الحلقة الرابعه و الثلاثون :

" حـــــــــــــــ أسطوري ــــــــــــب "


هـذي عيونـي قبـل لاقـول ../ جاتـك
تبكي المسافة / والصبـح / وامنياتـي ..

يالهف حال اللـي .. حيابـك ! وماتـك !
فرقاك .. كلمة / مختصرها : .. مماتي ..!

ياقـو قلبـك .. لاا .! ...... يـاقـو ذاتــك
من غاب طيفك .. والحصيلة : رفاتـي ..!



&& مـــــــــاجــــــــد &&
عقبك الدنيا عساها ما تكون ...

واشحلاها غير شوفك يا غرااام..

يشهد الله مسكنك وسط العيون ...

وانك اول من صحي فيها ونام..

لو تبي من عمري ايامه تموون ...

فدوتك عمري ولا فيها كلام..

مالي خلق ارد البيت .. بدونهاا الحياة مالها طعم .. كله مني لو اني تحكمت باعصابي
كان ماصار اللي صار .. حبكت يعني هالطريقه .. ليه دايم بدال لا اقربها مني ابعدهاا ..
ابي الزين اقوم اصلح الشين .. مليت من نفسي و حالي ,, حتى اخلاقي صايرة شينه ..
لو ما ذاك اليوم المشؤم .. كفايه بعدهاا و هي قريبه و اني ما عدت اتحمل قربهاا بداخلي
الف احساس و امنيه اني المسهاا اضمهاا .. احس بكييانهااا .. دخلت عليها حجرتهاا بعد ما قفلت مع منور
وتركت الشباب و جيتها .. شفتها وهي شلون تشيل روب الحمام عنهاا بعد الشور اللي خذته , وجالسه تتدهن من
العطر و الدهن و المرطب .. اغراء .. فتنه .. ايه فتني كل شئ فيهااا جمالها سحر يجذبني لهاا .. صوتهاا
يحسسني وش كثر تحمل من حنان .. و اخلاقها مع الكل باستثنائي مابه مثلهاااا .. و الحين جسدها كأنها ملكان,, عارضة
ازياء ما ابالغ .. فتني و اغراني ,,انا رجال يا نااس احس لو ما حسيت ما اكون انسان ..
وهي ما غير تعاندني .. تعاند رجولتي .. كنت بخوفهاا بس عشان تعرف اني الرجال اللي ينسمع كلمته ,, قسم بالله
ماانويت ابد اعاملهاا هالمعامله حتى وانا باشد عصبيتي ,, يمكن لاني بغيت المسها باي طريقه حتى لو بالقوة بس
مستحيل اخذ منها شئ وان كان حق من حقوقي بالعنف .. اذا يوم خبرتني انها مهي بمسؤله عن اكلي و شربي و ثيابي
ما ناقشتهاا وسكت اجي الحين اخذ اعز شئ لها,, و الحين وقت اللي حبيتهاا اقوم اخذ منها شئ غالي بهالطريق لااا
مهوب ماجد اللي يسويهاا ..
ما دريت ان بيصير هذا كله .. ظلت تخاف مني و كل مااقرب منها تنفر مني و احس بجسمها يبدء يتشنج .. ما تطيق
تشوفني حاولت اهديها بعد ذاك اليوم بس هي ما تبيني .. ماااقدرت اشوفها تتعذب بشوفتي
الى ان جاء يوم و قالت لي : طلقني ماابيك .. طلقني ..
حياتي صعبت اكثر .. جلسنااا حوال الثلاث اسابيع .. على هالحال الى ان اخذتها عند هلي بالقصيم تغير جو و يوم رجعتنا
الرياض عيت ترجع معي .. ما رضيت اتركهاا,, من يراعيهاا ,, اناا مااعرف اجلس بدونهااا وان ما كانت تطيقني بس
همبعد ابيهاا .. تعبت يومهاا و طلبت امي مني اتركها عندهم و يوم تطيب اجي و اخذهاا سكت عالموضوع لانها جد
تعبانه ,, غير خوفي لا تنطق قدام امي و لا ابوي انها تبي الطلاق .. بيوقفون معها .. ونا لو امووت ما اطلقك شعوله ..
تركتها اسبوع و الله لو ما الشغل و الشفتات اللي ما خلتني اكون عندها لكن بالاسبوع الثاني رحت لهاا ونا كلي
شوق و غرام لهاا ..
شفتها هي و نجود جالسين بالساحه و ابوي و فهد على الحصان يدخلون المضمار .. شكلهم بيتسابقون .. قربت منهم
بدون ما يحسون .. كانت مستانسه..
نجود : شعوله من بتشجعين ؟؟ انا بشجع ابوووي و انتي ؟؟؟
مشاعل : انا اشجع بابا ,, خذي فهد انتي ونا بابا .. اتفقناا ..
نجود " بعناد " : لااااا انا ابووي و انتي فهد ..
ماجد " عاد هنا طق كبدي من نجود ,, بكيفها هو .. قال خذي فهد " ..
بعدين جاء ابوي وقرب بجنبهم نجود مسكت الحصان من راسه تمسد عليه و مشاعل بعدت عنه .. ضحكوا نجود و ابوي
عليهاا ..
نجود : شعوله ما بيأذيك .. تعالي ..
مشاعل : لااا .. اللي تظنينه قريب و ما بيأذيك هو اللي لزوم تخافين منه ..
الجميع استغرب كلامهاا اللي كان واضح من عيونها الباينه من لثمتها كأنها تقصد شئ ما حبيت اظهر لهم عشان لا
يشكون بشئ ,, بس كلامها حز بخاطري ,,ظليت بمكاني اراقبهم .. شفت شلون يوم تضحك مشاعل قمرر ياناس تهببل ..
يا حبيلك .. ضحكتهااا تلمس اطراف قلبي و تلعب به ..
بالنهايه فاز فهد على ابوووي .. وهنا مشاعل : هيييييييييييييييييييي نحنا فوزنااااااااااا .. هههههه ..
نجود : لا و الله اشوفك مستانسه يعني مب كأن انتي اللي قلتي انك تبين ابوي ترااا لو مااناا قلت لك خذي فهد كان
الحين حنا الفايزين بس خفت لا ينكسر خاطرك ..
مشاعل " بضحكه " : لا و الله فيكي الخير ياقلبي .. كللك ذوووق .. فين اودي جمايلك اللي مغرقتني ..
قرب فهد لهم : كأني سمعت اسمي ؟؟
نجود "بسرعه علمته وش اللي قالته "
مشاعل " مفتشله من فهد و قالت بصوتها الرقيق وهي متلعثمة " : فهد .. والله ما اقصد ..
بس قلت .. يعني بابا ..
فهد " يضحك " : شفيك ماابكلك تراا .. ماعليك تمونين مرة اخووي ..
كرت ماجد "صحيح اني تضايقت من وقفتها مع فهد لكن استانست على وناستها و ضحكهاا .. شعولتي رقيقه و حلوة
و خفيفة دم و سهلة المعشر الا معي وهناا وناستي راحت هبوب
الرياح " ليش معي انا غير ؟؟؟؟
,, مستحيل شعولتي تخوني بيوم حتى ولو ماتحبني .. طيب و اللي سولفت عنه يوم
مرضهاا من كانت تقصد ؟؟ خطر ببالي ليه ما يكون ابوها و لا اخوها و لا عمها و لاحتى خالهاا ,, ايه معقوله ليش لاا
بالذات ان منور تقول انها مشتاقه لاهلها بالحيل و مشاعل من شكلها و لبسها و مشيتها باين عليها بنت ناس ونا شفت
حالتهم الماديه اوكي ايه اكيد احد يقرب لهاا ,, ونا ليه ما فكرت بايجابيه ليه فكرت بسلبيه "
تركهم ابوي راجع عالبيت وقابلني بطريقه سلمت عليه و بعدها رحت لمشاعل و البقيه
لما شافتني مشاعل رجعت على ورى بالظبط ورى ظهر فهد .. لو تدرون وش اللي خالجني وقتهاا
انا زوجهااا .. انااا اللي احبهاا تخاف مني و تروح ورى اخوي فهد .. يعني تأمنه على نفسها ونا لاا ..
حزنت من قلبي على حالي .. لفيت بوجهي و لا كأن شفت شئ .. ما بغيت فهد يحس ان اللي صار مقصود
تميت مع فهد و مشاعل اختفت .. متاكد انها من شافتني راحت .. للحين ما نست .. تنهدت بتعب ..
فهد "معقد حواجبه " : علامك ياخوي .. متضايق من شئ ,, حاس بشئ ؟؟
ماجد " بالم " : بموووت ياااخوي بموووت...
فهد " بخوف " : علمني وشفيك ونا خوك ..
ماجد " ربي بلاني بالحب اكثر من مرة وكل حب اردى من الثاني الاولى و تركتا عشان الثانيه و الثانيه بتتركني و السبه
عنفي .. " : سلامتك ياااخوي .. الشغل لراااسي .. لراااسي .. " ونا بقلبي اقول الا الهموم لراااسي .. " ..
فهد " ما صدقت ماجد .. اخوي و اعرفه ما يبين اللي بقلبه لاحد ابد .. لكني شفت بعيونه طيف شوق ووله
وكانت نظراته تتجه للي وراي .. بس ابعد نظراته لاجل لا يبين قدامي لهفته لمشاعل .. يحق لك يااخوي ..
الله يخليها لك و يوفقكم ويا بعض ..
ماجد " رجعت الرياض خايب الرجااا .. كنت باخذها .. بس نظراتها و هروبها مني اكبر دليل انها للحين قلبها
شايل علي ..
كسرت بخاطري يومي أجيك بلهفتي محتــاااج..

عن العالم تمنيتك بأحزانـي معـي توقـف !

تحريتك و ناديتك و حـس القلـب بالإحـراج

رجعت و خاطري مكسور و حزني فوق ما يوصـف !


ونا راجع الرياض سألتني امي ليه مااخذ مشاعل معي قلت لها وراي سفر هو صدق اني مسافر بس موب
الحين الاسبوع الجاي .. فقلت لها خلها عندكم لما ارجع من السفر بجي اخذها بس الحين ماابي ان سافرت احاتيهاا
ام فهد : انزين يمه تروح و ترجع بالسلامه ..
قابلني ابوي عند الباب : وووين بدري يبه نام الليله و باكر روحوا ..
ماجد : ما عليه يبه مرة ثانيه وراي شغل ..
بو فهد : اليوم خميس ما فيه دوام ...
ماجد : لا عندي اوفر تايم .. " ياشين الكذب " ..
بو فهد " ما مشت عليه الكذبه .. يمكن بيختلي بمرته ,, لساتهم عرسان " : زين يبه .. مااشوف اغراض مشاعل ..
يبه هي ضعيفه .. شل اغراضها انت ...
ماجد " يبلع ريقه " : يبه مشاعل بتجلس عندكم .
بو فهد " عقد حواجبه " : عسى ماشر ؟؟؟
ماجد : الشر ما يجيك ,, وراي سفره و ابيها تجلس هني عشان مااحاتيها ..
بو فهد " مشاها بكيفه " : انزين روح انت فمان الله ..
سلم ماجد على ابوه و راح .. وترك وراه قلبه ..
مر الاسبوع الثاني ونا خايف اروح لها ترفضني .. كل يوم اتصل بأمي اكلمها و اطمن على مشاعل منهاا ,,
مااطول معاهااا اخاف تعطيني هي و اخاف اكثر ان رفضت تكلمني .. مر الاسبوع الثالث ونا حالتي صعبه
وتلاه الاسبوع الرابع و لا حياة لمن تنادي و هالاسبوع بيقفل عالخامس يعني فوق الشهر .. وهي تاركه البيت
هذي ليه ما ترحمني و الله ما عاد امد يدي عليهاا ,, حتى لو تبي تلبس عباة الكتف ما بمنعهاا اللي تبيه بيصر
بس ترجع لي .. مما بلمسها حتى بس اناظرهاا احس بوجودهااا ..

فقدتك الله لايطول غيابك

وش تنفع الدنيا بليا وجودك

انا السبب من البدايه اهملتهااا و لا فيه احد
يوم دخلته يهين عروسته ,, ما شافت مني الا كل شين .. مرتني هالاسبوع منيرة ما جلست معي وااايد .. شوي
وروحت جابت لي معها عشاء و راحت .. ظنيت مشاعل جت معهااا .. بس للاسف كانت امنيه و شكلهاا صعبة التحقيق
لو مرة بس تسامحيني .. اعز ما على الرجال رجولته ,, وانتي ما قصرتي بكلامك و الحين شلون ادوس عزة نفسي
ونا دستهاا يوم رادين الرياض وقلت لك اااسف مية مرة و انتي تعيين علي .. دستها اكثر وانتي للمرة الثانيه ما تبين
تردين لي و لبيتك ,,, يا سبحان الله الحين صار بيتها ما كأن انا قلت لها هذا بيتي مهوب بيتك .. الحين البيت و راعيه لك
لك وحدك ..

&& مــــــــــشـــــــــــــاعــــل &&


تعلمت أزيف ضحكتي والقلوب أســـرار

على إني بخير بعين من يجهل أحــــزاني

يومين ونا افكر بكلام نجود .. محتارة .. صدقها نجود لمتى بظل كذاا ... اهلي و رموني لزوجي .. وزوجي ما يبيني ..
بس ليه مااجرب ابدء حياة جديدة معاه .. اخاف يرفضني .. اصلاا بكل الاحوال انا خسرانه اذا رفضني و طعني بكون كذاا
سويت اللي علي عشان ربي لا يلومني صدق بخسر كرامتي و قد خسرتها قبل .. ..
ااااااه لو تدري كيف احيى بدونك .. انت ما تدري عن حياتي شلون مضت قبلك .. ماتدري شلي مريت فيه من حوادث
من عمري 8 سنين على مااذكر كنت بثالث ابتدائي .. سوت لي ماما حفلة لنجاحي و المشكله ان الحفله ما حضرها
صغار الا كلهم صديقاتها يعني انحسبت حفله علي بالاسم .. رحت لما مجلس الحريم و خذيت لي شوكولاة ..
و انتبهت علي مااما .. خرجت و خرجت وراي مسكت يدي و ضربتني و قالت لي لا عاد تعيدينهااا
ماانسى ذاك اليوم حفلة تخرجي و ما قدرت اشارك فيها كأنها جمعة اصدقااء ماما تحب المظاهر ..
مع ان قلبي يقول انها طيبه .. ادري الكل يقول انتي طيبه بزياده .. بس صدقوني انا اللي عشت مع ماما هي طيبه
تعطف على المسكين و تحن على اليتيم حتى انها تتبرع كثير .. و تبرعهاا ما كان مظاهر لاا .. لانها تحب تشوف الناس
يضحكون.. الا اناا ليش يا ماما وش ذنبي بماضيك .. ذنبي هو اني مشاعل .. مشاعل اللي كرهتها ماما ... مشاعل اللي
على قولت ماما دمرتها و حطمت حياتها حتى من قبل زواجها .. مشاعل سبب في معاناة ماما سنين .. لكن يا ماما اللي
لزوم تعرفينه ان مشاعل غيررر غيررر .. بعد ما ضربتني بكيت و رحت المطبخ جتني شغالة جيراناا اسمهاا " فييني "
كانت احن علي من امي .. تخيلوا شغاله من دوله ثانيه احن علي من امي .. حزنت علي و جابت لي شوكولاة لو تسألوني
شلون بقول مااعرف .. سولفت معي و تلاعبني الى ان راحت و كنت ابكي بذاك اليوم عشانها رايحه .. بس وعدتني كل
يوم بالظهر بتستناني عند باب البيت اجيها نلعب ويا بعض ... و هذا اللي صار كل يوم تصلح لي كيك و لا حلى عاد كنت
صغيره وقتهاا .. و اموووت عالشوكولاة .. كل يوم امرهاا بعد ماما و بابا ياخذون قيلوله وكفيل فييني و زوجته بعد
نلعب مع بعض ... مااحلاهاا من اياام " الابتسامه على وجههي يوم لمحت طيف هالايام و الذكريات الحلووة بسسس
مسرع مااختفت لما تذكرت ذاك اليوم " .. بيوم غبت عن المدرسه كنت شوي مريضه مسخنه يعني .. خفت ماما ما
تخليني اطلع الظهر اروح عند فييني .. يومها جت خالتي و طلعت ماما معها رايحين جمعيه .. قلت فرصه اطلع بسرعه و
ارد عشان اروح عند فييني .. وصلت البيت و دخلت لان باب الفيلا مفتوح ورحت من باب المطبخ كالعاده لما نتقابل ..
دخلت و انتظرت شووي يمكن خمس دقايق او اكثر مدري قد ايه انتظرت الى ان سمعت صوت شئ طاح و صرخه مكتومه ..
خفت .. طلعت ونا ارجف الدرج .. ما كان فيه احد بالصالون اللي فوق .. سمعت صوت حركه رحت للحجرة اللي بابهاا
شبه مسكر و الظاهر ما تسكر زين .. شفت اللي ما يخطر ببال احد .. " بدء جسمي يتشنج لما بدءت اذكر الموقف
و دموعي نازله " .. شفت فيين ف .. فيني .. بكيت ونا اكتم صوتي " .. شفت فييني و الوغد الحقير النذل كفيلهااا
يعتدي عليهااا .. الله ياخذه حسبي الله عليه .. شفت شلون لما تحاول تهرب يضربها يجرها مع شعرهاا .. الدم يغطي جزء من جسمهاا ..
وقتها كنت طفله ما فهمت ان هذا اعتداء اللي فهمته ان هذا الوسخ يضربها يعاملها بعنف .. يحاول يسوي شئ منيب
فاهمته .. لكن لما كبرت و عرفت الحياة وش هي فهمت .. مااذكر وقتها الا ان من خوفي ما قدرت اتحرك وجسمي بارد ..
شفت فييني تتوسله يتركهاا .. شفتها تصيح و نا ما صلحت لها شئ .. رجولي ما شالتني .. ما حسيت بنفسي الا ونا ببيت
اهلي .. شلون وصلت بسريري .. لا يكون كنت احلم و اللي شفته ما كان حقيقي يمكن كنت نايمه و مارحت عند فييني ..
جاني بابا يكلمني بعد ما صحيت بغيت اقوله على اللي شفته لكن لساني مو طايع ينطق حاولت افتح فمي بس صوتي ما
طلع .. بابا خاف علي يقولي تكلمي .. ايشبك ؟؟ ونا الحرف مو راضي يتنطق مني .. وداني المستشفى وكشف علي
قالوا له سليمة .. و حولوني على دكتور نفسي .. بعد الكشف علي ومحاولات الدكتور .. قال اني تعرضت لصدمه
سببت لي عدم القدره عالكلام بس هالشئ ان شاء الله مو دايم .. سأل بابا صار على بنتك شئ ؟؟ احد تعرض لها بشئ
ضايقها .. بابا انبخ وقتهاا .. قام يلوم ماما على اللي صار وهنا ماما صدق خافت علي بس تعاملني بجفاا يمكن بسبب
معاملة بابا لهاا .. تطلع حرتها علي .. الى ان جاء ذاك اليوم كنت نايمه و سمعت احد يناديني فتحت عيوني و شفت فييني
بجنبي .. فرحت و تكلمت وقتهاا وقلت : فيييني انتي هناا .. انا ظنيت انك تعبانه .. هذااك الحوماار ضربك انا بعلم بابا
يضربه لا تخااافين .. صاحت فييني و تضمني اذكر كلامها و حزنهاا : انا كلاااص .. اناا كلااص .. فيه روووه ..
هبيبي .. انتي هبيني ؟؟ ( انا خلاص .. انا خلااص .. فيه روح .. حبيبي ... تحبيني ؟؟ )
مشاعل ابكي معاها : ايوة احبك .. لا تروحي .. اذا تروحي انا مااحبك ..
فييني : انا لازم رروووه .. انا خلااص تئبااان .. انا ابقى موووت ..
مشاعل : ليش ؟؟ فييني عورك ؟؟
فييني ضمتني لهاا بقوة وطلبت مني مااعلم احد على اللي شفته .. اللي فهمته منها انها هي اللي حصلتني عند الباب و
طايحه فخافت لا يشوفني المجرم الشرير حسبي الله عليه و ما يرحمني و لا يعتدي علي تجي منه النذل .. و للمعلومه
فييني عمرها 16 سنه يعني مراهقه صغيره دمر حياة البنت الله يدمر حيااته ..
بنفس اليوم بعد ما صحى بابا قد راحت فييني وودعتني كنت حزينه بس طلبت مني لو اني احبها اتكتم عالموضوع ..
ووعدتني اذا جاء يوم وقبل فيها احد و تزوجت بتسمي بنتها باسمي ,, ونا صغيره فرحت .. ما كنت ادري انهاا
ادمرت ومن اللي بيتزوج منهاا .. الرجال يظنون الخادمه مو انسانه مثلها مثلنا .. ترا هي مااجت تشتغل هالشغله الا
لانها محتاجه وكل انسان محتاج .. الفقير محتاج الغني عشان يعطيه و الغني بعد محتاج الفقير عشان يشتغل عنده ..
الحياة سلف و دين .. " حسيت بفكي يتشنج ونا اذكر شلون ماجد كان مثله مثل ذاااك اللي اغتصب فييني ..
ماجد كانت بيأذيني مثل مااذااها الحقير كلهم كذااا ... فجأه سمعت صوت باذني يقول لا يا مشاعل ماجد مو مثله
لا تظلمينه يمكنه كان معصب ..لو انه بغى مني هالشئ كان من اول ما تزوجنا اخذه بس لاا ماسوى كذا الا لانه عصب
مني ونا ما قصرت غلطت عليه .. مهما كان هو زوجي و استاهل اللي جاني .. اصلاا هذا حق من حقوقه
مقدر امنعه .. بس هذا مو معناه ياخذه بهالطريقه انا زوجته وقت ما بغاني له ما بمنعه لان الملائكه بتلعني
الى ان اصبح .. بس كل شئ بالطيب مو كذاا ..
بعدها جلست يومين ثانيه افكر بجديه .. الى ان وصلت لحل كنت وقتها بالحديقه .. شفت بابا و ماما ام فهد و عمة ماجد
حفصه فرحت رحت لعندهم و لا انتبهوا لي ونا جايه سمعت كل كلامهم ..
بو فهد : ياا اختي ما تشوفين البنت شلون صايره .. ما تاكل و للحين جالسه عندنا و هذا ماجد
ما يراعيها معقووله للحين عنده سفر .. و الله لو ما تعدل معهاا براويه كله الا مشاعل ..
حفصه : يااخوي لا تطلع حرتك فيه ادري انك بتريح فهد بقبره .. بس هذي ماهي طريقه ..
لاتنسى ان ماجد رجال و متزوج و هذي حياته موب كفايه انك زوجته غصب يعني كان ..
بو فهد : يشكر ربه زوجته اللي يــ ..
ام فهد تقاطعه : خلص يا بو فهد .. اخوك و الله يرحمه مات ما بيرد .. وموته مكتووب .. ربي عوضك بفهد
ولدك بيوم مماته هديه من عند رب العالمين .. انسى ..
بو فهد : انسى " قالها بحزن " ,, شلون ا نسى اني سبب بموت اخوووي وولدي .. اخووي اللي وصاني عليه ابووي
رحمة الله عليه .. اخوي فهد اللي ربيته حتى انه كان بحسبت عيالي .. تذكرين كان يقول لي يبه .. يبه ..
لو اني اسعدته باخر ايامه لااا .. مانفذت وصية ابوووي .. زوجته غصب عنه و حرمته من المرة اللي يحبهاا
ما حبيت اخذ وحده برا القبيله .. ما بغيته ياخذ الا بنت عمه حيرها ابوي له من صغره.. لكن شصااار ذبحته بنفسي انا اللي قتلته ..
حفصه : تكفى يااخوي لا تعذب نفسك انت ما ذبحته .. هذا قدره هو مات بحادث سيارة يعني مكتوب و مقدر ..
بو فهد : حادث سيارة بليله زواجه ..
ام فهد : دخيلك قفل عالموضوع .. ربي رزقك بفهد ولدك بيوم وفاة اخوك ولدت انا مع ان موعد ولادتي كان بعد
شهرين .. لكن الله رحمك خذا منك فهد و عطاك فهد ثاني .. اشكر ربك يابو فهد .. ترا ربك كريم ..
بو فهد : ونا اشهد انه كريم ..
حفصه : فهد ولدك يااخوي رغم انه سمي اخوي ا الغالي و يشبهه بكل شئ الا شكله .. محد خذا حلى فهد اخوي الا
واحد وهو ماجد .. ياليتك يا ماجد تكون مثل عمك فهد .. فهد اخوي كان حليم و ماقد كسر كلمتك و لا رفع راسه يوم
تكلمه ياخوووي ..
بو فهد : الله يرحمك و يدخلك فسيح جناته .. سامحني ظلمتك ونا اخوك وابوك ما راعيت مشاعرك ..
حتى اللي بغيتها يوم درت عنك مرضت هي بعد سنين و ماتت مثلك بحادث سيارة سبحان الله قلوبكم عند بعض
ياليتني زوجتك هي و هنيتك قبل لا تروح و انت شايل بقلبك علي ..
مشاعل " انصدمت من كل اللي انقال .. ما فكرت بيوم ا ن بو فهد يعاني .. هههه ضحكت على حالي و حال غيري
مشاعل فرحانه بنفسك انك الوحيده اللي تعانين .. و تحزنين و الله حالك يابو فهد اردى عن حالي ..
الواحد يفتكر نفسه هو المظلوم الوحيد بالدنيا هو اللي يعاني ما يدري وش كثر اللي حوله و الي بعدهم بعد يعانون
البيوت اسرار .. ظنيت ان فهد موب ولده اثريه ولده بس سمي عمه .. فهد ولد يوم وفاة عمه .. و بابا بوفهد
يعاني لان ضميره يأنبه ,, زوج اخوه اللي بحسبة ولد بنت ما بغااهاا .. وبيوم دخلته مات .. وبعده بسنين ماتت اللي حبهاا
بعد ما مرضت لما عرفت انه مات .. جد اللي اسمعه و لا قصه من قصص الخيال .. يعني الحب قبل الزواج حقيقه ..
يعني فيه ناس يحبون بس الحب عن حب يفرق فيه حب محرم مثل حبي الاول بس انا يوم حبيته حبيته بدون مااغلط معه
حبيته من بعيد لبعيد ,, لا صوتي سمعه و لا حتى شافني .. حتى بيوم ميلاده احتفلت بذاك اليوم بالحالي بعدهااا عفت اعياد الميلاد لانها
حرااام .. و اعتبرت يوم حبي له ذكرى جميله احتفل فيها معه و يمكن مثل حب نجود لفيصل لانه غلط بغلط .. و فيه حب
نقي مثل حب السيدة خديجه رضي الله عنها اللي اتوج بالزواج ..و حب نقي شريف اسطوووري بالنسبه لي هو حب
عمتي .. ايه عمـــتي مشـــــاعـــــل اللي سمعت حكايتها على لسان كل العايله حبت رجال من بعيد لبعيد و مادرت ان اللي
حبته حبهاا و بغاهاا .. تعذبت يوم خطب و ماتت روحهاا يوم تزوج و مرض جسدها يوم مات اللي حبته .. لحظه ..
" وكأني اربط الاحداث ببعض .. بشهقه قويه لفت انتباه الجميع لاني كنت بقربهم .. معقوله ,, معقوووله .. مستحيل
وش هالصدف اللي بحياتي

^^^