الحلقة السادسة والثلاثون :
"" مثل الشوك بالبلعوم "
أبي اضمكـ × ضمتين ×
ضمه الحين
وضمه يفرضها × الحنين ×
أبي لا همت فيك انسى كل صيحات الانين ..!
وأبي اذا التقت قلوبنا
أسمع (نبــض) قلبي وقلبك ..
وكل ما أزيد في ضمك ..؛
×
أسرح بعيــد ×
وأروي لك قصة عذاب ...
مدفونه في قلبي الحزين ..,
// نجـــــــــــود //
نجود " الحمد لله إن مشاعل فكرت بعقلها زين و لعبتها صح .. ماجد أخوي و أنا أدرى به هو عنيد و
المشكلة ثنيناتهم أعند من بعض الله يوفقهم و الله يعطيها على قد نيتها و قلبي يقولي بتنجح حياتهم بس لو
واحد منهم يتنازل شوي .. سافرنا كلنا ويا مشاعل وصلناها على شقتهم و رحنا بيتنا اللي بالرياض .. جلسنا
يومين بعدها ردينا القصيم أتصلت على منور و علمتها إننا بالرياض الحين وان مشاعل ردت لبيتها عاد
تعرفونها الهبله من الفرحه بتروح لهم و تبي تبارك بالردة مالت عليها هبله هذي و لا شلون
نجود : بلااستهبال منور ..
منور "من جدها تسولف ": شفيها يعني مستانسه حرام ..
نجود "و بيطق لها عرق " : لا قلبي موب حرام المشكله اخاف تروحين بداهية بسبت هاللقافه اللي فيك ..
منور "بشهقة " : لقااافه بسم الله علي ما غير الفضول اللي فيني .. ترا الفضولي هو المثقف على فكره يعني
اذا ما تعرفين ..
نجود : تصدقين انا الهبله اللي علمتك .. ياويلك يامنور لو رحتي لهم قسم بالله أعلم عليك أبوي .. شوفيني
حلفت ..
منور "بقهر " : وانتي شكو تحلفين .. اووووووف .. الحين شلون بعرف وش بيصير معهم ..
نجود "بغرابه " : وانتي ليش بتعرفين ؟؟؟ ياااربي اقووول باااااااااااااااااااي .. و قفلت الخط بدون مااسمع
ردها ..
ياربي هالبنت تزوجت و هي مثل ماهي ,, الله يكون بعونك سعوودووه ..
// منـــــورة //
منور " اوريك جود تقفلين بوجهي و الله مردودة و بتشوفين .. الحين شلون بروح لماجد و شوشو ..
جلست افكر لكن صدق كلام نجود اصلا مالي وجه اروح لهم ,, لا و متهاوشة مع مشاعل و أروح عندهم ما
تجي .. بس شسووي ما يهون علي ماجد احبه هو اخوي و اختي و صديقتي و كل شئ هههههه .. أذكر يوم
رحنا( أحد الدول العربيه ) انا و هو بسسسسسسسس .. خخخخخخخخخ حركات و الله يا بهدذلته بهذله ...
منور : مجوود طالع هالبنت حليلها ما عندها فلوووس ..
ماجد " بعبط ابتسم للبنت بمجامله لانها كانت تناظرة و مستغرب من كلام منور ": الحين هالجمال كله و
هالكششخه و ماعندها فلوس اجل حنا عندنا ..
منور "بضحكه " : ماتشوف وش لابسه ما عندهم قماش زيادة تستر فيه صدرها مالت عليها .. و يوم قربت
البنت لا و تقز بماجد قز عسى عيونها الحوول .. قلت بصوت عالي : مااالت من زين ضروسك مسوسه و
مصفرة ما عندكم سيجنل تو و لا سنسوداين حتى كريست اب .. ديرة وش كبرها أشكال و ألوان وجع ان شاء
الله سكري فمك وععع ريحته فايحه .. البنت من يوم قلت لها هالكلمة وجهها غدا طماط تصدقون ظنيتها بليا
دم لو تخجل جد كان مالبست اللي لا بسته .. و لها عين تضحك و ضروسها مسوسه الحمد لله و الشكر ..
سحبني ماجد من ذراعي لبرا و هو يتأسف منها ,, و أنا اقوله وراك تتأسف انت ما سويت شئ انا اللي قلت
لها و بعدين هي تستاهل ..
قال لي : و الله لو ماتسكتين لأخلع فكك الحين سكتي ..
منور بصراحه ما خفت منه بس انقهرت اجل يسبني عشان هالوسخه .. مالت ..
ماجد : اوريك يالحمارة هذا انا الغلطان اللي شلتك معي يالبدويه قلت احضرها شوي ..
منور "بشهقة " : بدويه تسواك و تسواها فاهم ...
ماجد : و انتي شلي قاهرك ,, عطيها طاف موب كل شوي تتهاوشين مع وحده بلاك هبله ..
منور : والله اغار عليك تراك حلالي ..
ماجد " بنص عين " : زوجتي على غفله و أنا مدري انقلعي اشوووف ..
حرم ياخذني بعدها معاه يوم يسافر . يقول توهقيني و تفضحيني قدام خلق الله ..
هههههههههههههههه .. ايام حلووووة .. اخاف اتدخل الحين يقوم يرميني من الدريشه ..
و الله ان مجود حبوب و طيوب بعد بس شوية غرور على حبيتين عناد وهذا اللي محليه فديت خالي
بعد عمري الجذاااب قلتها بصوتي وأنا ارمي بوسه بالهواء وهنا سعود دخل ..
سعود و بضحكه : هذي البوسه لي .. اجل لو كنت ادري انك تنتظريني كان من وقت جيت بس و لا يهمك
هذاني معك ..
قرب منها و هي بعدت عنه عقد حراجبه ما توقعها منها .. : شفييك ؟؟
منور " من طرف خشمها تقول " : ما فيني شئ ممكن تتركني بحالي ..
سعود "رفع حواجبه " : لا و الله حلفي ,, اجل تو من كنت تحبين لا تقولين الهوا ؟؟
منور : سخيف .. كنت ابوس بعد قلبي و هلي ,, حبيبي " طالعته شلون يطالعني بقهر " .. مــــاجـــد ..
تركني و طلع من الحجرة .. أحسن خله ينقهر و لابس انا اللي اموووت من القهر بسبت امه و هو كل يومين
خلص عشاني قلبي .؟. تحملي و أحيان أحسه وده يكفخني .. و الله مليت و اللي قاهرني هذي جارتنا
كل يومين عندنا ,, احس ان عمتي ما تغيرت الا من جت هالعقربه وو سكنت بجنبنا لا و
فرحانه هي ووجهها ببنتهاهي صدق زوينة بشرتها شوي حنطيه و عيونها سود وساع و
شعرها الى كتفها بس انا احلى عنها .. ياخوفي يصير اللي ببالي قسم بالله وقتها ما بسكت ..
تخيلوا ذاك اليوم جت العقربه الله ياخذها قال شنو بتتقهوى عندنا عساها السم<<< بسك دعوات على خلق
الله .. عدنــا
المهم .. عاد و أنا بقهويهم تحت عمتي مسوية مثل بيت الشعر للحريم اللي هم صديقاتها
و أنا بقهويهم و العقربه جالسه تتمدح ببنتها و تقول اللي ما تستحي بعد ما باشرتها القهوة و ذاقتها
( العقربه ) أم الهنوف : وييييه وش ذا بالله عليتسم هذي تسمونها قهوة لا و تحرك شفايفها يمين يسار اللي
ما كأنهااعوذ بالله خلوني ساكته لا انطرد من الدور اللي انا فيه المهم
كملت العقربه : عشتوووو .. اقوول يااوخيتي مابتذوقين قهوتي ابشرتس ان بنيتي الله يحفظها هي اللي
صلحتها لتس ..
منور "بقهر و غيض مكتوم " : افاا ياخاله ما عجبتك القهوة هذا و أنا مصلحتها بيدي ..
العقربه تصطنع الاسف : لاااا حلفي .. تصدقين عاد ظنيت ان الشغاله مصلحتها ..
منور " ايا القهر الحين قهوتي ما عجبتها و بنتها هذي تصلحها احلى عني , ما عطتني فرصة عقربة الغبره
و خذت الدلة و عطتها بنتها تصب القهوة .. و أنا من قهري تميت ساكته و لا كل شوي تتمدح ببنتها قدام
عمتي بنتي و بنتي و بنتي و همبعد بنتي حشى ما كأن الا هي بس اللي عندها بنت ..
و الله قلبي موب مطمن لهم ابد .. أخاف يلعبون على راس سعود و ياخذها كفايه ان عمتي ما تحبني اااه بس
لو ادري شلي غيرها علي ..
// نجـــــود //
نجود " و الله يا مللل ما تتخيلونه و بعد ما راحت مشاعل احس ان البيت فضي علينا .. و حياتي مهيب
عاجبتني .. أحس بقلق لحياتي المقبلة و كأني بضياع ماله أول و لا آخر .. و هذا متعب المفروض هو اللي
يبدء يقرب مني ,, هو صدق أنا رفضت من البداية بس كان لزوم أنه يحاول مهوب من أول مرة .. الكورس
على نهايته و بخلص دراسة و بتزوج و روح بيت زوجي و اهتم فيه و اجيب منه عيال وش بعد ؟؟ أحس إن
حياتي مملة ماسويت بها شئ .. وجت الاختبارات و اشغلتني عن قبل و شكرت ربي حتى ان علاماتي مرتفعه
هالترم .. و بما انه اخر ترم لزوم ابدع فيه بودع الجامعه بعدها .. بأسبوعين خلصت امتحاناتي .. ما عندي
غير أربع مواد ..
// مشــــاعل //
مشاعل " مشاعل خذيت لي شور وانا ما زلت بالمنشفه ,, خليت شعري منسدل بس حطيت فيه كريم يعطيه
بلل كأنه مبلول مع انه صدق توني تروشت ومبلبل شعري ,, و حطيت لي غلوس وردي بلمعة وشدو وردي
و على حدود الحواجب جهة الجفن ملمع ابيض يعطي تحديد للحواجب .. و تو البس الفستان بس مو عارفه
اربط الحبال اللي بظهري لأن من نص الظهر لنهايته حبال و يبيلها ربط .. فجأة و انا بقمة إنشغالي بهالحبال
الا بحس دافئي و بأصبع لسعت ظهري لدرجة حسيت بكهرباء وصلت لقلبي و أنعشته .. تو أحس إن قلبي
بيرجع يحيى وش أوصف وش أقول ؟؟؟ اللي يصير معي أبلغ من أي وصف .. اترك الاحداث توصف نفسها
..
// مـــــاجـــد //
"ماجد: سمعي بطلع مع خوياي و فهد اخوي للبر ساعتين كذا ما بطول و اذا جاك النوم نامي زين ..
مشاعل "بتاكد أكثر " : ساعتين ؟؟
ماجد "بصراحه " : مدري و الله اممم يعني الحين و طالع ساعته الساعه 7 ان شاء الله الساعه 10 و لا 11
بالكثير و أنا بالبيت ..
مشاعل " اممم لو ايش ما خليك تجلس كل هالوقت برا ,, بس حلو عشان البس الفستان و اوريه هو " :
ماجد لا تطول ..
ماجد "وده تقول له لاني بفتقدك " : ليش ؟؟؟
مشاعل : أخاف بالحالي في البيت ..
ماجد " وخاب ظنه " : انزين فمان الله و قفل الخط ... توجهت لخوياي اللي اتصلوا علي اشتري لهم اشيات
من البقاله لانهم سبقوني ..وأنا رايح لهم بالطريق نفسي مرة بس تقولي أحبك . ياااه متى يجي اليوم اللي
تحبيني فيه شعولتي .. يوم قالت لا تطول استانست سألتها ليش تمنيت انها تقول لاني بشتاق لك و لا بفتقدك
بس خيبت ظني تقول تخاف اذكر ذاك اليوم اللي حكت لي عن شغالة جيرانهم حسبي الله عليه النذل يلعب
بعرض الناس و ما جت الا عليها هي و شافته الحين تعقدت وشكلي انا بتعقد من عقدتها أخااف ان تأخرت
عليها تخاف و تتغير علي ما صدقت صارت تسولف و تضحك معي بس و الله قهرتني اجل اشتري لها فستان
جايبه خصيص لها من (( من احد الدول )) وطقم ذهب ابيض عليه الماس و لا حتى شافته و الله قهرتني
كأني ما أعني لها شئ ليش هي باردة معي يعني لا يكون تظنني أخوها و هالمعامله الزينه على اساس اني
اخوها و الله بذبح نفسي ,, اجل أحبها حب رجل لامرأة و هي تظحك و تسولف بس يوم أطالعها بنظرات حب
و افتتان أحسها ترتبك و تخرج من المكان اللي انا فيه .. ياربي من القوي اللي يتحمل هالاغراء و الافتتان و
البراءة و يسكت ما يحرك ساكن مامداني اشتاق لها بس و الله اشتقت و لا لي نفس اروح لخوياي مابغيت
ارو ح الا لما شفت برودها ..
اتصل خوويي و سألني ... سالم : وووينك بو نواف ؟؟
ماجد : بالطريق , سالم ..
سالم : هلا ..
ماجد : مانيب جاي ..
سالم : وشوووو ؟؟ أقول مجود اركد و أنا اخوك المرة موب طايرة يارجال ماشفناك من زمان الحين لك
شهر خافي ربك بتحرمني من شوفتك .
ماجد "باستهزاء" : مرتي وانا مدري , اذا المرة ما اشتاقت لي انت يعني اللي ميت فيني ..
مانتبه ماجد ان اللي بخاطره قاله .. سالم سكت بعدها قال لي
سالم : صدق ما بتجي البر .. ماجد إنت موتك و حياتك البر ,, انت اللي كنت تهبقنا ..
ماجد بضياع : مالي خاطر بشئ سلووم..
سالم : انزين انت وينك فيه ؟؟؟
ماجد " وصفت له مكاني بالمحطه و اقل من نص ساعه كان سالم معي ..
سالم : عسى ماشر شفيك شكلك موب عاجبني ..
ماجد بتعب : تعبااااااااااااااان يا اخووك ..
سالم : سلامت قلبك يا اخوي .. سكتنا ثواني و لا دقايق مدري ...
سالم بهدؤ : تحبها ؟؟
ماجد وأنا كنت أفكر بتأمل قدامي ما ألتفت لسالم و لا حتى تكلمت ..
سالم : لها لدرجه حبها أكبر من حب الريم ؟؟
ماجد "ابتسمت " : الريم ما عذبتني يا سالم أنا اللي عذبتها الريم عزتني و أنا أهنتها .. الريم
حبتني و أنا كرهتها فيني ..
سالم : للحين متذكرها اجل شلون تحب زوجتك ما عدت أفهمك ماجد ..
ماجد : ههههه انت ناوي تفهمني .. اذا انا موب فاهم نفسي جاي انت بتفهمني .. اللي أقدر أقوله إن ذكرت
الريم أحس بحبها بقلبي و إن كنت مع زوجتي أنسى الدنيا كلها و بما فيهم الريم ..
ابتسم سالم : لانك تحبها ..
ماجد ابتسم نص ابتسامه : مو جديد أدري .
سالم بتردد : وهي تحبك ؟؟؟؟ .. ماجد كان السكوت هو جوابي
وش اقولك يا سالم انا زوجها مادري ان حبتني و لا لاء
تكلمت و قلت له : تأخرت بروح البيت تامرني بشئ ..
سالم : هالله هالله بنفسك ..
ماجد : ان شاء الله .. "رجعت البيت وأنا مشتاق لها شلون بغيت أتركها بالحالها دخلت حجرة النوم بهدؤ
ابي افاجأها برجعتي بسرعه ووبشوف ان اشتاقت لي
اغراني الموقف وفتني جمال جسمها اللي حلى الفستان شفتها تحاول تربط الحبال اللي
بظهرها استانست اني اخترت هالفستان قربت منها و أنا كلي شوق و حب و عطشان حيل حييل لحبها أبي
كلمة و لا حتى لمسة ترويني و الله ما وعيت بحالي الا و انا قربها و اهمس بإذنها
: بربطها عنك حسيت برجفتها يوم لمست بصبعي ظهرها
قالي : ووين الطقم
.. ما قدرت انطق
شاف علبة الطقم على التسريحه قربني من ذراعي للتسريحه بحيث وجهي عليها
و ظهري عليه و لبسني الطقم انا من خجلي راسي بالارض .. لفني عليه و قرب مني وااايد لبسني حلق
وذني الثنتين قرب مني و قال اول مرة اشوف اذن يخجل ياحلوك أحلى من شافت عيني و أحب من حبه قلبي
.. ماصدقت اللي يقوله هذا ماجد الللي اخيرا قالها قال لي احب لكن لا هو ما قال احبك لا قال لي احب من حبه
قلبي لازم يقولي انه يحبني و ياليتني طلبت الجنه لحظتها
لفت وجهي عليه و رفع راسي و أنا عيوني مغمضه
ابوح اللي بقلبي من جروح و جنون حب مدفون .. قال فتحي عينيك ملاكي بطواعيه فتحتها كأنه يحكم
مساري ليه الخل و رفيق العمر له كلمته ان قالها نمشي وراها بدون وعي و لا حضور .. ماجد : تسرقيني
من نفسي لا خاطبتك بكلامي ,, تسرقين أنفاسي يوم إني أناظرك ..
دخلتي حياتي غصب و
صرتي اللحين تملكين كل ما فيني .. قرب مني أكثر و قال أحبك كثر البحر و عدد حبات المطر ,, أحبك كثر
أيامي و سنيني , أحبك بكل معنى لشوقي و احساسي .. أحبك يا اغلى ناسي و ساسي ..
و بنتظرك الى أن يحن علي الزمن و تحبيني مثل ما احبك
و قبل لا يتركني قال احبك تركني و رايح .. مسكته من ذراعه ..
// مـــاجد //
ماجد " شلون قلت لها كل اللي قلته مدري لحظة ضعف .. لمستني لا مسكتني من ذراعي هذي حقيقة و لا
خيال ما اصدق قربت مني و أصدق القول اني خفت خفت تقولي ما ابيك أكرهك .. صدقوني بتحطم .. لكن
اللي فاجأني يوم قالت
مشاعل ما قدرت اتحمل اكثر مسكته قبل لا يروح لان بعدها ما عاد بتجيني فرصه و قلت : إذا انت
تحبني مرة فأنا أعشقك مليار .. .. ودفنت وجهها في تجويف كتفه و قلت.. ضمني مابين قلبك والعيون ..
خلني أنسى زماني والمكان ضمني بأحساس تكفى يالحنون .. وأروني من فيض حبك والحنان ....و ابتسمت
تلك الليله بعذوبه تتسلل لها نغمات حب إكتمل و عطش الشوق اللي ارتوى .. .......
صباح اليوم الثاني
فيصل كنا انا و فهد ويا بعض عندي بالبيت من امس و هو عندي و هذا بيت ابوي بالاصل بس يوم مات
صار لي و لاخوي و الحين اخوي مات و ماله وريث فصار لي .. كنا نايمين و صحيت على الساعه 7 و
عشرة و صحيت فهد و صلحت له الشاي و خرجت له فطور .. جلسنا نفطر و عرض علي فهد شغل
عنده بمكتبه هو و سعود .. من امس و هو يقنع فيني الى ان اقتنعت .. و اليوم اول يوم لي بداوم معه و
ناوي اشتري لي سيارة .. بس خلني اشوف رصيدي بالبنك و ناوي بعد اضبط البيت شوي .. مليت من
ديكوره .. رحنا للدوام وفهد يوريني مكتبي وين كان قريب من مكتبه المهم معظم الوقت و هو معي لاجل
يفهمني بعض الاشغال وحوالي الساعه تسع يمكن جاه اتصال و انا كنت بجنبه .. رن جواله ..
فهد : هلا يبه ..
.. .... : .... ... ...
فهد"اعتفست ملامحه و باين عليه الصدمه : وشوووو ؟؟؟ متعب ؟؟؟ شلووون ؟؟ مااصدق .. جايكم ...
ماجد .. ايه انزين بجيبه .. يالله فمان الله ..
فيصل وقفت معه : عسى ما شر ؟؟
فهد ياخذ شماغه : فيصل خلك بالدوام و كلم سعود اني بتأخر انزين ..
فيصل : ابشر لكن شفيك ؟؟ صار شئ فهد انا اخوك ان بغيت الفزعه تراني معك ..
فهد : ما تقصر .. و راح فهد استغربت قلبي موبمطمن اخاف نجود صاير لها شئ ...
// مـــــــــــــاجد //
الساعه 10 و ربع صباحا ... صحى ماجد واول ما فتح عينه التفت لها ناظرتها
خدودها ورديه مع الصباح و شكلها نعووم .. قمت من مكاني و خذتي لي شور يااه حاس براحه مو طبيعية ..
خلصت خذيت لي برمودا سودا و كت بيج .. قربت منها و نفخت بوجهها تضايقت و فتحت عينها شافتني و
ابتسمت لها و هي بخجل غطت وجهها باللحاف و أنا و خرته عنها و قلت : صباحية مباركة .. حطت صبعها
السبابه على افمي و بسته لها سحبت ايدها و غطت راسها من جديد قربت منها بعدت عني .. الا سمعنا
صوت جرس الباب ........
ماجد : اووووووووووووووووووووووووف .. وش ذا جوال و قفلته عشان لحد يزعجنا ,, دوام و اعتذرت
ما رحته الحين من جاينا مع الصباح ..
مشاعل ضحكت برقه .. على كلامه يهبل و هو معصب ..
ماجد بقهر: ايه ضحكي لكن وين بتركك جايك جايك بس خلني اشوف من عند الباب ..
مشاعل : من تحت اللحاف يارب منووورة ..
ماجد بهلع : مالت عليك تكرهيني قوليها , بس ليش تجيبين سيرة منور هذي تشم اسمها و تنط لنا ..
مشاعل ضحكت مرة ثانيه ..
ماجد : ااااخ بس جايك طيران .. ركضت لعند الباب
..فتحت الباب و أنا ناوي على منيرة .. اللي استغربته انه اخر انسان توقعته يطق بابي .. ماجد باستغراب
واضح : فهد حياك تفضل ..
فهد بجديه و ملامحه ما تدل الا على كارثه : ماجد البس ثيابك و مشي معي
ماجد بخوف من كلام فهد لانه يعرفه ما يقول شئ و هو بذا الشكل الا ان كان كايد : فهد موب ماشي الا
لما تعلمني ..
فهد "بحزن ممزوج بقهر" : أختك نجود ..
ماجد بخوف : علامها ..
فهد " بقهر " : تطلقت ..
مشاعل "بشهقة " : لااااا ..
فهد التفت و عطيته ظهري نازل الدرج و قلت : انتظر ك بالسيارة بنطلع القصيم ابوي يقول انها مقفله على
نفسها الباب وموب راضيه تكلم احد تكفى اسرع ما بغيت اخرب عليك بس اخاف تسوي بنفسها شئ ومشى..
جاء ماجد وبسرعه يلبس ثوبه ..
مشاعل : بروح معك ..
ماجد: لا ..
مشاعل :تكفى .. وعدتني تكون معي و ما تتركني ..
ماجد بعصبيه ما قصدتها صرخت : قلت لااااااا ما تفهمين ..
مشاعل "صرخته خلت دموعي تتجمع بعيني .. سكت و ما تكلمت حتى اني طلعت من الحجرة و هو يلبس و
رحت بالصاله و جلست على الكرسي و انا حاضنه رجليني و مسندة ذقني على ركبتي طلع و ناظرني و انا
درت وجهي الناحينة الثانية .. خرج من الشقه و سكر الباب ..
مشاعل "انا الغبية اللي ظنيتك بيوم بتتغير " ..
ماجد ماكان ودي أصرخ عليها بس الموقف اللي أنا فيه و معرفتي ان نجود تطلقت خلاني أعصب و هي بعد
ناقصها أنا ..طلعت للصاله بشوفها بس شكلها و هي ضامة رجلينها كسرت خاطري .. أحبها و الله .. تركتها
الحين ما عندي وقت لما أرجع براضيها .. نزلت تحت شفت فهد
داخل السيارة رحت له .. وحرك على طول و قلت : مشاعل .. وسكت ..
فهد "بجدية مع إن داخلي إهتمام من يوم طرى اسمها " : شفيها ؟؟
ماجد : تخاف تجلس بالحالها ودها تجي ..
قاطعتهفهد : انزين خذها ..
ماجد : ما تعرف اخوانك الحين لا شافوها بيجلسون لي على الوحدة ..
فهد لف راجع للبيت : و انت وش عليك منهم زوجتك و انت حر تجيبها وين ماتبي ..
ماجد : شورك و هداية الله اتصلت عليها بالبداية ماردت شكلها زعلانه بعدين ردت علي بس ما تكلمت قلت
لها : لبسي عباتك دقيقتين و أنا عندك و قفلت السماعه ..
مشاعل خذيت عبايتي و لبستها قفلت الانوار و جلست انتظره
فتح الباب و قال لي : طلعي رحت معه بدون ما اكلمه ..
ركبنا السيارة و قلت : سلام عليكم
رد علي فهد : هلا .. و عليكم السلام و رحمة الله و بركاته شلونك أم نواف ؟؟؟
مشاعل استغربت : من ام نواف ؟؟
ماجد : انتي ..
مشاعل استغربت بس قلت : الحمد لله .. و سكت لان ماجد يوم قال
لي انتي كأنه بينهي الكلام .. طوال الطريق و أنا احس الجو مكهرب .. وصلنا
القصيم و دخلنا البيت و أنا ماشيه ورى ماجد كانوا جالسين بالصاله يعني قريب من المدخل طالعوني
بطريقه خوفتني كانت كل الانظار علي من حرجي اتخبيت ورى ماجد ..طبعا اللي كان بالصاله هم اخوان ماجد
ما شاء الله و عددهم 4 و مع ماجد و فهد صاروا سته ومع ابو فهد و امه 8 اشخاص حسيت نفسي
غريبه ..
خذاني ماجد لداخل و قال : خلك داخل مسكته من ذراعه و قربت و أنا مازلت ملثمة
مشاعل : آسفه حطيتك بموقف محرج ..
ماجد مسكني مع وجهي وقال : ان كان وجودك احراج فأنا مستعد انحرج طول عمري يا عمري
باسني على جبهتي و راح .. ظليت واقفه شوي اخذت نفس كنت طالعه لنجود .. لكن وقفني صوت ماجد
العالي : انت مالك خص بزوجتي فاهم ولا شلون ؟؟
حمدان : ماجد لا ترفع صوتك هذا اخوك اكبر عنك ..
ماجد : انت موب شايفه شلون من شافها جت هب فيني هب .. لا و أخوك الثاني يسانده .. بفهم داست عليكم
بطرف ..
علي : ما قلنا شئ .. كلام الحق يزعل .. كلنا ما علمنا احد بما فيهم زوجاتنا أما انت ياليت معلمها و بس لا
وجايبها معك .. اذكر انت يا ماجد اللي قلت ياليت زوجاتكم مايدخلون باللي ما يعنيهم ..
كمل أحمد أخوه : و الحين انت اللي اخلفت .. و بتنتشر السالفه ..
فهد يرد على احمد : على ما أظن موب مشاعل اللي تنشر
سوالفنا ما في غيرها زوجتك شغالة ونانه بالبيوت ..
أحمد : احترم نفسك و انت شعليك لا يكون زوجتك و حنا ما ندري ..
بو فهد : خلاااااااااااااااااااااااااااااااااص .. ماتستحون انت و هو وهو و انت بعد .. مانيب
مالي عيونكم تتهاوشون و قدامي بعد , هذا بدال ما تشوفون اختكم شصار عليها ؟؟ و شلون طلقها ؟؟ و ليه
ما خبرتنا ؟؟ جلس ابو فهد بتعب على الكرسي .. و كمل كلامه : أحس إني سبب تعب نجود هي ما كانت تباه و حنا اللي نحليه بعينها ..
أم فهد "بحزن " ما هقيته يسويها الا متعب ليه طلقها ليه شسوت بنيتي ؟؟؟
ماجد بقهر : لا تطرينه يمه ..
فهد : بطلع لها ..
ماجد : و أنا بعد ..
عبد العزيز و أحمد: و حنا معكم .. طلعنا لها و طقينا الباب مارضت تفتح لنا حتى ان فهد حاول فيها
فهد : جود حبيبتي فتحي الباب انا فهد اخوك حبيبيك .. نجود
ما تكلمت ..
عبد العزيز : لا يكون صار عليها شئ ؟؟
أحمد : شرايكم نكسر الباب ..
فهد "بغيظ بسبب كلامه على مشاعل " : اركد يا خووي تراك اكبر عني ..
ماجد : وش الحل ؟؟
مشاعل "بنعومتها المعتاده " : ماجد .. طالعها الجميع نزلت عيني بالارض و قلت بقلبي انا قلت ماجد ما قلت يا جماعة الخير ..
و كأن ماجد قرأ اللي بقلبها و قال بعد ما التفت لهم : اعتقد انها قالت ماجد و لا شرايكم ؟؟؟ حسوا بالاحراج
و عطوهم ظهورهم ..
قرب ماجد بقهر من مشاعل : قلت لك خلك داخل لا تطلعين ..
مشاعل : اجر ب ادخل لها ؟؟
ماجد : ما فهمت ..
مشاعل : خلوني اكلمها يمكن تقتنع ,, يمكن تستحي تكلمكم انتم اخوانها بس انا بنت و افهمها
.. ماجد بعفوية : هذاك اول كنتي بنت الحين مرة .. مشاعل انحرجت منه
و هو مستانس على احراجي و قال : انزين
.. كلم اخوانه فهد رضى و عبد العزيز بس أحمد ساكت بالاخير قال مدري عنكم ..
قربت من البا ب و قلت : نجود ياقلبي فتحي انا مشاعل " سكت شوي بعدها قلت " : ظنيتك بتفتقديني ..
ماجد كان وراي قلت له : ماجد لو دخلت لحد يدخل معي ..
ماجد : ليش ؟ ..
مشاعل : قلت لك يمكن تستحي منكم ..
ماجد : انزين ..
ردت مشاعل تكلم نجود : اوعدك ما يدخل عندك غيري هذا اذا تبيني .. وانتي تعرفين وعدي ..
فهد "مشاعل تكلم نجود من عند الباب و أحمد يطنز " يقول : لا يكون فيلم هندي قدامي وش ذا ,, ظنيتك
بتفقديني ,, لا يكون زوجها اجل ماجد وشو , وعلى كيفها توعدها ترا راح و لا جاء وعد ماله اهميه .. فهد
"بصوت واطئ مليان قهر" : وراك ماتسكت بالع راديو انت ويا حرمتك ..
احمد : فهد احترم نفسك حرمتي لا تجيب طاريها ..
فهد وهو رافع حاجب و الثاني لا و الله بجيب طاريها دامها خربت اخوي العاقل و صاير مثلها انا ادري ان
الزوج يغير زوجته و يمشيها على طبعه موب العكس ..
ما سكتنا الا صوت الباب يوم انفتح و كنا متجهين داخل لو ما
ماجد و قفنا و قال يخاطب مشاعل : دخلي محد بيدخل .. دخلت مشاعل ..
أحمد : وليه ما ندخل ؟؟
ماجد "مقهور من احمد " : لاني وعدت زوجتي ما يدخل غيرها عن اذنكم بنزل لابوي تحت ..
فهد : خذني معك .. و نزل معنا عبد العزيز .. علمت ابوي انها رضت تكلم مشاعل و دخلتها حسيته ارتاح
شوي و اشوف امي و حمدان و عمر و علي كل واحد يكلم بالجوال ..
سألت ابوي : علامهم ؟؟؟
بو فهد : يحاولون يتصلون بمتعب و لا باخواته و ازواجهم ..
// مشـــــــــــاعل //
مشاعل دخلت الحجرة و سكرت الباب و قفلته بالمفتاح .. شفتها واقفه عند الدريشة شلت
عباتي عني .. رحت اكرمكم الله للحمام و غسلت وجهي و مسحته قربت من الدريشه من الجهة الثانية و
اطالع برا و مضى وقت مو قصير على سكوتنا
نجود : كنت مستانسة واايد ,, استانست لأول مرة من يوم تزوجته .. سكتت
مشاعل و انا مثل ما انا حتى ماقلت كلمة ..
كملت نجود : اتصل علي ما ظنيت أنه هو حتى إني ما رديت عليه لو ما أرسل لي رساله كتب لي فيها بمر
عليك اليوم بالليل بعد أذان العشاء" متعب " فرحت و استانست قلت بداية المشوار لاني صدق مليت من
حياتي و قررت انسى فيصل من زمان و كنت انتظر ولو
اشارة من متعب اصلا فيصل انتهى من حياتي من يوم ما متعب دخلها .. تلبست و تعطرت و تزينت من
الوناسة ما كنت أظن إن هذي نهايتي معه , دخلته امي المجلس بعدها دخلت انا ظنيت انه يناظرني بس
حسيت ببرود ما تتخيلينه رفعت راسي و اشوفه منزل راسه استغربت بعدها قلت له السلام عليكم اكيد
بتستغربين شلون اتجرء و ابدء انا .. لاني مليت سكوته و الانتظار و كنت متاكدة لو اني ما تكلمت كان هو بعد ما تكلم ..
رد علي: و عليكم السلام و رحمة الله و بركاته ..
بعدها سكتنا و اخيرا تكلم و قال لي : شخبارك بنت عمتي ؟؟
بهدؤ قلت له الحمد لله و سألته بالمثل شلونك ولد خالي ؟؟ قال لي احمد الله و اشكره .. بعدها بدقايق قام من
مكانه استغربت قومته حتى اني قلت له : بدري تو الناس ؟؟
متعب مارد علي مشى للباب و قال لي وظهره
علي .. طالق يا بنت العمة .. سكت , و رجع قال لي : طالق يا نجود طالق .. اصلا حسيته حلم لا موب حلم
الا كابوس لكن يوم قال لي بكرا ورقة الطلاق بتوصل لك صحيت من كابوسي اللي صار حقيقة , حسيت بقلبي
يتحطم و التفت علي و دموعها اربع اربع يا مشاعل انا اللي اتعذب فيصل و تزوج و نساني , و متعب هو
اللي سعى لي موب انا بالاخر تركني طلقني طلاق بلا رجعة تفهمين و ش معناته .. يعني مابرد له الا اذا
تزوجت ثاني .. وش بيقولون الناس عني ولد خالها طلقها لا و طلاق بدون ردة اكيد شاف عليها شئ .. مليت
مليت ..
ضميتها لي و لا تكلمت غير حناني الي حاولت اني اترجما بضمي لها .. بعد ما هدءت قلت لها : هذا قضاء
الله و قدره ربي ما كتب لك تعيشين مع متعب و ان شاء الله بيعوضك اللي احسن عنه ..
نجود بنفي : لا مستحيل ما عاد بتزوج ابد ابد ..
مشاعل : استغفري ربك جود حرام اللي تقولينه .. و جلست اقريها بعض الادعيه اللي تفرج
الهموم " حسبي الله لا اله الا هو عليه توكلت و هو رب العرش العظيم .." و " استغفر الله العظيم الذي لا اله
الا هوالحي القيوم و اتوب ايه " الى ان نامت على سريرها تركتها .. خرجت برا حجرتها و اتصلت على
ماجد ...
ماجد" أتصلت بعد ساعه يمكن او اكثر مشاعل , ونادتني و قالت لي لا تعلم احد اني ابيك
قلت لها : ان شاء الله ..
فهد لاحظت ماجد يوم رن جواله كلم بس بصوت واطئ ما ارتحت رحت وراه سمعته يكلم مشاعل
: وشووووووو .. طلقها ثلاث طلقات .. و بدون سبب .. مستحيل و الله ذااابحه ذااابحه..
فهد بصوت عالي : انا اللي بذبحه ..
مسكت يد ماجد قبل لا يتهور و بصوت عالي يمكن لاول مرة يكون صوتي لهالدرجة عاالي
: فهد ياخوي , ماجد تكفوووون لا تتهورون .."فهد وقف و ماجد طالعني " لو ذبحتوه بتستفيدون انتم و
لا ماما و لا بابا و لانجود شئ .. بهالطريقه ما بينحل شئ انتم غالين عند نجود و عند أهلكم لا صار عليكم
شئ بيتعذبون .. طلبتكم ..
فهد "بداخله يقول ليتني غالي عندك " : صار ..تركهم و طلع برا ..
ماجد ما تكلم .. مشاعل قربت منه و عيوني بعيونه قلت: لا تحرمني منك لا صار لك شئ بمووت, مالي غيرك
.. و سندت راسي على صدره .. ضمني و قال و لا يهمك مابيستوي الا اللي تأمرين فيه .. انتي الغلا و الروح
و الحياة بدونك جروح بس هذي اختي ما تهون علي .. ..
نزل ماجد علم اهله باللي صار .. وماما ام فهد تعبت ودوها حجرتها ..
وبو فهد مو عارف شلون صار اللي صار .. ..
ماجد و انا بحجرته .. مشاعل : جودي ...
ماجد " بتعب مغمض عيونه : هلا عمري ..
بهدؤ و حنان : اطلع لك الغدى؟؟
ماجد :لا مشكورة ما ابي شئ ..
مشاعل ما غصبته لاني ادري ان ما كان يبي ماراح ياكل ...
جلست بجنبه : بنرد الرياض ؟؟
ماجد "فتحت عيني " : تبين تردين ؟؟
مشاعل : مو قصدي ..
ماجد : أجل ..
مشاعل : كيف بتداوم ؟؟
ماجد : خذيت اجازة باكر ..
مشاعل : حلو عشان نجلس مع نجود و ماما و بابا نخفف عنهم شووي ..
ماجد بابتسامة طفيفه : خذيتها
لاجلك ..
مشاعل : عشاني ؟؟
ماجد : ايه قلت اعوضك عن شهر العسل بليله من الف ليلة عسل ما بنسيك
هي .. بس كالعادة نكدت عليك ..
مشاعل بحب : من قال , أهم شئ تكون معاي يكفيني وجودك ..
ماجد لمست خدها برقة : الله يخليك لي ..
مشاعل مارديت عليه لاني خجلت بجد خصوصا من نظراته بس بقلبي
قلت اللهم امين .. خذني لصدره احساس الامان حلو الحمد لله نعمة مقدر اوفي ربي حقها ..
حزنت على نجود لانها تذكرني بحالي بس الفرق ان ماجد ما طلقني .. و تقبل حياتي معه و حباني و حبيته ..
ابتسمت يوم قال لي : شعولتي "و بتعب و هم "خميني , ضميني لك اغمريني بحبك و حنانك تكفين ابي احس
براحه و انام
..مشاعل بحب مع ان الخجل سيطر علي بس يوم ناظرت عينه و شفت شلون هو متضايق للحين على اخته و
انا بعد متضايقه عليها بس احساسي يقول لي ان طلاقها خير لها هي ما كانت تبيه جت منه لانه مستحيل
تجي منها .. " بكل عطف قربت منه وخذيت راسه بكفوف يدي و حطيته على صدري و هو لف ذراعينه على
وسطي بقوة و قال احبك ..
وانا بحالمية : امووت بحبك , نام ماجد .. قلت بطمن على نجود لكن ماجد مطوقني
بقوة ولما حاولت اوخره عني شوي عيي يتركني الا زاد بمسكته .. ما حبيت اصحيه جلست شوي يمكن نص
ساعه بصراحه مسخها ابي اقوم اشوف جود .. فكيت يده بقوة و حطيت مكاني مخده فضمها له ضحكت
بصوت واطئ يحسب المخده انا ههههههههه ..
طلعت برا و كان وقتها شوي و يأذن المغرب طبعا لبست عباتي بصراحه جاية بتنورة و بلوزة ماسكه علي
ففضلت امشي بالبت بعباتي عشان ما يتضايقون رحت لما نجود و حصلت فهد عندها بحجرتها .. كان
يصيح عند راسها تخيلوا و بدون صوت و يمسد على شعرها .. انصدمت بجد .. ما استلطفت وجودي احس
اني دخيله و جيت بوقت غلط بغلط خرجت بدون ما يحس وقفت برا الحجرة ما اشوف الا ماجد قدامي ما شاء
الله امداه يصحى توني تاركته بعز نومه ..
ماجد : شتسوين هنا ؟؟؟
مشاعل "بصوت واطئ " : اوووووش ..
ماجد "استغربت هذي ليه واقفه عند باب نجود لا و تقول لي اوووش بعد ..خذتني من ذراعي وقالت ما فيه شئ ...
ماجد بشك : لا تكذبين , و كان رايح على حجرة نجود و تو فهد خارج .. ماجد انقهرت رجعت لها بقهر
و قلت : شكنتي تصلحين بحجرة نجود ؟؟
مشاعل و هي متأكده انه شاك فيها : تشك فيني ؟؟ بس بقولك ما سويت شئ .. و هذا اخوك روح اسأله ...
ماجد قربت منها و قلت : اشك بالعالم كلها الا عمري و الشك اللي انتي تقولي عنه تراه موب شك هو غيره ..
مشاعل :ماجد انا كنت بطمن على نجود بس احترمت وجود اخوك داخل مع اخته و يفضفض مع نفسه ..
و سكت ..
ماجد : شعوله انا .. تركتني و راحت اكرمكم الله للحمام حتى ما خلتني اكمل كلامي ..
مشاعل : الحق على الصلاة الحين بيأذن و أذن المغرب .. صليت المغرب خذيت من مكتب ماجد اللي
بحجرته قران و قرأت مع اني احب اقرء من قراني ,, يبيلي اراجع كل الاجزاء اللي حفظتها قبل عشان لا
انساها .. حسيت بفتح الباب ظنيت انه ماجد فما التفت بعد ما خلصت شلت سجادتي و التفت عشان
اسال ماجد اذا يبيني احط له الاكل لانه ما تغدى و توني بشيل شرشف صلاتي شفت نجود واقفه ..
قلت : نجود ..
نجود "نزلت راسها " : بتروحون ؟؟
مشاعل " بابتسامة : اذا تبينا نروح نروح واذا تبينا نقعد نقعد اللي تامرين فيه ...
نجود : مشاعل لا تتركيني و تروحين ..
بجد حسيت لحظتها بصيح عليها .. قربت منها تامرين امر انتي .. شراايك نصلح لنا سندوتشات و لا شئ و
نروح للحديقة .. الجو رووعه برا .. هزت راسها ..
جلسنا اللي لحقنا ماجد شفته يناظر نجود بحزن اشرت له لاااا براسي و هو ما فهم جانا و قال :مساء الورد
لاحلى اثنين بالقصيم ..
ابتسمت و قلت : شرايك تطلعنا ندور بالسيارة شوي و لا نروح للمزرعه ..
نجود : مابي اروح مكان وجت لافه على حجرتها ..
سمعنا صوت فهد : وليه ما بتروحين ؟؟
نجود طالعت فهد و راحت له و حطت راسها على صدره و هو ضمها قالت : سودت بوجيهكم الحين الناس
بتتكلم عني ..
ماجد بسرعه قال : اللي يسولف عنك بكلمة شينه بيكون جنى على نفسه
ابتسمت نجود لماجد .. قرب منها ماجد و مسد على شعرها .. نجود : لله لا يحرمني منكم ..
فهد و ماجد و بو فهد : ولا منك .. راحت لابوها اللي ضمها و ضمته بقوة
و قالت : سامحني يبه ,, بس و الله ما صلحت شئ و الله .. هو اللي قال ..
قاطعها بو فهد : بدون ما تحلفين بنتي و انا ادرى فيك .. دخلنا داخل و جهزنا العشاء وهم راحزواعلى
المسجد يصلون العشاء ولما ردوا تعشينا .. بعدها شربنا الشاي ..
ماجد : ها فهد موب ناوي ترد الرياض ؟؟ فهد طالع نجود و قال : ما اعتقد ..
ماجد : لا و الله أجل من بيردني ..
عمر : انا راجع اذا بترد معي ؟؟
نجود " تدقني بذراعي " : وعدتيني ..
مشاعل : انا .. على ايش ؟؟
نجود : يعني ما بتجلسن معي .. مشاعل طالعتها وقلت لحظه اكلم ماجد ناديته و جاء
مشاعل : جودي ..
ماجد : هلا عمري ..
مشاعل : شرايك نجلس اليوم مع نجوود نتسلى .. تكفى ..
ماجد بتفكير انزين لعيونك ..
و جلسنا بالليل فهد و ماجد جلسوا مع بعضو عبد العزيز نايم و علي و عمر و احمد رجعوا لبيوتهم و
حمدان بعد و بابا و ماما ناموا و انا و نجود كنا مع بعض و هي ساكته و انا ما حبيت ازعجها .. بصراحه انا
ما امل السكوت ابد عكس الناس يمكن لاني تعودت عليه .. قلت لها : نجود .. التفت علي : هلا .. مشاعل :
شيخه بنت خالتي ملكت ..
نجود " بشحوب " : مبروك ..
مشاعل : الهل يبارك فيك .. نجود : شلونها ان شاء الله مستانسه ؟؟
مشاعل بشوق : مدري عنهم ..
نجود باستغراب : من صدقكك انتي ؟؟
مشاعل : ايه غيرت الموضوع ما خبرتك ماجد شرى لي جوال ..
نجود فهمت تصريفتها : مبروك ..
مشاعل : الله يبارك فيكي ..
نجود : شلون ماجد معك ؟؟