المشاركة الأصلية كتبت بواسطة تفاصيل صغيرة

لاتعقدين نفسك ولاتاخذين الكلام من القيل والقال
خذي العلم من ناس لها علاقة بالجامعة و مجربين و عندهم معلومات صحيحة
اذا على القيل والقال بتسمعين كلام يحبط عزيمتك من هنا للسنة الجاية وماراح يفيدك بشي
مثل ماقالولك الاخوان معترف فيها ان شاء الله
و اذا لك رزق بوظيفة بتجيك لين عندك بس توكلي على الله وادرسي وخذي شهادتك وخليك متفائلة
وبعدين ترى حتى الانتظام و بعضهم بشهادات عليا بعد متوهقين بشهاداتهم ونصهم قاعدين عواطلية مو لاقيين وظايف
هي أرزاق , وبيد ربك سبحانه وتعالى , بس الرزق مايجي الا اذا سويتي اللي عليك و بذلتي جهدك واخذتي بالاسباب
شهادة انتساب بمعدل عالي في قسم انتي حابته احسن من الانتظام بقسم مليون وحدة متخرجة معاك منه ومعدلك مو تمام
.. هذا اعتقادي والله أعلم اذا صح او لا بس اتوقع فيه شيء من المنطق
واذا على الوظيفة تقدرين تتوظفين بالقطاع الخاص اذا مافي مجال للحكومي , الخاص مايفرقون بين انتظام وانتساب حسب علمي , يهمهم شهادة جامعية و دورات كل ماقدرتي تاخذين دورات لاتترددين كلها بتفيدك

انا كنت افكر بنفس طريقتك
لقيت اني قاعدة اضيع وقتي وعمري على الفاضي وكل ما انسألت عن تعليمي تجيني الغصة وانا اقول ثانوية عامة و اقعد ابرر واقول انا تزوجت صغيرة ومالحقت ومن هالكلام , بس الحقيقة غير , انا ضيعت من يدي فرصة الانتساب ذيك الايام بالكلية لنفس الاسباب اللي قلتيها ( اتعب نفسي على الفاضي وانتساب ؟ ) والنتيجة لقيت نفسي بدون شهادة مع كمية احباطات ضيعت علي سنوات كان ممكن اسوي فيها شي
عشان كذا قررت اسجل وادرس حتى لو انها انتساب , يكفي اني اتعب واجتهد واخذ تقدير مرتفع بتوفيق من الله يخليني افتخر بنفسي اني قدرت اخذه وانا بالبيت ..

وسالفة المحاضرات ان شاء الله انها بتنزل بوقتها وتقدرين تشوفين حماس اللي قبلنا يعني لو انهم شافوا اللي قلتي عليه ماكان كملوا ولا ساعدونا و شجعونا ..
الفوضى موجودة في كل مكان , بس مقدور عليها نقدر نتجاوز هذي المشكلة بمساعدتنا لبعض لاتشيلين هم

اعذريني على الاطالة بس حبيت اطمنك وانصحك نصيحة من قلب اخت والله

الله يسهل امورك ويوفقك ياعمري