|
رد: اهــ بس الى متي المصخره ياكليات الشرقية تعالو شوفو هذاي البنت وش تقول...
شوفي اهو ظالم من جهة وعادل من جهة ثااانية..
ظالم لانوو ممكن اي بنت يعني بالحظ تحط اجابات من عندها وتطلع صح..
وهاذااا اكبر ظلم طبعاً..
عادل لكل البنات اللي كانت أذهانهم حاضره في الحصص ومايعتمدون على الكتب المقرره عليهم بس
في يطلعون ويكثرون قرايه ويزيدون من ثقافتهم..
وأكيد يمكن تقوولين وش ذنب اللي ماتحب تقراا وهنا المشكلة العويصه
احنا اللي عودنا انفسنا على الحفظ عن ظهر قلب
احنا اللي اعتمدنا بس على المقرارت الدرسية لكل سنة ولما تجي سنه جديده
ويسئلونا وش خذتوو السنه الماضيه ..فنقوول لهم تبخر ليه؟؟
لان احنا حفظنااه بس عشان الاختبار ..بس عشاان اجيب نسبه وبعدين اسحبه من دمااغي..
وهذا النهااية ما استفدنا ولا شيء...
والهدف من هالاختبارات الجديده اللي معذبتنا ومطلع لنا قروون ...
ان المملكة تبغى تتبنى جيل له فكر علمي مثقف وااعي
مو يحفظ الكتب ويجي..
انا اقول كذا لاني كنت بنت مو مجتهده بس الحمدلله اكثر قراايه
ولو قلت لهم اني دايماً اقرا يقوولو شلوون تتحملينن..
ولماا جاا اختباار التحصيلي والله العظيم
اني ما تحسفت على كل كتااب قريته
على كل معلوومه خذتها ..
والحمدلله انا من المقبوولين وبدوون ظلم ولله الحمد..
واذا على ان الملك عبدالله يمكن يوقف هالشيء
اصلن اهوو اول واحد بيوافق على هالنووع من الاختبارات
لانه اكثر الدول المتقدمه تطبقهاا
وكل حاكم يبي لدولته التقدم والتطووور...
واكبر دليل انه هالاختبارات له هدف وااعي
شوفوا الفرق بينا وبين الدول اللي من سنين تطبق هالشي
عندهم فكر واعي وانتاااج كبييير..ام احنا للاسف نرفض التغيير..
بس انا معك في مسالة الكلياات المشتته
لانوو تعب عالبنت تطلع من بيتها كل يوم وتطق مشووار
بس تذكري"اطلبوا العلم ولو في الصين."
بعد يمكن تقوولين هذا حديث ضعيف مو مشكله
قال الرسول صلى الله عليه وسلم:
"اطلب العلم من المهد الى اللحد"
هذا بس يكفي على انوو لازم نضحي عشاان العلم
والله يسهل انشااء الله وتذكري انه طالب العلم له اجر كبير
خصوصاُ اللي يروح عشاان يتعلم من جد
وكل اللي الله كاتب لنا بيصير لنا غصبن علينا
فلازم الواحد ماييئس بسرعه كذا ويتذمر ويسب عشاان ماحصل اللي يبيه
ويتذكر يمكن في الامر خيره واذا في ظلم في الارض ترى العدل في السماا.
والصبر دائماً افضل الحلول
وفي الاخير ..
هاذي مجرد وجهة نظر 
|