ملتقى طلاب وطالبات جامعة الملك فيصل,جامعة الدمام - عرض مشاركة واحدة - اللغة الانجليزية طلباتك لكل ما يختص بهذا القسم

عسولة الشرقية · 2010- 8- 20

اقتباس:

المشاركة الأصلية كتبت بواسطة فنونه خالد

[align=center]
صباح الورد عليكم صبايا ,,,
انا طالبه كلية التربيه ونقلت بحكم الظروف لكلية الآداب في الدمام ,,,

اهلا اهلا يا حي الله يا حي الله

اسفرت وانورت

ابي اسألكم عن نظامكم في المبنى واللبس والجوال مسموح او لا ورئيسه قسمكم كويسه...الخ

قبل لا ابدا واتكلم ابي اقولك ان كلية الاداب اهون بكثيـــــر

من نظام كليتكم بهالاشياء

1- التنورة سودا او جينز وطبعا الجينز اي لون بس مو اتخربينها وتجين بجينز ابيض خلك بحدود الازرق

2- البلايز عادي اي لون اهم شي ما يكون الجبنيز حيل قصير
واذا انتي شيسمونه يعني (مليانه)لا تلبسين جبنيز لانك بتلفتين نظر الامن بس تراهم يمشون

3- التنوره ما تكون ميدي الا اذا على حد الكعب اوكي مسموح طبعا على حد علمي ولا تكون فيها فتحات بس انا شفت بنات مسوين حركه لحجيه بس عجبتني للاسف وبسويها ان شاء الله يلبسون تنوره فيها فتحه شطولها لكن تحتها تايت (السروال الي يجيك الى تحت الركبه بالضبط) ويكون التايت بنفس لون البلوزه عاد بيمسكونك الامن على هالحركه ولا لا اي دونت نو بس ماتوقع عموما انا عن نفسي بغامر فاذا شفتي وحده لحجيه مسويه كذا اعرفي انها انا

4- البلايز حاولي تكون الوانها معقوله فالنهايه انتي داخله كولج مو ملعب كورة

5- عباية الكتف مسموحه بس لا اتخليني اخذ اثمك البسي على الراس ازين وانا امتس

6- الجوال عادي ومو زيكم ممنوع اتكلمون داخل الكليه لا عاتي اتكلمين على راحتك بس حاولي ما تتكلمين بالقسم لان الامن ما يبون ازعاج عند القاعات واذا جيتي تتكلمين بره بالساحه وقربت منك وحدة من الامن لا اتسوين نفسك منزعجه منها خلك عادي لانها هي اساسا جايه تجس النبض وتروح تعرفين الامن حقينا راعين ذمه وضمير يخافون اننا شيسمونه انكلم ذاك الي يقاله بوي فريند بسم الله علينا :c8:

امزح ترا

7- بالنسبة للكاميرا هو ممنوع واذا لقوا معك واحد ياخذونه عندهم بعد سنه تجين انتي وولي امرك تاخذون الجهاز وولي امرك يوقع تعهد الظاهر انك ما تجيبينه مره ثانيه كاني قريت انهم يسون كذا بس ترا بنات واجد يجيبونه اهم شي لا اتطلعينه عند الامن واذا بشنطتك هو خشيه زين لانهم بعض الاحيان يفتشون الشنط بس مو مره يفتحونها يطلون طلعه سريعه وبعدها يمشكونك

اتوقع يشوفون جايبه اكل ولا لا خخخخ على فكره ترا الاكل ممنوع

8- على طاري الاكل جيبي معك ريالات واااااااجد لا تجيبين معك خمسه ولا عشره لان اله المويه تاخذ ريالات واله الشبيس ريالات والبيبسي ريالات لا وازيدك من الشعر بيت الكوبي سنتر (مركز النسخ )مو دائما ياخذون منك عشره ولا خمسه يقولون اصرفي نبي ريالات فبدال ما يرتفع ضغطك تبين ملزمه مستعجله بس مهنا صرف هذاني اقولك من اللحين خوذيلك ميه ريال واصرفيها ريالات وكل يوم خوذي فسحتك منها (اهم شي اني انصح نصايح ذهبيه ولا عمري طبقتها )

9- اذا تبين لوكر (خزانه تحطين فيها اشيائك)فهي ب 200 للسنه كونك اول مره تستاجرين السنه الثانيه 100

تكفون احس اني بصير وحيده لانو لسى ماعرف اي احد وعلى فكره انا بروح لثالث انشاء الله ,,,

وراه وحيده وانا موجوده انا برضوا طالعه لثالث ان شاء الله

فاي شي تبينه انا بالخدمه

سوري كثرت الطلبات بس بسأل عن الجدول احنا اللي نختاره صح بس كيف انزل جدولي وانا ماعرف وش المواد ,,,

يب انتي اتسوينه

وموادنا يا قمر

ترجمه 5

كتابه المقال 1

نثر 5

مسرح5

شعر 5

نقد 1

شكسبير 1

لغويات عامة 1

هذولي تلقينهم بالجدول بقسم اللغه الانجليزيه

وبعدين الله يسلمك تروحين للغه العربيه

واتدورين ماده اسمها اللغه العربيه (فن القصة)

وهذي الماده يدرسنا فيها مشاعل العكلي وعبد الباسط المدري ايش

وبعدها تروحين لجدول الدراسات وتاخذين ماده

النظام الاقتصادي في الاسلام والي اتدرسنا عنود محمد الخضيري

وانا الله يسلمك تعبت من الكتابه

فلي رجعه ثانيه افهمك الشياء الي للحين ماستوعبتيها

وبالنسبه للجدول لا تشيلين همه التسجيل بشوال

يعني فيه وقت اتضبطينه

واذا ودك اعطيك ايميلي وانضبط الجدول سوا من عيوني

انتي بس اكتبيلي هنا عسوله ابي ايميلك وارسلك اياه بالخاص

انا برسله لان انتي ما تقدرين ترسلين بالخاص الى ان تصير مشاركاتك 100

سوري ياصبايا على الاطاله ,,, بس بجد احس ضايق صدري لاني ماعرف ولا شي ,,,
تحياتي لكم ,,,

لا اطاله ولا شي وبعدين وشوله يضيق صدرك يا بعدي

هونيها وتهون انتي منا وفينا اللحين واي شي احنا حاظرين

ترا دفعتنا عسل :g8: انتي بس لا اتفكرين واجد وانبسطي برمضان وان شاء الله كل شي افهمك اياه

[/align]