المشاركة الأصلية كتبت بواسطة يارب ,

السلام عليكم ورحمة الله وبركاته

أبغى أسألك كلية العلوم

في الستة التحضيرية يتحتاج مني أرتب المواد
ولاّ هما يعطونا جدول و المواد مرتبة

يعطونكم جدول والمواد مرتبة وما يحتاج ترتبونها

ولا يحتاج مننا نسجل المواد

الا يحتاج اول اسبوع يعطونكم ارقام السي ار ان لكل مادة وانتو تسجلونها

طبعا


ندرس في السنة التحضيرية أحياء رياضيات كيميا فيزيا مهارات إتصال
طيب ما في السنة التحضيرية إنجليزي أو حاسب ؟؟ ما يعطونا شهادة ielts أعتقدت كذا إسمها أو شهادة حاسب ( تقن ) مودلات ؟؟؟؟

اول شيء انتوا تدرسون ترم تحضيري مو سنة تحضيرية

في هذا الترم ما تدرسون انجليزي ولا حاسب

لكن بعد ما تتخصصون راح تدرسونها كمواد عامة

لا ما يعطونك الشهادة اللي قلتيها ,,, درجات هالمواد تدخل بالمعدل يعني تدرسينها

كأي مادة ثانيه مثل التخصص



طيبي إيش يعني الترم الصيفي يعني أقدر أدرس بالإجازة السنة الدراسية إللي بعدها يعني أصير سنة ثانية

ترتيب المواد كييف ؟

الترم الصيفي ينزلون فيه عدد معين من المواد ,,, اذا كنتي انتي راسبه في مادة لا سمح الله ولقيتي هالمادة

نزلوها صيفي تقدرين تدرسينها لان في احتمال ما تكون نازله ضمن المواد بالصيف وما راح تقدرين تدرسينها

ايه في مجال تاخذين مواد من سنة ثانية مثلا ,,, وطبعا الدراسة بالصيفي اسهل وراح يساعدونك الدكاترة

بس مو كلهم

إيش تنصحوني ؟

انصحك انك تشدين حيلك من اول السنة وذاكري عدل ولا تنصدمين اذا طلعت النتايج

وصارت نتيجتك واطية لا سمح الله مع انك حالة زين بس توزيع الدرجات تختلف

والدراسة بالكلية تختلف عن الثانوي بكثييييير

كثير بنات لعبوا بأول سنة بعدين ندموا لانهم انصدموا انهم طلعوا راسبين بمواد مع انهم حالين زين

كمان ما في نشاطات أو فعاليات يسونها بالكلية إللي تزيد من الدرجات ؟؟



:praying: :praying: :praying::s3: