|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
الحلقة السابعة و الثلاثون : -
المقطع الثاني : -
" ياحســــــرتـــــي "
كل / حزن الكون / وأكثر صار فيني .. كل / هموم الناس / وأكثر تعتريني
بعد مرور أسبوع ..
ماجد : شعولتي خلص جاهزة
مشاعل : ايه ..
ماجد : انزين طلعي انا عند الباب ....
مشاعل : اوكي .. سكرت الجوال و قفلت اللايتات.. وخذيت دلة القهوة و الحلا و
المعجنات اللي صلحتها و المعكرونة بالباشميل صلحتها لجودي حبيبي لانه من الدوام جاي و لا تغدى و لا شئ وصلحت
له بالخلاط عصير برتقال بالجزر و حطيته بالحافظة و خذيت كاسات بلاستيك ... فتحت الباب وحصلت ماجد تو طلع من
المصعد .. ناظرني و ابتسم ابتسمت له بس طبعا بما اني متلثمة فما شاف بسمتي بس اكيد حس بها بنظرتي له .. جاني
وخذا مني الاشيات : يالله قلبي توكلنا .. وحنا بالمصعد قال لي : تراهم حركوا للبر من يوم دقيت عليك ..
مشاعل : خسارة سبقونا ..
ماجد : قلت لك بيمر عليك ابوي ,, ليه عييتي ؟؟
انفتح المصعد و ركبنا السيارة قال ماجد و هو يحرك .. : مارديتي علي ؟؟؟
مشاعل بهدؤ : أحب أكون معك اروح و ارد معك .
ماجد بابتسامه جانبية : ليش ؟؟
مشاعل : ارتاح و اطمن عليك لما تكون معي ..
مد ماجد يده و غلف أصابع يدي اليسار و ضغط عليهم بقووة بعدها رفعهم و باس طرف اصابعي .. مع ان حركته عفوية
و بسيطة بس حسيت برعشة و فرحة ,, كل يوم يزيد تعلق ماجد فيني و يزيد حبي له .. ما ينام الا لاجيت انا و نمت معه ..
حتى الاكل ما ياكل الا ان أكلت معه هههههه .. و طاف ببالي ذكرى الاسبوع الماضي بعد ما رجعنا من القصيم
شلون يوم جاء يتغدى قال : أحس الأكل ناقصه شئ ؟؟
مشاعل ببراءه : و الله ,, وش ناقصه ؟؟
ماجد : مدري , يمكن ملح ..
قمت أجيب الملح و جيت احطه له مسكني مع معصمي
ماجد : مهبولة انتي ؟؟
مشاعل : ليش ؟؟
ماجد : من قال لك ابي ملح ؟؟
مشاعل "فتحت عيوني على كبرها " : جودي تو قلت لي نسيت ؟؟؟
ماجد : قلت لك ناقصه شئ يمكن ملح بس موبملح ..
مشاعل "بغرابه " : جودي ناقصه ملح و مو ملح .. حزووورة هي .. قلتها و جلست عالكرسي ,قام ماجد و قرب كرسيه
من كرسيا و خذا ملعقتي اللي آكل بها و جلس يأكل بها .. ظليت اناظره و هو و لا على باله ...
قلت : جودي هذي ملعقتي ترا ؟؟؟
ماجد : ويعني ...
مشاعل : عطني هي ..
ماجد : مابي هذي حقي خذي لك ثانيه ..
مشاعل بعناد : مالي ابي حقتي ..
ماجد : بس انا ابيها ..
مشاعل : ليش ؟؟
ماجد : تو بس حسيت بطعم الأكل ..
مشاعل " وانا تو بس فهمت تلميحاته , حسيت بخجل من حركته .. و صار ما ياكل الا اذا أكلت قبله و انا بالمثل
و هالحركه لازمتنا بالغداء و العشاء و الفطور ان فطر ,, كل يوم يطلعني من بعد صلاة العشاء يمرني من المسجد و نطلع
برا .. نتمشى و نتعشى .. حياتي كل مالها تتحسن و اشكر ربي و احمده على السعاده و الأمن و الأمان اللي أنا فيه ..
ماجد " فديت قلبها , حبها ملأ هالقلب و فاض و أنا ألمه بقوة ما أبي قطره من هالحب يضيع و لا حتى يفيض ..
ما قد حسيت بعمري بفرحه و متعة و حب كثر ما أحس بقربها ضغطت على يدها بقوة ,, ابتسمت على حركتها قبل
يومين .... رديت من الدوام العصر و احصل البيت كله ظلااام خفت عليها ,, ناديتها وما ردت علي , رحت لما حجرة
النوم و ما حصلتها .. حسيت رجولي خانتني لا يكون تركتني و
راحت .. بس أنا ما صلحت لها شئ .. و الحمد لله صدر صوت من حجرة الضيوف عطاني قوة اني اتحرك و كلي أمل
أملأ عيني بشوفتها و أروي روحي بضمتها .. فتحت باب الممر للصالون و حجرة الضيوف بعدها .. تيبست
بمكاني .. الحجرة ظلام و مافيها الا نور الشموع اللي يضوي و شوي و الشمعة تذوب كلها يعني لو تأخرت دقيقتين او
خمس بتكون الشمعه بخبر كان,, حصلت قمري نايم بالارض و لابسة فستان ضارب على اللون البيجي و
من بعيد باين انه سكري .. شكلها وهي نايمة بهالطريقة كأنها عروس البحر متكأه على مخدات الكنب الكبيرة اللي
بالارض و هي غيرت ترتيبها و خلتها بالارض كتغيير ,,
و فستانها اللي كان طويل و من تحت واااسع لدرجه انها فارشته
بالارض حول جنبينها .... بغيت اصرخ عليها من خوفي اللي حسيت به يوم ماحصلتها بس وجهها اللي كان مرسوم ببراءة و نوم طفل,
تدرون يوم اطالعها أحس بشئ واحد ... هو الحنـــان .. مشاعل مقدر أقول عنها إلا إنها حنـــــــــــــــون .. كلها حنان و حنيه
حنونه و يا محلى حنانها .. همست بإذنها : شعولتي .. قلبي ..
فتحت عيونها بكسل و و ابتسمت ورجعت غمضتهم وفتحتهم للمرة الثانيه .. نظرتها نستني قهري منها لانها خوفتني عليها
وهي صحت وجلست وهي مادة رجلينها على جنب.. طالعتها بشوق و قربت منها
ماجد" نزلت لمستواه بالارض و جلست على ركبتي اليسار و واقف على قدمي اليمين و بعتاب كله حب و رضا : ليه
شعولتي تخوفيني عليك ؟؟
مشاعل "ببراءه " : انا ؟؟ نمت ,, ماسويت شئ ..
ماجد برقه : انتي تسوين كل شئ , ما اتحمل اغراءك أبد .. تكفين انتي كلك على بعضك تغرين و الله لو أشوفك بشرشف
صلاتك أحسك اغراء شلون و انتي و سكت .. حسيت انها خجلت و كأني احرجتها , ما قصدت بس أحيان علي حركات
نص كم ..
ماجد : أحــــبـــكـــ ..
مشاعل "بحيا " : ماجد ..
ماجد : عيون ماجد ..
مشاعل : كنت بحتفل معك اليوم" بخجل مفعم برقة " صار لنا أسبوع .. مادريت اني بخــ ..
قاطعها : اني شنوو ؟؟
مشاعل : مدري ..
ماجد : ههههههه .. انزين ممكن يا أميرتي المزيونة تتنازلين و .. ومد كفه لها وكمل : وتتكرمين و تحنين على الضعيف
الغلبان اللي قدامك و تعيشنه بجو الإحتفال ..
مشاعل :ههههههههه .. طيب .. ومسكت كفه بكفها و وقفت
وتوجهنا للطاوله الصغيرونه ,, و جلست قبالها .. و ابتسمت لي , و انا اطالعها بتأمل و قلت : ماتبين تغديني ؟؟
مشاعل "بتردد " : الا بــ .. بس ..
ماجد : بس وشوو ؟؟
مشاعل : ممم .. جودي بهديك شئ .. هو صح مو قد مقامك بس هذا اللي عندي اللحين ..
ماجد : ماابي من هالدنيا الا وجودك وبس ..
مشاعل بابتسامه شاقه الحلق : يسلموو ,, وكانت قابضه على شئ بيدينها الثنتين فتحت يدها و قالت : هذا لك ..
ماجد " ما انكر فرحتي بالشئ البسيط اللي عطتني هو , كان عبارة عن ميداليه شكلها قلب نصها فضي و نصها أحمر و
مكتوب بالفضي على النص الأحمر you و بالنص الفضي مكتوب بالأحمر love "
مشاعل "عطيت ماجد النص اللي مكتوب عليه you مد ماجد يده بياخذ الميداليه بس انا بعدتها عنه و قلت : ما بعطيك
هي كذا ..
ماجد عقدت حواجبي توها قالت بتهديني شئ و الحين عيت تعطيني هو ..
كملت بعد ما قسمت القلب بالنص و قالت : بعطيك قلبي و عطيني قلبك ..
عطيت ماجد النص الأحمر و قلت له : عطيني قلبك ,,
ماجد "مافهمت بس قلت لها " : عطيني قلبك بالأول ..
ابتسمت و قالت وهي تمد يدها بالنص الفضي المكتوب بالأحمر love و عطتني هو ,, وهي تقول : هاك قلبي كله بين يديك ..
ماجد بضحكه : وهذا قلبي لك و عطيتها النص الأحمر اللي قبل شوي عطتني هو .. و يومها كان أحلى غداء بحياتي ..
قطع علي تفكيري صوتها الحنون : جودي اللي اخذ عقلك ..
ماجد : هو فيه غيرك ..
مشاعل بضحكه : زين خذ هذا فتحت حافظت الطعام اللي فيه معكرونة و خرجت ملعقة بلاستيك .. سمي بالله ..
جودي : شعولتي وش ذا ؟؟؟ ليش متعبه نفسك ..
مشاعل : تعبك راحه بعدين أي شئ لك و يخصك ما اتعب فيه الا استانس و انا اسويه ..
ماجد : انزين اكليني ضحكت مشاعل و انا بعد , و صارت تأكلني و انا اسوق .. و ناولتني العصير طبعا بعد ما اصريت
انها تمس اكلي بشفايفها كالعاده من شان اقدر احس بطعمه .. يازين الاكل لاذاقته شفاتها ..
ماجد : وصلنا ..
مشاعل قبل لا يوقف ماجد قالت : جودي .. وهي تشوف الخيم الكبيرة و تشوف ياكثر الرجال اللي برا الخيمة و البنات
بالجهة الثانيه ما شاء الله ,, دب الخوف بقلبها ليش ما تدري ..
ماجد : عيونه ..
مشاعل : ممم ,, ما بتجلس معي ؟؟
ماجد : قلبي ما يصلح ,, الحريم لهم خيمة و الرجال خيمة لا تخافين منور و نجود و أصيل و كل طقة البنات هني حتى
بنات عم ابوي و بنات عمي و عمتي و بنات خواتي و خواني .. بتستانسين و تنسيني ..
مشاعل "بقلق " : انت معي بفكري و قلبي مستحيل انساك , بس انا ..
ماجد : حبــي "وقف السيارة و التفت لها " : في خاطرك شئ ؟؟
مشاعل " ماحبت تقلقه و تقول له انها ما حست احد يحبها من بنات قرايبه الا الثلاثي اللي تموت عليهم " : سلامتك ..
ماجد : متأكده ؟؟؟؟
مشاعل : إيـــــــــه ..
ماجد بحب : اجل الله يعين شلون بنام الليله و انت بعيدة عني ..
ابتسمت مشاعل .. ونزلت توها فاتحه الباب الا في استقبالها ...
أصيـــــــل : أيا الخاااينه .. صدق نــــــــــــذالـــــــــه .. أوريك ..
مشاعل "وهي ترمش عيونها بقوووة " : بسم الله , فجعتيني ..
أصيــــــل : أأأأي .. تكفى عمي مجوود ..
ماجد ماسك إذنها بقووة : مجود أصغر عيالك يالحماارة .. وبعدين وراك ماتحترمين زوجتي كبرك هي .. هااا ؟؟
أصيل : عمي تكفى إذني تألمني و لا تشمت العذال فيني .. شوفهم شلون يناظروني ..
التفتت مشاعل للبنات اللي متكومين قبالهم و ضحكت : ههههههههههههههههههههه ..
أصيل"بقهر " : إيه ضحكي .. مو هذا عنترك يا عبله ..
طالعت مشاعل و ماجد ببعض عرفوا ان الملقوفه نشرت الألقاب الجديدة .. و بعدها قالت مشاعل
: خلص جودي حراام اتركها ..
ماجد : و الله لو مو شعولتي كان الحين بجرك انتي و اذونك بكشتك ذي محل مابروح و اخلي بزران الديرة كلهم يصفقون
و يرقصون و يهبلون فيك ..
و تركها و قرب من الشنطه و خرج الاشيات اللي جابوها ..
مشاعل " قربت من ماجد و طالعته بخجل لاني حسيت بنظرات البنات تحرقني " : اشوفك ..
ماجد : يا حبي لهالعيون ..
مشاعل "بابتسامه ووجهها بالأرض " : جودي ترا البنات يناظرون ..
أصيل بصوت عالي : قهر تروحون المزرعه بدوني و تاخذون منور ..صدقت الملقوفه عنتر زمانك انت وهي .. ما كملت كلامها الا ماجد جاي لها و هي تركض لعند
البنات ..
مشاعل تضحك برقتها : هههههههههه .. ياحبي لها هالبنت ..
ماجد كشر بوجهه : هيه انتي لا عاد تقولين ياحبي لأحد مفهوم ..
مشاعل : مفهوم ..
قربوا مشاعل وماجد لخيمة الحريم و البنات يركضون لداخل
ماجد : الحمد لله و الشكر مخفات انتن البنات ..
مشاعل رفعت حواجبي استنكار : لااا ,, أحلف , جودي يالله اشوف ضف وجهك ..
ماجد "باستغراب " : تكلميني انا ؟؟؟
مشاعل : ايه اجل احد ثاني اعرفه غيرك ..
قرب ماجد مررة لها و قال : اذبحك لا عدتي هالكلمة .. قال غيرك قال .. انتي لي ..
مشاعل بخجل لاني شفت ام فهد و عمت ماجد طلعوا برى .. وسكت انتبه ماجد لنظرتي وسكوتي و توجه لهم و سلم
عليهم و انا قربت بدوري وسلمت عليهم حسيتهم استانسوا بالحيل و خصوصا يوم ماجد حط يده على كتفي و قال
: عمتي وراك توصيني عليها بأكلها انا , وصيها هي علي لا يكون عمتها و انا مدري ..
عمة حفصه : هذي المزيونه راعية واجب اعرفها ..
قاطعها ماجد : افاااا الحين انا اللي موبراعي واجب ..
ام فهد : ماجد يالله اشووف رح لعند الرجال ..
ماجد يسوي انه مسكين : شفتي شعولتي , شلون انا مظلوم بهالعايله .. كلهم ما يبوني , الا انتي خذيني بحضنك غلااي
والتفت بيحضنها قدامهم فعطته عمته بالعصا على ظهره
: ايا قليل الحيا , استحي يعلك اللي منيب قايله , هذا و انا و امك واقفين بتخرب علينا بناتنا توهم صغار ما تزوجوا ..
ماجد : هههههههههههههههه .. ههههههههههههههه .. ياحلوك يا عمتي يوم تعصبين ..
طالع بمشاعل و رفع لثمتها و قال : ويازينك يالخجوله .. و تركنا وراح ..
وهو ما زال يضحك ههههههههههه ..
منــور بقهر : اففففف خسارة فاتني الموقف كله منك يا ضياء الله يخسك وقته تبي حمام ..
أصيل : خخخخخخخخخخخخخخخخخ .. مسكينه انا اول وحده شفتهم و كلمتهم حتى إسألي ميشو
صح ميشو ؟؟
و مشاعل : هههههههههههههه .. يابنت اهجدي انتي و هي للحين ما كبرتم ..
عمه حفصه : ايه و الله صدقتي, اذا بنت عمتها ما عقلت وهي اكبر و متزوجه بعد وش
ارتجي من ذي , لا حول و لا قوة الا بالله .. و دخلت داخل ..
نجود بضحكه : ههههههه .. احسن دواكم ..
سلمت على جود و ضميتها بقووووة لصدري و هي بعد .. وقالت بأذني الله يعينك الليلة العيون عليك ..
مشاعل بعدت عنها و عقدت حواجبي و حركت راسي بإني مو فاهمه , فأبتسمت لي : امشي داخل و سلمت على
كل البنات ما اخفيكم فيه بنات يناظروني بحقد مع اني ما عاشرتهم و هذولي اللي قابلتهم بيوم التعارف فاطمة و نوف .. و
البندري تناظرني بتعالي ..لكن فيه ناس يناظروني بإعجاب .. عرفوني بكل البنات و بصراحه ما جمعت اسمائهم بعقلي
للحين ما شاء الله من كثرهم حوالي 30 بنت .. و أمهاتهم .. ياكثر بنات العايله اذكر حنا عايلتنا يمكن بناتهم مايوصلون
الـ10 و بصراحه حسيت نفسي بعرس ما شاء الله عليهم مع كثرهم و حاطين ميك اب ثقيل و لا كأنهم الا بفرح .. الا
الثلاث حبيباتي هم و انا و فيه بنات عم ماجد بعد ما حطوا شئ بوجههم عاد انا ما تخيلتهم متكلفين لهالدرجة .. لاننا
بالعادة لا طلعنا البحر مانحط شئ يمكن لان الرطوبه عندنا تخيس الواحد لا حط شئ بوجهه و يحس وجهه مدبك .. قطع
افكاري منور .. و هي تاكل من المعجنات اللي صلحتها : همممم .. يهبل طعمهااا .. شوشو شلون تصلحينها ؟؟؟
أصيل وهي تاكل : ايه صدق تهبل .. قبل لا اتزوج بجيك تدرسيني طبخ انزين .. نجود خذت منهم الحافظه و قالت :
صدق ما تستحون , تاكلون و الناس يناظرون .. و قامت ناولتهم جميع و انا خذيت براد الشاي و صبيت لهم .. و عاد
حاولت اندمج مع البنات قد مقدر .. لكن سوالفهم ممله .. كلها عن المظاهر
: شريت فستان ,, ياااي ,, روووعه ,, تدرون بكم خذيته ؟؟
: بكم ؟؟
: 7000 ريال ..
: و الله .. بــ 7000 كثيـــــــر ..
منور : لا يكون هذا فستان خطبتك , افاا " قالتها و هي تتطنز " ماتعزمينا و لا حنا موب من ثوبك ..
أصيل باستعباط : منور ياهبله مهوب ثوبك لااا ,, فستانك .. خخخخخخخخخخخ ..
هيله : تطنزون انتي وهي بشتكي عليكن امي ..
منور بمسخرة : امك و لا ابوك .. هيلوووة .. بسك دلع ..
هيله شوي و تصيح من القهر : لا تقولين هيلووة , كم مرة علمتك اسمي هاله .. و يدلعوني هلوونه ..
أصيل : والله اذكر بشهادة ميلادك ان اسمك فيلة .. لااا اقصد هيله ..
منور : هههههههههههه حلوة ؟أصول عيديها ..
أصيل : احم احم من ذوقك يا قمر ..
البندري : مخفات .. اثقلن شوي .. كل شئ عندكن ضحك ..
مشاعل "مدري ليه البندري بالذات مو داخله مزاجي و غصب عني دافعت عن اصول و منور " : دام الضحك يوسع
الصدر و يخفف الهموم و يخليك تبتسمين و فوق هذا ببلاش لا هو بــ 7000 و لا حتى بريال ليش ما نضحك .
نجود بهمس : شعوله شفيك حاقدة على البنت ..
مشاعل التفت لها : ابدا و الله بس كلامها مو منطقي وحبيت ارد عليها ...
اللي رن جوال أصيل : هلا ..
: ........
أصيل بحماس صرخت : احـــــــــــــــــــــــلف ..
منور : يمــــــــــة ..
أصيل وقفت و قالت بحماس : لحقوواا ,, الشباب برا بيتسابقون بالبقي .. هلموووا معي ..
عاد ما أشوف الا ركض على برى ..
نجود : ما بتطلعين ؟؟
مشاعل : لحظه و اتصلت بماجد ..
ماجد : هلا عيوني ..
مشاعل ببسمة حلوة : اشتقت لك ..
ماجد بضحكه : لااااا ..
مشاعل : إيــــه .. جودي البنات طلعوا برى . أطلع معهم ؟؟
ماجد : إيه طلعي .. أبيك تشجعيني ..
مشاعل بخوف : لا تقول بتتسابق معاهم ...
ماجد : اكيد قلبو ,, أحــ ...
قاطعته مشاعل : تحب تسوق البقي و تستمتع بالسباق و يحسسك بقوووة بداخلك غريبة ..
قاطعها ضحكه : ههههههههههه ,, ما شاء الله عليك حفيظة درجه أولى ما علمتيني إنتي أدبي و لا علمي
مشاعل بجدية : جودي تكفى لا تروح معهم ..
ماجد : قلبي مابروح مكان , طلعي شوفيني ..
مشاعل " طلعت و الجوال بإذني .. أدوره بعيوني مو شايفته .. دزتني نجود بكوعها تأشر لي مكان ما يناظرون البنات
بصراحه هنا احس قروني طلعت هذولي ليش يناظرونه بجد ما يستحوون " و بعصبيه قلت له : مستانس انت ووجهك ..
ماجد بعفوية : ايه اكيد مستانس قلبك ومعي و روحك بداخلي و عيونك قدامي و صورتك بنظري و حبك يخفق به خافقي ..
و بتنهيدة حااارة يا حبـــي لك يا أغلى نــاسي ..
مشاعل " مع كل كلمة يقولها و قالها أنسى اللي حولي ,, و قلبي تزيد نبضاته أما خدودي فألتهبت من كثر الحمار اللي
دب فيها ..
نجود بضحكه خذت السماعه مني : يا أخوي خف على بنت الناس و جهها غدا احمر ..
ماجد : هههههههههههه .. فديتها الحمرا ..
نجود : الله يخليكم لبعض ,أول مرة أشوف زوجتك معصبه ..
ماجد عقد حواجبه : افااا ,, ليه من ضايقها ؟؟
نجود : يعني ما تدري ؟؟
ماجد : لا مدري ,, شصار ؟؟
نجود : تشوف البنات اللي قدامك ..
ماجد التفت اطالع الا اشوف البنات يقزوني قز .. رجع اعطاهم ظهره .. : شفيهم يناظروني و لا كأني الا من المريخ ..
نجود : ههههه ,, شعولة غارت عليك و عصبت منهم ..
ماجد : هههههههههه ,, جد و الله شعولتي تغار علي فديت قلبها عطيني هي ..
ناولتني نجود السماعه : هلا ..
ماجد : تغارين ؟؟؟
مشاعل : بسكر الحين , ماجد تكغى لا تسوق بسرعه و اربط حزام الامان و اقرأ المعوذات , اليوم نسيت ما قرأت عليك
الأذكار .. تكفى جودي تعال أقرأعليك ..
ماجد : بسم الله كلتيني يا يمة تراني زوجك موبولدك .. و بعدين يا قلبي الصبح قريتي علي ..
مشاعل : ادري هذيك اذكار الصباح بس اذكار المساء ما قريتهم .. تعال اقراهم و بعدها روح ..
سعود : بو نواف ,, كلهم ببقيهم الا انت , اترك عنك سوالف الحريم .. حتى فيصل ركب وراء .. ومحمد بجنبه ..
ماجد : جاي بو ضياء .. قلبي بقفل بيبدؤن السباق , بعلمك شئ انتي بقلبي و كياني و لا أفكر أطالع باللي ما يسونك ..
نزل راسه لأجل ما ينتبه له أحد و عطاها بوسه بالجوال و سكر ..
مشاعل قرأت من مكاني أذكار المساء و نويت بقلبي انها لماجد و ربي يحفظه لي و نفخت عليه من مكاني عسى الله
يحفظه لي ..
و بدء السباق تدرون حوالي 12 بقي و البنات من جهة و الرجال من جهة و انا عيني على بقي ماجد .. طبعا حنا انا و
الثلاثي المرح أصواتنا لجودي حبيبي .. مدري اذا فيه غيرنا و شكله فيه لانهم يناظرون ماجد وجع بعينهم افففف ..
كان ماجد هو الفايز .. طالعته بحب و هو يخرج من سيارته .. حسيت بيد تعصر ذراعي و كانت نجود و
عيونها مثبته بمكان ما .. التفت اشوف ما عرفت هي تطالع منو ..
نجود " فاز ماجد كنت متأكدة من فوزة لأنه يحب هالسباقات .. ومعظم الأحيان هو اللي يفوز بس اللي زلزلني آخر إنسان
توقعته يكون معنا أو حتى يظهر لي فجأة و قريب مني لدرجه ما حسيت فيها بقربه .. ليش رجع .. ليش جاء معنا ؟؟ ليه
ليه ؟؟ ماحسيت بنفسي يوم تمسكت بمشاعل الا يوم قالت لي بحنان : علامك جود ؟؟
ناظرتها و انا تايهة و بهمس : فــ ... يـــ .. فــيــصـصــل ..
مشاعل " تو بس استوعبت الاسم اللي نطقته نجود التفت لا شعوريا و شفت واحد يضم ماجد و رجعت لنجود و مسكتها
من يدها بقوة , ما عرفت أقول شئ , بهالمواقف السكوت أبلغ من الكلام " و قطع تفكيري ..
فاطمة : كنت عارفه انه الفايز ..
التفت لها و كملت و هي تناظرني : ولد خالي حبيبي .. أكيد بيفوز .. وهي رافعه حاجب ..
مشاعل "لفت انتباهي كلامها أكيد تقصد ماجد ,وش ذي الوقاحه عينك عيني تتكلم عنه بهالحميمية .. جد بنات ما يستحون
, طالعتها بسخرية و انا بلف نفسي الا
اسمع البندري تقول : اولاد سعيــد الــ ... دومهم رافعين روسنا .. فديتهم ..
نوف : صدقتي ووين هم ووين اللي يناسبونهم .. بصراحه ..
مشاعل" عاد هنا وولعت منهم بس طنشتهم حتى ما سمعت وش يقولون و مشيت و نجود معي بهدؤ و كأنه الكلام عادي
ما أثر فيني و داخلي قهر ما ينوصف .. جتني أصيل
أصيل بقهر : ما عليك منهن .. اصلا وقحات بدرجة اولى .. خلك معنا ..
و بمصلحه : شعوله تكفين كلمي ماجد يعطينا مفتاح سيارته .. نفحط بهم شوي و ندور بالبر ..
مشاعل وانا عيوني بتطلع : من جدك انتي ؟؟؟؟؟
منور جت و عبير و سهى بعد وهم يتوسلوني و انا بصراحه ما احب احد يتوسلني انحرجت
بجد خصوصا من عبير و سهى و هم يصيرون بنات عم ماجد و الثنتين بالجامعه ,, عبير أولى جامعه و سهى ثالثة
جامعه . خذيت الجوال و اتصلت الا رد علي و قال : الله يبارك فيك ..
مشاعل : ههههه :: مبروك ..
ماجد : الله يبارك فيك .. شلون عجبتك ؟؟؟
مشاعل انحرجت من البنات فسكت و على طول دخلت بالموضوع : ماجد ..
ماجد : هلا عيوني ..
مشاعل : البنات يبغون .. هنا قرصتني منور و عاد انا بصوتي : أأأي ..
ماجد بخوف : شفيك قلبي ؟؟
مشاعل : هااا و لا شئ .. بس
أصيل مسكت السماعه و غطتها بيدها و قالت : قولي له انك انتي اللي تبين تسوقين و تفرين بالسيارة ..
مشاعل : لا و الله تبوني اكذب ,, اسفه مقدر ..
عبير : وشووله تكذبين ,, بنخليك تفرين معنا و بتسوقين بعد ..
مشاعل "ببراءه " : بس أنا ما أعرف أسوق ..
منور : اففففففف ..
مشاعل : لا تتأففين .. و خذيت منها السماعه ..
ماجد : الو .. الو ..
مشاعل : هلا ..
ماجد بصوت عالي و عصبيه : ساعه تردين ,, تعبانه فيك شئ ؟؟
مشاعل : سلامتك بس ..
ماجد : بسش شنو ؟؟؟
مشاعل : البنات يبون سيارتك ... ماكملت كلامي الا اسمعه يقول : يحلمووووون .. قولي لهم ماجد يقول تحلمووون ..
مشاعل " بعدت عنهم و هم وراي ياربي قلت لهم" : لا تقربون و لا مافيه سيارة يالله اشوف .. و بعدت عنهم و قالت
: جودي عشان خاطري تكفى ..
ماجد : شعوله انتي ما تعرفيهم ذولي مخفة قسم بالله لا يبهدلون سيارتي اخبرهم شلون صلحوا بسيارة محمد مهابيل
بعدين انا ما أستأمنهن أبد عليك و بصراحه انا موبمستغني عنك ..
مشاعل : جودي حبيبي تكفى ..
ماجد ما صدقت مشاعل تقول حبيبي دوم تستحي بالقوة تطلع كم كلمة : شقلتي ..
مشاعل بعفويه : جودي حبيبي الله يخليك .. وانتبهت هنا اني قلت له حبيبي استحيت بجد ..
ماجد بحب : حبيبتي انتي و الله .. لعيونك و من شان هالكلمة اللي قلبت كياني بعطيهم السيارة بس هااا موباللحين
بالليل .. بشرط انتي تسوقينها زين ..
مشاعل باحراج : ما اعرف اسوق .. بس بخلي منور و لا اصيل ...
ماجد : لا لا .. منور و أصيل بالذات لا .. خلص نجود تسوق ..
مشاعل بابتسامه: اوكي .. يسلموو قلبي ..
ماجد : ياناس يا عالم ماصدق ان قلبي بدء يتلحلح و يقول كلام حلو .. ..
مشاعل : بسكر الحين باي ..
ماجد : اوكي بتصل عليك وقت اللي برسل لك المفتاح ..
مشاعل : اوكي ..
خبرتهم و استانسوا و اللي يضمني و الله يبوسني حركات البنات ماشاء الله عليهم كلهم حيويه و نشاط عكسنا بجدة احسنا
هادئات اكثر عن اللازم يمكن لاننا وحيدات ..
سهى : الحين دبرنا سيارة باقي 3 سيارات بعد و يفضل من الحجم الكبير مثل سيارة ماجد ..
مشاعل بصوت واطئ : جود و ليش 3 سيارات كمان ..
نجود : لان كلنا بنركب وماجد صدق سيارته كبيرة بس ما بتكفينا كلنا فهمتي ..
مشاعل : اوكي اطلبي من محمد سيارته ..
نجود : تحلمين انتي لو يموتون ما بيعطيهم ,, تدرين المرة اللي طافت عطاهم هي سليمة و نظيفه استلمها منهن مغبرة و
مطينه و كل شئ حلف ما عاد يعطينا شئ ...
منور بصرخه : وهذاااااااااااااااا سعووودي عطاني سيارته باقي اثنين ..
جت هنوف : منور كلمي علي يعطينا سيارته ..
إيمان : ايه صدق كلميه منور ..
منور بنص عين : لا و الله حلفي انتي و هي بجد ما تستحون قاطيين وجوهكن و حنا ندبر لكن سيارة و انتن ما عندكن
اخوان تكلموهم .. انتي شروق كلمي اخوك يعطينا سيارته ..
شروق : والله مابيرضى اعرفه ..
سمر : و هذاني كلمت اخوي و رضى بس سيارته ما بتكفينا ترا يعني يبيلنا سيارتين بعد ..
جت البندري بدلع و غرور : نجود كلمي محمد يعطينا سيارته ..
نجود ببرود : ما بيرضى ..
البندري : غريبه ظنيت انه يموت فيك ..
ساميه بوقاحه : اكيد تغير عليها بعد ما تطلقت ..
منور ردت عليها بعصبيه : انتي احد شكى لك .. و بعدين موبملزومين فيك انتي و هي "تقصد البندري و ساميه" و هذاك
يالبندري قلتيها محمد يموت بشئ اسمه نجود قسم بالله لو عرف بس ان احد فيكن غلط عليها لا يفحط بكن سيارته
و يخليكن مثل هالرمل تفهمين انتي و هي ..
أصيل "الجو توتر بسبت البندري و سامية الله ياخذهم ,, و الله لو ما مشاعل مسكتني مع يدي لا أتهور و عطيتها كف
يصحيها من وقاحتها الحمارة "
نجود " أحرقتني الكلمة ,, لكني أبد ما بينت شئ و لا تحركت حتى .. طالعت مشاعل و نظرتها لي هي اللي قوتني و
اصلبتني شكرتها بعيوني ابتسمت لي بفخر .." : شرايكن بنات نتقهوى اللحين شوي و بيأذن المغرب .. وافقوا الجميع
و انا قلبي يتساأل اللي شفته هو فيصل و لا يتهيأ لي .. اكيد يتهيأ لي انا من زمان ما شفته بعدين هذا جسمه اعرض من
فيصل وملامحه اكثر قسوة عن قبل , يعني يوم يختفي متعب من حياتي تو ظهرت لي ,, أكيد مستانس مع زوجته و لا
يفكر فيني أصلا..
مشاعل "جلسنا نسولف داخل و انا جلست بجنب عمتي حفصه .. الجلسه معها فله بجد رهيبة تعجبني اموووت عليها ..
دخل وقت اذان المغرب توضيت مثل ما يتوضون و صلينا " اتفقنا نطلع ندور شوي .. عاد خرجنا كلنا البنات الا ابتسام و تغريد
وكنا احزاب عاد انا ومنور و نجود و أصيل و سهى و عبير و ايمان و فرايح اخت اصيل و هنوف مع بعض ,, سامية و
نوف و فاطمة و البندري و هند و ...... ويا بعض ..
ماشاء الله كثير ..و تفرقنا .. حاولت اكون بقرب نجود لأنها كانت سرحانه و لا شاركت معنا بالسوالف و كنت متأكدة ان
فيصل هو اللي شاغل بالها .. بصوت واطئ : تفكرين فيه ؟؟؟؟
طالعتني و ما تكلمت ..
مشاعل : قلبك يقول انه هو .. بس روحك تنكر هالشئ .. لأن عقلك مايبي يستوعب وجوده بأي مكان تخطيه اقدامك ..
تحسين بقربه و انه حولك .. لدرجه ودك تلفين بنظرك بوسع البر بس لأجل تملين نظرك و لو بمنديله اللي دوومه معك
تتمنينه ما يغيب عن احساسك لان هالاحساس ممتع و مهيب بنفس اللحظه .. إحساس فقدتيه من ست سنين .. و بشوفته و
لمحته .. تنشطت خلاياك وحدة وراى الثانية .. هذا وهو بعيد شلون لو قرب منك و تأكدتي من هويته .. حسيت بها يوم
وقفت ..ووقفت معها و البنات ما حسوا فينا مع السوالف .. طالعتها وشفت الصدمة بعيونها ابتسمت لها و قربت
مشاعل : شفيك تطالعيني كذا ؟؟؟
نجود تتفحصني : شدراك باللي بقلبي ؟؟ شلون قدرتي تترجمين احساسي بكلماتك , انا نفسي ما قدرت أفهم حالي شلووون
؟؟
مشاعل بداخلي لأنك يا نجود نفس مشاعل بإختلاف الأسماء .. : خمنت ..
نجود بشك : لا شعوله هذا مو تخمين ..
مشاعل : اجل ..
نجود بضياع : مدري .. مدري ..
مشاعل : تبين نصحيتي ,, اتركيها على ربك و هو بيحلها ..
نجود : و نعم بالله ..
اتصل ماجد وشفت اسمة أجمل إحساس ابتسمت : هلا ..
ماجد بشوق : قلبي اشتقت لك ..
مشاعل : وانا بعد .. خطرت ببالي فكرة .. الا جودي بسألك ..
ماجد : عيون جودي آآمري ..
مشاعل : انت كنت بالحالك بالبقي ؟؟
ماجد : لا .. كان معي محمد و سعود و فيصل ..
مشاعل بصوت مسموع لنجود : فيصل ..
رفعت نجود رأسها تستفسر بنظراتها ..
مشاعل : فيصل من هو فيصل ؟؟؟ ولد عمك ؟؟
ماجد : لا ,, هذا خويي محمد .. ومقرب لنا وااايد .. يالله قلبي بقفل ابوي يناديني ..
مشاعل : اوكي سلم لي على بابا ..
ماجد : ان شاء الله ..
نجود تناظرني باستفهام ..
مشاعل : نجود هذا اللي مع ماجد ما غيره خويي اخوك محمد.. فيصل ...
ردينا للخيمة
نجود " كنت حاسه الا متأكدة أجل ليه انصدمت .. زين ليه هالخوف اللي دب فيني مرة وحده .. ما احس اني مقهورة منه
بالعكس حاسه بشئ ثاني غير عن الحقد و الكره ,, ياربي إرحمني ,, جايه اتونس و انسى اني مطلقه .. ذكروني بطلاقي
..ظنيت اني نسيته اثريه معشش بخاطري .. "
مشاعل " استانست واايد مع منور و اصيل بصراحه الجو رهيب لا و عبير و سهى يهبلون ضحكت من الخاطر .. "
منور : بنات بروح اجيب مفتاح سيارة سعود انتظروني .. أوكي ..
و كل وحده راحت تجيب المفتاح الا انا ماجد قال لي انه طلع مع ولد عمه يعبون غاز عشان يطبخون العشاء و راح معه
بسيارته ربعه ساعه و راجع .. تجمعنا البنات عند السيارات الا سيارة ماجد لانها بعيدة شوي قلت للبنات بروح لعند
سيارة ماجد انتظره يجي و اجيب السيارة لهم ..
نجود اتصلت على محمد و شفت خطه انتظار , بعدها اتصل علي و قال لي انه بيقرب سيارة ماجد لنا سألته وين حاط
العصيرات و اللبن خبرني انها بسيارته جهة الراكب اللي قدام رحت لما السيارة و طلعت العصيرات رفعت عيني الا اشوفه
^^^
^^^
^^^
^^^
شفت فيصل يناظرني و انا هنا توقفت الساعه عندي .. بلعت ريقي بصعوبة حاولت اتحرك الى ان تحركت رجليني و عطيته
ظهري سمعته يناديني بلهفة ..: نجــود ..
وقفت مكاني
فيصل : شلوونك يالجووود ؟؟؟
نجود تجرأت وقلت بعتااب و هجوم : مستانسة من بعدك حيـــــل .. تركته و انا احس بمرارة ..
ولك عين تسأل عن حالي بعد الهجران و الخيانه .. كلكم يالرجال كذابين و خونه نصابين اكرهكم اكرهكم ..
مشاعل " بعد ما تركتهم توجهت لسيارة ماجد وقفت عند النافذة اللي بجهة السايق طبعا
سيارته مظلله و عاجبني تظليلها أستغليت الفرصه وشلت اللثمة من على وجهي ناظرت بوجهي و ابتسمت لحظة مر
طيف ماجد بعيوني .. امس قال لي : شعوله انتي حلوة كذا من ربي , و لا هلك مسوين لك عملية تجميل ؟؟
ابتسمت بخجل من ماجد و حركاته يهبل يا ناس و الله يهبل .. فتحت الطرحه و فتحت شعري اللي تطاير مع الهوى
كان الجو و لا أروع ,, عكس البحر رطوبة و حر .. لكن بالبر الجو خيال .. أحس ببرودة أطرافي بس من شدة الحب
اللي بداخلي أحس بدفا بقلبي .. طالعت السماء و شفت القمر مكتمل مع ان اليوم 13 الشهر .. ماجد يقول اني قمره ..
ابتسمت بحب و طالعت نافذة السيارة تخيلت ماجد فطبعت قبله حب و غرام له .. رن جوالي طلعته من بنطالي بالجيب
اللي ورى و كان المتصل أجمل إحساس إبتسمت و رديت : هلا و غلا .. باللي عالخاطر ..
ماجد : أذبحك أنا ..
مشاعل "ببراءه " : ليش ؟؟
ماجد : لانك يوم تبعدين عني انواع الغرام و يوم تكونيني بحضني ما غير خجلك ذا اللي مذوبني فيك ..
مشاعل ضحكت عليه .. : ههههههههه ..
ماجد : اموت اذوب و ادوخ وميت فيك و عقلي و قلبي و روحي يعلني مابكيه
سلمان من بعيد : بو نواف يالله مشينا ..
ماجد ان شاء الله .. شعولتي ترا محمد بيقرب لكم السيارة تو كلمته و مثل ما وصيتك نجود تسوق و غيرها لاا .. اتفقنا
مشاعل : ان شاء الله ..
سكرت الخط و بسرعه قفلت عبايتي ومشيت بسرعه قبل لا يجي محمد و اتورط ..
.... : رحتْ عَنِّــي وقلبي ما كَمَّلْ كلامه
سَاعتِكْ .. ما عِندَهَا تقدير وذوق
بـ السلامه .. وأدري ما فِيها سلامه
مِنْ يفارقْ عينكْ ( الحِلوَه ) ويروق !!
طلع من سيارة ماجد اللي تو ركبها بعد ما كلمه ماجد يقربها لهم عشان البنات يستانسون ما عرف انه بيشوفها و بيسعد
بلحظه ما قد حلم بها بعمره كله .. لحظة يشوف عيونها لا و من حظه انها ابتسمت له يمكن ابتسامتها ما قصدته فيها بس اهم شئ انه شافها تبتسم .. و يا محلاها من بسمة ترد الروح .. و لا شعرها يا زينة اذكر انه كان طووويل شلون قصر ..
أكيد قصرته بس ما يهم لأن كل شئ حلو عليها .. خجلها و هي تناظر بدريشة السيارة حسسني للحظات انها ممكن تكون
حاسة بوجودي و قبلتها اللي طبعتها على النافذة ارعشتني رعشة عطشان أرتوى و اللي رواني ما غير هو نفسه اللي
معذبني .. يا حسرتك يا محمد .. كانت بتصير لك لو ما إنت رفضتها بعظمة لسانك .. يا حسرتي خرج من السيارة ووقف
محل ما كانت واقفه و طالع بالنافذة بهالمكان كانت واقفه و تطالعني و رغم كذا ما حست فيني و لا شافت عيوني اللي تدمع لأجلها .. مسحت بأصابعي على مكان ما لمست شفايفها الدريشه و تعوذت من ابليس و حسيت بالذنب يعصر قلبي
اللي اختنق بإحساس يشتتني و يلمني بوقت واحد ..
و بصوتي و كأني بناجي الليل و أقول : أحـــــبهــــا ,, و ربي أحبـــك يا مشاااعل ..
ما درى محمد بالعيون اللي تتبعت خطاه و هو رايح للسيارة ن عشقها له و شاهدت الموقف كله و سمعت كلامه كله و تمعنت بإحساسه اللي نطقة بنظرة عيونه ...
ما غيرها ... اللي حبته من قلبها .. اللي بغته من صغرهــا ,, هي صح كانت تتمنى أي واحد من أولاد سعــيد الــ ...
لكن محمد غير عندها ,, محمد الشاب الهادئ اللي كله رجوله و وسامه , طوله اللي يميزة بين كل اولاد اعمامه و اهله
محمد الحنون القاسي .. يحب منو ؟؟ يحب مرت أخوه ,, ليه يا محمد و إنت اللي كنت بنظري عالي و غالي ..
لكني ما ألومك أبد ألومها هي .. بنت الـــ ...... و الله لأدمرك, ما أكون ....... إن ما بكيتك و قهرت قلبك مثل ما نهشتي بروحي ..
مشاعل " وصلت لمهم و خبرتهم ان ماجد كلم محمد يجيب السيارة ,, و انتظرنا الا اقل من عشر دقايق و جاء محمد و سلمنا
المفتاح و اختفى على طول .. طبعا انا ما بركب الا بسيارة زوجي فديت قلبه .. المشكلة ان أصيل و سهى و عبير يتضاربون من
يجلس قدام و نجود تقول ما بيركب جنبها الا انا .. انتظرنا البندري اللي تأخرت و شوي الا هي جت .. و انا جلست
اتشهد بداخلي حسبي الله على الشيطان نجود طلعت مو شئ ابد اجل تسوق و تفحط مجنونه هذي .. "
مشاعل :نجود الله يوفقك خففي السرعه .. و ما عليك من اللي يصرخون .. و التفت اكلم اصيل و سهى وقلت
: انتي و هي انطموا لا و الله اكلم ماجد و اخبره عليكم ..
نطت البندري عرض : و انتي ما عندك شخصيه كل شوي تهددين بماجد .. كبري شوي بزر انتي ..
مشاعل انقهرت منها بقوة و هي شدخلها , اصلا ما كلمتها و اللي قهرني أصيل توازرها و تقول :
: ايه صدق ميشو اعقلي ..
مشاعل : الحين انا اللي اعقل ..
و بدؤ الصراخ ويوم لفت فجأة نجود قسم بالله قلبي حسيته بحجري .. اففففف ..
عبير : ياااهووووووووو ,, حلووووة تكفين نجود عيديها ..
مشاعل " كنت ادري ان نجود هالحركات و السرعه تصلحها لاجل تفرغ اللي بداخلها من مشاعر بس مو على حسابي .. المشكل ان منور الله يهديها هي و البنات الباقين يدخلون علينا بسياراتهم و يسوون حركات تخوف قسم بالله لو وحدة فيهم مو خبيرة كان نروح فيها .. ليتني سمعت كلام ماجد جدمخفااات "
صرخت و قلت : خلص بنزل انا ما ابي اركب .. نزليني ..
أصيل قالت : خلص اجل انا بركب قدام و جلست سهى و اصيل و عبير يتضاربون من بيركب مكاني عيت نجود
تتركني انتظرهم و بالنهاية قالت لي اركبي ورى من جهتي ما بتحسين بهالخوف عكس قدام سمعت كلامها و ركبت ..
ركبت أصيل قدام و وراها عبير و جنبها سهى و بعدها البندري و بعدها أنا طبعا تغريد و إيمان ورى .. المهم خذينا كذا
لفه و باللفه هذي خذت نجود لفة قوية ما حسيت الا بالبندري تقول لي : ليتك تموتين أكرهك .. ما أشوف نفسي الا طايرة من
السيارة و بالارض وماحسيت بشئ بعدها غير بشئ حار يسري برقبتي يعكس برودة الجو اللي تلفني ..
^^^
^^^
^^^
^^^
^^^
^^^
^^^
^^^
^^^
|