المشاركة الأصلية كتبت بواسطة السنة التعجيزية

الصراحه أول يوم يوم جميل سواء كنتي تعرفين أحد أو ما تعرفين

أنا كنت أعرف بنات وكانت بعد معي أختي في سنة رابع

بس ترى عادي مو متعلقه في أختي طول اليوم بس ودتني وقلتها خلاص أنا أبي أظبط نفسي بنفسي

بس أكثر شي أكره في الكليه الدوائر حقتها والصاله

الدوائر خلصنا الفصل الأول وأنا اضيع فيها << الله لا يبلاكم

كل مره الصبح توصلني أختي عند درج قسمي وتروح لقسمها..وجا يوم وقلت يابنت الحلال ما خليتيني اعتمد على نفسي خليني اروح بلحالي هالمره قالت اخاف تضيعين وتتأخرين قلت لالا أدل .. المهم وامشي وامشي ووقفت عند باب و واقعد اقرا وش مكتوب فوق ألا وتمسكي اختي وهي تضحك قالت وش تسوين قلت انا ادور قسمي انتي وش جابك ..قالت هذا قسمي يالفالحه قلت طيب وديني قسمي .. من جد اكسر الخاطر :s11:

<< ماشاء الله اقطر فهاوه

أما بالنسبة للصالة فصراحه اذا مشيت فيها ما أحس بأمان..أحس فيها بنات ( قلة حيا ) وكثير..

واكتشفت بعدين ان كل صديقاتي ما يحبون يمرون فيها نفس الشعور ..

نصيحه مني لك تجنبي تمرين في اماكن فاضيه بلحالك..مره كنت امشي بلحالي توني طالعه من اختبار و كان فيه شلة بنات واقفين مريت من عندهم غصب لانهم سادين الطريق قالت لي انتِ قد هالحركه وأنا بس ماره ما سويت شي أبد ولا فتحت فمي المهم سويت نفسي ما سمعت شي ومشيت عادي يوم ابعدت عنهم وتعديتهم حطيت رجلي وهات ياركض من جد خفت مره لدرجه أني كنت ارجف << والله وطلعت مو قد هالحركه اللي مدري وش هي :d



المهم ترا أول يوم في سنه أولى جامعة كأنه أول يوم في سنه أولى ابتدائي :d