|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
صرخت على فاطمة اجري جيبي كاسة الماي و خذيت الميا و طشيته عليها .. هنا صااحت منيرة .
يا ويلي ظلمناها .. ياويلي .. و فاطمة بعد صاحت اما عني كنت اصيح و الضيق لاف قلبي لف ..
و منيرة و تولول و تصيح و تقول يا ويلي من ربي و تخبط وجهها بكفها يا ويلي ..
كانت تناظرني و ساكته ما دافعت عن نفسها ليش ما دافعتي عن نفسك ليه ..
يا ويلي .. ويلي من ربي .. و يا ويل حالك حالك يا خالي بتتعذب .. صرخت على منيرة بس عيت
تسكت .. ما قدرنا نتفق على شئ .. كلا راح لبيته و نا بداخلي فوضى غريبه على نفسي ..
حاولت افكر بس ما قدرت لأن تفكيري يروح لمشاعل و شعورها بالظلم ..
طيب لو كانت مظلومه ليش قالت انها حبت واحد قبل لا تتزوج و للحين تحبه و مستحيل تحب غيره ..
ليش ما دافعت عن نفسها ...و الرجال الغريب اللي خرج من الشقه معقول يكون .. أذاها ..
انصدمت من هالنتيجة ..
ليش هالكلام يترردد براسي .. بعد كم يوم اتصلت بمنيرة اللي مرضت بسبب الموضوع و بعدها
بفاطمة و اتفقنا نتصل على كل البنات و عيال عمي و أخواني و حريمهم و ماجد أهم الموجودين و
نتواعد ببيت أبوي بوسط انشغال الجميع بنتسحب و بنسحب معنا
البندري و كانت هاي خطتنا ...
وهذا اللي صار .. فضحتها قدام الكل ..
فهد : شــ .. شلوون ؟؟
نجود .. : حسب كلام فاطمة البندري حذرة مع الكل و ما تثق حتى بنفسها و هالشئ حليفها ..
قلت لها بتخلي هالصفه ضدها ..
عادي كنا نسولف و مستانسين .. اصريت ان الحريم و البنات كلنا نطلع لفووق بالصاله اللي فوق ..
و الرجال يدشون دااخل ... لان الجو براد .. ما رضوا بالبدايه بعدين نقت عليهم منور ان رضوا ..
و حسب كلام فاطمة تقول اكيد بتتميلح البندري لان فهد بيكون موجود و هالشئ يمكن يكون لصالحنا و
يمكن لا ..
قاطعني فهد : لاجل كذا ارسلتيني لبرا و ما حضرت المسرحيه اللي صارت ..
نجود : ايه ..
طبعا منيرة مشرفه على الدور اللي تحت تبع الرجال ونا فوق عند الحريم و فطوم خليناها مع البندري
لانها تعرف لها .. بمساعده سعود زوج منيرة هو الوحيد اللي يدري بالموضوع قبل و بعد ما عرفت
منور الحقيقه خبرته وساعدنا .. انت تعرف ان بالصالون اللي فوق ابوي مصلح مكبرات صوت لكل
دور مرتبط ويا بعض و منفصل عن الدور اللي تحت تابع للاستديو .. سعود ركب لنا موصل بين فوق
و تحت .. و وصل الاستديوا بحجرتك و كل صوت يطلع من هناك بيوصل لنا عن طريق مكبرات
الصوت الموجوده بالاصل من قبل بس اللي زادهم هو التوصيل بين فوق و تحت ...
فهد : متى صلح سعود كل هذا ؟؟
نجود : من يومين كل يوم بالليل و بالقيلوله لما ابوي و امي يرتاحون و ماجد وانت عندي و يوم
تطلعون اتصل على منور و اخبرها .. فتخرج مع زوجها لبيتها ..
فهد : انزين ...
نجود : كنا ننتظر أي حركه من البندري .. بدون ما تنتبه لنا ... و وقفت البندري بتصلح مكياجها و
بالطبع كالعادة ما اختارت الا حجرتك و هالش ما كنت انتبه له قبل لو ما فطوم علمتنا و صدقت بكلامها
خفت ان فطوم تصلح معنا مثل ما صلحت مع مشاعل يوم كانت تخبر البندري باخ رالتطورات بس هي
وعدتنا و قالت قبل كنت خايفه بسبب المقطع اللي مهددتني فيه بس الحين ما عمدي شئ تهددني فيه و
معروف مشاعل للحين برقبتي لزوم ارده لها ..
بعد بثواني راحت فطوووم ... وراها .. و بهاللحظه تحركت منور لعند الدرج تتصل بسعود عشان يفتح
الموصل .. وعني رحت للمكبرات الصوت .. اتفقنا حنا خلال خمس دقايق نبدء ..
طلبت من الكل يسكت لاني بعلمهم شئ و كان صوتي واصل لتحت عند الرجاجيل بعد .. و قلت
ماجد يا خوووي .. اسمع و تأكد .. و بعدها سوي اللي تبي ..
سميت بسم الله و فتحت موصل حجرتك بالمكبرات .. و وصل لنا صوت فاطمة ..
: وش اللي استفدتيه يوم فرقتني بينهم ؟؟؟
البندري : .....
نجود : خفت ليش ما تكلمت لا يكون عارفه بخطتنا ...
منور : لا يوكن فاطمة فضحتنا ...
لكن جاني صوتها و هي تقول ..
البندري : يكفيني انها تذوووق الويل .. يكفيني تنام بعذاب و تصحى بعذاب اكبر ..
فاطمة : وش ذنب ماجد يوم تعذيبنه معها .. وش ذنبه يالبندري ..
البندري : تصدقين عاد ما فكرت بهالشئ .. بعدين ليه يتعذب عشانها فيه مية غيرها يتمنونه ..
فاطمة : مالقيتي الا هالطريقه عشان تبعدين مشاعل عن ماجد ..
نجود : كان الكل يسمع بس من يوم طرت البندري اسم مشاعل الكل يتلفت يناظر بعض و الدهشه عل ملامحهم و اولهم امي اللي دمووعها على خدودها ..
البندري : تصدقين عاد انا ما قلت للحمار مسفر اللي ارسلته يغتصبها انا قلت له بس ادخل عندا بوقت
وصول زوجها لكنه حيوان ما قد شاف مرة و عجبته فقال خلني استانس معها ..
فاطمة " انصدمت من كلامها .. يعني مشاعل اُ غتصبت .. "
فهد " ضغط على قبضة يديني بقوووة .. مستحيل بذبحهاا .. بذبح البندري .. " : كذااابه ..
مشاعل ما فيها شئ ... تكذب عليكم ..
نجود : الكل مو انصدم الا حسيت العيون طالعه براا .. خفت من ردة فعل ماجد لها لكلمة ..
البندري: عموما مو ذنبي صدقيني انا ما قلت له تسلى بها بس ربي اراد هالشئ و صار ..
عموما تطلقت و انتهى الموضوع .. وانتي شكو منصدمة ... عادي ترا .. من سنة الموضوع
و ماجد ما اظن انه يبيها بعد ما توسخت و لمسها غيره و لا اظنه يحبها هذا ان ما نساها ..
فاطمة ما شالتني رجليني جلست على الارض بتعب و صدمة .. الله ياخذك يالبندري ..
ذبحتي ماجد بكلمتك و ذبحتي مشاعل قبل بفعلتك .. كل هذا حسد .. كل هذي غيرة ..
نجود " من هول الكلام اللي قالته و ما قدرت و قعه على الغير معذورة ما تعرف ان الكل سمعها
ما شفنا الا ماجد بوسط الصاله و الكل يتغطى و اللي ما تغطت و عيونه محمرة مثل الجمر
يطالع بالجميع الى ان استقر نظره علي و بصوت كل تعب و ندك و غيظ و قهررر ..
: وووينـــهــاااااا ؟؟؟
نجود : خفت عليه و منه ... كنت متأكده لو شافها بيذبحها .. شوي الا ابوي جاء و عيونه مدمعه
و انا ساكته ما ارد .. صرخ علي ماجد و على منيرة ..
ووووينهاااااااااااااااااا ؟؟
ابوي : لا تصرخ بوجودي .. تفهم ..
ماجد بعصبيه ما عاد يشووف احد ... : لا ما افهم .. بصرخ و اصرخ و اشوف من يوقفني ..
و بذبحها بعد .. وش بتسووون .. ما عندي شئ اخسره خسرت كل شئ ..
امي من بين دموعها : صلي على النبي يا ولدي ..
ماجد : لااااااااااااااااااا .. وينهااا .. علموووني ..
و بصوووت عالي : البنـــــــــــــــــــدري .. طلعـــــــــــي ..
فاطمة ارتجفت لما سمعت صوت رجالي ينادي البندري قلت اكيد انه ماجد .. ما تعرفين شلي سويتيه
لنفسك ..
فزت البندري من مكانها و بتطلع مسكتها و منعتها اخاف يذبحها ..
ابوي : لا ترفع صوووتك البيت له حرمات و انت بمجلس كله حريم انزل .. انزل الحين و بنتفاهم عقب ...
ماجد و دموعه مجمدة بوسط عيونه و دمه يغلي : ووووينهااا .. طلعي .. بذبحها قدامكم عشان تكون
عبرة لغيرها .. بنت الــمجنـــــــونه ..
و ما شفت الا كف ابوي على وجه ماجد صرخت و مدري منو بعد صرخ معي ..
ماجد نزلت دمعة يتيمة من عينه لطرف رموشه و مسحها و بقهر العالم اللي بدالخه سنة
انفجر : اضرب .. اضربني .. ادري اني موب كفوا .. اصلا انت متى حسيتني بحياتك اني كفوا لشئ
زوجتني غصب و رضيت و يوم تعلقت فيها و صارت كل اللي ابيه و اتمناه بالدنيا بسبت بنت عمتك
بنت المجنــــــــونـــه .. فقدتها عذبتني و خلتني اظلمها .. هجرت ربعي و ناسي و هلي
هجرت الانسانه اللي علمتني اني احب و انسى و اعفزا و اسامح .. هجرت الوحيدة اللي حسستني
بأهميتي .. الوحيدة اللي يوم انام تضمني يوم اكل تذوق اكلي قبلي تخاف علي من روحها ..
والحين يوم باخذ بحقي و حقها تمنعني ادري ما كنت المفضل عندك .. انت تظن اني
فاسد و الله اني ما غلط بحياتي مثل ما انتي تظن .. بسببك ضيعت علي فرصتين بحياتي
الاول و سكت عليها (( يقصد الريم )) و الثانيه ما بسكت ابد .. ابد ..
الله يسااامحك .. يا ابوي .. يا تاج راسي .. يا قدووتي بالدنيا .. الله يسامحك .. نزل من الدرج
بسرعه ... و خرج من البيت .. حاول احد يلحقه بس هو اختفى بسرعه ..
اعتذر الكل و طلع حتى منور خذاها سعود و طلبت منها تاخذ خالد ولدي معها و خذته ..
و البندري طلعت من الحجرة و طالعها ابوي و تفل بوجهها و قال
: راعيتك و ربيتك .. دلعتك و صرفت عليك .. اعتبرتك بنتي وانتي شسوويتي دمرتي ولد اللي من
صلبي .. تحسبين اعراض الناس لعبة .. كل هذا عشان شنو ؟؟
ولا سبب بالدنيا كلها ما يخلي عاقل يصلح اللي سويتيه ..اللي ما يعرفه احد انك صدق مجنونه .. خبيت
كل ملفاتك اللي بالمصحه عشان لا احد يعايرك بها .. ماكان يدري بالموضوع الا فهد و متعب
و طلبتهم ما يخبرون احد .. كنتي مريضه نفسيا و عالجناك و دلعناك و عطيناك اللي تبين
قال الدكتور راعوها لان ان ما رعيتوها ممكن تصير بجد مجنونه لان امها مريضه بالجنون
و ممكن تكون وراثه بس عمري ما اعتبرتك مريضه .. الا كنت اقول انك عاقل ..
لا بارك الله فيك .. و حرمك الدفا
طلعي من بيتي .. طلعي ..
نجود " كلام ابوي خوفني و صدمني بعد .. اليوم يوم الصدمات يا فهد .. كنت تعرف بمرضها عشان كذا
سكت عليها يوم عرفت بتهديدها لفاطمة و ما صلحت لها شئ ؟؟؟
فهد : ايه .. عشان ابوي خذا مني وعد .. كنت اراعيها كأخ بس هي خذتها لمنحى ثاني و اعتبرتني
اكثر من اخ و هذا مو ذنبي .. مستحيل افكر فيها
نجود : عمتي مسكينه كانت تصيح بقهر .. و تقول ما عرفت اربي .. ما عرفت اربيها .. عشان كذا
ربي ما عطاني ذريه ..
راح الجميع حتى اخواني .. و ظليت مع ابوي اللي تكلم و قال ..
: ظلمت اخوي مرة .. و ما زوجته باللي يبيها و راح ما عاد ر د .. و الحين ماجد زوجته غصب عنه كنت بريح اخوي لكني ظلمته هو ما يدري بغلاته يا ام ماجد كنت اشوف فيه شكل اخوي كنت اضغط عليه اخاف يكون مصيره مثل اخوي ما دريت اني وصلته لنفس مصير اخوي .. ذبحت ووولدي يا ام ماجد ... ذبحته بفعايلي ..
سا محني يا ماجد يا ولدي .. و فجأة مسك صدرة و وطاح بالارض و بعدها اتصلنا فيك و انت شاهد على الباقي ..
فهد " بعد كل اللي انقال و سمعته .. تأزمت أكثر و قلبي تولع ازود .. و حن على اخوي لأنه معذور ..
وقفت بمكاني بعد ما كنت جالس ..
نجود : على وين ؟؟ بتنام ؟؟
فهد : لا .. بروح لخوي ..
نجود : ماجد ؟؟
فهد : ايه .. ما فكرتم وش بتكون حالته الحين ..
نجود : وين بتحصله بيختفي مثل قبل ..
فهد : قلبي يقول لي انه بمكان احس اني اعرفه .. و بحصله ..
حرجت ونا براسي مقرر وين اروح
يتبـــــع ...
|