<<يوم السبت الجميل إجتمعت فيه العائله كلها ,,خوالي وعيالهم والجيران,,كان هذا يوم تاريخي في قلوبنا كلنا,,كان ملكة سديم على ماجد,,وحصه على منصور,,,ومعالي على سلطان,,أجواء الفرحه غمرت بيت خاله رقيه,,والبنات واصلين حدهم من الوناسه,,
أنا سعدى رفضت الملكه لكن أعطيت يوسف كلمه ما أثنيها ولايمكن أتراجع عنها إني بأبقى ليوسف ولايمكن أكون لغيره,,أحب يوسف ولاعاد أستغني عنه,,صار يوسف كل شي بحياتي ,,تقبلني بعيوبي ورضى فيني سعدى مثل ما أنا,,بالنسبه لي الملكه ماهيب رابط حتمي يخلي العلاقه تستمر,,ياما ناس وناس ملكو لكن ما إستمرو لذلك طلبت من يوسف نأجلها لفتره,,ما أحب أدخل هالأجواء إلا وأنا متهئيه نفسيا,,وعارفه وش أبي بالضبط..يوسف فديت قلبه إحترم رغبتي,,,,,,,,
بعد مــــــــرور ثـــــلاث ســـــــنوات من زواجي بيوسف ماكتب ربي إني أحمل,,
((ههههه الظاهر للحين معربجه وتطامر))
نواف تزوج بشرى الزواج العائلي التقليدي ,,مافيه بينهم أي علاقة حب,,,طلال وأنس صار لهم حادث وتوفو الله يرحمهم من جد كانت أيام عصيبه وذكريات مريره كلما ذكرت وفاتهم وكل ذكرياتنا تجي وتروح في بالي لكن هذا قضاء الله وقدره فوق مشئية الإنسان,,أما حمده فهذه من المعجزات اللي محد مصدقها صارت داعية بأحد دور تحفيظ القران الكريم ((إنك لاتهدي من أحببت ولكن الله يهدي من يشاء)),,
دهام صار تاجر كبير وتزوج من برا العائله>> من عذره يصير تاجر ذل سعدى ذل على كفر السياره القعاطه ذابحته)
سالم مدرس العربي المفهي خطب أسماء وأنا للحين حاسه مافيه مجال للتوافق بينهم ,,واحد زاحف وطعس راااايح فيها وهي خكريه ماعندها سالفه بالحياة,,
هبوب تحضر الماجستير في بريطانيا والعايله إستنزلت عليها وخوالي حاربوها وكلهم وقفوا في وجهها لكن الإصرار لبلوغ العلم خلاها تتحدى الكل وتسافر هناك مع أصغر أخوانها.
أما كادي إستغلت موهبتها في الطبخ وبدأت مشروعها في تسويق الطبخات المحليه..وكان عليها إقبال منقطع النظير,,لأن شغلها مره حلو..
أروى أحبها موت هالبنت وأختي الصغنونه اللي مالي غنى عنها,,أقنعت يوسف يخطبها لزياد أخوه إلين ماتزوجها وهالحين هي عائشه جنب بيتي وكذا أكون وفيت بالعهد والوعد اللي قطعته لها يومن قلت لها والله ما أخليك بلحالك ورأسي يشم الهواء,,
(((في ذاكرة كل منا عبق من الذكريات يفوح شذاها من وقت لأخر,,,تجري بنا الأيام مسرعه تسابق خطى الرياح,,,تبعثر همنا وتنتشلنا من حزننا لتأخذنا إلى أمل فجر جديد وإلى ضياء شمس مشرقه,,لم يتبقى منها سوى الذكريات التي تعطر جراحاتنا,,تلك الذكريات التي جسدت معالم شخصياتنا ,,أحببناها بحلوها ومرها,,فهي بالنهاية ليست سوى مجرد ورقه من الماضي ترسم على شفاهنا البسمه من جديد))
((أنا سعدى ,,شقرديه ماتهاب وعربجيه عن ألفين رجال,,لم أمارس جنوني وحريتي(( بالشذوذ)) ولكن رسمت لنفسي خطى وحدود مزجت بين المحافظه والتحرر بقيود,,بين الجنون والعقل بطريقتي أنا وبإسلوبي الخاص الذي لايقبل القسمه على إثنين,,قوية أنا كالجبل,,ثابته على النهج القويم,,عربجيه بالشكل ,,بالتصرف غير أن الحق حق والباطل باطل,,إنحرافاتي بحدود هواياتي ,,لا أقبل إمتهان كرامتي ولا أرضى إمتهان عزتي,,قاعدتي في هذه الحياة رضى ربي,,رضى ربي فوق كل شي وفوق الدنيا ومافيها ثمن أسوي وش ما أبي,,إذا كانت تصرفاتي تتطاول على حدود طاعاتي ورضى ربي فإني أتنازل عنها لأجل الله وما سوى ذلك لايعني لي شي بالحياة))
ودمــــــــــــــــــــــتم بود...
سعــــــــــــــــــــدوش.....
بقلم الكاتية/ستيفانه الطائيه.
كاتبة رواية:1_عشق بدوي يابنت ماتفهمينه.
2_أبشري بعزك ياريم النقاء والطهر.
3_ فواز تكفى سامحني.
ملاحظه: ($) من خواطر المبدعه سمــــــــاء