ملتقى طلاب وطالبات جامعة الملك فيصل,جامعة الدمام - عرض مشاركة واحدة - اللغة الانجليزية Third Year's Students Come Here To Be One Hand

عسولة الشرقية · 2010- 9- 2

اقتباس:

المشاركة الأصلية كتبت بواسطة don't be sad

[align=right]
السلام عليكم

وعليكم السلام ورحمه الله وبركاته

اهنن اهنن صباح الخير
عسولة اذا ممكن ودي أسألك عن رايك مين أفضل من مين ^^

ودي تطلعين أحسن شي من كل مجموعة

اكيد ممكن يا بعدي الا تامرين امر بعد

أمل الصيخان

حبوبه مرررره وطيبه كثير وذوق واخلاق وكل ابو شي بالعربي ترتاحين نفسيا معها

بس شوفي انا جربتها بماده اسمها معمل

فالماده بس تسمعين كلمات واتكررينها

فما ادري اذا كانت باتدرسك ماده تخصص بتكون متمكنه ولا لا

بس ماتوقع يعطونها مواد تخصص لان هالمواد اغلبها يدرسونها الدكاتره فقط

ليلى العقيلي

اعرفها بس ما جربتها

صديقاتي جربوها وكانت ماده تخصص

صراحه حبوها كثير

هي صحيح شديده اشويات بس الحلو فيها الوضوووووووووووح

فتحي عيونك زين بالكلاس وتنجحين باذن الله

بالنسبه لي لو قدامي هالثنتين مين اختار ؟

طبعا امل الصيخان لاني ارتاح لها نفسيا ومجربتها

تعرفين الي مجربته يكون افضل بالنسبه لك وبعدين اساسا الاسئله بتكون موحده فما في داعي للخوف باذن الله

لكن لو تسكرت عليك الشعب ليلى العقيلي يمدحونها كثيييير
و

لبنى باهمام

اممممممم حبوبة بس اقولك على سر

يختي احس صوتها رايح اشوي هي طبيعي كذا ترا

بس لما تشرح احس بلعومي يعورني

<----- الشره عليك الي تاخذين رايي

طيب نجي للجد

حبوبه وذوق (صراحه انا يهمني كثييير التعامل مع الطالبه اشلون يكون)

شرحها تحسينه بذمه واتحاول اتخليه قد ما تقدر على مستوى الطالبه , ممل اشوي بس يعني بنسبه 5%

بس تمام ترا
هيفاء الرميح

ماجربتها والله للحين
تهاني المنصور

تشرح بذمه وشرحها ممتع جدا ويدخل راسك على طول (بالنسبه لي بعض البنات ما عجبتهم)
و

نسرين نواب

قمة قمة قمة

شرح سلس , ممتع , واضح

انسانه جديه حبتين

تصحيحها هي تقول انه دقيق بس انا اشوف انه خوقاق صراحه

لانه مثلا اذا غلطتي بورقه الاختبار غلطتين تحسبلك اياها وحده (اذا كانوا بنفس الفقره طبعا)

وتصحيحها كله نص وربع نادرا ما يجيك شي عليه درجه

الا طبعا الاسئله المقاليه

بس خووووووووقاق

بدرية الشريف

تشرح بذمه , تعيد وتزيد بالمعلومات لو اقولك مليون مره يعتبر اشوي

بس للامانه شرحها ممل اشوي

مع انها والله حبوبه يعني حتى اذكر مره يوم شافتنا طفشانين قالت خلاص

قرروا يوم نروح نقعد على العشب الي عند بوابه الكليه حقت الدكتورات وتشرحلنا المحاضرة هناك

خخخخخ مدرسه على غفله

بس الحلو فيها انها فكرت تغير الجو غيرها والله ولا يهتم تبين تحضرين الكلاس حياك ما تبين الباب ياسع جمل

خديجه اسماعيل

انا جربتها بالمحادثه فقط لا غير

وطبعا كلاس المحادثه عباره عن سوالف سوالف سوالف

الترم الي بعده درست قرمر

مو لي

بس لصديقاتي

ويقولون انها مكمله السوالف والسوالف والسوالف

بس ترا حلو كلاسها لو الماده خفيفه بتوسعين صدرك يعني

مين بختار فيهم هالثلاثه نسرين نواب وبدون منازع بعد

بس تراها جديه يعني على انها تعطيك المعلومات بالقطاره ولا اتكثر فيهم بالكلاس الواحد

لكن مدري اشلون اخر الترم اكتشف انه كم هاااااااااااااااااااائل من الاشياء لازم تنحفظ
و

أحمد ابراهيم

اممممممم لازم اتشاركين معه

لازم مااااااااااا تغيبين

الواجب اتسلمينه بوقته وقد ما تقدرين حاولي اتخلينه شغلك انتي بس

انتبهي معه لكل كلمه يقولها لانه بعض الاحيان يجيب اشياء قالها وهو يسولف ويضحك مع البنات

لانه يدري ان كلاس الشبكه نادر ما ينتبهون البنات

فيجيب من بين الحكي الي قاله

ركزي ركزي ركزي مو معناته انه قاعد يسولف انه مو منتبه لشغلات معينه

ترا عليه حركات اتروع وانا ياحظي ما اكتشفتها الا يوم اخذت ورقه اختبار المد تيرم

لكن انتي حاولي قد ما تقدرين انك اتركزين

اذا انتوا شله بنات قسموا وقت المحاضره بينكم

مثلا اذا 3 بنات

اول ثلث على بنت اتركز واتخطط وتكتب وانتوا يمديكم اتفهوون اشوي

وبعدها كل وحده عليها الدور

هو الحل نص كم ترا

والافضل انك انتي اتركزين بالمحاضره كلها

بس بعض الاحيان يكون صعب انك اتركزين بمحاضره شبكه

تعرفين لازم تجيك لحظات اتفهين فيها لحظات البنات في قمه ازعاجهم لحظات اني تعبانه وحالتك حاله او نفسيتك منسده من اختبار شعر ولا هيستوري يعني هيك شغلات

بس انتي حاولي قد ما تقدرين اتورينه انك مهتمه

بورقه الاختبار اكتبيله اشياء هو قالها والهوم ورك قبل لا يعطيك اياه يقولك تعليمات اشلون تحلين طبقيها بحذافيرها

لانه مهما تفلسفتي على المايك 70% من جهدك بيكون على الورق بس

فالدكتور متعب حبتين لانه غصب يخليك تشتغلين مو زي الدكاتره الثانين

تكونين عارفه المعلومه (او ما تعرفينها

)و تحطين رجل على رجل وتشربين كوفي مروقه وتجين وقت الاختبار تحلين وتطلعين

هذا عنده لازم تشتغلين والتعب دبل طبعا لانه شبكه

لو قاعدين بعباياتنا وهو يشرح قدامنا قسم بالله ارحم

سارة الموسى

اممممم شرحها واضح ومرتب وتجيب الي تقوله اتركز على المشاركه اشويات

وشيسمونه بعد يختي احس لبسها انيــــــــق ومريــــــــــــح بنفس الوقت <---- ما قلتلك لا تاخذين شوري

بس والله انبسط على ذوقها باللبس جدا مريـــــــــح للكولج بس ماش معيي لا يجي معي هالذوق (الله يخلف بس:no2:)

مين بختار فيهم

مابعرف كلهم فيهم مميزات صراحه

بس يمكن ساره لانها مو شبكه

<< أن شاء الله أنك تعرفينهم كلهم :d

ويابنات اللي تعرف منهم احد تقولنا رايها الله يعافيكم
[/align]

اتمنى شرحي واضح ووافي بالنسبه لك