يا وجودي يا وجودي من عطى وقت ٍ بخيل ..
يوم غيري قام حظه و نحدر حظي وطاح.
البخت والحظ فيني مثل سعفات النخيل ..
يلعب النسناس فيها كل ما أقبل و راح.
كل ما هانت و زانت , عوّدت فيني تميل..
وما يسنّعها القصيد ولو شكى منها وناح.
مير أبسلى و تسّلى وشغل البال العليل ..
دام النور الصبح أبطى وما تبادا لي ولاح.
والحبيب إلّي فقدته ماله بقلبي بديل..
زاد شوقي في غيابه لين سر الحب باح.
صار دمعي في عيوني للعواذل هو دليل..
ألين كل ٍ بسم " نجلا " يرفع بصوته وصاح.
قصدهم يا بنت غبني , يوم غبني مستحيل..
ما دروا إني عسير وضاري بضرب الرماح.
وسلامتكــم ,,