|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
ظلمتني بدنيتك يالغلا عسى الله يهنيك بغاليك "
تفتكر لليوم وش منك خذيت؟؟؟
غير صمت وحزن وآهات ومواجع.......
قلت ماأنسى ولكنك نسيت!!!!!
كل كلمة حب تعيشني بواقع.......
الناس حياتهم أفراح و ناس بسبات و ناس تتعذب و ناس ما زالت بذكرياتها ..
ناس و ناس .. و ماجد بعالمــه .. عالم هو اللي أختاره بقمة عصبيته و غصب عن مشاعره
فتحت باب الشقة و كانت شعولتي قدامي ابتسمت و فتحت ذراعي لها .. و هي لافة يدينها ورى ظهرها
و مادة البوز ..
ماجد : كذا يعني ما تبين تخميني ؟؟؟
مشاعل : ليش ما انت تجيني و تخمني نفسي يوم بس انا اللي ادخل و انت تتكشخ و تنتظرني
ماجد بضحكه : تحلمين يا قلبي هذا الدور لي انا و بس ..
مشاعل بنص عين : لا ياشيخ ..
ماجد قرب منها و لف خصرها : اموووت باللي تغار علي و مني ..
مشاعل : يا سلام اغار عليك ايه بس منك لاا ..
ماجد : و الله ..
مشاعل : ايه بتشوف بيجي يوم ادق جرس الباب و انت تفتحه لي ..
ماجد : نشوووف ...
و برنة جرس الباب فاق ماجد من ذكرياته يناظر بالممر بعدها خطر بباله يمكن تكون مشاعل اي اكيد
هي وقف و ركض لعند الباب ظنا منه انها ممكن تكون هي ..
لانها قالت بيوم هي تدق الجرس و هو بيفتح جرى للباب و كله امل .. فتحه .. و ابتسامته
العريضه المليانه حنين اختفت بلمح البصر .. بمجرد ما شاف منو اللي عند الباب ..
مــاجد : فهد ..
فهد : شلوونك الحين ؟؟؟
نزل عينه للارض و ترك الباب و دخل داخل.. وجلس بالارض و الكتاب بحضنه يضمه بقووة و
مسند ظهره للجدار .. تقطع قلب فهد على اخوه .. و عيونه تلمع من الدموع الجامدة اللي عيت تخرج
فهد " ما تحملت قربت منه و ضميته بس هو كان جامد كأن جسده معي بس روحه بمكان ثاني ..
عند العرررووس ايه عروس البحر الاحمر .. باربي السعودية .. جدة ..
دانــــة : بندر يالله .. شيخه من الصبح تتصل ..
بندر : خلص عيوني دقايق و اصل ..
وصل بندر و ركبت دانه و راحوا لشيخه ..
بندر : قلبي زعلانه .. كلها دقايق .. تعرفي تعبان امس ما نمت و كله بسبــ .. و سكت
دانه : كمل قول بسببي انا جننتك مو ؟؟ اصلا محد يتحملني الا مشاعل و ديني لورد دحين دحين
وديني لها ...
بندر " لا حول و لا قوة الا بالله " : ان شاء الله .. اهدي ..
نرد للرياض ...
فهد : قم .. يا خووي .. قم ... مقدر اشوفك وانت كذا ابد .. تكفى لا تقطع قلبي اكثر من ما هو عليه
.. قم يا اخوك .. مسكه من اكتافه بقوة و وقفه و قال : ناظرني .. طالع بعيوني ...
ماجد و لا هو معه اصلا ...
فهد : مااجد طالعني .. لا تحاتي بجيب لك مشاعل ..
ماجد " من يوم سمع اسمها رفع راسه ..
كمل فهد : لا تحاتي بنروح لهم و بنردها لك ...
ماجد بضياع : الريم .. مشاعل .. شعولتي .. ريومتي .. كلهم .. هم .. واحــ واحد ..
"و بابتسامه ضعيفه " : راحوا .. ظلمتها .. بس أحبها .. و هي بعد .. انا ادري انها تحبني ..
هي قالت .. بتنتظرني طول العمر ..
فهد بتشجيع مع اني ما فهمت نص كلامه : شفت هي قالت لك بتنتظرك و انت تأخرت و لزوم ما تتأخر
أكثر انزين شرايك نروح لهم .. اكيد جالسه تحتريك ..
ماجد" بعفوية و امل كأنه طفل صغير فقد كل الثقه بنفسه من بعد فقده لها " : صدق ؟؟؟
فهد و دموعه نزلت و بابتسامه امل : ايه صدق بتشوف .. لكن بمهر جديد و بعقد نكاح جديد بعد ..
ماجد باستغراب : بعقد جديد ؟؟؟؟
فهد : ايه .. شفيك بو نواف .. دامك مطلقها و لك فوق السنه مطلق لزوم تعقد عليها من جديد ..
ماجد " بصدمة ": اناااااااا .. من قال .. مشاعل زوجتي .. و عمري ما طلقتها ..
فهد بصدمة تماثل صدمة ماجد : من جدك تسولف ؟؟
ماجد : أي نعم من جدِ .. مشاعل زوجتي و ما قد قلتها بإفمي و لا نطقها لساني و لا حتى ارسلت لها
ورقة طلاق .. مجنون انت .. اقول لك احبها ما قدرت اطلقها ..
فهد بفرحه : وليش ما تكلمت من الاول .. تدري ان الكل يظنك مطلقها ... اجل حلووو
يالله شد حيلك و تجهز بالاول بنروح لابوي و بــ ..
قاطعه ماجد بعصبيه : لااااااااا .. ما ابي تبي تروح له .. روح انت بس انا لا ..
فهد : ماجد هذا ابونا مهما صار ...
ماجد : لاااااااا .. هذا ابوك انت و بس .. ما همه الا انت و اخواني اما انا فبنظره صايع ضايع ..
و بزر يزوجني كيف ما يبي ... و يوم بغيتها و حبيتها بنت عمته خربت حياتي كنت باخذ بحق حبيبتي
و زوجتي لكنه كفخني و طردني بدال ما يوقف معي .. عشان هالقذرة بنت الكــ .. ..
فهد : مااااااااجد ما يجوز اللي تقوله ابوها ميت ..
ماجد : لا و الله ما يجوز اجل اللي سوته يجوز .. حرمتني من اللي تموت فيني ...
شسووت لها قول لي .. مشاعل حنونه ما قد شفتها آذت احد تحب الخير للكل ..
ابوها ميت ليته اخذها معه و ريحنا منها ..
فهــد : ماااجد لا تظلمها ..
ماجد بدهشه : انا اظلمها ؟؟ تقصد المجنووونه ....
فهد يقاطعه بجديه : ايه .. البندري مريضه ..
ماجد باستهزاء : لا و الله اجل احمد الله ..
فهد : استغفر ربك الله لا يبتليك .. هي مريضة نفسيا ..
تذكر و حنا صغار كنت دوم احن عليها انا و متعب وابوي ما يخلطها بخواتي كثير و لا بنجود
نفسيتها تعبت اكثر .. يوم كانت صغيرة تشوف امها تكسر الدنيا و تخبط بنفسها
و تصيح .. و أكثر شئ أثر فيها يوم شافت امها تذبح القطووة قدامها و تسب و تلعن ..
ماجد بصدمة : أم البندري ؟؟؟
فهد : ايه كانت تجيها حالات بعد ما تزوجت رجلها كان يطقها و يتركها تصيح و هي حامل
و احيان يتركها بالعتمة نفسيتها تأزمت و لما جابت البندري تعبت اكثر بسبب زوجها و هي بعد ما كانت
صغيرة عمرها 38 سنة .. توفت بعد وفاة زوجها بسنه .. بسبت الضرب اللي تضربه نفسها .. بسبب
الحالات اللي تمر فيها .. كان عمر البندري حوالي 10 سنوات .. لما توفت امها و ابوك تولاها ..
و سلمها لعمتي عشان خاف ان البندري ورثت شئ من امها خصوصا كانت تجيها حالات تكسر كل شئ
قدامها مثل امها بس مو بكل وقت بس لما تعصب فخاف على نجود منها لانها بعمر نجود ..
و رضت عمتي تربيها مع مرور الايام و السنين تعدلت و كانت هادئه استانس ابوي و صار بأي
زواج او عزومة يناديها و اختلطت ببناتنا .. بس ما كان يدري انها تحقد بداخلها و المرض ما زال
يكبر بس داخليا و ما تظهر شئ قدامنا ... لكن الحين بنفسي بشرف على علاجها و بكلم الدكتور اللي
كان مشرف عليها و اذا مالقيته بشوف احسن دكتور و اكلمه و اخذها لعنده ...
"بتردد " ما دريت شصار لأبووي ؟؟
التفت ماجد لفهد بخووف .. خايف يفقد اكثر و كله بسبب هالعصبيه ..: ....
فهد : ابوي بالمستشفى .. لا تخاف هو بخير .. جاته جلطة بالقلب لكنه الحين ان شاء الله زين ..
و خلال 48 ساعه ان شاء الله يصحى بالسلامه و بعدها بأروح معك نرد مشاعل لك ..
ماجد : ابوووي .. انا السبب ..
فهد يهدي على اخوه : لا انت مالك خص .. هذا قضاء و قدر و الحمد لله قدر الله و ماشاء فعل ..
ماجد : برووح له .. وجاء بيمشي مسكه فهد ..
فهد : الحين بيأذن الفجر بنصلي و بعدها بتروح معي للبيت نغير ثيابنا و نروح لابوي لان امي
مواعدها اوديها الصبح ..
اذن الصبح و توضيتا و سبقت ماجد للمسجد و هو بالبيت ...
ماجد " مادخلت اكرمكم الله حمام حجرة النوم دخلت حمام الضيوف و توضيت و انا طالع من الشقه
طالعت حولي و و كل ركن يذكرني فيها ..
أشوفك وين يا مهاجر .. قلي بأي بلد صاير
أشوفك وين يا مهاجر
فراقك مو سهل عندي .. ولا هي ازمه وتعدي
تعال وطيب الخاطر ..
اشوفك وين يامهاجر
فراقك علة العله .. عقل بالراس ما خلا ..
يوم ان هاجرت والله
تفطر قلبي وصرت شاعر .. وانت بهذا ما شاعر ..
اشوفك وين يامهاجر...
مثل طير بقفص وحده .. تبرى الشجر من عنده
غصب عنه رضى بوعده .. زمانه اش جاب وش ودا
بهذا البيت واركانه .. الك صوره على جدرانه
وانا اللي مو انا بغيرك .. وغلاتك ماعشقت غيرك
يا امس وحاضر وباكر ..
اشوفك وين يا مهاجر
.
::
.
متى ترجع ليالينا .. وسوالفنا واغانينا
ووعدك يالوفي وينه .. حبيبي ليش ناسينا
حبيبي عود لدياري .. وطفي بجيتك ناري
يا اغلى الناس انا عندي .. ياحبي وقسمتي ووعدي
اريد انساك مو قادر ..
اشوفك وين يامهاجر
جايك قريب قلبي .. انتظرتي كثير و ما بنطرك اكثر ..
أوعدك بحطك بقلبي و بخمك لصدري و ما اتركك ابد ..
خرجت لبيت الله اصلي و استغفره لعل و عسى يغفر لي و ادعيه يردها لي و يشفي ابوي ..
****
شيخــه : دانــة حرام اللي تسووينه بزوجك .. ترا مشاعل بتزعل عليك .. ولا عاد تحبك و لا حتى
تكلمك ...
دانه : ما عاد تحبني ؟؟؟
شيخة : بسبت حركاتك انتي كبيرة و حرمة متزوجه .. خافي ربك بالمسكين اللي متبهدل عشانك
.. و تركتها و طلعت برا و على السيارة .. و دموعي تبلل طرحتي ..
طلال : اذكري ربك ... و سكت يكمل الطريق ..
***
بالمستشفى بأقل من 24 ساعه صحى بو فهد ... و المسموح يدخل اثنين اثنين ..
و امه من شافته لفت وجهها كان جاي يسلم عليها بس هي دخلت و تركته ..
اما نجود فالعكس ضمته قدام الرايح و الجاي بالممر و تصيح .. و هو يهدي عليها
مع انه يحتاج من يهديه و محد يقدر الا وحده ...
فهد خرج من الحجرة لانه دخل مع امه قبل شوي و قال : نجود ياوخيتي لا تصيحين هذا هو ماجد بخير و مافيه الا العافيه و ابوي بعد .. ممم عطيتي خبر لاخوانك عن ابوي ؟؟
نجود " هزت راسها بلا " ...
فهد : احسن .. لا تعلميهم بيجلسون يلومون بماجد و بتصير مشاكل خل ابوي يقوم بالسلامه و بعدها
خبريهم لاني رايح مع ماجد مشوار كم يوم ... و طالع ماجد و هو يقول اخر جمله ..
ماجد " فهمت قصد فهد بس قلقان من كل شئ " ...
فهد : جود قلبي دخلي شوفي ابوي عشان تطلعين انتي و امي و ادخل انا و ماجد .. لا تعلمونه انه معي ..
نجود : انزين ..
عشر دقايق و طلعت نجود و قال لها فهد تنادي امي و نادتها ..
ماجد " سلم على راس امه و يدها بس هي ما تطالعه و كأنها زعلانه منه ..
بس الحقيقه اللي ما يعرفها ماجد ان امه صدق ما تعطيه وجه لانها
زعلانه على رجلها و قلبها معورها على ولدها اخر اولادها و اصغرهم تتعذب لعذابه لانها تعرف انه
مظلوم و مرته بعد مظلوومة ..
فهد : يبه شوف من جاء يزورك ؟؟
التفت بو فهد و شاف ماجد ..
ماجد " كنت خايف انه يدعي علي وانا محتاج دعاه خايف عليه يتعب بسبتي .. لكن اللي صار عكس
الي توقعته ..مد يده لي و بعيونه دموووع احتقرت نفسي بوقتها ... رحت له و حبيت راسه ويده و
هو يمسد على شعري ..
بو فهد : سامحني يا ولدي ..
ماجد : تكفى يا يبه لا تعذبني اكثر من عذابي .. لا تصغرني اكثر من كذا .. انا الغلطان سامحني يبه ..
الشيطان ضحك علي و لعب براسي ما شفت الدنيا يوم عرفت باللي صار .. يبه انا تعبان ..
" قالها و التعب بصوته " يبه قلبي يعورني .. و دموعه تنزل بدون ما يحس بها .. يبه روحي عليله ..
ساعدني يا يبه .. بدعواتك .. ظلمتها ... و الظلم ظلمات يوم القيامة ..
و رديت حبيته على راسه و قلت : انت ما تدري و لا انا كنت ادري انك وهبتني عطية
ما انساها طول العمر اهديتني انسانه تمنيتها من زمن ...
و أنا بقلة عقلي فقدتها مرة ثانيه ...
كلام ماجد كان مثل الالغاز اللي ما قدر لا ابوه و لا فهد يفهمونها غير ان عيونهم تدمع معه .. و حط
راسه بحضن ابوه .. و يأن من قلبه على قلبه ..
و بداخله " آآآآآآه .. يا مشاعل آآآآآآآآآآآآآه .. آآآآآآآآآآآآآآآآآآآه " ...
فهد يمسح دموعه و بحماس : يبه شورت على ماجد نروح لهم جدة و نرجعها ..
بو فهد بتعب : الموضوع مهوب سهل .. اخوك طلقها ..
ما كمل كلامه لان فهد قال : لا يبه ماجد ما طلقها ..
بو فهد : الا مطلقها ...
ماجد : لا يبه ما طلقتها ..
بو فهد : يبه ماجد ما يجوز انت مطلقها يـ ...
ماجد : اقسم بالله ما طلقتها و مستحيل اطلقها .. " و بعفويه " .. انا احبها اشلون اطلقها مهما صار ما
قدر اتركها للابد ..
بو فهد باستغراب " شلون قال لي بو مشاعل ان ولدي مطلق بنته ... " : انزين على بركة الله اول ما
اطلع من المستشقى بروح معكم .. و لا تحاتي .. باللي يبونه عطيتهم بس يردون لنا الغالية بمعزة
بناتي و الله ..
ماجد " حب راس ابوة " : فديت راسك يبه ...
فهد : ما يحتاج تجي معنا انت تعبان و الطبيب موصي تجلس يومين بالمستشفى يكشفون عليك
وبيشوفون اذا تحتاج للقسطرة ولا لا ..
بو فهد : بس يبه ما يصير لزوم اروح معكم .. و لا خذ اخوانك كلهم و قول لعمك اني مريض و باذن
الله اجيه ان سمح لي الطبيب ..
ماجد : ما يحتاج احد من اخواني فهد يكفي و يفي ..
بو فهد " فهم قصد ماجد لان اخوانه يحتقرون اهل مشاعل و مشاعل بكبرها عشانها بنظرهم ما
تناسبهم" ...
فهد : يبه ما عليه انا بروح معه ...
***
مر اليوم الاول و الثاني و خرج بو فهد من المستشفى ..
فهد " توكلنا على الله و مشينا بالسيارة أصر ماجد نروح بالبر مع ان الخط طويل بس لانه نذر يعتمر و
يزور الرسول صلوات الله و سلامه عليه .. مع زوجته .. الله يوفقهم ... " ...
ماجد " كل اللي بداخل ماجد كانت احاسيس و مشاعر مجهوووله بس الاكيد ان قلبه ما زال ينبض
باسمها ... " ...
^^^
^^^
وصلنا .. لحدود جدة ... حسيت قلبي بيشق صدري .. مثل اللي طالع مكان عالي و خايف يناظر تحته
يطيح ..
فهد : وش تخطيطك ؟؟
ماجد و قلبي يرقع ما قد حسيت روحي هالكثر قلقان و خايف ..
: بنروح لهم ...
فهد : تريى و لا تستعجل .. الساعة ممم وهو يناظر بالساعه ... 10 و ثلث المساء ما يصلح ..
انتظر للصبح ... و بعدها بنتصل فيهم و ناخذ موعد و يصر خير ...
ماجد : لا بروح لهم الحين ... بتجي تعال ما تبي بكيفك ...
فهد : استهدي بالله يا اخوك و الله عيب نروح لهم بهالوقت ..
ماجد براحتك خذ السيارة ونا اروح بتاكسي سلام و كان بيطلع بس مسكه فهد بقلة حيلة انزين نروح
لهم و لا تعصب ..
ما نسيت طريق بيتهم اول و اخر مرة رحت مع مشاعل بيتهم .. أذكر زين ذاك اليوم ...
وصلنا لباب بيتهم و حصلنا اللايتات مفتوحه اكيد صاحيين ...
بدون تردد عكس العواصف اللي بقلبي ضغط على جرس الباب .. و فهد واقف بجنبي ..
ما رد علي احد ضغطه مرة ثانيه الا جاء هندي شكله الحارس .. غريبه ...
فهد : بابا موجود ؟؟؟
الهندي : ايوووة .. مين فيه انت ؟؟؟
فهد : انت قول له ضيوف يبوونك ...
الهندي : هووووو انت بدوو ؟؟؟
فهد بنص عين : بدو بعينك .. " و صار يكلج و يكسر بالحروف "... انت رووح كلام سوا سوا بابا فيه
ضيوف برا ..
الهندي " هز راسه بايجاب و دخل " ...
خرج واحد لابس ثوب و شكله صغير بالعمر ...
: نعم ..
فهد عاقد حواجبه : السلام عليكم و مد كفه ... رد عليه الرجال ..
لو سمحت يا اخوي هذا بيت محمد ... .... ....... ؟؟؟
الرجال : لا يالحبيب هذا بيتي و اعتقد انك تقصد صاحب البيت الاولي .. صح ؟؟
ماجد / ايه ووينه فيه ؟؟؟ " و انفاسه تتقطع " ..
الرجال : و الله مدري ..
ماجد بانفعال : شلووون ما تدري باايعك البيت و ما تدري عنه ..
فهد مسك ماجد و بعده و قال : انت تبي تتهاوش و السلام خلك هادئ و لا تتكلم انا بسأل ..
فهد تأسف للرجال : ااسف يا اخوي امسحها بوجهي بس فيه موضوع ضروري يخص راعي البيت
الاولي نبيه ضروري و الله جايين له من الرياض و بالبر حتى ما خذينا راحة تكفى ما تعرف عنه شئ
؟؟؟
الرجال يفكر : صدقني ما اعرف عنه شئ ..
فهد : انزين من متى بايع لك البيت ؟؟
الرجال : من حوالي 6 شهور ..
فهد : مشكور اخوي ما قصرت ...
الرجال عزمهم على العشاء و رفضوا ... ركبوا السيارة .. وحنا عند الاشارة عاد اشارات جده ساعه
عبال تشتغل و الزحمةشئ ثاني ..
شفنا نفس الرجال اللي كنا عنده يطلع من سيارته بسرعه .. و جاي لنا طلع له ماجد ...
الرجال يلهث : تذكرت هو عنده محلات بجده اعتقد اسمه الــ ..... و ...... و مطعم بس ما اذكر
اسمه ...
ماجد بفرحه يضم الرجال و يقول مشكوووووور و جزاك ربي خير و السمووحه رفعت صوتي ..
الرجال بضحكه : لا عادي .. يالله اتيسر انا ... و بالتوفيق لموضوعك ...
ماجد : ااامين يارب .. و يجري يروح لسيارة فهد لان الاشارة اشتغلت و علم فهد استانس فهد له ..
راحوا للمحل حوالي الساعه 12 الا ربع لانه بالتحليه و زحمة ..
فحصلوه مقفل و روحوا المحل الثاني و همبعد مقفل بالاخير استأجروا فندق قريب من المحلات و قضوا
ليلتهم فيه ..
اللي ما يحتاج اقوله ان الاثنين ما ناموا و يمثلون الرقاد على بعض لكن الفرق ان فهد حاس بماجد و
انه صاحي و النوم يجافيه لكن اللي ما يعرفه ماجد ان فهد بعد صاحي و النوم مجافيه ..
قلبين يجتمعون على قلب بس هالقلب يا ترى وش بيكون ردة فعله ...
^^^^
^^^^
|