ملتقى طلاب وطالبات جامعة الملك فيصل,جامعة الدمام - عرض مشاركة واحدة

نواف القحطاني · #1 2010- 9- 3

أخبي دمعةً طاحت على جفني تجرحني ..

ألا يا وقت أضحك لي دخيلك خاطري مكسور ..

دخيلك مابقى فيني محل فيه تطعني ..

تعبت أداري العالم وحزني داخلي محفور
تعبت أسمع لشكواهم ولابه منهو يسمعني ..

صبرت وقلت بتحمل ولكن ماهو بالمقدور
أخبي دمعةً طاحت على جفني تجرحني ..

ابي ابكي ابي اصرخ بفجر من دموعي بحور
لان الدنيا ضاقت بي وكثر الصمت يذبحني ..

ابي احكي ابي اشكي بقول اللي ببالي يدور
أبيهم كلهم يدرون وش اللي حيل محزني ..

لي قلب امتلأ بالجرح وصار الحزن به معمور
وصدر يشتعل نيران لهبها دوم يحرقني ..

وهموم مالها آخر على راسي تجي بالدور
وأمل ضايع وفرج صاير أناديله ويصد عني ..

ألا يا وقت اضحك لي دخيلك خاطري مكسور
دخيلك ما مضى يكفي ألا يا وقت ارحمني

لكم ودي
رجعت لكم من بعد غيبهـ
تقبلوهالقصيدهـ كبدايهـ
جديدهـ
نـــواف الــقــح ـــطــانــي