يا ماجد .. ليش تخاف علي لهالدرجه هو صح حلو بس انت تخاف بدون مبرر ..
ماجد بهدؤ بعدت راسها عن صدري وقربت وجهها مني : شعولتي .. لو تبين مية ثلاجه ما تغلى عليك عيوني لك ..
بس ما احب احد يتدخل بينا .. شرايك ثلاجه فهد تحت بنحط فيها صواني الرجال ..
مشاعل بابتسامه : حاضر .. اللي تقوله بس لا تعصب ..
ماجد " بست خشمها " : يسلملي قلبها الفهيمه العاقله ..
مشاعل : وياحبي للعصبي المنفعل ..
..
جاء يوم العزومه تلبست و ماجد بعد .. هو نزل تحت بشقة فهد ارسلت بيده البخور يبخر الشقه لاني اول امس نظفتها
من الغبار .. و بخرتها بس شوية تبخير اليوم ما بيضر .. جهزت السفرة تحت و حطيت كل شئ من صحون و كاسات و
ملاعق و كله ... وجت لي منور يعطيها العافيه من بدري و عبير و سهى و ايمان والبنات حتة فطوم و مرة اخوها سعاد
و سعادوني .. وحتى نجود اللي ما شفتها الا بيوم ملكتها جت و ساعدتنا ... ما كان عندي وقت اسولف مع احد .. و
الشباب برا الشقه ياخذون و ينزلونه تحت الحمد لله ما تعبناهم و لا بشئ كل شئ منزلته لهم تحت حتى السمبوسه قليتها
و حطيتها تحت و قلت لماجد قبل الاذان بنص ساعه يبدء يحطهم داخل الميكرويف .. و الكريمة و الحلا بالثلاجه
تحت .. بس الشوربه و صواني الخضار و المكرونه هي اللي اخذوها من فوق .. واذن المغرب .. و الحمد لله كل شئ
اوكي .. ارسلت للجيران صحن من كل صنف .. مو بس لام عزوز لا لكل العمارة بيد شئ و ضياء بعد ما خذت الاذن من
جودي .. شفت البندري جاية من الممر و تجلس بالسفره مدري ليه قلبي انقبض هذي من متى هنا ؟؟؟ حتى ان ملامحي
بانت عليها .. الله يسامحك يا ماجد ليش عزمتها ؟؟ المشكله ضروري يعزمها و لا شلون يعزم العمه حفصه ..
بلاووي تتحذف علينا .. .. بعد الافطار قامو البنات الله يعطيهم العافيه معي يرتبون و نسولف .. استانست على مدحهم لي
ان شاء الله بس اكون بيضت وجه ماجد حبيبي .. ارسلت براد الشاي بعد ما اتصلت على ماجد فجاء علي اخو منور و
خذاه .. بعدها خذيت البنات يتفرجون على البيت .. و بصراحه اشمئزيت من دخول البندري حتى اني قرأت بداخلي احصن
الحجرة .. و وريتهم حجرة المكتب .. شافوا لابتوبين استغربوا علمتهم واحد لي و واحد لماجد .. جلسوا البنات بالمكتب
شوي و نا رحت اصلح قهووة لانها ماشاء الله خلصت و سويت براد شاي ثاني ..
عبير : رااعية بيت شعوله ..
مشاعل بابتسامه : تسلمي يا قمر ..
سهى : أي والله .. ما شاء الله عليك كل هذا سويتيه شلووون ؟؟ والله لو اني منك بشتري جاهز من برا ..
اصيل : لا يا حبيبتي هذي مرت ماجد موب أي احد اكيد بتكون فنانه .. ليه تشتري من برا ..
يمكن ربع ساعه وأنا بالمطبخ و هم واقفين قلت لهم ادخلوا داخل و لا اجلسوا ما رضوا يقولون لو ما جلست ما
بيجلسون
فعلا خلصت و رد ماجد اتصل نصلح برادين شاي بالنعناع .. و البنات يتأففون ..
ماجد سمعهم : من هذولي اللي يتأففون ؟؟؟
مشاعل بضحكه : ولا احد .. يالله قفل ..
ماجد : احسب .. يالله و سكر ..
خلصت البراد و نزلناه بيد الشغاله ...
مشوا قبلي لحجرة التلفزيون و نا رايحه لهم شفت البندري بحجرة المكتب .. استغربت و هي و لا انهز لها رمش
مشاعل : شتسوووين عندك ؟؟
البندري مطنشتني و جالسه على اللاب توب .. تصدقون لو قلت لكم دمي فااار فورااان .. رحت لها و سجبته من عندها ..
مشاعل : بأي حق تلمسينه ؟؟
البندري ببرود : مثل مالمستي جهازي ..
مشاعل : من زينه جهازك كله قرف بقرف .. ترا هذا انظف منه .. يالله لو سمحتي اطلعي من الحجرة بقفل ..
و ساعه عبال وقفت بتذبحني هذي بحركاتها ...
البندري : الا ما علمتيني هو عشيقك بحلات عيالنا ماجد و فهد و لا ؟؟
مشاعل " بغيض يبطنه خوف من الشيطان بهيئة انسان قدامي ": ...
البندري "بضحكه شيطانيه " : ههههههههههه .. علامك خايفه .. ما بعلم عليك ابد وعد
" و بجديه ترعب " الا اذا ما اخترتي الخيار الثاني الا وهو تتركين ماجد و تطلبين منه الطلاق و تذلفين بأي داهية ..
منورر : شفيكم واقفين بالظلام ؟؟
البندري و بخبث : اعلم شعووولة .. و لااا ..
منيرة باستغراب : سبحان مغير الاحوال .. صايرات خويات ... يالله تدوم المحبه ..
وانتم يالله ورااي .. مشت منور ووراها البندري ..
رحت للاب توب و شيكت عليه لا يكون فتحته اخاف نسيته امس مفتوح لاني مع الشغل و الارهاق
لكن الحمد لله حصلته مسكر ...
قفلت الباب من برا و خذيت المفتاح .. انتهت اليلة على خير .. و كلن راح بيته ... ماما ام فهد ارسلت الخدم تحت بشقة
فهد ينظفونها .. و بترسل لهم السواق بعد ما يخلصون .. هذاك اليوم تعبت تعب .. ما حسيت فيه وقتها الا يوم فضى
البيت .. انتظرت ماجد يطلع .. لكنه تأخر قمت خذيت لي شوور سريع ينشطني شووي و لبست بجامتي و
خذيت حبتين بنادول .. دخل ماجد وباين عليه مسطوول نوم .. غير ملابسه بقووة و حط راسه وأنا معه و نمنا ..
الايام الباقيه رحنا فيه السوق نقضي للعيد و ماجد فصل له ثوب ونا شرينت لي كم قطعه .. بصراحه دولابي مليان ما
يحتاج اشتري شئ بس ماجد اصر اشتري يقول ما يضر دامني البس له ..
لأول يوم شريت جلابيه لأني فهمت من منور اول يوم الصباح يلبسون جلالليب .. خذيته اورنج و اطرافه فيروزي
و هذا ذووق ماجد .. يحب الالوان الصارخه .. ههههههههه مثل منور .. و الجلابيه مم تشبه عبايات الفراشه اللي
طلعت قبل فترة من الكم .. و ماسكه علي من الجوانب و بالنسبه للاكسوارقلت البس وحده من الطقوم اللي عندي
و رحت للكوافير و صلحت هايلايت .. بالقوووة رضي ماجد .. وحاولت فيه اني اقص حلف بالله علي ما اقصه
ماجد : موبكفايه قصيتيه كله قبل و للحين قلبي حارقني عليه ..
سكت ما رديت عليه لا يهووج علي و يعصب .. لما وصلنا البيت و شافه صفر بإعجاب ..
ماجد " بانبهار " : ماشاء الله تبارك الرحمن .. تهبلين قلبي ..
مشاعل : يسلموو .. عجبك ؟؟
ماجد : قلت لك تهبلين ..
مشاعل بدلع : لو اني قصيته كان صار احلى و احلى ..
ماجد : احلمي يا قلبي قص ما بتقصينه ابد .. مفهوم ..
///
ليلة العيد جهزت شنطه لنا عشان نطلع القصيم ..
مشاعل : يالله جوودي جهزت كل شئ .. متى نحرك ؟؟
ماجد : ومن قال بنحرك الحين ؟؟
مشاعل : و ليش لا .. خلصت الصلاة .. يالله جوودي .. بنتأخر و الله ..
ماجد : ما فيه ..
مشاعل : ليش يعني ؟؟
ماجد : تبين نمشي .. ووينها عيديتي للحين ما عطيتيني شئ ..
مشاعل باستغراب ممزوجه بضحكه : اول مرة اشوف احد يطلب عيديته .. بعدين يا قلبي من قال بعطيك هي
الحين .. يالله عاد بلا دلع ووم ترا اصيل مزعجتني اتصالات تقول متى تجون ؟؟
ماجد رافع حواجبه : اولاا ايه انا اطلب عيديتي حقي يا ناس و الساكت عن الحق شيطان اخررس ,, ثانيا اجل متى
بتعطيني هي اذا مو الحين ,, ثالثا اصيل دواها يوم نروح القصيم لا افرها بالمسبح ..
مشاعل : هههههههه .. حرام و الله حبووبه المسكينه من امس و هي تواعدني بالبرامج اللي سوتها للعيد
و جلابيتها و فستانها .. يالله جوودي وعدتها نكون على 11 عندهم ..
ماجد : قلبي 11 او 12 بنحرك ..
مشاعل بشهقة : نععععم ..
ماجد : أي نعم لانك هناك بتنشغلين عني اعرفك و ما بتجلسين معي .. بشبع منك بعدها بنروح ..
مشاعل : تمزح صح ؟؟
ماجد : لا و الله ما امزح .. بعدين هذي اصيل داري فيها متشمته بمنور لانها ما بتجي الا ثاني يوم
عشان اهل زوجها لكن اوريها هالبنت لسانها متبري منها ..
مشاعل بصدق : و الله يا ماجد مدري بدون منور و لا اصيل و لا حتى نجود كان شو سويت من جد
عوضوني عن بنات خالتي و اختي ..
ماجد قربت منها : ونا ما عوضتك عن احد ؟؟
مشال بحب : انتم حد ممكن يكون مكانك و مالك عوض ابد ..
ماجد : فديت قلبك و منطوقك .. و باسني على جبهتي و بهمس .. ابي عيديتي .. وو ..
///
///
///
وصلنا بالليل و اصيل حرقت جوالي باتصلاتها لو شافتني يمكن بتسوي فيني جريمة ..
ماجد خذا له شور و خرج لمجلس الرجال هناك عيال عمه و اخوانه اكيد ..
اما انا فخرجت من حجرتي بروح لنجود بكلمها قبل الصباح لان الكل بيكون موجود .. ترددت عند الباب ادخل و لا
تو كنت بطقه الا خرجت اصل من حجرة نجود و هي تشهق ..
أصيل : يالنصاابه .. تواعديني الساعه 11 بالكثير تكونين هنا و الحين شوفي الساعه كم 3 الصباح صدق كذاابه ..
مشاعل : بنت عيب .. وش اللي كذابه ؟؟ فيها قبايل ترا ..
اصيل ضحكت : تقلدين حبيب قلبي عمي .. جد من عاشر قوما اربعين يوم ..
مشاعل بضحكه : طيب ممكن تأجلي هواشك و تسلمين علي ترا اليوم عيد موهواش ..
ضمينا بعض و سلمت علي .. و قلت لها بدخل اسلم على نجود .. قالت لي بتحصلينها بالحمام تتحمم
واستأذنت اصول بتروح ربع ساعه تتحمم و ترد .. بيني و بين نفسي استانست ان نجود بالحمام اكرمكم الله
عشان اجلس ارتب افكاري .. المشكله مقدر اعترف لها بالحقيقه و لا اقدر اقول لها عن الماضي .. كيف اقولها عن
حقيقة البندري ؟؟ و كيف اقولها اني قبل لا اتزوج اخوكي كنت احب و اعر.. قطع تفكيري صوت باب الحمام ..
قرأت المعوذات و بعض الادعيه و نفخت على روحي .. رفعت عيني شفتها تناظرني و واقفه ..
وقفت بدوري و قلت : كل عام و انتي بخير ..
نجود : .... " كثر ما حبيتها قبل كرهتها اكثر بس بعد ملكتي من فيصل تغيرت نظرتي للناس
اللي فهمته الواحد لا يظن ظن السؤ و لا يشوف من وجهة نظره و بس ,, وجهات النظر تختلف
باختلاف المجتمع و الفرد و الشخصيات .. اذا انا اشوف الموضوع خطأ موبشرط انه يكون خطأ بنظر الغير
لكن كلمتها تتردد باذني انها ما زالت تحبه .. اجل اخوي ووينه فيه بقلبها ؟؟ ..
مشاعل : نجود .. يمكن بداخلك تقولين .. لها وجه تحط عينها بعيني و تكلمني ..
لكن الاعمال بالنيات يا لجود .. صدقيني عمري في حياتي ما خنت انسان .. وشلون لو كان زوجي
و مالك قلبي ..
نجود " شلون تكلمت و قلت بسخريه " : هه مالك قلبك ..
مشاعل بصدق : احيان اللي نقوله عكس اللي بقلبنا .. لاننا نضطر نخبيه .. لا الوقت و لا المكان و لا الناس
بيتقبلون اشياء يمكن تكون خطأ و يمكن تكون لا .. ابغاكي تعرفي شئ .. عمري ما خنت ماجد بحياتي ..
و لا بفكر .. مو انا اللي العب على الحبلين .. انتي ما حضرتي الموقف من البدايه .. و احمد الله انك ما حضرتيه كان
تعبت نفسيتك ...
اااسفه لو ازعجتك .. بس اللي بقلبي قلته .. و ماراح ابرر لك .. او مقدر ابرر لك لا الحين و لا حتى بعد
مليون سنه ..
و قبل لا اطلع قلت لها : مبرووك نجود الله يوفقك ويا فيصل .. طلعت من الحجرة و على حجرتنا بسرعه
تحممت عشان ألبس .. جتني اصيل تطق باب الحمام ..
أصيل : متى تخلصين ؟؟؟
مشاعل : ........
أصيل : بنت ميشووو ,, متى تخلصين ؟؟
مشاعل " هبله هذي تكلمني ونا بالحمام " : .........
أصيل : و الله انتي و زوجك طرش ما تسمعون .. عموما بروح اتكشخ يالله بباي ..
مشاعل ضحكت عليها ...
بصراحه كان يوم خيالي .. حلو كل العايلة تجمعت .. و عزايم و وناسه و جمعات ..
و برامج اصيل حلوووة .. اشترت لها كم لعبه و قسمتنا فرق و لعبنا استغمايه حنا البنات و ركضنا
و صارخنا و هاوشونا بعد بس لا حياة لمن تنادي ....
العمه حفصه و ام فهد يقولون: استخفوا البنات ...
و اتفقنا نروح للبر مع ان ماجد تغيرت ملامحه لهالسيرة يوم طلع الحجرة يقول ..
: شعوله شرايك نرد الرياض ؟؟
مشاعل : ليش ؟؟ بدري ..
ماجد : مالي بارض اروح معهم للبر .. و بعدها سكت ..
مشاعل قربت منه لانه كان على السرير متكئ بظهره .. قربت منه و حطيت راسي على كتفه و قلت ..
: قل لا يصيبنا الا ما كتب الله لنا .. صح ..
ماجد وخرني عنه و يطالعني .. : تظنين انك بهالكلام ريحتيني الا خوفتيني ..
مشاعل : استغفر الله ماجد .. ما يجوز اللي تقوله ..
ماجد : انتي ما شفتي شصار لي .. سهل الكلام بس الفعل اصعب بغيت انجن .. تعرفين وش يعني انجن
ما تخيلت انك بتروحين عني .. و لا بتخيل ..
مشاعل بتفهم : قلبي انت تقربت من الله و ربي ما خيب ظنك .. و بعدين اوعدك ما بطلع أي سيارة و لا بركبها
ممم و بجلس قريب من الخيمه ما ببعد .. وووعد ...
ماجد : ولو .. مشاعل انتي تربيتي على المدن و البحر .. ما تعرفين للبر ..
قاطعته : عشاني .. و الله خاطري اروح و استانس .. و بعدين كل انسان له بدايه خليني ابدء
و بتعلم ..
ماجد بتفكير : انزين برا الخيمه مافيه طلووع و الجوال يكون معك تلازمينه واي شئ تبينه تتصلين
تجلسين عند امي و بالكثير نجود اما منور و شلتها لا ..هذولي ما اضمنهم ابد مرجوجات ..
مشاعل : هههههههههههههه .. طيب .. بس لا تسمعك منيرة لا ترتكب جريمة ..
,,,
تحركنا الصباح على البر .. و كان الجو بارد يا ويلي اجل بالليل و ش بيكون ..
الايام اللي طافت صحيح كانت البندري موجودة و نظراتها تقهر .. لكني طنشتها و قدر المستطاع اتجنبتها
الا بالبر ما قدرت ..
ماجد : مثل ما وصيتك ...
مشاعل بطفش : خلص ماجد و الله حفظت ... ما اطلع بروحي سيارة ما اركب الا اذا انت معي
البنات ما اروح معهم .. و اجلس جنب ماما .. صح ؟؟؟
ماجد بابتسامه : صح ..
البنات : اخيرا افرج عنك ..
اصيل : افففف .. تو دريت ان عمي يملل .. الله يعينك عليه مليت من كثر ما يعيد نصايحه عليك ..
مشاعل : فديت قلبه .. يخاف علي "و طالعت بالبندري من بعدا اسابيع طويله اتجنبها " .. ونا بعيوني اقولها مهما
تسوين دام ربي معي ثم زوجي ما بتقدرين .. قهرتني نظراتها الواثقه ..
جلسنا برا الخيمه .. عند النار اللي شبوها لنا الشباب ..
بهدلني ماجد اتصالات و رسايل .. حتى اللي حولي ملوا .. فحطيت الجوال على هزاز و خليته بجيبي ..
اتصل ماجد : شعولتي ..
مشاعل : هلا قلبي ..
ماجد : شربتي الحليب ؟؟؟
مشاعل : وععععععع .. لا ..
ماجد :وش اللي وعع .. حرام يا حماارة .. قومي شربي ..
مشاعل : ما ابي .. ما احبه جوودي ..
ماجد : ما عليه شربيه يدفيك ..
ام فهد : وراه الصبي يتصل فيك من الصبح ..
البنات يضحكون و ينكتون علينا .. مالت عليهم ..
العمه حفصه : هاااتي التليفون ..
مشاعل : جودي عمتي بتكلمك ..
ماجد : هاتيها ..
العمه : انت ما تستحي .. انت وخشتك .. البنيه جايه تستانس و انت كله تتصل فيها نعبو ما شبعت منها ..
و منيرة : خخخخخخخخخخخخخخخخ .. هزبوووه ..
اصيل : هههههههههههههههههاااااي .احسن دوااه و لا يقرص لي اذني .. هلكها ..
عبير : مسكين و الله هذي جزاته يوم بيطمن على مرته ..
العمه : ايه .. انزين .. لا تحاتي اللحين بشربها بيديني ..
ناولتني العمه الجوال و قالت .. يمه تعالي جلسي بجنبي .. رحت لها و جلست بجنبها
و صبت لي كوب حليب .. و قالت : شربي يا يمه لا تستحين .. اافا عليك .. تطلبين من ماجد الحليب و هو عندنا ..
مشاعل فرصعت عيني " طيب يا ماجد قلت لك ما ابغى بالقوة يعني لا و تقول اني مستحيه اطلب .. اوريك .. خذيت
الكوب ونا حاسه بغثيان .. بنت ابوي ما شربته و عطيته لاصيل اللي تبرعت تشربه .." ..
دخلت للخيمه لاني بردت ما شاء الله عليهم ما بردوا .. بعدها بساعه تململت قلت اطلع .. اجلس مع ماما و عمتي حفصه
و عمة منور بعد جت معنا .. لان ماجد عيي علي اروح مع البنات .. اففف حاكرني هنا .. ونا خارجه من الخيمة ..
قابلت البندري .. طنشتها لكنها كلمتني : من هو حبيبك ؟؟؟
مشاعل بقرففف : اففففففففف .. انتي ما تملين ؟؟ تركتها و ماشيه الا قالت ..
البندري : ابدااا .. و بالذات الحين يوم مسكت عليك دليل قوووي بيوديك بداهيه ..
مشاعل " هذي وش تقول " : انتي مجنونه ..
البندري : منهو اللي صلحتي له ميلااد و احتفلتي فيه رغم بعده ؟؟؟
منهو اللي تعنيتي لاجله و صحتي ليلك و نهارك ؟؟
منهو اللي حبه غزاك من سنتين ؟؟
و للحين يسري بدمك ؟؟ منهو اللي عشقتيه و ما قدرتي تنسينه رغم زواجك ؟؟
منهو اللي هجرك و اهانك ؟؟ منهو اللي اهلك ذلوك عشانه ؟؟
منهو اللي كنتي بنظر تخوك الملاك صايره شيطانه لاجله
؟؟ منهو اللي كتبتي فيه الخواطر و الاشعار ؟؟ منهو اللي شريتي له هدايا اشكال و الوان بس ما قدرتي تعطينها له ؟؟
منهووووووووووووووووو ؟؟
///
///
فيصل : تكفى فهد ... و اللي يرحم والدينك .. ابي اجلس معها شووي ..
فهد : لا و الله .. انت ما تفهم اقولك كلم ابوي بعدين لو انا كلمته اخواني هذولا النشبه بيمانعون ..
فيصل بقهر : و ليه ان شاء الله زوجتي و ما علي من اخوانك ترا ..
فهد بنص عين : فصووول تراهم اخواني بيفحطون فيك البر كله ..
فيصل : انزين تصرف بشوفها زوجتي حلالي يا نااس .. حرام عليكم من يوم الملكه ليومكم هذا ما شفتها ..
فهد : هيه انت يالعاشق .. سوووري مقدر اساعدك .. ممم شوف ماجد يمكن يرضى يغامر .. تعرفه هاوي مغامرات
مهوب مثلي جالس لحالي بحالي ..
فيصل : انزين ليش يمانعون ..
فهد "بجديه " : انت تدري بعد اللي صار مع متعب يخافون عليها .. يعني بعد زواجكم يوم تروح بيتكم ما بيقولون شئ ..
فيصل : زين بكلم ماجد هو اللي بيتجرأ على اخوانه مو مثلك ..
ماجد : هلا و الله بالنسيب ..
فيصل بزعل : هلا فيك .. طلبتك يا بو نواف و لي يخلي لك مرتك ..
ماجد " عاد احلى دعووة " : تم ونا بو نواف ...
فيصل بابتسامه : تكفى بشوف زوجتي و الله ما بطول بحوط بها بهالبر و اتمشى معها نشم هوا ربي ..
ماجد بتفكير : و الله يا فيصل عندي عادي .. بس اخواني و ابوي اشك .. و بالذات علي و احمد ..
فيصل : جرب .. تكفى ..
ماجد : انزين .. عشان الدعوة الحلوة بروح و امري لله ..
كلمت ابوي و رضى بس اخواني عيوا حاولت فيهم و قلت لهم فكرتي بروح ويا زوجتي مع فيصل و نجود و بكذا ما
فيه احراج .. وافقوا ..
علمت فيصل و اتهبل من الفرحه : خشمك بو نوااف ..
ونا اضحك عليه و علمته اني باخذ زوجتي معي و نكون معهم قدام اخواني .. و بعدها اتركهم و اروح مع زوجتي ..
لاني ضد انهم يحرمون المحبين من بعض و بالنهاية هي حلاله يعني لو بغاها تروح معه اليوم قبل باكر تحل له ..
اتصلت بنجود و علمتها و قلت لها تعلم مشاعل و قفلت .. خخخخخخخخ اللي ضحكني فيصل يتعطر و يتكشخ عشان
نجود و الله و هبلت فيك اختي .. تبون الصراحه الحريم يخبلوون الواحد ..
///
///
///
///
مشاعل " انشل جسمي و اقشعر بدني و روحي ودعتني .. بلحظه ارتعبت فيها .. حسيت اني عاريه
و لا يغطيني شئ .. انفضحت و قدام منو ... قدام حيه ما تخاف الله بتشهر فيني .. ضعت .. لحظات كانت ثواني بس
بنظري ساعات و يمكن سنين .. تخيلت ان ممكن ماجد يتركني لو عرف بالحقيقه .. لو عرف عن الماضي ..
ماجد غيوور .. و انا اعرف من زمان انه غيور .. بس لو عرف بيتركني انا متأكده .. ما بيفكر لحظه بيتركني ..
دموعي سالت .. بس هذي الدموع شلون تسيل انا ما اصيح بس روحي تصيح .. خايفه ...
بمووت لو بعدت عن ماجد مقدر اعلمه بالحقيقه مقدر ..
التفت بخووف و رعب و كأني اشوف نهايتي بيد انسان و نا اللي متأمله ان ماضيي اندفن
..
///
///
///
نجود " انحرجت من ماجد لما كلمني عن فيصل .. صدق اني اشتقت له و اخواني عيووا يكلمني تليفون و نا سكت ما
تكلمت .. غريبه رضوا يشوفني .. اكيد ماجد جاب راس اخواني محد يقدر عليهم الا قوة ماجد ..
استانست و انسحبت من عند البنات لا يحشووني حش .. و خرجت من شنطتي المرايا و تكحلت و حطيت لي شوية
بلاشر و روج زهري بلون الكرز .. و تعطرت .. ايه صح ماجد قال انادي مشاعل تروح معنا .. مسكينه من يوم جينا وهي
بجنب الخيمه .. ما رضى ماجد تجي معنا ..مدري ليه حنيت لها .. ليه ما انسى الكلام اللي قالته .. ونا اشوفها
تخدم ماجد بعيونها و ما قصرت معنا و تهتم بزوجها و بيتها .. مدري اصدق اللي قالته و لا اللي اشوفه .. يالله بروح
اناديها ..
///
///
البندري : هههههههههههههههههههههههههههههههههههههههههههههههههه ..
لا لا .. مشاعل الجميلة الناعمه المنقذة الاجتماعيه خطافة الرجال تصيح .. ليه يا قلبوو ؟؟
بدري وااايد على الصيااح .. انا قلت لك .. تذكرين " و بحقد " .. بخليك تصيحين كثر صياحي و ازود
الحين فهد ما بيفكر فيني ابد "قربت منها " و لا بخلي ماجد يفكر فيك ابد .. " وبابتسامه خبيثه و هي تصلح حركات
تخوف بعيونها و وجهها " و بخليك تموتين بالدقيقه مية مرة مثلي تماااام .. شراايك يا حلوووة ..
مممم .. فكرتي بالخيارين اللي مالهم ثالث .. بتتركين ماجد و تطلبين الطلاق و لا .. بفضحك عنده
و بيطلقك هو هذا اذ ما ذبحك .. و تضحك ههههههههههههه ... فكري يا حلوووة و بتصل عليك و اسمع ردك ..
مع اني عارفه وش هو ... وصلحت لي بيدها مع السلامه .. وتركتني ونا ارجف ..
نجود " شفتها واقفه حطيت يدي على كتفها و هي اخترعت .
لكن صدمتني عيونها الباكيه .. وماحسيت بعمري الا هي بحضني ترجف .. ضميتها و نسيت زعلي منها حاولت اهديها
بس ما عرفت .. الا يوم تقول : ماجد .,... ابغى ماجد .. الله يخليك ابغى ماجد ..
اتصلت على ماجد مع اني خايفه لا اخوفه .. اعرفه بيتجن عليها ..
ماجد : هلاا نجود جايينكم قفلي .. و سكر .. يا ويلي وش بقوله ..
ماجد انتظرني فيصل بعيد شوي و رحت لنجود شفتها تضم مشاعل لاني اعرفها من عاباتها رحت لهم شبه ركض
ماجد : مشاعل ..
مشاعل رفعت راسي من حضن نجود و رميت نفسي بحضنه .. و انا اصيح ..
ماجد بخوف : علامك ؟؟ طالعت بنجود : علاامها شسوووويتم فيهاا ؟؟؟
نجود : ما سوينا شئ جيت حصلتها تصيح ..
ماجد : قلبي .. تتالمين ؟؟ بردانه ؟.؟؟ " ما عرفت شفيها و اسألتي غبيه بس من خوفي ما عرفت وش اقول
حاولت ابعدها عني اسألها اشوف شكلها بس هي تعلقت فيني و تقول : لا تتركني .. ماجد احبك .. لا تتركني ..
ضميتها لصدري بقوووة و قلت لنجود فيصل هناك على اليمين و اشرت لها روحي معه ينتظرك ..
نجود بخوف : خلص ماجد ماابي اروح بجلس هنا معكم ..
ماجد بعصبيه : نجووود روحي الرجال انذل عشان يشوفك ..
نجود " تركتهم و رحت له و نا عقلي مع مشاعل و ماجد
شفيها تصيح و ترتجف .. شفت فيصل قدامي بيني و بينه يجي مترين و استحيت اقرب له .. " ..
فيصل " قربت لها بشووق " : سلام عليكم ..
نجود بحيا و خوف : و عليكم السلام ..
فيصل: اخبارك يالجود ؟؟
نجود : الحمد لله .. و سكت ..
فيصل بابتسامه : ما بتسألين عني ؟؟
نجود باحراج : ها ... ايه شلونك ؟؟
فيصل : دام شفتك فأنا بألف خير .. شرايك نتمشى شووي ..
نجود هزيت راسي بايه و نا خايفه ياربي شصار على مشاعل ..
///
///
ماجد " مازلت ضامها .. انا قلبي قابضني من هالروحه .. ما كنت بجي .. كثر ما حبيت البر شكلي بكرهه ..
حسيتها هدءت من رجفتها و انفاسها .. ما بعدتها عني لاني ان بعدتها ترجع تصيح .. و بهمس كله حب " :
عيون ماجد .. بردانه ؟؟
مشاعل " هزيت راسي بايه " ...
ماجد : انزين نطري شوي بروح السيارة اجيب لك بطانيه ..
مشاعل : لااااا .. لا تروح ..
ماجد : انزين لا تخافين باخذك معي .. شرايك ؟؟
مشاعل : اوكي .. و مازالت الرجفه و صوتي و شهقاتي بس على خفيف .. خرج بطانيه صغيرة من شنطة السيارة ورى
و لفها علي و هو ضامني له بيده اليمين و مشينا لبعيد شوي عن الخيمه و بيده فانوس بالغاز صغير وولعه و مشينا ..
كانت فيه حجرة كبيرة تكفي لشخص واحد فجلس ماجد و باعد بين رجلينه و جلسني ..
وهو خامني من وراي .. حسيت بدفا و راحه و هدؤ عجيب غمضت عيوني شفت البندري رديت فتحتهم و التفت لماجد
اضمه ..
ماجد " شفيها .. كأنها خايفه من شئ .. اخاف تكون شافت شئ .. لحسن البر احيان يخوف .. سرحت
بالليل و عتمته .. " : تدرين شعولتي .. اكثر مكان احبه هو البر ..
مشاعل " وخرت راسي عنه و طالعت بعيونه شفت الصدق و الحب و الراحه " : ..
كمل ماجد : احب اشرب الحليب بالزنجبيل و اجلس عند النار و اطالع الليل و السماء , النجوم .. احس براحه و امان
رغم ان السماء هي سقفي و الارض لحافي .. اتأمل نعمة ربي .. و اختلي بنفسي ايام .. ههههههه ..
كثير قبل لا اتزوج كنت بايام الاسبوع اطلع البر وان كان وراي دواام و اصلي الفجر بعدها ارد البيت اغير و اطلع على
الدوام ..
مشاعل " ابتسمت لما ضحك .. احبك ماجد .. لو عرفت حقيقتي وش بتكون ردة فعلك .. بتتركني وحيدة ..
مقدر اتحمل .. بعد هالسعاده اللي عشتها معك ارجع للهم و الوحده و الالم .. هالمرة الضربه بتكون اقوى من قبل
طاحت دمعة من عيوني " :....
ماجد " حسيت بدمعتها اللي طاحت على يدي ناظرتها " : ريحيني شلي مضايقك ؟؟
مشاعل " ضميته و قلت " : لا تتركني ابد .. لأني اموت بدونك .. ماجد مالي بهالدنيا غيرك ..
ماجد ونا اضم وجهها الصغير بيديني الثنتين : ومن قال اني بتركك .. معك معك لنهاية المشوار ..
مشاعل "بابتسامه متشككه بكلامه ,, يا ترى يا ماجد لو دريت بيكون هذا ردك جلست بحضنه و دفنت راسي فيه اكثر و
اكثر ليت روحي تسكن روحك و نبعد عن هنا .. هذاك اليوم ما قدرت اكمله معهم لاني مو قادرة اترك ماجد .. و هو
استأذن من ابوه و ردينا الرياض ..
///
///
مرت أيام و ليالي و احس روحي مخنوقه .. اتصل فيني رقم غريب ما رديت احساسي بالخوف غلبني .. بعدها جتني
رساله مكتوب فيها ردي علي يالزوجه المثاليه عرفت انها البندري ..
بالبدايه طنشتها و هي ما يأست كل يوم تتصل
تو بس حسيت بمعانات فاطمة هذي ليش تسوي كذا .. بالاخير لما جتني رساله منها تقول و الله لو مارديتي بعلم ماجد
الحين ..رديت عليها ..
مشاعل : ...
البندري : هلا و الله .. تو النااس .. تدرين لي بالضبط 3 ايام و 8 ساعات اتصل فيك .. افا عليك بس
اهون عليك .. يالله و انا اللي ابي مصلحتك ..
مشاعل : شتبين فيني ؟؟
البندري : انا اللي ابيك " وانقلب صوتها لعصبيه " .. تمرمطين فيني ايام .. لكن هين .. وش قررتي ..
مشاعل : البندري اتركيني بحالي .. ما اذيتك بشئ ابد ..
البندري " بقهر و غضب " : و الله .. " صرخت " .. اجل شسووويتي يوم بعدتي عني فهد بدل الميل الف ميل
هاااااااااااا ... كلمة و قلتها لك و لا عاد بعيدهااا بتتركين ماجد تفهمين ..
مشاعل بجرأة و قوة : ايش الدليل على كلامك ؟؟؟
البندري : ههههههههه ... اجل شتسووي المجلدات المخفيه بجهازك ..
مشاعل " لو تقولون انبكمت و لا تصنمت و لا تجبست و لا تجمدت .. هذا اللي صار .. متى شافتهم ؟؟
ايه تذكرت يوم العزومه كانت بغرفة المكتب .. دقات قلبي تنبض بقووة لدرجه حسيت ان ممكن حياتي تنتهي بهاللحظات
بصوت هامس ما سمعته " : ليش ؟؟ ليش ؟؟ اتركيني بحالي .. لا تسوين فيني كذا ؟؟ انا مقدر اعيش بدون ماجد
مالي احد بالدنيا غيره ..
البندري : ونا بعد مالي احد بالدنيا غير فهد و بعدتيه عني .. .. بعطيك مهله اسوعين و بعدها ما بتلومين الا نفسك ..
سكرت الخط و انا ارجف .. و اصيح .. رد ماجد من الدوام شاف وجهي سألني اذا فيني شئ قلت له مصدعه بس ..
ماجد " ما عجبني حالها من يوم البر و هي تغيرت .. دومها لاصقه فيني ما تبيني ابعد عنها .. ودي اعرف
وش فيها ... ما صرت اطلع مكان و ان طلعت اخذها معي .. و هذا حالنا .. بيوم كنا جالسين نطالع التلفزيون
رن جوالها قامت شهقت بعدها خذت الجوال و هدءت .. شفيها .. سألتها " : منو ؟؟
مشاعل : دانه بنت خالتي ..
مشاعل " رديت على الجوال وانا اتحسب على البندري مسببه لي رعب " : الو ..
دانه : اشتقت لك ..
مشاعل براحه : و عليكم السلام ...
دانه بدلع : نسسيت .. سلام عليكم ..
مشاعل : هلا و عليكم السلام ..ونا بعد مشتاقه لك ..
دانه : كيفيك ؟؟ و كيف زوجك ؟ و كيف حياتك ؟ ان شاء الله مبسوطة ؟؟
مشاعل : الحمد لله .. انتي كيفيك ؟؟
دانه : ممم بخير .. ورد ..
مشاعل : يا عيون ورد ..
ماجد يناظرني بنص عين فضحكت مع ان مالي خاطر اضحك : ههههههههه ..
دانه : بسم الله ايشبك تضحكي ؟؟
مشاعل : سلامتك .. قلبي يقول لي انك تبغي تقولي شئ .. يالله اسمعك ..
دانه : ساااحرة ..
مشاعل : انا ساحرة لا و الله ..
ماجد يسوي لي حركات انه ايه ساحرة ابتسمت له .. وكملت : يالله لا تلفي و تدوري هاتي من الاخر ..
دانه : برمضان جاتني ماما و قالت ان جاني خطيب ..
مشاعل : و ااااو .. و الله من جد ...
دانه بحيا : ايوة و طلبت مني اوافق ..
مشاعل بهدؤ : طيب انتي استخرتي ؟؟
دانه : ايوة ..
مشاعل : وايش حسيتي ؟؟
دانه : ما ادري .. مو عارفه ..
مشاعل : انتي استخيري وو اذا ربي كاتب لك نصيب معاه بتمشي الامور اوكي ..
دانه : طيب بس .. ابغاكي تكوني موجودة .. تعرفي اخاف لوحدي ..
مشاعل : ان شاء الله و لا يهمك .. اعطني خبر قبلها باسبوع عشان اكلم ماجد ..
دانه : طيب .. يالله بروح ماما تناديني ..
مشاعل : طيب قلبي مع السلامه ..
ماجد : لا و الله قلبي و عيوني و مدري شنو ..
مشاعل بابتسامه ضعيفه : محد بقلبي الا انت .. و هذي اختي و بنتي و انت حياتي ..
ماجد " فتحت ذراعي و جتني بحضني لميتها .. تغيرتي يا مشاعل .. اخاف تكون عين ما صلت على النبي .. الله يحفظك
لي .. و بستها على شعرها بقووة و نا استنشق ريحته العذبه .. " ..
مشاعل " جلست ويا روحي بعد ما نام ماجد و توضيت و صليت قيام ليل و دعيت ربي بقلبي
انه يخلصني و يلهمني .. ونا بسجودي بداخلي نداء يقو لي ليش ما تعلميه الحقيقه ..
اقلها يعرف انك ما خدعتيه .. يسمعها منك و لا من البندري لأنها بتلفق علي اكيد ..
هالنداء كان ينبض بقلبي و اقتنعت فيه .. بعدها صليت ركعتين استخارة
و استخرت الله .. يمكن هذا الحل و بينتهي كل شئ .. كل يوم صايرة استخير بالصباح و بالليل
.. ما بقي على الاسبوعين الا خمس ايام ..لازم اتصرف .. خطرت ببالي فكرة ليش ما اصلح له حفله صغيرة كالعاده
اعترف فيها عن كل شئ .. لكن شلون اقوله على حقيقتي ..
ما فيه غيرها الكتابه .. جلست ايام اكتب و اكتب .. بدون ما احسسك بشئ ..
و اليوم هو اليوم الموعود ..
///
.. صلحت لك بيتزا اللي تحبها وصحن كيك بالشوكولاة و معكرونه و صحن خضار اخليه
بالثلاجه الحين و لما توصل بحطها بالميكرويف .. و شريت بيد البواب ورد احمر جوري و قرنفل و حتى روز ..
و فرشت فيه ارض الصالون اللي تودي لحجرة الضيوف .. رتبت الحجرة و تركت كرسين بقبال بعض و حطيت الطاولة
وسطهم .. و رتبت الشموع عليها ..
و خذيت من الدفاتر اللي شريتها معك من المكتبه و كتبت بالورقة الحمراء (( أحـــ حياتي ــبكـ )) اعرف انك تحب الاحمر
و قصيتها و حطيتها بالصحن .. بيكون هذا اول كلمة تقرأها .. ابتسمت ..
و كتبت على الورقة الزهرية (( أهـــوااكـ ))و لفيتها على الملعقة .. و ضحكت على نفسي ..
و الورقة السماوية كتبت فيها (( أعشقـــكـــ )) لفيت بها الشوكة
و بالصفراء (( اغـــار عليــكــ )) و لفيتها على السكين .. عشان ياو يلك لو لفيت عينك هنا و لا هنا على طول بالسكينه
و ورقة اكبر حاولت اكتب و اكتب ما عرفت شو اكتب بالنهاية كتتب اللي قاله قلبي ..
(( هالمرة ياقلبي مو راقصه معاااك .. امممم لا تزعل خلاص .. كسرت خاطري
..هههههه .. بأهديك شئ .. لالالا مو اغنيه بأهديك حياتي ... هالمرة اهديك حياتي بالفعل جوووودي حياتي كلها بين
يديك من بعد الله سبحانه وتعالى وابي اعترف لك بكل شئ .. شكلي حمستك صح ؟؟ .. اجل خلاص بلاش مو معطيتك
هي <<<< بتسوي نذاااااله خخخخخخخخخخخخ
اسولف معك ايشبك لا تعصب ,, وهذي بوسه اممممممووووااااااااااااااه كله ولا زعلك( وهنا ابتسمت) ,,طيب قلبي انا
بدخل غرفتي واذا تبغى تشوفني بعد كل اللي عرفته بكون بنتظارك بالغرفة وراح انتظرك طول العمر . الهديه بتلاقيها
بصندوق بدولاب الصالون ليتك ماتستعجل وتتأنى,طيب قلبي ,, ادري فيك دايماا مستعجل ,, لا تنسى احبك وللابد
بنتظرك.. (( محبوبتك ))
لفيتها على الشمعدان و الحين بروح البس الفستان الابيض اللي شريته لي تذكر .. بلبسه اليوم لك ..
ثواني و راجعه ..
^^^
^^^
باك .. رديت .. جودي ونا ألبس قلت ليش ما انثر باقي الورد على السرير .. و نثرته و حطيت لك بجامه ..
^^
^^
^^
الحين بسكر الكتاب و احطه بالدولاب .. لا تنسى قبل لا تقفل الكتاب اقراء الهمسات الموجودة بالجزء الخلفي من الكتاب
لحظه لحظه الجرس بيدق اكيد انت .. خايفه يا ماجد .. الله يستر .. بحط الكتاب و افتح لك ..
لا تنسى ..
.. أحبــك .. و انتظرك ..
///
///
///
///
بنفس الجو و الشقه المهجورة حوالي سنه و شهرين ذاك الانسان اللي حامت حوله ذكريات ماضي أليم حب حطمه بيدينه
.. و اليوم اليوم بس اكتشف ان الدلائل مو شرط لتهمة برئ و لا لتبرير متهم ..
لحظه ما انتهت قصة حبيبتي لحظه باقي الجزء الخلفي من الكتاب .. الهمسات اللي قالت عليها
و بيدين مرتجفة .. من عالم الماضي عالم مشاعل فتاتي .. الى عالم الحاضر عالم مجهول بتلك الهمسات
و بيد مرتجفه .. تهتز من المجهول .. اقلب صفحات الماضي لصفحات ربما تكون للماضي ايضا ..
ها أنا قد وصلت لتلك الصفحه المغريه و فتحتها لأرى عنوان جميل زينته بخطها .. الرقيق ..
جودي حبيب شعوله ... بتركك مع كلمات بترجعك لماضي ابعد من
انك ممكن تتخيله ..
همس قلبي ..
مقتطفات من الماضي الحاضر
***
فتح عينه بصدمه اكبر من أي صدمه بحياته ...
مستحيل الريم هي نفسهاااا ...
الريم هي نفسهااا مشاعل ..
انا حبيت نفس الانسانه اكثر من مرة ... ضيعتها مني مرتين
لااااااااااااااااااااااااااااااااااا
و هل للماضي عووودة ؟؟؟؟؟؟؟؟؟
ممكن تكون النهاية عكس العنوووان ....
يتبع بالحلقة الأخيرة من همس قلبي بعد كل هذا الحب الماضي لا يعود ...