مشيت خلاص "
غبت يوم وعذرناك وبولهنا انتظرناك يلا ارجع كفايا ابصراحة فقدناك
غبت يوم وعذرناك وبولهنا انتظرناك يلا ارجع كفايا ابصراحة فقدناك
****
مشاعل من الخوف ضغط ازرار القفل تبع اللاب توب .. : يـ ـاسـ ـ ر ..
ياسر : جالسه تتغازلي و تكلمي وااحد لا و احبك كمان .. و فمك و شفايفك ..
مشاعل من خوفي وقفت ارجف .. وهو يهزني من زندي بقووة قووولي من هو ؟؟؟
و كيف تعرفيه ؟؟ و الله لاقتلك لو ما قلتي و تكلمتي تكلمي ؟؟؟
ظليت ساكته و ما شفت الا ماما دخلت ... و خبرها ياسر هذاك اليوم اكلت من ماما ضرب
ما انساه رغم اني مو صغيره عمري حوالي 20 سنه و انضرب من امي ..
بالاخير هدت ماما الوضع مع كذا ياسر حالف يمين يعلم بابا .. و ماما طلعت وراه و هو يركض
لحجرة ماما و بابا ... ما توقعت ان ماما بتساعدني بهالمشكله الا اكيد بتورطني فيها اكثر ..
جاني بابا ونا بحجرتي خايفه باين عليه الشك و شئ غريب بعيونه خفت اناظره اصلا ما ناظرته الا يوم
مسكني مع ذقني و خلى عيوين بعيونه .. كانت ماما واقفه وراه ..
قال : قولي لي الحقيقه مهما كانت .. صح اللي قاله ياسر ؟؟؟
مشاعل " هههههه .. يمكن بتستغربون بس كنت بقول ايه و بعترف ما تعودت اكذب و بالذات على بابا
بس شفت ماما وراه تأشر لي بتوسل اني انكر .. ما عرفت وش هدفها .. و ما هانت علي فأنكرت وبابا
صدقني لأنه يقول الكل يكذب علي الا انتي .. كرهت نفسي لاني كذبت عليه و احتقرت نفسي اكثر اني
سمعت كلام ماما .. و ياسر اخذ كف من بابا .. بداخلي استحيت من نفسي على هالموقف و هالكف
اللي اخذه بس مو بيدي .. ما كلمت ماجد نهائي طول فترة تواجدي بجدة .. يوم سفري للمدينة
سلمت على الكل الا ياسر كان محتقرني و ماما كمان بس اقلها هي ما بينت قدام بابا
اللي قهرني رحت لها اشكرها انها وقفت معي و هذا غريب عليها .. لكنها فاجأتني لما قالت ..
: مو لعيونك انا كذبت بسببك عشان خاطر ابوكي اللي انصدم بأخته مررة و ما اسمحني على موتها و
لا على حبها الضايع اللي مالي ذنب فيه و انا متأكده انه كان بيلومني على صياعتك و الله لو اكتشتف
لحظه بأن حركات الصياعه ما تركتيها بقول لابوكي بنفسي فهمتي .. و سحبت مني الجوال
اما عن بابا فكان عادي ..
لي اسبوعين ما كلمته و قلبي من داخل يتقطع بين الاثنين بين الحلال و الحرام بين الاهل و الحبيب بين
الحق و الغلط .. رحت الحرم النبوي مع مرت عمي .. و قابلت مرة كبيرة بالسن يا محلاتها ..
ويازين منطوقها تهبل و قابلت بنتها كانت اروع .. تكرمت ووصلتنا للبيت لان سيارتنا بتتأخر ..
حبيتها بقلبي مع اني ما عرفتهم الا خلال نص ساعه و تمنيتها امي .. شفت حنيتها بعيونها لبنتها
بعد هاليوم بيومين جات نفس الحرمه و بنتها و كانوا مثل العسل تعلقت فيهم لان لو غيرهم ما سألوا
عني و لا ردوا للبيت عشان يعرفون و يعرفون رقمي ..
بعد ما راحوا استخرت ربي كثير قبل و بعد و بالحرم و ما تحملت بعده عني شبكت النت و دخلت
الماسنجر ما حصلته .. انتظرته للساعه 2 بالليل و ما دخل .. و كل يوم ادخل و ما الاقيه ..
يوم لقيته كلمته طنشني .. قلت اكيد زعلان يحق له بس مو بيدي .. حاولت لكنه ما عطاني وجه
.. يوم يدخل يومين لا .. فصرت ادخل واحط حالتي الظهور بدون اتصال و اشوفه بس ما اكلمه
وش هالحيرة و الضياع و التشتت اللي انا فيه مليت ..كملنا شهر وهو ما كلمني ما غير يدخل و ما
يكلمني .. بيوم جتني رساله منه كنت موجودة اون لاين بس حالة الاتصاله حاطتها الظهور بدون اتصال و هو كان اون لاين .. كتب لي فيها ..
طمنيني عنك .. ولا خلص نسيتيني ..
استناست و طرت من وناستي .. قلقان علي .. على طول حولت حالتي للاون لاين و كلمته
// بشــــ إني برحل ــــروه //
مشاعل : حرااااام عليكم الاقيها من فين ولا فين .. ليش
احس ببرودكم ناحيتي .. غلط سويت شئ قولي ...
// هلكني الصبر بغيابك طواني عالم النسيان جفتني دنيتي بعدك تعال و شوف مأساتي //
: شعوولتي ..و ريومتي .. ولا دلولتي .. كل يهون الا زعلك علينا
مانرضى عليك قلبي ..
والله اموووت بالتراب اللي خطت عليه اقدامك ..
اهوى الهوى اللي لفح وجنتك ..
اعشق الفاكهة الي لمست افمك ..
أحــــبك يابعــد هــلي .. أحـــبك .. يااغلى نــاسي ..
ريومتي .. شعولتي .. دلولتي .. للحين زعلانه علي ..
// بشــــ إني برحل ــــروه //
مشاعل : مااقدر ازعل .. ماقدر.. " ابتسمت
" ..
مع كذا مازل متغير علي و كلامه مختصر يقول انه بالدوام .. ماصرت اشوفه كثير و ان شفته دقايق و يقول لي انه مشغول و انه بالدوام
و من هالكلام خفت انه مل مني .. مر شهرين و هذا الثالث وهو يبعد .. و بيوم حسيته بيتهاوووش
معي .. بأي طريقه .. و قال لي انسيني و انسي ايميلي و كل شئ يخصني و افضل اننا نبتعد ..
ما صدقته اكيد يكذب علي .. و لا يمزح اعرفه مزحه شوي ثقيل لكنه قال كلامه و طلع ..
لو أقول صرت مجنونه ما بتصدق يا ماجد .. كلامك لخبطني .. مر شهر ثاني وانت لا حس و لا خبر
قررت أخاطر و اتصل عليك تذكر يوم كتبت رقم جوالك و الله العظيم من كتبته انحفر بقلبي ..
و حفظته بجوالي بإسم أجمل إحساس نفس الاسم اللي سميتك به بعد زواجنا ..
و بيد مرتجفه بعد سهر و تعب و تفكير قررت اتصل و اللي يصير يصير .. دقيت على رقمك بتركيز
حطيت الجوال على اذني استنى اسمع صوتك .. بس مارديت علي .. ضروري اليوم اكلمك ضروري
اعرف موقعي بحياتك .. خطرت ببالي ارسل لك رساله احترت يجي نص ساعه شو اكتب لك فيها
بالنهاية كتبت أنا الريم رد علي .. بعدها بخمس دقايق بالضبط اتصلت عليك ..
مــاجد "" شهر ما كلمتني بهالشهر عشت عذاااب ما اقدر اوصفه غير اني على حافة نهايتي
كل يوم انتظرها ما دخلت وذاك اليوم اتصل فيني ابوي و قال لي ضروري اجيهم القصيم ..
و هذا اللي صار و طبعا في بيتنا بالقصيم ما فيه خط نت .. اصلا ابوي ما يرضى ..
وكانت امي مريضه شوي زرتها و جلست معها كمن يوم واخواني وخواتي بعد .. رديت الرياض و
شبكت الماسنجر حصلتها .. تغليت عليها شوي ..
بس ما تحملت و كلمتها .. مر شهر ثاني و فاجأنا ابوي بأنه يبي لفهد وحده من جده و المشكله انها
موبقبيليه وقفنا انا واخواني مع فهد و عيينا بس المشكله ابوي قال فكر و رد علي و لا يأثر رأي
اخوانك عليك .. بعدها بحوالي الشهر عرضوها علي لو اموت ما اخذها هذا اللي قلته
ابوي مصر اخذها انزين ليش اخذها بقوووة هو لكني عاندت و خرجت من البيت و رديت الرياض ..
بس انا ما ابي الا الريم ..
بالاخيريوم عرفت ان امي بالمستشفى و تعبت عليهم و ابوي حلف اني اخذها .. رضيت ..
وش بقووولها وش اسوووي .... استشرت سالم .. قال لي لازم اقطعها و اخليها تشوف نصيبها ..
ما قدرت مستحيل احد غيري يكون زوجها ... قسيت عليها و قلت لا كل واحد بطريق .. و تفاجأت يوم
جتني رساله منها تقول انها الريم ... معقوووله يعني اخيرا بسمع صوتها .. قاومت رغبتي اني اناظر
الرقم لاني متأكد ان شفته عمري ما بنساه .. اتصلت بعد خمس دقايق و رديت من اول رنه ..
ماكنت سامع صوت و لا حتى نفس ...
مو سامع الا دقات قلبي ...
مشاعل " ونا بعد جوودي قلبي ينبض بقووة طغى على صوتي " <<< هذا كله بداخلهم كلام ما نطقه
لسان حالهم لكن ارواحهم تبادلته ..
الـــريم " مشــاعل " برقتها / جـ .. جـــودي ..
مــــاجد " يالبى قلبه .. و روحه انتي .. غمضت عيوني استمتع بصوتها كان له رنة ناعمة كأنها
طفلة او مراهقة ... ابد مو واضح عليها انها بالعشرين .. قسم بالله كأنها شوكلاة استمتع بها ..
ماحسيت بهيامي و توهاني الا لما سمعت صوتها مرة ثانيه يقول ..
الـــريم " مشــاعل " بعــذاب / مــــاجـــد ..
مــاجد " ما انكر رنة الحزن بصوتها بس حزني اكبر يا لريم " / الــــريم .. " كنت أقولها وكأني
مو متأكد انها هي و بلهفة و شوق مو مصدق اني اسمعها .. أصلا من يوم قالت جوودي عرفت انها
هي ما قد احد ناداني بهالاسم الا هي ..
الريم / أنـ .. أنا .. و سكت ما عرفت اتكلم ..
ماجد " حسيت بحياها يا حبي لك ريومتي ,, تذكرت اني بعرس و انهم قريب بيخطبون لي "
ببرود / نعـــم ..
الريم " ماحبيت صوته لما قال نعم .. " / ليه تعاملني كذا .. ايش سووويت ؟؟ أنا ..
ماجد " ما ليتها تكمل لاني بضعف و بستسلم لها " / انا ما احب بنات الشوااارع ..
و لا باخذهم و لا اثق فيهم ابد ... اااسف .. هذا اللي عندي .. انسيني و انسي رقمي و ايميلي بعد
و ياليت ما تزهقيني باتصالاتك و رسايلك منيب فاضي لاشكالك ..
الريــم " تألمت ,, تعذبت .. انجرحت .. ابد ما صار كل هذا لاني بكل بساطه انذبحت .. ذبحتني يا
مــاجد .. الله يسامحك "
الريــــم بصوت ميت / ظلمتني بدنيتك يالغلا عسى الله يهنيك بغاليك الله يحفظك ..
و سكرت السماعه قبل لا اسمع كلام ثاني لان الطعن بالميت حرام يا ماجد .. حرام يا عيون مشــاعل
...
مــاجد " عذبني صوتها و عذبني اكثر اخر جملة قالتها ... ظلمتني بدنيتك يالغلا عسى الله يهنيك
بغاليك الله يحفظك ..
..
.. مشـــــاعل ..