همس قلـــــبي ..
**** اعتــــرافــات ,, حقـــائق ****
قـــــــــــالت وداع وقلــــــــت يالله عسى خير
لكـــــــن بعـــــــرف اسبـــــــاب هذي النهايه
قالت .. وهي تبــــــكي عسى السر في بير
يعني ؟؟ كــــــــــــذا من غير شرح الحكايه
قلت .. اصبـري وش عاد فينـي سوى / غير
اوجـــــــــــاع تحفظني كتـــــــــاب وروايه
قالت .. انـا والا ؟؟ بـــــــــلاش اسكت يصير
قلت .. السكـــــوت اللي ذبحـــــــني كنايه
قولي : تـــــــرى صدري فقد داخـــــله طير
من يـــــوم جيـــــتي للنــــــهايه .. بـــدايه
فيصل " ما اصدق ان اللي قدامي هي نجود .. شكلها مثل ما هو .. لا .. لحظه احلووت اكثر عن قبل عيونها ..
شفت يد فهد بالهوا و هو يأشر لي شوي شوي على البنت اكلتها .. استحيت و نزلت عيوني بالارض..
سمعت اصوات هامسه شفتها هي و اخوها يتساسرون و بعدها تركها فهد .. يا حبي لك يا فهد تفهمني .. رحت لمها و
خذيتها مع ذراعها ناظرتني و تهت بوادي عيونها عيون الجود .. و بعدها نزلت نظرها و مشيت معها و جلستها و
جلست بجنبها ...يالله وش اقوول .. ما قد تزوجت .. الا لحظة تزوجت بس زواجي كان غير.. كان ضروري .. اقولها
شلونك و لا اشتقت لك و لا اخيرا صرتي لي .. وووين الجرأة اللي قبل كانت فيني .. ما اشوفها الحين ..يالله فيصل قول
أي شئ أي شئ ..: كح كح .. احم احم ..
نجود " صدق كنت خايفه بس يوم يكحكح و يتحمحم جتني الضحكه و يادوب مسكتها مدري ليش تذكرت خطبة منور
يوم الشوفه وهي شايله كاسات العصير تقول شفت رجله وش كبرها من الخوف طيحت العصير كله عليه و ظلت متنحه
تطالع العصير و بعدها طالعته و اللي خوفها اكثر انه كان يطالعها مفجووووع او مصدووم وقفت تصيح قداامه ..
حاول يهدي فيها و هي تصيح اخر شئ قال لها : والل العظيم اني مواافق لا تخافين بتزوجك و الله .. بعدها سكتت و
يوم شافها سكتت ظل يضحك هو .. وهي تطالعه مستغربه بعدين انقهرت منه و طلعت من الحجرة ..
هههههههههههههههههههههههههه .." : ههههههه
فيصل باستغراب شفيها تضحك .. لا يكون شكلي يضحك اصلا هي ما رفعت عينها : ممكن اعرف على شنو تضحكين
؟؟ ضحكيني معك ؟؟
///
عـــلي " اخ بس لو اعرف منو اللي كانت بالمجلس لا املك عليها الحين .. و افتك من وجهها كل شووي صورة
وجهها و كل شئ فيه و رجلينها و جسمها ببالي .. اذا ظليت على هالحال عز الله رمضان كله انفسد صيامي فيه
خطر ببال فكره .. و نا اعغبي ليه ما فكرت فيها قبل .. طلعت الجوال بسرعه و اتصلت ..
منور " هذا علي شيبي رفعت الجوال " : هلا علووولي ..
علي " بطنش عشان المصلحه " : اختي حبيبتي و الله ووينك ما شفتك ؟؟
منور وخرت السماعه و ناظرتها بعدين حطيت صبعي باذني و احركه : عفوا من معي ؟؟
علي : ياشينك يوم تتمسخرين ..
منور : ايه هذا اخوي هلا و الله ..
علي باستغراب : تصدقين اختي انتي ما ينفع معك الا الذل و لا المدح مو لك ..
منور : علووول حدك لا و الله اسكر بوجهك الحين ..
علي " بسرعه " : يمه منك امزح معك شفيك ..
منور : انزين هات من الاخر ..
علي "ووجع تتحكم فيني هي ووجهها " : بجنبك احد ؟؟
منور بعبط : شرايك يعني كلهم موجودين اكيد بجنبي كوومة بنات ... تبيني اخطب لك ؟؟
علي بابتسامه : ايه ..
منور : وشووووووووووو ... ؟؟؟؟؟؟؟؟
علي بعدت الجوال عني صمخت اذني الله ياخذ ابليسها مدري شلون سعود متحملها ..
: اللي سمعتيه .. و بشرط بيها تكون بحدود الـ 18 سنه و عيونها كأن بها كحل و رموشها طوويل و معكووفه
و بشرتها ناعمة و طريه و جسمها خطير و رجلينها تهبل وشعرها رابطته بشريطه صفرا و لابسه بجامة برمودا اصفر
و بلوزة ربع كم عليها ..
منور : شوي شوي علي .. ادور لك خلك معي لا تقفل .. ترا ما اتصل عليك و اخسر نفسي ..
طالعت حولي اذا فيه بنت كذا .. رديت للجوال : علوول كل بناتنا اجسامهم خطيرة و كلهم بشرتهم ناعمه و طريه
وعيونهم رموشها طويله .. لكن فيه تناقض ما فيه الا سهى عمرها 18 ..
علي "بفرحه " : سهى .. انزين وش لابسه ..
منور بهبل : مم لا بسه بنطلوون جنز و تي شيرت ابيض ..
علي بقهر : منووور قلت لك لابسه بجامه صفراء <<<< قسم بالله اعبط من بعض ..
..
منور :والله محد لابس بجامعه .." تو انتبهت " .. انت غبي اليوم ملكه نجود وووين نلبس بجامعه انت ووجهك ..
علي " بحرج " : ونا وش دراني .. انزين ما تذكرين بالعصر اذا فيه احد لابس بجامه ؟؟؟
منور وهي تتذكر : الا اصيل هي الوحيدة اللي كانت لابسه بجامه ليموني و عليها بالونات و شعرها رابطته بشريــ...
" بشهقه انتبه عليها اللي بجنبها فقامت من مكانها على جنب " .. وانت وش دراك عن اصووول ؟؟ علووول شفت
اصوول انت ..
علي بوناسه اذن هي اصيل ام لسانين في بيت ابوي ربنا بلانا بمنور و الحين بيبتليني فيها شسووي حظي عاد
: هي شافيفها ممتليه و بارزة ..
منور : ياويلي ياويلي وش عرفك ؟؟
علي : سلامتك ياوخيتي .. وسكرت مستانس عرفت من هي ...
ههههههههههههههههه ..
///
///
نجود " انحرجت من فيصل ,, وش بقوله الحين .. اففف .. " : .....
فيصل : شلوونك يالجود ؟؟
نجود "بهمس " : الحمد لله ..
فيصل : مبرووك ..
نجود : الله يبارك فيك ..
فيصل " وش اقوول .. فيصل قولها اللي بقلبك اول يا جراءتك الحين مسوي فيها مستحي " :
نجود ..
نجود " يوم نطق اسمي حسيت بروحي طايرة .. تو يدي كانت باردة وش هالدفا الغريب اللذيذ اللي يسري طالعتها
شفت يده على يدي .. عرفت من وين تدفيت "..
فيصل : يدك بااردة .. " خذيت يدها و يدها الثانيه بحضن كفي و دفيتهم " .. تدرين .. اني مشتااق لعيونك ..
نجود " رفعت عيوني اناظره ,, شفت الوله و الشوق ,, شفت الحب و الهيام ,, شفت الحزن و الوحده دموعي نزلت
ليش حنا البنات كذا في اضعف الاوقات و اقواها دمعتنا على طرف رمشنا رديت عليه ونا مو داريه وش اقول "
: ليش رحت ؟؟ ليش تركتني ؟؟ 6 سنين .. تعبت .. ما قدرت .. ما قدرت اقاروم .. ليش تزوجت ؟؟
انا ما تزوجت عشانك .. لكن يوم عرفت بزواجك ما تحملت تزوجت عشان انساك ..
جوابه كان حضنه .. خذاني بحضنه و كأن حضنه غسل كل الالم بداخلي .. كل شئ حسيته في بعده ..
و بهمس : كثر ما تعذبتي و اكثر انا بعد عانيت .. تبين تعرفين ليش تزوجت وش الظروف اللي اجربتني للزواج ..
قص علي قصته و كأنه يعيشها شفت الالم بعينه ..
فيصل : انسجن اخوي ظلم .. و خذوا زوجته لمركز رعايه ..
جاني اتصال من واحد من المسؤلين و سافرت له ...اتضح انه انظلم بتهم مالها اول و لا اخر ..
شفته يا نجووود وهو تعباان قلبي انفطر عليه
نجود " قبضة على ثوبه بقوة من جهة صدره اتهيأ لي صوت دقاته " ...
..تخيلي ما يدري عن زوجته شئ .. بحثت مع المسؤل عن زوجته و حصلناها بمركز رعايه و ياليتنا ما حصلناها ..
نجود " حسيت باصابعه تنحفر بظهري و كأنه يصارع الكلام اللي بيقوله " ..
كمل ...
عرفنا ان حنان مرت اخوي محجوزة بدار رعاية عندهم بحكم انها قاصر و مالها احد
و هي ما تعرف ترطن كلمتين انجليزي .. و مزورين باسمها و عمرها و كل شئ عنها .. طلب اخوي مني اني
اشوووفها .. بصراحه ما توقعت بيوم اني اسولف مع مرت اخوي وهي كاشفه علي بدون غطى .. لما شفتها
قلبي تقطع عليها .. وجهها غادي اصفر و الهالات السوداء حول عينها , واحس فيها رجفه و خوف
.. استغربت حالها ..
فيصل "بهدؤ " : شلونك حنان .. اقصد مرت اخووي .. رفعت عيونها تناظرني بهلع مصرع ما ااتحول لعدم تصديق او
مفاجأه ... ما شفتها الا رمت نفسها علي ماعرفت وش اصلح هذي مرت اخوي و عيب اللي يصير .. منقووود .. لكن
صوت صياحها اللي من قلبها و تمسكها فيني خلاني بحالة جمود و هي تصيح و من بين دموعها ..
تشهق بقوة و تصيح : فيــ ... صـ .. صــل .. تعباانة بـ ...مو..و ... ووت .. سـ ...عد .. خذووه .. سجنوه
انا خــ .. خــذوووو .. نـــي .. و هنا زاد صياحها لفترة مهيب قصيرة .. لعــبوا فيني يافيصــ .. و تمت تصيح بصوت
عالي هنا جاء دوري انصدم .. شقصدها انهم لعبوا فيهاا .. خفت و من خوفي و خرتها عني و سألتها بصوت عالي و انا
اتمنى اكون غلطان باللي افكر فيه ..
فيصل : شلون لعبوا فيك ... ماردت علي عصبت عليها و مسكتها من زنودها و اهزها بقووة : تكلمي شلووووون ؟؟؟
حنان " غطت وجهها بيدينها و قالت بصوت تعباان حيل من كثر ما بكت بايامها " : أنا وسخــه .. نجسوني , لعبوا فيني
" وبصوت عالي صرخت فيني" ... اغتصبـــوني ... كلهم ..
تزلزلت الأرض تحتي و كأني بطيح ,, ما قدرت المصايب تنهل علي من كل صوب اخوي
مرمي بالسجن و مرته ضايعه و يوم حصلتها طلعوا اولا د الحـــ ... لعبوا فيها موب واحد الا كثير .. ما تحملت طلعت
حرتي فيها عطيتها ذاك الكف اللي رماها بالارض .. لكن كلامها اللي قالته خلني اندم لحظتها ..
حنان : طلبتك يا ولد عمي اذبحني .. بتكسب فيني أجر .. اذبحني .. اذبحني . .. و صارت ترددها دخلت علينا وحدة من
المسؤلات و شافت حنان بالارض تصيح ووجها احمر طالعتني بشك و سألتني شلي سويته معها .. الحين انا شلي سويته
ولا هم ..قال دار رعاية و الله انه دار الدمار .. سبيتها بالعربي وهي مب فاهمة علي و مازالت تهاوشني ما تحملت كلام
هالبومه اللي قدامي و بغيت اعطيها ذاك الكف اللي يسكتها لو ما مسك يدي اشرف علي و هو يقول لي : غبي انت ,,
تبغاها توقف بطريق خروج مرت اخوك لي ساعة و قبلها يومين لاجل اطلعها على مسؤليتي .. والحين جاي تخرب علينا
.. والله ماكنت حاس باللي اسويه .. شلون بواجه اخوي .. كفايه تعبه هو ,, ما كنت ادري ان اخوي ينضرب يا نجود
سعد انضرب .. اللي ضربوه كفرة عساهم الماحي يارب ..
والفلوس اللي جبتها معي خلصت انت تدري تذكرة السفر بسس قيمتها فوق الـ 15000 ريال ضيعت
فلوس تذكرة السفر كلها .. حاولت اتصل فيك كذا مرة .. لكن ما عندي دراهم ذاك الشهم الهندي اللي وقف معنا كان عنده شغل خارج الدوله .. طبعا جزاه ربي خير يوم انه طلع اخوي من السجن بكفاله و واسطه و حتى مرت اخوي
طلعها بعد معاناة فوق السبع شهور .. تصدق ما علمت اخوي ا ن مرته اسستغلت خفت عليه و نبهتها ما تعلمه .. الى ان
سمعت صوتها تصيح و هذا بالظبط بعد مرور سنه من وجودي بــ ..... الله يدمرها هي و اللي عليها من كفار حسبي الله
عليهم ما يرحمون ..
فذاك اليوم بالليل و هي تصيح قربت منها و سألتها : علامك ؟؟؟
سكتت حنان بالبداية مع ان صوت شهقاتها الخفيفة واضحه " : سعد ..
فيصل "بخوف " : علامه ؟؟
حنان : جسمه كله مبهذل ..
فيصل " ما فهمت " : شلوون ؟؟
حنان : ظهرره كله اثار ظرب و خربشات و فيه علامات حرق ..
فيصل ركضت لما حجرته و شفته شلون يون من الالم .. عيوني حمروا ودي اصيح بس دموعي عيت تنزل ..
شلي اسويه لاجل اخوووي و ما يحس بنص اللي يحسه الحين .. يعني هو تحمل طول الفترة اللي قبل و لا علمنا لاجل كذا
كان ينام بروحه بالحجرة حتى زوجته ما تنام معه .. ..
طلبت منه يمشي معي اوديه للطبيب عي موب راضي يروح ..
اضطريت اروح بنفسي للصيدليه و انا حافي منتف حتى ثمن الدواء ما يغطيه اللي عندي ..
و الله يا نجود اشتغلت اغسل صحون و ملابس و جرسون و كل شئ شهادتي اللي افتخر فيها ما نفعتني اصلا ما جبتها
معي .. بعد حوالي اسبوعين قدرت اشتري له الدواء من بعد شغل و كرف .. طلبت مني زوجته انها تشتغل و انا عييت
عليها بعد اللي صار معها زاد تكاليف العلاج ولازم وانا ما عندي فلوس ..
ذاك اليوم كنت تعبااان جاي على الساعه 2 بالليل وجتني زوجته تقول لي : خلني اساعدك
بالشغل اقلها بنجيب شوي من تكاليف العلاج ..
قلت لها : ما احب اعيد جوابي كذا مرة قلت لك لا ..
حنان : ليه ؟؟
فيصل : يعني ما تعرفين ليه ؟؟ كل للي صار لك و ما تعرفين موب كفاية اللي صار ما خذيتي درس و لا عجبك حالك ؟؟
حنان بألم : حرام عليك فيصل انا مالي ذنب بشئ .. قاومت .. و قاومت .. و لو بيدي اخلص لسعد طول العمر .. سعد
مهوب بس زوجي سعد ولد عمي هو اللي تمنيته من صغري .. لا تحكم علي .. كل ما اشوف نظراتك لي تحسسني بذنب
مالي أي يد فيه .. ليش المرة منا وان كانت مظلومة تلومونها ..
و الصاعقه الكبرى ان سعد سمع كلامنا التفت لها بقولها : قفلي الموضوع لاني تعباان لكن انصدمت لما شفته يطالعني
بطريقه كأنه عرف كل شئ ...
سعد : وش اللي مالك يد فيه ؟؟؟
فيصل و حنان : ............
سعد "بهدؤ " : تكلموووا اسمعكم..
فيصل : مافيه شئ نسولف عنه .. روح ارتاح يا اخوي ..
سعد : فيصل انا اخوك و ادرى بك شلي تخبونه عني ؟؟؟
حنان بجرأة مدري من وين جتها : انا بعلمك ..
فيصل "بعصبيه و امر : سكتـــــي ..
سعد " بغضب " : باي حق تصرخ على مرت اخوك لا و بوجودي ..
حنان "وعلمته كل شئ ..."
سعد من صدمته جلس بمكانه ,, وانا اطالعه خايف عليه .. وهو يلوم نفسه انه هو السبب لو ما جاء هنا كان ما صار
اللي صار .. جاء لها لبلد و كله طموح والحين كله حطام و دمار ..
بعد هالموقف صار سعد اهدء من اول بكثير
كنت بالدوام و جت تصحيه حنان عشان الدواء تعطيه .. ما صحى .. صارت تهزه بقووة و انا طبعا بالشغل
ويوم رديت البيت كان اخوي ميت .. ومر على وفاته 5 ساعات وبجنبه حنان تطالعه و عيونها تطالع لبعيد حتى
دمووع مافيه .. خذيناه المستشفى طلع معه جلطة بالدماغ و صار له نزيف داخلي دخل فيها بغيبوبه و بعدها توفى
يعني يمكن لو اني جيت بسرعه كان امداه عايش ..بس الدكتور انفى هالشئ يقول هو سواء لحقنا عليه و لا لاء النزيف
الداخي ما بيتوقف و بيدخل بغيبوبه و الغيبوبه ان طولت كمن يوم و بيموت .. اخوي بعز شبابه 25 سنة و مات ..
نجود "سكت فيصل .. بعدت راسي عن صدره شفت عيونه اللي امتلت دموع بس ما نزلت خفت دموعه تطيح قدامي
رفعت يدي وحطيتها على عيونه .. بتقولون جريئه مدري بس هذا اللي صار معي .. " ..
ظل ساكت دقايق .. بعدها .. : تدرين ان زوجته توفت بعده .. بعد يديني عن عيونه
نجود : عظم الله اجرك ..
فيصل : اجرنا و اجرك ... بلعت ريقي بصعوبه و كملت و نظري علي يدي اللي حاضنه يدينها .. وكملت
: خفت عليها من الحياة و الناس بالغربه ... مر دقايق بعدها قال
:: فتزوجتها ما يصلح اسكن معاها بروحنا بدون ما يكون بيننا علاقة شرعيه ..
اشتغلت الى ان حصلت قيمة تذكرة وحده .. وحنا بالمطار تعبت و اغمى عليها و بالاسعاف لاقرب مستشفى
طلعت مريضه ...
عندها التهابات بالاعضاء التناسليه .. نتيجة للإغتصابات المتتاليه..ويوم
وديتها المستشفى تصلح تحاليل طلع معها مرض الايدز .. انهرت بجد .. اما هي عكسي تمام و كأن هالشئ ما يخصها .
.. ماتت لكن موتها جد أحزني كان موت بطئ على مر سنوات .. طلبت مني اتركها و ما اضيع فلوس التذكرة عليها بس
رفضت .. مهما كان هذي بنت عمي ...
اشتغلت عشان اطلع ثمن التذكرة .. و الله حتى أكلي كان قليل .. لدرجة أيام فقدت الأمل أرجع .. يوم جمعت نص المبلغ
هاجمتني عصابه الله ياخذهم هم و حواريهم و الله أحياء الرياض يازينها و لا هناك احيائهم ان مشيت فيها ما تضمن
نفسك بترجع سليم و لا شلون.. الى ان قابلت بأحد المطاعم اللي أشتغلت فيهم بنيه
كانت هالبنية دوووم تجي لمطعمنا و ألاحظ نظراتها لي ولحظة اللي تجي عيني بعينها تبتسم لي
.. و كأن فيصل تذكر شئ : تدري وش ترجع هالبنيه ؟؟
نجود : ايش ؟؟
فيصل بابتسامة حزينه : هنديــه بعد ,, كأن ربي ارسل علي الهنود يساعدوني ..
تدرين يالجود اني ما كنت اطيق الهنود ابد .. وهالشئ خلى الندم عندي يزيد
سبنا ..
نجود باستفهام : ســبنا ؟؟
فيصل : هذا اسم الهندية .. ما تتخيلين قلبها الطيب شلوون ..
نجود " بصراحه انقهرت اليوم ملكتنا و هو يمدح لي بالهنديه " ...
كمل : بليلة انتظرتني برا المطعم على الشارع الثاني
و انا كنت مخلص دوام راجع البيت .. حسيت بأن أحد يتابعني التفت شفتها هي اللي بان عليها الارتباك طالعتها و
توجهت لها عاد هي هني حسيت انها انحرجت مني .. سألتها : أي خدمة ؟؟
قالت لا بارتباك : انا لا .. لا .. ايه ..
فيصل عقدت حواجبي : ما عليه اختي ممكن ترسين على جواب واحد بعدها كلميني .. تركتها و مشيت الى ان جاني بعد
يومين مرسول منها و يقول انه نائبها و طلبني للعمل بمطعم معهم ,,,, راعتني و شغلتني بمطعمها و موب أي شغل
لا .. شغلتني مدير الموظفين و مشرف عليهم عاملتني معامله زينه .. سكنتني بشقه صغيره ,, دايم كنت اشوفها تناظرني
من بعيد و ابتسم لها بصراحه ريحتني من الكرف , وجتني تسولف معي ..
حسيت بارتياح لها و كأن قلبي حاس ان هذي هي المرة اللي ارسلها ربي لاجل تخلصني .. و قصيت عليها
قصتي .. حنت علي .. و قررت تساعدني
" بتردد " : عرفت من احد الموظفين اللي هو اقرب واحد لها انها تحبني .. المشكله انها
تحبني حب امرأة لرجل و أنا ما بغيتها تتعذب عشاني .." طالعت نجود حصلت القهر بعينها فقلت " .. اذا ما تبيني اكمل
اسكت ..
ردت نجود ببرود : لا كمل ... اسمعك ...
فيصل : علمتها اني احب وحدة بالسعودية و هي تنتظرني ارد .. فساعدتني و اعطتني الفلوس اللي تجيبني هني .. و
رديت لديرتي .. و لحبيبتي ..
نجود " بجرأة " : من هي ؟؟
فيصل بخبث : منو اللي من هي ؟؟
نجود : اللي تحبها ؟؟
فيصل رفعت راسها و قلت : وش تقول لك عيوني ؟؟؟
فهد فتحت الباب بدون ما اطقه كنت باحرجهم لكن انا اللي انحرجت : احم احم ... قطعت عليكم ...
نجود " يا فضيحتي قدااام اخوي .. الحين بيقوول مطيحه الميانه .. نزلت راسي على طووول و خرجت "
فيصل بغيض : هذا وقتك انت بعد .. تو بس اندمجت معي و انت جاي ..
فهد : لا و الله .. انت يالنسيب تدري ان اخواني من اول يقولون لي رح خلص خله يطلع ونا اللي توصيت فيك
عشانك خويي .. لكن هين الايام جايه ..
فيصل : افااا يا لخووي تزعل من خوييك ..
فهد بنص عين : ايه تعدل و لا هااا ؟؟
..
ضحكنا ويا بعض ..
///
مشاعل " عزم ماجد اخوانه و ازواج اخواته و اولاد عمه .. يعني الكل .
انقهرت : ليش عزمتهم كلهم ؟؟؟
قال : انتي قلتي لي ..
مشاعل " سكت ما كنت ابغى البندري .. خير شر .. افففففففففففففففففففففففففففففف " ..
هذيك الليله ما جلسنا للسحور لان ماجد قال اليوم بنسافر و لا باكر ما اصحى بدري .. فمشينا ..
صلحت ثاني يوم بعد ردتنا من الشرقيه ادام هندي و رز ابيض .. وشوية خضار لماجد .. انتظره يجي على الساعه 1
الظهر دق جرس الباب استغربت بصراحه من يجيني .. شفت من فتحتة الباب طفل صغير .. ترددت افتح الباب و لا لا ..
اتصلت على ماجد : هلا ..
مشاعل : اهلين قلبي ... رن جرس الباب ..
قاطعني ماجد : منووو ؟؟ لا تفتحين ..
مشاعل بضحكه : جوودي طفل صغير .. شكله ولد الجيران ..شو رأيك افتح له الباب اشوف شيبي ؟؟
ماجد : لااا ..
مشاعل : حرام جودي .. يمكن محتاجين شئ .. تكفى قلبي ..
ماجد : انزين افتحي الباب بس خليني على الخط ..
مشاعل : اوكي ... فتحت الباب و كان الولد راجع للشقه اللي قدامنا .. ابتسمت له و ناديته و هو بحيا دخل ..
وش اسمك يا ماما .؟؟؟
الطفل : عبد العذيذ ..
مشاعل كتمت ضحكتي : ماشاء الله عبد العزيز بكبره عندنا .. يا حيا الله عزووز ..
ضحك .. و ضحكت معه ..
مشاعل : شو رأيك تاكل ايس كريم ؟؟
عزوز وكأنه ما صدق : ايه ..
خذيته معي و طلعت له من العلبه الكبيرة اللي شراها لي جودي من باسكن ..
وحطيت له بكاسه و عطيته ملعقه .. جلس ياكل .. ونا اسولف معه .. بعدها رحت اقطع الكزبرة عشان احطها بالادام ..
و كأنه تذكر ليش جاه : ايه ثح حامي تقول عطيها من اكلكم ثوي لان هي بتجيب نونو بطنها كبيره داخلها .. ((إيه صح
أمي تقول عطيها من اكلكم شوي )) ..للعلم كان قبل صلاة المغرب بشووي ..
غرفت لهم و اتصلت على ماجد بلغته و قال لي اوكي .. و ارسلت لهم و طلبت من عزوز انه يجي دوم بلعبه و اعطيه من
الايس كريم .. قال لي عادي اجيب اخوي عبد الله و اختي عزة .. قلت له اوكي ...
جاء ماجد من دوامه و صدعت راسه بعبد العزيز و استأذنته ان جاء هو اخوانه بفتح لهم الباب رضى .. استانست ..
خرجنا نقضي شوية اغراض عشا العزومه .. و الثلاجه ما تكفي اففف ووين اودي باقي الاغراض.. كل يوم صار عبد
العزيز يجيني مع اخوانه .. و مرة ارسلت لي امهم تعزمني ازورها بس ماجد مارضى انحرجت ارد عليها .. حاولت في
ماجد بس عي علي
ماجد : لا تخلينا نتهاوش مكان غريب تروحينه لاا ...
قلت له : الباب قدام الباب ..
مارضى و خرج من البيت معصب .. بعدها رد البيت و راضاني
ماجد : اخاف عليك شعوله ..
مشاعل : وش بيصير يعني .. لا يصيبنا الا ما كتب الله لنا ..
ماجد : ونعم بالله .. لكن الحذر واجب ..وانا موبمستعد اجرب نفس شعوري يوم حادث البر .. اذا تكرهيني و تبين الفكه
مني و تبين تذبحيني روحي ...
مشاعل حطيت اصابعي على فمه : اموت انا و لا انت .. لا تقول كذاا ..
ماجد : اجل ما تروحين ..
مشاعل حطيت راسي على صدره : انزين مو رايحه .. لا تزعل ...
ماجد : عمري ما ازعل منك بس اخاف عليك ..
///
///