2010- 8- 19
|
#36
|
|
متميزه بملتقى التعليم عن بعد - انقلش
|
رد: ممكن صديقه
السلام عليكم
لاتحاتين يالغاليه بتقدرين والمذاكره اذا تمت بشكل منظم ماراح تاخذ من وقتج وماراح تتعبج
شوفي يالغلاا
عندي بنات عمتي ثنين وحده عمرها 36 والثانيه 30 متزوجين من عمر جدي وعيالهم ماشاءالله كباار جميع الاعمار من عمر الثانويه الى عمر الروضه --->> لانهم تزوجوا اعمارهم 16
ردوا يدرسون معهد تمريض يقبل شهادات اولى ثانوي وتخرجوا بامتيازات (طبعا بالكويت يتوظفون مباشره) وبعد اسبوع واحد بس من الوظيفه ازواجهم تضايقوا من طبيعة دوام المستشفيات فقرروا انهم يطلعون زوجاتهم من وظايفهم
تخيلي شنو صار !!.. ردوا يدرسون ثانويه وكملوا وخلصوا وجابو نسب ماشاءالله ودشوا تربيه اساسيه
يعني مدرسات وراح يتخرجون بوقت قياسي لانهم ضغاطين نفوسهم ومعدلاتهم روعه ماشاءالله وبما انهم بالكويت راح يتوظفون بمجرد التخرج
وتعالي طالعي من ناحيه ثانيه ماشاء الله عيالهم متفوقين وقمة بالاخلاق مو انه امهاتهم يدرسون خلاص يهملون عيالهم ؟؟ بالعكس .. وازواجهم متمسكين فيهم ويحبونهم وهذا يدل انهم مو مقصرين مع ازواجهم
لا وعليهم طباااخ اف اف اذا رحت الكويت كله مطيحه عندهم يزيد وزني بسبة طباخهم
يعني القصد ملمين بجميع الجوانب الحياتيه المطلوبه ,, وهذا كله من الاراده والعزيمه واهم شي الهدف اللي بين عيونهم 
اتمنى تستفيدين من هالقصه ماذكرتها لج الا على شان تتشجعين وتتحمسين ,, ترا الشغله مو صعبه ولاهي اختراع صاروخ
وربي يوفقج يالغلااا
|
|
|
|
|
|