ملتقى طلاب وطالبات جامعة الملك فيصل,جامعة الدمام - عرض مشاركة واحدة - هنا نستقبل استفساراتكم عن كلية الطب بالأحساء

اورجوان · 2010- 9- 12

وعليكم السلام ورحمة الله وبركاته

كل عام و أنتِ بخير أختي

هذا نسخ لبعض الكلام السابق اللي كتبته لبعض المستفسرين

اقتباس:

بالنسبة للانجليزي ..

لو تقرأ أو تسمع تجارب الكل ..

راح يقولون لك نفس الكلام ..

يعني ممكن اول شهرين ما تدري وين الله قاطك فيه !

لكن تدريجيا و مع الترجمة و الدراسة بجد , تبدأ تتحسن اللغه عندك

و شوي شوي تحس ان حاجتك للترجمة قليلة ..

لا تتوترون ..

ادري ان في خاطركم تعرفون كل يوم درسنا فيه طب ايش كان شعورنا ^^

لكن هذا صعب ..

لكل شخص ظروفه الخاصه فيه

و لكل شخص قدراته

و كلام اللي حولكم , مجرد تجربه , عشان تستفيدون منها ..

لا تظنون ان نفس الشخص اللي عانا من صعوبة مادة او شي انها صعبه مثلا و العكس صحيح

يمكن يقول لكم هذي المادة سهله و تلقونها من وجهة نظركم صعبه !

لما تفتح الجامعه راح تهدون لانكم بديتوا في خوض التجربة ^^ و الكل يبي يوري الكل قدراته ..

في كل سنة ..

استقبل في هذا القسم طلبة سنة اولى ..

لاان هم اللي غالبا يكون عندهم خوف و قلق ووو الخ ..

لكن بعد ما يعدون هذي السنة , ما اشوف حد ..

تدرون ليه ؟

لان صاار عندكم خلفيه عن االطب و بديتوا تعتمدون على انفسكم !

و المرحلة الجامعية تعتبر مرحلة اثبات الذات و الشخصية و الثقه بالنفس ^^

كل شخص فيكم , راح يواجه ظروف .. قد تساعده في الرقي او في الاحباط ..

لكن كل أملي .. انكم تواجهون الظروف مهما كانت قاسيه و تكملون دراسة ..

لان كل ظرف يعدي .. و الامور تتسهل بقدرة الله ..

و الطب حاله حال غيره من الصعوبة و لكن كل مجال له صعوباته الخاصه ..

لذالك ثقوا في قدرتكم .. و قبل هاالشي ثقوا في الله , لان بقدرته راح تنجحون ان شاء الله

و موفقين يا رب

الخوف شيء وارد يا أختي ..

الآن لما كنتي بسنة أولى ابتدائي ما كنتي خايفه و ما تبين المدرسة و يمكن تبكين تقولين ابي امي ههههههه , الجامعة مرحلة جديدة يعني لابد يكون الخوف موجود ..

لكن بعدين تتعودون ع الوضع و تتسهل الامور ان شاء الله

نسبة النجاح في الطب اكثر من الرسوب و هذا اكبر دليل على ان اللي يبغى ينجح بينجح ان شاء الله اذا بذل مجهود ..

موفقه