أعذب أحساس انتي من اي فرع .... الخبر والا الدمام واي دفعة الثانية والا الاولى خخخخ
شوفي ياغلاي ... الامتحان ماراح يكون في الاكاديمية .....المكان تحدد المؤسسة العامة للتدريب المهني وتلقين الجدول والمواد اللي بتمتحنين فيها على حسب تخصصك والوقت اللي راح يكون فية الاختبار ومكان الاختبار الظاهر انه شركة الخليج للتدريب بالخبر ..... تأكدي من كل حاجة تلقينها في موقع المؤسسة العامة للتدريب المهني كل منطقة بالمملكة لها جدول خاص ووقت خاص تأكدي منه ....
اللي عليك بس انك تحطين اسمك بالاكاديمية انك راغبة في دخول الامتحان ... وهم يقولون لك كل حاجة ......
شوفي ياقلبي ... الاكاديمية شهادتها زي شهادة اي معهد .... دبلوم مصدق ومعترف فية واغلب البنات توظفوا وكلن وحظة ونصيبة .... انا اختي متخرجة من الاكاديمية والدفعة الاولى وجالسة في البيت وصديقاتي من الدفعة الثانية وجالسين بالبيت لكن بعضهم توظفوا والله بس يبيلك تدورين على الوظيفة ..... وياقلبي لا تقهرين نفسك الحين الجامعيات وبتخصصات علمية ودرجات عالية وجالسين بالبيت .....
غلطة اكاديمية التعلم انهم مايوظحون الامور للبنات ......يحسون انهم ضايعين بجد يعني زي مسأله الاختبار الشامل مو كل البنات عندهم علم بالسالفة تخيلي ربك يعين .... الاختبار بيبدأ في 3 رجب