الموضوع: الشيب
عرض مشاركة واحدة
  #1  
قديم 2008- 6- 27
موهوووب1
Banned
بيانات الطالب:
الكلية: متخرج جامعة الملك فهد
بيانات الموضوع:
المشاهدات: 480
المشاركـات: 3
 
الملف الشخصي:
رقم العضوية : 5661
تاريخ التسجيل: Thu May 2008
المشاركات: 536
الـجنــس : ذكــر
عدد الـنقـاط : 866
مؤشر المستوى: 0
موهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to beholdموهوووب1 is a splendid one to behold
 الأوسمة و جوائز  بيانات الاتصال بالعضو  اخر مواضيع العضو
موهوووب1 غير متواجد حالياً
الشيب



الشـيـــب



الشيب شفته في المرايه وصــديت
ماكنت أصدق إن ذا الشيب فيه


أثر الزمن يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البليّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه

وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البريّه

وقلت توبــــي يا نفس قبل ياليت
ماعـــــاد ينفع ليت وقت المنيّه

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه



وعلى الرسول أزكى سلام وصليت (صلى الله عليه وسلم)

أعداد ما هلٌت موزن النجٌية

تقبلوا تحياتي ,,,,,
رد مع اقتباس