|
رد: سجل حضورك اليومي بكتابة بيت من الشعر
على الله يازمن بشكي جروحي والليالي طوال
عسى راعي العنا ينسى عناه وينشرح صدره
على الله يازمن بشكي همومي والهموم جبال
تعدت عاصمة حزني .. حدود العـــــالم بأسره
خساره يالسنين اللي كتبتي .. سيـرة الرحال
فرحت أمس وحزنت اليوم بس الخوف من بكره
لساني كم شكى صمته .. والا منه حكى ماقال
طغى طبع السكوت بسيرة المحروم من صغره
سقى الله يوم كنت اضحك وبالي مستريح البال
ضحوكٍ ماعرفت الحــزن وش معناه وش قدره؟!
وكبرت وكبرت أحلامي .. وصارت قصة الترحال
أماني .. في مهب الريح وحلمٍ مااكتمل .. بدره
|