحه هذي اول مرة اكلم بنت فيهااا ,, ادري بتقولين
كل الرجال يقولون كذاا بس انا طلال غير مااحب سوالف البنات و الخرابيط هذي ,, الله يعينك و استري ما واجهتي لانك
بتشوفين غلاضتي بما اني رجال فانا من الجنس الخشن بحاول اتنعم .. "
شيخه " بدون وعي مني " : ههههههههههههههههه .... هههههههههههههه
طالعني طلال بطريقه حلوة حسيت ا ني استحيت و قلبي مدري شصار له بس من نظره وحده من طلال ..
بعدين ظل يناظرني ونا بداخلي الله ياخذك ياشيخه مرة يعني من حلات هرجه تضحكي انتي و شكلك ..
استغفر الله ..
طلب مني رقمي .. قلت بعاند و ماراح اعطيه بس يوم جت عيني بعينه ما قدرت اقول لااا ..
اكيد جتني عين و لا انااا قويه ايش صار دحين معاايااا .. <<< هذول البنات كذا مايحطوا اللوم على نفسهم لاا يقولوا جاني
عين ..
و بدءت شيوخ حياة جديدة يتصل عليها طلال .. بكل وقت الصباح هي تصحيه عالدوام و بعد ما يرجع من الدوام يكلمها
الى ان ينام .. و بالليل قبل لا ينام كمان يكلمهاا .. و يعزمها بمطعم و يتعشووااا .. وكل يوم و هو بالدوام يرسلها رسايل
حب و غرام و شوق و لهفه .. طبعاا شيخه حست ان ربنا ارسل لها طلال يعوض لها عن فقدان مشاعل مو بس تعويض
الا طلال استحل مكانة بقلبهاا اكثر مما اتصورته هي .. هالانسان الغريب صار اقرب لها من حبل الوريد على قولة شعوله
حبيبتي ..
يعنـــي حياة شيخه تمـــــــــام التمـــــام ..
&& دانــــــــــــــــــــــه &&
مليت الوحدة .. تصدقوون كل يوم اطلع مع السواااق لكوفي شوب و بالحالي اصلاا هو فيه احد بالبيت عشان يمنعني
اخويااا مو فاااضي لي يااادوب لدراسته و لاصحابه ..وامي طبعاا سفره جديدة وابوي بالشغل ,, ونا مليت بالنهايه تعرفت
بالجامعه على بنات اتواعد معهم نطلع يا عالبحر ياعلى كوفي شوب حتى المعسل تعلمت عليه اصلاا ما فيه رقابه علي
عادي يعني ايش بيصير لو عسلت شوي بالبدايه كنت اكح و مااطيق بس دحين صاايره مدمنه عالمعسل شئ عجييييب ..
يمخمخ الراس مخمخه رهيبه .. لا يروح بالكم لبعيد انا لا اخرج مع شباب و لا اتعاطى مخدرات و لا حتى امشي مشي
بطال .. بس اللي اسويه اني اروح للجامعه و اذاكر وقت الامتحان و اكون بالبيت ان بغاني بابا و لا نادتني ماما و اذا
مليت اطلع و اتونس مع صديقاتي .. رغم كذاا ما عمري حسيت بالراحه اللي قبل ... ههه .. شيخه ضايعه بحب زوجهااا
اذكر اتصلت عليها ابغاها تطلع معايا و لا حتى اجيها البيت تدرون ايش قالت لي: دانه حبيبتي طلال جي اليوم مااقدر اقعد
معاكي اليوم خليها بكراا ..
دانه "ماانكر اني انقهرت بس قلت ما عليه بتحمل لبكرا .. ولما كلمتها على اساس امر عليها
اشوووف فين بنروح اليوم "
تدري ايش قالت لي .. : دانه طلال عزمني اليوم و ماقدر اطلع معاكي لكن اوعدك بطلع
المرة الجايه .. يومتها عصبت كسرت كل غرفتي من القهر .. صرخت باعلى صوتي
دانه : مـــــــــــــــــــــــــــشـــــــــــــــــــــ ــــــــــــــــــــاااااااااااااااااااااااااااااا اااااااعــــــــــــــــــــــــــل ...
وووووووووووووينك ..
حرااااااااااااااااااااام ...
بكيت قهر ,, بكيت حالي ,, مشاعل كانت تقول لي دانه ليش ما تدخلي التحفيظ معايا و الله بتنبسطي ..
و ربي بيطمن قلبك .. و بترتاحي ..
دانه : طيب انا اسمع اغاني و ..
قاطعتني مشاعل : ادري ونا زيك مو معصومه من الخطأ بس سبحان الله كل مازاد ذكرك لربك ربي بيذكرك عنده
صدقيني بالنهاية ربي غفور رحيم ..
دانه " ما رديت على مشاعل وقتها لاني ظنيت دام مشاعل معايا خلص انا مطمنه ,, بس دحين لا ام و لا اب و لا اخت و
لا اخ و لامشاعل و لا شيخه .. ليش مااسمع كلامها و اروح التحفيظ ليش مااجرب بنفسي ..
فعلا رحت لنفس التحفيظ اللي مشاعل راحته و سجلت بتستغربوا حالي كيف اروح لوحدي ونا اللي ما تعودت اروح مكان
لحالي بقولكم الفترة الاخيرة من قبل لا تتزوج شيخه ونا صرت لحالي اروح و اجي و زادت طلعاتي للمطاعم لحالي
و هذي معصيه رغم ان نيتي هي الاكل و لا الوناسه .. طيب مااقدر اروح لحالي لمكان مقدس .. لمسجد احفظ فيه القران
سجلت و بدءت اول يوم لي .. هذا كله و ما علمت احد اصلاا من بيسأل عني عشان اخبره .. سهاااله ..
هذي انا دانه احب اكون جزء من مشاعل .. و عشان كذاا وافقت اكون حدث من احداث القصه رغم اني مااحس اني فرد
مهم فيها بس جلاديولاس تقول انتي اهم من في القصه لانك دلوعة مشاعل وهذا يكفي .. احب كل من يحب مشاعل و
يدعي لهاااا .. اختكم دانـــــــــه ..
&& نجـــــود &&
منيرة راحت و لا علمتني عن اللي صار ... ياربي بتم كذا لا ادري وش اللي صار ؟؟ نفسي اعرف فيصل جاء و لا لاء و
ان جاء وش شعوره يوم درى عن ملكتي .. ونا ليه يهمني شعوره بالطقاق هو وشعوره يعني ميت فيني و بيموت علي
لو كان يحبني كان ما تزوج و تركني انتظره سنين ...
بتصل عليها باكر و اشوف شتبي مني منور ...
حطيت راسي عالمخده الى ان جاني النوم .. ونمت ..
ماجد " اليوم السبت و دوام و طبعا كالعاده قمت و توضيت و رحت لما المسجد صليت رجعت البيت حطيت راسي و قمت و
لبست ثوبي و شماغي و رحت الدوام .. وقضيت يومي و رجعت البيت كالعاده بعد العصر ..
مر يومين ونا على هالحال بس اول ماارجع البيت ارتاح شووي و ارجع البس و اطلع بعد المغرب مع سالم للمخيم ..
وياالشباب نتقابل هناك وخصوصاا بعد ما رجع فيصل يعني استانس بس يوم اطلع من المخيم احس الهموم ترجع لي
رن جوالي وكانت منيرة المتصله صدق انقهرت منها يوم كنا بالقصيم بس هذا منور غاليه عندي ماا اتحمل بعدهاا
احس الحياة مالها معنى .. رديت : هلااا ..
منور : اشتقت لك قلت اتصل عليك ..
ماجد " بابتسامه ,, ماتشوفها " : زين عطيني من الاخر شتبين ؟؟
منور" بضحكه " : حبيبي انت اللي تفهمني .. بغيت مشاعل ..
ماجد : مشاعل بالبيت ونا برا ..
منور " بتردد " : ماجد ماحب اتدخل بحياتك بسس..
ماجد يقاطعهاا : منور انتي تدخلتي وبس الا تدخلتي و نص ..
منور : ما فهمت علي ..
ماجد : وش بعد ؟؟
منور : ليه ما تشتري لمشاعل جوال .. شو ف انا ادري انك قادر تجيب لها الماس مهوب قاصرك شئ "بتردد ثاني " بسس ,,
ترا مشاعل خاطرها تكلم اهلها ..
ماجد "باهتمام " : هي شكت لك ؟؟
منور : لاا بس واااضح عليهااا ..
ماجد : شلوون ؟؟
منور : ليلة اتصال اهلها علمتها ان اختها عالتليفوون طارت و الفرحه ماليه عينها ,, عمري ماشفتها فرحانه من يوم
تزوجتك الا ذيك اللحظه .. حتى ان عيني دمعت ...
ماجد " ظليت ساكت ما عندي كلام اقوله " ..
منور " تغير السالفه " : نسيتني وش بغيت منك .. ايه تذكرت .. مجووود حبيبي خالي الغالي ..
ماجد "رفع حاجبه اليسار " : خير تكلمي ...
منور : بروح الكوافير باكر وبااخذ معي مشاعل ؟؟؟ تكفى خالي طلبتك ما تردني اخااف يخربون شعري ابيها تكون معي ..
ماجد : متى ؟؟
منور : بعد العصر ..
ماجد : وراي دوام و ماارجع الا بعد العصر بكون تعبان مااقدر اوصلكم ..
منور : خلص عيل بمر عليها مع سعوود ..
ماجد " بتفكير " : زين ..
منور " بتردد " : شئ ثاني ..
ماجد : اووووووف عطيتك وجه ما تلاحظين ..
منور " بمصلحه " : بنرووح السوق بعد ..
ماجد "يتمالك نفسه " : منور ذلفي الحين لا تعكرين مزاجي توني مرووق مع الشباب ..
منور "بجرأه " : انت لمتى بتظل كذا ؟؟؟ حياتك معفوسه فوق تحت .. ادري انك تحبهاا ..
و يمكن لو فيه اكثر من الحب كان قلته .. اقلها خرجها مطاعم منتزهات ..حسسها بحبك .. ترا يا ماجد المرأة ما تبي من
زوجها غير الامن و الامان و اذا عالحنان بتعطيك هي .. حاول مابتخسر شئ .. لا تسجنها بالبيت هي شسووت لك
يعني يرضيك زوجتك لها فوق الشهر بالرياض و ما تعرف شئ بهاا .. واذا بتسألني شدراني عنها ؟..
بقولك هي ما علمتني شئ .. بس يوم اخذتها السوق مررة وحدة و اخذنا فهد المطعم عرفت انك ما خذيتها و لا مكان
لان هالمطعم داايم تروحه انت مو معقوله ما تاخذها له وهي ما عرفت المطعم و لا تعرف شئ بالرياض .. يااخالي افهمني .. انت على علم بحبي لك واني ما اتمنى لك الا
الخير .. خف شووي عليهاا اخاف بيوم تترك لك البيت باللي فيه ..
ماجد " خفت من كلام منور شلون يعني بتتركني " : خير بشوف و بكلمك .. فمان الله ..
منور : فداعته و حفظه ..
ماجد " استأذنت من الشباب و طلعت السيارة و شريت عشاء لمشاعل و لي قلت بجلس اليوم معها اخاف اللي قالته
منور صدق و تتركني .. وصلت البيت وطلعت عالشقه ونا ناوي اكلمها اليوم ان شاء الله نتفاهم بحياتنا ..
دخلت الشقه و رحت لحجرتها خذيت نفس و دخلت و ياليتني ما دخلت .. ياليت ما تعمر بيت يابو نوااف ..
&& فهد &&
فهد :عظم الله اجرك يااخوي ..
فيصل : اجرنا و اجرك ..
فهد : ما علمتني ونا اخووك ... شلي صار عليك و شلون توفى سعد ؟؟
فيصل : شلون اعلمك ونا كنت ضحيه مثل اخووي الله يرحمه ...
فهد " باستفهام و تركيز " : ما فهمت .. ضحية انت و اخوك .. ضحيه من ؟؟؟
فيصـــل : ضحيـــة اولاد الحــ ...... ..
فهد " بضيق" : شلي صار .. تكلم ..
فيصل : السالفه و ما فيهااا ...
....
...
..
.....
...
اللي ما يدرون عنه فهد و فيصل ان فيه اذان ثانيه تسمع للحوار اللي دار بينهم و تسمعه بوضوح تام
وبكل حدث سمعته الملامح تتغير و العيون مصدومه ...
.... : كل هذا صار لك .. صار لك يافيصل ..
^^^
^^^
^^^
^^^
^^^
^^^
^^^
وش اللي صار مع فيصل ؟؟؟
واذا تزوج وين هي زوجته ؟؟
زين اخووه شلوون ماات ؟؟
اممم وش قصدة بو فهد يوم كلم اخته حفصه .. عن فهد و وصية و امانة الغالي من يقصد ؟؟