|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
هنادي : يعني يابنتي الانسان لازم ما يكبت اللي بداخله .. لا ,, ضروري يطلع اللي بصدره لربه .. و خصوصا اللي زي
عمتك ما تحب تقول لاحد على اللي داخلها ,, و نحنا بوجودنا كانت تخبي و تسوي انها تضحك و مبسوطه و هي من
جواتها شابه نار ,, مرت الايام و صارت شهور ,, و عمتك اللي ظنينا انا و زينب للحظه انها نسيت اتريهاا ما نسيته و لا
بتنساه طول العمر .. تخيلي لحظه من حياتها و هاللحظه يمكن ما تعدت دقايق .. خلتها تتعلق في انسان لا و تحبه
سبحان الله هذا القلب و الاحساس ملك لربي يعطيه من يشاء و هالشئ لا ارادي ما نتحكم فيه ..
مر كذا اسبوع و صار حوالي شهرين على موقف مشاعل مع الرجال الغريب .. مشاعل تغيرت عن قبل .. وهذا الشئ
صح انه مخوفني انا و امك عليها بس اللي خوفنا اكثر يوم انقلب حالها من الحزن الدفين اللي كانت عايشه فيه
بالشهرين اللي راحوا لفرح واااضح بعيونها .. كم من مرة اسأل نفسي و تسألني امك كيف مشاعل تغيرت ؟؟
احنا مو مستكثرين عليها الفرحه بس خفنا عليها لا يصير فيها شئ .. على قولة امك لا يكون انجنت ..
اتريه فيه سبب رجع لها مرحها و زادها فرح و انبساط .. طبعا نمت عندها ذاك اليوم الا امك امها ما رضيت لانها
مخطوبة لاخو مشاعل .. و مايصير تكثر زيارات و توصل للمبات .. كنت نايمة بس صحيت كيف لا تسأليني
الا اشوف مشاعل عند نافذة غرفتها و النافذة شبه مفتوحه مو طالع منها الا عيونها استغربت ما حبيت اخوفها قلت يمكن
البنت بتشم هواء .. اتريهاا مو بس تشمه الا هي بالهوى .. شفت واحد بصراحه عليه وسامة خطير بجد يعني لو
يمشي بالحمراء بيجروا البنات وراه جري .. واقف بسيارته يطالع فيها بشوق و لهفة .. يمكن مو فيها في عيونها لان
مو ظاهر منها شئ الا عيونها .. انقهرت من عمتك و من اللي يطالعها .. يعني هذا هو اللي مفرحها و منسيها مشاكلها
حتى فارس الاحلام البدوي نساها هو كمان .. بغيت اجرها من شعرها بس قلت يا بنت اصبري .. ماابغى اظلمهااا
رجعت للسرير و سويت اني نايمة على جنبي جات و انسدحت على الجنب المعاكس ليا بس انا قلت لهاا
هنادي : هذا العشم يا بنت العمة .. ما ظنيت بالحظه انك انتي الفاهمة العاقلة المتعلمة كدا ..
مشاعل "قامت من سدحتها و جلست تبكي " : هنوده افهميني و لا تحكمي عليا بدون ما تسمعي كلامي للاخير ..
هنادي "باستهزاء " : اطربيني ..
مشاعل : الايام اللي راحت مرت علي سنين ,, ما كنت اوضح لكم اللي بقلبي لانكم بتقلقوا عليا ..
ما كنت ادري اني احبه الا لما زنيب قالت عرفت ان كلمتها لمست احساسي و قلبي .. وقتها بس حسيت اني
طحت ولا عاد اقدر اقو م الا اذا شفته .. كل يوم افتح الشباك و ادعي ربي و اناجيه يخفف علي اللي بداخلي
.. انتي ياهنادي ما جربتي فلا تحكمي .. الى ان جاء يوم ونا جالسه ادعي الله و دموعي على خدي ما انتبهت
للسيارة اللي وقفت بجنب الشجرة اللي بالارض اللي جنبنا .. لكن رجع احساسي اللي اول يوم كنا بالبر و حسيت ان
احد يقولي ارفعي راسك .. و دحين سمعت احد يقولي نزلي راسك و بدون ما اتراجع نزلت راسي و شفته .. شفت
الانسان اللي ادعي ربي اشوفه .. تخيلي يوم انك تدعي الله و ربي يستجيب كيف تكون فرحتك .. كل يوم يجي و ينتظرني
اطلع له و اطالعه بس ,, والله انه ما كلمني و لا حتى حاول يقل ادبه معايا .. من بعيد لبعيد ,,و الله العظيم اني يوم اطالعه
هو ينزل عينه ولما يطالعني انزل عيني الا ذا تلاقت عيونا .. هنادي و الله بعده عذاب .. عذاب ..
هنادي " حزنت عليها ,, من جد شكلها يكسر قلبك .. قلت لها " : طيب لو من جده يحبك ليش واقف زي روميو عند
الباب ليش ما يجي من الباب و يطلبك ؟؟؟
مشاعل : هذا اللي محيرني .. متأكده انه يحبني ,, بس ليش ما يجي و يخطبني ,, ايش اللي يمنعه ؟؟
هنادي الله يخليكي ساعديني ..
هنادي : طيب انتي تعرفي اسمه ؟؟
مشاعل " هزت راسها بالنفي " : لا ..
هنادي : لا اله الا الله معقوله تحبيه كدا من الباب للطاقه ,, يابنتي انتي هبله و لا تستهبلي ,, كيف تحبيه و انتي مو
عارفه عنه الا شكله .. اقول شكلك معجبه في الرجال ..
مشاعل : لا انا احبه .. ليش مدري .. بس صدقيني شكله ما كان الدافع لحبه ابداا .. يمكن وجوده ,, شخصه ,,
اول مرة احس انه فيه رجال يجمع مابين الحنان و الرجوله ,, جرأته .. مدري مدري .. و غطت عينها بذراعهاا ..
هنادي : خلص شعوله لا تبكي بشوف اشاور زينب و نشوف ..
مشاعل " بخوف " : زينب ؟؟
هنادي : ايوه فيه غيرها ,, ولا مو ناوية تقولي لها ,, ترى تزعل ..
مشاعل : اللي تشوفيه ..
المهم ثاني يوم ماطلع الفجر اللي احنا طرنا على بيت زينب و قلت لها كل الحكاية .. طبعاا زينب بما انها تحب
كانت حاسة بمشاعل يمكن اكثر مني ,, لان المحب يحس باللي غرقان مثله .. ..وهي اللي انقذتنا بخطتها
وجابت لنا مخرج .. بس هالمخرج هو اللي سبب لها مشاكل ما لها اول من اخر و يمكن اثر عليها بعلاقتها مع ابوكي
أمك : لحظه جاتني فكرة انما ايه ..
هنادي : سمعيني ياختي ...
امك : انتي قلتي انه له اسبوع و هو يوقف بسيارته بالحوش اللي قدام بيتكم صح ؟؟
مشاعل " بترقب " : ايوة ..
امك : اجل اسمعوا ,, وحدة فيكم تكتب بورقه كل اللي تبغوا تعرفوه عنه .. يعني , امممم مثلا اسمه .. مشاعره ..
و اذا فعلا وقع بغرامك ليه ما يجي من الباب بدال قعدة الاحواش بنص الليالي ..
هنادي " بتريقه " : والله من جد فكره تهبل بس يازكيه من بيوصلها له انتي و شكلك ..
امك : و الله من ناحية زكيه فأنا فعلا زكيه لاننا يا حمارة بنحطها له محل ما هو يوقف دايما بطريقة تبان فيها الورقه
فهمتي يا غبية ..
هنادي وكأنها فهمت : اهاا .. فهمت .. طيب مين بيحطها ؟
زينب تطالع في هنادي و مشاعل تطالع في امك و نا اطالع في الاثنين ..
هنادي "بشهقة " : لا و الله ما حزرتم لا تطالعي ياحبيبت امك فيني كدا .. انا مقدر اروح احطها .. وايش بيوديني هناك
زنوبه لا تطالعيني كدا لاعطيكي بزنوبتي بوجهك ..
مشاعل "برجاء و حنيه " : زينب حبيبتي الله يخليكي .. حطيها انتي ..
طبعا سكتنا انا و امك بجد كسرت قلوبنا ..
و قالت امك : طيب .. ومين يكتبها ؟؟
هنادي : انتي طبعا ..
امك : احلفي ياشيخه .. وليش مو انتي ؟؟
هنادي : لان خطك احلى من خطي و لا انا ما همني ..
امك : طيب ليش مو مشاعل ؟؟
هنادي : هبله انتي .. مشاعل خطها معروف عندنا لانه حلو و كل البنات تكتب لهم و تسوي لهم لوحات
يعني بينعرف لو طاحت بيد احد ..
امك : طيب اجل هاتي قلم .. وجبنا لهم الورق و القلم ..
وصغنا الكلام و كتبناه ,,طبعا يوم خرجنا انا و امك من بيت مشاعل و مشاعل من غرفتها تراقب من الشباك و تعطينا
خبر نمر و لا لاء و اذا كان فيه احد .. دخلنا الورقه بطريقه بين فرع الشجر و ربطناها بقماش احمر عشان تتميز و
يشوفها .. و جاء الليل ,, روحنا انا و امك بيوتنا و كلنا على نار تصدقي ذاك اليوم محد فينا نام يمكن من
كثر ما نحب بعضنا نخاف وش بيصير و يمكن لاننا مشتركين بالجريمة ..
اللي صار طبعا مثل ما قصته علينا عمتك الله يرحمها .. انه جاء كالعادة وهالمرة طولت ما خرجت له مع ان بداخلها يقول
اطلعي ما اتحمل ما اشوفك الليله .. طلعي بروي نظري بطيفك .. شويا شويا خرجت عيونها كالعاده وشافت طيف ابتسامة
على وجهه .. هي كمان ابتسمت لانه ابتسم .. غريب امر العشاق لو ابتسم اللي يحبه ابتسم معه .. عالم عجيب ..
لكن نظراتها راحت للرساله و صاركل اهتمامها عالرساله على قولت مشاعل : هنادي زينب انا متأكده انه سمعني اناديه
بداخله .. زي ما انا اسمعه يناديني .. و لا ليش التفت فجأة على الرساله و قرب و اخذها ونا من بعد ما اخذها طرت و
قفلت الشباك وطيران عالسرير خايفه .. خايفه .. وحاسه بندم .. و زاد احساسي بالندم و الخوف يوم جاء الليل و هو ما
ظهر انتظرته الى ان اذن الفجر و اشرقت الشمس .. ظليت اطالع الشباك مو قادرة انام صليت الصبح و رجعت عالشباك
اذن الظهر و نا حاسة بتعب ما ينوصف .. اخاف يظن اني ارمي نفسي عليه ..
حامت الافكار براسي ووصلت من التعب ان النوم جافاني .. ذكرت ربي وودعيته ..
هنادي : مرت الايام و الاسابيع و هذا شهر راح و هو ما جاء و لا حتى بالغلط .. وا ستعجلنا بملكة امك و ابوكي قلنا
يمكن تتغير نفسيتها لاكن ما صار شئ بصراحه مشاعل هذيك الفترة كانت تلوم امك ان هي السبب .. و امك طبعا ما
عادت تجي عندها .. شوفي الانسان لما يتعب يتفوه بحاجات بدون ارادة منه لان
التعب وصل معاه حده زي عمتك بالضبط .. و ابوكي كان يموت فيها اكثر وحده من اخواته .. من مستشفى لمستشفى
الى ان جاء يوم ونحنا كلنا عند مشاعل البنات طبعا حتى امك لاني كلمتها و خبرتها بحال عمتك وجت الشغاله و قالت فيه
رجال برا يبغى بابا فهد ..
زينب : طيب روحي انا بناديه ..
راحت زينب لابوكي وقالت له و هو خرج و رجعت لنا ,, و ماصار عشر دقايق الا رجع ابوكي و وجهه احمررر ..
و الله عمري ما خفت من احد كثر ما خفت منه قسم بالله قلت اكيد اليوم ياذابح يا مذبوح .. عارفة ايش سوى دخل و
ياضرب لك امك و عمتك اللي كانت نفسيتها مأثره على جسمها الضعيف .. ضربهم الاثنين .. ونا من الخوف ماسويت
شئ .. طبعا اخذت من اللي فيه النصيب بالطرده .. لو تدري ايش سوى ؟؟
قاطعتها انا باسى : طلق ماما صح ؟؟
هنادي "باستغراب " : ايوه ايش دراكي ؟؟
مشاعل " لان ماما كل يوم و التاني تقول بسبت عمتك طلقني ابوكي و شكله بسببك انتي يقتلني " : تخمين ..
هنادي " بشك " : مع اني مو مصدقتك بس يالله امشي ..
مشاعل : هههههههه .. طيب كملي ...
هنادي : جلست امك شهر و الشهر الثاني خلص و دخل الثالث و ما باقي على العدة الا شئ بسيط بعدين رجعها ..
ورد : اممم عمه هنوده .. ليش بابا ضرب ماما و عمتي .. ومن الرجال اللي جااء ؟؟
هنادي : الرجال يصير اخو اللي مشاعل متيمة فيه ...
ورد " بتأتأه " : والله ,,طيب ,, و ماما و عمتي ايش السبب اللي خلاه يضربهم ؟؟
هنادي : لان اخو فارس عمتك جاء و اشتكى و هاوش ابوكي و اتخاصم معاه و قاله كلام يجيب السكته القلبيه
مشاعل " بتردد " : ايش قال ؟؟
هنادي : ماله داعي تـــ ...
قاطعتها ونا اترجاها و حلفتها بالله تكمل و تقول و كملت ..
هنادي : قال له انه نحنا ما ناخذ لعيالنا بنات مالهم اصل و لا نسب و الاقوى من هالكلمة ان بناتنا
ما اتربوا و لا فيه بنت تراسل رجال و تقولوه اتزوجني طبعا ابوكي ما صدقه و طرده و بغيت تصير خناقه
كبيره لو ما طلع الرجال الرساله ووراه هيا وهنا ابوكي مسكين و كأن احد اعطاه كف بوجهه مو بس اخته لا
مرته و خطيبته كاتبه الرساله ..
مشاعل : وبابا ايش عرفه انه ماما كتبتها ..
هنادي : يا حبيبتي اذا جاك يوم و حبيتي غصبن عنك تعرفي كل شئ عن اللي تحبيه و ابوكي كان مو بس حافظ الا خط
امك محفور بقلبه .. هنا ابوكي لام امك كيف تكتب الرساله هذا بدال ما تنصحها و اللي زاد قهره انه عرف ان هيا اللي
خططت طبعا الهبله امك من يوم سألها جاوبت و لا مشاعل رغم انه ضربها و هي بنفسها تعبانه بس ما قالت شئ و
تحملت بس العبيطه امك غبيه من جد .. و امك كرهت عمتك لانها سبب في طلاقها .. وبسبب ان ابوكي رغم انه رجعها
الا انه ما كان طايقها و لا صار يجيها .. و يلومها انها سبب ضياع اخته .. مع الايام كبر الحقد و زادت الضغينه .. و بما
انك تشبهي عمتك الغاليه فيمكن محبوبه من ابوكي و بنفس الوقت شادد عليكي ,, يخاف تنعاد المأساة .. بالنسبه لامك
تشوف فيكي الانسانه اللي حرمتها من حب ابوكي لانه رغم كل شئ ابوكي بعد ما ماتت عمتك كان كاره الدنيا كلها و من
ضمنها امك .. بس كان يقول مشاعل قبل لاتموت بايام كانت تقول لي ياخوي ترا مرتك اصيله و هي مالها دخل بشئ ...
كله انا اللي خططت له هي بس كانت معايا بفرحي و حزني ....
مشاعل " بعفويه " : بس ماما مالها ذنب ..
هنادي : ادري بس تعرفي عقول الرجال اعوذ بالله متحجرة ..
مشاعل "بقلبي ,, ونا مالي ذنب " : طيب كيف ماتت عمتي ؟؟
هنادي " بحزن .. " : الله يرحمها ,, ربي رحمها يوم اخذها عنده لانها كانت تعاني .. حبت ذاك الرجال و
القهر يوم وصلنا كرت زواجه من بنت عمه اللي اخذها و كأنها تقهرها فيه اني اخذته و انتي يالمسكينه لا .. تخيلي
يابنتي اننا حتى ما شفنا شكلها و لا نعرفها لكن على مايبدو انها تعرف بقصة عمتك مع خطيبها عاد هنا تعبت اكثر
كل يوم مستشفى و ابر مقويه لانها ماترضى تاكل حتى ابوكي نسي صرامته ثاني يوم الصباح جاء لابوكي تليفون يخبره
فيه اخو العريس انه توفى بحادث بالطريق هو و زوجته ,, ابوكي انسان يعني عنده رحمه اترحم عليه مع انه كارهه بس
مايجوز على الميت الا الرحمة تذكر اخته دخل عليها حصلها ساكته
و هادئه كلمها ماردت عليه .. من خوفه جلس جنبها يهزها ما تتحرك بس عيونها مفتوحه و انفاسها مالها صوت
شالها وودها المستشفى كشفوا عليها و قالوا انها تعرضت لصدمة سببت لها هالحالة .. ظلت حوالي 4 سنين وهي
بهالحاله طبعا كنا نعالجها في مستشفى الــ ..... بالطايف للحالات النفسية .. عرف وقتها ابوكي انها اكبد سمعت الحوار
اللي دار بالاتصال و عرفت انه مات ..
الا بيوم من الايام كذا من لحالها جات لابوكي
و سلمت على راسه و الدموع على خدودها وقتها خاف ابوكي يمكن تتألم شئ يوجعها .. و مو قادرة تتكلم ..
سألها : شعوله حبيبتي شئ يعورك ؟؟
مشاعل : قلبي يعورني ..
طبعا ابوكي جلس مبله فيها ( صاخ ,, يطالعها زي الابله ) ..
فهد : شعوله من جد هذا الصوت منك و لا من فين ..
مشاعل "ابتسمت و ضحكت " : ههههه .. مني ياحبيبي ..
ضمها فهد لصدره و صار يبكي و لاول مرة تشوفه يبكي حضنته لصدرها وقالت : ما عاش من يبكيك يا اخويا حتى لو
كانت روحي ما عاشت ..
فهد : لا تقولي كدا .. ما صدقت ترجع وردة البيت و ياسمينه .. حبيبتي انتي .. وباسها على جبينها ..
الحلووووة فين تبغى تروح و لا اقولك ايش تبغي تتعشي اممم احسن شئ قومي البسي بوديكي البحر
و امشيكي و اسهرك سهرة على كيفيك ..
مشاعل : احبــكــ ..
فهد : ونا مقدر اعيش بدونك انتي بنتي و اختي .. شعوله ما قلتي لي كيف قدرتي تتكلمي ..
مشاعل : اقول لك و ما تزعل مني ؟؟؟
فهد : مقدر ازعل منك ..
مشاعل : شفته جاني بمنامي يقول لي : زاد الشوق عندي ووصل حده لمتى احتريك ,, ما بتريحين قلبي و تجين ..
"ومسكت شفايفها بشاعريه وقالت بكل عفويه " : لمسني هنا و قال لي مردك لي يا نور العين دار وجهه وجاي رايح الا
انا اناديه بصوتي لا تروح لا تتركني .. تعبانه .. التفت علي مرة ثانيه و ابتسم و قال : بتطيبين غلاي بتطيبين .. راح ونا
قمت من نومي
مشاعل " بحنيه و حب " : فهد حبيبي ..
فهد : عيون فهد امريني اللي تبيه بيكون عندك ..
مشاعل : و الله .. بتعطيني اللي ابغاه
فهد : ايووة اطلبي و اتمني ..
مشاعل : ابغى تعامل مرتك بالطيب تراها بنت اصول و تراعيك و تموت عليك و انت تحبها بس تكابر تحسبني ما ادري
انك تعاملها معاملة الجدارهي مالها ذنب بشئ .. كل اللي صار لي من تحت راسي ودحين انا بخير .. راضيها عشاني ..
فهد : خلص ابشري بس الاول اوديكي المستشفى اتأكد على سلامتك و بعدين يصير خير ..
مشاعل " بدلع من زمان عنه بسبب الحب " :ما ابغى مستشفى بعدين انا تمام .. روح لمرتك و راضيها ظلمناها كثير ..
وراح ابوكي و راضا امك و قال لها ان مشاعل اتكلمت ما اقولك برغم كل شئ الا ان امك فرحت لعمتك و رجعوا يتكلموا
مع بعض .. كان ابوكي بيراجع لها هنا بجدة بس امك قال لا احسن بالطايف لان دكتورها هناك و الافضل هو اللي
يتابعها.. و كذا
بس ابوكي يومها ما كان فاضي .. قال لها اجل روحي مع مشاعل وامك " ام والدة مشاعل" قالت بتطلع للطايف عشان
تشوف الحمام و الزرع كلمتها و ما عندها مانع في طريقها ..
ذاك اليوم تعبت امك و بسبب دوخه تجيها .. فقالت لها مشاعل خلص انتي اجلسي ونا بروح ..
امك قالت لها : لا لازم تروح معاها و لا فهد بيزعل
بس مشاعل اصرت لانها خايفه تكون امك حامل و يصير لها شئ .. وقالت لها انها بتقنع
فهد و تقوله هي اللي قالت لها تجلس ..
المهم .. طلعوا الطايف و هم بالخط صدمتهم سيارةوايت كبيرة هذي تبع المويه طاحت
السيارة الكبيره و معاها سيارة عمتك و توفت عمتك و ستك ام امك هنا ابوكي رجع يلوم امك لانها هي االلي قالت نوديها
مستشفى الطايف و ياليتها راحت بدال اخته و لا جلست معاه تعذبه .. مرت سنه و راها سنة بدت علاقة امك و ابوكي
ترجع ..
و هالشئ أولد خوف عند امك ان ابوكي يلومها عشان كذا تخااف عليكي يمكن انتي بالذات لانك شبيهة اخته
حبيبته .. طبعا سنتين بعد وفاتها كان بعيد عن امك بعدين شويا شويا رجعت العلاقات و حملت امك وجابتك و كان يقول
هالبنت مستحيل تكون غير مشاعل .. و بس هذي قصت عمتك و ابوكي وامك ونا ..
مشاعل الثانيه : حزنت على عمتي بجد حتى ان دموعي على طرف عيوني بس ما نزلتها ليش لا احد يسألني
لأن صعب تحصلين جواب لسؤال انتي موب فاهمته ..
فتحت عيوني ونا امحي ماضي عمتي من عيني عشان اشوف حاضري انا .. جلست افكر بحياتي
ما ابي اكون مثل عمتي .. أبي اكون مشاعل القوية اللي ما تضعف .. عمتي كانت ضعيفه بس انا لا مو ضعيفه
لازم ما اضعف و لا استسلم من اول مرة .. و اذا ماجد ما يحبني .. عادي ما صار شئ ,, يا ما ناس اتزوجوا و هم ما
يعرفون بعض و حياتهم و لا احلى .. انا بدال لا ابعد عنه المفروض اكون جنبه .. احببه فيني .. بسس "ونا اتذكر اللي
صار شلون عاملني بعنف اكره نفسي اني بسامحه .. بس هذا زوجي و الزواج مو لعبة يا مشاعل .. مو كل مااضربني
زوجي بروح انام برا و لا اقوله طلقني .. ضروري اكون أعقل من كذا مثل ما الحب مرة بالدنيا همعد الزواج مرة .. وانا
تزوجت و انتهى الموضوع هذي حياتي .. لازم الحق على اللي باقي منها.. بس ماجد صعب .. ومايريدني .. اخاف يرفضني .. و ان رفضني ما انتهت
الدنيا ,, مصيري يابيت زوجي ونام بسوطه يا ونا ذليله و لا بيت اهلي .. انا لازم اسوي اللي ببالي .. برجع لك يا ماجد
مع اني خايفه من اسلوبك هل ممكن يكون كلام منيرة صحيح معقول اني وحشتك ما اصدق ابداا .. كيف اوحشك و انت
حتى ما تطالعني .. لكني بخليك تحبني غصب مو بكيفك .. مثل ما حبيتك بخليك تموت فيني ..
هههه اضحك على نفسي عمتي اقلها حاولت بكل الطرق تجتمع فيها باللي تحب حتى انها ارسلت له رساله و كان
مصيرها الضرب و فوق هذا عانت اربع سنين ما تتكلم .. و لا تتحرك .. قبل ما تموت بأيام ما قلت خلص هو مات و
انتهى
,, ما خافت من اخوها رغم ان عيب البنت تقول هالكلام بس برائئتها حسستها ان الكلام بهالموضوع مو بالدنائه هذي
ليتني عشت بزمنك كان سألتك وش اللي اصلحه عشان ماجد يحبني و ينسى غروره و لو شوي ..
ظليت افكر بحالي الى ان صممت على الفكره اللي براسي ..
ثاني يوم الصباح الساعه 9 و ثلث نزلت من غرفتي و رحت لماما و بابا اللي جالسين برا بالحديقه يتقهون ..
مشاعل " بابتسامه حلوة " : صباح الخير ...
الجميع حتى نجود معهم صباح النور ..
مشاعل " سلمت على الجميع و قلت ونا لساتني واقفه " : برجع الرياض ..
طبعا نجود "اتشنقت " : كح كح كححححح كح ..
عطتها ماما ام فهد مويه و شربت ..
بو فهد "و عينه على فنجانه " : ليه يابنتي ناقصك شئ .. مزعلك احد ؟؟
مشاعل : ابدا يا بابا ,, البيت بيتي ونا عمري ما حسيت اقل من كذا ,, حتى اني احسه بيتي اكثر من الشقة بالرياض
"وبقلبي .. الله يهديه ماجد من كثر ما يقول شقتي و بيتي حسسني اني غريبه ما قد حسسني ان بيته بيتي بس ان شاء
الله بخليك تحس " ..
ام فهد : تسلمين يمه .. قعدي كمن يوم وانا بكلم ماجد يجي ياخذك ..
مشاعل "بسرعه " : لا ماما ,, اصلا .. انا " و بتردد " : انا .. انا ..
انقذتني نجود عسى الله يسعدها : افهميها يمه .. المرة بتفاجأ زوجها و بتحتفل فيه .. حرام يعني ..
بو فهد "بابتسامه عريضه " : من قال حرام ,, الا انا بوصلها لبيتها بنفسي ..
نزلت كل اشياتي و اغراضي تحت و انتظر بابا .. خلصنا و ركبنا السيارة و مشينا ..
طبعا مو بس انا كلنا انا و ماما و بابا و نجود.. احس اني داخله حرب يا خسرانه يا خسرانه .. بس ان شاء الله افوز
بقلبك ماجد .. ماجد ما بي اخسرك مثل قبل مثل كل اللي خسرتهم قبلك .. انت لي و بتحبني مثل ما احبك .. اوعدك ..
"ابتسمت على كلامي ,, من متى صرت اتكلم كلام تحدي .. يارب استرها معي " وصلني بابا لباب البيت بغى يدق
الجرس لكني رفضت .. وقلت له يمكن ماجد نايم و اخاف ازعجه ففتحت الباب بمفتاحي عزمت على بابا يدخل معايا هو و
ماما و نجود يرتاحوا بس هو رفض و قال مرة ثانيه .. احلى شئ لما قالي لا تقطعين ,, حبيت بابا ابو فهد رغم اللي
سواه بعمتي و اخوه الا انه انسان زين و لا ما يندم الا الانسان اللي عنده ضمير هذي وجهة نظري .. شفت الساعه كانت
خمسة العصر ,,أاكيد نايم .. دخلت بخفة .. البيت مظلم اعوذ بالله كأنه مهجور .. بعدين الله يسامحه ماجد ليه مسكر
الستاير ..
اففف مغبره .. رحت حجرة التلفزيون شفت التلفزيون مفتوح بس مكتوم الصوت لا اله الا الله هذا عشانه ما يدفع
الكهرباء .. و الله بخلي بابا يبطل يدفعها بداله .. و اكواب فوق الطاوله و الارض هذا ليه ما يغسل اكوابه انا بعرف شلون
كان عايش لما كان عزابي .. اهاا اكيد فهد اللي كان يغسل و لا هذا مو شكله شكل واحد يتنازل و يغسل حتى كوبه ..
فسخت عبايتي و شلت الاكواب و غسلتها .. ياوووووووويلي هذا مجنون .. لا حول و لا قوة الا بالله اففففف
لو تشوفون المغسله شئ كاسه و شئ ملعقه وشئ صحن .. لا اله الا الله كانه بزر .. وليش ما يغسل القدر
شكله صلح بيض مسلوق بصراحه ضحكت ما اتخيل ماجد يعرف يطبخ لا و ماسوى الا البيض المسلوق عاد احلى طبخه ..
نظفت المطبخ و اخذ مني ساعه .. و رحت حجرة التلفزيون معايا عدة التنظيف .. و نظفتها .. و توجهت للصاله و نظفتها
تصدقون 4 ساعات و نا انظف بس الغبار كان كثير .. توجهت لغرفتي غرفة النوم الغرفه باااردة برود الثلج فتحت اللمبه
الصفرا .. شفته عالسرير .. ما تصدقون شلون اشتقت له ؟؟ اشتقت لحسه و وجوده و الله ان البيت و راعيه و هواشه
بعد لهم وحشة قربت منه و نا خايفه يكون صاحي و لا يصحى .. الغرفه عاد ما اقولكم كيف صايره مبهدله قسم بالله
المطبخ اهون .. هذا على باله يبهدلها عشان انا ارتبها بوريك يا ماجد بخليك تتعلم شلون ترتب الحجرة اصير علي و
بتشوف بنت الخــ ..... وش بتسوي فيك ياولد البـــ ... قربت لمه ونا اشم ريحته.. ماجد ما احسك شراني و لا مجرم و لا
قاسي و انت نايم مافيه احلى عنك .. ليش وانتي صاحي احسك موب صاحي تعاملني معامله شينه و احسك قاصدها..
يالله اتهنى بعذابي لان جاء دورك بالتعذيب بس هالمرة بعذبك عذاب الاحباب عذاب ممتع و رقيق .. يخطف الانفاس
يرد الارواح .. بكون احسن عنك و بيكون عذابي حنون .. ابتسمت يوم تحرك و حك خشمه بالمخده ودي المسه و
اربت على شعره مثل الام يوم تمسد على شعر وليدها ..
قربت من اذنه بشغف و شوق قلت له .. :: احــــبكـــ .. أحــــبـــكــ .. توجهت لدولابي و خذيت لي فستان احمر
ابتسمت بخجل .. ادري انك تحب الاحمر . .. بالبسه بس عشانك مع اني ما احب الاحمر
بس لانك تحبه بحبه انا بعد ..و رحت للحمام اللي برا .. و استحميت و تعطرت .. رحت لحجرتي وهو ما زال نايم
حطيت مي كاب خفيف حتى الشدو كان وردي فاتح يلمع و الروج ودي احط له لون احمر بس انا ما شريت لي هاللون ..
لحظه منور شرت لي .. ايه دورته بشنطة يدي حصلته كان احمر صارخ .. حطيته و من الحواف حطيت غلوس وردي
بلمعة .. صار لون الروج غريب ,, بارد على حار عجبني .. اووووبس تذكرت الفحم ولعته على النار ..
حطيت القهوة على النار و خرجت بسكويت و سويت حلى خفيف و سريع ما ياخذ وقت .. جبت المبخره و حطيت البخور
و جلست ابخر البيت و صلت لحجرته ما حصلته على السرير بصراحه كل الشجاعة اللي فيني اختفت .. و الله ياخوفي
يقولي بلا حركات اغراء و مدري ايش .. شلت شرشف السرير و حطيت جديد بداله و رتبت السرير و نظفته ..
خذيت من الشموع اللي بالدرج و ولعتها و حطيتها بالصالون .. خرجت لماجد بدلة حلووة بنطال ازرق جينز و بلوزة كت
احمر .. .. ابتسمت ابغاه يطقم معااياا .. و حطيت ملابسه على السرير .. رحت برا الحجرة و سكرت بابها عشان ان طلع
اسمع صوت الباب و استعد .. صارت نص ساعه من خرجت من عنده ليش ما طلع .. اخاف ما يكون لبس اللي طلعته له
.. عمره طويل .. جبنا سيرة القط قام نط . .. هذا هو خرج ياويلي انا خرجت له ملابس عشان يلبس مو عشان يطلع لي
ونص جسمه مكشوف و الباقي لاف عليه المنشفه .. طالعني بذهول وقال : انتي جنيه و لا انسيه ؟؟
مشاعل " بصراحه شكله وقتها ذكرني باللي سواه معايا و ذكرني بالحقير اللي اغتصب فييني .. غمضت عيوني بقوة
حسيت بقربه لان جسمي كان بارد و بمجرد وجوده حسسني بالدفئ .. بدلخلي صراع افتحي عينك يا مشاعل مو قلتي
بتخليه يحبك كيف تخليه يحبك و انتي داخلك خوف منه و حيا و خجل تراه زوجك حلالك طالعيه هذا ماجد اللي تحبينه
مو ذاك الحقير .. فتحت عيني شوي شوي .. الا اشووفه .. لكن هالمرة ما اشوف ماجد اشوف ... ؟
|