بعدما ارتاحت روحي ليك وعرفت طعم الدنيا بيك
مشيت خلاص و ما قلتليش أنا أعمل إيه
تنساني ليه بالله عليك و أنا قلبي حياته و روحه فيك
و ازاي حيجي له حبيبي نوم لو مش لقيك
بعدما ارتاحت روحي ليك وعرفت طعم الدنيا بيك
مشيت خلاص و ما قلتليش أنا أعمل إيه
تنساني ليه بالله عليك و أنا قلبي حياته و روحه فيك
و ازاي حيجيله حبيبي نوم لو مش لقيك
أنا قلبي كنت بخاف عليه
شفتك ما اعرفش جرى لي إيه
حبيت وخلاص ما حسبتهاش ولا قلت ليه
كان حلم دا ولا كان خيال لا ارتاحت و لا بيرتاح لي بال
ريحني و قولي إزاي البعد أقدر عليه
أجمل أيام فاتت قوام
و كأنه يادوب نظرة وسلام
و أنا لسا حبيبي بعيش غرام وبقول ياريت
على قد ما بتمناك في يوم
ارجع لي واشوفك بس يوم
حاولت أنساك يوم بعد يوم ولا يوم نسيت
أجمل أيام فاتت قوام
و كأنه يادوب نظرة وسلام
و أنا لسا حبيبي بعيش غرام وبقول ياريت
على قد ما بتمناك في يوم
ارجع لي واشوفك بس يوم
حاولت أنساك يوم بعد يوم ولا يوم نسيت
أنا قلبي كنت بخاف عليه
شفتك ما اعرفش جرى لي إيه
حبيت وخلاص ما حسبتهاش ولا قلت ليه
كان حلم دا ولا كان خيال لا ارتاحت و لا بيرتاح لي بال
ريحني و قولي إزاي البعد أقدر عليه
.....
مــاجد " ريومتي تعبان بدوونك .. حتى بنومي زرتيني مع اني ما شفتك بس كنتي لابسه احمر
فستان احمر ريومتي اللون اللي احبه كنت لابسته و ضايعة بصحرااء .. ماحولك احد ..
جاايك كنت جيتك بس .. حسيت كأنه موب انا اللي جيتك شلون مدري قربت منك و قربت بس كنتي
تبعدين عني .. وحسيت روحي شخص ثاني .. ما اذكر الباقي ما اذكر ..
...
غبت يوم وعذرناك وبولهنا انتظرناك يلا ارجع كفايا ابصراحة فقدناك
بصراحه فقدناك
غبت يوم وعذرناك وبولهنا انتظرناك يلا ارجع كفايا ابصراحة فقدناك
بصراحه فقدناك
يعني ما صاحت اذنك ما بكا الشوق منك ما صرخ يوم حزنك لحظة الي طريناك
بصراحه فقدناك
غبت يوم وعذرناك وبولهنا انتظرناك يلا ارجع كفايا ابصراحة فقدناك
بصراحه فقدناك
في غيابك نسينا وش لنا وش علينا شاغل البال فينا ليتنا ما تركناك
بصراحه فقدناك
في غيابك نسينا وش لنا وش علينا شاغل البال فينا ليتنا ما تركناك
بصراحه فقدناك
غبت يوم وعذرناك وبولهنا انتظرناك يلا ارجع كفايا ابصراحة فقدناك
بصراحه فقدناك
انجبرنا نخليك تبتعد عن مراسيك بس والي يخليك حتى في الحلم شفناك
بصراحه فقدناك
غبت يوم وعذرناك وبولهنا انتظرناك يلا ارجع كفايا ابصراحة فقدناك
بصراحه فقدناك
....
رد يناظر المقتطفات اللي همس بها قلب مشاعل ...
ليس من يكتب بالحبر كمن يكتب بدم القلب...
وليس من يسبح في مياه البحر كمن يحترق بنار اللهفة والانتظار ...
هو نبض الحياة...
فلولاه ماخفق قلب في صدر إنسان...
وبقلبي وليس بقلمي...
سأكتب لك همسات حتى آخر قطرة من غلاك..
ولحظة من حياتي...
واذا ماتوقفت نبضات الحياة يوما..
وانتهت رحلة العمر...
وفارقت الروح الجسد..
وتوقف القلب..فأن روحي الهائمة بك ...
تكتب لك دائما في كل مشرق ومغرب شمس...
.. رسالة حب..
من قلب قتله شوقه اليك...
واحياه حبه لك..
فالقلب الذي أحب دائما...لا يموت أبدا..
حبيبي ....
عيد ميلادك الـ24 كنت معك ومو معك .. تذكر ... الفيصليه .. باقة الوردالأحمر الجوري ..
تذكر يوم قلت لي أخمك بقووة ...
ودي ألمس إفمك .. و أسمع صوتك ..
تذكر اللون الأحمر ...
قبل سنتين .. المدينة المنورة ... و .. الرياض .... القصيم ....
يمكن تذكرني بهالجملة ...
ظلمتني بدنيتك يالغلا عسى الله يهنيك بغاليك الله يحفظك ..
ايه انا الريم ... انا الريم .. مشاعل هي الريم ...
تكفى يا ماجد ظلمتني مرة لا تعيدها .. كنت اهواك .. والحين اعشقك وعشقك بدمي بدونه اموووت ..
ماجد انا عكس اللي تظنه ..
ماجد ما عرفت غيرك و الله .. والله .. اعرف انك ما بتصدق .. لاتظن اني يوم كلمتك و عطيتك مجال هذا معناته يمشي على الكل ابد و الله .. ابد انت غير ..
.. ســـــــــــامحـــنــي ..
............
بمدينة ثانية .. مدينة انولد فيها حب نجود و يا فيصل و عاشت فيها مشاعل أجمل لحظات حبها مع
ماجد .. و تعذب فيها فهد و هو يناظر من بعيد للمحبين و حبيبه بيد اعز الناس ..
// القصيـــــم //
نجود: ايه ,,اخوك لما عرف كان ممب فحواسه ابوي خاف عليه
بس اللي صار.. سكتت فترة مو قصيرة.. وكأنها ماتبي تذكر .
فهد : نجود قول لي كل اللي صار من البداية كيف عرفتي
وشلون قلتيلهم ومن وين لكِ دليل ؟؟ كل شئ.
نجود : محمد ماابي اذكر ..
قاطعها : نجود طلبتك لا ترديني ... سكتت بعدين استسلمت
وقالت: بقول لك كل شئ من البداية
واللي صار هــــــــــــــو ......
بعد ما اختفت مشاعل ... بأٍسبوع .. وحنا ما عندنا علم لاننا بالقصيم ..
وما خبرنا احد .. جينا الرياض .. أتصلت فيها ماترد .. كنت بتأسف منها على اخر مرة
قسيت عليها ويوم كنا بالبر صاحت فحبيت اطمن عليها ..
قاطعها فهد : تصيح ؟؟؟
نجود : ايه .. و قالت لي ابي ماجد .. و بالصدفه جاء ماجد .. و تولى امرها ...
فهد : ليش تصيح ؟؟ ما عرفتي ..
نجود : لا .. في ذاك الوقت ما كنت اعرف ... خلني اكمل للنهاية و بتعرف كل شئ ..
فهد : انزين .. كملي ..
اتصل فيها و ما ترد و اخوك مقفل جواله .. ابوي قال ووينه ماجد ؟؟؟
اتصلت بمنور اسألها و بان عليها الارتباك
و قالت لنا انه طلع مع خوياه برحله .. و سألتها عن شعوله
منور : مشاعل في بيت هلها ..
نجود : ليش ؟؟؟
منور : اخوك راح رحله ووصلها قبل بيت اهلها بجده و رد راح الرحله ..
نجود " ما صدقتها يمكن لان منور ما تعرف تكذب دوومها صريحه بس مشيت الموضوع ..
و علمت ابوي باللي قالته منور ... و خرجت السوق اقضي لجهازي .. زواجي باقي عليه حول الشهر
وكمن اسبوع .. طلبت من منور تروح معي السوق لكنها تعذرت بام زوجها و عيالها صدقني ما
استغربت لان قلبي يقول فيه شئ و مخبيته عنا منور لان مو من طبعها انها ترفض تخرج معي للسوق
.. تعرفها تحب هالسوالف .. امي تحسست من الموضوع .. و زعلت عل مشاعل و ماجد لانهم بالعادة
يتصلون و يزورون .. اما ابوي حس ان فيه شئ و يمكن سوء تفاهم بين زوجين فما تدخل بالموضوع
.. حتى ان اصيل تقول تتصل بمشاعل مقفل جوالها .. فاطمة بعد .. بالفترة الاخيرة صارت صديقه
لمشاعل .. فخبرتهم انها ببيت اهلها .. و بترجع قريب ..
بيوم كنا ببيتنا بالرياض و جتني فاطمة تبي رقم مشاعل ببيت اهلها .. ما عرفت وش ارد عليها اخوي
مختفي له اسبوعين و مشاعل ما اتصلت و ابوي ما حب يتدخل ..
فهد : وش تبي فاطمة بمشاعل ؟؟
نجود : مدري ... بس اللي فهمته انها كانت بتستشيرها بخطيب جايها من طرف مرت اخوها ..
وعنده بعثه للخارج .. لمدة سنة .. و بعدها سمعنا بخطبة فاطمة و موافقتها استانس ابوي .. وحددنا
موعد و اتصلنا فيك اذا بتحضر قلت ما يمديك .. وان شاء الله بالزواج ..
كلمت ابوي يتصل بأهل مشاعل و أتصل بالفعل على ابوها ... يوم ملكة فاطمة الكل متجمع عندنا من
يومين ..
بالبداية ما رد ابوها بعدها بكم رنة رد و كانت المكالمة كالتالي ..
بو ماجد "بحرارة " : السلام عليكم و رحمة الله و بركاته ..
بو مشاعل ببرود : و عليكم السلام ..
بو ماجد : يا هلا و الله بأبو مشاعل .. يا حيا الله الغالي ابو الغالية ...
بو مشاعل : بغيت شئئ ؟؟؟
بو ماجد عقد حواجبه : عسى ما شر يا خوي ..
بو مشاعل : ايش تبغى ؟؟؟
بو ماجد باستغراب : نعم ما فهمت ؟؟
بو مشاعل بقهر مليئ بالحقد و الالم : دحين ايش تبغوا ؟؟ ليش متصلين ؟؟؟ اللي تبغاه و صار
اختي و عذبتوها بحياتها الى ان ماتت .. و سكتنا قلت انا غلطان و انت غلطان وهذي فرصة اصلح الغلط و عطيتكم بنتي ..
ما انكر اني تمنيت اناسبكم عشان روح اختي ترتاح .. و بنتي كمان ..
بس انتم قلوبكم سودااااء .. حتى سواد الليل ما كان اسود من قلوبكم .. حسبي الله و نعم الوكيل ..
حسبي الله و نعم الوكيل .. الله يعذبكم مثل ما عذبتونا .. الله يكافيكم .. حسبي الله و نعم الوكيل
انسونا و شيلونا من دماغكم .. بنتي و عندي و ولدكم و عندكم و طلاق و صار و كل واحد بطريق
ساامعين يا ويل واحد فيكم يقرب من بنتي .. ما عندي غيرها .. حراام .. لا خليتوها عايشه و لا ميته
لو كنت ادري انكم مخططين تبهدلوها كان ما زوجتها .. " تغير صوته لشبه صياح و بقهر " حسبي الله
و نعم الوكيل نعم المولى ونعم النصير .. و سكر السماعه بدون ما يعطي فرصة لابوي بكلمة ..
ما تدري شصار لابوي ساعتها و هو بنفسه يبحث عن اخوك .. و اخوانك بعد ..
فهد : وليش ما علمتوني ؟.؟؟؟
نجود : انت كنت بتركيا عشان شغلك خفنا نقلقك ...
بالنهايه عرفنا ان اخوك اخذ اجازة مفتوحه بدون راتب
سألنا خوياه محد يعرف مكانه حتى سالم ما عرف مكانه .. وهو مسكين بعد قام يدور اخوك و فيصل بعد ..
شفت منور وجهها مخطووف . فمسكتها مع يدها و خذيتها حجرتي .. سكرت الباب ..
نجود : بدون لف و لا دوران .. وش الموضوع بالضبط ؟؟؟ شلي صار وحنا ما نعرفه
إحكي لي الحين .. لا و الله اعلم ابوي انك تعرفين كل شئ و خاشته عنا .. و تعرفين ابوي
ما يحتاج اعلمك ..
منور جلست على السرير .. : و الله ياجود مو مصدقه اللي صار و لا اللي بيصير ...
خالي بيموووت .. خالي ادمر .. خالي راااح ..
و جلست تصيح ...
نجود بخووف جلست على ركبي بالارض و مسكت يدها و دمعتي على طرف عيني
: تكلمي شلي صاار .؟؟؟
منور من بين صياحها : قبل اسبوعين خرجت مع سعود بالحالنا نتعشى برا .. و اتصل فينا ماجد
و طلب من سعود يجي يمر عليه في المكان الفلاني لان سيارته تعطلت و الدنيا ليل .. و هو بالورشه
و مرينا عليه ركب معنا و صلنا العمارة اصر ننزل نتقهوى ونا استانست لاني ما شفت مشاعل من مدة
نزلت مع ماجد و سعود يكلم جوال و يركن سيارته ..
وحنا طالعين من اللفت لشقة ماجد ... شفنا .... سكتت ..
نجود قلبي من الخوف يرقع بقوووة : ايه وش اللي شفتووه ؟؟؟
منور تبلع ريقها : شفنا واحد خارج من شقة ماجد ...
نجود فتحت عينها على الاخر : وشووووووووو ؟؟؟
منور : هذا اللي صار .. كان هالانسان شكله كأنه مجرم شواربه غليظه و ذقنه كثيف كأنه مجرم ..
ماجد انصدم حس انه بحلم او يمكن كابوس .. و اللي قهره اكثر انه خبط كتفه بكتف ماجد ..
و قال : اااسف و ابتعد هنا ماجد ما تحمل مسكه من ثوبه و الرجال استغرب ..
ماجد بعصبيه : وش تسوي بالشقه ؟؟؟
الرجال بكل حريه و راحة بال يقول : بيتي اجيه متى ما ابي و انت شكوو ؟؟
ماجد و عصبيته زاادت : بيتك ؟؟ وش كنت تسوي داااخل ؟؟
الرجال : يووووووه .. ايه بيتي وش كنت اسوي بعد .. اكيد مع زوجتي .. وش يسونه كل زوجين ..
ماجد فقد سيطرته و سطره كف .. و ضربه و ضربه و بعدها فتح الباب بقووة و نا وراه احاول امسكه
بس كان يحذفني بعيد عنه و دخل البيت و تعرفين حجرة التلفزيون بالصدر شفـ ..
شفنــا مشاعل .. و سكتت و غطت عينها تصيح ..
نجود: احلف لك يا فهد ان يديني ترجف بقووة من اللي خايفه اسمعه .. و الله ان قلبي احسه خرج من
مكانه .. : كملي لا توقفين ..
منور : شفناها تلبس ملابسها من عند الاكتاف بحجرة التلفزيون .. هنا ماجد تقولين انصب عليها مويه حااااارة بناارها على جسمه ..
التفت عليه شفت ردة فعله انه مصدوم و متألم حزين و شكله يكسر القلب ,,
التفتت علينا مشاعل تناظرنا بضياع .. صدقيني كرهتها يا نجود كثر ما حبيتها كرهتها
كان ودي اذبحها .. ولا يشوفها خالي وهي كذا .. مشت لنا تناظرنا و قربت لماجد اكثر
و لا كأنها صلحت شئ يستحق انها تنذبح عليه .. ابتسمت لماجد ابتسامه مقدر انساها
تدرين ماجد شسووى ...
لمسها بحنان مع وجهها لرقبتها .. و بعدها ضغط بيدينه على رقبتها بقوووة و شفت عيونها تناظر
السماء و وجهها غدا احمرر .. كان بيذبحهاا .. حاولت افك يده بس عيى وانا اصيح و انادي سعود ..
و دق جرس الباب جريت لمه و كان سعود و نا اصيح من بين دمووعي .. سعود الحق علي ماجد
بيذبحها .. بيذبحها جرا سعود و فكاه عنها و هو يقول خذيها من هنا .. خذيها و ماجد بظهر يده
عطاها كف بوجهها لحظه ابتعاده عنها و هو يحلف و الله بذبحها و الله بذبحها و اذبحه و اذبح عمري
و الله ان شفتها بذبحها و الله .. و سعود يحاول يطلعه من البيت و نا اصيح .. و مشاعل كانت واقفه
بهدؤ ما كأن شئ صار لها و كأنها ماسوت شئ ..وماجد يرفز بسعود و يضربه و هو يحاول يوصل لها
و نا مسكتها مع يدها و فتحت باب غرفتها و قلت خذي عباتك و جوازك و طلعي .. طلعي .. لكنها
واقفه مكانها ما تحركت تطالع بقفا ماجد و سعود يحاول يخرجه من الشقه وهو يصرخ بقهررر
و الله لاذبحها الخاااينه .. وهو يسب و يشتم بكلام بذيئ ما ظنيته يطلع منه ..
وهو طاله من الشقه حلف انه يذبحه و جرى لبرا و طلع من البيت بعد ما فك نفسه من سعوود .. جرا
سعود وراه برا الشقه ..
وتا اطالع بمشاعل و دفيتها لداخل الحجرة ونا وراها ما كنت اشوف شئ قدامي و فتحت الكبت و طلعت
عباتها .. سألتها عن جوازها ما ردت علي .. ما عرفت وووين اروح فتحت ادراج التسريحه ما فيها
شئ بالنهاية شفت خزنه صغيره .. و لقيت مفاتيح بالدرج خذيتهم و حاولت افتح الخزنه طلعت
جوازها .. و خليتها تلبس عباتها غصب .. و خرجتها برا العمارة ونا اسحبها وراي ..
و هي عند باب العمارة الخارجي .. قلت لها
: ليش خنتيه ؟؟ وهو يحبك و يموت عليك ؟؟ ما نقص عليك شئ .. ليش ما تردين ؟؟
طلعي و لا تردين لانه حالف ان شافك ذابحك ... وبيضيع عمره بسبتك .. شلون انخدعنا فيك و
بمظهرك و براءتك اثريك خبيثه و الخبيثات للخبيثون .. حطيت جوازها بيدها ..و طلعت خمسمية ريال
و حطيته بيدها .. كانت تناظرني بطريقه
ما عجبتني مدري ليش خفت من نظرتها تحركت .. و سمعت بداخلي صوت يقول لي لا تخلينها تروح
يمكن .. يمكن ..
بس هي تحركت و مشت و نا من الخوف ظليت واقفه برا و اتصل بسعود و هو ما يرد ...
انتظرت الا سعود اتصل يقول لي اتصلي بعلي اخوك ياخذك و قفل السماعه .. اتصلت بعلي اللي
استغرب من تواجدي بهالوقت هنا و ش اللي صار قلت له ان سعود عنده شغل و ما يمدية يجيني ..
كان يتكلم معي بالسيارة و عقلي مو معه .. يبيني استفسر من أصيل ان جاء خطبها بتقبل و لا
شلون .. لكن عقلي مع خالي ماجد .. يا ترا شصار عليه ...
اتصل علي ثاني يوم سعود و يقول ان ماجد نايم بالمخيم .. تو قبل شوي نام .. و ما يقدر يتركه لان حاله ما يسر ..
سألته عن الرجال اللي كان بيذبحه ماجد .. قال ان الرجال صار عليه حادث وهو بالعناية المركزة
و حياته بين الحيا و الموت .. رد البيت سعود بالليل تعبان .. سألته عن ماجد يقول يوم صحيت من
النوم .. ما حصلته دورته بكل مكان ما لقيته ...
وللحين ما حصلناه .. خايفه يا نجود له اسبوعين الحين وهو مختفي .. اخاف يكون صار له شئ ..
نجود " صدق ان اللي سمعته من مشاعل وهي تسولف مع البندري صدمني .. بس ما تخيلتها توصل
لهالدرجه .. تخونه في بيته .. شلون قلبها طاوعها ..
مر شهر على اخوك وامك تصيح من الخوف على اخوك و خصوصا لما انتشر خبر طلاق ماجد لمشاعل
.. اقولك محد صدق .. معقول يطلقها ليش وش السبب .. ما كان احد يدري بالموضوع الا منور و
سعود و انا و بس ... ناس بانت الفرحة بعيونهم و ناس تضايقوا لهالخبر .. ونا كنت خايقه على
اخوي و احس بضيق ما تتخيله .. زواجي باقي عليه اسبوعين و اخوك ما شرف .. قلت لامي ان ما
حضر ماجد موب متزوجة .. لكن ابوي رفض و جيت انت بيوم الزواج .. تذكر يوم شفتك و ضميتك
ونا اصيح ... كنت بعلمك بس ابوي حالف علي ما قول شئ ... لحظة زفتي لما شفتكم جميع دخلتم الا
ماجد قلبي تقطع حسيت ان فرحتي ما صارت فرحه بس بعدكم بشوي دخل ظنيت اني بحلم ..
خميته بقوووة و صحت من الخاطر وهو يمسد على راسي .. صحت على شكله اللي باين عليه الهم ما
عرفته انه هو ماجد اخوي اللي الكل يحسدني عليه و الكل تمناه .. تغير عيونه ذبلانه و ما فيه يقول
كلمتين على بعض .. شفت ابوي يناظره بشفقه و بنظره ثانيه .. ما عرفت وش يقصد بها .. كان
ابوي جنبي يتصور معي قلت له تكفى يا يبه طلبتك لا تزيده اللي فيه كافيه عشاني ..
ابتسم ابوي .. و قال ان شاء الله ..
فهد : من يوم عرفت بالموضوع نار بداخلي تنهش بلحمي و عظمي .. ليش يطلقها
وش سوت عشان توصل لدرجة الطلاق ..
كملت نجود : مرت الايام و نا تزوجت .. و فاطمة بعد تزوجت و سافرت .. قبل لا تسافر بيوم لما
تجمعنا مع بعض كان بداخلها شئ بتقوله و سكتت ما قالت شئ ..
و سافرت .. تناسينا مشاعل و حياتنا معها و كفينا حياتنا الطبيعية بس اللي يده با لنار موب مثل اللي
يدة با لماء .. ما كان يتعذب الا اخوك .. بعد شهر من الزواج عرفت اني حامل .. استانست و فيصل
بعد حتى ماجد لما عرف استانس علي .. بس ماجد ما عاد مثل قبل صار اكثر جدية و الضحكه ما
نشوفها ما غير ابتسامة ميتة على وجهه .. قلبي كان يوجعني عليه .. و اللي عرفته انه ما عاد دخل ا
لشقه ابد .. و سكن ببيتنا اللي بالرياض و معظم وقته يا بالبر و لا بالمخيم و كثير ما كان ينام بالمخيم
و حياته ما بين اصحابه و جلسات الخلوة مع نفسه .. حتى الوناسه ما عرف لها طريق .. منور تتصل
فيه ما يرد عليها الا بطلوع الروح تحاول تناقره ما يناقرها مثل العادة اتصلت فيني تصيح تقول ان
ماجد اللي قبل مات .. تقول مستعدة اتحمل كلامه و قرصات اذنه و كل شئ بس يرد شرات قبل
مع كذا ابوي ما سأله وش السبب اللي خلاه يطلقها الكل ما سأله لانهم يدرون بعصبيته و انه ما يحب
يتدخل بالغير و لا يحب احد يتدخل فيه ..
جبت ولد و سميته على اسم بو فيصل خالد .. و ماجد يحبه و يموت عليه و صار دوومه عندي
خصوصا ان بيتي ما فيه غيري و فيصل يعني ما بيضايق احد الا ياخذ الولد عنده و ينتبه عليه
و ما صار يجتمع بعيال منور لانهم يذكرونه بمشاعل .. اللي صار ..
ردت فاطمة الديرة و صلحت جمعه و رحنا لها ... فمسكت منور بعد ما اراح الكل و اصرت عليها تجلس شوووي و كانت مرتبكه ... بعدها خبرتها عن كل اللي صار بينها و بين البندري وش اللي سوته مشاعل عشانها ..و قالت ان ضميرها يأنبها ... مع انها ما تعرف شلي صار بين مشاعل و زوجها بس خايفه تكون هي سبب و لا البندري لها يد لانها حلفت لا تحطمها مثل ما بعدتها عنك ..
و اللي عرفته انك انت بعد تعرف بموضوع فاطمة لانك كنت موجود ...
نزل فهد راسه و قال : قلت لكم ان مشاعل بريئه مستحيل هالوجه البرئ يخطي ..
نجود بغرابه : انت شفتها ؟؟
فهد و ظهره على نجود : بالصدفه .. كملي ..
نجود : منور يوم عرفت شكت بالموضوع و ما ارتاحت ابد .. و بدت تسترجع اللي صار ..
جلست حوالي الاربع ايام تفكر بالموضوع بدون ما تخبرني .. بعدها اتصلت فيني و قالت لي انها
جايتني خبرتها باني خارجه رايحه لبيت ابوي لانهم امس ردوا من القصيم .. و عيت علي تقول لي
اليوم جلسي و باكر بنروح لهم سوى .. بعلمك شئ ضروري .. و بالعافيه رضيت ..
جتني و خبرتني بالسالفه كلها .. شلون البندري هددتها .. و انا علمت منور على اللي سمعته ذاك
اليوم من حوار بين البندري و مشاعل ..
حتى لو كان مشاعل مالها علاقه بالرجال اللي طلع من عندها ليش ما تكلمت و دافعت عن نفسها ..
الشئ الثاني ليش قالت بالسانها انها تحب واحد قبل و بعد الزواج .. وللحين تحبه و مستحيل تحب
غيره ... هالالغاز لخبطت راسي .. و منور بعد تقول ..
منور : للحين نظراتها و هي تطالعني محسستني اني ظالمة .. جود عمر يما ظلمت اخاف اكون ظلمتها
خاايفه .. من يوم كلمتني فاطمة ونا عايشه بقلق .. لازم نشوف لنا حل ..
نجود : انزين ضروري نشوف فاطمة الحكاية لها سنة الحين ..
قاطعتني منور : سنة و شهرين .. يعني عمر .. خلص انا بتصل بفاطمة و نشوف .. وين تبيها تجي ؟؟
نجود : في بيتك و لا بيتها .. بيتي لا لان ماجد يمكن يطب باي وقت ..
منور : انزين اتفقنا ..
كلمت منور فاطمة و قالت لها ما تقدر هالاسبوع لان وراها اشغال واايد .. حاولت فيها منور و انت
تعرف منور ان بغت شئ تاخذه .. بالنهاية رضت يوم الاربعاء تجي لبيت منيرة ..
و فهمت منها السالفه .. قلت لها ..
نجود : لو صدق بتريحين ضميرك و تردين جميل مشاعل لك تساعدينا .. وافقت
اتصلت فاطمة بالبندري و كان ميكرفون التليفون شغال ...
البندري بمياعه : هلاااا ..
فاطمة : اهلين بالبندري ..
البندري : من معي ؟؟
فاطمة : افااا .. نسيتي صوتي .. نسيتي فطووم اللي لعبتي عليها و هددتيتها و بهذلتيها لو ما الله ثم
مشاعل ..
قاطعتها البندري : كان الحين انتي تحت رحمتي .. ههههههههههههه ..
منور و انا نطالع ببعض هذي ليش تسولف كذا كأنها مجنونه .. صوتها و طريقتها بالكلام غريبه من
جد غريبه ..
فاطمة : و ليه الضحك .. ما ظنيتا ني قلت نكته ..
البندري : ابد قلبي .. بس ذكرتيني باللي مضى ..
فاطمة : اللي مضى ما فهمت ..
البندري : يا بعدي من متى تفهمين انتي ... لو انك تفهمين كان ما صار لك اللي صار ..
فاطمة : صدقتي ما يفهم لك الا مشاعل ..
البندري بقرف : سكتي لا تطرينها .. ووووع ما دريتي شصااار لها .. تطلقت يا حظي ..
كانت منور تمسك كف يدي بقووة و تضغط عليهم و تقرب اكثر للتليفون ..
فاطمة : و يعني تطلقت شصاار .. موب اخر وحده تطلق .. سوء تفاهم بين زوجين ..
البندري : ههههههههههههههههههههههه " بخبث " و الله يالشيخه فاطمة سوء تفاهم ..
يا قلبي سوء التفاهم ما يطلق حبيبين ..
فاطمة باستدراج : اجل وش السبب ؟؟؟
البندري " بقهررر " : لظانها خاااينه .. خاينه ..
فتحت منور عيونها بصدمة ما كانت اكبر من صدمتي و حسيت ان فاطمة ما انصدمت كثرنا يمكن لانها
تعذبت مع البندري و تعرف طبعها ...
فاطمة ببرود : خاينه شلوون ؟؟
البندري : حصلها زوجها و هي عريانه و طاله من شقته غريب كانت تخونه عل نفس السرير اللي هو
عليه ..
فاطمه بغيظ : سكـــتي .. كذااااااااابه .. مشاعل اطهر منك يالوووسخه ..
تفاعلت فاطمة بالموضوع و انقهرت على مشاعل : تحسبين اني هبله ما افتهم .. ادري انك ورى كل
اللي صار لها . .. انتي مجنووونه .. مجنوونه ..
البندري بانفعال : انا مو جنووووووووووووونه .. كم مرة اقولك اني اعقل منك .. تفهمين ...
وايه انا اللي خليتهم يبتعدووون .. انا ... نسيتي شسووت فيني خلت فهد يكرهني فضحتني قدامه ما
راعت كوني احبه .. ما راعت حبي و مشاعري له .. دمرتني ..
ونا رديت لها الصاع صاعين هي اللي بدت .. هذي جزاتها .. خذت قلبه و عقله و الحين حتى ما صار
يواطني بسبتها .. خلها تذووق نص اللي ذقته .. مسويه فيها مصلحه اجتماعيه ..
كرهت فيها نجود و الحين منور و اصيل و ماجد و هذا الاهم ماجد ما عاد طايقها و طلقها و ما يبيها
.. و ان شاء الله تموووت حسررررة ..
جت منور تصرخ و تتكلم سكرت فمها بيدي و اشرت لفاطمة تقفل السماعه . ..
قبل لا تسكر فاطمه قالت لها : حسبي الله و نعم الوكيل حسبي الله على الظالم و سكرت ..
و خرت يدي عن فم منور وشفتها شلون نفسها ضاق و وجهها احمر خفت عليها ..
منيرة .. منيرة شفيييك ؟؟؟