يللي نويت تنآم تصبح على خيـر
خل السهر للي همومـه كثيـره
للي بنى جرحه بقلبـه مقآصيـر
يبكي على ديره وهو وسط ديـره
خله لمن ظم الدمـوع المحآجيـر
مآ ظمهآ يآ كود مآ شآف غيـره
خله لحزنن في بلد تشوي الطيـر
والسيف فيهآ مآ يغـآدر جفيـره
خله لمن قلبه غدى كنـه الكيـر
يرجف كمآ رجف الخيول المغيره
نم يآ بعد روحي ترى مهجتي غير
عسى الوسآده تحت رآسك وثيره
نم خل عشآق السهـر للمقآديـر
الصبح ينبيك الخفـى والسريـره
طيف الجروح اللي كلته المشآوير
مكسور قلبه مآ لقى لـه جبيـره
مآ يطربه كثر الصخب والمزآمير
ولآ يضيـر ان الحبيبـه فقيـره
السر لآمن صآر مآ يآسعـه بيـر
لآ تزعل ان خآنتك كل العشيـره