ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات يا بنات السنة التحضيرية يحتاج مني أرتب المواد ؟؟؟؟

دمعه الشوق · 2010- 8- 25

اقتباس:

المشاركة الأصلية كتبت بواسطة باربي الشرقيه

إيش تنصحوني ؟

انصحك انك تشدين حيلك من اول السنة وذاكري عدل ولا تنصدمين اذا طلعت النتايج

وصارت نتيجتك واطية لا سمح الله مع انك حالة زين بس توزيع الدرجات تختلف

والدراسة بالكلية تختلف عن الثانوي بكثييييير

كثير بنات لعبوا بأول سنة بعدين ندموا لانهم انصدموا انهم طلعوا راسبين بمواد مع انهم حالين زين

يعني حتى لو ذاكرت بسقط لااني بالتحضيري ولا شلوون ؟

لا ان شاء الله انك ما تسقطين

واجتهدي بدراستك ولكل مجتهد نصيب

بس انا كان قصدي ان الدراسة بالثانوي تختلف عن الكلية

مثلا اختبارات اعمال السنة بالثانوي كنا ما نذاكر الا ليلة الامتحان ونجيب درجة حلوة

واذا درجتنا مو حلوة مو مهم لان نقدر نعوضها بالنهائي او نعيد الامتحان

لكن بالكلية اختبارات اعمال السنة عليها 30 او 40 درجة وما يكفي يوم تذاكرين فيه

يعني لازم على الاقل يومين تذاكرين هذه اذا كانت المادة سهلة او حلوة بس لو كانت

صعبة لازم قبله الامتحان بأيااااااام تذاكرينة >>>> هذا للمادة الوحدة بس

كيف لو عندك خمس اوست او احيانا توصل الى ثمان مواد >>>هذا بعد ما تتخصصين

يعني يبيلة مذاكرة اول بأول

وبيجيلك الامتحان اسئلة قليلة وعليها درجات كبيرة ويمكن اسئلة فيها شرح

تكون بالكتاب اكثر من صفحة او صفحتين .

وبعد الامتحان اذا درجتك لا سمح الله كانت منخفضه لازم تجيبين درجه عالية بالنهائي

عشان بس تنجحين لان درجه النجاح بكل المواد من 60 لازم ما تجيبين اقل من 60

عشان تنجحين .

وفي الاختبارات النهائية المواد راح تكون دسمة وعدد المحاضرات كثيرة

والمادة الوحدة تحتاج مذاكرة قبل الامتحان بأيام وكل مادة وحسب صعوبتها .

انا مو قاعدة اخوفكم بس ابيكم تكونون بالصورة وما تحسبون الدراسة بالكلية سهلة

وابيكم تشدون حيلكم وتكونون كلكم من المتفوقات ان شاء الله

قولو أميـــــــن

بعدين تذكروا انتوا تحضيري يعني لازم تجيبون معدل حلو عشان تقدرون تختارون

التخصص اللي انتوا تبونه

موفقين ان شاء الله