2010- 9- 1
|
#708
|
|
أكـاديـمـي مـشـارك
|
رد: على البحــــــــــــــــر
تلاقينا .. وصرت إنت الوحيد اللي ملا دنياي ..
و غيرك راحت سنينه عبث ما حرّك إحساسي ..
تخاوينا على درب الفرح وخطاك جنب خطاي ..
وعدتك تبقى بعروقي غلا ما يعرفه ياسي ..
زرعتك نبض وإحساس ومشاعر وألف راي و راي ..
على حروة غلاك وجبت لك حبري وقرطاسي ..
أبـ أقلط صدر مجلس خافقك خابر هنا مركاي ..
وأبشرب من فناجيل الوصل ما يجلي عماسي ..
بـ أجر الصوت لين الصوت يوصل أبعد إمن إحكاي ..
ترا بعض الحكي ما يعترف بـ حدود وقياسي .. !!
صحيح أشيا كثيره بيننا ما هزها مغناي ..
ولكني أحاول أكتم الموضوع عن ناسي ..
إلى من زارني طيفك أسولف عنك رايح .. جاي ..
يطمني عن أحوالك وإنك منت لي ناسي ..
ترا كل الكلام اللي نطقـته من صدى ذكراي ..
بعد ما رحت يبقى قدرك بـ عيني وعلى راسي ..
عجز حظي ولا جابك وجر الحزن صوت الناي ..
على قول المثل ( حطاب وعندك إنكسر فاسي )
وتبقى غيبتك أقسى مراحل عشتها وياي ..
ويبقى خافقك بـ الذاكره عشقي و نوماسي ..
تفارقنا .. ولا زلت الوحيد اللي ملى دنياي ..
وغيرك لو قضى عمره ( حشى ) ما حرّك إحساسي
|
|
|
|
|
|