الحلقة التاسعة و الثلاثون : -
المقطع الثاني و الأخير ....
/// ما قبل الأخير ///
"" رســـــ العاشق الولهـــان ـــــــــــلة ""
تدري إني موت أحبك .... وان مالي غير حبك
واللي ينبض في ضلوعي .... ما هو قلبي هذا قلبك
تدري يا فرحي وهمي .... من كثر مانت في دمي
كل ما تنظرك عيني ....عيني من عيني تسمي
&& مشـــاعل &&
انفتح الباب و كانت البندري و بضحكة شيطانيه : للحين جالسه تبحثين .. عسى بس ما لقيتي شئ ..
مشاعل بقهر : يعني ما استغربتي وجودي .. شلي دراك اني جالسه افتش ؟؟ شفتها تطالع فاطمه ..
الحين بس فهمت رعب فاطمه و ارتباكها و الجوال اللي يبيدها يعني كانت تعلم البندري يعني ما فيه شريط و لا شئ
اجل ليش هالحركات مو فاهمه شئ ..
طالعت فاطمه بغرابه : يعني حكاية الشريط كانت كذبه ..
البندري : لا لا .. ابدا من قال ما فيه شريط فيه .. بس للاسف يوم ارسلتي ذاك اليوم الصباح رساله لفطوم
انا فتحتها و شفتها عرفت بالسالفه ان .. و بالتهديد كل شئ يكون سهل و هذا اللي معروف عن فطوم
خوافه .. و اتفقت معاها عليك و لا ارسل لاخوانها الشريط و بيذبحونها ..
فاطمه تصيح بصمت ..
مشاعل بصدمه : يعني انتي كنتي تعطينها خبر لكل شئ اسويه .. الحين هذا كله اسويه لمنو .. مهوب لك
ضيعتي نفسك مرة و ما سمعتي شور اخوانك و لا مرة اخوك و اليوم مرة ثانيه ضيعتي نفسك ..
و التفت على الكمبيوتر و حطيت ديليت و شفت للمجلد بكبره و جت البندري تمنعني مسكت يدها بقووة
و جرتني مع ذراعي عشان توصل للكمبيوتر بس انا مع ألمي لكني قاومت و جريتها بقووووة و هي صرخت
ااااااااااااااااااااااااااااااااااااه ..
///
///
///
&& فهــــــــــــــــد &&
خرج ماجد يشتري العشاء و ظليت مع عمتي الا صوت صراخ فقع اذني .. و عمتي مسكينه خافت
قالت لي اجري يا فهد شوف شلي صار .. اول ما خطر ببالي يكون مشاعل صار لها شئ
انقبض قلبي .. طلعت اسابق الريح .. و سمعت صوت هواش و صراخ البنات وقفت عند الباب
و طقيته : بنات شصاار ؟؟؟
فاطمه "و انا بعيد عن مشاعل و البندري اصيح ارتعبت من صوت فهد و قلت بصوتي" : فهد ..
مشاعل سمعنا صوت رجال يقول : بناتت شصاار, و شفت البندري قلب وجهها الواان
و فاطمه تقول : فهد ...
قمت وخرتها عني و رميت طرحتي على وجهي و بصوتي قلت : فهــــد الحق علي ..
فهـــــد "ارتعبت اوصالي من سمعت صوتها تناشدني طلبتني بالاسم ,, دخلت بسرعه و شفتها واقفه عند الكمبيوتر و
قدامها على ما اظن البندري اعرفها بعباتها و وحده عند السرير من هذي .. طالعتهم مستغرب يعني ما صار شئ اجل
ليش صارخت و كأن بها شئ ..
فهد : شلي صار ؟؟ ليش الصراخ ؟؟ " سمعت صوت صياح اطالع و ادور من منهم تصيح معقوله مشاعل "
مشاعل " دخل فهد .. استانست على دخوله لدرجه محد يتصورها اقلها امسح البلى اللي موجود
و واضح من حركة البندري وامتناعها لي من حذف الصور ان هذي بس النسخه اللي عندها باقي مقطع فطوم كيف
اعرف اذا كان بالمجلد .. طنشت كل الموجودين بما فيهم فهد و خذيت الماوس ابحث .. و كتبت فاطمة ما طلع شئ ..
قربت مني البندري و و بعدتني بقووة ..
مشاعل طالعت فيها و بقهر قلت : و خري عني يالوسخـــــــه .. و ما حسيت الا بكف رماني بالارض ..
و اللي خلاني ارفع نظري صوت كف ثاني اقوى من صوت الكف اللي صابني ..
&& فهـــد &&
ما انكر دهشتي بالاول من الصراخ بعدها صوت مشاعل يناديني و الحين الصمت و بعدها تركتنا جميع و اتجهت
للكمبيوتر مدري شلي تسويه ؟؟ و اللي صدمني الكف اللي خذته .. و لا ارديا عطيتها كف .. اجل تعطيها كف
بحضوري ,, و هي ما صلحت شئ ما عاش من يمد يده عليها من ما كان .. لكن رغم كل هذا وقفت مشاعل و رجعت
للكمبيوتر ..
ادهشني موقفها .. شلي بالجهاز يخليها تهرع له ..
البندري " بألم و قهر ": تضربني لأجل هالزباااااااااله.. ما تسوى ريالين .. كثيره عليها ..
فهد "صابني توترر و غضب ما عرفت اركز بشئ ,, لكن حاولت ادارك الموقف و ببرود " : احترمي ألفاظك ..
مشـــاعل " حصلته .. ابتسمت بانتصار حصلت المقطع .. قبل لا احذفه طالعت البندري و قلت " :
ما بهنيك بعذاب غيرك ابد .. و هذي ضغطه تنهي تهديداتك كلها .. و ضغطت على ديليت و شيفت ..
فهــد " وش اللي تقوله .. ما فهمت .. تهديد عذاب .. التفت للجهاز اللي كان قريب مني و طالعت قبل لا تحذفه مشاعل
كان مقطع فيديو و هذا واضح من البرنامج و مكتوب عليه جاري حذف هلاك فاطمة ..
البندري " بصراخ " : اتركي الجهاز لااااا ..
و جت بتمسك يد مشاعل بعدتها عن مشاعل مع اني موب عارف شلي يصير
و هي تضربني و تقول : اتركني .. انا اعرف انك تحبهااا .. و الله لأذبحهاا .. و الله لا اذبحها ..
فهد " ظليت مصنم من كلامها .. يعني انا مفضوح لهالدرجه بالاول فيصل و الحين البندري "
: ســــكتـــي .. لا اسكك بكف يخررسك .. مجنــــــــــونه ..
مشاعل " احرجتني و ارعبني صوتها و هي تهددني .. و فجأة حسيت بإختناق و نفسي ضاق "
فهد " هجمت على مشاعل تخنقها .. و انا احاول افكها بس عيت الحمااارة .. بآخر شئ سحبتها من طرحتها و شعرها
و بعدتها عن مشاعل "
البندري " فتحت عيونها على الاخر و بالم و حزن " : تدافع عنها .. و توقف معها ضدي .. ضدي انا .. و تنعتني
بالمجنوووونه و انت اللي قلت لي بعظمة لسانك اني اعقل بنات الديرة .. انا اللي احبك
و اموت بترابك .. تجي وحدة مثلها و تاخذك مني .. " التفت لمشاعل بكره الدنيا " .. بتندمين .. بتندمين ..
فهد سألت مشاعل و فاطمة مستفسر و اصرف بعد ما سمعت كلام البندري اللي كرهني نفسي اني مفضوح و انفضحت
قدامها : شلي صاير .. احد يفهمني .؟؟؟ شلي تسوينه يا مشاعل على الجهاز
هذا جهاز البندري و ليش تتضاربون عليه و بعدين وش هالشئ اللي تهدد فيه البندري و تهدد منو ؟؟
مشاعل ببرود : أسأل صاحبة الجهاز .. عندها الجواب الشافي لأسألتك ..
البندري "بتلفيق" : تبي تعرف شنو اللي مسحته هالزباله اللي قدامك .. هذي صور للحيوانه .. صورها منتشرة بالنت
.. وهي عااااريه .. و اخر كلمه قالتها بصوت عالي ..
فاطمه " عطيتها كف .. كف نفسي اعطيها هو من زمااااان من زمااان و بردت حرتي فيها بهالكف ..
و بصوتي قلت " : من زمان ودي اعطيك هالكف .. " ودموعي شلال على خدودي " .. تعبت منك و من كل شئ ..
تعبت من سيطرتك و تهديداتك .. طالعت بفهد وقلت بتعب : تدري شلي كانت تهدد فيه بنت عمة ابوك هذي ..
هذي اليتيمة الضعيفه اللي الكل يحن عليها و يحبها هذي كلها انانيه و حقد و غيرة و مرض ..
تخيل يا ولد عمي خذت لي صور و انا مو بحواسي و تهددني فيهم تدري ليش .. لأن عمي سعيد
خطبني لك .. و صوت انيني يعلى ..
كملت كلامي و قلت : و شفت هذي و اشرت على مشاعل هذي الغريبه اللي كرهتها
لأنها ماهي من جنسنا عرقها اعجمي بس هذي الغريبه حنت علي اكثر من القريبه و انقذتني من يدينها
و محت كل شئ يخصني و كانت تهددني فيهم هذي و انا ااشر على البندري .. و مالزباله الا انتي يالحيوااااااااانه ..
فهد بضياع : أي صور ؟؟ شلون منتي بوعيك ؟؟
مشاعل "رديت بسرعه قبل لا ترد فطوم لانها بحاله تعب تقول اشياء ما تثمنها " : و لا شئ بس صور لها وهي بزواج
و صور ثانيه بملابس البيت يعني صور شوي .. و سكت ما عرفت اتكلم ..
فاطمه و تفضح كل شئ : لاااا يا مشاعل خليه يعرف .. تعرف يا ولد عمي وش نوع هالصور .. صور خذتها لي
هالحثاله و انا عرياااااااااااانه .. و بدون علمي .. و صحت بقووة لدرجه اني طحت على الارض مو متحمله الموقف ..
فهد " بحقارة طالعت البندري و كورت قبضة يدي لا ارتكب فيها جريمة لأني ادري انها مهي بحواسها ... و طلعت
من الحجرة يوم مشاعل حضنت فاطمة ياليتني بدالك يا فاطمة ..
نزلت الدرجات بصعوبه .. وصلت لعند باب غرفة جدتي و رن جرس الباب كان ماجد دخلت لجدتي و علمتها انه ما
صار شئ بس البنات كانوا يستهبلون و يلعبون .. و سألتني ليش تأخرت قلت لها كنت بالحمام ..
ما كان لي نفس للعشاء ابد بس حاولت اخذ لي كم لقمة لحد يشك بشئ مع ان ماجد لاحظ و سألني : علامك ؟؟
فهد بابتسامه باهته : و لا شئ يالله بروح ..
ماجد : وانا بعد وراي دوام .. اتصلت على مشاعل ...
مشاعل " ضميتها لصدري ... انا متأكده ان فهد ما راح يعلم احد مستحيل لو ماجد ما سواها و انا عارفه انه ما
بيسويها .. .. نقزت من مكاني من صوت البندري "
البندري : و الله لأعذبك مثل ما عذبتيني و اصيحك مثل ما صيحتيني و الله لا أدمرك .. تحرم علي عيشتي ان ما حرمتك
من اعز ناااسك .. و دموعها تنزل من عيون كلها كره .. بخليك تتمنين الموووت مثل ما اتمنااه .. بعرفك وش احساسك
لما تنفضحين و تتعرين قدام اللي تحبين .. هذا وعد البندري .. براااااااااااااااااااااااا .. برااااا ..
مشاعل قمت و قومت معي فطوم و طلعنا برا حجرتها .. ونزلنا بعدها وتركت فاطمه تحت بالصالون لان ماجد اتصل
علي يقول لي اروح المطبخ اجهز العشاء بالصحون ...
دخلت المطبخ كان منسق و حلو .. دورت الشغاله ما حصلتها قمت افتح الدولايب ابي سفره .. و ما حسيت ا لا بيد
تلفني من وراي بغيت اصرخ لو ما حط يده على فمي و يلفني اواجهه : مجنونه وطي صوتك ..
مشاعل " على بالي البندري بتذبحني ,, خذيت نفس بقوووة و قلبي احسه طاح لرجولي " :
كذا تخوفني .... ماجد كم مرة قلت لك ما احب انك تخرعني من وراي .. اخااف ..
ماجد " وهو مازال لاف على خصري " : فديت قلبها الخوافه ..
مشاعل "رفعت حاجب " : يا سلااام .. على بالك حركااات المغاازل هذي ما تمشي علي يالله اشووف برااا
ماجد بدهشه : انا اغازل .. مجنونه انتي زوجي " بخبث " .. ان فكرت اغازل اخر وحده افكر اغازلها انتي يا بعدي
..
مشاعل " بشهقة و غيرة " : انت فكر بس شوف شو بسوي لك .. و الله لا .. " ما عرفت شو اقول و بعقلي ادور كلمه
مناسبه الى ان وقعت عيني على سكينه شلتها و بخبث " .. شفت هذي و انا اقربها لحلقه و هو مبطل فمه و كاتمة
ضحكتي من شكله .. : شا يفها يا قلبي هالسكينه بحطها هنا و انا احط اطراف السكينه على حلقه .. احلم تفكر بغيري
او حتى تغازل فاااهم .. يالله اشووف منااك .. يالله ..
ماجد : صاايرة قوية .." ابتسم " و قرب و لا عليه من السكينه .. يا حبي لك و انتي بكل حالاتك ..
تدرين و انا بعد اغاار عليك بقوووة بعد ..
قربتها لي و لصقتها فيني و عيوني مركزة على عيونها : .. اذبح اللي يفكر فيك لحظه و اذبحك يوم بس تناظرين
غيري و بعدها اذبح روحي ..
مشاعل " ارتبكت من كلامه اللي خلني ارجف حسيته صادق بكل كلمه يقولها .. خوفني لان لحضتها تذكرت كلام
البندري ان فهد يحبني .. الله يستر اصلا ماجد من اول و هو ما يطيقني قبل بسبت اخوه ...
وخرته عني و قلت يا الله اشووف ضف وجههك ..
ماجد فاتح عيونه على الاخير : اوريك يالدوبااا .. انا اضف وجهي .. كنت بعضها بخشمها تستاهل لو ماجت عمتي
و فاجأتني .. حليلها تبي تشرف بنفسها و هاوشتني لاني دخلت العروس المطبخ و هي ضيفه .. و مشاعل ورى عمتي
تصلح لي حركات اني استاهل و جالسه تطنز علي لكن هين بردها لك يا قلبي و لا يهمك بورررريك ماجد منوو ..
مشاعل حاولت اخفي توتري من اللي صار قبل شوي مع البندري .. احيان احسها مو طبيعيه ..
خذيت عشاء لي و لفاطمه و البندري ترددت اناديها خفت تصارخ علي و لا شئ .. بس بالنهاية قمت و طلعت لها فوق
خلني احسن عنها اخذ اجر المتسامح و اللي يبدي الصلح أول .. دقيت الباب ما فتحت و لا حتى ردت علي .. خفت
تكون مسويه بنفسها شئ .. ناديتها بصوت واطئ : البندري ...
" مافيه رد " ...
زاد خوفي .. فتحت الباب و كان مفتوح طالعت بالحجرة ما شفتها الا لما بغيت اسكر الباب سمعت صوت انين
دخلت داخل و اشوفها جالسه على الارض و لامه رجلينها لصدرها ورى الباب كسرت خاطري ..
حزنت عليها .. مو غلطتها انها حبت .. بس غلطها انها ما عرفت الطريقه الصحيحه عشان توصل لحبها ..
قربت منها و جلست على الارض و بحنان لمست ركبتها : البنــ ..
ماكملت كلامي الا وخرت ايدي عنها و تطالعني بطريقه قسم بالله تخوف ارعبتني ..
نظرتها و اعوذ بالله من هالتشبيه مثل نظرة القطوة السوداء تخوف تحسين بالاجرام بعيونها ..
و قالت لي بصوت واطئ خلى شعري جشمي يقف و يرتعش كل جزء بجسمي ..
البندري : حطمتيني .. و بعدتي عني الوحيد اللي بغيته .. " دموعها تطيح على خدودها "
ما بتتهنين بحياتك ابد .. تعرفين الاسشاء الملعونه .. انا مثلها .. اللي يقربني بأذى يتلعن
و انتي ما اتلعنتي مرة .. " سكتت و كملت بصوت اعلى " انتي ملعونه للابد ..
مشاعل " رغم تفاهة كلامها اللي ماله قيمه وش اللي ملعونه و لعنتي .. بس هذا بحد ذاته خوفني
و ارعبني " .. لا شعوريا قمت من عندها و خرجت بخوف ..
نزلت لفاطمه اللي ما مست الاكل و انا اصلا ما كنت جوعانه و الحين نفسي مو بس انسدت الا قززني الاكل ..
.. بالاخير اتصل ماجد بعد العشاء عشان نرجع البيت ..
عرضت عليها نوصلها وافقت لانها ما تبي اخوها يجي و يشوف
حالتها .. و ماجد وافق .. شكل فهد خرج قبلنا .. وصلناها لبيتهم و ردينا بيتنا ..
ماجد : شفيها قلبي ساكته ؟؟
مشاعل " ليتني اقدر اعلمك " : سلامتك حبيبي بس حاسه بارهاق .. متى نروح القصيم ؟؟؟
وقف السيارة و طلعنا اللفت و قال : ممم يمكن الاربعاء .. اليوم فهد كلمني و قال بنطلع الاربعاء ..
مشاعل " من قال فهد تذكرت البندري الله يستر ما توقعت ان السالفه بتنتهي على كذا ,, خرج المفتاح و فتح الباب و
دخلنا حجرة النوم .. مسكت يد ماجد قبل لا يفتح ازرار ثوبه و طالعته "
ماجد " استغربت نظرتها و كأنها تقول ضمني و بدون ما تنطق بحرف ضميتها " : روح ماجد فيك شئ ؟؟
مشاعل : لا تبعد عني و لا لحظه و لا يوم و لا سنه .. تكفى ..
ماجد " مع اني استغربت كلامها بس وعدتها " : اوعدك ..
///
///
مشاعل "بعد اخر موقف مع البندري .. ما غاب عني نظرة الكره اللي بعيونها .. هي ليش ما تفهم ان اللي تسويه غلط
بغلط .. يعني وش بتستفيد ..
انا امووت على ماجد بس و الله لا اختار ربي و ديني و ان كان على حساب قلبي ..
يعني لو انها تحب فهد هذا ما يعني انها تتحكم بحياة الخلق و تهددهم و هي مستانسه بدون ما تحس بندم و لا خوف
و الله اني ما اكرهها ابد ..
ياليتها تتعدل .. اذكر استاذة التحفيظ كانت دايم تحكي لنا قصص و مواقف بالحياة و اهمها
عن ناس اسلموا على يدهم مسيح و هندوس و غيرهم و انا كان ودي .. و خبرتنا عن اجر هالشئ كل ما يصلي
هالانسان اللي اسلم و يذكر ربه تاخذين اجر يماثل اجره .. و اذا اقنعتي العاصي يترك عنه معاصيه بتاخذين اجره
لو البندري تابت عن هالسوات اللي تعملها و ساعدتها بكسب اجرها و ... لكنها تكرهني .. جلست افكر و يأست ..
///
فهـــــــــــد بعد الموقف اللي ببيت عمتي كثر ما صغرت البندري بنظري كبرت مشاعل و تنرفزت من فاطمة ..
و الله يالبندري لو انك موبيتيمة و لا مريضة كان شئ ثاني بس عاذرنك ..
ضروري انسى مشاعل .. بنتقل لفيلتنا بالرياض و بترك الشقه هذي اول خطوة بسويها ..
///
جاء الاربعاء ... و رحنا للقصيم ..
ماجد " كانت نجود بالصاله يوم جينا وفرحت بجيتنا بعد صلاة العشاء خذيتها معي للحديقه ورى البيت " :
مبروك مرتين ..
نجود باستفهام : على ؟؟
ماجد "بمرح :: العريس .. و اخيرا يا اختي ما بتعنسين ..
نجود : مالي خلق ماجد ,, بعدين .. اذا على العريس فمبروك واحد يكفي و لا وش تظن يا خوي ؟؟
ماجد "يستهبل : ياوخيتي مبروك للعريس اللي بغى يجي و ما حالفه الحظ و المبروك الثانيه على اللي ما كان على
البال و فجأة خطب .. تبين شوري .. فيصل ما يتعوض .. نعرفه و نعرف هله كلهم رحمة الله عليهم ...
نجود " عطيته ظهري .. مستحيل اخذه ,, جاي الحين بعد ما توفت زوجته يخطبني يظن اني بقبل فيه لأني تطلقت بُعده "
: على ما اظن قلت لكم رأيي .. زواج ما ابي ..
ماجد بمرح : اجل بتعنسين ..
نجود بحدة : ايه بعنس .. شرايك يا خوي .. لا تشيل همي ترا ابوي عايش و هو قادر يشيلني .. و تركته و مشيت ..
ماجد " عصبني كلامها و بعصبيه " : نجوووووووود .. التفت لي و كملت .. ثمني كلامك قبل لا تنطقينه و اذا ما تبين
تتزوجين بكيفك بالطقاق اللي يطقك ..
مهوب انا و لا اخواني اللي ما نشيلك على كتوفنا و اذا على ابوي ما قصر و لا بيقصر و لا حنا ..
"رديت لهدؤي و بحنيه ".. البنت مالها الا اللي يحن عليها و يسندها .. يا خوك و الله ان قلبي يوجعني عليك " بألم "
و اللي تبينه سويه .. مالي خص بحياتك .. تركتها و مشيت لبرا البيت ..
///
///
نجــــود : و الله ما كنت قاصدة .. بس نفسيتي بالحضيض ..
مشاعل حاولت اهديها : ما عليك انا بكلم ماجد و لا يهمك ..
سكت بعدها حاولت افتح الموضوع معها بس بالاخير تراجعت .. مسكت مقبض الباب بطلع ..
نجود : تظنين اني اخطأت يوم رفضته ..
مشاعل ابتسمت لانها فتحت الموضوع وقفت شوي بعدها التفت عليها و رديت جلست بجنبها على السرير ..
: و ليش تسألين هالسؤال ؟؟
نجود "بتردد " : مدري مشاعل انا محتارة .. و ضايعه .. اخاف أنـ..
مشاعل : ليش سكتي كملي ؟؟ تخافين تندمين صح ؟؟
نجود : .....
مشاعل : ما احب اضغط عليك لأن بالنهاية هذي حياتك ..
" بحنيه " : .. تبين نصيحتي يا نجود .. افهمي اللي اقوله زين ..
" طالعتني بفضول نجود " و كملت : اذا حبيتي بصدق و للحين حبه يسري بعروقك بشرط ما يكون حنين لأن الحنين
يركد بس الحب لا .. و اذا بداخلك مقتنعه انه يتمناك و يغليك .. حاولي انك تتجردي من المبالغه خليك انسانه واقعيه
ترى الانسان يحب اكثر من مرة لأنه انسان و محتاج للحب لكن الحب الحقيقي هو اللي يظل و ما يتنسى حتى لو كان
ذكرى ,, اذا دعيتي ربك ما فيه شئ مستحيل ..
انتظرتيه 6 سنين .. و هالست سنوات عمر بحاله يا لجود
و ربي تقبل دعائك و جابه لك بعد هالسنين .. اعجووبه صح ..
و الاعجب ا ن مرته توفت ..
استخيري الله و ان شاء الله ما يرددك خايبه ابد ..
نجود بصراحه و عفويه طلع مني السؤال : مشاعل ..
مشاعل : هلا ..
نجود طالعت بعيونها : قد حبيتي ؟؟؟
مشاعل " عيوني رمشت لأني ما توقعت هالسؤال بس تداركت " : ايه حبيت و حبيت بصدق بعد .. حبيت اخوك بقلبي
و روحي و كياني .. الله لا يحرمني منه .. لأني بموت .. اعرفي اني بموت .. بدونه .
نجود : بسم الله عليك فالك ما قبلناه يالدوبا ..
مشاعل : هههه .. طيب يا حلوة .. فكي هالتكشيرة من وجهك ..
نجود ابتسمت على كلام مشاعل ..و استانست لحبها لاخوي اللي واضح بعيونها ...
///
///
مشــاعل : جوودي لا تزعل من نجود تراها ما تقصد ..
ماجد متنرفز للحين من نجود : لا تتدخلين بيني و بين اختي ..
مشاعل صدمني كلامه فسكت و بعدها عطيته ظهري بطلع من الحجرة لاني حسيتها ضيقه علي ..
ماجد " مسكتها من معصمها قبل لا تخرج " : على ووين ؟؟
مشاعل بجرأة شلون جتني مدري يمكن ردة فعل : ما يخصك .. لا تتدخل بيني و بين روحي .. ترك يدي ..
مشيت خارج البيت بالحديقه .. ما شاء الله بيت بابا بوفهد بالقصيم كبير كأنه قصر و يا حلات حديقته تهبل و مزرعته
احلى و احلى .. كنت واقفه قريب من الزرع أتأمل العشب يا كثره ما شاء الله الى ان وقفت عند الياسمين مزروع بكثرة
و الجهنمية بعد .. نزلت لمستوى الياسمين اشمه و اعطر انفي بريحته و استمتع عشان ابعد عني كلام ماجد اني ما
ادخل فيه .. كلامه جرحني مدري ؟؟ بس اللي ادري عنه انه أثر فيني .. وقتها حسيت اني غريبه و وحيدة ..
قربت انفي اكثر و غمضت عيني بألم لأنها تحرقني ...
ماجد " وش هالغباء اللي فيني احط حرت نجود في هالمسكينه .. و الله ما قصدت .. رحت لوين ما تكون فيه و شفتها
تناظر الزرع و الارض .. الى ان وقفت عند الياسمين و نزلت تشمه قربت منها بواايد .. و لاحظت انها عقدت حواجبها "
مشاعل " فتحت عيني و كان ماجد قدامي دريت بوجوده يمكن احساس .. وقفت بروح لكن ثبتني بمكاني قبل لا امشي
وقرب خشمه من خشمي باستفهام : ما يخصني فيكِ ؟؟ و لا تبيني ادخل فيك ؟؟
مشاعل "مارديت عليه لأني منزلة نظري " : .....
ماجد : طالعيني ...
ماجد كررت الجملة مرة ثانيه : طالعيني ..
هالمرة بحزم و امر قلت : ارفعي نظرك و طالعيني ..
مشاعل " خفت يعصب قمت رفعت عيوني و تعلقت به " ..
ماجد " عيونك كإنها دنيا ثانية غريبه و عجيبه ودي اغامر بها و فيها بس اخاف اضيع و اتعذب من اللي فيها "
: ما رديتي علي ؟؟
مشاعل : انا بعد مالي خص فيك و لا بأي شخص يخصك ,, صح ؟؟
ماجد : لا تردين علي بسؤال ..
مشاعل : ما عجبك كلامي ليش ؟؟
ماجد خذيت نفس : شعووله كنت متنرفز وكنتي قدامي ..
مشاعل كملت : وحطيت حرتك فيني ...
ماجد : اااسف .. و الله اسف ..
مشاعل " ما احببه يتأسف مني ابد .. احبه شامخ مثل يوم عرفته بحياتي " : صار خير ..
كنت ببعد عنه لكنه ما زال ماسكني من معصمي طالعت يدي محل ماهو ماسكني و بعدها طالعته
: بغيت شئ ؟؟؟
ماجد : للحين زعلانه صح ؟؟
مششاعل بضيق : لا ...
ماجد : لا تكذبين .. اعرفك يوم تقصين علي ..
مشاعل : ...
ماجد : ما تردين ؟؟
مشاعل و طفشت : خلص ماجد .. شتبيني اقول .. ارقص لك يعني ..
ماجد بقوة عين : اييييييي ...
مشاعل بنص عين اخذته على قد عقله : انزين وخر عني .. تركني ,, فمشيت تركته الا لحقني و وقف قدامي يسد
الطريق : ماجد وووخر عني ..
ماجد : ماابي .. ارقصي لي ..
مشاعل : بلا استهبال .. بعد عني ...
ماجد بعناد : مافيه .. وش اللي يثبت لي انك للحين منتيبزعلانه ؟؟
مشاعل بتأفف : اففففففففففف ..
ماجد بحده : كم مرة قلت لك لا تتأففين ..
مشاعل " سكت و نزلت راسي " : ...
ماجد " مسكتها من فكها و رفعته " : قلب ماجد .. " وقربت اكثر بحنيه " ..
أحــــبكــ ..
مشاعل " ما احبه يوم يقولي احبك و هو قريب مني بنبرة هامسة و حنونه مليانه حب .. احس بضياع بذاتي
طرف نهاية خشمي لاصق بنهاية خشمة يداعبني بحب ما قدرت ما اقول بحب اكبر من اللي قال و انقال " :
و انا اعشقــكــ بقلبي .. لمني لصدره بقووة..
ماجد " خميتها بقوة تماثل حبي بست راسها و غمرت خشمي بريحة شعرها يا زينه كأنه حلااو " ..
///
///
فهــد " صديت الجهة الثانيه بألم ما يتخيله احد مدري هالالم الم حزن و لا غيرة .. شفته شلون مقرب منها و يلمسها و
يضمها له .. هذا حقه .. استانست لانها سعيده معاه و هو بعد .. بس نار الغيرة بقلبي حرقته و قام ينزف قلبي من الالم
مو من حقي احبك يا مشاعل انتي لماجد و ماجد لك .. الله يهنيكم " ...
.. ماجلسنا وايد ثاني يوم المغرب ردينا الرياض ... وحسيت نجود شبه مقتنعه مع انها مترددة للحين ..
///
///
///
بعد 5 ايام بالليل الساعه 11 طبعا في هالوقت ماجد ينام و انا بعد بنام .. صح الجوال كان على الصامت
لكن صوت هزته اللي حسيتها رجتني لاني قبل ما ارقد حطيت الجوال عند المخده و ماجد عيي يتركني
قلت له بس احط الجوال على الكومدينة قال مافيه محد قال لك ما تحطينها قبل فاستسلمت له لانه عنيد
خذيت الجوال و اطالع اشوف الجوال يضوي باسم جود الحزينة .. استغربت اتصالها طالعت الساعه كم شفتها 11 و
10 .. حوالي 4 مكالمات لم يرد عليها بعدت عن ماجد و هو لافني مو راضي يشيل يده بالنهايه رديت عليها و انا
بالسرير .. : هلااا جود الحزينة ..
نجود "بهمس " : مشاعل ..
مشاعل بجديه : هلاا ..
نجود " بتردد " : ....
مشاعل " خفت عليها " : نجود قلبي .. تعبانه ؟؟
نجود تصيح بصمت : ....
مشاعل " حاولت ابعد ماجد عني بأي طريقه ما اعرف اكلمها و انا مسدوحه و بالفعل و خرته عني و قمت بسرعه لا
يرد يلفني .. توجهت للصاله بخفه بدون ما اطلع صوت " : جود ما عليه هدي ابغى افهم شو صار ؟؟
نجود للحين تصيح : ...
مشاعل : تراني مو فاهمه شئ ... تكفين لا تخرعيني .. اهدي
نجود دقايق و هدت : هديت ..
مشاعل : الحين خبريني شلي صار ؟؟
نجود : خلص .. وافقت على فيصل ...
مشاعل تنحت بالبدايه بعدها بونااسه : صدق حلفي ..
نجود : و الله ..
مشاعل " تو انتبهت انها تصيح عشانها وافقت على فيصل " : انزين ليش تصيحين ؟؟
نجود : مدري كنت خايفه اندم اذا رفضت و اخايفه اندم ان رضيت .. فما جاء ببالي الا انتي اتصل عليك
و اول شئ حسيته ان فيني صيحه ..
مشاعل بحنيه : انتي مرتاحه ؟؟؟ صليتي استخاره ؟؟؟
نجود : ايه صليت ..
مشاعل عدت سؤالي : طيب مرتاحه ؟؟
نجود : مممم ما اعرف ..
مشاعل : و لا يهمك قلبي دامك وافقتي فان شاء الله خير ..
نجود : ان شاء الله .. " و باحراج " .. اعذريني شعووله صحيتك من الرقاد ..
مشاعل بابتسامه : فدااك قلبي .. ما عليك .. اهم شئ ارتحتي ..
نجود براحه : الحمد لله .. يالله اجل بسكر ..
مشاعل : اوكي يالله فمان الله ..
نجود : في حفظه و رعايته ..
و رجعت لسرير و انا مستانسه على نجود .. يالله لك الشكر و الحمد مستناسه من الخاطر ..
اطالع ماجد بحب .. احيك كعبووول ..
بالفعل ثاني يوم بشرني ماجد بقبول نجود لفيصل و موافقتها و ان الملكة بتكون نهاية الاسبوع الجاي ..
يعني بأول ايام رمضان .. حاولت اقنع ماجد بناء على رجاء نجود لي اني اقنع ماجد و فهد و ابوها
يأجلون الملكه لبعد رمضان لكن ماجد يقول ان فيصل رافض الا يبيه الحين و الود وده لو اليوم قبل باكر
يقول انه محتاج يستقر وانه عايش وحداني و البيت فاضي و كذا و بعد العيد بذو القعده بيكون الزواج
نجود عصبت .. وانا اضحك عليها .. ادري انها بتحاول تماطل لانها متوترة قدرت مشاعرها مع اني ما عشت لحظه
التوتر .. يمكن لأن كل شئ صار بسرعه .. و الاغرب و الاحلى ان ماجد كان من نصيبي ..
///
قبل رمضان بيومين ..
مشاعل... : جووووووووووودي .... جووووووووودي .. عمري الله يخليك ابغى باسكن روبنز بلييييييييز
ماجد: ( اراويك ياقلبي مثل مالعوزتيني برفع لك ظغطك ,, هذا كله يدور بيني وبين نفسي) ساكت ..
: يعني ماترد .. جووودي قلبي ووالله نفسي فيها من زمان