2010- 8- 26
|
|
Banned
|
|
|
|
الطفل الصغير
الطفل الصغير
اذا كان ابوه او اخوه الكبير ياخذوه معوه للمجالس
يحس ان لوه قيمه وانوه عنصر مهم في بناء هذه الامه
لكن للاسف على العكس من ذلك
وانا طفل صغير كنت ما احصل من اخوي الكبير وابوي الا الضيم
فهيدان جب
فهيدان ود
فهيدان تعال
فهيدان رح
فهيدان تدري جب لبن من البقاله
فهيدان ضف وجهك >> هذي اذا كنت ابي اروح معهم
وكان عندنا ولد جيراننا قاااااهرني
دايم يروح مع اخوه الكبير
ومدلعوه اخر دلع
عاد بصم الله على النعمه مدري شفيه زود عني
صحيح انوه نظيف ومهتم بمظهروه الخارجي
لكن انا محركاتي احسن منوه والبدي مرشوش
الوكاد اني حركت مخي
وانا اروح لاخوه الكبير
واسلم عليه
وانا احب يدوه
قلت تكفى
ياااعلك ما تموت تكفى يابن الاجواد
تكفى يالذيب
قال ياخوي اخلص علي وش تبي
قلت ابي اروح معكم
قال خلاص باتسر عقب صلاة العصر خلك عند الباب جاهز
وانا اروح اركض للبيت ابي اتجهز
ومن باتسر عقب صلاة الظهر وانا عند الباب
مكشخ مانا حليلي
لابسن فانيلة الارجنتين وسروال ريال مدريد >> يعني كاشخ
لااا والسروال مشقوق من عند الركبه
واعطتن امي عشر ريال
يوم مروني انا ارتسب معهم
ونمر الحلاق
واحلق
وانا اقوم اتحكحك من الشعر
بس عااادي
ونروح للاستراحه
ونتكي عند العيال خويانا
اول شي مسوي تكانه وجالس وساكت
بعدين قلت يا فهيدان خلك رجالن سنع وخلك عند الدلال
وانا اجلس عند الدلال
شوي
وهو يجيهم ضيف
ويسلمون عليه
ونانا جالس ماسكن الدله
حتى ماسلمت على الضيف ذالن احد يسبقن على الدله
اول ما جلس وانا انقز بالدله
يوم قربت لوه ويشقلن سلك التلفون حسبي الله على من حطوه
واحضر انا والدله بحضن الاخ الضيف
ومن الربكه وانا اقوم ارجع وارجع وارجع
وانا اخثع واجلس
اثريني جلست على الصخان ( الهيتر )
واحس بحراره
واشم ريح شوي
واقوم طيراااااان للمسبح
والعيال كلهم وراااااي
ودخااااااااان وراي
تقل مارتن من جنبهم سيارة فليت
واطب بالمسبح
ويالله يطلعوني
وولد جيراننا الله يجزاه خير نزل شماغوه ولفوه علي
ونروح للبيت وانا منبطح بالمرتبه اللي ورا
واسبوووع وامي تدهنن بمعجون اسنان
ليما بغا يطلع لي سنون
وعقب الاسبوع
ويطلعون ولد جارنا واخوه وانا واقف عند الباب اشر لهم
ويشطفوني
مدري وش جايهم مني ؟
وتقلدوا تحيتي
|