""" مـــــ بأجواء الشرقية ـــــكــة """

ياصاحبي مني لك الروح مهداه

والله لو به غيرة اغلى هديه
ماقلت لا حد (( ن )) غيرك الروح تفداه

إنت الوحيد الي بروحي فديته


مشاعل " اندهشت من اللي تقوله .... تلخبطت افكاري بس اللي متأكده منه شئ واحد من هو
صاحب الرساله .. لكن من اللي حطها و كيف وصلت لي "
البندري قطعت تفكيري : يعني ما تكلمتي .. مالك وجه تقولين شئ .. جالسه تلعبين بذيلك انتي ووجهك
يالصـــايعه ..
مشاعل " ما تحملت كلامها و لا الدوامه اللي انا فيها " : سكتـــــي .. انا انظف منك تفهمين يالوســخه ..
البندري : ههه ضحكتيني صدق .. اعترفي قبل لا تتزوجين ماجد كنت تحبين و للحين مستمرة علاقتك فيه ..
و بصوووت عالي : اعترفي .. انا متأكده انك كنتي تعرفين قبل زواجك و لا ليش هالرساله وكاتبها ما يحبك من فراغ
كنتي تحبينه " و بتلفيق " .. و للحين تحبينه و هذا وااضح من ردة فعلك ..
مشاعل بلا شعور : أيــــه قبل لا اتزوج كنت احب و احب بقووة بعد و للحين احبه ومستحيل احب غيره ..
تفهمين مستحيل احب غيــ ...
الجمتني المفاجأه اللي قدامي ..

///

///

///

///

&& دانــــــــــــه &&
: بستخير بالاول و بعدين بعطيكي خبر ..
ام دانه : ماله ضرورة تستخيري .. الرجال مررريش و اهله مريشين و مستعد يشتري لك فيلا
لحالك و يسكنك فيها و بعدين كل سنه سفريه و خدم و حشم .. زي ما عشتي في بيت ابوكي بتعشي في بيت الرجال ..
دانه " تنرفزت من كلام ماما و لا وحده تقول لبنتها مو ضروري تستخيري .. رغم الفلوس اللي عندنا الا انهم
فيهم الطمع .. استغفر الله .. " : ان شاء الله ماما بس بستخير بالاول و بعدين بقولك ..
اتصل دحين بمشاعل و لا اخليها بالليل .. هي قالت اليوم معزومين بيت اهل زوجها ... بس مقدر ما اقولها
بتصل عليها بعد التراويح .. و توضيت و تجهزت عشان اصلي التروايح بالمسجد اللي بالحي ..
طبعا ماما تقول تعبانه ما تقدر تروح بس انا اخذت الشغاله و رحت ..

///

///

///

///

مــــــاجد : ههههههههههههه .. حلوووووو بو سعيد حركتااات ..
فيصل رافع حاجبه اليسار فتقوس بشكل حلو وزام شفايفه لجهة اليمين بتناقض : وش اللي حركتات ؟؟
علي ولد عم ماجد : ياخي هذي مرته عاوجه لسانه ...
ماجد بجديه : هي انت لا تسولف عن مرتي ..
سعود بضحكه : ما يرضى عليهااا .. " وغمز" ..
فيصل " طالعت بفهد اشوف ملامحه مع ان الظاهر كان عادي و مو مهتم بس انا متــأكد انه يحترق و كنت بذكر فهد
انها مستحيل تكون له " : يحق له دامها زوجته ..
ماجد بابتسامه عريضه يأييد فيصل : يسلملي قلبك بو خالد ..
فيصل : ولو حنا بالخدمه يالنسيب ..
سعود : شووف شلون تكاتفوا النسيب وزوج الاخت ..
فهد يغير الموضوع : الا يالحبيب " يقصد فيصل " .. ما علمتني جهزت لعرسك و للملكه و لا ؟؟
فيصل باحراج : البيت بدءت فيه بس للملكه لا و الله للحين .. مم " بتردد " .. بصراحه ما عرفت اشتري الطقم ما
عندي خبره اول مرة اخطب ..
سلمان : ليه مو كنت متزوج قبل ؟؟
فيصل " تجمدت ملامحه " : ...
فهد حاول يلطف الجو : و لا يهمك لو تبيني اروح معك ؟؟
فيصل : وانت وش ابي فيك ,, ما تنفع ابي ذووق حرمه .. لا انا و لا انت نفهم بسوالف الحريم ..
ماجد بتفكير : انزين بو خالد شرايك بخلي زوجتي تختار لك .. و بعدين اختي تحب ذووقها و هي بعد تعرف
لذووق اختي ..
فيصل بابتسامه و امتنان : تسلم يا بو نواف ما قصرت .. ياليت و الله تسوي فيني معروف ..
ماجد : اجل و لا يهمك .. ممم متى بتشتري عطيني خبر و باخذها السوق .. كم بو خالد عندنا ..
فيصل "براحه " : تسلم و الله لو تقدر من باكر .. اكون ممنونك ..
ماجد : على بركة الله باكر ان شاء الله ..
خرجت من المجلس عند المغاسل و اتصلت بمشاعل ..

///

///

///

///

///

مشاعل بلا شعور : أيــــه قبل لا اتزوج كنت احب و احب بقووة بعد و للحين احبه ومستحيل احب غيره ..
تفهمين مستحيل احب غيــره ... لانه هـ ...
الجمتني المفاجأه اللي قدامي .. و بهمس : نـ .. نجــود ..
نجود " لو قلت ان الدنيا بلحظتها دارت فيني اكون اكذب .. لانها اظلمت بعيني بعد اعتراف مشاعل .. الحين
ماجد شكثر يموت عليها و هي تحب غيره .. اذا قبل الزواج فهذا يمكن الواحد يعذره لكنها للحين تحبه اجل
اخوي وين موقعه " ...
مشاعل واحس رجولي ما عادت تشيلني قربت من نجود و باندفاع : نجود ..شوفي البندري
طفشتني بحياتي .. كل شووي تدور وراي و اليوم جايه تلفق علي تهمة .. انا و الله العظيم
ما احب الا ماجــ ..
" طراااااااااااااااخ "" ..
مشاعل " حطيت يدي على وجهي مكان الكف و كانت هذي ردة فعلي طالعت نجود اللي كانت


دموعها مغرقه عيونها و هي تقول بصوت ما يسمعه الا انا و هي ..
: لهالدرجة وصلت وقاحتك .. بصوت عالي تعترفين .. يعني كل اللي كنت اشوفه و اسمعه منك كان تمثيل
ليه طيب ؟؟؟ ماجد يحبك و طايرفيك و انتي .. لا و تحلفين بعد بربي .. نظفي لسانك قبل لا تنطقين اسم الله تفهميـن
تدرين وش اللي قاهرني احساسي بالاحتقار لنفسي اكثر منك .. لأني بلحظه كنت مثلك ..
مشاعل " تركتني حتى بدون ما تعطيني فرصه , راحت بدون ما تسمعني .. و بقهر التفت للبندري اللي كانت تبتسم
و بخطوات سريعه خذيت منها الرساله بقوووة و دفيتها .. فطاحت على الارض " : لو تظنين انك بحركتك هذي
بتخوفيني فإنتي تحلمين .. انا مو فاطمه و لا وحده من اللي تهدديهم فااهمه .. و حسك عينك تقربي مني
انتي ما تعرفيني يالبندري للحين ونا استخدم معك اسلوب اللين يوم افقد سيطرتي انقلب وحشششششششش ..
ونا ماشيه بقوة عين تقول : بعطيك فرصه ..
وقفت مكاني اسمعها وانفاسي متقطعه كأني خارجه من حرب كملت البندري و هي توقف تقول :
ما قدامك الا خيارين يا انك تتركين ماجد و تردين ديرتك و تطلبين الطلاق و لا بخبر عليك وولد ولد خالي
اللي هو ماجد و هذيك الساعه فضيحتك بتكون على كل لسان و ابشرك انا بكون اللي بتفضحك ..
" وابتسمت بطريقه قرفتني " ..
قربت منها و قلت : اولا انا لماجد لابد الابدين و لا انتي و لا غيرك بيبعدني عنه ..
ثانيا من تكونين انتي عشان تتحكمين بحياة غيرك ..
اذا تعتبرين نفسك قويه ففيه اللي اقوى عنك .. و ازيدك من الشعر بيت .. دليل ما عندك عشان
تهددين فيه و رفعت الرساله الجلدية و قلت : واذا على هذا بأفنيه بدقيقتين .. وريني شطارتك ..
البندري : انا حذرتك .. و بعطيك فرصه اسبوعين اعتقد كافيه ..
مشاعل "تركتها و دخلت داخل و طلعت لحجرة ماجد فوق .. شفت اتصال ماجد ما رديت ..
رد اتصل مرة ثانيه .. مو قادرة ارد عليه احس بارتجاف .. اخاف يعرف ان فيني شئ ..
بالاخير رديت بعد 5 مكالمات : هلا قلبي ...
ماجد ماسك اعصابه : كم مرة قلت لك ردي بسرعه .. وراك ماتردين ؟؟
مشاعل : ماعليه قلبي كنت بعيدة عن الجوال ..
ماجد : فيك شئ ؟؟
مشاعل بضحكه غبيه : ههههههه .. جودي قلبي انت كل ما تتصل تقول فيك شئ ..
ماجد باستغراب : ما يضحك ... انزين طلعي برا بشوفك تعالي من باب المطبخ لأني طالع ..
مشاعل مدري ليه حسيت بخوف ليش يطلع و يتركني هنا : فين رايح ؟؟
ماجد : نزلي ونا بعلمك .. يالله سكري ..
سكرت الجوال و نطيت من السرير و رحت للمطبخ ومريت بالبنات و نادوني قلت لهم دقايق وجايه لكم
خرجت حصلت ماجد ينتظر وهو مبتسم فاتح ذراعينه رديت عليه بابتسامه و ركضت له .. حطيت راسي بحضنه
ماجد : يوم تبعدين عني ولو ساعه وارجع اشوفك احسك تحلوين ..
مشاعل " ابتسمت و الخوف مالي قلبي .. ااه يا ماجد تعبت و مليت كل ما احس بشوية فرح الناس تستكثرها علي
من وين طلعت لي البندري و الحين نجود ما فهمت قصدي ولا اقدر افهمها .. انا الهبله شلي خلاني اتكلم قدام البندري
اللي عرفت تستفزني ..غمرت خشمي برقبته .. بعدني عنه و قال ..
: ودي اعرف شئ .. ليه تحبين تشمين رقبتي ؟؟
مشاعل ببراءه : مدري احس ريحتها حلوة ...
ماجد بضحكه تهبل فيني : هههههههههههه .. انزين بطلع اصلي التراويح و بعدها بروح مع الشباب
للمخيم .. تامريني بشئ ..
مشاعل بتكشيرة : خذني معك ..
ماجد : تستهبلين يا قلبي ..
مشاعل بجديه : و الله اتكلم جد .. لا تتركني .. و لا وصلني بيتنا ورد روح مع الشباب ..
ماجد عقد حواجبه : صار شئ ؟؟
مشاعل بلعت ريقي و بسرعه قلت : لا ما صار شئ ابد .. بس بروح اريح بالبيت ..
ماجد وخرت شعرها عن وجهها و انتبهت لحمار خفيف بخدها اليسار : شعولتي وش ذا
مشاعل لا ارديا مسكت خدي اللي ضربتني عليه نجود و قلت : ابد يمكن مع البرودة يحمر ..
ابتسم ماجد و بهمس قرب من اذني و قال : مو بس مع البرودة ... فيه اشياء ثانيه تحمره ..
مشاعل خبطه على كتفه : قليل ادب بعد عني ..
ماجد : هههههههه .. انزين يالمؤدبه .. عطيني يالله ..
مشاعل فهمت وش يبي بس استهبلت : ايش تبغى ؟؟
ماجد يقلدني : ايش تبغى ؟؟ شرايك ؟؟ يالله بلا دلع عطيني بتأخر تراهم ينتظروني برا
مشاعل بدلع : لااا ما بعطيك " تحرك حواجبها " ..
ماجد : كذا يعني ... انزين براحتك بس يوم امووت بتندمين ما عطيتيني ياها ..
مشاعل " مشى ماجد جريت له و ضميته من ظهره و صحت مدري ليه صحت يمكن من خوفي من اللي صا ر قبل
شوي مع نجود و البندري و لا من كلام ماجد و لا من خوفي من باكر " ..
ماجد لفيتها علي : شعوله امزح معك يالبكايه .. ما كنتي كذا الحين صايرة حساسه ..
يالله عاد اسولف معك انتي ووجهك .. و بستها على جبهتها .. "و بتنهيدة " يالله لا تفسدين وضوئي ..
مشاعل " بسته بخشمه و برقبته و قلت بضحكه " : يالله روح لا ينفسد وضؤك ..
ماجد بزعل : اوررريك يالشينه تضحكين علي .. لكن باخذ حقي بالبيت .. " قال اخر جمله بخبث " ..
و قبل لا يروح قرأت عليه و نفخت على كل جسمه و هو يضحك ..
دخلت البيت ادور على نجود ما حصلتها مع البنات .. اكيد بحجرتها .. مترددة اطلع لها و لا لاء ؟؟
بالنهاية طلعت لها طقيت الباب محد رد علي .. رجعت طقيته .. سمعت صوتها تقول
: تعباانه بنام شووي ..
سكت ما قلت لها انه انا .. نزلت و كملنا الجلسه مع ان خلقي ضايق خصوصا ان البندري للحين موجودة
.. جلست مع البنات ,,, ونجود ما نزلت .. بعدها اذن اذان العشاء قام البعض و البعض الثاني جالسين يتابعون
مسلسلات رمضانيه .. مع اني علمتهم انه اذن .. شفتهم تضايقوا و البعض يتأفف و اللي قهرني البندري تقول ..
: وانتي وش عليك نصلي و لا ما نصلي راجع لنا .. روحي بس بدل لا تنصحينا انصحي نفسك . ..
انحرجت من كلامها لانها قالته بصوت عالي .. كل اللي بالمجلس سمعه ..
منيرة " وجع بشكلها هالبنت دوومها كذا " : و بعدين معك يالبندري .. ما تتركين عنك
حركاتك ودي اعرف شبينك وبين شوشو .. دووم بحالها .. اففففففف .. وانتي جالسه على الوحده ..
تركتهم و طلعت حجرة ماجد .. و توضيت و صليت .. العشاء و التراويح .. طولت بالصلاة و دعيت ربي يفك عني
البندري و شرها شفت اتصالات من دانه قلت اتصل عليها بعدين .. مر ذاك اليوم وانا احاول ابعد قدر المستطاع عن
هالشرانيه .. بس نجود ما طلعت ..
بالاخير نزلت بس ما قدرت الا اني المحها .. لانها كانت بجنب اخواتها .. استشاني ماجد اذا ننام ببيت ابوه بس انا
رفضت .. وعذري ان ماما تعبانه و نجود لو جلسنا بيتعبون باكر على الفطور و كذا احسن نروح البيت ..
و ردينا بيتنا المكان الي احس فيه بالأمان .. ثاني يوم كالعاده راح ماجد للدوام بس دوامه طويل يبدء من 10
الصباح و ينتهي بعد اذان المغرب .. و هالشئ ضايقني .. وماجد لاحظ هالشئ و حاول يراضيني بإنه يحاول يستأذن
قبل الاذان و يطلع .. قدرت وضعه .. طبعا الايام الاولى من الشهر عزايم تليها عزايم يوم ببيت اخته حمده يوم ببيت
ليلى يوم ببيت العنود .. و حتى اخوانه .. بس ابراهيم عزيمته بنهاية الاسبوع لانه بالشرقيه .. كلمت ماجد يعزم هله
كلهم عندنا ..

^^^

^^^

ماجد : شعووله تستهبلين يا قلبو ...
مشاعل بجديه : لا و الله جد اتكلم ..
ماجد : ما يصلح .. " قالها و هو رايح للحمام اكرمكم الله "
مشاعل " لحقته لهناك بس دخل و جلست عند الباب اكلمه " : جووودي شفيها يعني .. كلهم عزمونا و حنا لا ..
تبغاهم يقولوا شوفو ماجد ما عزمنا .. و الحين انت متزوج .. و بعدين لا تخاف يمديني اطبخ لا يغرك الظاهر
ترى اعجبك بس انت اسمح لي .. تكفى جوودي ..
ماجد : ....
مشاعل بالحاح : جووودي .. ووولد ..
انفتح الباب و فجأة : ووولد بعينك طول بعرض تقولين ولد ..
مشاعل بابتسامه تذووبه و دلع يموووت عليه : تكفى .. عشااني .. يوم واحد نعزمهم كلهم ..
ماجد " جالسه تتدلع علي و هي تعرف شلوني أثر فيني " : شعولتي بالمنطق تدرني شكثرهم ماشاء الله
و بعدين بيتنا صغير ما بيكفيهم ابد .. و الله حتى نصهم ما بيكفي .. ما عليه ..
ان شاء الله يوم ربي يرزقنا ببيت اكبر على هالخشم " ياشر على خشمه " ..
لو تبين تعزمين العالم كله ما عندي مانع ..
مشاعل: ومن قال بنعزمهم كلهم ..
ماجد باستغراب : اجل ؟؟
مشاعل " امووت و ما اعزم البندري و شلتها لو يموتون " : بس امك و ابوك اخواتك و اخوانك و عيالهم ..
ماجد : ولو قلبي ما يوسعهم البيت .. ما تشوفينه و هو ياشر حوله شصغره ؟
مشاعل بزعل : ماجد اذا البيت صغير قلوبنا كبيرة .. بتشيلهم .
ماجد بابتسامه حلوة " لان كلامها برئ و حلو " : تسلمين يا قلبي بس لا ما بيكفي ..
مشاعل و خطرت لي فكرة : طيب ايش رأيك نخلي الحريم عندنا بشقتنا و الرجال بشقة فهد ..
مو انت قلت انها اعتزلها و هي فاضيه الحين ..
ماجد " بتفكير و كأنه بدء يقتنع " : ممم انزين ما يمديك تطبخين كثررهم ..
مشاعل : ايش معنى ماما طبخت اول يوم لنا كلنا ..
ماجد بضحكه : هههههههه .. قلبي امي متعودة و غير كذا انتي صلحتي صواني و نجود و اخواتي و حريم اخواني
مشاعل : ولا يهم كانا بصلح كل شئ ... شو رأيك تخليها بعد عزيمة اخوك ابراهيم يعني نهاية الاسبوع الجاي قبل لا
تبدء العشر الاواخر ...
ماجد بتنهيدة : فزتِ علي .. صار اللي تبين ..
مشاعل بفرحه ضميته بقوووة : احبـــك ..
ماجد : ههههههههههههههه ..
...

///

///

///

&& نجــــــــود &&
بعد اللي سمعته و شفته بعيني لو ان احد خبرني كان ما صدقت بس سمعتها باذووني
احتقرتها لكن ما قدرت اقول و لا حتى اسوي شئ .. حسيت ا ني مثلها ..
خنت اهلي و حبيت واحد ما يصير لي شئ .. احتقرت نفسها و كرهتها اكثر من اني اكره مشاعل
ما ابي فيصل ما ابيه .. مقدر .. لو تزوجته بحس اني ضحكت على اهلي و خذيت اللي حبيته .. انا لازم ارفض
بكلم فهد هو اللي بيخلصني .. اتصلت بفهد و قلت له اني غيرت رأيي وما عدت ابي فيصل .. صرخ علي و هاوشني لا
و مقاطعني بعد .. يقول تحرجينا مع الرجال لي شاذا ما بغيتيه ليه ما قلتي ؟؟ ليش لما قرب الوقت على الملكه تقومين
تبطلين و اللي سواه المسكين شرا لك طقم و بدء بتصليحات البيت و فرش لك هو من جديد و غير الاثاث
.. وغير كذا هو متمسك فيني .. ما فيه امل من الفكه .. عشان كذا جات مشاعل تقنعني بفيصل لانها حبت قبل اخوي
وللحين متمسكخه فيه .. انزين لو للحين تحبه ليه وافقت على اخوي ليه .؟؟ جلست اصيح قهر
احس اني ضايعه وش اسوي مدري ..حتى مارضيت نروح بيت ابراهيم اخوي بالشرقيه بدري عشان ما اشوف مشاعل
المشكله ملكتي ثاني يوم ..
بعد الفطور مسكنا الخط للشرقيه ..
أصيل هي اللي كنت عند الباب تستقبلنا بونااسه ..
أصيل " تصفر" : يا حيا الله من جانا انورت و اسفرت كلللللللللللووووش ..
مشاعل " وانا اضحك .. من جد هالبنت رهيبه بشكل و ماجد يمسكها مع اذنها ههههههههه " .. : ههههههههه
ماجد : اصووول كم مرة قلت لك بلاها حركات البزارين اعقلي ..
اصيل : أي أي .. عمي تكفى يوجع .. ااااه ...
مشاعل " خبطتني اصيل بيدها على كتفي فجأة و ألمتني خبطتها "
أصيل : هيه انتي .. ميشوو فكي زوجك عني ..
ماجد " اخذ نفس " : لا اله الا الله .. ليش تمدين يدك على حرمتي هااا ؟؟؟ " وضغطت على اذنها بقوووة "
اصيل : ااااااااااااااااااي ..
مشاعل "ونا اوخر يد ماجد " : ماجد اتركها ..
ماجد : لااا ..
مشاعل : ماجد البنت اذنها حمرت تكفى اتركها ..
ماجد : انزين عشانك بس ياويلها ان عادتها "وتركها " ..
مشاعل : ما عليه اصول تراه يمزح ..
ماجد بنص عين : من قال .. ما كنت امزح ..
اصيل : هين يا عمي اورريك ..
ماجد و فتح عينه على اخرها : نعععععم ..
ركضت اصيل لداخل ونا اضحك .. و شفت ماجد يبتسم و يناظر غبار الهبله اصيل ..
مشاعل : تحب تلعوزها صح ؟؟
ماجد بضحكه : ايه .. هي و منور يذكروني بحالي يوم كنت صغير ..
مشاعل : ما شاء الله يحبونك ..
ماجد : ادري و بالذات هالمفعوصه اصيل ..
مشاعل : ههههههههه .. لا تذكرني ..
ماجد عقد حواجبه : بشنو اذكرك ؟؟
مشاعل : ثاني يوم ملكة نجود بالقصيم يوم يجون يتحرون من احلى انا و لا انت ..
ماجد : هههههههههههههههههههه ..
دخلنا و سلمت على ام اصيل وااايد بسيطه و حبوبه .. رحبت فينا و قالت انتم اهم الضيوف
ودتنا لجناح فيه حجرة و حمام اكرمكم الله و صاله صغيره فيها تلفزيون .. ماشاء الله بيتهم كبير بس مو اكبر من بيت
بابا بو فهد .. لاحظت ان نظام البيت نظام فيلا و فيه ممرات و ابواب كأننا بفندق .. بس هذي الايواب كلها هذي الجهة
من الفيلا .. شلت عباتي عني و انسدح ماجد على السرير .. تعباان ..
قربت منه و جلست بجنبه امسد على شعره .. وبست جبينه ..
مشاعل : حبيبي اصلح لك شاي و لا عصير و لا شئ ؟؟
ماجد " مغمض عيونه و حرك راسه بلا .. وقفت بروح مسكني من معصمي و جلسني .. فجلست .."
ماجد " فتحت عيوني " : شرايك ننام ..
مشاعل : ههههههههه .. لا ياشيخ .. ياله قوم بس بلا دلع ..
ماجد : تعباان شعوله من الدوام على البيت فطرنا و طلعنا على الشرقيه
ابي اخذ لي قيلووله ..
مشاعل : اوكي .. ارتاح وبروح اشوف اا ام اصيل تحتاج شئ ..
ماجد "بعناد " : لااا .. ما اعرف ارقد بدونك ... لا تروحين تمي معي و نطلع سواا ..
مشاعل بابتسامه " شلت راسه و حطيته بحجري وانا امسد على شعره و ابوسه و هو يبتسم مغمض عيونه
الى ان نام .. والا الباب انفتح فجأة حزيت بقلبي وقف " : حسبي الله على ابليسك يا اصيل خوفتيني ..
أصيل بابتسامه كرتونيه : خخخخخخخخخ .. حركات ميشو " وتلعب بحةاجبها " .. غراميات ن ورانا
زين .. زين .. ولاا راسه بحضنك .. و الله لا اعلم منور بخليتها تنتحر فاتتها اللقطه ..
مشاعل بنص عين : نعم اقوول ضفي وجهك الحين لا اصحي لك عمك
يشيلك مع اذنك يالله اشوووف ...
اصيل و كأنها مفجووعه : ول ول .. صايرة اخلاقك شينه مثل عمي فديته يهبل ..
مشاعل ونا اكتم ضحكتي لان جملتها على بعض كلها تناقض .. اولا اخلاقه شبنه و بعدها فديته و يهبل ..
: اصيل انقلعي .. و بعدين ما تعرفي تدقي الباب ..
اصيل : اولا ما ابي انقلع انا هبله افوت غراميات على الهواء مباشرة .. ثانيا اشتقت لكم و ثالثا احب اتأمل
مخلوقات الله و عاد مخلوقات الله تكمن فيكم انتم خالي و انتي ..
مشاعل " تحرك ماجد على جنبه فأشرت لاصيل تسكت و مسدت على صدرة بحنيه بيدي وهو نايم شال
وباسهم و حطها تحت خده .. جتني الضحكه وتذكرت ان اصيل عند الباب شفتها تبتسم بحالميه ..
و الله انكم تحف .. انتي و عمك و منيرة طبعا .. شلت يدي بسرعه و حطيت مخدة بجنبه
قسم بالله كأنه طفل عشان لا يحس اني رحت عنه .. احيان اصلح هالحركه معه عشان
لا يصحى و يدور علي يوم اروح الحمام اكرمكم الله و لا ما جاني نوم ..
تذكرت موقف صار بالليل قمت من نومي بردانه بروح اكرمكم الله الحمام مو قادرة وهو ضامني بقوة
حاولت فيه عيي صرت اقرصه عشان يبعد لما بعد ركضت للحمام بسرعه دون ما احسب حساب اقفل الحمام فيه
و ما احس الا دقيقه و انفتح الباب و هو نعسان عيون مسكرة و ثانيه سكرانه نوم .. وهو يقول :
ووين رحتي ؟؟ كم مرة قلت لك لا تتركيني بروحي على السرير قاهرني دخل يجرني اروح معه ونام يته احراج وشوي
اكفخه .. هو كان ما بين النوم و اليقظه فمو حاس باللي يسويه .. اخر شئ صرخت عليه
: ماجد اطلللع برا .. " فتح عيونه الثنتين و دلكهم باصابعه و يناظرني و يناظر الحمام و يقول
: شتسوين هنا ؟؟ <<<< بالله عليكم هذا سؤال ...
و كمل : ونا شلي جابني .. ولما انتبه لوضعي ..
قال : اااسف .. وهو واقف ..
مشاعل بقهررر : براااا ..
....
قمت من مكاني و فتحت شنطتي و تعطرت و خرجت ثوب ماجد و تنوورة بنيه و بلوزة فيروزي مموجه مع البني
هذا كله و اصيل موجوده .. وهي تناظرني .. بالاخير قلت لها
: اصووله علامك تناظريني تراني مشاعل .. و عمك هناك فوق السرير ..
اصيل : ادري ... ميشو ..
مشاعل : همممم ..
اصيل : تدرين اني احبك ..
مشاعل كنت اطلع اكسسواراتي بس يوم قالنت احبك رفعت نظري لها و شفتها خجلانه ..
استغربت .. قربت منها و قلت : ونا بعد احبك ..
اصيل : تدرين ليش احبك ؟؟
مشاعل : لا .. ليش ؟؟
اصيل : اولا انتي طيوبه و حلوة و حبوبه ..
مشاعل : وثانيا ؟؟؟
اصيل : احس خالي مستانس معك بالحيـــل .. قبل لا يتزوجك بفترة تغير اخلاقه بخشمه و موبطايق احد
و حتى ما صرنا نشوفه .. لكنه الحين مستقر .. و باين عليه الراحه .. سكتت ثواني بعدها قالت
بعلمك شئ ان عمي لو حب حب بصدق و ان كره كرهه العن من حبه ..
مشاعل استغربت كلامه معقوله نجود تكون قالت لهم شئ لا ما اعتقد ..
كملت اصيل : ونا مثله .. يا ويلك ان تعبتي عمي بكون لك بالمرصاد ..
منور : ونا بعد كله الا خالي ..
مشاعل و اصيل تفاجأنا بدخول منور" دخلت منيرة يا سلام كملت الحين ماجد بيصحى من اصواتهم .. " لكني قلت لهم : من هالناحيه لا تحاتون لان ماجد اغلى علي من روحي .. و من
قال لكِ يا اصيل ان ممكن اتعبه .. " بتوتر " سمعتي شئ ؟؟ احد قالك شئ ..
اصيل بصدق : ابدا بس احذر ..
مشاعل : يمممه خوفتيني ... هههههه .. وانتي يا منورة ؟؟
منيرة : اضايق يوم اشوفه تعبان .. ما يستاهل دومه يراعيني و ما يرضى علي و انا احبه و ما ارضى عليه ..
مشاعل رفعت حاجبي فصارت عيني اليمين ناعسه اكثر من اليسار الحادة : لا و الله جالسين تسولفون عن زوجي على
ما اعتقد .. و انا اغار ما احب احد يقول انه يحبه .. يالله اشووف برا الاثنين ...
خرجوا وهم يضحكون ونا اقولهم وطوا اصواتكم .. طلعوا و خذيت لي شوور سريع .. و تلبست وشعري حطيت عليه
شوي من الجل تبع ماجد .. وشوية شدوا خفيف بجفني و غلوس ملمع لشفايفي و لبست الحلق و الخواتم و طلعت ..
اللي حضر منور و اخوات ماجد و اخوانه مو كلهم .. على اساس السحور واللي فهمته ان البندري و البنات و بنات
واولاد عمهم يجون باكر على الفطور و حتى بابا و ماما ام فهد ..
بالايام اللي طافت حسيت بنجود تتجنبني و نظراتها كلها احتقار .. ملكتها باكر بعد صلاة التراويح بيسونها
هنا في بيت ابراهيم و بهالمناسبه جبت معي جلابيه حلوة شريتها مع ماجد لونها كحلي و عليها نقوشات و تطريزات
غريبه مع اني ما احب الاشياء المكلفه و احب الناعمه لكن ماجد عجبته و اصر عليها ..
جلسنا نسولف وا بعض بعدها صحيت ماجد يقوم و صحى نزلنا تحت وتسحرنا و جلسنا للاذان نقرأ للقران
بعدها صلينا و نمنا ...
اليوم ملكة نجود كان ودي اكون قريبه منها بس ما لقيت تشجيع منها كله تتجنبني و ان صدفه طالعتها حصلتها
تطالعني بقهر .. حتى يوم اتصل عليها ما ترد علي و لا تعطيني مشغول ..
صحيت من بدري الساعه 10 و شفت ام اصيل بالمطبخ و الخدم معها يجون خمس شغالات طبعا شغالتين لهم و الباقين
لاخوات ماجد .. دخلت المطبخ و صبحت عليهم .. سألت ام اصيل اذا بغت شئ ما رضت اسوي شئ بس انا حلفت
عليها فسكتت عني .. و هي تسب باصيل اللي للحين نايمه و انا اضحك و ترجع تقول اللهم اني صائم ..
اشرفت على الشغالات ينظفون مجلسين الحريم .. على الساعه 3 صحت الاخت اصيل طبعا كل شئ كان مرتب
و منور صحت على 1 ونص وجلست بالمطبخ مع ام اصيل تساعدها ..

///

///

///

&& أصيـــــــــــــل &&

هلوووووووووو افيري بدي ..
صرخت علي امي عشان صحيت متأخر وشسوي يعني اذبح عمري ..
بعدها قالت لي اشرف على مجلس الرجال ينظفونه .. افففففففف ..
مشاعل : اصووول لا تتأففي من امك ما يجوز و لا تقل لهما اف و لا تنهرهما و قل لهما قولا كريما
أصيل "ونفسها فخشمها " : انزززين .. وهي بالبجامه اللي كانت برمودا و بلزتها ربع كم لونها ليموني و عليها
بالونات ملونه .. غسلت وجهها و ماغيرت ملابسها نزلت بالبجامه لمجلس الرجال و شافته نظيف بس يوم قربت من
الطاولات حصلتها مغبرة تحسبت على الشغالات .. من جد مخادعات يقولون خلصنا لاجل كذا امي دوم تقول اشرفي
عليهم .. مسحت الطاولات و رتبتها .. و رديت انسدحت على وحده من الكنبات ارتاح ما حسيت بروحي الا نايمة ...

///

///

&& عــــــــــــلي &&

اخو منيرة <<< تذكرونه علي العمر 23 سنه تو تخرج من 3 شهور و موظف معيد بالجامعه .. ياااه و الله تكسرت
من المشوار ونا فيني نووم .. ركنت السيارة بعد ما وصلت امي لبيت خالي ابراهيم قالت لي خالتي ام اصيل رح ياولدي
لمجلس الرجال تحصله مفتوح ... فعلا رحت وماحصلت احد قلت احطها نومه لين ما يجون قفلت اللايتات و شغلت
المكيف .. احلى شئ سواه خالي انه حط عازل للنوافذ خخخخخ خايف على بناته .. ظلمت الحجرة وحطيت راسي مديتي
ديني على ورى حسيت بشئ مسكته وش ذاا تلمسته ناعم و طري فتحت الجوال عشان يضوي لي بهالظلام وقفت
ووجهت الجوال لمحل ما حسيت بهالشئ الناعم .. وش ذي رجلين مشيت بالجوال الى ان وصلت للوجه
وياليتني ما وصلت من الصدمه ظليت واقف ثواني اناظر بعدها طاح الجوال من يدي لما سمعت حس
و اقدام .. ياااويلي ..

///

///

///

منور : خالتي هذي بنتك وراها ما تستحي حنا الضيووف نشتغل وهي نايمه للحين ..
مشاعل دزيت منورة بكوعي و هي تقول : اااي يألم انتي ووجهك ..
ام اصيل : هههههههه .. شسوي يا بنيتي تعبتني معها ..
عبير : ما عليه خالتي بتتعدل لا تزوجت ..
سهى : لا و الله و حضرتك خبيرة و لا مجربه قال لا تزوجت ..
البنات : هههههههههههههههههه ...
مشاعل : اعتقد قالت انها بتنظف مجالس الرجال .. و للحين ما ردت من هناك ..
البنات بصووت : لاااااااااا ..
ام اصيل : ياااويلي و انا ارسلت علي اخوك يا منيرة و الرجال هناك ... لحقي لا يذبحها ابوووها ..
ياربي متى هالبنت تعقل ...
مشاعل اتصلت بماجد بسرعه لأنه طلع مع اخوانه و العيال بيروحون للمجلس الحمد لله كنت اسرع من منرة الل
يجالسه تدور على جوالها ساعه مدري وين حطته ونا من يوم حادث البر ماجد شرا لي شنطه صغيرة احطها بوسطي
للجوال ..
ماجد "بصوت واطئ " : هلا قلبي ..
مشاعل : جودي ووينكم ؟؟
ماجد : رايحين مجلس ارجال بغيتي شئ ؟؟
مشاعل : يعني لساتكم ما دخلتم ؟؟
ماجد : ايه .. ليه ؟؟
مشاعل بسرعه : لا تدخلوون ..
ماجد باستغراب : ليش ؟؟
مشاعل : لا تخلي احد يدخل ترا اصيل بالحجرة ..
ماجد : وشوووو .. انزين قفلي ..
مشاعل قفلت بسرعه ونا اسمعه يصرخ يقووول : عـــلي ..
منيرة : هذاني حصلت " تقصد الجوال " ..
و البنات كلهم بسوون لها كشش بيدهم : مااالت عليك بس ..
منور باستغراب : شسوويت انا ؟؟
مشاعل بضحكه : سلاامتك ما سويتي شئ .. بس انتهت المشكله ..
منور : و الله انزين ليه ما علمتوني من اول ابحث عن الجوال ضيعتم وقتي ..
كلنا حتى ام اصيل : اللهم اني صااائم ..

///

///

ماجد : عـــلي ...
علي " من يوم سمعت خالي ماجد يقول علي ونا ارجف لا يكون شافني و انا طالع رحت فيها ياعلي .." : هـ .. هــل ..
بلعت ريقي عاد ماجد يعصب بسرعه و الله خالي ابراهيم ابرك من ماجد : هلا ماجد ..
ماجد بنص عين : ماجد بعينك خالك يالثوور .. وتقول ماجد ..
علي : انزين خالي و لا تزعل .. قلت اصغرك بعدين ما بينا الا 5 سنين ما فرقت ..
ماجد : انزين لا تدش المجلس ..
علي : ها ؟؟
ماجد : قسم بالله حمار .. لا حووول اللهم اني صائم .. لاتدش المجلس ..
علي بهباله : ليش ؟؟
ماجد : ما يخصك يالله اشووف عطني مقفاك ..
علي " ما حبيت اتعابط و مشيت بسرعه لعيال خوالي و خالاتي .. ورحنا لورى بالجلسه اللي بالزرع " ..
ماجد دشيت كان المجلس ظلام و المكيف شغال هذي دب ما تحس الدنيا برد و هي مشغله المكيف ..
شفتها نايمه لا و بالبجامه اصحيها عيت تصحى اففف والله لو جدر كان تحرك . .
حشى من بيتزوجها وهي ما تحس .. بالاخر شلتها و رميتها بالارض و توها بس صحت ..
اصيل : ااااخ يا راااسي .. فتحت عينها .. عمي شتسووي بحجرتي ؟؟
ماجد بقهر : اصيل قومي من قداامي وروحي دااخل لا اطلع حر جوعي فيك يالله ..
و بعصبيه : فزززززززززززي ..
اصيل بخووف لانها تعرف ماجد اذا عصب يخوف : انزين عمي و لا تزعل و فتحت الباب
ابي اركض لكنه مسكني من يديني و قال لحظه اشوف العيال ..
خرج و قالها طلعي و لا عاد اشوفك تخرجين من البيت حتى لو للمجلس وانتي كذا ما تستحين نعنبو دارك
لو انك بنتي قسم بالله نحرتك طلعي لا بارك الله بشيطانك ..
اصيل طلعت جرررررررري للبيت ونا اتنفس بسرعه .. مريت بالمطبخ و الكل تقريبا حضر الا البعض ..
و جت خبرتنا باللي صار معها ومع ماجد و حنا نضحك عليها حاولت اكتم ضحكتي ما قدرت
لاني اعرف ماجد هههههههههههه .. برطمت و طلعت فوق تغير ملابسها ..

///

علي " يالله لا يكون فسد صيامي بسبتها هالغبيه .. بعدين من اللي كانت داخل ..
بصراحه شكلها حلو طفوولي يجي عمرها 18 سنه <<< لا 20 سنه هع
من تكون لابسه بجامه معقوله تكون اصيل لا لا ما اعتقد مستحيل تكون هي اصيل لسانها طويل و عمرها اكبر
وهذي حلوة و لا رمووشها طووويله و فمها بارز وممتلئ حتى ان رجولها طريه و ناعمه
حسبي الله على ابليس يعني ما شفتها الا وانا صايم اكيد انفسد صيامي اففففففف .. " ..
جت ماما وبابا و نجود و خواتها يزغرطووون قبل الاذااان .. و البنات بعد .. بس بابا بو فهد يقول وطو حسكم
خافوا ربكم شوي و يأذن .. سكتنا جميع و الله عليهم حركات حلووة .. اقلها حاسين ببعض و يفرحون لبعض مو مثلنا
محد فارقه معه .. الحمد لله ..
بعد الافطار كلنا تساعدنا و رتبنا البيت و كل وحده طلعت تتحمم و قررنا نسهر سهرة حلوووة ..بهالمناسبه
طبعا نجود رفضت تروح لكوافير وانه ما يحتاج و بعدين الوقت ابد مو مناسب رمضان و زحمة ..
قالت منور خلي مشاعل تصلح لك مكياجك لان مكياجي ناعم و حلو بس نجود عيت بقووة خفت اذا اصروا
يوضح لهم انها ما تبيني انا لذاتي .. قلت لهم اتركوها على راحتها .. قالت عبير انا بصلح لك وا ماعجبك امسحيه
رضت .. وكان فستانها ناعم مررة مايفه تطريزاتوايد الا عند الصدر شئ خفيف و الفستان لونه بحري تحسينه ازرق
على اخضر و الاخضر هو الغالب .. استشوروا لها شعرها بعدين لفت لها منيرة شعرها من تحت .. و بس خلته مسدول ..
و من قلبي دعيت لها ربي يوفقها مع فيصل و بيجي يوم يا نجود تعرفين الحقيقه .. واعرفي اني مو زعلانه منك ابد ..
اللي عكر مزاجي وجود العله من غيرها البندري .. استانست بشوفى فطوم اللي صارت علاقتها معي حلوة
ودوم تراسلني بالجوال و اليوم متكشخه .. ثلالث ارباعنا لابسين جلاليب يمكن لان المناسبه هذي برمضان محد في
حال احد بس كل جلابيه احلى عن الثانيه ... طلعت حجرتي انا و ماجد و بدلت و حطيت لي ميك اب ثقلته شوووي
وخليت شعري مثل امس بالجل حطيت اكسسوار فراشه لونه احمر و عليه جواهر كحليه بالنص من ورى بعد مالميته
من الطرفين و خليته مسدول ...صفرت اصيل زي عادتها : وااااو خطيرة يا ميشوو .. ولا كأنك الا انتي العروس ..
مشاعل بابتسامه ونا اناظر نجود : تسلمي .. بس اليوم العروس نجود واحلى عروس كمان ..
نجود " شوفوا النفااق .. كيف اصدق يا ناااس عيونها شكلها ما يعطي انها وحده داااشرة .. ليش يا مشاعل ؟؟؟ " ..
مشاعل " كنت بقولك ان البندري كذابه و المشكل هاني مقدر اعلمك الحقيقه ابدا شئ صار من زمن وابغى انساه
ما ابي احد يعرف بحياتي الماضيه .. مابي يا نجود اعذريني " ..
البندري : مبرووك يالجووود و سلمت عليها .. نصيحتي لك "تطالع بمشاعل " .. حافظي على زوجك و حبيه
هو بس .. ترااه زوجك لا تنسين ..
مشاعل " جالسه تدقني بالكلام ومحد فاهمه غيري و يمكن نجود بس اكيد نجود بتفسرها شئ ثاني " ..
نجود " قبضت على يدي بقووة نفسي اكسر فك البندري " ...
خلصت التراويح و جوه الرجال مع المملك و ملك على نجود و جاء فهد بالكتاب عشان توقع و هي تناظرنا كلنا و
بالذات انا .. ابتسمت لها بصدق ونا بداخلي اقوول توكلي على الله يا نجود قلبي يقووول بتسعدي مع فيصل و اتركي
عنك كلام البندري .. مو يقولون الكلام الل يمن القلب يوصل للقلب .. وقعت و رحنا و كلنا مستانسين .. طبعا ما شغلنا
اغاني لاننا برمضان <<< يعني لو برمضان كان عادي...
اقترحوا البنات اننا نسلي نفسنا بنفسنا .. جالسين يطبلون و يغنون .. واصيل المهبل قامت ترقص .. ههههههه ..
ذكروني بذاك اليوم يوم طلعت جده مع بنات خالتي نفس الشئ ..الكل غنى الا انا و ايمان و البندري و نجود .. طبعا
نجود نادتها امها تروح للمجلس اللي بالصالون الصغير لأن فيصل بيشووفها .. وهي تطالع فينا زي الضايعه نفسي
امسك يدها و اشجعها بس هي مو طايقتني ..
نجود " ياويلي وقعت .. مدري ليه يوم شفت مشاعل تطالعني حسيت براحه عكس قبل شوي لاجل كذا وقعت ..
والحين يبوني اروح له و اشوفه لا و الله يمزحون مو رايحه يحلمون اصلا ..: : يمه مهوب لزوم يشوفني خلص
بالزواج مرة وحده .. حاولت امي و انا عييت بعدها جاني فهد عند الباب و يقول تعالي بكلمك شوي رحت له رد سلم
علي مع انه بارك لي ونا اوقع .. حاول يقنعني و قال ما بيطول بس شوي حرام عليك جود الرجال جاي من الرياض
للشرقيه بالنهاية يرجع وهو ما شافك ..
واافقت و مشيت بشرط ان فهد يكون معي و ما يتركني .. وافق فهد وقبل لا امشي التفت ادخل
فهد : وووين وش اتفقنا ؟؟
نجود : ثواني ورادة ..

///

///

أصييل : يالله عاد ما صارت .. الحين دورك غني ..
مشاعل : صوتي مو حلو .. " دخلت نجود فجأه بسم الله تو طلعت يمديها جلست معه " ..
نجود : لا تضحك عليكم صووتها حلو تى اسألوا ابوي .. و مشيت لفهد ..
فهد : منو هذي اللي صوتها حلو ؟؟
نجود : مشاعل ..
فهد " انفاسي تقطعت .. يالله هالبنت متى تخرج من قلبي .. كل ما اسمع اسمها احي قلبي يرجف ..
الله يلعنك يا ابليس ..
مشاعل " بصراحه اندهشت من كلام نجود هو صح مرة غنيت بالصباح و سمعني بابا بو فهد و نجود بس
ما اعتقد ان صوتي حلو " ..
البنات كلهم باصرار : شوشو شوشو ..
ونا اضحك عليهم ..
مشاعل : كان ودي بس ماجد منبهني ما اغني لاحد ..
كملت منور بخبث : غيــره .. هههههههههههههه ..
اصيل : انزين لو كلمناه ورضي بتغنين ؟؟
مشاعل " انا عارفه ماجد ما بيرضى " : اوكي اذا رضي ..
صرخوا البنات و اتصلت اصيل ..
اصيل " اتصلت على خالي و مسميته فاررس احلامي خالي .. يوووو تذكرت انه مهاوشني رميت الجوال على منووور
من الخوف لما سمعت صوته و منور بدورها رمته على مشاعل " ..
مشاعل " يخرب بيتكم من بنات ورطوني حطيت السماعه سمعت صوته .. يا حبي لك يا ماجد .. تنهدت و سمع
تنهيدتي و عرفني " ..
ماجد : الو ..
: الو .. الوو .. منوو ؟؟
" سمعتها تتنهد .. " .. : قلبي ؟؟
مشاعل : جوودي .. " نسيت البناات و ماتذكرتهم الا لما صرخوااا بنفس الكلمه جوووووووودي " ..
ماجد : عيونه .. " وهنا الشباب اللي بجنبي من عيال عمي يتطنزون علي و يرددون وراي ..
عيوووووووووووونه ..
ضحكت على ماجد و هو ضحك علي اثريه مو بس عندي عنده بعد ..
وخرت عن الشباب لكنهم سدوا الطريق مالت عليهم موب وقت مزحهم الثقيل : وخر انت ويااه موبوقته ..
مشاعل "دخلت بصلب الموضوع بسرعه " : البنات يبغوني اغني ..
ماكملت كلامي الا هو يقول : لااا ..
قلت لهم : مو راضي ..
و باصواتهم كل وحده اللي عمها يصير تقول عمي و اللي خالها تقول خالي و اللي ولد عمها ماجد تقول ولد عمي
طلبناك لا تردنا .. بالاخير قال ..
ماجد : بشرط ..
مشاعل بحذر : شوو ؟؟
ماجد : بكون معكم ..
مشاعل : نعمممم احلم ..
البنات يسألوني : شوو قال .. مارديت عليهم ...
ماجد يضحك : حلااتك بكل احوالك يا عيون ماجد ..
مشاعل "ضحكت عليه " : اوكي ...
ماجد "مو مصدق " : جد .. اجيكم يعني ؟؟
مشاعل : لا .. سكت شوي بعدها بعد الجوال عن اذني كأني قفلته بس خليته بيدي و هو مفتوح ..
و غنيت ..
طول عمري بخاف من الحب ... وسيره الحب... وظلم الحب لكل اصحابه
واعرف حكايات ملايانه آهات ودموع وانين ...والعاشقين ذابو ماتابوا
طول عمري بقول ....لانا قد الشوق ..وليالي الشوق ..ولا قلبي قد عذابوه
وقابلتك انت ... لقيتك بتغير كل حياتي معرفش ازاي حبيتك ياحياتي
من همسة حب لقيتني بحب ...لقيتني بحب وأذوب في الحب
اذوب في الحب صبح وليل على بابوه

وقفت .. الا البنات : كملي شعوووله تكفين .. حتى العنود اخت ماجد ما توقعتها تعطيني وجه قال لي كملي قمت كملت ..
فات من عمري سنين واسنين شفت كثير كثير...الي بيشكي حالو لحالو
والي بيبكي على موالو...اهل الحب صحيح مساكين صحيح مساكين
ياما الحب ناده على قلبي ماردش البي جواب .....
ياما الشوق حاول يحايلني واقله روووح ياعذاب....
ياما عيون شغلوني لكن ولا شغلوني........
ألا عيونك انت .......هم بس الي خذوني وفي حبك امروني
امروني احب لقيتني بحب ..... لقيتني بحب واذوب في الحب
اذوب في الحب صبح وليل على بابوه


يالي ظلمتو الحب وقلتو و عتو عليه وقلتو عليه مش عارف ايش
العيب فيكم يا في حبايبكم ...... اما الحب ياروحي عليه
في الدنيا مافيش احلى من الحب.....نتعب آآآه.....نغلب آآآآه...
نشتكي منو لكن بنحب....ياسلام على القلب وتنديلو في وصال وفراق
ودموع الشوق لما تزيلو ليل العشاق....ياسلام على الدنيا وحلاوتها ليل العشاق
وانا خذني الحب ولقيتني بحب
طوووول عمرررري ..



///


فيصل " ما كأنهم طولوا .. ودي اعرف ليه ما تبي تشووفني .. خذيت نفس سمعت صوت الباب يفتح ورفعت عيني "
..
نجود " خرجت من عند البنات ونا ماسكه بفهد بقووة .. من قال لي اوافق حتى لو وافقت من قال لي اتزوج ..
وصلنا للصالون فتح فهد الباب وقال لا تخافين ترا فيصل حبوب ما يعض .. ابتسمت بقوة لفهد .. يوم فتح الباب
مدري شلي خلاني ارفع نظري يمكن كنت بشوفه قبل لا يشوفني لكن شاء ربي اننا نشوف بعض بوقت واحد يمكن
حتى ان فهد طالعني ونا ولا على بالي .. ماحسيت الا بهمسه من فهد وهو يقول
: اجل وين الخوف اللي قبل شوي اشوفك اخذه راحتك تناظرينه وهو المسكين بعد بس اقلها هو استحى و نزل عينه ..
نجود " حسيت وجهي طاااح .. الحين وش بيقول عني .. وفهد بيظن اني ما صدقت .. " ..
فهد ينكت : يالله دخلي برجلك اليمين ..
نجود " بطرف عيني و بصوت واطئ " : تنكت انت ووجهك ..
فهد فتح عينه على الاخير : تسبين .. انزين يا نجود شوفي من اللي بيدخلك ..
نجود " تركني و راح وانا تو داخله عند الباب رجليني ماشالتني .. افا يا فهد ما ظنيت بتسوي فيني هالحركه لو ماجد
ابلعها بس انت .. اوريك اوريك .. و الا بيد تمسكني من ذراعي .. التفت و عيني بعينه و ضعت بعيونه ... " ..

^^^

يتبع